رواية تزوجت جاري العنيد للكاتبة رهف سيد الفصل السادس والعشرون
ادهم، اكمل إيه يا بت انتي
نور، لا بجد ربنا يعين ماما وبابا عليكم انتو الاتنين مجانين
رؤي، حوش العقل اللي انتي فية
ادهم، بتجيبو لنفسكو الكلام
نور، طب حط في حسابك انك تنام انهرده عند اختك
ادهم، لا خلاص انا مش بعرف انام غير معاكي
رؤي، يا محن انا هقوم قبل ما مرارتي تتفقع
غادرت رؤى وتركت لهم المكان سحب ادهم نور لتصبح بجانبة
نور. في إيه يا ادهم حد يشوفنا
ادهم، متخافيش تعالي بس اقولك كلمة سر.
نور، خلص اكلك يا ادهم ربنا يهديك
بسمة، صباح الخير يا جماعة انتو بتفطرو
ادهم، لا بنتغدا انتي شايفة إيه
نور، لا بنفطر بس يا ادهم بطل غلاسة
ادهم، ماشي ماشي انا خلصت اكل يلا نشيل الاطباق
حمل كل من ادهم ونور الاطباق ودخلو إلى المطبخ اخذ ادهم رؤى ونور وخرجو إلى الحديقة جلس ادهم وجلست الفتاتان في حضنة
رؤي، وبعدين في الزهق اللي احنا فية ده
نور، مش عارفة ادهم
ادهم، نعم
نور، مشينا شوية بالعربية.
رؤي، الله والنبي يا ادهم بدل ما انا زهقانة
ادهم، لا مش عايز انا نفسي في حاجة حلوة
نور، يبقى دوناتس
رؤي، وبالتشوكليت
ادهم. يلا بينا يلا بينا
ذهب الثلاثة إلى المطبخ وبدؤ في صنع الدونات احضر ادهم هاتفه وبدا في التقاط بعض الصور لهم والفيديوهات
نور، وخلصنا اخيرا
رؤي، اممممممم شيف يا نونو
ادهم، طعمها حلو اوووي
بسمة، ايه مالكم متجمعين في المطبخ كده ليه
جلست نور على الطاولة وجلست بجانبها رؤى
نور، بناكل.
بسمة، امممممم بتاكلو إيه
زهره، انتو بتعملو إيه هنا وانت إيه اللي مدخلك هنا يا ادهم
رؤي، اسكتي يا ماما ده ادهم طلع بيعرف يعجن احلى منا
بسمة. اييييييييية ادهم يعجن
ادهم، و فيها إيه يعني
بسمة، انت راجل ملكش في شغل الستات
نور، تصحيح بس اولا المطبخ مش مكتوب علية للستات بس ثانيا احسن واشطر الشيفات في العالم رجالة
رؤي، يا جدع والمصحف انتي عسل
زهره، وعملتو إيه بقى
مد ادهم لها الطبق.
نور. دوقي يا ماما احنا ال3 عاملينها
زهره وهي تذوق، امممممك طعمها حلو اووي شيف يا بنتي
على، انا سمعت صوت حلو عاملين إيه
ادهم، دوق يا حج عمايل المدام
رؤي، اوعدنا يا رب
ادهم، صحيح بمناسبة اوعدنا يارب في عريس جاي
زهرة، لولولولولولي مبروك يا مقصوفة الرقبة
رؤي، إيه ده مش لما اوافق
ادهم، يعني انتي مش موافقة على عمار
على، واللهي عمار شاب كويس انتي إيه رايك
رؤى بكسوف، يوة يا بابا بقى
زهره، شوف البت.
ادهم، خلاص هقولو انك مش موافقة
نطت رؤى من على الطاولة ووضعت يده في خصرها
رؤي، نعععععم لا طبعا انا موافقة
ضحك الجميع عليها بينما هي احمر وجهها من تسرعها وركضت
نور، ههههههههه ما تبطل غلاسة بقى يا ادهم
ادهم، هههههه شكلها حلو وهي طالعه تجري ها يا حج اقولو إيه
على، الجمعة يجي يا ابني ويتقدم انا موافق علية هو ولد يستاهل كل خير ممكن بقى ادوق عمايل المدام
نور، اتفضل يا حج وقولي.
على، طعمها حلو اوووي يا بنتي ما شاء الله
خرج الجميع من المطبخ وظلت نور تاكل باقي العجين من الصحن
ادهم، بطلي بقى هاتي العجين يوجعلك بطنك
نور، يوووة يا ادهم هات بقى متبقاش بايخ
ادهم، انتي مجنونة يوجعلك بطنك
نور، انا متعودة ان اكول العجينة هات بقى
رفع ادهم الطبق إلى الاعلى
ادهم، لو جدعة هاتيه.
ظلت نور تقفز وتحاول ان تحضر الطبق ظل ادهم يضحك عليها زمت شفتيها بغضب وعقدت ساعديها واعطته ظهرها وضع ادهم الصحن على الطاولة واحتضنها من الخلف
نور، اوعي بقى انت بقيت غلس
وضع ادهم قبلة رقيقة على رقبتها، هيوجعلك بطنك
نور، طب شيل ايدك حد يجي
ادهم، اللي يجي يجي
لفها ادهم ليصبح وجهها مقابل وجهه
نور، بس بقى يا ادهم حد يجي
ادهم، طب متيجي
نور، ابعد بقى يا ادهم
دخلت الخادمة وقاطعتهم دفعت نور ادهم.
الخادمة، احم انا اسفة كنت فاكرة ان مفيش حد هنا
نور، لا تعالي يا شيماء
خرج ادهم وسحب نور خلفة مر عليهم اسبوع واتفقو ان يجعلو كتب كتاب رؤى بعد اسبوعين مع اصرار عمار وفي يوم انتهى الجميع من العشاء وجلسو في الصالة استندت نور راسها على كتف ادهم
خديجة، قومي يا رؤى اعملي شاي
رؤي، حاضر يا عمتو تعالي يا نور معايا
زهره، خلي نور شكلها تعبانة روحي انتي.
رؤي، تعبانة إيه بس اول ما تقوم معايا شوية هتفوق ولا إيه يا رورو
نور بتعب، حاضر يا رؤه تعالي اسحبيني
سحبت رؤى نور من احضان ادهم خطت خطوتان وامسكت راسها بقوة انتبه لها ادهم ولكنه وقف سريعا عندما وجدها تقع مغشية عليها
زهره، نور نور يا بنتي خدها يا ادهم فوق عقبال ما نجيب دكتورة
حملها ادهم وصعد بها إلى غرفته
ادهم، نور نور فوقي يلا
زهره، الدكتورة جت اطلع انت برة دلوقتي.
خرج وجد الجميع يقف منتظرين خرجت الطبيبة اجتمع ادهم ووالده على الطبيبة بينما ظلت بسمة ووالدتها مكانهم
على، خير يا دكتورة بنتي عاملة إيه
الدكتورة، مفيش قلق لكل ده دية حاجة طبيعية جدا
ادهم، ازاي طبيعية يا. دكتورة انا مفهمتش
الدكتورة، مبروك يا استاذ ادهم المدام حامل
صدمة الجمت الجميع منهم من غضب بشدة ومنهم من فرح بشدة
ادهم، مدام مين
على، بجد يعني انا هبقا جد
ادهم، جد مين وحامل مين.
على، الفرحة لحست دماغك مراتك حامل يا ادهم
ادهم بفرحة، بجد يعني انا هبقا ماما وهي بابا قصدي هبقى بابا وهي ماما
الدكتورة، هههههه ايوة مبروك المدام حامل في شهر ونص بس جسمها ضعيف ومحتاجة تغذية
لم يستمع ادهم للباقي ودخل
على، معلش يا دكتورة اصلو من الفرحة نسي كل حاجة
الدكتورة، لا عادي
علي، اتفضلي معايا
ذهب علي مع الدكتورة
بسمة، حامل يا ماما طلعت حامل
خديجة، وانا اعملها إيه
بسمة، تعمليلها إيه ازاي يعني.
اما في الداخل دخل ادهم وجد نور تستمع لنصائح زهره ورؤى تقف بجانبها تضحك
رؤى. كملي كملي ومتنزليش من على السرير وكلام الافلام الابيض واسود ده
زهره. اتنيلي واخرسي مبروك يا ادهم
نظرت نور إلى ادهم الذي يقف عند الباب اقترب ادهم سريعا وجلس بجانبها على الفراش ورفع بلوزتها قليلا ووضع اذنه على بطنها
نور، هههه انت بتعمل إيه يا ادهم
زهره، ههههه شغل الافلام اهو
ادهم، . انا مش عارف اسمع حاجة اسكتو شوية.
رؤي، يا حبة عيني بتسمع اصوات لما تبقى في الخامس وما فوق مش في شهر ونص
رفع ادهم وجهه وظل ينظر إلى نور بحب
رؤي، انا بقول ننسحب علشان شكلنا بقى وحش اووي
زهره، وانا برضو بقول كده
انسحب الاثنان وخرجو من الغرفة
ادهم، انا فرحان اوووي ربنا يخليكي ليا يا رب
نور. ويخليك ليا
اقترب ادهم منها وظل يوزع قبلاتة على وجهها
نور. بس يا ادهم انا حامل
ادهم، هنبتدي بقى نقطع على بعض
نور، ههههه حبيب ماما يعمل اللي هو عايزو.
ادهم، بقى كده
نور، وابو وام عيلة كده ده حبيبي
ادهم، لا انا عايز بنت
نور، لا انا عايزة ولد
ادهم، لا مليش فيه انا عايز بنت
نور، لا واللهي ده ابني انا وانا اللي هقرر
ادهم، يا شيخة ده على اساس انك اتكاثرتي ذاتيا وانا مش عارف
نكزتة نور في كتفة. طب ابعد بقى وانت شبة الجمبري كده
ادهم، يا شيخة وانتي بقيتي شبة الفراولة عارفة الفراولة بقيتي نسخة منها وبكرة تبقي بطيخة ههههههه.
نور، بطيخة ها وبدات في ضربة بطيخة بطيخة ها
ادهم، اه يا مفترية يا ماما الحقيني هتاكلني
دخل الجميع على صراخ ادهم
علي، هههههههه بتضرب يا ابني معلش
نور، يا ماما بيقول بكرة هبقى شبة البطيخة
خديجة. مبروك يا نور يتربي في عزك
نور، شكرا يا طنط
رؤي، هل تعلمو يا قوم ان كتب كتابي بعد بكرة ولسة مجبتش فساتين
نور. اه صح انا عايزة اجيب فستان
ادهم، انتي مفيش حركة اصلا ولا إيه يا ماما.
زهره، ادهم معاه حق اول 3شهور مفيش حركة كتير واجهاد
نور، لا مليش دعوة انا عايزة اجيب فستان
ادهم، بصي انا هجبلك فستان وهتنزل تقعدي ومش هتقومي الا لما الناس يمشو
نور، . يا راجل ما تخليني قاعدة هنا احسن ومنزلش خالص
ادهم، انا موافق انتي إيه رايك
رؤي، كنا دبحناك هو إيه اصلو ده
بسمة، مبروك يا دومي مبروك يا نور
شدت نور زهره من يدها مالت زهره عليها قليلا
زهره، نعم يا حبيبتي
نور، هو مش الزعل وحش على الحامل.
زهره، ايوة
نور. خدي ام قردان من هنا بدل ما اكولها
زهره، هههههههههه طيب احم إيه مش هنسبها ترتاح ولا إيه
على، فعلا
رؤي، انا هفضل مع نور شوية
ادهم، ده عند ام ترتر يلا يا حبيبتي برا وبعد كده المقابلة بمواعيد
رؤي، نعم نعم متمنعها احسن
نور، ادهم والمصحف كده اوفر
ادهم، بس بس خلاص انا غلطان
غادر الجميع ماعدا رؤى وادهم
رؤي، شوفتي كل العيلة اللي في مصر جايين هنا
نور، اه والثلاثي هيجتمع وانا هولع فيهم وفاخوكي.
ادهم، وانا مالي بس يالمبي هو انا كان ذنبي اني حلو ومز وكل البنات بتحبني
نور، نعم نعم حوش الجمال ده بقى بذمتك يا رؤى ده ولا عمر انا خلاص قررت اول ولد هسميه عمر
رؤي، وانا اول بنت هتبقى دفنة ونجوزهم
نور، ماشي وان موافقة
ادهم، بس يا موكوسة منك ليها.