رواية جريمة عشق الجزء الخامس للكاتبة مريم نصار الفصل الثاني عشر
في شركة العدوي.
زين في مكتبه رايح جاي ومتوتر وقلقان.
آريان: خبط ودخل عليه. وقال مالك يابابا؟
زين: بتوتر ملحوظ. خالك يوسف اتصل عليا وقال إنه منتظرنا في المصنع الجديد.
آريان: طيب وايه المشكله؟
زين: بصله. وقال يعني أنت مش عارف المشكله يا آريان؟
آريان: هز راسه بإحباط. وقال. عارف طبعا يابابا. وبما إن خالو يوسف اتصل. أكيد في مشكله في الجهاز الطبي اللي بيتصنع.
زين: نفخ بخنقه. وقال. شهر بحاله ومفيش جديد. وكل يومين نواجه مشكله في التقنيات والتصنيع. والجهاز مش شغال خالص. وكل يومين يكتشفو عيب فيه. وانا الأسبوع اللي فات كنت مسافر. مش عارف اعمل ايه. بدايه مش مبشره!
آريان: بحيره. متقلقش حضرتك. واكيد إن شاء الله. كل مشكله وليها حل.
زين: بتنهيده. إن شاء الله. إحنا هنعمل إلى علينا. والتوفيق من الله.
فون زين رن وقال. ده بابا. ورد عليه. صباح الخير ياحج.
آدم: في العربيه. وقال. صباح الخير يا زين. نص ساعه وحصلني على المصنع الجديد أنت و آريان.
بعد شويه.
ف مصنع الاجهزه الطبيه!
آدم وزين و آريان موجودين مع المهندسين الفنيين. والكل واقف مترقب بشكل ملحوظ.
زين: قال بتوتر. ايه ياباشمهندش صالح. انت طلبتنا ليه أنت ويوسف؟
أنت من اسبوعين قولت إن الجهاز ال صنعتوه مشتغلش وفيه سبب مش عارفين توصله ليه؟ ياترى في جديد؟
يوسف: جه وقال. بضحكه. طبعا يا زين باشا. وفي اهم جديد. لازم تشوفه بعينك. اومال انا أتصلت عليكم ليه؟
زين: بصلهم بحيره.
صالح: ابتسم. وقال. احنا فعلا بعد ما صنعنا الجهاز ومشينا ع كل خطوه بتركيز كبير. وفشلنا في تشغيله اكتر من مره.
لكن زي ما الامبراطور عودنا إن الفشل بداية النجاح. وبعد شهر كامل من شغلنا. احب اقدملك...
وشال قماشه بيضا كبيره من ع الجهاز. وقال.
أول جهاز طبي صنع ف مصر برعاية شركة A-k-A الموزع الرسمي.
آدم وزين و آريان بصو للجهاز بزهول كبير.
زين: بحماس. يعني. يعني قصدك تقول. تقول إن الجهاز اشتغل؟
يوسف: ابتسم. ومن اربع ايام متتاليه الجهاز شغال مع تجارب يوميه وكانت النتايج بنفس كفاءة الجهاز الألماني. مع ضبط قطع غيار أعلا واكفأ كمان.
زين: فتح عينيه بدهشه. مش مستوعب فرحة الخبر.
آدم: بفخر. ربت ع كتفه وقال. الف مبروك يازين.
زين: بص لابوه ومش عارف يرد...
آريان: حضن أبوه بسعاده وقال. الف مليون مبروك ياملك. بجد حضرتك ملك السوق القادم. الف مبروك يا بابا.
كل المهندسين صقفو بحفاوه وفرحه كبيره.
زين: استوعب أخيرا. وحضن أبوه بسعاده كبيره. وقال كل الفضل يرجعلك يابابا.
آدم: بفخر كبير. وقال. الفضل لله ثم تفكيرك وتعبك. ومجهود المهندسين والعمال.
وفرحتي الكبيره إن شاء الله. لما تصنع كل الاجهزه الطبيه هنا في مصر. وتاخد عليها موافقة ببراءة اختراع. صدقني دي الفرحه الكبيره إلى بجد يازين يابني!
زين: ضحك وعيونه لمعت بدموع. وقال إن شاء الله يابايا.
ولف لكل الموجودين. وقال بسعاده، انا بجد بشكركم ع مجهودكم الكبير. والفضل كله يرجع لله ثم ليكم انتم.
وبالمناسبة الجميله دي. مكفأه لكل مهندس وعامل سهر وتعب طول الشهر ده لحد ما وصلنا لنتيجه مرضيه. بشكركم جميعاً.
صالح: بسعاده. الشكر لله واحنا تحت امرك ياباشمهندش زين. وإن شاء الله. خلال التلات سنين القادمه هنكون صنعنا جميع الاجهزه الطبيه اللي بنستوردها من خارج مصر.
يوسف: بفخر. وهتبقى انت أول مصدر أجهزة من مصر للعالم العربي. الف مبروك يصحبي. وضم زين بفرحه كبيره.
زين: بص ل آدم وعيونه مبسوطه اوى. وقال لازم افرح ست الكل.
آدم: ابتسم بحب كبير. وقال وهي في انتظارك.
في النادي.
كامليا بتجري في التراك. وبتسمع ميوزك. ووصلتها رساله. ووقفت وفتحت الفون. ومكتوب فيها.
انا مش عارف إزاي اتعرضتي للاغتصاب. وممكن تكوني حامل وبتجري وعايشه حياتك. تخيلي كدا لو اتجوزتي في يوم وعيلتك المحترمه اكتشفت حقيقتك وانك مش بنت!
ياترى ابوكي رجل الأعمال المحترم هيرفع راسه إزاي؟
ولا بقى لما يشوف بنته الشريفه. واكيد كانت قبل كده في حضن كام راجل. تؤ تؤ تؤ. مشكلتك إنك بتنسي بسرعه. مع إنك المفروض تفتكري آخر رساله ليكي من الديزل!
كامليا: بتنهج وحطت أيدها ع قلبها. وبتهمس بهستريا وخوف. اء. الديزل؟ الديزل. لأ لأ. هو قال هقص من عمرك. لأ لأ. اء. انا...
عامر: ظهر قدامها. ومثل الدهشه. مييين؟ كامليا هانم؟
كامليا: اتخضت. وشهقت. ورجعت لورا بسرعه...
عامر: باستفهام. اله؟ اهدي ياست هانم. حضرتك مش فكراني؟ انا عامر؟ عامر إلى كنت!
كامليا: بصت حواليها وبتنهج. وشافت أمها بتتكلم مع صحابتها. وشدت عامر من أيدو. ومشيت بعيد...
عامر: مثل التعجب. وقال اله؟ انتي سحباني وراكي كدا ليه؟ ومال وش حضرتك اصفر ليه كدا؟ في حاجه حصلت؟
كامليا: بلخبطه وخوف. اء. انت ايه إلى جابك هنا؟
عامر: بص حواليه. هو ده مش نادي برضه ولا ايه؟ وبعدين ده ترتيب ربنا. عشان أنا ليا لوم وعتاب عندك. انا سمعت كلامك ونفذت كل حاجه. بس حضرتك بعتينا انا وعمي ومسلمتيش لينا وصولات الامانه.
كامليا: هششش وطي صوتك. اء. انا مبعتش حد. انت إلى غبي.
عامر: انا غبي ليه؟ قولتي كل حاجه ونفذتها. وبسببك انا اتحبست. واتكهربت. وحطو عليا تلج. وضربوني...
كامليا: افتكرت التلج والتعذيب. وبتنهج.
عامر: مثل الاستغراب. وقال لأ حضرتك باين عليكي تعبانه اوي. انا برضه. أبن اصول وجدع وممكن اوصلك.
كامليا: برجفه. مشيني من هنا بسرعه.
عامر: هز راسه تمام اتفضلي. هوقف تاكسي.
كامليا: بغيظ. تاكسي ايه ياغبي. انا معايا عربيتي. انت سوقها لأني حاسه اني مش كويسه.
عامر: وماله تحت امرك. اتفضلي يا ست الكل.
كامليا: اخدت شنتطها. وخرجت بسرعه ومهتمتش بوالدتها. وركبت العربيه. وقالت اطلع على اي مكان هادى. انا بكره الدوشه دي.
عامر: قفل الازاز. وقال حاضر. سبحان الله شكلك اتغير خالص.
كامليا: زعقت اتغير ازاي يعني؟ انا اجمل من اي حد فااااهم؟
عامر: مثل الخوف. اءنا. آسف. آسف ياهانم مش قصدي والله. بس وشك اصفر خالص.
كامليا: سوق وانت ساكت.
عامر: حاضر حاضر يا هانم. وشغل العربيه وساق. وماشي وسط البلد. وفونه رن. وقال بعد اذنك بس هركن هنا وارد. اصل واحد صحبي واقع في ورطه.
كامليا: هزت راسها. ومردتش.
عامر: نزل. ووقف قصادها. ومثل انه بيتكلم. وقال بصوت مسموع.
طيب وبعدين ياحمد؟ هتعمل ايه في الورطه دي؟ يعم أنت لازم تستر عليها دي مهما كانت بنت حتتك برضه.
ماشي انا معاك أنك مالكش زنب في إلى حصل. بس هي برضه بت غلبانه. وصاحب المكتب منه لله ضحك عليها واغتصبها.
والبت وقعت في عرضك. يعني تستر عليها وليك الأجر والثواب.
ايوه ياعم شهر ولا شهرين وطلقها. واهو اسمها لو اتجوزت بعد كده. الناس تكون عارفه انها كانت متجوزه ومش هيعبها شيء.
ايوه ياحمد منا عارف كل ده. والله يبني انا لو مكانك هستر عليها من الفضحيه.
دي فيها موتها يبني وموت أهلها كمان. دي مصيبه.
بس أنت بقى لما تتجوزها قدام أهل الحته. هي راسها هتبقى مرفوعه. ومش هتنسالك الجميل ده.
وغير بقى ثوابك عند ربنا إنك سترت واحده من الفضحيه. ماشي ياحبيبي.
خلص حوارك وفكر وشوف انت ناوي على ايه وبلغني. وانا يسيدي أول شاهد على العقد. اشطا يصحبي سلام!
كامليا: سمعت كل كلام عامر. وفكرت في كل كلمه قالها. وضحكت بخبث شيطاني...
في ملهى يكتور. :
مراد: بينضف المكتب.
يكتور: ماسك عقد الماس وفتح الخزنه بأرقام سريه.
مراد: شاف في الخزنه سبايك دهب. حجات تانيه كتير.
يكتور: لف ل مراد يشوفه بيعمل ايه؟
مراد: ف ثانيه نزل راسه وبيلمع في المكتب ولا كأنه شايف حاجه.
يكتور: هز راسه. وحط العقد وقفل الخزنه. وقعد ع الكرسي ورفع رجليه على المكتب. وبيشرب كاس. وقال. أين كنت قبل أمس چاكوب؟
مراد: مسك فوطة التنضيف. وقال. انا كنت ازور والداي سيد يكتور.
يكتور: هز راسه. امم نعم حسنا كدت أنسى هذا الأمر. ولماذا يبدو عليك الحزن؟ لست معتادا على ذلك.
مراد: بمكر. لا شيء مهم سيد يكتور. إلا إن والداي لم يجدوا مأوى لهم.
يكتور: بعدم اهتمام. حسنا أليس لهم أقارب.
مراد: بخبث. نعم لدينا وهم يقيمون معهم ولكن لضيق المنزل ويوجد سيدتين مستأجرين غرفة معيشه في نفس المنزل!
يكتور: مردش عليه. وشاورله. فلتكمل عملك.
مراد: هز راسه امرك سيد يكتور.
دخلت: صديقة يكتور واسمها صوفيا. وقعدت ع طرف المكتب وقالت. عزيزي يكتور. عندما يصل أخاك بيبرس أين سيعيش؟
يكتور: بصلها نظرات جريئه وباسها قدام مراد.
مراد: اتخنق لكن إلى لفت انتباهه. إن حيدر ليه اخ!
يكتور: بعد عنها. وصب كاس كمان. وقال بيبرس سيأتي قريباً قبل الاحتفال بعيد الهالوين.
وبصلها بتهديد. وسيعيش هنا صوفيا، هل لديكي اعتراض؟
صوفيا: بلعت ريقها بتوتر وضحكت بخوف. وقالت. لا بالطبع انا فرحت كثيرا بقرارك. فأنت سيد القريه وتفعل ما يحلو لك!
يكتور: بجراءه. إذن فلتذهبي معي إلى غرفتي الآن. وقام وقف. واخد صوفيا وقال وهو خارج. نظف المكتب جيداً أيها المعتوه الأعرج!
مراد: انحنى بخبث وقال. سمعا وطاعه سيد يكتور.
وقفل الباب. وراح عند المكتب كاالعاده ولأنه مراقب المكان كويس. لمع الشاشات. وراح يلمع الدولاب جمب الخزنه. وشوش كاميرا المكتب لدقيقة بالظبط. وبسرعه شمر رجل البنطلون. وطلع أزازه صغيره ورش على زراير الخزنه. وحط قطعه بلاستيكية شفافة جدا على الزاراير وطبعت البصمات والرقم السري. وحط القطعه في كيس بلاستيك. وخباها في جيبه. ومسح بصماته من ع الخزنه وكمل تلميع في الدولاب والكاميرا اشتغلت وكملت لقطة مراد عند الدولاب. ونضف المكتب وخرج.
ودخل الحمام. وطلع القطعه ورشها بماده وعرف الرقم السري للخزنه. ولكن الرقم متلخبط وهي كانت
13468
ومش عارف حيدر ابتدا بانهي رقم الأول؟
لكن مراد حفظ الرقم زي إسمه وهيحاول يوصل للرقم السري الصحيح.
ورمى كل حاجه في الحمام وشد السيفون. وغسل وشه.
وافتكر لما سافر القريه اول امبارح وراح عند موريس. وخرج واتصل ع فهد. وطلب منه كل الحجات دي. وجبهاله واتقابلو في قطار. هو و آدم.
واطمنو ع بعض بالاشارات وسماعة البلوتوث.
وفهد قام قبل ما القطر يوقف المحطه ال جايه وساب شنطه صغيره تحت الكرسي. ونزل مع آدم.
مراد: قام وقعد ع الكرسي. وجاب الشنطه واخدها ودخل الحمام في القطر. وفتح الشنطه. ولف كل حاجه فيها حوالين رجله وربطها كويس.
و نزل قبل محطة قرية يكتور ووصل الساعه سابعه صباحاً والكل نايم.
وخبى الحاجه. في الحمام. وصلى ونام.
مراد: فاق من تفكيرو. وقال، ياترى مين بيبرس ده كمان؟ ونفخ بتوتر كبير. وخرج.
فيلا العدوي.
مريم: ضمة زين لقلبها بسعاده كبيره. وبتعيط بفرحه
وقالت. الله أكبر ماشاءالله عليك يازين يابن قلبي وروحي.
وطلعته من حضنها. ومسكت وشه بايديها. وضحكت بدموع الفرح. وقالت. مبارك عليك ياحبيبي. انا محدش فرحان قدي.
اء. انا. أنا قلبي مبسوط. مبسوط اوى. إنك هتفيد الناس. أنت فخر ليا.
لأ لأ أنت فخر للعيله كلها. وضمته تاني لقلبها وعيطت بوجع وقالت. كان نفسي مراد يبقى موجود معانا ويشاركنا الفرحه الكبيره دي.
زين: طلعها من حضنه وباس ع ايديها الأتنين. وقال. أولا كدا. الله يبارك ف حضرتك.
ثانياً بقى كل اللي انا وصلتله ده بسبب دعواتك ورضاكي عليا.
ثالثاً والأهم أبوس إيدك بلاش دموعك دي يا أمي. صدقيني دموعك غاليه اوي.
ورابعا. مراد إن شاء الله. هيكون موجود وقتها. وهو وبابا إللي هيقصو شريط الإحتفال بالمشروع اومال مين يعني؟ بس أهم حاجه انتي تكوني مبسوطه.
مريم: مسحت دموعها وابتسمت بحب كبير. وقالت. انا مش بس مبسوطه. انا مش عاطيه فرحتي لحد. بجد انا فرحانه اوي بيك يانور عيني. وربنا يكملك مشروعك على خير. واشوفك أنت وأخواتك أحسن الناس.
آدم: مسح دموعها. وابتسم. وقال كفايه دموع لحد كدا يا أميرتي.
مريم: هزت راسها ل آدم ومسحت دموعها وابتسمت.
زين: وانا بأيد الحج. اتفضلو بقى اقعدو استريحو. لأن ليليان وكريم على وصول وانا عايز افرحها بنفسي.
ريتال: بسعاده كبيره. همست بفرحه. زينو انا مبسوطه عشانك أوي.
زين: بمكر. وانا كمان مبسوط عشانك أوي. ولازم نحتفل. وغمز.
ريتال: ضحكت بحرج. وشبكت أيدها ف ايدو وقالت. ألف مبروك ياحبيبى.
زين: مبروك عليا فرحتك دي ياروتي!
بعد اسبوعين.
في النادي. :
كامليا: قاعده ف انتظار عامر. وبصت ف الساعه.
عامر: وصل وقعد خير ياكامليا هانم حضرتك طلبتني قولتي عايزاك في موضوع مهم؟
كامليا: بابتسامه. فعلاً ياعامر انا طلبتك عشان اثبتلك حُسن نيتي. وإني مكنتش بضحك عليك أنت وعمك وبتسغلكو.
عامر: بعدم فهم. مش فاهم تقصدي ايه حضرتك!
كامليا: ضحكت. وفتحت شنتطها. وطلعت منها وصولات الامانه. وقالت اقصد دول ياعامر!
عامر: فتح عينيه بدهشه. وقال ياااه. أخيراً؟
وبعدها كشر عينيه وقال. طيب عبد الباري بيه. مقدمش فينا الوصولات دي ليه لحد دلوقتي؟
كامليا: ههههههههه. لأن الوصولات كلها معايا انا ياعامر. وبابي مشغول الفتره دي. المهم بقى. انت مستعد تاخد الوصولات دي وترتاح من القلق!
عامر: بلهفه. إلا مستعد. حد يكره الراحه ياست هانم؟
كامليا: بمكر. خلاص. اتفقنا!
عامر: بتعجب. اتفقنا على ايه؟
كامليا: بمكر. تسمع كلامي المرادي. وتاخد الوصولات وتقطعها بأيديك. ها قولت ايه؟
عامر: أسمع كلامك في إيه؟
كامليا: بخبث. تتجوزني ياعامر!
عامر: تنح. ايييه؟ ات، اء. اتجوزك!
كامليا: بتشرب العصير. وقالت. امممم. جواز رسمي.
بص يا عامر بصراحه كدا من غير لف ودوران انا وانت في بينا شغل كتير جدا جاي.
عامر: كشر عينيه بعدم فهم. وقال شغل إزاي مش فاهم.
كامليا: بخبث. لأ كل حاجه حلوه ف وقتها. احنا أولا هنتجوز لمدة 6 شهور وبعدها كل واحد يروح لحاله! لكن شغلنا زي ما هو.
عامر: بتمثيل. ياست هانم الله يكرمك ماتلعبيش بيا. انا صحيح غلبان. بس عندي قلب برضه وبيحس زيك. وانتي زي القمر وجميله جدا وغنيه والف مين يتمنا ضفرك. وانا فقير. عايزاني ازاي اتجوزك!
كامليا: نفخت بخنقه. خلصت كل الكلام التافه ده؟ انا قولت جواز لمدة 6 شهور. ولازم يبقى رسمي قدام الناس. وبعدها اطلق عادي.
وقولتلك هيبقى ف بينا شغل كتير جاي. والمقابل مبلغ كبير. غير كدا صدقني مش هسيبك في حالك.
عامر: مثل الحيره. ليه بس ياست هانم انا اذيتك في ايه؟ طيب حتى على الأقل افهم. شغل إيه؟ وازاي جواز مره واحده. وطلاق وايه السبب للجواز ده!
كامليا: طلعت رزمة فلوس. ورزعتها قدام عامر. وقالت. تاخد الفلوس دي. وتنضف نفسك. وتشتري لبس شيك. وانا هظبط شوية اوراق وهميه أنك فتحت شركة صغيره. ومستقبلك مضمون. وتتقدم رسمي وانا عليا الباقي!
عامر: بنفاذ صبر. ياست هانم الله يخليكي. فكري كويس والدك مش هيدخل عليه الحوار ده. انا ماضي على وصولات ازاي فتحت شركه؟
كامليا: بتفكير. اممم. وبصتله خلاص نحطهم قدام الأمر الواقع. لأن بجد لازم اتجوزك بأي شكل. فهمت ياعامر!
عامر: بمكر. إلى تشوفيه ياست الكل!
كامليا: قامت وقفت. وقالت. سبني أرتب لكل حاجه. وهتصل عليك ونكتب الكتاب. ووقتها تاخد الوصولات. واعمل حسابك انك هتعيش معايا في شقه بعيد عن اهلي. وسابته ومشيت!
عامر: مسح وشه بايديه ونفخ بخنقه. واتأكد انها مشيت. وطلع فونه. وحط الفون ع ودنه. وقال تمام يادكتور؟
تيم: ابتسم بمكر. تمام أوي ياعامر.
بس خلي بالك. الشغل اللي كامليا عايزاك فيه. أكيد تقصدني انا ومراتي. لأنها مش هتستسلم بسهوله. بس على مين؟ ده انا حفيد العدوي ومصطفي عزيز!
بعد شويه
كامليا وصلت البيت. ودخلت المطبخ واخدت سكينه. وطلعت لمامتها فوق.
ماجده: قاعده بتكلم صاحبتها. على النت. واتخضت لدخول كامليا بالشكل ده. والفون وقع من أيدها. وشهقت وقالت كامليا؟ هتعملي إيه؟
كامليا: حطت السكينه عند قلبها. وقالت بتمثيل العياط والجديه. مامي. انتي عايزه تعرفي سبب تعبي الفتره إلى فاتت مش كدا؟
ماجده: قلبها هيقف من الخوف. وقالت. اء. ايوه ايوه ياحبيبتى. بس نزلي السكينه. اءانتي مش عارفه انتي بتعملي ايه؟
كامليا: بشر كبير. قالت. مامي. انا، ا. انا اتعرضت للاغتصاب.
ماجده: فتحت عينيها بصدمه كبيره. وقعدت ع طرف السرير بوهن!
كامليا: الفت مسلسل من خيالها. وقالت. كل ده بسبب بابي.
ماجده: وقفت برعشه. ودموعها نازله. وقالت بصدمه. اء. ابوكي؟
كامليا: ايوه بابي. في شاب شغال عندو وماضي على وصولات أمانه. وهيتسجن. وجوزك رفض أنه يسلمه الايصال. والشاب ده انتقم من بابي فيا انا!
ماجده: بصدمه. مستحيل. مستحيل إلى انتي بتقوليه ده.
كامليا: بصت لأمها بجنون. وقالت بغضب. يعني أنا هتهم نفسي بالاغتصاب؟ ولا هشيل مصيبه لوحدي. جوزك السبب في كل ده. فكر في الفلوس ومفكرش في بنته. ورمت السكينه على الأرض. وطلعت الوصولات قدام عينيها. وقالت. اتفرجي وشوفي بعينيكي. اهي وصولات الامانه كلها معايه. وانا شرطت على الشاب ده قصاد الوصولات أنه يكتب عليا.
وصرخت بجنون لازم اداري الفضيحه. يا اما هقتل نفسسسسسي. ولطمت على وشها. واتقنت الدور تماماً. لحد ما ولدتها وافقت بالاجبار لسترة بنتها.
ماجده: خرجت من الاوضه منهاره.
كامليا: قامت ومسحت دموعها وابتسمت بشيطانيه. وقالت. كدا انتقامي من تيم ومريم. هيبقى سهل. وعامر هينفذلي كل طلباتي ويقاتل يامقتول يامريم. هههههههههههه.
في ملهى يكتور. :
الساعه 7 صباحاً والكل نايم.
مراد: نايم. وفاق على ايد حد ع خدو بإغراء. وفتح عينيه بصدمه واتعدل بسرعه.
صوفيا: بنفاذ صبر. قالت بصوت واطي. هاي على رسلك أنه أنا صوفيا؟
مراد: شافها ولابسه طقم جرئ. وفهم نيتها. وحاول يتصرف بسرعه.
صوفيا: بصت ع چاك. وقالت بنفس الهمس. چاكوب هل تسمعني انا صوفيا عزيزي!
مراد: بصوت عالى وإحترام. نعم سيدتي. هل يوجد عندك مشكله؟
اتريدين أن أعد لكي بعض الحساء فإن زوي لم تأتي الآن؟
صوفيا: بصت حواليها بغيظ. وهمست يالك من غبي جدا.
چاك: اتعدل وبيفرك ف عينيه. وقال. ماذا تفعل چاكوب. الن استرخ قليلا يارجل؟
صوفيا: خرجت بسرعة البرق. لأن چاك قديم في المكان. وخافت من يكتور.
مراد: نفخ براحه كبيره جدا. وقال. عذراً چاك. اخلد للنوم.
چاك: نام وشد الغطا عليه!
مراد: نام ع ضهرو. وحط ايدو تحت راسه وفكر كتير. وبعدها ابتسم بحنين ممزوج بوجع. وحشتيني اوي يافريحتي.
في اسكندريه. مشروع همس.
ياسين: قاعد في العربيه. ومخنوق. وقال. وبعدين بقى. هي همس اتأخرت ليه؟ ونزل من العربيه. ولبس النضاره. ورايح لهمسته.
همس: واقفه مع العمال. بتشرح ليهم. وقالت. ايوه تمام جدآ. انا عايزه تكون في مسافه مناسبه بين كل بيسين والتاني. لأن هيكون في أمن جمب البيسين لحماية الأطفال.
وكمان عايزه اماكن كاميرات المراقبة تكون جايبه اكبر مساحه ممكنه. احنا عايزين برضه نهتم بحتة الامان دي. تمام يارجاله!
كلهم تمام حضرتك.
همس: طيب تمام كل واحد يكمل شغله ربنا معاكم.
الكل مشي.
ياسين: جه عندها وقال. تمام يارجاله؟ انتي شغاله في الوكاله ياهمس؟
همس: لفت ليه. وقالت. اله ايه ياياسو. مش ده شغل. وبعدين ياريت بقى متتدخلش في شغلي اشطا؟
ياسين: دلوقتي بقى شغلك؟ نسيتي لما كنتي شايله المجسم؟ مكنتيش باينه منه. وتقولي شغلك. يلا يلا. تعالي عشان عازمك على الغدا. وهنرجع على القاهره.
همس: عوجت بوقها. وقالت. مش باينه من المجسم؟ اتريق اتريق.
بقولك ايه ياسين.
ياسين: شاور ليها ومشيت جمبه وقال. قولي ياقلب ياسين.
همس: ماشيه جمبه وقالت. قولي كلام حب كدا.
ياسين: بص للشمس. وقال كلام حب في الصحرا دي؟ يلا ياهمس انجزي عندي شغل.
همس: هتتكلم. معدتها قلبت عليها. وحطت أيدها ع بوقها.
ياسين: ماشي. وبيتكلم. بس عارفه ياهمس. بجد يعني مش هزار. انتي تستاهلي كل كلام الحب والعشق. اصلا الحب اتخلق عشانك انتى ياقلب ياسين.
انتي مبترديش ليه ياهمس! وبص جمبه ومفيش همس. ولف ليها. وكانت ماسكه معدتها وبترجع!
ياسين: جري عليها بقلق. همس. همس مالك بترجعي ليه؟
همس: مسحت بوقها بمنديل. وسندت ع ياسين وقالت بتعب. شكلي اخدت ضربة شمس. انا دايخه اوي يا ياسين.
ياسين: حط ايدو ع خدها. وقال درجة حرارتك عاليه شويه. وقال. تعالي وشالها بين ايديه. وماشي بيها لحد العربيه. ونزلها وركبت. ورجعت راسها لورا وبتنهج بسيط.
ياسين: بسرعه لف ليها وركب جمبها. وفتح ازازة ميا. وقال بقلق. اشربي ياحبيبتى. وساعدها تشرب.
وقال. احسن دلوقتي؟
همس: هزت راسها لأ. عشان قولتلك تقولي كلام حب. وانت بتتفلسف وخلاص.
ياسين: مسح وشها بمنديل. وضحك. وقال. مجنونه قلبي والله. يلا هخدك لأقرب مستشفى. اطمن عليكي وبعدها اقولك كلام حب.
همس: هزت راسها لأ. انا اتحسنت. بس معدتي فاضيه. ولازم تعزمني حالا.
ياسين: بضحكه. حاضر ياحبيبتى. انتي تؤمري.
همس: بمرح قولي كلام حب بقى.
ياسين: شغل العربيه وساق. وباس ع أيدها وقال. ياسين بيموت ف همسته. همس أصلا هي مفتاح قلب ياسين!
بعد كام يوم.
عند المأذون.
كامليا: قاعده ومامتها وعمها محسن الشاهد على العقد بعد محاولات كتير جدا من ماجده. ومحسن وافق لأنه مضطر. ولولا خوفه على اخوه مايتحملش الصدمه. كان هيتصرف تصرف تاني.
عامر ايدو ف ايد محسن. وقالو ورا المأذون.
المأذون. بارك الله لكما. وبالرفاء والبنين.
بعد كدا خرجوا من عند المأذون.
كامليا قالت ل عامر. أسمع انا هقعد عند صحبتي الفتره دي. كاني ف شهر العسل. وانت متحاولش تروح النادي الفترة دي خالص. فاهم؟
عامر: طيب ياريت بقى وصولات الامانه. انا عملت كل حاجه طلبتيها مني.
كامليا: ركبت العربيه. وقالت بعدم اهتمام. اول ما تطلقني هتاخدها. وداست بنزين وساقت العربيه بسرعه كبيره.
عامر: صك ع أسنانه بغيظ مكبت. واتصل ع تيم بلغه بالجديد!
عدا فتره كبيره ع نفس الحال وخلصوا الامتحانات.
ف الطريق.
شاهين سايق العربيه. وجمبه هبه. وقال بابتسامه. مبسوطه ياحبيبتى
هبه: بسعاده. مبسوطه بس؟ دي قليله جدا عن إلى انا حساه. بجد الفستان يجنن وكل حاجه حلوه اوي ياشاهين.
شاهين: بضحكه. عشان انتي حلوه بس. شايفه كل حاجه حلوه.
هبه: بحرج وزعل. بجد مش مصدقه اني خلاص هسيب ماما واتجوز.
شاهين: ههههه طيب الحمدلله إنك مش هتسبيها وتهاجري. ههههه.
ياهبه مصر كلها اوضه وصاله. وبعدين ياحبيبتى هو احنا هنقدر نستغنى عنها دي هي الخير والبركه.
هبه: ابتسمت بحب. ربنا يباركلي فيك ياشاهين.
شاهين: ويباركلي فيكى ياعيون شاهين.
ف بريطانيا.
ميرو: واقفه بتسرح شعرها.
تيم: دخل الشقه واكتر واحد مبسوط. وقال. بصوت عالى. ميرووو. مريوووم. ياملاااكي! انتي فين؟
ميرو: بضحكه. انا هنا ياحبيبي.
تيم: دخل الاوضه. وبيضحك. وضمها من الخلف وباس كتفها. وقال. روح قلبي وحشتيني مووت.
ميرو: بسعاده. وانت كمان ياحبيبى. اتأخرت ليه كل ده ياتيمو!
تيم: طلع التذاكر من جيبه. وحركهم قدام عينيها. وقال. اممم. حذري فزري. ايه ده؟
ميرو: تنحت وفتحت عينيها بدهشه. وقالت. تذاكر طيران القاهره! ولفت ل تيم. وقالت. تيم بجد هنسافر مصر!
تيم: باس أنفها بمرح. وقال ايوووه. هننزل نقضي الإجازة في مصر. وتحضري فرح هبه صحبتك كمان.
ها مبسوطه!
ميرو: شهقت بصوت عالى. واتعلقت في رقبته من الفرحه. وقالت. مبسووووطه اوي اوي اوي ياتيم. ربنا يباركلي فيك ياحبيبى اناااااا.
تيم: شالها ولف بيها. وقال بحبك. بحبك اوى يامريم.
ميرو: باسته من خدو. بموت فيك ياتيمو.
تيم: قرب منها بحب كبير. وهمس. بعشقك.
ميرو: بدقة قلب بعشقك حد الإنهيار.
تاني يوم ف العياده.
رينو: خلصت الكشف وقعدت بتعب واضح. ورنت الجرس.
الممرضه: دخلت وقالت دكتوره لارين. فاضل آخر كشف. بس واضح حضرتك تعبانه جدا. انتي ف آخر التاسع.
رينو: ابتسمت بتعب. ابدا مش تعبانه ولا حاجه. انا فاضلي عشر أيام واولد. وانا بخير ياحبيبتى. دخلي آخر كشف. وبعدها هروح.
الممرضه: بقلة حيلة. حاضر يا دكتوره. انا عارفه إن حضرتك مش هتسمعي مني غير لما تطمني ع المرضى. وخرجت.
رينو: سابت القلم. وعيونها لمعت بحنين. وقالت. ياترى عامل ايه دلوقتي يافهد. نفسي اسمع بس إنك بخير!
في القطار. :
مراد قاعد بعيد عن فهد و آدم. وبيكلمو بعض عن طريق سماعات بلوتوث صغيره جدآ.
مراد: قال. بطمنكم ياشباب إن موريس و أورورا متحمسين جدآ للي انا بعمله.
ومستعدين أنهم يقدمو أي مساعده بس أرضهم ترجعلهم.
وانا امبارح طلبت منهم كام شاب كدا يترددو على ملهى يكتور. عشان هحتاجلهم بعد كده. ووافقو.
فهد: تمام اوي. بس يعني ياصقر انت مفيش اي معلومات جديده؟
مراد: بص حواليه وقال.
ياحوت انا كدا قاعد مع يكتور تلات شهور من غير ما اعمل اي غلطه. عشان اكسب ثقة كل الموجودين.
آدم مراد: طيب رقم الخزنه وصلت لنتيجه؟
مراد: طبعا وصلت اومال انا جمعتكم ليه؟ انا طبعا احترت جدآ عشان اوصل للرقم السري الصحيح. وف يوم حيدر كان راكب حصان وعرفت أنه حصانه المفضل. وشوفت جمب الساعه الكبيره. صوره للحصان ده. وفي سلسلة متعلقه في رقبة الحصان برقم 8.
وبعدها افتكرت وانا بنضف المكتب صور لعيلة حيدر ومن ضمن الصور دي. صوره رسم تجريدي وف قلبها رقم 3 وسن حيدر الحقيقي. 41 كدا جمعت الارقام وناقص رقم 6 إلى اكتشفت بعد كده أنه في لعبة القمار لازم يبدأ بحرف 6 وجربت كل الارقام ووصل معايا رقم الخزنه هو.
83641 وفتحت معايا امبارح. وقفلتها تاني وهنفذ خطتي بكره بليل...
فهد: تمام اوي كدا ياصقر. بس خلي بالك من الخطه دي. عشان نفسي اغمض عيني وافتحها الاقي نفسي قدامك هناك. عشان نقدر نوصل لاكرم.
آدم مراد: هز راسه تمام جدآ. خلي بالك يابا، احم ياصقر.
مراد: اتنهد. وابتسم بتمثيل وقال. متقلقش ياديزل. المهم اسمعوني كويس أنا كمان جمعت معلومات لكن مش كامله.
آدم مراد: بتركيز. ايه هي المعلومات دي؟
مراد: أولا كدا إن اكرم مالوش أي أثر هناك. بس أكيد هنوصله إن شاء الله.
وكمان إللي انا عرفته من العمال إلى هناك. إن يكتور بيتاجر ف حجات كتير غير مشروعه. وبيسلم شغله في الملهى ده.
وفي اوضه جمب مكتبه وعليها حرس. دي بقى بيسلم منها الشغل. واكيد موجود فيها بلاوي.
وأكيد هو عامل الملهى ده عشان يداري فيه مصايبه.
وكمان يتسلا فيه مع البنات إللي تعجبه ولكن مش ديما أي بنت تعجب حيدر.
بشوفه ديما مركز في شغله وطول الوقت في مكتبه وبيجيله ناس وواضح عليهم انهم حتت تقيله جدآ.
يتقابله في مكتبه ويلعبو قمار. وفي حاجه مش قادر افسرها. إن الكاميرات في بعض الأحيان بتتقفل اتوماتيك في وقت واحد وبترجع تشتغل تاني بعد حوالي عشر دقايق.
والبنت إلى اسمها صوفيا دي صديقته المفضله وهي معاه اكتر الوقت. لكن ربنا يستر.
آدم مراد: بشك. صوفيا دي بتبصلك؟
مراد: بخنقه دي صوفيا والبنت ال ع البار اسمها زوي. بس انا بخلع بالطريقه.
واحسن حاجه إن شغلي ف وسط الكل يعني ماليش اوضه معينه. وإلا كانت هتبقى مصيبه.
آدم مراد: بتفكير. فعلا غريبه قفل الكاميرات دي؟
وكمل بغيظ. بسبب اللي بتعملو صوفيا. وقال، عشان كدا انا طلبت من المدير أنهم يبعتو لينا التلات بنود.
فهد: اطمن ياصقر. البند الخاص بيك قريب من منطقتك.
مراد: هز راسه وده إلى مطمني! المهم ياشباب. انا كمان عرفت عن بيبرس أنه تؤام يكتور لكن مع اختلاف الشخصيه. وبيبرس سكير والنزوات عندو كتيره جدآ. والبنات والخمره هما رقم واحد في حياته ولكن. عندو بنت بيموت فيها. واسمها أليس. وچاك قالي ممكن يخسر اي حد عشان البنت دي.
فهد: بسخريه بيحبها اوي؟ وكل شويه مع بنت تانيه طيب تيجي ازاي دي؟
مراد: في الغرب هنا متستعجبش ع اي حاجه ياحوت.
المهم بقى. انا في دماغي خطه لو نجحت يبقى القاضيه لحيدر وبيبرس مع بعض.
فهد: بتركيز سامعك قول ياصقر!
مراد: ابتسم بخبث. نوقع بين يكتور وأخوه بيبرس!
فيلا العدوي. :
كلهم قاعدين ع الغدا.
آدم واميرته. ومحمد ونور وزين وريتال وفريحه وتالين ورينو و آرين و آريان وتمارا وكريم وليليان.
آرين: قالت بتعجب. سبحان الله. يعنى مامي حامل ف ولد وليليان في الشهر السابع وحامل في ولد وتمارا في الشهر الخامس وبرضه حامل في ولد ههههه ماشاء الله. وهمس حامل ف الشهر التاني يعالم بقى. هههههههه.
كلهم ضحكو وقاله ماشاء الله.
فريحه: دعت لمريم بنتها.
ليليان: بتذمر اه يختي طلع ولد.
كريم: قال بغيظ. يعني لازم تفكريها يا آرين؟
آرين: ضحكت اوبس. سوري نسيت اليوم ده. ههههههه.
ليليان: بغيظ. هو انا يعني كنت ناسيه عشان آرين تفكرني يسي كريم؟ وبعدين يعني خلاص الحمدلله على كل حاجه.
آدم ومريم ضحكو ع احفادهم.
كريم: مش قصدي يا لي لي انا بس مش عايزك تضايقي. كفايه يوم السونار. بجد مش قادر اتخيل إلى انتي عملتيه.
كلهم ضحكو. :.
آرين: ههههه ايوه وانا اشهد بذلك. انا كنت معاكم. وليليان شدت السونار من الدكتوره وتقولها لااا احنا متفقين ع بنت الاول انتي مشوفتيش كويس هي بنت مش ولد. وكانت هتضربنا. ههههه. وانقذتك يا أبيه كريم. ههههه.
ليليان: صكت ع أسنانها بغيظ. وبعدين بقى ف البت دى. عجبك كدا ياماما؟
مريم: ابتسمت. مالك بس يانور عين ماما. آرين بتهزر معاكي. وبعدين ولد او بنت. نسجد لرب العباد ونشكرو. والمره إلى جايه بإذن الله تعالى. يرزقك ويقر عينك بالبنين والبنات.
آرين: متزعليش بقى يالي لي بهزر معاكى ياروحي انتى...
وبكره تخلفي آرين قمر زيي كدا ولا تزعلي.
ليليان: أكلت قطعة جزر بغيظ. وقالت طيب يختي.
تمارا: ابتسمت بحب كبير. وقالت بصراحه انا فرحت جدا وحمدت ربنا انه ولد. لأن اسمه هيكون ع اسم بابي. بعد اذنك طبعا يابابا زين؟
زين: ضحك. يابنتي ده محمد هينور ويشرف علية العدوي. ويارب بس أشوفه زي ابوكي. هو في زي الدكتور محمد عزيز.
محمد: ابتسم وربت ع رجل زين. وقال تسلم يا باشمهندش. والله انا قولت بلاش محمد بس آريان بقى يبس دماغه.
مريم: بفخر. وزي ما زيني قال. وهو في زيك يابن قلبى. انا فرحت جدا لما آريان قال إنه هيسمي محمد.
نور ابتسمت بحب كبير. وقلبها مبسوط ودعت بقلبها ل تيم وميرو.
زينب: جت وحطت العصير وقالت الف هنا وشفا إن شاء الله.
كلهم شكرا يازينب.
مريم: بابتسامه. ابعتى الغدا لاحمد ودعاء لسه مخلصين امتحانات وتعبو الفتره دي يازينب.
زينب: بحب. الهي يكرمك من فضله ياست الكل بانوراتنا. حاضر من عينيا.
مريم: ابتسمت تسلم عيونك ياحبيبتى. واتغدي معاهم انتي وجوزك يازينب كدا افضل.
زينب: بسعاده. حاضر ياست الكل. ربنا يباركلنا ف عمرك وعمر سيدي آدم بيه. ومشيت.
الكل ابتسمو ل مريم.
آرين: شهقت وقالت اوبس نسيت أسألك ياليليان. هتسمي البيبي ايه؟
ليليان: حطت ايدها ع بطنها وقالت. عُمر عزيز إن شاء الله.
كلهم قاله ماشاء الله اسم جميل جدا.
آرين: واو عُمر وتيما هتسمي محمد. طيب وانتي يامامي!
رينو: دمعه نزلت منها وقالت بوجع. آيان. آيان فهد السيوفي!
فريحه: ربتت ع أيدها وقالت. هيرجع. بإذن الله هيرجعو بخير كلهم.
رينو: خرجت منها تنهيدة تعب. وقالت يااارب.
آدم: عيونه ع رينو. وقال عكس ال جواه. يلا ياجماعه الكل يتغدا بسم الله.
مريم: حطت المعلقه. وغمضت عينيها. ودعت بقلبها كتير ل مراد وآدم وفهد.
آدم: ربت ع أيدها وقال بحب. أميرتي فيها ايه؟
مريم: بتنهيده. أبدا انا بخير الحمدلله.
آدم: مسد ع ضهرها. طيب يلا كلي ومتشغليش قلبك بحاجه. المكتوب هنشوفه يا اميرة آدم.
مريم: هزت راسها. إن شاء الله خير. رب الخير لا يأتي إلا بالخير.
تيم وميرو من ع باب الفيلا. السلام عليكم ورحمة الله.
كلهم بصو اتجاه الصوت واتفاجؤ. وضحكو بسعاده كبيره. و آرين سقفت بفرحه كبيره وهمست تيمووو.
فريحه: قامت بسرعه وضحكت بسعاده. مريم بنتي؟
ميرو: جريت عليها واترمت ف حضنها. مامي وحشتيني اوي.
رينو: ضحكت بدموع. وقامت وقفت بحذر. وقالت تيم!
نور: وقفت بسرعه وقابلت تيم. وضمته لقلبها ودموعها هي التعبير الوحيد عن فرحتها!
تيم: باس ع ايديها ورأسها. وحشتيني يانوري. وحشتيني جدآ ياست الكل. وقرب من أبوه وسلم عليه باشتياق كبير. وقال وحشني اوي يادكتور.
محمد: ضحك بسعاده. حمدالله ع سلامتك يا دكتور.
ميرو: جريت ع جدها آدم. واترمت ف حضنه. وقالت بابا آدم حبيبى.
آدم: ضمها لقلبه وكأنه بيحضن مراد وابتسم، وقال بنت الغالي.
ميرو: باست ع ايدو. وحشتني اوي اوي يابابا.
آدم: باس جبينها. وانتي اكتر ياروحي!
تيم: قرب من مريم وباس جبينها وايديها وضمها لقلبه بحب كبير. وحشتيني اوي ياماما مريم.
مريم: ضحكت بدموع. وانت اكتر يابن قلبى. مفاجأة حلوه اوي اوي ياتيم يبني.
ميرو: سلمت ع مريم حبيبتي يا ماما مريم. انا بجد مسبوطه اني شوفتك.
تيم: قرب من رينو وشاف قد ايه عيونها دبلانه ودموعها نازله. وقال بقلق. رينو انتي كويسه؟
رينو: هزت راسها لأ واترمت ف حضنه وعيطت بصمت.
تيم: ضمها لقلبه بحنان كبير. بس بس يارينو انا رجعت ياحبيبتى. وكل حاجه هتكون تمام. وطلعها من حضنه. وباس جبينها. وقال بترجي. بلاش عياط عشان انتي تعبانه.
رينو: هزت راسها. حاضر ياتيم.
تيم: بزعل عشانها. اقعدي ارتاحي. وبعد الغدا هنتمشى انا وانتي شويه. عندي ليكي كلام كتير جدا. وباس ع راسها.
ميرو: ضحكت بدموع. عمو زين حبيبي. واترمت ف حضنه.
زين: بسعاده ضمها لقلبه بحنان كبير. وقال. ميرو حبيبة عمك. وحشتينى جداً.
ميرو: بضحكه. وحضرتك كمان وحشتني جدا. وسلمت ع ريتال.
تيم: سلم ع خالو زين. اذيك ياخالو.
زين: ربت ع كتفه. خالك زي الفل. حمدلله على سلامتكم ياولاد.
آرين: عيونها لمعت بفرحه. تيمو حمدالله ع سلامتك.
تيم: ابتسم بحب. اذيك يا آرين. انا جبتلك حجات كتير جدا من بريطانيا ومتأكد انها هتعجبك.
آرين: حضنت ميرو بسعاده. وقالت متأكده طبعا انها هتعجبني. وقالت لمريم. بجد ياميرو انتي راجعه زي القمر انتي جميله اوي ما شاء الله.
ميرو: بضحكه صافيه. حبيبتي يا آرين تسلمي لقلبي. وبصت ع تالين وقالت تالي روح قلبي. وفتحت أيدها.
تالين: حضنتها بحب كبير. وقالت ميرو انا مبسوطه اوى انك رجعتي.
ميرو: وانا مبسوطه جدا إني شوفتكم من تاني ياروحي.
ليليان: قامت طيب خلاص تعالى سلمي عليا بقى عشان جعانه.
الكل ضحك. وسلمو ع باقي العيله. وقعدو كلهم يتغدو بسعاده.
نور: بهمس ل محمد. قالت. محمد انا مبسوطه اوى لرجوع تيمو حبيب قلبي.
محمد: أبتسم. وانا حقيقي مبسوط جدا. وخصوصاً إن دكتور زوهير دكتور جراحة التجميل. طلب مني أنه عايز تيم يكون موجود معاه ف أقرب فرصه في أول عملية تجميل. وتكون تحت إشرافه شخصيا.
نور: بفرحه. واو بجد؟ ماشاءالله. طيب تيم عرف؟
محمد: لأ يانوري. الموضوع كان لسه امبارح في وسط دردشه بينا. وهتكلم مع تيم أكيد. لكن عايز أقولك أننا مسافرين انا وانتي المؤتمر الطبي خلال الأسابيع إلى جايه. متنسيش.
نور: هزت راسها لأ انا مش ناسيه. وإن شاء الله كالعاده انت هتكون المتمركز في المؤتمر.
محمد: بتنهيده. انا متمركز من يوم مابقيتي زوجتي ونصي التاني يانوري!
ميرو: قاعده جمب فريحه وبتهتم بيها. وبتاكل. وشاورت ل تيم يهتم ب رينو لأن واضح عليها التعب.
تيم: شكرها بعينيه. وبدأ يهتم ب رينو ونور. ورينو بدأت تفرح من جديد. واكلت بتحايل من تيم أبنها.
مريم: شافت ابتسامة رينو رجعت من تاني وابتسمت براحه كبيره. ودعت بقلبها إن العيله كلها تتجمع قريب.
في ملهى يكتور.
مراد: بيلمع التربيزات.
چاك: تفضل چاكوب أنها العاشره. حساء الدجاج لسيدي يكتور. قدمه له على الفور!
مراد: هز راسه. حسنا. واخد الصينيه. وماشي. ولمح الحارس روبرت. بيهمس لصحابه. ومراد قرأ حركة الشفايف. انه يوقع چاكوب بالحساء عشان يضحكو عليه.
مراد: ابتسم بمكر. وماشي. ولما قرب منهم. قال تنحى قليلاً سيد روبرت.
روبرت: بخبث. حسنا ايها المعتوه الأعرج.
مراد: ماشي. وعينيه على رجليهم عشان هيكعبلوه.
روبرت: فتح باب المكتب. وغمز لصاحبه. وحط رجله لمراد.
مراد: داخل وقبل ما يخطى. وقف مكانه. وقال اوو لقد نسيت الملعقه لسيد يكتور.
روبرت: رجع رجله. واتغاظ جدآ.
مراد: خبط ع جبينه. وقال ماذا يحدث لي. إن الملعقه في يدي. وعدا بسرعه دخل المكتب. وقدم الحساء ل يكتور. وبيضحك بخبث.
والحارسين واقفين مضايقين جدآ من چاكوب موريس. إلى اثبت وجوده في فتره قصيره!
فيلا العدوي. ف جناح مراد.
فريحه: قاعده ع السرير وميرو قصادها.
فريحه: بسعاده. متعرفيش انتي عملتي ايه ف قلبي بالمفاجأه الجميله دي.
ميرو: بضحكه. مش اكتر مني يامامي. انا لما تيم قالي امبارح مكنش مصدقه. بجد فرحت جدآ.
فريحه: بعتاب. طيب لما انتي عارفه من امبارح. مقولتيش ليا ليه؟ ع الأقل كنت عملت كل حاجه انتي وتيم بتحبوها.
ميرو: ابتسمت. ودي بقى هتبقى مفاجأه إزاي ياست مامي؟ أحلا في كل ده اول ما شوفت فرحتك لما شوفتينا.
فريحه: حطت ايدها ع خدها. وقالت بوجع مكتوم. انا فرحت جدا بوصولك ياحبيبتى. وبجد كنت محتجالك جمبي.
ميرو: مسكت ايد فريحه. وقالت. بقلق. مالك يامامي؟
فريحه: ابتسمت بتمثيل. أبدا ياروح مامي. انا كويسه جدا.
ميرو: عيونها لمعت. حضرتك قلقانه على بابي و آدم وخالو فهد؟
فريحه: بتنهيدة وجع. لو قولتك عادي جدا ابقى بكدب عليكي. لكن برضه حاسه إني تعبت من التفكير. وسلمتها لله. وكمان تالين مهونا عليا كتير وجو العيله اتغير للأحمل بوجودكم.
ابوكي بيسافر من قبل مانتي تيجي على الدنيا دي. وديما يقولي المفروض اكون اتعودت ع كدا. ويطلب مني ادعيله وبس.
وبصراحه هو عندو حق. قلقي الكبير والزايد بياكل من اعصابي وبيوجع قلبي. وفي النهايه مش هيحصل غير ارادة رب العالمين. والحمد لله. ربنا بيحفظهم ديما. لأننا كلنا بندعيلهم بالستر وبنستودعهم عند الله.
وانا واثقه أنهم هيرجعو بخير.
ميرو: مسحت دموعها. وقالت. إن شاء الله هيرجعو بخير يامامي. أنا كمان لما عرفت من آرين. زعلت جدآ أنكم خبيتو عليا. لكن تيم فهمتي وجهة نظركم. لكن ديما بندعيلهم انا وتيم.
فريحه: مسحت دموعها وابتسمت بحب وقالت. انما قوليلي بقى مش ناويه تسيبي الوسيله. وتفكري في الحمل. صدقيني ياميرو. بذرة الحب دي هتضيف لحياتك حب من نوع خاص.
ميرو: بتنهيده. قالت. انا فعلاً بطلت الوسيله يامامي. بس!
فريحه: بقلق. بس ايه يامريم يابنتي؟
ميرو: بحرج. بس مقولتش لتيم!
فريحه: بعتاب كبير. غلط. وغلط كبير جدا اللي أنتي عملتيه ده.
ميرو: بتنهيده. انا عارفه اني غلطت. بس انا ليا وجهة نظر تانيه. يعني تيم خايف عليا أو بمعنى أصح. مستني نخلص السنادي. طيب خلاص احنا في إجازة نص السنه. وكمان شهرين تلاته ونكون خلصنا الرساله. ولو حصل حمل في الأول مش هيأثر عليا. وبعدين بصراحه. انا نفسي احس الاحساس ده. وكمان متنسيش إن بابا محمد عندو إبن وحيد و من حقه يفرح بذريته. انا فكرت ف كل اللي حواليا مفكرتش فيا وبس يامامي. عشان اخدت الخطوه دي.
فريحه: طيب ياروحي انتى صح. لكن لتجنب المشاكل لازم تفهمي تيم وجهة نظرك. عشان مايتفاجأش. ويحصل زعل بينكم.
ميرو: هزت راسها. عندك حق يامامي. انا إن شاء الله. هتكلم مع تيم في الموضوع ده.
فريحه: ابتسمت. ربنا يهديلك الحال. ويرزقك الذرية الصالحة قريباً ياااارب.
ميرو: بحنين كبير. اللهم امين.
في الجنينه. :
تيم ماشي وجمبه رينو وايدها في دراعه.
تيم: بهدوء. ايه ياحبيبتى مش هتقوليلي مالك؟
رينو: ابتسمت بحب. بجد قبل ما انت تيجي كنت تعبانه. لكن بوجودك هونت عليا كتير اوى ياتيم.
تيم: ابتسم. ووقف بص ليها وقال، طيب كويس جدا. انا لسه ليا تأثير عليكي.
رينو: انت يعني مش عارف انت بالنسبالي ايه؟
تيم: بضحكه. طبعا عارف. انتي لينو حبيي. لينو حبيب تيمو. هههههه.
رينو: ضحكت. كانت من اجمل الذكريات. واتنهدت بحنين ممزوج بوجع. تعرف ياتيم. بتمنى اكون بحلم. وافتح عينيا. الاقي فهد جمبي و آركان ف اوضته وآرين بتعمل دوشه.
تيم: حاوطها من كتفها. وماشي. وقال. خلاص تتخيلي إلى انتي فيه ده حلم. بس حلم طويل شويه. ولحد ماتشوفي فهد قدام عينيكي. كأنك فوقتي من الحلم ده. أما آركان بقى فهو جمبنا هنا وجدو طارق بيطمنا عليه ديما.
رينو: بإستسلام. واضح اني لازم اعمل كدا.
تيم: صدقيني يارينو مفيش اسرع من الأيام. وانا واثق أنهم بخير. لأن دي مش اول مره يطلعو مهمه. والي مطمني أنهم التلاته مع بعض. يعني هتلاقي اهتمام وحمايا وتكاتف اكبر. يعني كل واحد عيونه ع التاني. لحد مايوصلو لبر الأمان.
رينو: غمضت عينيها وقالت يارب ياتيم.
تيم: باس ع راسها. وقال عشان خاطر تيمو حبيبك فوقي كدا. واعملي حسابك بكره إن شاء الله. انا هاخدك انتي و آرين ونوري وميرو وفريحه والشباب ونخرج كلنا.
رينو: برفض لأ اخرجوا انتو انا!
تيم: بنفي. مفيش حاجه اسمها لأ. واعملي حسابك انك هتقعدي معايا يومين في الفيلا. اوكي! واسمع دلوقتي إلى تشوفه ياتيمو. اسمع اييييه؟
رينو: ابتسمت بحب. إلى تشوفه ياتيمو.
ملهى يكتور. الساعه 6 ونص صباحاً. والكل نايم.
مراد: بعد ما خلص صلاه. قام ودخل الحمام. وشمر رجل البنطلون. وكان في شريط ملفوف حوالين رجله. وفكه. وكان في كيس صغير وازازه صغيره جدآ. ومسك الكيس وبصله. وقال بمكر. هنشوف ياحيدر انت والحرس بتوعك. وابتدينا الشغل الصح.
بعد لحظات باب الحمام اتفتح وخرج منه مراد. وماسك فوطه وملمع كالعاده. ودخل المكتب ينضفه.
مراد: بيلمع المكتب. وبحرفيه. ركب فلاشه متفيرسه ف جهاز المراقبة. وكل حاجه اتفيرست.
وحط الفوطه في جيبه. وبسرعه وخفة يد. فتح الخزنه. واخد منها سبايك دهب وقطعتين آثار. وخاتم أثري. وشاف أوراق الأرض بتاعة موريس و أورورا. لكن سابهم مكانهم.
وقفل الخزنه وساب البصمات عليهم وعلى الباب. واخد الفلاشه وخبى الحاجه في هدومه وخرج.
وبسرعه حط كل حاجه في شنطته وقفل عليها وساب البصمات. ودخل الحمام. وغسل ايديه. ورفع ايدو قدام عينيه. وابتسم بخبث.
وشال بصمات الأصابع بتاعة روبرت إلى اخدها من كوباية العصير. والخبير ظبتله كل حاجه.
مراد: رمى البصمات ف الحمام وشد السيفون. و غسل وشه. وبص ف المرايه. وقال. ابتدا العد التنازلي عشان نوصلك يا أكرم!
في نفس اليوم الساعه 12.
مراد: فتح عينيه. وكان المسدس على راسه. ومثل الخضه والخوف. ورجع لورا بسرعه. واتعدل. وقال بتلعثم. سي. سيد ي! يكتور!
يكتور: قام وقف ولف حوالين مراد. وقال بغضب مكبت. من السيء أنك ورطت نفسك چاكوب. ومن الاسؤ أنك ستموت الآن!
روبرت وزميله واقفين يضحكو بصمت. وشماته!
مراد: من جواه قلق. لكن قال. ماذا فعلت لكل هذا؟
صوفيا: متغاظه من مراد لانه مخضعش ليها. وقربت منه بغيظ. ومسكت شعرو. وقالت. كيف تجرؤ چاكوب!
كيف تجرؤ وتسرق الزعيم يكتور؟
مراد: شايف إن يكتور مركز مع حركة عينيه. ومثل الصدمه. وعينيه تبص يمين وشمال. وهز راسه. لا لم افعل. صدقني سيد يكتور. أنا لم أفعل. وماذا فقدت؟ انا لست لصا. صدقوني. انا لم أجرؤ على فعلتها صدقوني. انا اعلم مدى خطورة هذا الأمر من سيد يكتور. وانا لم أقدر على فعلتها صدقوني.
روبرت: بسخريه. هاي انت أيها المعاق. لقد وجدنا في حقيبتك كل هذه الأشياء المسروقه. فكيف تكذب الآن؟
يكتور: في نظره غامضه جدآ ل مراد.
مراد: هز راسه بخوف وقال. انا لم أسرق. وإن سرقت. فلماذا اضع هذه المسروقات في حقيبتي. وإن سرقت فلماذا لم أهرب؟
أنه بالتأكيد فخ؟ حتما أنه فخ لتوريط چاكوب مع سيد يكتور. لماذا أنت تكرهني سيد روبرت.
صدقوني انا لم أفعل.
روبرت: بصوت جهوري. ومن الفاااعل إذن؟
يكتور: في ااقل من ثاينه. طلقتين في صدر روبرت وصديقه.
صوفيا: كشرت عينيها بعدم فهم. وقالت. ماذا؟
روبرت: بيلفظ أنفاسه الأخيرة.
يكتور: قرب من روبرت. وحط رجله على صدر روبرت. وقال بجمود. أهم شيء روبرت؟ لا ترفع صوتك في حضوري.
ومن الصعب أن تخدع يكتور ايها الحقير. وطلقة رصاص في راسه ومات على طول!
صوفيا: باستفهام. يكتور! أنت قتلت حارساك؟ أنا لم أفهم شيء؟
يكتور: تجاهلها. وشاور لحارس!
الحارس: جه. نعم سيدي؟
يكتور: من غير ما يتكلم. شاور على الجثث.
الحارس: انحنى. أمرك سيدي. وشالو روبرت وصديقه وخرجو.
مراد: مراقب كل حاجه. ولسه مطمنش من صمت يكتور.
صوفيا: قربت من يكتور ووقفت قدامه. وقالت. عزيزي لماذا أنت غاضب هكذا. ولماذا قتلت الحارسان؟ ولمَ لم تقتل هذا اللص چاكوب!
مراد: مثل الدهشه!
يكتور: مسك فكها بغضب. وضغط عليه بقوه. وقال. لم يولد بعد الذي يكذب ويخدع يكتور صوفيا. وكل ماحدث من فعل روبرت الحقير. وإن خبير البصمات. وجد بصمات روبرت على الخزانه. واجهزة المراقبه. وان كان الفاعل چاكوب! فلماذا لم يأخذ أوراق مليكة مزرعتهم؟
روبرت وصديقه خائنين. ونالو عقابهم.
صوفيا: بتتألم. وقالت. عزيزي أنت تؤلمني!
يكتور: أبتسم. وساب ايدو. وقال. سأقيم حفل الليله بمناسبة قتل هذان الجرذان. أريد منك أن تتألقي كعادتك.
صوفيا: ضحكت بخبث. لك هذا كما تريد بيبي! فلنحتفل أنا وأنت!
يكتور: بص ل مراد وقال. أنت أيها المعتوه الأعرج. أين وجبة الإفطار؟
مراد: قلبه استريح نوعاً ما. وقام بسرعه. وقال
في الحال سيد يكتور العظيم. ولف ضهرو. وابتسم بخبث. وقال جواه. تمت الخطه واحد بنجاح بفضل ربنا. ندخل على الخطه التانيه!
مساءا. فيلا تيم عزيز!
راجعين من فرح شاهين.
تيم فتح باب الفيلا ودخل. وقال ل رينو اتفضلي ياحبيبتى!
رينو: دخلت بوهن. وقالت تسلم ياروح قلبي. وقعدت في الليفنج.
تيم: شاور ل ميرو. وقال بابتسامه. اتفضلى ياروحي.
ميرو: دخلت. ميرسي ياحبيبي. وقعدت بتعب.
تيم: قفل الباب ودخل. وحط المفاتيح والفون. وقعد جمب ميرو. وقال بتعجب ايه مالكم؟
ميرو: قالت. اليوم كان مرهق بجد ياتيمو. لكن كان يوم جميل جدا. وهبه كانت زي القمر.
رينو: ابتسمت بتعب. فعلا قموره أوي وكان مبسوطه جدا. ربنا يصلح حالها. وكان فرحها هادي وجميل.
تيم: ههههه فعلاً. و آرين سبحان الله اول مره تكون هاديه.
ميرو: ضحكت. طبعا مش أنت قولت لينا شروطك؟ نقعد ومنتحركش. اهو انت طفشت آرين انهردا. كانت موافقه تيجي وتبات معانا.
تيم: انا؟ والله أبدا. هي قالت إن تالين مصممه أن آرين تبات معاها. وكدا أحسن هتاخد راحتها مع تالي اكتر.
رينو: فعلا عند جدها هترتاح اكتر. المهم بقى انا عايزه اخد شاور وانام بجد تعبانه جدا.
ميرو: قامت بسرعه. لأ طبعا مفيش نوم قبل ما تتعشي. اتفضلي حضرتك ياعمتو خدي شاور وانزلي وانا ف ثواني هحضر العشا.
تيم: قام وقال. تمام يامريم وانتي غيري هدومك الأول. وانا هوصل رينو لفوق. وانزل اساعدك ياحبيبتى.
رينو: ابتسمت ربنا مايحرمنيش منكم ياحبايب عمري.
ميرو: بسعاده. ولا منك يا أجمل عمتو. بعد اذنكم. واتحركت بسرعه تغير وتنزل.
تيم: ساعد رينو. وطالع جمبها وقال انتي كويسه؟ حاسس إنك تعبانه من بدري؟
رينو: بألم مكتوم. اطمن ياتيمو انا بخير ياحبيبى.
بعد شويه.
تيم وميرو بيجهزو العشا وسط حب وهزار وضحك.
وميرو فرحت جدآ وقلبها استريح. إنها صارحت تيم بأمنيتها في الخلفه. وشرحت ليه وجهة نظرها. وان تيم بعد تفكير اقتنع بيها و مش معترض. ووافقها الرأي.
وجهزو السفره. وصوت ضحكهم وهزارهم كفيل ينسي
رينو وجعها.
ورينو نزلت. واتصلت اطمنت ع آرين. وقعدو يتعشو. وبيضحكو.
لكن قلب رينو في مكان تاني خالص. وفاقت من شرودها على صوت فونها.
تيم: بص في الساعه. وقال الساعه 12 مين هيتصل دلوقتي؟
ميرو: ممكن تكون عمتو نور بتتصل من ألمانيا تطمن ع عمتو؟
تيم: قام وجاب الفون ل رينو. وقال د/نرمين!
رينو: بتعجب! نرمين دلوقتي؟ خير يارب. وردت. الو؟
نرمين: بلهفه. الو لارين الحمد لله إنك صاحيه.
رينو: بقلق. مالك يانرمين؟ حصل ايه؟
نرمين: بحيره وتوتر. انا في حيره كبيره يا لارين.
حصلت حادثه على الدايري. وواضح ان حصل مشاده كبيره وضرب نار. وجه دلوقتي على المستشفى. ست حالات. راجل كبير وفيه كسور ومراته لازم تدخل العمليات. وتلات شباب كسور مختلفه وجروح متفرقة.
والمصيبه بنت صغيره 11 سنه اتصابت بطلق ناري في العمود الفقري. ودي لازم ليها جراحه بسرعه. وأي غلطه في العمليه هتأدي لشلل. والبنت دي مستقبلها يدمر.
والدكتور محمد ونور بره مصر في مؤتمر. وباقي الاستشاريين معظمهم في العمليات وورديات ومروان بيتصل في إلى بيرد واللي اكيد نايم دلوقتي. اعمل ايه؟
رينو: قامت بسرعه. وبطنها شدت عليها. وقالت. أنا جايه حالا. انتي اعملي ليها الاشعه السينيه وجهزي غرفة العمليات. وانا ههتم بالبنت.
نرمين: بإمتنان. شكرا. بجد شكرا جدا يالارين.
رينو: مسافة الطريق واكون عندك. مع السلامه. وقفلت.
تيم: قام وقف بقلق. رايحه فين يارينو؟
رينو: بتعب متداري. قالت بجديه. تيم حاله بنت صغيره بين الحياة والموت. ولازم أنقذها.
تيم: مستناش. طيب يلا بسرعه انا هوصلك. وبص ل مريم. ساعدي رينو تلبس بسرعه. وانا هجيب العربية. وخرج بسرعه.
ميرو: خليكي ياعمتو انا هطلع اجبلك البالطو ونقابك بسرعه. وطلعت تجري ع السلم.
رينو: حطت ايدها ع بطنها. ومسكت الكرسي بتعب واضح. وقالت. قويني يارب. اني انقذ حياة ومستقبل بنت. واتألمت.
ميرو: نزلت بسرعه. ولبستها البالطو. وقالت عمتو انا عايزه اجي معاكي.
تيم: دخل بسرعه. مش هينفع يامريم. انتي روحي عند بابا آدم. وباتي هناك.
ميرو: بتوتر حاضر. حاضر يا تيم خلي بالك من نفسك. وطمني أرجوك.
رينو: بألم مكتوم. مفيش وقت يلا ياتيم.
تيم: اخد رينو وخرجو بسرعه وركب العربيه.
رينو: سوق بسرعه. البنت في خطر حقيقي ياتيم. مش هسامح نفسي لو حصلها حاجه.
تيم: داس بنزين وساق بسرعه. والطريق كان هادي وده ساعده في انه يوصل بسرعه...
فيلا العدوي.
ميرو راحت عندهم وشرحت للكل إلى حصل. ودعو الله أنه يوفق لارين وتنقذ البنت.
مريم: بقلق. هي رينو هتقدر؟ ربنا يستر دي من امبارح تعبانه. انا خايفه عليها وعلى البنت. سلم يارب سلم.
آدم: ربت ع أيدها وقال اطمني ياروحي. و اتصل ع تيم. لو يبعتله خاله زين او آريان!
لكن تيم طمنه وقاله إنه داخل المستشفى مع رينو. وانا ههتم بيها وهفضل معاها...
في المستشفى.
نرمين: شافت رينو. وجريت عليها. وقالت بلهفه. دكتوره لارين. دي كل الاشعه والتحاليل بتاعة البنت. واسمها جنى.
رينو: نسيت الألم. وماشيه. وبصت ف الاشاعه. وقالت. بصوت جهوري. البنت في خطر حقيقي يا نرمين. هي فييين؟
نرمين: في عمليات 7 والدكتور علاء جه وا...
رينو: بجديه. انا إلى هعمل للبنت العمليه، وسابت تيم ونرمين وراحت العمليات بسرعه.
نرمين: رفعت راسها للسما يارب يارب خليك معانا. دكتور تيم. انا رايحه عمليات 4 بعد اذنك!
تيم: بعد فتره واقف قدام العمليات ورايح جاي ومتوتر. وبص ف الساعه وكانت 3 وربع صباحاً وعدا من الوقت ساعتين ونص.
في العمليات. :
رينو: جمعت كل تركيزها في إنقاذ حياة جنى.
الممرضه: واقفه جمب رينو. ومتابعه.
رينو: حبست أنفاسها. وبتشيل الرصاصه بحذر شديد جدا. لأن أي غلطه هتكلف البنت حياتها. وشالت الرصاصه أخيراً. وحطتها ف طبق معدن. وتنفست الصعداء. ولكن ألم المخاض كان أقوى!
ولأن الأنثى قادره على تحمل المسؤولية الكاملة.
اكيد هتتحمل أي ألم في سبيل إنقاذ حياة اي إنسان.
الممرضه: بعد شويه. شافت رينو بتعقم وتنضف قبل تركيب الشرايح. وعرقانه جدآ. وبتقاوم. قالت. دكتوره حضرتك!
رينو: بجمود. فتحت أيدها وقالت بقوه. شريحه!
الممرضه. بسرعه حطت الشريحه في أيدها.
رينو: حست بخبط في ضهرها ودموعها نازله. وقالت جواها بترجي. أرجوك اصبر شويه. لازم تكون قد المسؤوليه زي باباك يا آيان! حياة البنت دى متوقفه علينا. واخدت نفس عميق جدآ. وتماسكت. وركبت الشرايح والمسامير.
وبعد نص ساعه. بتخيط الجرح. وسندت ع السرير بتعب.
الممرضات قلقانه. وواحده منهم قالت. ده صوت نفس الدكتوره أعلا من نفس المريضه.
واحده تانيه قالت. ع فكره شكلها هتولد. لأن في دم ع الأرض مكانها.
واحده تانيه: قربت منها وقالت بقلق. دكتوره حضرتك تعبانه جدا. ومش قادره توقفي و تخيطي انا هكمل بدالك.
رينو: بتنهج بسرعه. وهزت راسها لأ. انا هخيط. بس اسندوني. بسرعه يابنات قبل ماالبنت تفوق من البنج.
البنات: سندو رينو وساعدوها.
رينو: بثبات قوي جدآ. وكانت مش قادره تكمل لكن حاولت. وخيطت الجرح للطفله جنى. وتمت العملية.
ورينو نزلت الكمامه بتعب شديد. وبتنهج. وحطت أيدها ع بطنها. وقالت بدموع وألم. بلغو الدكتور علاء يهتم بالحاله.
وصرخت بصوت كله ألم ووجع. ونزلت ع الأرض مكانها!
تيم: سمع صوتها. ولف للباب. وقلبه دق بقوه. وقال رينو؟
الممرضات فتحو باب العمليات بسرعه، وطلعو الطفله جنى. وواحده منهم قالت بصوت عالى. حد يلحقنا الدكتور لارين بتولد!
تيم: فتح عينيه بصدمه كبيره. رينو!
وجري بسرعه ودخل اوضة العمليات. وشافها ع الأرض بتصرخ. وبنتين حواليها. وقرب منها بخوف واضح. وقال. رينو. رينو مالك!
رينو: ضغطت ع أيدو بقوه. وقالت بتعب شديد. مش قادره ياتييييم. مش قادررررره. ااااااه يااارب يااارب.
تيم: برجفه ولخبطه. لكن جمع شتات نفسه. وقام بسرعه. وشالها. ونيمها ع السرير. وعيونه لمعت غصب عنه. وقال. اهدي يارينو. اء. انتي هتبقى كويسه. صدقيني. بس. بس انتي قوليلي اعمل ايه؟
رينو: بتصرخ بصمت. وقالت بوهن. فهد ياتيم. انا عايزه فهد!
تيم: برعشه في ايديه. وصرخ بصوت عالى. دكتوووووره بسررررعه. وبص ليها. وقال. وعشان فهد لازم تقاومي. بصي. اء. انا هروح بسرعه انادي دكتوره. واتحرك.
رينو: مسكت ايدو بسرعه لأ. لأ متسبنيش يافهد. أرجوك متبعدش عني يافهد!
تيم: صك ع أسنانه بقلة حيلة. وقرب منها. فهد جمبك ومعاكي في كل وقت. بس انتي استريحي.
الدكتوره دخلت بسرعه. وقالت دكتور تيم. استناني بره لو سمحت.
رينو: بتصرخ وهزت راسها وقالت مش قااااادرررره. متسبنيييييش اااااه. ياااااللله...
تيم: حضنها لقلبه بخوف كبير. وقال أنا جمبك يا امي. انا معاكي. وغمض عينيه ودموعه نزلت.
الدكتوره: شدت الغطا على رينو. وشدت ستاره فاصل بين تيم وبينها. وبدأت في الولادة.
وبعد شويه.
رينو: مكلبشه في تيم. وبتقرأ قرآن. وصرخت صرخة بصوت كله احتيااج للفهد. وقالت. فااااااهد...
و آيان فهد السيوفي. خرج للنور. ونور حياة كل العيله. وبيعوضهم لو جزء بسيط عن فهد!
في أوكرانيا. وقت الفجر.
فهد: نايم. وفتح عينيه وقال بصوت عالى جدا. لاريييين! واتعدل وبينهج.
آدم مراد: فتح عينيه. واتعدل بسرعه وشغل الاضاءه. وشاف فهد عرقان وبينهج.
فهد: بيتنفس بسرعه. وبيهمس. لارين.
آدم مراد: قام بسرعه. وقعد جنبه. وقال بقلق. مالك ياخالو!
فهد: حط ايدو ع السلسه إلى في رقبته. وقال...
سمعت صوت لارين بتنادي عليا. لارين محتجالي. وبص ل آدم بصدمه.
لارين بتولد! ايوه لارين بتولد أكيد. لارين!
بدأ نور صباح جديد مع وصول آيان.
رينو: نايمه ف غرفه مجهزه. و آيان نايم ومستكين في سريره بعد محاولات كتير أنه يخرج للعيله بسلام.
تيم: رغم أنه واجه انهردا موقف صعب. لكن وصول آيان ولما شاله بين ايديه كل الخوف والرهبه اختفت. وكان مبسوط جدا. واتصل ع ميرو اول واحده. وقالها الخبر الجميل ده. واتصل ع رنا يريح قلبها. بحاجه من ريحة الفهد.
ميرو: خرجت من اوضتها بسرعه. وفرحتها على وشها. وقالت لكل العيله. إن عمتها رينو ولدت بخير وسلامه.
كل العيله ماستنش. ولبست وراحت بسرعه علشان تطمن ع رينو و آيان.
طارق كان اكتر واحد مبسوط مابينهم بحفيدو. وصمم انه يعمل عزومه كبيره لكل العيله. وهيوزع مكافأه لكل الشغالين والموظفين.
آدم مش ااقل منه في الفرحه. وبيفكر في هديه تليق برينو وفهد.
وآدم فخور جدا ببنته. بعد ما سمع من كل الموجودين في المستشفى. عن شجاعة الدكتوره لارين آدم العدوي. وأنها قاومت ألم الولاده مقابل إنقاذ حياة طفله.
فريحه مبسوطه جدا. ونور ومحمد عرفه واتصلوا بيهم وباركو ليهم.
تيم: شايل آيان وماسك أيد ميرو و أذن في ودن طفل صغير لأول مره. وشافه نسخه من فهد السيوفي ونفس صورته وهو صغير.
ميرو: مشت صوباعها على خد آيان الناعم. وقلبها دق بسعاده وتمني كبير. وهمست ل تيم نفسي اشيل حته منك ياتيم. ويكون شبهك.
تيم: بص ف عينيها. وابتسم. وقال بس انا عايز بنت وتكون نسخه منك ياميرو. وباس ع أيدها
آيان: بدأ يعيط بنرفزه.
رنا: شالته وسمت الله وقالت بابتسامه. حتى في نرفزتك وقت عياطك كلك فهد يا آيان.
مريم: مسدت ع شعر رينو. وابتسمت. آيان نور عيلة السيوفي والعدوي!
آرين: بلهفه. شالته. وقالت بسم الله ماشاء الله. جميل اوى اوى يامامي!
تيم: ابتسم ل رينو وقال. أمنيتك اتحققت وجبتي فهد رقم اتنين!
رينو: اخدت نفس عميق. وابتسمت بتنهيده. وقالت. اي حاجه من ريحة فهد. نعمة كبيرة ل لارين!
ف نفس اليوم مساءاً. في ملهى يكتور.
الميوزك عالي جدا والبنات والشباب بترقص.
مراد: في الحمام. و سمع صوت عقرب الساعه جه على 10 بالظبط. وابتسم بثقه. ورفع ايدو. وعد وقال.
1، 2، 3 شرفت وكر حيدر ياحوت أنت والديزل.
بعد شويه.
يكتور: قام وقف ومسك فك آدم مراد وضغط عليه بقوه. وبص ف عينيه. وقال.
أنت هنا تحت قبضتي. وروحك لن تخرج إلا بأمر من يكتور أيها الكيران أنت والچاسبر...
ولن اترككم إلا بعد أن أعرف حقيقتكم المخبأه وراء هذه الاقنعه!