رواية جوازة بدل للكاتبة سعاد محمد سلامة الفصل السادس عشر
بعد مرور عشرون يوما.
مساء
بمكتب يوسف الخاص بالمحاماه.
رمى عمار بجسده على أحد مقاعد ال يشعر بإنهاك.
تبسم يوسف بمكر قائلا: أيه أقول سلام يا رجوله
إستقام عمار بجلسته بالمقعد قائلا: لأ أطمن لسه الرجوله موجوده بس هلكان من الشغل اللى مش بيخلص غير أنى مسافر الصبح الفيوم ورجعت في نفس اليوم صد رد يعني.
تبسم يوسف بمكر قائلا: وأيه الى رجعك في نفس اليوم كنت بات هناك في المزرعه وتعالى بكره حتى الجو في الفيوم دفا عن هنا في المنصوره.
علم عمار أن يوسف يتخابث عليه ليقول ببسمه: سيبك من رجوعى عندى الاهم دلوقتى واللى جيتلك مخصوص علشانه قبل ما أرجع البيت.
تبسم يوسف يقول: وأيه المهم ده اللى يخليك تجيلى بدل ما تروح البيت تطمن على الناس اللى فيه؟
رد عمار: بص بقى أنا وأنا في الفيوم قابلت حسام إبن اللواء ثابت هناك وعرض عليا أشاركه. في مشروع شركه لأستصلاح الاراضى.
رد يوسف: مش ده العرض اللى سبق وعرضه عليك اللواء ثابت وقولت وافقت عليه مبدئيا!
رد عمار: هو بس اللواء ثابت هيسلم كل شغله لابنه حسام وهيرتاح هو بيقول إنه كبر وكمان إبنه عنده فكر إقتصادى عنه وكمان الحكومه حاطه شروط للمشروع يكون بين عدد من الافراد وأنا فكرت أنك تدخل معانا شريك.
رد يوسف بعدم فهم: أدخل معاكم شريك إزاى ومنين ما أنت عارف البير وغطاه أخوك.
المكتب نص قضاياه ل حقوق أهل البلد الغلابه والقواضى التانيه أهى ممشيه الحال أنا لو مش أنت كان زمان مكتبى إتقفل ورجعت أشتغل مع المحامى اللى كنت بدرب عنده قبل ما أفتح مكتبى ده في شقة ماما وكمان مصاريف علاج أسماء بعد كل مره بتجهض غير أنها لو عرفت إن واحده إتاخرت في الخلف وخلفت تجرى هي وأمى يسألوها عن الدكتور وتروح له على امل والمصاريف مكلفه جدا.
تبسم عمار يقول: ربنا يرزقك بالذريه الصالحه ليه قاطعتنى قبل ما أخلص كلامى
بص يا يوسف الشركه أكيد هتبقى محتاجه مستشار قانونى خاص بيها وأنا واثق في خبرتك يعنى مفيش لا عقد بيع ولا شراء أنا بمضى عليه من غير ما تكون أنت فاحصه ومدققه كمان أنت دى هتبقى نسبتك في الشركه ل انك هتستلم الشئون القانونيه بدء من إجراءات إنشاء الشركه نفسها.
فكر يوسف لدقيقه ثم تبسم.
تحدث عمار: وأيه سر البسمه دى بقى؟
رد يوسف: أصل لو عندى أخ من دمى مكنش هيفكر فيا كده طول عمرك كنت بتوقف جنبى أنا وخديجه لما جيت على نفسك وإتجوزتها وإنت شاب صغير وحميتها هي وولادها تعرف أنا أوقات كنت بتمنى إن جوازك إنت وخديجه يتحول من جواز على ورق لجواز فعلى بس للأسف المشاعر بينكم مازادتش عن أخوه وأنا أكتر واحد عارفك يا عمار.
تبسم عمار وهو ينظر له تذكر حين كان تائه منذ أيام
فلاش باك
أحيانا كل ما تحتاج إليه هو شخص يسمعك.
يسمعك فقط حتى لو إنتقدك ولامك لاحقا على خطأ لم تكن لتعترف به.
هذا ما حدث بالضبط.
نظر يوسف لعمار مذهولا يقول: مش فاهم يعنى إيه إبن أغتصاب وأغتصبت سهر ليلة زفافكم فهمنى.
جلس عمار على أحد المقاعد، يطفئ سيجاره ويشعل أخرى نفث دخانها بغضب شديد قائلا: سهر، مكنتش موافقه على جوازها منى وعندى يقين أنها في كل مره بتسلمنى نفسها خوف لأغتصبها مره تانيه.
تعجب يوسف قائلا: بتقول إيه!
ولما هي مكنتش موافقه على جوازها منها إزاى إتجوزتك.
رد عمار: معرفش إزاى سبق وقولتلك إنها رفضتنى قدام بابا وعمى بس تانى يوم وائل قال أنها وافقت ومش بس ده الى حصل؟
صمت عمار، ينفث دخان السيجاره
تعجب يوسف يقول: إيه تانى الى حصل!
سرد عمار ليوسف عن ذالك الخطاب الذي وقع بيده بين دعوات الزفاف ومحتواه الذي أغاظه وقتها من سهر وإحتراق ذالك الخطاب دون قصد منه وسماعه، لحديثها مع إبنة عمها بالمسجد يوم عقد القران كل تلك كانت أسباب في معاملته لسهر بعنف ليلة زواجهم.
تعجب يوسف قائلا: مش حتة جواب لقيته بين دعوات الزفاف هو السبب، في إنك تغتصب سهر بالطريقه اللى قولت عليها كان فين عقلك يا عمار مش يمكن الجواب مكنتش هي اللى كاتبه الجواب لو مكنش الجواب إتحرق كان بسهوله تواجها بالمحتوى اللى قولت عليه حتى لو سمعتها بتكلم بنت عمها في المسجد يوم كتب الكتاب مش يمكن فهمت غلط وقتها واضح إن بنت عمها كان عندها علم بالجواب ده لأنك قولت إنها إرتبكت لما سهر سألتها وكمان قالت إن بنت عمها، ط كانت موافقه عالجوازه من الأول.
رد عمار: معرفش أنا مفكرتش حتى سهر عصبتنى ليلتها بطريقة ردها عليا كنت عاوز أكسرها قدامى وأمتلكها بأى طريقه كنت بنفس عن غضبى.
تعجب يوسف قائلا: أى غضب
صمت يوسف لثوانى ثم قال بمفاجئه: عمار إنت شوفت سهر قبل ما نروح نسأل على وائل يوم أختفاء غدير؟
رد عمار: أيوا شوفتها كذا مره بالصدفه مرتين في الطريق ومره كنت في فرح جنب بيتكم بس مكنتش أعرف هي بنت مين غير لما إتفاجئت بها يومها قدامى وطريقتها في الرد عصبتنى.
تبسم يوسف: وطبعا عجبتك ودخلت مزاجك بس طبعا عمار زايد لازم ينكر ده.
نظر عمار ليوسف بعدم فهم قائلا: قصدك أيه؟
رد يوسف: أنت وقعت في حب سهر يا عمار
من أول ما شوفتها.
تعجب عمار يقول: بتقول إيه أكيد...
قاطعه يوسف قائلا: أيوا حبيت سهر بس غاظك أنها مبادلتكش نفس الشعور فاكر لما قولتلى أنك مش ممانع تجوز ظهور سهر هو اللى خلاك تاخد الخطوه دى والأ ليه متجوزتش من سنين كان قدامك البنات أشكال كتيره بس ظهور سهر كان دافع أنك تاخد الخطوه دى بس فوجئت بسهر مكنتش عاوزاك غرورك إتحكم فيك وطبعا إزاى عمار زايد واحده ترفضه أنا وإنت عارفين إن غدير، ط لو كنت إتقدمت لها كانت هتوافق بس هي كانت عاوزاك إنت اللى تطلبها مش يفرضوها عليك وكمان إقتراح البدل كان فرصه جاتلك حسبتها في دماغك كده بس إنت كنت عاوز سهر بالذات وناوى عليها لأن لو مكنتش سهر في الموضوع مكنتش هتتجوز بنت عمها لانها مش في دماغك أصلا بس سهر كانت شغلت عقلك وكمان في سبب تانى، ط حكاية فرق السن بينك وبين سهر خمستاشر سنه مش شويه إنت مفكر إن عقلها صغير بالنسبه لك.
نفث عمار دخان سيجارته ينظر ل يوسف بتفهم.
يوسف أظهر الحقيقه أمام عيناه واضحه حقيقة مشاعره هو حقا أحب سهر دون عن باقى النساء الآتى قابلهن بحياته.
تبسم يوسف قائلا: تعرف أنى صدقت كلمة السعيد في المال تعيس في الحب
الحب مش حسبة مكسب وخساره يا عمار
الحب إحساس بيدخل للقلب بيلغى كل الحسابات
إنت تاجر شاطر بس في المشاعر لسه تلميذ بيدأ يتعلم أول حروف العشق.
عاد عمار، من تذكره لتلك الليله التي كشف يوسف له حقيقة مشاعره لسهر أمام عيناه.
باك
نهض عمار واقفا يقول: فكر في عرضى ومستنى موافقتك سلام أنا بقى إبقى سلملى على أسماء وكمان حماتى.
نهض يوسف قائلا: خلاص بقى مبقتش حماتك الأستاذه نوال هي حماتك دلوقتي إكسب رضاها بس انا شايف أنك كسبانه من زمان يلا ربنا يهنيك وسلملى على سهر وخديجه وولادها قال يوسف هذا ونظر لساعة يده قائلا: بس معتقدش خديجه وولادها هيبقوا صاحين لدلوقتي الساعه قربت على حداشر وربع وولادها عندهم مدارس بس ممكن تروح تلاقى سهر منتظراك لو كنت بلغتها أنك على وصول وأنت جاى في السكه.
تبسم عمار وتهرب من الرد يقول: تصبح على خير.
قال عمار هذا وغادر
نظر يوسف في أثره مبتسما يتمنى له السعاده.
بمنزل عطوه بشقة وائل.
كانت غدير تجلس على فراش غرفة النوم
تاره تقلب بقنوات التلفاز وتاره أخرى بين مواقع النت على الهاتف
بسأم وضجر
الى أن سمعت صوت فتح باب الشقه.
نهضت سريعا وتوجهة الى الخارج رأت دخول وائل منهكا من العمل قالت بسخط: أيه اللى آخرك كده أكيد كنت عند مامتك لازم تمضى عندها حضور قبل ما تطلع هنا.
رد وائل بإنهاك: أنا مشوفتش ماما من إمبارح وأكيد زمانها نايمه دلوقتي أنا يادوب راجع من مركز الصيانه كان عندنا صيانه لأجهزه كتير و لازم تتسلم الأجهزه دى في ميعادها علشان سمعة ومصداقيه المركز من فضلك سيبينى أخد حمام يفك جسمى كله حاسس أنه متشنج وياريت تحضرى لى عشا لانى متغديتش على فطورى من الصبح.
ردت غدير: ليه هو الشغل في المركز كتير كده دايما نفس الموال كل يوم تقريبا.
رد وائل: مش مركز صيانه تابع لشركه أجهزه كهربائيه كبيره وليها سمعتها في البلد فلازم تحافظ على خدمة العملاء بتوعها.
نظرت له غدير قائله: طب على ما تاخد حمام هكون حضرتلك العشا.
بعد قليل إنتهى وائل من الطعام وذهب الى غرفة النوم وتسطح على الفراش يشعر بالأجهاد الشديد.
بينما ذهبت غدير الى لمطبخ تعيد بقايا الطعام ثم دخلت الى غرفة النوم رآت وائل متسطح على الفراش. يغمض عيناه
فقالت له: وائل إنت نمت ولا أيه.
رد وائل: لأ ليه.
ردت غدير: كنت عاوزه أتكلم معاك شويه.
رد وائل: بعدين أنا مش قادر محتاج أنام وأريح جسمى أنا هلكان طول اليوم من مركز الصيانه لبيوت بعض العملا بصلح لهم في أجهزتهم.
ردت غدير: ما الموضوع اللى عاوزك أكلمك فيه يخص كده وكمان في مفاجئه عاوزه أقولك عليها.
نهض وائل يقول بإجهاد: خير يا غدير.
ردت غدير: خير هقولك أنا عارفه أن مامتك وارثه قراطين مبانى قريبين من السكه الرئيسيه بالبلد مظبوط.
رد وائل مظبوط بانيه بيت على قيراط من تلات أدوار خلاف الدور الارضى جراچات ومأجراه شقق لكذا دكتو والدور الارضى فيه كذا محل، بس بتسألى ليه؟
ردت غدير: وطبعا أنت لوحدك ليك قيراط من الاتنين دول ميراثك منها فلازم تخليها تكتب القيراط ده بأسمك.
نظر وائل متعجبا يقول: بتقولى أيه ماما لسه عايشه ربنا يديها طولة العمر عاوزانى أورثها وهي على قيد الحياه.
ردت غدير سريعا بكذب: مش قصدى. ربنا يديها طولة العمر و يديم عليها الصحه فهمتنى غلط وأنا اللى بدور على راحتك ومصلحتك، بس هوضحلك
بص بقى.
أنا شيفاك كده هلكان في شغل مركز الصيانه وفي الاخر المرتب اللى بتاخده لو بتشرب سجاير مش هيقضيك وإحنا داخلين على مسؤليات وهنحتاج مصاريف كتير ولازم نفكر في المسؤليات دى وأنا فكرت وعقلى أرشدنى إحنا ليه منفتحش معرض بيع أجهزه كهربائيه هنا في البلد تقريبا مفيش أى حد بيبعها الكل بينزل يشترى من المحلات سواء في المنصوره أو المراكز الى حوالينا وكمان معظم القرى اللى حوالينا نفس الشئ فأحنا لو فتحنا المعرض ده هنكسب الزباين دول.
تعجب وائل يقول: برضوا مش فاهم قصدك ومعرض أيه اللى هنفتحه إنتى عارفه تكاليف المعرض ده قد أيه هو محل كشرى ده معرض أدوات كهربائيه يعنى الجهاز لوحده بالسعر الفلانى.
ردت غدير: إنت اللى مش فاهمنى بس هبسطهالك، بص بقى
أحنا محتاجين مكان للمعرض ده يكون على مورد رئيسى وقدامه سكه واسعه وقريب من الطريق و أرض مامتك فيها المميزات دى إنما الأجهزه أمرها محلول بسهوله.
رد وائل: طيب هنجيب تمن الاجهزه الى محلول أمرها بسهوله دى منين أنا القرشين اللى كانوا معايا إتصرفوا عالعفش والجواز.
ردت غدير: من بابا أكيد مش هيمانع. لو طلبت منه بس أكيد لازم يكون عنده ضمان قبل ما يوافق.
نظر لها وائل قائلا بإستعلام: وأيه بقى الضمان ده؟
ردت غدير: الارض اللى هيكون عليها المعرض ده لازم تكون بأسمك ما هو مقدرش أطلب منه يدينى الفلوس وأنا مش ضامنه أن أرضية المعرض مش بأسمك.
تعجب وائل يقول: قصدك،؟
ردت غدير سريعا: آه زى ما فهمت قصدى أن مامتك تكتبلك القيراط التانى بأسمك وقتها أنا أكلم بابا وأخد منه الفلوس ونبقى شركاء أنت بأرض المعرض وأنا بتمن الأجهزه ووقتها مش هتبقى محتاج تشتغل في مركز الصيانه من تانى وهتبقى شريك في معرض أجهزه كهربائيه وتبقى واحد من الموزعين للشركه اللى تابع لها مركز الصيانه.
لمعت الفكره في عقل وائل كذالك تخيل نفسه وهو يقف بذالك المعرض يبيع ويشترى لحسابه الخاص تبسم بتلقائيه ونشوه
لاحظت غدير بسمته
إبتسمت بمكر هي الأخرى. فالفكره ليست فكرتها فهى فكرة هيام التي قالتها لها لكن ليس بهذا الشكل هي عرضت ألارض فقط دون ذكر تسجيلها بأسم وائل لكن غدير جودت الفكره وفكرت لما لا تكون أكثر ضمانا.
نظر وائل ل غدير يقول: من بكره هقول لماما على الأرض وهطلب منها تسجيلها بأسمى متأكد ماما مش.
هتمانع طالما المعرض فيه راحتى.
تبسمت غدير بخبث قائله: وأنا أول ما حماتى تسجلك الارض هكلم ماما تقول لبابا فورا لازم يكون في إيدينا ضمان قدام بابا.
تبسم وائل بموافقه يقول، بتذكر آه أنتى قولتيلى عندك مفاجاه أيه هي ولا تكون فكرة المعرض هي المفاجأة؟
ردت غدير: لأ مش هي بصراحه في مفاجأة انا أتأكدت منها النهارده بعد ما روحت الشغل بصراحه كده أنا كان بقالى كام يوم متلخبطه ومزاجى بيتغير بسرعه وكمان نفسى مسدوده عن الآكل وأن آكلت الأكل مش بيستنى في معدتى وجالى شك في سبب ده وقطعت الشك باليقين وروحت للصيدليه وجبت إختبار حمل وعملته وطلع إيجابي وكمان زيادة تأكيد روحت لدكتورة النسا وأكدتلى أنى حامل في حوالى أربعين يوم.
فرح وائل كثيرا وأحتضنها يقول بسعاده: مبروك يا حبيبتي أنا الصبح هقول لماما وكمان باقى العيله هيفرحوا قوى بالذات تيتا آمنه.
تحدثت غدير سريعا قائله: لأ مش لازم حد يعرف بالخبر ده دلوقتى متنساش أن سهر مبقلهاش وقت سقطانه وممكن يزعلوا وأنا كمان مش هقول لحد من عيلتى. بالذات أسماء علشان بتحمل وتسقط ممكن تزعل لو عرفت أنى حامل وهخلف قبلها.
حضنها وائل يقول: براحتك يا حبيبتي بس أنا سعيد قوى وواضح أن الحمل ده هيبقى وش الخير علينا.
تبسمت غدير تفكر فهى حصلت على وائل بمبادلة زواج وبدأت تجنى السعاده في نظرها فقريبا سيصبح وائل مثل عمار بعد أن يصير صاحب معرض أجهزه كهربائيه كبير وأيضا ستصبح أما قبل أن ينجب هو أما هو لم يكن يريدها ووقع نصيبه بسهر التي أجهض حملها في مهده.
بمنزل زايد
بشقة سهر
بغرفة النوم
كانت سهر نائمه على ظهرها.
جفاها النوم وهي تنظر عمار. الذي هاتفها قبل ساعتين يخبرها أنه على مشارف البلده عائدا من الفيوم لكن لما تأخر الوقت أصبح منتصف الليل شرد ذهنها أيكون حدث له شئ سئ بالطريق نهضت تنفض عن رأسها تفكيرها السئ وآتت بهاتفها من على طاوله جوار الفراش فتحت الهاتف وفكرت أن تهاتف عمار تعلم لما تأخر لكن تراجعت بدون سبب عادت تفكر تهاتفه لكن تراجعت حين سمعت صوت سيارته دخلت الى فناء المنزل.
نهضت من على الفراش سريعا. وتوجهت الى باب شرفة الغرفه أزاحت الستائر قليلا. تنظر من خلف الزجاج الى دخول عمار الى المنزل. تنهدت بأطمئنان. لكن خشيت أن يكون رأها فتركت الستائر وعادت سريعا الى الفراش تتسطح عليه
أغلقت هاتفها ووضعته محله ثم أظلمت الغرفه الأ من ضوء خافت جذبت غطاء الفراش عليها وأغمضت عيناها لاتريده أن يعرف أنها كانت مستيقظه لهذا الوقت تنتظر عودته.
بينما عمار رف قلبه حين نزل من السياره ورفع رأسه لشرفة الشقه رأى تسرب بعض الضوء من الباب الزجاجى للشرفه. ربما لم يرى سهر لكن تسريب الضوء كان واضح وسرعان ما تعتمت الشرفه مره أخرى
تبسم بشوق كان يقطع درجات السلم بتلهف لرؤيتها كى يضمها بين يديه لكن
حين فتح باب الشقه تفاجئ بعتمتها إلا من أحد الأنوار المصحوبه بباب الشقه التي تضئ تلقائيا وقت فتح باب الشقه.
توجه مباشرة الى غرفة النوم وجد إضاءه خافته وسهر نائمه على الفراش عليها الغطاء، لاحظ، إرتفاع وإنخفاض أنفاسها. من تحت الغطاء كم ود أن يوقظها لكن لن يزعجها توجه الى الحمام.
خرج بعد قليل توجه الى الفراش أزاح الغطاء قليلا. وتسطح على الفراش وجهه ينظر ناحية سهر التي لاحظ أنها تبربش بأهدابها وضع يده على وجنة سهر يتلمس نعومتها وأقترب منها يستنشق من أنفاسها منتشيا يغمض عيناه للحظات.
فتحت سهر عيناها في تلك اللحظه نظرت لوجهه وتبسمت ثم أغمضت عيناها، وذهبت الى سبات هانئ وعمار الى جوارها وهو لم يكن أقل منها شعر بهناء وهو ينام الى جوارها كان يتأمل ملامحها الى أن غلبه النعاس.
بمنزل يوسف
أحيانا عله تشعرك بسوء الظن
هذا ما حدث بالفعل
حين نهض يوسف من جوار أسماء وتركها وحدها بالفراش
وخرج الى خارج الغرفه متوجها، الى المطبخ.
يقوم بعمل قهوه له. ثم جلس على طاولة المطبخ يحتسيها برويه يفكر في عرض عمار عليه أن يصبح الشريك الثالث بتلك الشركه فرصه كبيره له ستدفع بأسمه للأمام وعائد مادى كبير بالمستقبل.
تنهد يوسف بصوت مسموع.
سمع من خلفه: أيه اللى مسهرك كده وأيه سبب التنهيده الكبيره دى؟
نظر خلفه رأى أسماء تزم طرفى ذالك المئزر الثقيل عليها.
تبسم بود يقول: مفيش أيه الى صحاكى. دلوقتى.
ردت أسماء: أبدا بتقلب حطيت ايدي لقيت مكانك خالى وبارد إستغربت. بس أيه اللى مسهرك قوى كده وخلاك تسيب السرير وتجى لهنا تشرب قهوه بعد نص الليل.
تبسم يوسف وهو ينهض تاركا القهوه وتوجه الى مكان وقوف أسماء أمام باب المطبخ وضمها بين يديه، ط ينحنى يقبل عنقها بشوق قائلا: كنت مشتاقلك. ولما طلعت ولقيتك نايمه مرضتش أصحيكى.
رفعت وجهها لتتلاقى عيناها مع عيني يوسف رأت نظرة العشق الذي دائما يخصها. بها أخدها الى الغرفه وأغدقها بعشقه لبعض الوقت تنحنى عنها بعد قليل يجذبها لتبقى براسها على صدره، تنهدت أسماء قائله: أنا بحبك يا يوسف لو في يوم من الأيام ربنا مأرادش يكون عندنا ولاد بلاش تعمل زى عمار وتجيبلى ضره قولى وقتها وأنا هنسحب من حياتك بهدوء.
رفع عمار وجه أسماء ينظر لها بذهول قائلا: بتقولى أيه يا أسماء، أكيد مش في وعيك.
نزلت دمعة أسماء قائله: لأ في وعيي يا يوسف ده حقك عمار إتجوز علشان يكون عنده ولاد يشيلوا إسمه وأنت كمان ممكن في يوم تعمل زيه وألا أيه سبب الحيره الى مسهراك لدلوقتي؟
بعد يوسف أسماء عنه ونهض من على الفراش وأرتدى ملابسه، بصمت وكاد أن يخرج من الغرفه
لكن توقف على صوت بكاء أسماء الذي يخلع قلبه من محله عاد مره أخرى وجلس جوارها على الفراش يقول: وأيه سبب الدموع دى بقى دلوقتي.
ردت أسماء: مفيش.
تعجب يوسف وهو يقترب منها وجفف دموعها بيديه قائلا: أقولك أنا سبب الدموع دى سببها عكننة. ستات مصريه أصيله أسماء أنتى عارفه أنى بحبك من زمان وحاربت علشان أفوز بيك يبقى مش علشان موضوع الخلف ده هضحى بيك أسماء أنتى رفيقة حياتى الوحيده وأنا مش عمار ولا أنا في نفس ظروفه، عمار متجوزش على خديجه علشان يخلف ويبقى أب زى الكل ما مفكر كده في سببين خلوا عمار يتجوز تانى.
ردت أسماء بأستفسار: وأيه هما السببين دول.
رد يوسف: أولا، عمار وقع في حب سهر بالصدفه
والسبب التانى عمار، وخديجه عمرهم ما كانوا أزواج ولا هيكونوا في المستقبل.
تعجبت أسماء قائله: مش فاهمه قصدك أيه؟
رد يوسف: مش فاهمه ولا مش مستوعبه عالعموم هفسرلك الموضوع ببساطه خديجه وعمار أتفقوا من البدايه يكون جوازهم على ورق إرضاء لجد عمار وقتها وفضل الوضع بينهم كده مستمر حتى عمار كان بينام في أوضه لوحده بشقة خديجه وعمره ما دخل أوضة نومها كنت مفكر أن ده ممكن يحصل في البدايه بس ومع الوقت ممكن يندمجوا بس القلوب محدش يقدر يسيطر عليها، فضل نفس الأحساس ملازم الاتنين ولما ظهرت سهر صدفه في حياة عمار بدأت تحتل تفكيره وأتجوزها مشاعره كلها إتحركت.
ل سهر مع الوقت تقدرى تقوليلى سبب أن مشاعر عمار طول السنين اللى فاتت متحركتش إتجاه خديجه وأول ما اتجوز سهر إستحوذت على مشاعره بسرعه عارفه ليه؟
صمتت أسماء بذهول من ما تسمعه من يوسف.
تبسم يوسف على نظرة الذهول التي رأها بعين أسماء.
فأجاب وهو يشير نحو قلب أسماء قائلا: بسبب ده قلب عمارشاف خديجه طول الوقت مش أكتر من أخت بس سهر العشق اللى إتسرسب لقلبه بدون غصب أو مجامله منه لصديق عمره.
ردت أسماء: دلوقتي فهمت ليه خديجه عمرها ما ماأعترضت أن عمار يتجوز غيرها بس أزاى قدروا يخدعوا العيله الوقت ده كله وأزاى متحولتش مشاعرهم مع الوقت بسبب قربهم ووجودهم في مكان واحد.
رد يوسف: دى حاجه إسمها تألف القلوب، لقلب دايما بيبحث عن وليفه وده الى حصل مع عمار وخديجه بس أنا ليا عندك رجاء يا أسماء بلاش حد غيرنا يعرف بالكلام ده لأن عمار أئتمنى على سره هو خديجه من زمان وعلى ما أعتقد أن قريب جدا عمار بنفسه هيفشى السر ده وينهيه قدام العيله.
ردت أسماء: قصدك أيه إن عمار ممكن يطلق خديجه!
رد يوسف: وارد جدا.
تعجبت أسماء قائله: بس ده ممكن يسبب مشاكل في العيله بابا وعمى ممكن يعترضوا.
رد يوسف: دى حياة عمار وهو الوحيد الى لازم يقرر يعيشها إزاى زمان إستسلم لقرار جده وقبل بالجواز من خديجه. وكلنا كنا عارفين إن عمار لازم هيكون له زوجه تانيه في يوم من الأيام وعمى والحاج مهدى مش هيقدروا يجبروا عمار على شئ وهيرضخوا للأمر الواقع وكده كده خديجه كل همها ولادها ميتحرموش من خير أبوهم اللى كان سبب، رئيسى في ثراء عيلة زايد وكمان يتربوا في حضن أهلهم.
تبسمت أسماء قائله: متخافش يا يوسف أنت قولتلى سر عمرى ما أبوح بيه بس مش هتقولى سبب لسهرك لحد دلوقتي حاسه في سبب تانى؟
رد يوسف: فعلا في سبب تانى هقولك حتى علشان يمكن تساعدينى أخد قرار
سرد لها يوسف طلب عمار منه مشاركته في شركته الجديده.
نظرت أسماء له حائره وخائفه بنفس الوقت ولكن قالت: العرض مغرى جدا وكمان تستحقه رأيي إنك توافق وبلاش تفكير كتير وتجى تنام وبلاش سهر لأن عندك محكمه الصبح وقضايا لازم تكون مركز فيها.
تبسم يوسف لأسماء، فهى أراحت عقله من تفكير كان من الممكن أن يجعله ساهدا طوال الليل.
أحتضنها يوسف بود وقبل عنقها قائلا: زى ما عكننتى عليا لازم تدفعى تمن العكننه دى قال هذا وبدأ في تقبيلها بنعومه ذهب معه للعشق لكن قلبها خائف فهناك بعض الرجال يفسدهم كثرة المال وهي لديها نقطة ضعف.
بصباح اليوم التالى.
دخلت خديجه الى غرفة أحمد وجدته يجلس يتحدث عبر الآبتوب مع مازن فأبتسمت قائله: زى كل يوم لازم أدخل القاك بتكلم مازن قبل ما تروحوا للمدرسه وأفضل أقول الوقت بعد كده أبقوا إتكلموا بوقت تانى يكون فاضى خلينى أصبح على مازن وبعدها تنزل بسرعه تفطر علشان تلحق باص المدرسه
تنحى أحمد قليلا من أمام الآبتوب
وقفت خديجه قائله: صباح الخير يا مازن. قولى أخبارك أيه؟
رد مازن بود
صباح النور يا طنط خديجه أنا الحمد لله كويس.
نطق مازن لأسم خديجه لفت مسمع. ذالك الذي دخل الى الغرفه. فأسرع وتوجه الى مكان جلوس طفله وتحدث. سريعا: أزيك يا مدام خديجه أخبار ولادك أيه؟
ردت خديجه: الحمد لله وحضرتك تمام؟
رد حسام: الحمد لله عمار كان هنا أمبارح.
ردت خديجه: أه قالى.
رد حسام: إحتمال كبير عمار الفتره الجايه يجى لهنا ونتقابل كتير لان هيبقى بينا مشروع مشترك أتمنى أقابلك.
شعر حسام أنه تسرع بقوله هذا فقال بمهادنه قصدى أتمنى مازن وأحمد يتقابلوا هما نفسهم يتقابلوا تانى ويقعدوا مع بعض مش من خلال شاشات تليفون أو لاب توب.
شعرت خديجه بهزه في قلبها حين سمعت قوله، لكن بعدت هذا الشعور مستحيل.
وقالت: في الأجازه يبقوا يتقابلوا. دلوقتي لازم يلتزموا ال اتنين بمذاكرتهم ودروسهم مش مركز في دروسك يا مازن.
رد حسام: تعرفى إن مازن رجع من تانى يحب الدراسه ويذاكر دروسه لما أتعرف على أحمد من الواضح أن أحمد اللى شجعه.
ردت خديجه: نفس الى حصل مع أحمد، يعنى الدراسه مبقلهاش شهر راجعه من تانى ودرجات أحمد عليت واضح أنهم بيشجعوا بعض ربنا يوفقهم الاتنين هستأذن أنا لازم أنزل أحضر الفطور ولانش بوكس لاحمد وكمان لمنىىوكفايه كده بقى علشان وقت الباص يلا يا مازن سلام في رعاية الله.
تبسم حسام، يتنهد بسعاده لكن تذكر أن خديجه على ذمة رجل أخر وهذا الشعور ليس من حقه.
بينما خديجه: خرجت من الغرفه ووقفت أمام باب الغرفه هناك شعور قديم يصحوا بداخلهاظنت أنه دفن مع الماضى لكن لا لن يصحو من جديد.
سارت مره أخرى تنزل لأسفل تقوم بواجبها الاول كأم.
مساء.
وضعت سهر تلك الصنيه على طاوله أمام عمار قائله: الشغاله اللى تحت قالت أنك طلبت منها قهوه عملتها وأنا طلعت بها أتفضلىبس الوقت بدأ يتأخر القهوه مش هتنيمك.
رد عمار قائلا: لأ مش هنام دلوقتي عندى شوية عقود براجعها.
جلست سهر، بالقرب منه على أريكه بغرفة المعيشه تشعر بسام فقامت بفتح التلفاز
تنظر بين الحين والأخر لعمار.
الذى يجلس لجوارها يقرأ بعد العقود يدقق ما بها لاحظ نفخها لأكثر من مره وهي تقلب بريموت الكنترول بين القنواتى الى أن أستقرت على أحد القنوات وما هي الأ قناة رقص شعبى إشمئزت سهر وسألت عقلها لما توقفت على تلك القناه فعادت تقلب بالقنوات وجدت فيلم لنجمه إغراء شهيره تقوم بوصلة رقص مثيره أيضا كانت ستعود للتقليب بالقنوات لكن أمسك عمار يدها قائلا: خليكى عالفيلم ده فيلم مسلى.
نظرت له قائله: أنت شوفت الفيلم ده قبل كده؟
رد عمار ببسمه: لأ بس عندى فكره عن أفلام النجمه دى مميزه.
سخرت منه قائله: مميزه! مميزه بأيه نفسى أعرف دى بتعجبكم وتجذبكم على أيه شويه الدلع والرقص دى كل أفلامها تافهه وبتعمد على جسمهاوياريت جسمها مغرى ده كله نفخ وعمليات تجميل أكيد اللى بيعجب الرجاله هو، لبسها و رقصها الخليع.
أقترب عمار منها يلاصقها بمكرقائلا: طب، أيه رأيك ترقصيلى، وأنا أعرفك بعدها أيه اللى بيجذب الرجاله ليها.
نهضت سهر من جواره، قائله: وماله.
ثم سارت
تعجب عمار قائلا: على فين يا سهر مش هترقصيلى.
ردت سهر بسخريه: رايحه أتحزم وأجيلك.
ضحك عمار، وترك الأوراق التي كانت بين يديه ونهض سريعا خلف سهر وحملها من الخلف يرفع قدميها عن الأرض
قالت سهر بخضه سيبنى يا عمار.
رد عمار: مش هسيبك قبل ما ترقصيلى.
ردت سهر: مش بعرف أرقص، سيبنى أنا مصدعه، وهدخل أنام وكمل أنت شغلك.
تحدث عمار: وأيه سبب الصداع ده، عاوز أعرف
حاولت سهر فك يديه من حولها، تتملص من بين يديه، لكن كان عمار دخل بها الى غرفة النوم، وضعها بالفراش، وقبل أن ترد عليه، فاجئها بقبله متشوقه، للحظه حاولت سهر المعارضه، لكن أندمجت معه، ليترك شفاها.
وهو يعتليها على الفراش، لتنظر له سهر قائله: عمار، التيرم التانى في الدراسه بدأ، بقاله كذا أسبوع، وأنا مروحتش الجامعه، لازم أروح علشان أحجز الكتب، وكمان بشعر بملل طول اليوم، في البيت.
رد عمار قائلا: تمام، روحى.
تبسمت سهر له.
وضع عمار، يده يملس على وجنتي، سهر قائلا: أنتى حلوه قوى يا سهر، قال هذا وختم قوله، يضع شفاها على شفتيها، يأخذ من رحيق أنفاسها، عسلا، شاركته سهر قطف هذا العسل، عقلها يفكر، كان أستسلامها له سابقا، خوفا، أما الآن فهو مكافأه، له على قبوله، ذهابها الى الجامعه.