رواية جريمة عشق الجزء الثالث للكاتبة مريم نصار الفصل الرابع
بعد مرور أسبوع ع ابطالنا الحلوين ونقول نبذه مختصره وبسيطه.
مروان اتقدم ل نرمين بشكل رسمى. وتمت الموافقة. والخطوبه وكتب الكتاب تم بعد يومين ومحمد عزيز. واخو مروان شهدوا على عقد الجواز. وخال نرمين كان الولى ليها.
والجواز بعد 3شهور. ومامتها فرحت جدا وكانت الفرحه مش سيعاها. ان بنتها هتتجوز دكتور. وكمان بيحبها وبكت كتير. ونرمين حضنت امها وعيطت اكتر. لكن كانت بتعيط علشان اتكسرت. وان مهما يعدى عليها من زمن لازم شبح هشام هيكون عائق في حياتها. وعيطت علشان غباءها وكانت تتمنى ترجع بالزمن لحظه لورا. كانت هتغير حجات كتير. لكن إرادة رب العالمين فوق كل شيء.
مروان: جاب ل نرمين خاتم الخطوبه. وفستان شيك جدا. وبيحاول يخليها تكون مبسوطه. وهيعافر انها تنسي شبح الماضي اللعين. وقال ل محمد على يوم الخطوبه وكتب الكتاب وعزمه وصمم أنه يشهد على العقد. وراحو الخطوبه هو ونور. وكانو مبسوطين جدا لنرمين. لانها تستاهل انها تكون مبسوطه. ونور جابتلها هديه هي ومحمد. وكمان ضغطو عليها ترجع المستشفى. لشغلها. جمب العياده. ونرمين وافقت. لانها عايزه تقرب من مروان لانه يستاهل انه يتعشق مش يتحب وبس.
وبعد: يومين من الخطوبه. نرمين. شافت وقرت على النت. القبض على مافيا مصر. تحت اشعار طعام الغلابه فاسد. وشافت اسم. المجرم. وقامت وقفت لما قرت اسم توفيق المنصورى. وقرت تفاصيل القضيه. والجرايم الل عملها. وان توفيق المنصورى اعترف بكل جرايمه. بعد وفاة نجله الوحيد هشام توفيق المنصورى. بعد تعرضه لحادث مروع وتوفي في الحال.
وقد تم الحصول على جميع الادله المطلوبه. من جهود. الرائد. مراد العدوي مخابرات عامه. والرائد فهد السيوفي مخابرات عامه. واليكم بعض الصور. للفقيد هشام توفيق المنصورى.
نرمين شافت اول صوره ل هشام وهو متوفى وبالطريقه البشعه دى. ومقدرتش تكمل. ودموعها نازله. من الزعل على هشام ومنه في نفس الوقت. وكمان دموع فرح أن ربنا امهل. ولا أهمل. وحست انها محتاجه ل امانها. وخرجت من مكتب المستشفى تجري. وراحت على مكتب مروان. ودخلت. وهو قام مخضوض على شكلها. ونرمين اترمت في حضنه بتنهج وتعيط. ومروان مش فاهم مالها. لكن اخدها في حضنه بكل. حب. وطمنها. وباس جبينها. وقعدها وقعد جمبها. ومسد على حجابها. ولما هديت. فتحت الفون وقالت ل مروان. ربنا جابلى حقى. ربنا سترنى للنهايه يامروان. ومروان قري المنشور كاملا. وشاف هشام ميت بطريقه بشعه لكن مروان متأثرش وكان مبسوط جدا. وقفل الفون. وقالها بالمناسبه الجميله دى انا هعزمك على الغدا. واخدها وخرجو واتغدو مع بعض. وعيش نرمين اجمل يوم. ونرمين حست بسعاده مع مروان محستهاش مع هشام. وقالت لنفسها. هشام كان انبهار. لكن مروان العشق الحقيقي. وقفلت صفحة الماضى. بما أن. ربنا. قفل قضية هشام في الدنيا. قررت انها تعيش لمروان وبس. ومروان كان مبسوط لانه بدء يسمع دقات قلب نرمين بالحب. وشايف السعاده على وشها. وقرر أنه يعافر علشانها وبس.
يوسف عزيز عايش مع مريم مبسوطين.
ومن يومين. قاعدين كلهم على العشا. ومريم شمت ريحة الاكل. قامت بسرعه وراحت على الحمام. ويوسف اتخض عليها. وقام بسرعه وراها. ومريم كانت قافله الباب ويوسف بيخبط بره وقلقان عليها. وخرجت وهو ساندها لحد بره. وقلقان عليها. لكن شافو شيرين وهنا مبسوطين. ويوسف استغرب. وبص ل مريم شايفها كمان بتبتسم. ومريم قالتله هطلع فوق وجايه. ويوسف كان عايز يطلع معاها. لكن هي قالتلو هتاكد من حاجه وانزل خليك انت. وطلعت فوق. ومتوتره. هي دكتورة صيدليه. وعندها خبره في الأمور دى. وجابت اختبار حمل وهي راجعه من الصيدلية. وعملت الإختبار. وكانت النتيجه ايجابيه. وفرحت جدااا. ونزلت ل يوسف بسرعه. وكان الكل قاعد على السفره. ويوسف قاعد وهي واقفه وراه وسمعها وهي بتقول. انا حامل يا يوسف. يوسف لف بسرعه وقام ومش مصدق. وحضن مريم وشالها ولف بيها من السعاده. والكل كان فرحان ليهم. والضحكه مش مفرقاهم. وأشرف قام وحضن مريم. لانها هي السبب في استمرار بهجة البيت. كفايه كريم الل عندو بالدنيا. ومريم راحت عند مصطفى وسلمت عليه وباست على ايدو احتراما ليه. وراحت ل شيرين وحضنتها بفرحه. ومريم شايفه الفرحه في عيون الكل. وهنا قامت وقفت وراحت عند مريم. وحضنتها بفرحه كبيره. ودموعها نازله. وهنا قعدتها وقالتها من هنا ورايح متشغليش بالك ب كريم ابدا. ركزى انتى في حملك. وانا وماما هنهتم ب كريم. وبيكي انتى كمان. ومريم حست بفرق السعاده. واتصلت على هدى وحسام. الل اول ماعرفو. طارو من الفرحه. وتانى يوم كانو عندها. وهدي زغرطت بفرحه كبيره. والعيله كلها عرفت. بخبر حمل مريم عزيز وباركو ليها.
وعايشه الاسبوع ده في دلال من يوسف الل نفسه يعمل عيله كبيره. وكان اسعد واحد في الدنيا. واهتم ب مريم بكل تفاصيلها.
مالك وساره. كدا متجوزين بقالهم شهرين إلا حجات بسيطه. وكل يوم في سعاده مختلفة. ولما رجع شغله ساره قالت لمالك انها عايزه تعيش في فيلا الصاوي. لانها بتخاف وهي لوحدها.
وهتنسي بعدو عنها وهو في الشغل. مع ملك وماليكه. ومالك كان من جواه رافض وعايز يعيش معاها في مكان مقفول عليهم لوحدهم.
لكن شاف برضو أن ساره لسه بتعانى نفسيا من عذاب الماضي. ووافق. واخدها على الفيلا. وملك وجاسر. كانو مبسوطين جدا أن بيتهم بيتغير للأفضل ووجود مالك وساره وزياد وماليكه عمل فرق كبير. وسعاده كبيره في قلب ملك. وبعد كام يوم. مالك في الشغل وجاله اتصال من آدم. وآدم اتكلم معاه وفهمه كل حاجه. وان توفيق وسوزى هيتحولو عن النيابه عندو بكره. ومالك كان هيعترض لكن آدم فهمه انه خلاص هما سنهم مش مستحمل عذاب اكتر من كدا. وكمان توفيق انكسر بموت ابنه. لكن آدم. نبه على مالك أن في ناس هتجيلو بكره مع رعد على النيابه. وشرحله شرح مبسط عن خطفهم ل رينو. وقال ل مالك هيعمل ايه وعايز ليهم أقصي عقوبه. لانهم بيتاجرو في بنات الناس وكمان الاطفال. وشدد عليه أن محدش من العيله يعرف والا مايلومش غير نفسه. وقفل معاه. ومالك كان شايط ومتغاظ. لانه كان عايز يدوقهم من الل ساره عاشته. واستنى تانى يوم على احر من الجمر. وشاف توفيق المنصورى في مكتبه. مكسور ومذلول. وواحد تانى خالص. ومن غير اى ضغط توفيق اعترف بكل جرايمه واعترف على شركاه. واعترف بعذاب ساره. وانه مكنتش متجوز سوزى وعايش معاها من غير جواز.
ومالك أمر بحبسه 15 يوم على ذمة التحقيق. وسوزى مكنتش عايزه تعترف. ولكن بضغط وغل من مالك واترعبت واعترفت على كل حاجه وانها خططت علشان تاخد كل أملاك جاسر. وسجلت ساره باسم حد تانى. وقتلت ابتسام وعذبت ساره. وعايشه مع توفيق من غير جواز. وانها شريكته في الشحنات المضروبه من 4 سنين. ومالك كان متغاظ منها. وأمر بحبسها 15 يوم على ذمة التحقيق. واتوصى بيها في الحبس. وكان صريخها من العذاب جايب لآخر القسم.
أما سيد وعواطف. كانو رافضين الإعتراف. والباب خبط. ودخل رعد وسلم ظرف ل مالك. وكان من مراد. وفتحه. وكان فيه فون عواطف وعليه التسجيلات الل هتوديها في داهيه. وكمان فيديوهات. وعواطف عرفت مصيرها واعترفت بكل حاجه. واعترفت بالراس الكبيره الل شغاله تحت ايديه. ومالك أمر حبسها هي وسيد. 15 يوم على ذمة التحقيقات. وشدد عليهم انهم يدوقو من العذاب الوان.
أما الجاردات. سمير اعترف بكل حاجه يعرفها. واكدلهم أنه متدخلش في قضية خطف لارين العدوي. وانه برئ منها. وحظر صحابه انهم يبعدو لان الموضوع مش هيعدى بالساهل. وصحاب سمير ندمو واعترفو. وان سمير بعيد عن موضوع الخطف ومالوش دعوه. ومالك أتأكد من برأة سمير بعد ما أمر انه يسمع جميع مكالماتهم الل اتسجلت في شركة الاتصالات. واثبت أن سمير ملوش دخل. ومالك أمر يا الإفراج عن سمير. وعلاجه مكان طلقة الرصاص هيتكفل بيه طارق على حسابه. وسمير حمد ربنا انه خرج ل مراته وابنه. وقرر أنه يستقيم ويبعد عن رفقة السوء. أما صحاب سمير. مالك أمر بحبسهم 15 يوم على ذمة التحقيق. لانهم مشتركين مع هشام وعواطف. وكمان شدد عليهم انهم يدوقو من العذاب والخوف الل عاشت فيه بنت خاله. وتانى يوم. مراد وفهد. راحو الجهاز واخدو نسخه من فيديوهات وتسجيلات توفيق الل كانت على اللاب توب بتاع توفيق. واخدو صوره من الملف بتاع شحنه الاطعمه الفاسده. الل كان واقف على امضة توفيق. وراحو سلموها لمالك علشان تتايد ضد توفيق وشركاه. وآدم كلم ساره علشان تروح تسلم الالماس للجهاز مع مراد وفهد. وراحت معاهم وكانت خايفه لكن مالك ماسبهاش تروح لوحدها. وسلمت الالماس وحكت كل حاجه تعرفها. ومدير الجهاز شكرها. وان قليل جدا الل بيلاقى حاجه زى كدا تغير حياته كليا للافضل ويرجعها. وبشرها انها ليها 10 من الألماس. وهتكون فلوس. ونصيبها 2 مليون دولار. وساره ومالك بصو لبعض من حجم المبلغ. وفهد ومراد. ابتسمو على شكلهم من خضة الرقم. ومالك وساره روحو. وحكت كل حاجه ل جاسر وملك وزياد وماليكه. وساره بتستغرب في قلبها. وقالت يعنى انا كان ممكن أمضى جاسر بسهوله انه يتنازل عن كل أملاكه. وانا خوفت من ربنا ومعملتش كدا. يقوم ربنا يعوضنى ب 2 مليون دولار. سبحان الله. ربنا كريم جدا وبيعوض. وقامت بسرعه مره واحده قدامهم. والكل اتخض. وساره قالت مالك انا عايزه اتحجب. ومالك فتح بوقه من الفرحه وتنح. والكل فرح انها هتتحجب. وملك قامت وحضنتها بفرحه. ومالك استوعب. وساره بصتله. مااالك انا عايزه البس الحجاب. مالك قام. وشالها ولف بيها قدام الكل. ومالكيه قالتلها أول حجاب هتلبسيه من عندى تعالى معايه فوق. واخدتها. وماليكه لبستها الحجاب وعلمتها ازاى بيتلف وكانت رقيقه جدا بالحجاب. ونزلت والكل شافها. وقال مشاء الله تبارك الرحمن.
ومالك قلبه دق. لانه كان نفسه انها تتحجب. ومحبش يضغط عليها الفتره دى. لكن الهدايه ملهاش ميعاد. ومالك قرب منها وباس راسها وحجابها. وكان الكل مبسوط. وملك وجاسر اكتر 2 مبسوطين. وساره بتفكر في كلام آدم. انها تبدء من جديد. وتفتح شركه ليها. وتقف على رجليها. وساره هتعمل كدا. لكن طلبت من مالك. انها عايزه تعمل عمره. وتشكر ربنا على كم النعم الل هي فيها. ومالك وافقها بسرعه وقالها ينطقو الحكم على سوزى وتوفيق واخدك ونروح لان فعلا النفسيه محتاجه. زيارة الحبيب.
زياد وماليكه. لسه قاعدين عند جاسر وملك. وجاسر كان مبسوط هو وملك من اهتمام زياد ب ماليكته.
زياد: محكاش حاجه للعيله بخصوص خطف رينو. لان آدم نبه أنه مش عايز حد يعرف.
وزياد: طمنه لان طبع ماليكه انها مبتحبش تسال كتير. وزياد قالها انه كان مع آدم وطارق في شغل مهم.
ماليكه حملها كان في الأول تعبها لكن لما حست جو العيله لاول مره. جاسر وملك. وكمان مالك وساره لما رجعو على الفيلا. والأهم زياد.
زياد: اول ماعرف أن ساره ومالك رجعو. احرج يبات في الفيلا. وقرر أنه يوميا ياخد ماليكه بليل على شقتهم وينامو هناك. والصبح يوصل ماليكه عندهم من تانى وفضل على كدا. وقالها خلاص كلها شهر. وننقل كلنا انا وانتى وهدى وحسام. في الفيلا الجديده.
مليكه قالتله اى مكان انت هتكون موجود فيه بالنسبالى قصر. وزياد من قلبه مبسوط. وخصوصاً لما عرف ان ماليكه في بطنها ولد. وانه هيكون ليه ذريه. وحاسس بشعور مختلف. والعيله كلها فرحت جدا. وخصوصاً هدى. الل بتعيط في صلاتها وتشكر ربنا أن زياد هيكون عندو ولد من صلبه ومش هيبقى وحيد. ودعت انه يكون سند صالح لابوه. ودعت لمريم بنتها. وحسام كان فرحان ل زياد جدا. وكمان ل مريم بنته لما عرفو انها حامل.
وماليكه لما عرفت انها في بطنها ولد فرحت انها هتجيب السعاده ل زياد. ودعت ربها انه يكون ذريه طيبه. واتوضت وصلت ركعتين شكر لله. وعاشو الفتره دى في سعاده.
فارس وردي.
رودي مش حاسه بحملها. لانها مش مركزه معاه. لانها هي وطارق عاملين دماغ. وكل ده بيطلع على فارس ورنا. وخصوصاً. ان رودي مدمنه لعبة بابجي. وبعد عزومة مراد وفريحه. وفهد. لما مشيو. رودي وطارق عملو تيم في الجيم. وردي فتحت المايك. وكمان طارق. رودي بتلعب جيم جمب فارس في اوضتهم. وطارق على السرير جمب رنا. ورودي تتكلم بصوت عالى في المايك. وطارق يرد عليها. ويزعقو لبعض. وفارس متنح. ومش مصدق ان رودي بتلعب بابجي مع ابوه. لأ والل هيجننه أن ابوه كمان بيلعب بابجي معاها. وقعد يتفرج على رودي وهي بتلعب بابجى. وابتسم غصب عنه لأن كل تصرفاتها رغم انها عفويه لكن بيعشقها وبيحب روحها الحلوه. وعيونه عليها. ورودي اخدت بالها أن فارس سرحان فيها. وقفلت الجيم. وبصتله بحب. وفارس لا إراديا قام وقعد جمبها ونزل على خدها باسها برقه. وهمس في ودنها. بعشق كل تفاصيلك يارودي. وتاهت في همساته ونسيت العالم كله. وقرب منها بكل عشق. فارس شايف السعاده في وجود المجنونه في حياته.
محمد ونور.
محمد اتعلق جدا ب تمارا. وخصوصاً انها ميكس جميل منهم. وانها هاديه وجميله. وتمارا عيونها على طول على باباها. واول مايدخل البيت يسأل نورو على تيم وتمارا. ويدخل عليهم يبوسهم ولو تمارا نايمه يحاول يصحيها لكن من غير ما نور تعرف علشان بتتعب على ما تنيمها. ويقولها يدوبك بوستها صحيت. ونور تكشر عينيها ل محمد وتقوله انت الل صحتها. وتيم يرد ويقول ايوه محمد صحا امارا.
ومحمد يكشر عينيه ل تيمو. عيل فتان. وتيم يسقف ويضحك.
ونور: تبتسم على شكل محمد وهو مش عارف يعمل ايه. وقلبها مبسوط أن محمد متعلق ب تمارا. زى آدم ما اتعلق بيها وهي صغيره.
وبعدها عرفو بخبر خطوبة وكتب كتاب مروان ونرمين. وفرحو ليهم واتمنولهم السعاده. وراحو كتب الكتاب. ومحمد شهد على عقد الجواز. وبعدها اخد نور وعزمها على العشا. وكان عشا رومانسي. ونور فرحت اوي. وبعد العشا. روحو البيت. وكان جايبلها هديه مميزه. ونور فتحتها وفرحت جدا. وشافت كارت فوق العلبه ومكتوب (عشقتها منذ نعومة أظافرها) ونور ابتسمت بتنهيده. لانها سعيده مع محمد. وبتحمد ربنا عليه. والهديه كانت اسوره رقيقه. ومحمد لبسها ليها. وزادت جمال لما بقت في ايد نورو. وباس على ايديها بحب كبير. ونور. من دقات قلبها وعشقها ل محمد لا اردايا باست على ايد محمد. وحتطها على قلبها. وغمضت ودمعه نزلت منها. لانها مش عايزه حاجه من الدنيا غير ومحمد وأولادها وعيلتها.
محمد: قرب من خدها وباس دموعها. وحبه ليها قربها منه اكتر. ونور تاهت في غرام محمد. وقضو ليله رومانسيه جميله.
وعاشو طول الاسبوع. في حب وسعاده وتيمو اغلب الوقت مع رينو علشان تشغل وقتها ومتفكرش كتير في الأحداث الل مرت.
زين وريتال.
ريتال. بعد ماشافت عصبية زين. قررت انها مش هتنرفزه تانى. وطلعو الاوضه. وزين قاعد على السرير وراجع بضهرو لورا. وبيفكر في كلام آدم. انه دراع ابوه اليمين وكمان ابوه مأمنه على كل حاجه. وكان مبسوط من جواه. ولكن اتفاجئ وفاق على ريتال الل حطت ايدها على جبهته بعفويه وقاعده (بتقرأ أية الكرسي) بصوت مسموع ومغمضه عينيها بخوف. علشان يهدى ومش يتنرفز تانى.
زين: رفع حاجبه يا استغراب. بتعمل ايه دي!
ريتال: خلصت. وفتحت عينيها. وبصتله بتوتر. انت احسن دلوقتي يازينى!
زين: بعدم فهم. احسن! احسن ازاى يعنى!
ريتال: اصل. اصل، ورجعت شويه لورا. احم. اصل انت كنت عصبى اوى. فا بسأل يعنى. وقولت اقرأ أية الكرسي علشان تهدي. بس ده لو هينرفزك خلاص. انت قولى ايه الل هينرفزك وانا مش هعملو.
زين: تنح. ومش فاهم. واستغرب لما بعدت شويه من جمبه. مالك ياريتال!
ريتال: ها ولا حاجه. انت عطشان تشرب.
زين: فهم انا خافت منه من ساعة ماضرب سيد. ومد ايدو. وابتسم. وقالها تعالى في حضنى.
ريتال: ببرأه. قربت منه. اهو. نعم يازينى.
زين: انتى خايفه منى ياريتال. خايفه من زينو حبيبك.
ريتال: بصراحه يازينو انا مش خايفه منك. بس خايفه تتنرفز. عليا. انت مشوفتش نفسك.
زين: اممم بجد. احكيلى بقى كنت عامل ازاى. وشدها اكتر عليه علشان تطمن.
ريتال: يخرابى يازينى. انت كنت عامل زي الوحش. انا اتخضيت. مره واحده لقيت حد هجم على الراجل ده. وضربه بوكسات كتير اوى. وانا انصدمت زين! ده زين. يلهوى. هو عامل كدا ليه. ولما وقعت الراجل على الأرض وكملت عليه والراجل مش عارف يتحرك ولا يدافع عن نفسه. وانت بتضرب وبتزعقله. يخرابى. والل صدمنى اكتر الترابيزه لما كسرتها عليه والراجل اغمي عليه. او مات مش عارفه. وبعدها شوفت شكلك غضبان. ومتنرفز. وسبتنا وطلعت. وانا طلعت وراك. بس انت كنت بتاخد شاور وقعدت وقت كبير. وخرجت على طول ومكلمتنيش. وبعدها انت نزلت وخرجت. ورجعت مبسوط. وبصتله انا عيزاك على طول مبسوط يازينى ومش عيزاك تتنرفز عليا انا كان روتى حبيبتك. خليك مبسوط على طول يازينى.
زين: بيسمعها. وايدو بين خصل شعرها. ومبتسم من ريأكشاناتها. وقلبه ضحك على حبيبته الل خايفه. ومفكره انه ممكن يتنرفز عليها كدا. واول ما رفعت راسها وقالتله انا عيزاك على طول مبسوط يازينى. اشتاقلها. ومن غير مقدمات قرب عليها يطمنها بطريقته. وريتال اتنهدت بسعاده. وانها كلها اوهام وان زين هيفضل زينها حبيبها طول العمر. وعمرو ما هيأذيها ابدا.
وعاشو الاسبوع ده كله عسل. لان زين مش عايزها تخاف منه. وكان مدلعها في الشركه. ومهتم بيها على غير العاده. وريتال استغبت نفسها. لان مفيش حد في حنان الزين ابدا.
مراد وفريحه.
مراد: بعد ما رجع من عند طارق. آدم قاله. عايزك في المكتب. ومراد فهم ان ابوه عايز يعرف كل حاجه. ودخل وراه وقعد قصاد آدم.
آدم: بص ل مراد واتنهد. يعنى لو مكنتش اتنرفزت على فهد. واتكلمت. انا مكنتش هعرف. انت ليه مقولتليش يامراد!
مراد: اتنهد. اقولك ايه بس يابابا. صدقنى عدت. وانت عارف ان شغلنا معرض لحجات كتير من دي. لكن الحمدلله انا قدامك زى الفل اهو.
آدم: بزعل. احكيلى يبنى. احكيلى اتصبت ازاى.
مراد: مش عايز يحكي علشان عارف ان آدم هيزعل. وقال. ما بلاش ياحج. خليها مدفونه احسن. ولا انت تزعل. ولا انا افتكر.
آدم: معلش. انا عايز اعرف. واطمن. ريح قلبى.
مراد: حاضر يابابا. وحكاله كل حاجه. وعن شجاعة فهد. ودبي وكل حاجه.
آدم: بيسمع. وكأنه حصري قدامه. وكأنه لسه خايف مراد من الاذي. وشجاعة فهد. وانه أنقذ ابنه من الموت. وبنته من الهلاك. وقام وقف. ومراد وقف.
آدم: قرب من مراد. وحط ايدو على قلب ابنه. وقاله عايز اشوف الجرح.
ومراد: شاف لمعت دموع في عيون آدم. واتنهد. وفتح زورار قميصه وكشف مكان الجرح. وكان متجمل ومش واضح اوى.
آدم: قلبه وجعه لانه مر عليه الألم ده. ورفع ايدو وحطها على الجرح. وسأله الجرح بيالمك!
مراد: لا ياحج. كله تمام. والجرح خف. وقفل الزورار. وآدم ضم ابنه بحنان. هو ميقدرش يعيش من غير عياله ومراته. وحمد ربنا. ودعا ربنا في قلبه أن ولاده يفضلو في امان الله ديما.
مراد: ضم ابوه. واتنهد. وحمد ربه انه عندو اب وأم زى آدم ومريم.
وبعدها. آدم اتكلم معاه. وشرحله شوية حجات في شغل مراد. وشوية خبره. ومراد استفاد منه بسرعه.
وآدم كان ممنون جدا لفهد. وكان نفسه يفرح قلبه. ويقوله أنا موافق على طلبك. لأن آدم شايف لهفه في عيون الفهد. وانه عايز يخطب رينو.
وفريحه. طول الاسبوع مبسوط مع مراد الل بتعشق طريقته. وعشقها عدى المدى.
فهد ورينو. او لاري. وده اللقب الل قلب الفهد اختاره. وانه لقب مميز ومفيش حد غيرو هو وبس انه يدلعها بيه.
فهد: طول الاسبوع كان مشغول نوعا ما هو مراد. في قضية توفيق المنصورى. لكن فهد كان بيروح من وقت للتانى يطمن على رينو ويمشى على طول. وكان متابع جرح ايديها. واطمن وانه خلاص خف. وكل لما فهد يروح يسلم عليها. يكون جايبلها شوكليت. ويقدمهالها. بحب. ورينو كانت بتبقى مكسوفه جدا ووشها يبقى احمر. والفهد يتجنن.
وبعدها: فهد في الشقه. وقاعد يفكر فيها. وحس انه مشتاق ليها حد الجنون. وشاف الجي بي اس. وانها فوق. واتصل على رينو. واتكلمو كتير. وسكوت اكتر. واكتشفو أن اعتراف العشق بينهم في وقت السكون.
فهد: كل لما يقول ل رينو بحبك. رينو تتوتر ومتعرفش ترد عليه. ف بتفضل السكوت. وتتنهد. وفهد يغمض عينيه مع كل تنهيده. وبيتمنى اللحظه الل لاري قلبه تبقى ملكه.
وعاشو الاسبوع ده كله في حب ومشاعر مختلطه وجميله. ورينو هيمانه ف عشق الفهد.
عوده للوقت الحالي.
مريم: سعاد. ياسعاد.
سعاد: نعم ياست مريم.
مريم: لو سمحتى. قولى ل زينب. تجهز الغدا. آدم وزين وريتال في الطريق.
سعاد: حاضر ياست مريم. واتحركت.
مريم: شايله مريم نونو. ونور ورينو قاعدين. ومعاهم فريحه. مريم بصت على نور المتوتره. مالك يانور. بقالك اكتر من ساعه متوتره.
نور: مش عارفه يامامي. محمد جابنى هنا الصبح. وقالى الساعه 1 هكون عندك علشان معندوش شغل كتير. ودلوقتي الساعه 5 ومجاش. واتصلت عليه. فونه مغلق.
مريم: حبيبتى متقلقيش ممكن يكون حصل جديد في المستشفى ويكون في العمليات. وقافل فونه. ما انتى عارفه نظام محمد يعنى انا الل هعرفك.
نور: ايوه يامامي. كان اتصل عليا حتى. يطمنى. يقولى عندى شغل مفاجئ. ومش جاى دلوقتي.
رينو: طيب اتصلى على نرمين. مش هي موجوده في المستشفى!
نور: ايوووه صح. صح يارينو. انا هتصل. ونرمين ردت. وكلمتها ونور قفلت.
مريم: هااا طمنينى نرمين قالتلك ايه!
نور: اتنهدت بيراحه. الحمدلله كنت قلقانه عليه أوى. اووف.
رينو: يابت متردي قولى ابيه محمد فين!
نور: نرمين قالت. أنه فعلا مفيش عمليات انهردا. لكن في دكتور كبير اتصل على محمد. وقالو في جراح كبير اوى من المانيا. وعايزينو يروح مستشفى النور. كزياره. يعنى ويشوف تطورات المستشفى. والدكتور الجراح الألمانى ده قاعد مع محمد ومجموعة دكاتره. من حوالى ساعتين. وتقريبا قفلين تليفوناتهم علشان السبب ده.
رينو: واو. جميل اوى.
مريم: طيب الحمدلله أن محمد بخير. قومي بقى يانور نيمى تمارا الل على رجلك دى. وانزلى. باباكى على وصول.
نور: حاضر يامامى.
آدم وصل وزين وريتال. وبيتغدو كلهم مع بعض. في جو حلو. وخصوصاً أن مراد هيبدء.
مراد: الا. قوليلى يامريوم. هو انتى بتدلعى الحج آدم بإسمه.
كلهم تنحو بزهول. وخصوصاً مريم. الل كانت بتحط الاكل في بوقها. وتنحت ونزلت المعلقه في الطبق وبصت تلقائيا على آدم.
آدم: اتصدم بجد. لانه سؤال. لا وقته. ولا مكانه. ولا كان يتسال اصلا. وخصوصاً أن آدم منبه على مريم من أول يوم قالتله فيها دومي. تكون في اوضتهم وبس. وكشر عينيه وبص على الل كان مطلع عينيه.
زين وريتال اتصدمو وبصو لبعض.
ورينو ونور. تنحو.
وفريحه. غمضت عينيها. من السؤال. لان ده سؤالها هي. وقالت. احلوت اوى. افرحي يافريحه بجوزك. ياحزن الحزن. استر يارب. انا لازم اتصرف. ويارب ما عك الدنيا.
مراد: بصلهم كلهم وشاف صدمتهم. واتأكد أن مريم بتدلع آدم. وكاتم الضحكه. واتصرف بخبث وبيكمل اكل عادى.
فريحه: همست ل مراد في ودنه بغيظ. اييه الل انت بتقوله ده. انت عايز ابوك يعلقك.
مراد: بخبث ل فريحه. وانا مالى. مش ده سؤالك انتى. انا لسه كنت هكمل واقول فريحه نفسها تعرف.
فريحه: فتحت عينيها على الاخر. وشهقت. وبعدها بتترجاه. ابوس ايدك. ابوووس ايدك متجيب سيرتى. مراد اعقل الله يخليك.
مراد: وكمان طلعتينى مجنون. دا انا هقلبها عليكي يابت المستخبى. وهقولهم اصل فريحه بتقول مريم جامده ومسيطره.
فريحه: شهقت ينهار اسوح. عليا انت هتتبلى على فريحتك يامراد.
مراد: معلش بقى. المثل بيقول ان جالك الطوفان. وانتبهو على صوت آدم.
آدم: بتحذير. ايه يالا سؤالك ده. ودلع ايه ده بقى إن شاء الله!
مراد: بخبث. اله. وماله ياحج. انت لسه صغير. وبعدين فريحه هي الل عايزه تعرف مش انا!
فريحه: تنحت. وبصت ل مراد بصدمه. وبصت عليهم شافت الكل متنح ليها. ومش عارفه تعمل ايه!
مراد: بياكل. وهيموت ويضحك. وكمل. ماتتكلمى يافريحه. ولا انتى عايزانى أسأل. وانا الل اتبهدل. اهو يستى فهموكي غلط. وهتجبيلى الكلام.
فريحه: بيبصو عليها. وتكلمت بصوت مبحوح. هوا. احم. اه. هوا. ومش عارفه تقول ايه. وهمست ل مراد. مراد ارجوك. والله هعيط. هياكلونى يامراد انا مراتك.
مراد: ماشى. بس بشرط. هاخد سكر انهردا.
فريحه: موافقه بس انجززز ابوك عينيه هتوصل عندى في الطبق.
مراد: مدام فيها سكر. يبقى مراد هينقذك اقلبى. وبصلهم. اله ايه ياجماعه. مبتاكلوش ليه. وبص ل مريم المكسوفه. وآدم الل عايز يقوم يقتل مراد. ومراد كمل. ايه ده انتو فهمتو ايييه. وخبط كف على كف. ينهار ابيض يافريحه. اهم فهمو سؤالك غلط. وبصلهم. ياجماعه انا وفريحه كنا قاعدين مع بعض. وبنتكلم على أسماء الدلع. يعنى مريم. مريوم. وميرو. ومريومه. ومرمر. وبصلها بغمزه مشاء الله اسمك مبروك.
و نور. محمد بيقولها نورى. وحضرتك بتقولها نور قلبك. وانا نور الحياه. ولارين. رينو: نوتيلا. ونوتيلت قلبك.
وزين. وبص ل ريتال ههههههههه زينووو. وزينى.
وانا مراد. بس عادي جدا وفريحه قالتلى. طيب بابا آدم ياترى ليه اسم دلع. بس كان سؤال عابر مش اكتر. نيتها سليمه والله.
آدم: طبعا مش مصدق. وصك على اسنانه. وقاله وانت بقى مراد وبس. ياا سيادة الرائد ميمو!
مراد: مبيحبش اسم دلع ميمو. والكل ضحك. ومراد اتغاظ. وبص لابوه. في نظرة تحدى. انه هيعرف اسم دلع ابوه ايه.
فريحه: اا. انا اسفه والله يابابا. هوا. ومش عارفه تتكلم.
مريم: شافت فريحه. هتموت من آدم. احم عادي يافريحه ياحبيبتي. كل واحده بتدلع جوزها. وبصت ل آدم بحب. بس انا الل جوزى وحبيبى الل بيدلعنى. وربنا مايحرمنيش من وجوده في حياتى. وصوته ديما موجود. واعيش ديما في امانك.
كلهم. هييييح.
آدم: عيونه في عينيها. وحب يغيظ مراد. ومسك ايديها وباسها. وهو انتى اي حد ياروحي. دا انتى عشق اال آدم. يا اميرتى.
وكلهم منسجمين. معاهم. ومريم قدرت تنقذ الموقف. وعدي على خير.
بعد فتره.
كلهم قاعدين في الليفنج. ومراد قاعد. ومتغاظ لانه مبيحبش اسم ميمو وابوه قاله. ودخل في تحدي مع نفسه عايز يعرف وكلم نفسه وقال. ياترى هي بتدلعك ازاى يانمس. ديمو. ممكن. طيب دومي. ممكن ليه لا. مودي! اوف. والله لا اعرف. ماااشى.
نور: بتتصل على محمد. وفونه مغلق. وبصت في الساعه كانت 7. وهتتصل على نرمين. لكن شافت تيمو بيجرى. وسمعته بيقول محمااد حبيبى. واتنهدت بأريحية.
محمد: داخل وشاف تيمو بيجرى عليه. وضحك وفتح ايديه وشاله. حبيب قلبى تيمو الغالى. وباسو وحضنو. عامل ايه يا تيمو.
تيم: تيمو حلو وضحك
محمد: تيمو قمر. ودخل ليهم الليفنج. وواضح على وشه الإرهاق. السلام عليكم.
كلهم: وعليك السلام.
نزل تيمو. وسلم على مريم وآدم والكل. وراح جمب نور. وباس جبينها وايدها. وقعد بتعب. اذيك ياحبيبتى.
نور: مسكت ايدو. الحمدلله ياحبيبى. ايه يامحمد قافل فونك كل الوقت ده ليه.
محمد: اوبس ياخبر نسيت افتحه. اسف ياروحي. ثوانى كدا. وبص ليهم هي رينو فين!
نور: بتنيم مريم نونو. ونازله. هاقوم اشوف الغدا تلاقيك من ساعة الفطار.
محمد: لا استنى بس انا احكيلكو الل حصل معايا في المستشفى. وبدء يحكي كل حاجه. والدكتور الجراح الألمانى انبهر بمستشفى النور. والانضباط الموجود فيها. وكمان الاجهزه. وكمان شاف كفاءة محمد في العمليات المسجله. والل نسبة نجاحها ضعيف جدا. ولكن محمد بفضل الله. تخطاها. وطلبوا محمد يسافر المانيا. في مؤتمر طبي في اكبر مستشفى هناك.
كلهم: فرحو لمحمد ونور كانت فخوره بيه. وبعدها رينو نزلت. وشافت الكل مبسوط اووي. ونور قامت وحضنت رينو. وقالتلها على الخبر ده. ورينو فرحت. والكل كان مبسوط من تقييم جراح المانى كبير جدا. للدكتور محمد عزيز.
نور: حبيبي. وانت هتسافر امتى!
محمد: اسمها هنسافر ياروحي. انتى هتيجى معايا.
نور: بفرحه. بجد. بجد. حبيبى احلى خبر انى هكون موجوده معاك.
آدم: وهتسافرو امتى يامحمد.
محمد: بكره الفجر إن شاء الله.
كلهم: بالسرعه دي.
نور: بكره!
محمد: ايه عندك مشكله. اتصل على المؤتمر اقولهم نور مش فاضيه بكره هههه
نور: لا ياحبيبي بس كنت مفكره انه كمان اسبوع ولا حاجه. عموما انا جاهزه في اى وقت.
محمد: هنسافر الفجر. والمؤتمر بعد بكره. ونرجع في اليوم التالت. وهفسحك احلى فسحه في ألمانيا. وبص ل رينو. والله نفسي تيجى معانا يا رينو. اهو تفكي شويه. الاجازه ممله بصراحه.
رينو: انا يااريت. بس. لأ. وبعدين انا مش عايزه أكون عزول. وبصت على آدم. وبابى هيخاف عليا مش هيوافق.
آدم: مش هوافق طبعا. لو لوحدك. لكن مدام محمد معاكو انا هكون مطمن عليكي انتى ونور.
رينو. : بدهشة. ومش فاهمه.
نور: الله. بجد ياريت. انا واختى في ألمانيا ووواو بجد. بليز يابابى وافق بليز.
آدم: والله مريم موجوده اهي. لو وافقت خلاص تمام تسافر معاكو.
رينو: تنحت ببلاها وفتحت بقها.
مراد: اقفلى بوقك.
نور: قامت وراحت جمب مريم. مااامى حبيبتي بليييز وافقى.
مريم: بتبص ل آدم والله منا عارفه. لا يستى. روحي لابوها. انا ماليش دعوه.
نور: قامت. وراحت جمب آدم. بااااابى. رجليا وجعتنى. بليييز وافق بقى. وبعدين رينو محتاجه تغير جو بلييييز.
آدم: بص ل رينو. ها ياحبيبتي رأيك ايه تحبى تسافرى.
نور: جريت عليها. وااافقى. وحيات تيمو وافقى.
رينو: حاسه انها غبيه. وقالت اسافر. ومن غير العيله. مش عارفه.
نور: يعنى بقولك وحيات تيمو. تقولى مش عارفه. اظاهر بقى انتى مش عايزه تقضي يومين مع اختك. وكمان مبتحبيش تيمو.
رينو: ايه يانور. فجاه مبحبش تيمو. هو بس. طيب بصي سيبنى شويه كدا وارد عليكي. انا هطلع فوق ونازله بعد اذنكم. وطلعت على اوضتها.
رينو: في اوضتها. الو يافهد.
فهد: روح الفهد. قلبو من جوه والله.
رينو: قلبها بيدق واتكسفت. اذيك يافهد؟
فهد: فهد عاش يالارى. وبقى كويس اووي.
انتى بقى اذيك!
رينو: احم. انا كمان كويسه!
فهد: حس بتوترها. امم قوليلى بقى انا مش مصدق بصراحه انك اتصلتى عليا. انا اول ماشوفت الرقم. قولت لأ اكيد بتتصل بالغلط.
رينو: بحب. لا يافهد. انا اتصلت عليك. احم. هو انت فين دلوقتي!
فهد: انا في الجهاز. مراد اخوكي قلب بدرى. وسابنى انا هنا. واد مشكله.
رينو: لا ابيه مراد قمر.
فهد: لو مش واخده بالك كل السنين الل فاتت دى. انا بغير ع فكره تمام.
رينو: بدهشه. بتغير من اخويا يافهد.
فهد: بصى يارينو. الهوا. ها. انا بغير عليكى من الهوا الل بيلمس خدك. بغير من ميا المطر لما بتنزل وتلمسك. بغير من اى حد بيقولك رينو. بغير من اى حد يبص بس مكان طرف فستانك على الارض. بغير من اى حد واى مكان. واي جماد يلمسك يا لاري. فهد بيولع نار لما حد يبصلك. ودي حقيقه متستهونيش بالراجل الل بيغير. وخصوصاً غيرة الفهد على رينو وبس.
رينو: بتسمع. وقلبها بيدق بسرعه كبيره جدا. وغمضت عينيها. ونفسها تقوله انها بتعشقه اكتر من اى حد. لكن مكسوفه. واتنهدت تنهيده عشق بصوت مسموع. دوبت قلب الفهد. واتنهد. بحبك اوى يارينو.
وسكتو شويه يسمعو اعترافهم في السكون.
وبعد فتره. افتكرت. سبب اتصالها. وقالت برقه فهد.
فهد: عيون الفهد.
رينو: احم. انا اتصلت علشان اقولك. إن ابيه محمد ونور مسافرين المانيا بكره. واقترحو عليا اسافر معاهم. 3 ايام ونرجع. وبابى موافق. وكمان مامي. وسألونى. وانا بصراحه مش عارفه. اخد قرار لانه مفاجئ. وطلعت اوضتى اكلمك اخد رأيك.
فهد: بديق. تسافرى ؛! تسافرى ولوحدك يا رينو.
رينو: حست برفض فهد. منا قولتلك. ابيه محمد ونور موجودين. وبابى مطمن عليا معاهم. واتكلمت بزعل. وبعدين يافهد هما يومين اتنين. ونور شايفه انها فرصه اغير جو وانا فاهمه قصدهم. هما عايزينى اسافر معاهم علشان انسي الظروف الل حصلت. وكملت بزعل اكبر. انت مش موافق انى اسافر يافهد!
فهد: نفخ بديق. واتغاظ. لكن لما سمع صوتها زعلان وانها ادايقت. ده دايقه اكتر. وهو مش عايزها تزعل. واتنهد. حبيبتي. انتى عايزه تسافرى!
رينو: انا مش عارفه بجد. خايفه ارفض. اكون ضيعت يومين حلوين. وخايفه اروح انت متكلمنيش.
فهد: قلبه بيدق بعشق. لكن سعادتها اهم. وقالها خلاص سافرى يارينو. وانا استحاله يعدى عليا يوم واحد ومكلمكيش فيه.
رينو: بفرحه. بجد يافهد. يعنى انت موافق انى اسافر.
فهد: وفهد مش عايز غير الفرحه دي تكون موجوده في حياتك يالارى.
رينو: ميرسي يا فهد. بجد ميرسي.
فهد: قوليلى هتسافرى بكره امتى!
رينو: ابيه بيقول الفجر.
فهد: قام وقف. الفجررر. وبص في الساعه
الساعه 9 وانا لازم اشوفك. انا جاي دلوقتي. وفقلو. ورينو كانت في قمة الفرحه والسعاده.
ونزلت للكل في الليفنج. وقالت لهم إنها موافقه هتسافر. ونور فرحت جدا.
محمد: بعد ما أكل. وعرف قرار رينو. قام. وقال طيب يلا احنا يانور علشان نجهز. حاجتنا. وانتى يارينو جهزى حاجتك من دلوقتي. وبص ل آدم. اجي اخدها من هنا الفجر!
مراد: رد. لأ. يادكتره. انا هوصلها بنفسي للمطار. ده بعد اذنك ياحج آدم.
آدم: هز راسه تمام. وبص ل محمد. رينو أمانه معاك. وانت قد الامانه. بس مش عايز اقلق.
محمد: متقلقش. وبعدين دول هما 3 ايام. اول يوم هنوصل نريح شويه وهنخرج. وتانى يوم المؤتمر. وتالت يوم هتنفسح شويه ونرجع على هنا إن شاء الله.
آدم: إن شاء الله. تروحو وترجعو بالسلامه. وحضن نور ووصاها على نفسها واختها. وسلمو على الكل. ومحمد اخد نور وتمارا وتيمو. ومشيو.
بعد شويه فهد وصل. واتصل على مراد. وقاله يدخل على طول. ودخل سلم على الكل. وكانت رينو قاعده متوتره. وآدم هرش الليله وفهم إن رينو طلعت تفكر ونزلت موافقه وفهد جه الساعه 10 بليل. امممم.
فهد قاعد يسرق النظرات وهو بيتكلم مع مراد. وعرف إن رينو مسافره الفجر من مراد. ومش عارف يكلم رينو. ولا حتى يودعها. وقعد شويه وقام. وودع رينو قدامهم بصفة القرابه. واتحرك. وخرج من الباب. ورينو راحت وراه. فهد. فهد نسيت مفاتيحك.
فهد: ابتسم بخبث. لانه سابهم بمزاجه. ومشي للجنينه وعامل أنه مش سامعها.
رينو: خرجت وراه الجنينه. اووف فاااهد. انت يبنى اقف بقى.
فهد: وقف وضحك. ولف ليها. نعم يا ماما رينو. ابنك وقف اهو.
رينو: ضحكت. انا بنادي عليك كتير وانت مش سامع.
فهد: لأ سامع. ناديتى عليا 3 مرات.
رينو: كشرت عينيها بغيظ. ومبتردش عليا.
فهد: طلع سلاح أبيض. شبه السكينه.
رينو: اتخضت. وبلعت ريقها بتوتر. اي. ايه يافهد. عادي متردش برحتك.
فهد: اخد منها المفاتيح. وشدها في مكان بعيد شويه. تعالى عايزك.
رينو: ماشيه معاه لانه ماسكها من أيدها. ومش فاهمه حاجه. اي يافهد. جايبنى اخر الجنينه ليه!
فهد: بعيد عن الكاميرات. وعلشان محدش يشوف الل هعمله معاكى.
رينو: بلعت ريقها بصعوبه. وشافت السكينه في ايدو. هتعمل ايه. فهد انت هتقتلنى!
فهد: تؤ انا بدبح مش بقتل. ومسكها من أيدها ولف ضهرها على صدره. وقلبه بيدق بسرعه كبيره.
رينو: مش فاهمه حاجه. وقلبها بيدق من التوتر. والسكينه. وكمان ضهرها في صدر فهد. واتنفست بصوت مسموع. وقالت بصوت مبحوح. ف. فهد. هتعمل ايه!
فهد: بحب. قرب من ودنها وهمس واثقه ف الفهد يا لاري.
رينو: اتنهدت. وغمضت عينيها بحب. اكتر من نفسي يافهد.
فهد: قربها منه وهمس بحبك يارينو. بحبك اوى. قوليها. علشانى قوليها.
رينو: بتتنفس بصعوبه من قرب فهد ليها. ومغيبه تماما. وغمضت عينيها. ب. بحبك يا فهد.
فهد: اتنفس بعشق. ومش عايز يضعف. ومسك ايد رينو وقالها اعملى زى ما هعلمك بالظبط. حط السكينه في كف ايدها. ومسك أيدها. ولف رينو ليه. وقالها انا هعلمك شويه حركات دافعا عن النفس. علشان لو. انا بقول لو. حصل اى موقف وحد دايقك. تعرفى ايه نقط الضعف وتهاجمي ازاى.
رينو: بصت في عينيه. انت هتعلمنى يافهد.
فهد: انتى مسافره بعيد عني يارينو. وبينا بلاد. ومش عارف ابطل تفكير طول الطريق اول ماعرفت. لكن انا فكرت انك لازم تتعملى.
وانا واحده واحده بعد كدا هعلمك كل حاجه. وتدافعى عن نفسك في اى وقت. واخدها واتحركو شويه علشان مراد وآدم ميشكوش في حاجه. وقرب من باب الفيلا. وقالها يلا بصى انا دلوقتي. هاقولك وهوريكى تهجمى عليا بطريقه معينه. وشوفى انا هدافع عن نفسي ازاى. انا هعلمك حركات بتمثيل علشان انتى مش حمل خبطه منى اتفقنا.
رينو: ابتسمت. قد كدا خايف عليا يافهد؟
فهد: انتى شغلى الشاغل يارينو. ويلا مفيش وقت علشان تلحقى تنامي شويه. انتى هتمشي الساعه كام. من الفيلا.
رينو: بحب 5 الفجر يافهد.
فهد: تمام. يلا بينا. وبدء يعلمها حركات تدافع عن نفسها لو حد هجم عليها. وعلمها ازاى تفك قبضه ايد حد لو كتفها. وعلمها لو حد لفها لصدرو وكتفها. تفك نفسها ازاى. وقالها لو استصعب عليكى الأمر ومعرفتيش تفكى نفسك. السلاح ده من دلوقتي بقى بتاعك انتى. ويبقى معاكى على طول. وبحركه سريعه زى كدا. وتضربيها في المكان ده. جمب الكيله على طول. مش هيستحمل.
او تدوسي على كف رجله برجلك وتنزلى براسك شويه وتضربى السكينه جمب الركبه بالظبط. والحركه دي هتشل حركته مؤقتا. ولازم وانتى بتضربى السلاح ايدك ماتتهزش. وتفكرى في حاجه سلبيه لو هتديكى دافعه ان ايدك متتهزش. وقعد ساعه كامله يعلمها مع حرص المسافه. علشان اكيد في حد هيشوفهم. وبعد ماخلص. قالها دماغك حلوه وهتتعلمي بسرعه. وبعد كده انا هعملك كل حاجه. وودعها. وقالها. اطلعى على اوضتك على طول. وخدي شاور. وكلمينى قبل ماتنامى. ان شاله دقيقه. وودعها وخرج. ورينو دخلت. وكان آدم متابع من اول التدريب وكان في المكتب. وده دايقه جدا. رغم أنه كويس جدا أن فهد يعلمها حاجه زى دي. وكان هيخرج يتكلم. لكن شاف أن فهد محافظ على المسافه. لكن بردو ماينفعش.
رينو طلعت وكلها تفاءل وسعاده كبيره. وبتلف وتدوخ في الاوضه. لحد ماراحت على السرير. واترمت عليه بسعاده. ااه بحبك اوى يافهد. وبعدها قامت بسعاده. واخدت شاور. وجهزت شنتطها. وكلمت فهد كلمتين. وقفلت علشان تنام شويه قبل الفجر.
بعد فتره. رينو صلت الفجر. وجاهزه. ومراد والكل منتظرها تحت.
رينو نزلت. وشافت الكل موجود ما عدا آدم. وسلمت على فريحه وريتال. وزين حضنها بحب. واتمنى ليها السلامه في كل خطوه.
رينو: راحت تسلم على مريم. وكان سلام مؤثر. لأن دى اول مره. رينو هتغيب عن البيت. وكمان 3 ايام وبلد غير البلد. ومريم دموعها نازله. واستودعتها عند الله.
رينو: مسحت دموعها. وباست على ايديها. وطمنتها. وبصت حواليها. بابى فين!
مريم: ابوكي قاعد في المكتب. ما انتى عارفه. هو مش هيتحمل. انك تخرجي من البيت على سفر.
رينو. : طيب انا هروح اسلم عليه. وخبطت ودخلت. بابى.
آدم: كان واقف وباصص من الشباك. واتنهد لما سمع صوتها. ولف ليها. ورينو جريت عليه وحضنته. بدموع.
آدم: ضمها لحضنه وغمض عينيه. حبيبتي.
رينو: بابى انا ممكن مسافرش. انا اصلا مش عايزه اسافر ولو زعلان انى مسافره انا هقعد فورا.
آدم: بتمثيل. علشان عايز رينو تنسى الحادثه. لا ياروحي. انا مش زعلان. وهو انا عندي كام رينو. انا عايزك تسافرى وتكوني مبسوطه. وكمان عايزك تخلى بالك من نفسك. ومتخرجيش من الفندق لوحدك ابدا. خليكى مع اختك نور. ومحمد معاكم انا مطمن عليكي وعلى نور. وباس جبينها. يلا بقى علشان متتاخريش على محمد ونور. هما نزلو من البيت.
رينو: باست على ايدو بحب. وبصلته. لا اله إلا الله يابابى.
آدم: بقلب موجوع. سيدنا محمد رسول الله. استودعتك عند الله ياحبيبت ابوكي.
رينو خرجت. وركبت جمب مراد. وزين راح معاهم. والكل واقف لحد ما العربيه اتحركت. ومريم و آدم. قلبهم بيدعي ليهم كل دقيقه. ومش هيطمنو غير لما يسمعو صوتها لما تطمنهم عليها وعلى الكل. وآدم اخد مريم وطلعو على اوضتهم. وآدم هيطمن مريم. ومريم هتنسي آدم وجعه وزعله. بكلامها الجميل. وحبها الكبير.
مراد. وصل المطار. ونزلو وكان محمد في انتظارهم. وسلمو عليه.
محمد: خد يازين مفاتيح العربيه. وخدها معاك واركنها عندكو.
زين: تمام. وسلم على نور بحب كبير والولاد. وواقف جمبهم.
مراد: سلم على نور. تؤامه. والولاد. ووقف جمبهم.
محمد: يلا بقى بالسلامه انتو.
مراد وزين: بالسلامه فين.
محمد: روحو. وانا هدخل انا والبنات. اطمنو على رينو في عينيا. ومحدش يقلق. وانا مش هسمح لحد يقف وينتظر. وبعدين انا مبحبش لحظات الوداع كفايه شرين ومصطفى.
مراد: احنا هنوصلكو جوه. لحد ماتركبو الطياره. بس علشان نطمن مش اكتر.
محمد: لا. اتفضلو انتو بقى. وانت عندك شغل انت وزين. يدوبك تروحو تنامو ساعتين ولا حاجه. وياريت تسمعو كلامى. اتفضلو متقلقوش. وبعد إصرار من محمد اتحركو بعد ماسلمو عليهم تانى.
محمد: اتحرك بالشنط. ونور ورينو ماشين جنبه.
رينو: اتنهدت بزعل. كان نفسها تسمع صوت فهد. قبل ماتسافر. وكانت بتتمنى أنه يكون صاحي علشان هي هتسافر.
محمد: نورى. استنونى هنا في قاعة الانتظار. احنا قدامنا حوالى ساعه. انا هظبظ كل حاجه.
نور: اوكي ياحبيبي. ربنا معاك.
فون رينو رن. بفرحه. لكن بصوت مهموس. االو.
فهد: الو. رينو.
رينو: ابتسمت. وخافت تقول فهد. علشان نور قاعده. احم. ايوه.
فهد: صوتك في المطار. وفي حد جمبك صح.
رينو: احم. امم.
فهد: طيب. استاذنىى. وقولي انك رايحه الحمام. وابعدي شويه عايز اكلمك.
رينو: احم. اممم. وقامت. نور. انا هروح الحمام وجايه. مش هتاخر.
نور: اوكي ياروحي. اجي معاكى.
رينو: لا خليكى. علشان ابيه محمد. لما يرجع ميقلقش. وانا فوني معايه. مش هتاخر. ولو جه اتصلى عليا. اوكي.
نور: اوكي خلى بالك من نفسك.
رينو. اوكي. واتحركت. واتجهت لطريق الحمامات. احم. فهد.
فهد: قلبو.
رينو: اتوترت. انا كنت هزعل لو متلصتش. وفجاءه حد شدها من ايدها. واتخضت وشهقت. فهد!
فهد. من الساعه 5 موجود في المطار. ومراقب كل حاجه. واول ماشافها قعدت هي ونور. اتصل عليها. ولما قالها روحي عند الحمامات. هو كان ماشى وراها. وقبل ماتوصل. شدها من أيدها. ولفها ليه. وايديها خبطت في صدره.
وشافته وفتحت عينيها على الاخر. فا. ههد. انت هنا.
فهد: اتخضيتى ليه. المفروض تتعودى على كدا. وبعدين انا هنا. وشاور على قلبها.
رينو: قلبها دق. وكمان بيرقص أن فهد جه علشانها. ونزلت ايديها بتوتر وبعدت خطوه.
فهد: وحشتنى يارينو.
رينو: غمضت عيونها بتوتر. انت جيت امتى.
فهد: سرحان في عيونها. انا هنا من بدرى. رينو. انا عايزك تخلى بالك من نفسك. وكمان متخرجيش من غرفة الفندق غير لما نور ومحمد يكونو معاكى. رينو علشان خاطرى متقلقنيش عليكى.
رينو: بحب. متقلقش يافهد. وكلها يومين يعنى واكون هنا. احم انت هتكلمنى وانا هناك.
فهد: انتى بتسالى. واتنهد. والله معايزك تسافرى. لكن أنى اشوفك مبسوطه دى عندى بالدنيا. وقعدو يتكلمو اكتر من نص ساعه. ونور اتصلت عليها. ورينو قالتها انها جايه. وقفلت. احم. طيب يافهد. انا همشى. لان ابيه محمد بيقول فاضل ربع ساعه ونتحرك على الطياره.
فهد: عارفه. نفسي اعمل حاجه. لكن خايف ادفع تمنها 4 سنين كمان. وقبل ماتفهمى غلط. كنت هعملها من جبينك.
رينو: نزلت راسها في الأرض ووشها احمر جدا. وهزت راسها بالرفض.
فهد: بغيره. رينو. جمالك مش ناقص وشك يبقى احمر كدا. انا مش عايز حد يعاكسك. والل يعاكسك بس انا فهمتك تعملى معاه ايه تمام.
رينو: بتوتر. احم. تمام يافهد متقلقش. انا همشى بقى.
فهد: انا مش همشي غير لما الطياره تتحرك.
رينو: هزت راسها. خلى بالك من نفسك يا فهد.
فهد: نفسي بين ايديكى. خلى بالك منك. ونفسه يضمها في حضنه. لكن الناس وكمان رينو هترفض. يلا يارينو علشان تلحقى. واربطي الحزام كويس. واسمعى السلاح معاكى!
رينو: قلبها بيدق. بحب من قلق فهد عليها. ايوه يا فهد. ومتقلقش. كل حاجه هتبقى تمام. وبصت في عينيه. لا اله إلا الله يافهد.
فهد: اتنهد. سيدنا محمد رسول الله. يارينو.
وبعد شويه. فهد متحركش غير لما الطياره اختفت. واتنهد بزعل. ورجع على شقته وقلبه مشغول عليها. وساب الفون جمبه. لانه نبه عليها اول ماتوصل. تتصل عليه تطمنه.
اول يوم عدي على خير ورينو وصلت واتصلت على آدم ومريم وطمنتهم. واتصلت على الفهد وطمنته. وكل شويه ينبه عليها انها متكونش لوحدها.
تانى يوم الضهر.
فهد: اذيك ياست الكل
رنا: الحمد لله ياحبيبي تعالى اقعد. انت عندك شغل النهارده.
فهد: لأ.
رنا: طيب كويس قضي معايا اليوم بقى.
فهد: هشوف كدا. لكن انا جيت دلوقتي علشان بابا اتصل عليا. لأنه نسي شيك عميل في الخزنه. وطلب منى انى اخدو وارحلو على الشركه.
رنا: ماشى ياحبيبي. ادخل المكتب وشوف انت عايز ايه.
فهد: اخد الشيك وخرج.
فى ألمانيا.
نور: رينو. رينوووووو.
رينو: اييييه يانور. بتزعقى ليه.
نور: بزعق ليه. ايه يابنتى كل السرحان ده. الناس الل الفندق كله كان شويه وهيطلعو ينادو معايا. انا بنادي عليكى من بدرى. وانتى سرحانه وكمان مكشره. في ايه بقى!
رينو: نفخت بديق. مفيش حاجه. المهم ابيه محمد رجع من المؤتمر ولا لسه!
نور: قعدت جنبها ومبسوطه. ايووه رجع. والمؤتمر كانو مبسوطين من كفاءة محمد اوى. انا فرحانه اوووى.
رينو: ربنا معاه. ابيه محمد يستاهل كل خير. وبتبص في الفون كل شويه. ومخنوقه.
نور: طيب بالمناسبه دى محمد عازمنا على العشا كلنا. انا هاقوم البس. وانتى البسى اوكي.
رينو: مابلاش انا. اخرجو انتو. وانا هفضل هنا. وممكن انام.
نور: نعم يختى. تنامى دلوقتي. احنا لسه الساعه 8 بليل. هتنامي من دلوقتي. وبعدين انتى امبارح كنتى مبسوطه. وخرجنا واتفسحنا. واشتريتى طقم جميل. وكمان اتصوورنا كتير. وكنا كلنا مبسوطين. ورجعنا نمنا. انا وانتى وتمارا هنا. ومحمد وتيم نام في الغرفة الل جمبنا. وسهرنا انا وانتى ونضحك ونهزر زي زمان. وانتى كنتى متحمسه. ودلوقتي مكشره اوى ممكن اعرف السبب. ومتخبيش عليا!
رينو: ايه يانور كل الهجوم ده. انا كويسه صدقينى.
نور: طيب قومي البسي. وساعتها هعرف انك كويسه ولا لأ.
رينو: اتنهدت بزعل. حاضر هاقوم البس.
نور: ايوه كدا. قومي قومي. علشان نخلى محمد يصرف المصارى هههه فرصتى بقى. البسي واستنينا تحت. ونور وقامت تلبس.
رينو: قامت بزعل. لان فهد كلمها امبارح. مرتين بعد ما هيا طمنته. وانهردا طول اليوم متصلش عليها. وهي اتصلت عليه. وكنسل عليها ومردش. وكلمت مريم. قالتها أن مراد وفهد معندهمش شغل انهردا. وقالت جواها يمكن نايم. واتصلت تانى كنسل وبعدها قفل فونه. وقعدت طول الوقت زعلانه وسرحانه. ولبست. ونزلت. وكان محمد ونور لسه منزلوش. وبتكلم نفسها. يعنى فهد الل كان زعلان انى مسافره. دلوقتى ميتكلمش معايه. وهو قالى امبارح هكلمك الصبح. واهو الليل جه ومكلمنيش. واتنهدت. ومدايقه. ووصلت مكان الانتظار. وقاعده سرحانه.
= رينو.
رينو: اتخيلت صوته و اتنهدت وسكتت.
=: رينوو
رينو: حد نده عليها. وقامت بتلف. والإضاءة اتحولت ل اضاءه رومانسيه. وشهقت. وقالت بصوت عالى. فاااهد.
فهد: قرب منها. قلب الفهد.
رينو: ضحكت بدموع. وحطت أيديها على بقها. ومش مصدقه. فهد قدامها. فهد راحلها على ألمانيا. وحست انها بتتخيل.
فهد: قرب منها. وطلع ايدو من ورا ضهره. وماسك بوكيه ورد تحفه. ونزل على ركبه. تتجوزينى.
رينو: تنحت وفتحت عينيها على الاخر. وفتحت بوقها. وحاسه انها في حالة صدمه.
فهد: لاري حبيبتى تتجوزينى!
رينو: قلبها دق. و بدءت تستوعب. ان الل قدامها ده فعلا فهد. ايوه هو فهد. دى ريحة برفانه. ده صوته. ده شكله. ايوه هو فهد.
فهد: انا مستعد افضل كدا لبكره. بس مش مستعد انك متلبسيش خاتم الخطوبه. دلوقتي.
فجاءه محمد ونور والموجودين في الفندق. الكل سقف. طبعا نور ومحمد عندهم علم من بدرى.
رينو: رفعت راسها. وشافت الناس. بتسقف. ودموعها نازله ومش مصدقه. ومش عارفه تعمل ايه وبتقول لنفسها هو فهد قال تتجوزيني.
فهد: لارين. رينو. لاري. موافقه تتجوزي فهد. رجلى نملت ابوس ايدك يلا بقى.
رينو: ضحكت بدموع. وهزت راسها بالموافقه. وقلبها بيدق بسرعه كبيره جدا.
فهد: قام. وقلبه دقاته عدت معدلها الطبيعي. وفتح علبه قطيفه. وكان فيها خاتم ودبله. وقالها تسمحى. ايدك.
رينو: برعشه ودموع. مدت أيدها. وايدها التانيه على بوقها. ومش مصدقه.
فهد: مسك ايدها ولبسها الخاتم. وقالها اتفضلى الدبله.
رينو: بلعت ريقها بتوتر. ومسكت الدبله برعشه. وحاولت تلبسها لفهد ولبستها ليه.
والكل بيسقف. ونور فرحانه جدا ودموعها نزلت من الفرحه وبتصور اللحظه دى علشان تبعتها للعيله.
فهد: من غير مقدمات. شال رينو ولف بيها مبررروك عليا حبيبتى وروحي.
رينو: لحد دلوقتي مش مستوعبه. ومعندهاش اى رد فعل على تصرفات الفهد
فهد: نزلها. ومسك أيدها وباسها. ومن عشقه ليها قرب باسها من جبينها. مبروك يارينو.
رينو: بصت في عينيه. فهد.
فهد: روح قلب فهد يارينو.
رينو: انا مش مصدقه يافهد.
فهد: انا الل مش مصدق نفسي والله ما مصدق.
محمد ونور قربو منهم. محمد حضن فهد وبارك ليه. ونور حضنت رينو بفرحه كبيره. وناس اجانب جت تبارك ليهم. لكن فهد منع اى راجل اجنبى يسلم على رينو. وبعد فتره من الاستيعاب. ورينو خلاص صدقت انها اتخطبت للفهد. وفهد اتنهد بسعاده. وطلب من محمد انه هياخد رينو ويخرجو شويه.
محمد وافق. بعد موافقة آدم. لكن هي ساعة واحده وبس. ورينو كلمت العيله بدموع والكل بيبارك ليها. وقد ايه الكل كان مبسوط علشان اخيرا اكتر 2 اتعذبو بالحب هيرتاح قلبهم.
ومحمد اخد نور والولاد وخرجو. وفهد اخد رينو وخرجو.
رينو: فهد انا مش مصدقه. طيب ازاى. وحصل امتى. وبابى وافق ازاى. واتقدمتلى فين. ومامي. طيب ابيه مراد. وأبيه زين. طيب ابيه محمد ونور كانو عارفين ومن امتى. وانت ازاى مقولتليش. انا عايزه اعرف كل حاجه. لو سمحت فهمنى.
فهد: ابلعى ريقك ياحبيبتى واهدى. تعالى اقعدى. وانا هقولك كل حاجه عايزه تعرفيها.
بصي ياستى. انا لما انتى اعترفتى بحبك وانك اخيرا حنيتى عليا بعد كل السنين دى. كنت هموت واخطبك. وقررت انى اول مرجع من الصعيد. هتقدملك في نفس اليوم. لكن لما شوفت ايدك مجروحه. وكمان الايد الل هتلبسي فيها الخاتم كانت مجروحه اكتر. انا قولت استحاله هتلبسى الخاتم وانتى فيكى خدش واحد. علشان كدا كل يوم أسألك على ايدك. ولما خفت تماما. انتى طلعتيلي في موضوع السفر ده. وقررت انك اول ماترجعى هتقدم من غير راجعه. لكن لما غبتى عنى يوم واحد انا كنت هتجنن. وجت صدفة القدر. ان طارق انهردا ينسا شيك مهم لعميل عندهم في الشركه الأم. واخدته وروحت سلمته ل طارق. وطقت في دماغى. وقولت ل طارق آدم فين. قالي في المكتب. قولتله طيب. انا رايح اطلب منه رينو للجواز. طارق قام وتنح هههههههه. وقالى يااابن الكاااالب. اخيرا نطقت. اتاريه عارف المهم. قولتله انا رايح. وقالى روح وانا هحصلك متقلقش. هتتجوزها. يعنى هتتجوزها. ودخلت عند آدم. وسبحان الله. متعرفيش جبت الشجاعه دى منين خلاص هموت واشوفك. سلمت عليه. وقولتله انا هقولك على كل حاجه جوايا. وارجوك متفهمش غلط. وحكتله كل حاجه. بس مش كل حاجه اوى يعنى ههههههه. لكن قولتله قد ايه بتحرمك وبقدرك. وانك غاليه قوي عندى. وانى بحبك من زمان جدا. وانى مبستحملش اى حد يبص لطرف توبك. وقولتله طالب رينو للجواز. واتمنى من حضرتك توافق.
ابوكى: مش سهل بردو. فضل ساكت وباصصلى وانا خلاص جبت جاز. ووترنى وقولت هيرفض. وحسيت انى قولت حاجه غلط. وخلانى أعيد كلامى بالترتيب من تانى في دماغى. ولقيت طارق دخل انقذنى الهي يستره هههههههه. وقال ها يا آدم اتفقتو على كتب الكتاب امتى! ولا لسه.
وابوكي ساكت. وقال ناخد رأي رينو الاول وارد عليك. وانا اتسرعت. وقولتله هي موافقه. وجملت الكلام وقولتله انا سألت رينو علشان متقدمش واترفض. وانك قولتى لو بابى وافق انتى معندكيش مانع. ههههه وطبعا اكيد مدخلتش على آدم العدوي. بس انا قولت بقى عليا وعلى اعدائى. هتجوزها يعنى هتجوزها. وطارق. قاله ماتنجز بقى ووافق انت بتحب تلعب باعصابنا. ومش ده فهد حبيبك ولا ايه. آدم بصله بمكر. اه طبعا فهد حبيبى. واتنهد وقال. موافق. وانا قلبى كان بيرقص. وكنت عايز اقوم ابوس ابوكى هههههه لكن انا مرتبط. واتفقنا على كل حاجه. وفهمت طارق انى عايز الخطوبه وكتب الكتاب يوم الخميس الل جاى الل هو تانى يوم رجوعك من السفر. والفرح بعد شهر. وطارق اقنعه بعد معاناه وخناقات من طارق. ههههه طارق قاله لو موافقتش انا هجوزهم من وراك وهجبلك مصطفى عزيز يقفلك ههههه. وآدم كان بيعاند مع طارق. وبعد كدا آدم وافق. بصي مقولكيش ساعتها احساسي كان ايه. وقومت حضنت آدم. ووصانى عليكى. لكن هو ميعرفش انك موجوده في قلبى وحطك بين رموشى وقافل عليكى. وجت في دماغي فكره. وقولتله. انا عايز افرح رينو. بما أن حضرتك موافق وكتب الكتاب كمان يومين. انا هروح المانيا صد. رد. ألبسها الخاتم. وأرجع هههههههه. آدم تنح. ورفض في الأول. وقال. صد رد!
وطارق الللله يسترو تانى. ههههه اتخانق مع آدم. وقاله انت واحد خنيق متفكها كدا وخلى العيال تفرح. وآدم ساكت. راح طارق متنرفز و اتصل على مراد وفتح الاسبيكر. وقاله خلينى اتكلم مع والدتك يبنى. ومريم ردت. وحكالها كل الل حصل. ومريم كالعاده من فرحتها دموعها نزلت ووجعت قلب ال آدم. وكلمت آدم. ومش عارف اقنعته ازاى. تأثيرها جامد. اه خالتى ومزه منا عارفها. هههههه وآدم وافق بعد محايلات من. طارق. واول مقال تمام. بصلى ونبه عليا وقال انت لو خرجت مع رينو هي ساعه واحده بس. انا بقى قولتله ساعه كتير جدا هي نص ساعه. وضحكو عليا. لانى من فرحتى مش عارف اعمل ايه. وقولتله انا رايح اشترى الخاتم. وسبتهم وخرجت ونسيت الفون ورجعت جبته ونزلت. ههههه ونسيت المفاتيح وطلعت تانى. ولقيت طارق وآدم بيحضنو بعض وفرحانين علشاناا. واخدت المفاتيح وضحكو عليا. واتصلت على مريم وشكرتها. ومريم قالتلى اخيرا يافهد اتحركت وكانت بتعيط. اله يعنى مريم كمان كانت عارفه. المهم. مراد اتصل وكان غيران عليكي. وفضل ينبه عليا ابعد كام متر وا وا وا. قولتله ريح نفسك. وطلعت بسرعة البرق حجزت على اول طياره. ورجعت اشتريت الخاتم والدبله. وطلعت على رنا. ولقيتها بتكلم مريم وبيباركو لبعض وقاعده بتعيط. طارق قالها طبعا. وسلمت عليا. ورودي الرهيبه. فضلت تزغرط. وتسقف ههههههههه وتقولى أدى آخرة الجى بي اس. بت فقر. لكن نبهت على الكل أن محدش يقولك. وانا اتصلت على محمد. وقالى هيكون موجود امتى. وظبطلى الإضاءة في الفندق. واشترالى بوكيه الورد لانى مكنتش هلحق. وطلعت على شقتى لبست وانتى رنيتى عليا وكنسلت عليكى. واخدت الخاتم والدبله. والشنطه. وطيران على المطار. ولقيت مراد وزين منتظرينى هناك. وقولت اوووف هيدايقنى بقى. لكن خلف توقعاتى. وباركولى. وقالو أنهم واثقين فيكى. وكمان انا. قولتلهم انا مش قوى هههههه. وانتى رنيتى عليا وكنسلت عليكى وقفلت الفون لانى كنت خلاص وركبت الطياره. وجيييت على احلى لاري في حياتى. وكنت بعد الساعات. واخدت عنوان الفندق من محمد. وقولتله انا سألت السواق قالى نص ساعه وهكون عندك. ونور قالت انا هروح اخليها تلبس وتنزل تحت واحنا هنراقب من بعيد. وبس. الباقى عندك علم بيه. فهد كان بيحكى وكله سعاده وفرحه وحس انه حد تانى غير فهد العصبى. وكان طاير من الفرحه.
رينو: بتسمع. ومركزه على وش فهد وضحكته. وكمان مكنتش مصدقه أن معاها ولوحدهم وكمان في ألمانيا. ولما سمعت أنه مرضيش انه يتقدملها علشان جرح ايديها. قالت جواها هعشقك ايه اكتر من كدا يافهد. واتنهدت. وبعدها ضحكت على طارق. وكمان آدم الل لعب با اعصاب فهد. وفرحت بالموافقه جدا. وكان قلبها بيرقص. واكتر حاجه كانت مفرحاها سعاده الفهد. واكتر حاجه قلبها مبسوط بيها. انها خلاص هتبقى ملك الفهد. لكن لما عرفت أن شهر واحد وتتجوز بدءت تتوتر.
فهد: رينو. حبيبتي انا فعلا مش مصدق.
رينو: ولا انا يافهد. انا حاسه انى بحلم.
فهد: بحب. اوعدك يارينو انى هقدملك السعاده ديما. وهعيش ليكى وبيكى.
رينو: وشها بقى احمر. واتكسفت. وفهد طلب عشا. واتعشو. وكان يوم جميل جدا بالنسباليهم. وبعد فتره رجعو على الفندق. وفهد قالها انه هيبات مع محمد وتيمو. وكمان قالها هنخرج كلنا بكره مع بعض. ووصل رينو لحد باب غرفتها. ونفسه يضمها لكن رفض لان رينو كانت متوتره جدا. وقالها ادخلى. وانا هدخل وهتصل عليكى كمان شويه. عندى كلام كتير عايز اقوله ليكى. ودخلت. وهو بعدها كلمها وكان عايز يفك توترها. ونجح. وتانى يوم. خرجو واتفسحو كلهم مع بعض. ورينو كانت عايزه تشترى هدايا لعيلتها بمساعدة فهد. ورحب جدا. واشترت هديه خاصه لفهد لكن من غير مايعرف وهتقدمهاله بعدين. وفهد اشترالها هدايا. وخباها لوقتها.
وبعدها رجعو على مصر. وكان بليل. والكل كان في استقبالهم. وكان يوم حافل. والكل بارك ل رينو والفهد. والكل كان مبسوط. وجه تانى يوم وقت كتب الكتاب.
رينو قاعده تحت مع كل العيله ومتوتره وحاسه انها هيغمى عليها. ودقات قلبها سريعه جدا جدا. وخصوصا لما سمعت العريس وصل ومعاه والمأذون. كانت هتموت. وحاسه ان كل حاجه جت بسرعه. وكمان شهر الفرح.
البنات كلهم حواليها. ومريم طبعا مفيش حد فرحات قدها. وكمان رنا كانت مبسوطه لابنها الل طلع عيون الكل. وطارق كان بيغيظ آدم لانه هياخد نوتيلت البيت على عيلة السيوفي.
فهد لابس بدله جميله جدا. وحاسس أنه اسعد واحد في العالم. وجاب المأذون. ودخل الفيلا وعيونه بتدور على طريقها. واول ماشافها وقف مكانه. ايه في الجمال. والغيره هتموته لانها عروسه والكل هيبص عليها. وفاق على كلمة تعالى اقعد قدام المأذون يافهد. وعندو شعور غريب ومختلف. وقال هو انا بجد هتجوز رينو. حب عمري. وحط ايدو في ايد آدم الل عيونه بتلمع وبيكابر لان خلاص اخر العنقود هتتجوز وكلها شهر يا آدم ونوتيلت البيت وقلبك هتبقى في بيتها.
فهد قاعد قدام المأذون مش على بعضه. وطارق يقوله اثبت بقى. واهدي كلها دقايق وهتبقى مراتك.
فهد: بلهفه كبيره. يلا ياعم الشيخ ابدء. والكل استغرب لهفة فهد بطريقه ملحوظه.
رينو: قاعده قلبها بيدق بقوه. ومغمضه عينيها. وبتحاول تنظم أنفاسها. ونور مسكا ايديها لانها حاسه بتوترها. اهدى يارينو. انا حاسه بيكى ياحبيبتى. لكن حاولى تعيشي السعاده صدقينى مفيش اجمل من الأوقات دى. بكره هتفتكريها وتقولى ياريتها تتكرر تانى. وعايزه اقولك ع حاجه!
رينو: فتحت عينيها ويتسمع اختها. حاجه ايه!
نور: احم. الفانوس الل قدمتهولك زمان. في رمضان لو تفتكرى قولتلك أن محمد جابهولك. احم وبصتلها ومبتسمه مكنش من محمد. كان من فهد.
رينو: نزلت راسها في الأرض. بخجل. احم انا عارفه يانور.
نور: كشرت عينيها. هو قالك يابت.
رينو: لا لكن انا عارفه.
مراد: جه عليها وجايب الورق ومبتسم. أمضى ياعروسه.
رينو: اتوترت. ومسكت القلم برعشه. وحاولت تمضى بصعوبه.
مراد: انتى شكلك مش عايزه تمضى. يبقى انتى مش موافقه على الجوازه دى. انا هروح افركشها.
رينو: بلهفه. لا لا يا ابيه همضى اهو. ومضت بسرعه. والكل ابتسم.
وبعدها فاقت على صوت المأذون. قال. بارك الله لكما وبارك عليكما وجمع بينكما في خير وبالرفاء والبنين. الف مبروك. ومحمد وزياد شهدو على العقد
سعاد وزينب بيزغرطو. والبيت اتملى بالفرحه.
فهد: قلبه بيدق من الفرحه ومش مصدق. وقام وحضن آدم. وبعدها طارق. وسلم على كل العيله. ومراد وزين. وبعدها رنا الل بتعيط من الفرحه. وحاول يهديها. لكن عيونه متركزه على معشوقته الصغيره اخيرا. وسلم على مريم. وبردو كانت بتعيط. وطمنها.
البنات كلها بتبارك ل رينو. بسعاده كبيره. ورينو مش مصدقه انها كدا اتجوزت من فهد.
مريم: راحت عندها وحضنتها ودموعها مش مبطله. ورينو كمان عيطت.
مريم: مبروك. مبروك يانور عيني. ألف مبروك.
رينو: الله يبارك في حضرتك يامامى. وارجوكي متعيطيش.
مريم: دى دموع السعاده ياحبيبتي. انتى متعرفيش انا مبسوطه قد ايه.
آدم: من وراهم ممكن بقى تسبوهالى شويه.
رينو: بدموع. بابى واترمت في حضنه. وآدم مش مستحمل وعايز يبكى خلاص. وضمها بحب. بنتى اخر العنقود. كبرت وبقت اجمل. عروسه. الف مبروك ياروحي. الف مبروك.
رينو: بتعيط. ومسخبيه في حضنه. ومبتردش.
آدم: طلعها من حضنه. ومسح دموعها. وحاول يطمنها. انتى مفكره بعد مااتجوزتي الواد فهد ده. هتبعدى عننا. لأ. اطمنى. انتى هتكوني موجوده معانا على طول. مين يقدر يبعد عنك ده انتى النوتيلا. وباسها من جبينها. وخلاص هيعيط. لكن بيكابر.
مراد: ممكن ياحج. وسلم على رينو. حبيبتي. حبيت قلب اخوكي. الف الف مبروك ياروحي.
رينو: مش بطله عياط. وفهد بيسلم على عيلة عزيز والموجودين لكن قلبه مع الل بتعيط.
رينو: بدموع الله يبارك فيك يا ابيه. وخرجت من حضنه. مراد باس أيدها وجبينها. حبيبتي زى القمر. ايه يابت الحلاوه دي. حتى وانتى معيطه. فرفشى كدا.
زين: وسع يامراد. تعالى في حضن اخوكي. يقلبى وضمها لحضنه. مبروك يارينو. الف مبروك ياحبيبتى.
رينو: في حضن زين. الله يبارك فيك يا ابيه زين. ربنا يخليكو ليا.
وكدا الكل بارك وسلم. فهد بيقرب من معشوقته. بضربات قلب مختلفه. من حبيبته لخطيبته ودلوقتي مراته. ووقف قدامها. وعيونه متعلقه بعينيها
رينو رفعت عيونها. وشافت الفهد وعيونها اتعلقت بعنيه. ونسيو كل الموجودين. وسرحو في عيون بعض. فهد قرب منها خطوه كمان. ولسه عيونهم متعلقه ببعض. ومسك ايديها الاتنين. وقرب وباس على جبينها بكل عشق. ورينو غمضت عيونها وقلبها بيدق. وباس على ايديها الاتنين. مبروك. مبروك يارينو.
رينو: بلعت ريقها. وردت عليه بصوت مبحوح. الله يبارك فيك يافهد.
فهد: رينو.
رينو: نعم يافهد.
فهد: انتى بقيتى مراتى.
رينو: ، مردتش من التوتر.
فهد: حس بتوترها. احم انا جبتلك هديه. والهديه دي فيها حبي ليكى. وعشقى وروحي وكيانى. وغيرتى. ودمي. الهديه دي فيها كل انواع العشق يارينو. وياريت تقبليها بحب. ممكن.
رينو: هزت راسها ممكن.
فهد: غمضي عينيكى.
رينو: غمضت عيونها. والكل مترقب ياترى ايه الهديه الل فهد جابها. والل فيها عشقه ودمه وغيرته.
فهد: اتحرك. وشاور لفريحه. وقالها هاتى العلبه المتغلفه الل انا ادتهالك اول ما دخلت. وفريحه. جابتها. وفهد بيفك التغليفه من عليها رينو خليكي مغمضه.
رينو: متوتره. هفضل كتير كدا يافهد.
فهد: اسف ثوانى بس. وقال تعالى يامريم. ساعدينى.
مريم: جت وشافت الهديه. وفرحت جدا بزهول. والكل شاف الهديه. وكله بيهمس للتانى معقول. في الل قال فهد ده مجنون. وفي الل فرح من عشق الفهد.
فهد: ومريم قربو من رينو.
رينو: مغمضه. ايه ده. مامى ايه ده.
مريم: بتضحك بدموع اوعي تفتحي خلاص خلصت اهو.
رينو: لا انا مش فاهمه حاجه.
فهد: فتحي يارينو.
رينو: فتحت. وكانت مستغربه ايه الهديه. وكمان مريم حطت ايه على وشها. ورينو اتفاجئت بزهول. نقاااب!
طبعا اكتر حد فرحان. آدم. واخواتها على عشق المجنون فهد. وكمان بيحافظ على ملكيته. وقادر يحميها. ومريم كانت اسعد ام في اليوم ده.
فهد: قبل ما ترفضي هديتى. فكرى. انى قولتلك الهديه دى. فيها. غيرتى عليكى. ودمي. وعشقى. الهديه دى فيها قلب فهد يارينو.
رينو: مكنتش عارفه تعمل ايه. تفرح. ولا تقوله طيب ما اخدتش رأي ليه. ولا تعمل ايه. لكن لما شافت ترجي ف عيون فهد. وكمان سعاده بانها هتكون لفهد وبس. وجمالها هيكون لحبيبها وبس. وقالت لنفسها وهي البنت هتعوز ايه اكتر من كده. اتنهدت بسعاده. وقالت. دي اجمل هديه جالتى في حياتى يافهد. وربنا يقدرنى واكون قدها.
مريم: حضنت رينو. حبيبتي والله هتكوني اسعد واحده في الدنيا لانك هتكوني لجوزك وعيلتك وبس.
والكل كان فرحان بدهشه. ورجعو باركو تانى ل رينو على النقاب. وفهد على جنون غيرته بمعشوقته الصغيره. وكان اليوم ده بالنسبه لفهد مميز جدا. لان كدا خلاص. حبيبته محدش هيشوف جمالها غيرو هو وبس.
وعدي اليوم على خير.
وفاضل شهر بالظبط وفهد يتجوز معشوقته.
وبعدها بكام يوم. اخد رينو علشان يختارو الفستان. وفهد الل اختار وكان اختيارو عجب رينو. لكن اختلفوا على الجزمه. رينو عايزه جزمه كعب عالي جدا لانها قصيره بالنسبه لفهد. وفهد رفض وقالها مش هتمشى تطرقعى بالكعب العالى وانا جمبك. مش هينفع وبعد مناوشات ورينو زعلت لكن فهد برفض قاطع. وصالح رينو. بعد مناهده منه وحلفها بحياته وأنه بيغير عليها جدا. وعزمها على الغدا. في مكان راقى. ولكن مرفعتش النقاب. واول مره فهد يا أكل رينو بايديه. وانهار من جواه. رينو من جواها كانت مبسوطه من غيرة الفهد. وانه حاول يصالحها كتير. واول ما اكلها بايديه. اتوترت ونسيت كل الزعل. وبعد الغدا. اخدها. واشترو كل مستلزمات رينو.
رينو ؛ طول الشهر متوتره. وخصوصاً بعد ما مريم فهمتها واجبات وحقوق الزوج والزوجه. وبتحاول تبعد عن فهد. لانها خايفه انه يقرب منها ويحضنها. وفهد متغاظ وهيتجنن منها. ويتتحجج انها بتنام بدرى. او بتكمل في الجهاز مع مريم. او كانت مصدعه وهكذا. وفهد كان مبسوط من خجلها وكسوفها. وكان بيبعتلها كل يوم الشوكليت بتاعتها مع تيمو. او فريحه. واستمر الوضع كدا بينهم شهر كامل. لحد يوم الفرح.
الصبح فهد راح على فيلا العدوي. واخد رينو على السنتر وطول الطريق. ماسك أيدها ويبوس عليها كل شويه.
رينو: متوتره. احم فهد.
فهد: عيونه.
رينو: احم مش كنت لبست النقاب بعد الفرح.
فهد: اشمعنى يعنى.
رينو: يعنى انت حجزت قاعة الفرح. وهتعمل فرح كبير. وانا منتقبه يعنى.
فهد: فهم قصدها. حبيبتي. انتى هتفرحي بصي. انا هقعد جمبك عادي جدا. وهغنيلك واكتر من مره. وهنرقص سلو انا وانتى. بس الفرق الوحيد الل مخلي قلبي مبسوط انك مش هتغنى يااااه. اخيرا. دانا كنت بولع في نفسي لما كنتى بتغنى. وبصلها صوتك ده ملك فهد وبس. وهتغنيلى انا وبس. وباس ايديها. ووترها اكتر بحبك اوى يارينو.
ورينو: منطقتش. واخدها على السنتر. وطلعها فوق بنفسه. ونبه أن مفيش راجل يدخل على رينو. وكمان الكاميرات. تتقفل في وجود رينو وكان بيتكلم بلغة تهديد. وقرب من رينو وقالها انا هكلمك كل شويه اطمن عليكى.
ورينو ؛ كانت اسعد بنت في العالم كله.
بنات العيله كلها راحت على السنتر. وبدؤ في التجهيزات.
وعدي اليوم بسرعه وفي الل مبسوط زى الفهد ورينو. وفي الل زعلان زى آدم ومريم. على بعد نوتيلا البيت.
البنات كلها جهزت. وفي انتظار وصول الفهد
وكلهم مبسوطين لانها دى الفرحه المنتظره.