رواية جبران العشق الجزء الثاني للكاتبة دينا جمال كاملة
لو فاكر أنك فهمت اللعبة تبقى غلطان
أنا اللعب معايا غير
أنا مش الملك اللي بحركة ساذجة توقعه
أنا الجوكر اللي ورا كل قناع
أنا اللي هبدأ الحرب
أنا دلهاب المستخبي جوا نفسكوا
أنا اللي نهيت الملك
بحركة واحدة ينحني الجنود
وينهال دم الأميرة
ويخضع الفارس بحصانه
بحركة واحدة يقع الملك
ويفوز الجوكر
كش ملك
" لو فاكر أنك فهمت اللعبة يبقى اللعبة، لعبتك "
اقتباس
القبر دا قبر ملك من ملوك الفراعنة زمان، محمل كنوز ما يشيلهاش جيش جرار
طب والعمل يا سيدنا نفتح القبر دا إزاي
القبر مش هيفتح بابه غير لما الراصد يدي الإذن والراصد عايز دم
وماله يا سيدنا ندبح بدل العجل عشرة وبدل الخروف 100
العجل والخروف دول تشويهم وتتعشى بيهم، الراصد عايز دم طفلة صغيرة ما يزدش عمرها عن خمس سنين، وإلا هيخسف بالمقبرة سابع أرض ومش هتعرفوا توصلولها لو شقيتوا الأرض
أمرك يا سيدنا، أمرك يا شيخ جابر!
تخليص لشخصيات جبران العشق الجزء الأول
جبران و وتر: جبران رزق السواح أو مراد ظافر نور الدين: ابن اللوا الراحل ظافر نور الدين وأخو الرائد زياد
معلم ف حاره عنده ورشه نجاره و ليه دراع يمين (حسن) اتجوز وتر بنت سفيان الدالي
(اكبر تاجر سلاح و اثار و ممنوعات ف مصر و 12 بلد وهنتكلم عنه بعدين)
اتجوزها ب نيه التقرب ليها عشان يعرف عن سفيان و اقنعها انه تحدي لكن حبها و علاقتهم استمرت ك جبران معلم الحاره اللي بيتاجر في الحشيش و الوضع بينهم استقر و حبها بعد ما اتاكد ان ملهاش علاقه ب شغل ابوها و لا تعرفه لحد ما جه يوم الحفله و عرفت انه جبران الحقيقي ميت من سنين و انه مراد ظافر
اللي قصته باختصار والده كان دايما بيقارنه ب زياد اخوه الصغير و سقط اربع سنين ف اتفصل م الكليه و لما ابوه عرف ضربه و طرده من البيت فراح ل بيجاد و وليد.
(من عيله التهامي و ليهم وصف لوحدهم) و بدأ يشتغل معاهم في تجارة المخدرات، ساعتها قابل اخت بيجاد كارمن او ملك (ليها حوار بردو) ووقتها قرر أنه يبعد عن المخدرات بس سفيان و مجدي رفضو و شوهو. ه وشه لكن زياد انقذه و غير وشه و اسمه ل جبران السواح عشان يساعد الحكومه تقبض ع تجار الممنوعات و يبدا السلم ويعلى لحد ما يوصل ل سفيان ومجدي
و الحكايه خلصت ب صلحه هووتر و تصليح علاقته ب زياد اخوه و فتح معرض موبيليا ب مساعده حسن و بيجاد و زياد
-وتر سفيان الدالي: طالبه ف قسم علم نفس (دكتوره نفسية).
بنت رجل الأعمال سفيان الدالي عاشت عمرها كله مع ابوها مخدوعه فيه و انه طيب وسط مقارنات و معيارات صحابها ان امها سابتها و هربت بعد ولادتها و بعد ما سفيان هرب م البلد اتضطرت تروح لاول مره ل مامتها (فتحيه) و اتفجأت ان مامتها عايشه ف حاره و بتشتغل شغل بسيط جدا ولما مامتها كانت بتحاول تثبت ان ابوها شيطان شرير كانت بترفض تسمع ف بالتالي علاقتها كانت متوتره جدا مع والدتها، قابلت جبران اول ما وصلت و جذبها نرجسيته و كرهت تحكماته ف الكل و كانت مقرره تعامل جبران ع انه تحدي او حاله هتفك أسرارها و قبلت عشان كدا الجواز منه و لاقيته شخص عكس ما مبين خصوصا تعامله مع حادثتها (وتر دكتوره نفسيه وسط تدريب اعتدي عليها مريض و شوه ضهرها و قعدت تتعالج عليها شهور (اقتراح متخلف من مراد قبل ما يعرفها ايام ما كان شغال مع سفيان و مجدي).
و حبت جبران و بداو يقربو لحد ما جه موضوع ادمانها ع ايد (طارق) ابن مجدي عشان يكسرها و ياخد فلوس سفيان لكن جبران لحقها و فضل معاها رغم معرفتها ب حقيقته و حقيقه ابوها يوم الحفله و بعدين ادركت بشاعه ابوها لما خطفها و كان هيضحي بيها كقربان
و رجعت هي وجبران لبعض
و سفيان المفروض ولع و علاقتها ب والدتها اتصلحت و اخر الروايه قدمت دراسات عليا ف كليه اداب قسم علم نفس جامعة القاهرة، بعيد عن الجامعة الخاصه اللي كانت فيها يوم افتتاح معرض الموبيليا عرفو انها حامل و خلصت الحكاية.
بيجاد و رسل: بيجاد سراج محمد نور الدين: القناص، ثلاثي المضلع بعد مراد و وليد ابن عم وليد يعني عمه مجدي التهامي على الرغم من عدم تشابه الاسامي دا يرجع ل ان سراج و مجدي اخوات من الام بس، مجدي كان السبب في موت سراج، بيجاد ما كنش يعرف أن عمه هو اللي قتل أبوه، عشان كدة اشتغل مع مجدي ف شغله الممنوع، رغم ان سراج مكنش مشارك في اي شغل من شغل مجدي وكان عنده شركات سياحه كبيره، بيجاد ساب شركات وطاوع مجدي و بقى قناص يقتل اي شريك يفكر يغدر، لحد ما يلاقي اخته تبع وصيه أبوه ولقى ملك بس حصل مشكله مراد (موضوع ملك بالتفصيل هيتقال بعدين) قبلها عشان مجدي يوافق يرجعله شركات ابوه انه يتجوز رُسل بسبب حادثه حصلت ليها فقدت البصر و كتب كتابه عليها بس مكش بيحبها كان شايفها بنت مجدي اكيد زيه لحد بعد ما ملك غدرت و وليد اد. من و خرج م المصحه و مراد قابله و انضم ليه يجيب حقه و حاول يرجع رسل و خط. فها وقالها ساعتها اسمه عز الجيار لكن عرف ان ملهاش ذنب ف حاجه و عملت العمليه و رجع ليها البصر و حكايته خلصت ب انه صالح ملك و عرف انها مظلومه و صالح رسل و رجع شركات ابوه و الحكايه خلصت ب حمل رُسل.
رسل مجدي التهامي: الاميره العاميه اخت وليد و طارق من صغرها بتحب بيجاد كانت المسؤله عن تجميع المعلومات عن الأعداء ع اساس صفقات شغل مكنتش تعرف أنها صفقات ممن. وعه و حصلت حادثه و فقدت البصر و من ساعتها و هي وحيده مجدي اعتبرها عبئ و وليد كان المتوقع انه ما. ت و طارق بيتريق عليها و سفيان ابو وتر كان بيت. حرش بيها ف طفو لتها مع عدم تصديق مجدي لما بتقوله ف كبرت ب مشاكل نفسيه تتعلق بالثقه لما بيجاد خطفها و هي فاكراه عز هي عرفت أنه بيجاد و بعدها عملت العمليه و رجعت تشوف و فضلت عايشه ف وهم أن وليد كويس و ابوها وحش اه بس مش تاجر ممن. عات لحد ما قابلت حياه و يوم الحفله وقعت م السلم و فقدت الذاكره و لما رجعتلها هربت من بيجاد ساعتها عرفت انها حامل و لما رجعت ل بيجاد كان فيه مشاكل كتير بينهم انتهت قصتها ب حياه سعيده مع بيجاد و ملك أخته.
فصول رواية جبران العشق الجزء الثاني
- رواية جبران العشق الجزء الثاني للكاتبة دينا جمال الفصل الأول
...باقي الفصول اتباعا كل يوم فصل