رواية جريمة عشق فصول خاصة للكاتبة مريم نصار الفصل الثالث

رواية جريمة عشق فصول خاصة للكاتبة مريم نصار الفصل الثالث

رودي: ههههههه صدق فكرة. أنا هفتح مطعم حلويات زي ده. وبعد ما الزبون ياكل وسنانه تتكسر تحولوا عندي. لم علينا عبيدك يارب.
فارس: بضحكه. فظيعه يارودي. بس سؤال هو ليه الكحك ناشف قوي كده وحسيت إن ريحته خل! مش غريبه دي؟
رودي: بكبرياء. وأنا يعني جبت الوصفه من عندي؟ الشيف قالت نحط خل ع البيض.
رنا: تنحت. وقالت لحظه واحدة بس. هو أنتي حطيتي بيض ع الكحك؟

رودي: بتأكيد طبعاً. وكمان عصير برتقال. أما البيتي فور بقى حطيت عليه سمسم ونشادر ولبن.
والبسكويت بقى حطيت عليه خميرة. ومرضتش أحط زبده خاااالص على أي حاجه علشان ضغط طاروقه مايعلاش.
رنا ورينو شهقوا. وقالوا ف صوت واحد. انتي دخلتي المقادير كلها في بعض يارووودي!
طارق: بغيظ. خلاص خلاص شيلوا صنية الزلط دي من قدامي.

قال وانا اللي عمال اقول متدوقش زيه في أي مكان. ماهو صحيح والله. لادوقنا ولا هتدوقوا زيه أبدا. أنا أول مرة ادوق الزلط. سناني في ذمة الله.
رودي: بضحكه. قعدت جمبه. والله أنت عسل ياطاروق. وبالمناسبة دي أنا شوفت طريقه تحضير قراقيش بال...
طارق: قاطعها. بلا قراقيش بلا مناقيش. انتي متعمليش حاجه خااالص. انتي تخلعي ضروس وتحشي وتركبي طرابيش وتزرعي أسنان وانتي ساكته. غير كده مش عايزك تعملي حاجة خااااالص.

رودي: بصتلهم بثقه وغمزت وقالت. مش قولتلكم. بيخاف عليا!

في المول. في قسم الفساتين
سيف بيتكلم في الفون مع حنين. وحياة واقفه بتختار فستان وقالت. واو درجة اللون دي كنت هتجنن والاقيها. بص كده ياسيف!
سيف: طيب ثواني يا ماما وراجعلك. وراح عندها وشاف الفستان وقال بإعجاب. جامد جدااا ادخلي بقى قيسيه علشان نرجع ع البيت.
حياة: بتذمر. يوووه أنت ديما مستعجل كده.

سيف: يابنتي والله ده ما كلامي أنا. مامتك قلقانه عليكي من الزحمه. وانتي شايفه مفيش شبر فاضي ف المول. وكمان ماما معايا ع الفون اهى وبتسال عليكي. و هاجر نايمه وممكن تصحى في أي وقت وتعيط عشان أنتي مش موجوده معاها.
حياة: بتفهم. اوكي خلاص أنا هروح البروا دي بس استناني هنا أرجوك.
سيف: عيوني حاضر يلا بسرعه.
حياة: دخلت البروا.

سيف بيكمل المكالمه. وقال خلاص حاضر يا ماما. هنخلص واعدي اجبلك كل اللي انتي عايزاه. تمام تمام. مع السلامه.
آدم مراد ماسك أيد آرين وكنزي. اما كيان ف أيد آرين.
و آيان ف أيد ميرو وجنى مع تيم.
آرين: رغم فرحتها بوجود آدم معاها. لكن قالت. ياخبر يا آدم. المول زحمه جدا. وكويس جدا إني سمعت كلامك ومجبناش فهد معانا. وشكلنا مش هنعرف نقابل چود و ليليان.

آدم مراد: كريم هيرن عليا لما يخلص. تعالى نشوف فساتين. لكنزي وكيان في الناحيه دي.
كنزي: بابي بابي أنا عايزه فستان أبيض.
كيان: وأنا كمان عايزه فستان أبيض.
آدم مراد: نزل ليهم وأبتسم وقال. أجمل فساتين بيضا لأجمل كنزي وكياني في الدنيا.
جنى: بفرحه. وأنا كمان عايزه فستان أبيض. هنبقى إحنا التلاته حلوين قوي صح ياخالو؟
آدم مراد: صح ياعيون خالو.
جنى: صح يابابي؟

تيم: لعب ف شعرها بحنان وقال. صح ياروح بابي. انتي واخواتك البنات هتبقوا اجمل عرايس في العيد.
آيان: بأعتراض. بس مش يبقى منفوش زي العروسه. عشان جنى مش عروسه.
جنى: بغيظ. ليه بقى يسي آيان. أنا عايزاه منفوش زي العروسه.
آيان: هز راسه ليها. لأ مش هتجبيه منفوش.
جنى: شددت ع أيد أبوها. وقالت. باابي بقى. شوف ايان بيغلس عليا
تيم: نفخ وقال. استغفر الله العظيم. أنت ياعم آيان عملي الأسود في حياتي.

آيان: مط شفايفه وقال. مش عارف بس يمكن.
آرين: شهقت وكتمت الضحكه. وهمست لادم. أخويا فظيع. والله جنى صعبانه عليا.
آدم مراد: رفع حاجبه وقال. مايصعبش عليكي غالي ياروحي. ده آيان ده داخل دماغي. وإن شاء الله فهد العدوي هيبقى ميكس منى ومنه إيه رأيك.
آرين: عوجت بقها وقالت. دحنا داخلين على أيام سوسا على رأي خالو.
آدم مراد: بمكر. بتقولي حاجه ياروحي.
آرين: من بين أسنانها. بحمد ربنا عليكوا ياحبيبي.

سيف: بدهشه. مين دكتور تيم عزيز. وسيادة الرائد آدم العدوي. لأ أنا مش مصدق نفسي.
تيم: لف ليه وضحك. مين. باشمهندس سيف الشرقاوي! وسلموا على بعض
تيم: حبيبي أخبارك ايه؟
سيف: أنا زي الفل والله وحشني جدا. اذيك يا آدم باشا.
آدم مراد: سلم عليه وأبتسم. اذيك ياسيف عامل ايه؟
سيف: الحمد لله. أنت رجعت من المأمورية امتى؟
آدم مراد: انهردا.
سيف: حبيبي حمدالله على السلامه وكل سنه وانتوا طيبين.
تيم و آدم وأنت طيب.

سيف: طيب تعالوا نقف بعيد عن الزحمه دي لحد ما الجماعه تخلص انتوا ليكوا وحشه والله.
آدم مراد: همس ل آرين اختاروا أنتوا وأنا خمسه وراجع ومتخرجوش من هنا. أنا هقف هناك بس عيني عليكوا.
آرين: اوكي. بس بليز متتأخرش. واسأله لو حياة جت معاه هنا.
آدم مراد: مط شفايفه وقال. وأنا هسأله اقوله مراتك جت معاك؟
آرين: بغيره. أيوه صح ماينفعش. روح أنت ولو هي معاه هشوفها. ولا أقولك أنا هتصل بيها.
آدم مراد: بتفهم تمام.

تيم: ميرو حبيبتي. اختاري حاجه لجنى وأنا شويه وراجع.
ميرو: حاضر ياحبيبي.
سيف و آدم و تيم وقفوا قدام قسم الفساتين بيتكلموا مع بعض.
آيان: شاف فستان احمر في أبيض وكان جميل وقال. ده عجبني. شوفي ده يا جنى.
جنى: ربعت أيديها وقالت. نو مش عاجبني.
آيان: بغيظ. ليه مش عاجبك. الفستان حلو.
جنى: نفخت بنفاذ صبر وقالت. يوووه أنا مش عايزه غير فستان أبيض.

ميرو: طيب طيب ممكن تهدوا أنتوا الاتنين. بصوا الفستان ده. فيه الوان مختلفه وعجبني خالص. اي رايك ياجنى؟
جنى: شافت الفستان وكان جميل جدا وقصير شوية وقالت حلو قوي يامامي بس انا عايزه ابيض.

ميرو: بتفهم. حبيبتي مش علشان اخواتك اختاروا موديل يبقى انتي كمان تقلديهم. مش لازم نقلد حد. أنتي لازم يبقى ليكي رأيك الشخصي. هقولك موقف حصل معايا قبل كده. وأنا صغيره شويه عمتك تمارا أختارت فستان واللون كان حلو عليها قوي. ولما عجبني أنا كمان اخترت زيها بالظبط نفس اللون بس لما لبسته مكنش لايق عليا خالص. من وقتها فهمت إن كل شخص بتليق عليه حجات معينه و قررت البس على ذوقي أنا واللي يليق عليا مش لازم ع الموضه أو إني اقلد حد.

جنى: نزلت وشها في الأرض وقالت. اوكي يامامي بس كان نفسي في الأبيض.
آيان: بخنقه خلاص قيسي ده إللي أنا اخترته و لو مش عجبك نشوفلك الزفت الأبيض. بس مش منفوش. ومش القصير ده ماشي.
جنى: خبطت رجليها ع الأرض وقالت انت مستفززز، انتوا جبتوه معانا ليه يامااامي.
ميرو: ضحكت.
آيان: بغيظ. انا اييه؟ طيب ياجنى استني. وراح جاب الفستان اللي عجبه وقال. خدي ده يا إما والله هروح وارمي الهديه بتاعتك.

جنى: فكرت بحيره. وقالت بلخبطه. هو انت جبتلي هديه؟
ايان: ايه هعيد كلامي تاني. مانتي سمعتي. اه جبتلك هديه. وكان نفسك فيها من زمان. بس والله يا جنى لو مختارتيش الفستان ده مش هنزل بكره في العيد وهرمي الهديه بتاعتك.
ميرو: فتحت عينيها وبوقها مدهوشه من أسلوب ايان اللي كل شوية يقلب على شخصية أخوها.
جنى: بصت لامها واتنفست غيظ.
ميرو: همست ل جنى وقالت. لو مش عاجبك الفستان ده متلبسيهوش.

جنى: بتفكير. بس آيان جابلي هديه. وقالت خلاص يامامي أنا هقيسه مش حضرتك قولتي لازم يكون لايق عليا.
وشدت الفستان من أيد ايان بغيظ. وراحت ع البروا.
ميرو: فتحت بوقها ببلاها وقالت. لأ كده كتير جدا.
آيان: عدل ياقة التي شيرت ونفخ بضيق.
آرين: اختارت فساتين بيضا أكتر من موديل وكنزي وكيان بيقسيوا.
حياة: خرجت وراحت ل سيف وأبتسمت وقالت مساء الخير.
آدم وتيم. مساء الخير.
حياة: آرين اتصلت عليا هي جوه مش كده؟

آدم مراد: هز راسه ليها. أيوه.
حياة: طيب سيف أنا هدخل ليها ممكن؟
سيف: بصوت واطي. المهم الفستان عجبني جدا. انت بقى عجبك؟
حياة: أبتسمت. اه جميل قوي ياحبيبي. بص انا هسلم ع البنات وارجع بسرعه.
سيف: تمام.

في مكان تاني في المول.
مصطفى: اووووف ما خلاص بقى ياعم طارق الزفت انت. ارسالك على طقم.
چود: بغيظ. طارق زفت؟ ابني مش زفت انت فاهم
يا إما أقسم بالله أقول لبابا طارق وهيعمل معاك الصح.
مصطفى: شوح بايدو وقال. ياشيخه اتنيلي. إحنا بقالنا تلات ساعات بنختار في ام تيشيرت وبنطلون ومش عاجبه اي حاجه. تقوليش الواد خلاص هيلبسهم طول عمره. أنا الجزمه ضيقه عليا وصباعي عمل قلو. يلا عشان متجنش عليكوا.

چود: أقسم بالله بتبقى خروجه سودا يوم ما بتيجي معانا أي مشوار. وأنت ياض يطارق. اخلص فرهدت اللي خلفوني.
طارق: هو انتوا كل مرة نخرج تتخانقوا دي عيشة اي دي؟ انا رايح لعمو كريم سلام. وسابهم ومشي.
مصطفى: ولا خد يالا. شوفتي الواد سبني وراح ل الد أعدائي راح لاخويا.
چود: من بين أسنانها صبرني يارب.
عُمر: جه ومضايق.
مصطفى: مالك أنت كمان يابوز الأخص.
عُمر: دي عيشه تقرف ياعمو.

مصطفى: اه. و الله يبني وخصوصاً إنك ابن كريم. بس مالك في أي؟
عُمر: ماما يسيدي.
مصطفى: لأ دحنا نجيب حجرين شيشه ونسمع القصه الحزينه.
چود: نفخت بنفاذ صبر انا رايحه لليليان خلينا نخلص. سلاااام.
مصطفى: سيبك منهم وقولي مالها أمك.
عُمر: ماما مصممه إني البس تي شيرت بِنك زي فستان لورين. وبتقول حلو عليا.
مصطفى: ياسنه سوووووووخه. بِنك يمنى! قصدي ياليليان! طيب وهتجيب عليه إيه؟ چيبه هههههه.

عُمر: حضرتك بتضحك ياعمو. أنا زهقت ماما مصممه ع اللون و بابا رافض وبيتخانقوا.
مصطفى: بسخريه. عادتهم ولا هيشتروها. تعالى يبني أنا هروشن عليك وسيبك من المتخلفين عقليا دول. بِنك قال! ناقص تلبسك بترتر.
جنى خرجت من الپروا والفستان كان تحفه عليها.
ميرو و ارين وحياة: اللهم بارك جميل قوي يا جنى.
جنى: بتدوخ بالفستان بفرحه. وقالت شكله حلو قوي يامامي.
ميرو: فعلاً جميل جدا عليكي.
آيان: ...

حياة: باستها وقالت بجد الفساتين عليكوا اللهم بارك روعه جدا.
اي ده سيف بيتصل يبقى اكيد علشان نروح. سلام بقى يا آرين ونتقابل بكره إن شاء الله.
آرين: سلمت عليها. وقالت. خلي بالك من نفسك ياحبيبتى.
حياة: إن شاء الله. كل سنه وانتي طيبه ياميرو وعيد سعيد عليكي ياحبيبتى.
ميرو ؛ ابتسمت وعليكي ياروحي.
حياة: ودعتهم وخرجت لسيف علشان يرجعوا ع البيت.

تيم داخل وشاف جنى وقال بانبهار. مش معقول. برنسس جنى عزيز ديما تخلي لأي فستان جمال خاص. تحفه بجد يا جنى.
جنى: بضحكه وبتلف حواليها. بجد حلو يابابي.
تيم: مش حلو وبس. ده يجنن عليكي.
جنى: خلاص أنا كمان عجبني قوي. جبهولي يابابي.
تيم: من عيون بابي. بس بجد زوقك حلو جدا ياجنى.
جنى: بصت ل آيان وسكتت.
آيان: بثقه. همس ليها. شوفتي. ياريت تسمعي الكلام على طول من أول مرة هيبقى أحسن ليكي.

جنى: اتنفست غيظ. وهمست مجنون أنت كرهتني في كل حاجه. ودخلت الپروا بنرفزه.
آيان: أبتسم. وقال بتوعد مااااشي ياجنى.
كنزي وكيان خارجين بفساتين بيضا وكانوا اجمل عروسين فعلاً.
آدم مراد: قرب منهم ونزل ليهم وباس على أيديهم وقال. حورياتي الحلوين. عجبكم الفستان.
كنزي: بمرح يس تحفه بجد عجبني أوي كتير جدا خالص يعني.
كيان: بضحكه وفرحه. حلووو اوي اوي يابابي وهيعجب بابا جدو.

آدم مراد: لعب ف شعرهم وقال. خلاص بما أنه هيعجب بابا جدو. يبقى نجيبهم فوراً.
تيم: قفل الفون وقال. تمام كده. تعالى بقى يا آدم نحاسب بسرعه علشان لسه عم آيان وهنشوف كريم ومصطفى.
آدم مراد: هز راسه تمام. ومشي خطوه وهمس في ودن آرين وقال بثقه.
محدش هيختار فستانك غيري. وسابها وخرج مع تيم.
آرين: أبتسمت واتنهدت بحب. وضمت بناتها لحضنها.
قدام المول.
حياة: سيف ممكن طلب بليز.
سيف: اؤمري خير ياروحي.

حياة: أنت آخر مرة وعدتني بأني أسوق العربيه. ممكن اسوقها دلوقتي واحنا راجعين.
سيف: ايوه يا حبيبتي بس أنتي تعبانه وكمان قولتي واحنا نازلين في الاسانسير إن عندك مغص، يعني ممكن تتعبي اكتر من السواقه.
حياة: بترجي بليييز بقى انا كويسه جدا والله انتوا ليه قلقانين قوي كده. هي دي أول ولاده ليا. منا خلفت هاجر روح قلبي وقلبك وانا كويسه أهو. بليز بقى وافق بليييز.

سيف: هز راسه باستسلام وقال. أمري لله بضعف يابت قدامك. اتفضلي المفتاح اهو وربنا يستر.
حياة: بجنون باسته من خدو وقالت. ربنا مايحرمنيش منك أبدا ياسيفو ياحبيبي.
سيف بضحكه. يابنت اللذين مجنونه والله. يلا بقى اركبي وسوقي ع مهلك.
فتح ليها باب العربيه وساعدها تركب. ولف ركب جمبها. وحياة شغلت العربيه وساقت. وبعد شويه حست بوجع في ضهرها.
سيف: مالك ياحياتي.

حياة: بألم مش عارفه ياسيف ضهري شد عليا. ممكن يكون من تركيزى في السواقه.
سيف: بقلق. طيب اركني على جمب هنا وانا هسوق.
حياة: برفض لأ لأ السواقه وحشاني قوي. واتألمت اكتر وداست بنزين غصب عنها. وزادت السرعه.
سيف: فتح عينيه بصدمه. وقال. ينهار مش باين. هنموووت كلنا. اووووقفي يابنت المجانييييبن.
حياة: بتتألم. آااااااه مش قادرة يا سييييف الحقنااااااي.
سيف: مسك دريكسيون العربيه وبيحركها معاها وقال بصوت عالى.

اشهد ان لا اله الا الله واشهد أن محمداً رسول الله.
حياة: داست بنزين أكتر وبيتفادوا العربيات وقالت بصريخ.
أنت بتتشااااااهد ليييييه. إحنا هنموووووت ولا ايييييه؟
سيف: شاف عربيه قدامه. وشهق ولف الدريكسيون بسرعه وتفاداها وقال بزعيق. مش انتي نبرتي في أمها. يبقى هنموووووت.
حياة: بصريخ. الحقنااااااااي ياسيييييف شكلي بووووولد. أنا عايزه باااااابي.
سيف: بصوت عالى.

في القرررررافه. ابوكي وابويا والعيله هتجيلنا في القرررااااافه يابنت سليم بدر الدين.
حياة سابت الدريكسيون ومسكت بطنها وبتصرخ.
سيف: فتح عينيه بصدمه. وقال. بتعمللللللي اايييييه. دوووووسي فراااااامل يخربيييييتك هنموووووت.
حياة: بصريخ وزعل. لاااااااااا انا عندي أهون عليا إني أموت ولا أنت تزعقلي ياسيييييف. أنا مش هدخل بيتك تاااااني. أنا هرووووح عند ابوياااااااا. آاااااااااااه.

سيف: بزعيق. وحياة أمك هو ده وقت زعل. بقولك دوووووسي فراااااامل يا اما شيلي رجلك دي خليني اوقف العربببيه.
وبعد محاولات وقف العربيه ونزل بسرعه وساق هو وطلع بيها ع المستشفي.
سيف: بقلق ها يادكتوره طمنيني حياة بتولد مش كده؟
الدكتوره: هزت راسها اطمن يا باشمهندس. مدام حياة لسه قدامها أسبوع واكتر ع الولاده. وأنا قولتلك قبل كدا الكلام ده.

سيف: بتعجب. طيب اومال ايه اللي بيحصل ليها ده؟ ولا ده مش طلق زي ما بتقول؟ دي تالت مرة تحصل واجري بيها ع المستشفي.
الدكتوره: لأ طبعاً ده طلق. بس طلق كاذب بيجلها نفس الإحساس بالألم كأنها بتولد بجد. بس اطمن أنا فهمتها كل حاجه وإن شاء الله تكون بخير.
سيف: مسح وشه وقال. متشكر جدا يادكتوره.
الدكتوره: أبتسمت. العفو على ايه؟ ألف سلامة عليها. بعد أذنك.

سيف: رايح الاوضه. والممرضه خارجه. وقال ليها. لو سمحتي هي كويسه.
الممرضه: ابتسمت. ايوه حضرتك المحلول يخلص وتقدر تاخدها في أي وقت.
سيف: متشكر جدا.
الممرضه: العفو حضرتك.
سيف: دخل ليها.
حياة: مسحت دموعها وقالت بعند.
أسمع بقى والله كان طلق بجد أنا مش بمثل عليك.
سيف: شدها لحضنه وفضل ساكت.
حياة: غمضت عيونها واتنهدت ورفعت أيديها على ضهرو وقالت.
أسفه.
سيف: بتنهيدة. خوفت عليكي قوي ياحياة.

حياة ؛ بدموع. وانا كمان خوفت قوي عليك يا سيف وخوفت اني مشوفش هاجر تاني.
سيف: مسح دموعها وقال. لازم تعقلي وتبطلي جنان.
حياة: ابتسمت وقالت. بس انا مش مجنونه. أنا بحبك وبس.
سيف: بضحكه. دي تالت مرة تعمليها فيا.
حياة: بضحكه. طيب أنا أعمل إيه؟ ماهو إبنك اللي مجنون وبيعمل فينا مقالب زي بابا خالد.
سيف: بضحكه. صدقي صح. عيل مش سالك. بس مسيري اربيه.

حياة: مسكت ايديه واتخنقت بالعياط وقالت. بجد خوفت قوي عليك ياسيف. أنا مقدرش اعيش من غيرك.
سيف: بنت بدر الدين بقت متواضعه ايه اللي حصل فيكي يا بلد.
حياة: حبيتك. غصب عني عشقتك. وده كفيل أنه يغير اي شخص.
سيف. بغمزه. منا مش سهل بردو. أنا اخدتك من بوق الأسد. انتي ليا يابت وطول العمر هتفضلي ليا انا وبس.
حياة: بضحكه. حبيبي ياسيفو.
سيف. عيون وقلب سيفو.

فيلا الديزل.
آرين: دخلت الجناح وبتنفخ وقالت. اووووف الحمدلله اخيرا ناموا.
آدم مراد: خارج من الحمام. وبينشف شعرو. وقال. إيه ده نامو ازاي بسرعه كده؟
آرين: بصتله بشرز وقالت. بسرعه؟ حرام عليك دانا بقالي اكتر من ساعه بنيم فيهم.
آدم مراد: شدها لحضنه وقال.
وناموا إزاي بقى؟
آرين: بدقة قلب وضحكه.
فضلت احكيلهم عن باباهم البطل واللي هيعملوا ليهم بكره في العيد.
آدم مراد: باس أنفها وقال.
وايه اللي انا هعمله ليهم؟

آرين: بصت للسقف وابتسمت وبصت ليه وقالت بعشق.
هتاخدنا كلنا نصلي العيد. وبعد كده تشتري بلالين كتير زي كل عيد لينا. وتشتري لعب كتيره لكنزي وكيان وفهد وأطفال العيله. و تدينا العيديه مرتين. مرة مع العيله والمرة التانيه بعد ما نرجع ع بيتنا لوحدنا.
وبليل خالص نقعد كلنا هنا مع بعض قدام التي ي ونتفرج على مسرحيه واحنا بناكل حلويات العيد. وأنا اكون قاعده ف حضنك وكنزي وكيان وفهد ف حضننا. ومتدفين فيك يا آدم.

آدم مراد: أبتسم. ورجع خصلة شعر ورا ودنها وقال.
كل سنه وانتي ضيي، كل سنه وانتي نور عتمة حياتي. كل يوم وانتي في حضني. كل دقيقه وانتي قدامي. كل ثانيه وانتي في قلبي.
آرين: قلبها دق بقوه وحطت راسها ف حضنه وقالت.
كل ثانيه وانت سندي وقوتي.
وجاء يوم العيد.