رواية حب أم كراهية للكاتبة سدرة أمونة الفصل الثالث
في الصباح يوم التالي
استيقظت لمار ع صوت طرقات ع الباب
خرجت من الغرفة وتسمع صوت كريمة تتكلم مع شخص
تقترب من الباب وكرمية هنا تكون قد انهت الحديث مع الشخص تغلق الباب و تدخل إلى غرفة الجلوس
لمار بترقب: مين هاد ماما؟
كريمة بابتسامة: هاد واحد بعت هاد الظرف فيه مصرات قال من واحد عرف قصتنا وحب يساعدنا.
لمار اخذت الظرف من يد كريمة شاهدت النقود بقلبهِ وبهِ مليون، اعطت النقود ل كريمة بعد ما اخرجتهن من الظرف، وقعت ورقة منهن
تمد يدها و تأخذ الورقة تفتحها وتقراءها بصدمة.
محتواها، مرحبا انا الشخص يلي ضربتي كف ع خدو، ع فكرة لهلئ لسه معلم محلو، انا عرفت بقصة ابوكي و حبيت ساعدو، بس بشرط لازم تتزوجيني، واذا ما وافقتي المصرات يلي بالظرف هني مزورين رح خبر الشرطة وهني رح يعرفو شو يعملو، و علما ما عندك ادلة كافية لحتى تقولي انا، معك مهلا لبكرا الساعة ٢ الظهر اذا وافقتي بتروحي ع(، ) و بتشوفيني هنيك، واذا لأ الشرطة الساعة ٢و خمس دقائق بتكون عندكن..
هبطو دموعها بصمت رهيب، نظرت كريمة اليها و تتكلم معها و هي لا تجيب عليها لانها بعالم اخر
كريمة بقلق: لمار شبك، لك لماااار
لمار: اي امي في شي
كريمة: شبك ليش عم تبكي
لمار قبل ما كريمة تشاهد الورقة خبئتها بجيب البنطال وتكلمت بهدوء: لأ مافي شي بس نزلو دموع الفرح واخيرا رح نعملو عملية ل ابي
كريمة: الله يرزقو و يعطيه ع حسب نيتو يلي بعت المصرات.
لمار بقلبها: اخخخ يا امي لو بتعرفي شو المقابل كنتي لا قبلتي ولا حتى دعيتي، لا بالعكس كنتي دعيتي عليه، وانا هلئ شو اعمل روح ولا لأ، خلص رح روح اهلي اهم كلشي بحياتي.
جالس ع الشرفة و ينظر إلى حبات المطر الذي زاد جمال الحياة، يجري اتصال
كاظم: اي حبيب
يوسف: شو صار معك؟
كاظم: متل ما قلتلي رحت و عطيتها الظرف ل امها
يوسف بقلق: انشالله تكون الرسالة صارة تحت ايدها
كاظم: انشالله.
الساعة الثانية ظهراً بتوقيت مدينة دمشق
ذهبت لمار بعد ما حسمت امرها بأن تقبل بالزواج منهُ حتى يبقى اهلها بخير
وصلت إلى المكان الذي حددهُ يوسف تشاهد شخص واقف بشموخ و ثبات وظاهر عليه العز
تتوقف مقابله و تتكلم بهدوء: مرحبا
نظر اليها يوسف ببرود: اهلين
لمار اخرجت الورقة بترقب: انت صاحب الرسالة
يوسف ببرود تام: امم اي انا
لمار: شو بدك مني
يوسف: واضح بالورقة، بدي اتزوحك
لمار: و شو السبب؟
يوسف: هيك حيوني.
لمار: اممم، حيوني قلتلي، وليش هالحيوني
يوسف بغموض: الايام الجاية بتعرفي
لمار: واذا اتزوجتني شو الضمان ما يخليك تغدر فيي و ما تعمل العملية ل ابي
يوسف: مو يوسف ابن كمال بيخون الوعد
لمار بسخرية: طلع اسم زوجي المستقبلي يوسف، عاشت الاسامي
يوسف بابتسامة: اي و انشالله بعد الزواج بتعرفي شخصيتي و شو بشتغل و مكانتي بالمجتمع
لمار بجدية: انا ما عندي مشكلة اتزوجك بس بشرط اول لازم نعمل عملية ل ابي.
يوسف: اي لأ ما حزرتي، و بلكي غدرتي فيي و ما قلبتي الزواج
لمار بضيق: منكتب الكتاب هلئ و بعد العملية العرس
يوسف بابتسامة نصر: تمام، بكرا الساعة ٨ بكون عندكن مشان اطلبك رسمي
لمار بحزن: ماشي.
المساء في منزل لمار
كريمة بترقب: ومين هاد؟
لمار بحزن: يوسف كمال
كريمة: شو بيشتغل؟
لمار بارتباك: هااا، اممم، بالشركة ابو
كريمة: ليش شو بيشتغل ابو
لمار بتوتر: ما بعرف، نسيت، ع كل حال بكرا جاي و سئلو
كريمة: انشالله خير.
كاظم بترقب: وشو رح تقول ل اهلك؟
يوسف: ما رح قلن
كاظم بذهول: إيييي و كيف بدك تطلبها لكن
يوسف بعدم مبالاه: لحالي و زيادة كمان
كاظم: واذا عرفو و ما قبلو شو رح تعمل
يوسف: يقبلو او لا هاد شي ما بيهمني كل يلي بيهمني انو انتقم
كاظم: الله يبعت الخير.
في يوم التالي المساء في منزل لمار
احمد بابتسامة: اهلا وسهلا يا ابني
يوسف بابتسامة مصطنعة: تسلم يا عم
احمد: اي ابني، انت شو بتشتغل شو دراستك و ين اهلك
يوسف: انا اسمي يوسف كمال، خريج طب بشرية، بشتغل عندي عيادة و بشتغل بالمستشفى حكومي، ابي اكبر جراح بالمستشفى عنا شركة خاصة لصناعة الادوية، اهلي مسافرين هلئ
احمد باعجاب: مشالله عليك.
يوسف نظر إلى لمار بشر مغلف بحب مزيف: شفت بنتكن عجبتني اخلاقها، تربايتها، سئلت عنها قالولي كلشي كويس، وانا بتشرف اطلب ايد بنتك ياعم احمد، و انا كتير مستعجل
احمد: بس ما بدنا نستنى اهلك
يوسف بهدوء: انتو سئلو عني هلئ وبعد ما يجو اهلي بصير كلشي رسمي
احمد بابتسامة: الله يقدم يلي فيه الخير، لكن عطينى مهلة يومين لحتى نشوف رأي البنت
يوسف بابتسامة: تمام، انا بستأذن
خرج يوسف و هو يفكر كيف سيقول ل اهله.
جلست لمار ع الكنبة بحزن و هي تفكر بمستقبلها المجهول.
ياترى ماذا سيحدث؟ وهل سيقول يوسف ل عائلته؟ ولا لأ؟ وسوف يتقبلوها كنة العائلة؟ و لمار ماذا يخبئ لها الايام؟ ايام حلوة ام سيئة؟