رواية ترى يا قلب أحببت من؟ للكاتبة ريحانة الجنة الفصل الثالث والثلاثون
وعدي تقريبا 6 شهور علي جواز نغم وادم. وادم كان اتعلق بنغم وانس جدا ومكنش بيعرف يقعد من غيرهم وانس كمان اتعلق بأدم وكان بقي عنده 9شهور وكان بيسكت معاه وادم كان طول الوقت قاعد معاه وبيلعبه. لكن علاقته بنغم زي ما هي كل واحد في اوضة وفي يوم ادم بيلعب مع انس. ونغم حضرت العشاء
نغم: يالا يا ادم العشاء جاهز.
ادم: حاضر جاين اهو. تعالي بقي يا بطل علشان نتعشي مع مامي الحلوة دي. اه يا انس نفسي تبقي مراتي زي ماهي مامتك كدة. تفتكر اليوم ده هيجي.
انس: كان بيضحك.
ادم: ههههههه وانا بتفائل بضحكتك دي تعالي بقي نروح لماما بدل ما تحرمنا من العشاء
علي السفرة
نغم: هات انس يا ادم علشان تعرف تاكل
ادم: هو احنا كل يوم نقول نفس الكلام. يا سيتي انا مش بعرف اكل الا وهو معايا.
نغم: بس كدة انت مش بتاكل كويس.
ادم: ابتسم. وبص في عنيها. انا احسن اكل باكله وانتي معايا انتي وانس
نغم: احمم. طيب اتفضل
ادم: لا باشميل ايه الكرم ده. علي فكرة انا عمري ما اكلت باشميل زي بتاعك. انتي استاذة
نغم: ابتسمت بحزن. مهاب كان بيحبه اوي. وكان دايما يطلبه مني
ادم: راحت منه الابتسامه. الله يرحمه
نغم: الله يرحموا.
وفضلوا علي الحال ده كل يوم ادم بيحب فيه نغم اكتر ويتمناها اكتر بس مش قادر يقرب منها.
بس كانوا بيقربوا من بعض كل يوم عن اللي قبله وادم كان بيساعد نغم في الرسالة بتاعتها وكانوا بيقضوا وقتهم مع بعض في المستشفي وكمان البيت ونغم كانت معجبة بشخصية ادم وهدوءه. وفي يوم كانت نغم في الحمام بتاخد شاور. وانس كان نايم بس صحي وهي جوا. وخرجت بسرعة تشوفه. ولقته وقع من علي السرير خافت عليه وشالته وجريت علي المطبخ. تجيب ثلج تحطهوله. وناسية انها بالفوطة بس بس ادم مكنش موجود لكن رجع في الوقت ده. ولما دخل اتخض من صريخ انس دخل بسرعة يجري لقي نغم في المطبخ مع انس بتخطله الثلج وهو بيعيط. ادم وقف متنح ومسهم قصاد نغم. هو اول مرة يشوفها كدة حتى شعرها كانت بتقعد معاه بالحجاب. ادم فاق من سراحانه. وقرب منها.
ادم: احمم ماله انس
نغم: بقلق. وقع من علي السرير وراسه ورمت. وانا حطيتله ثلج
ادم: طيب اهدي ومتقلقيش انا هطمن عليه هاتيه. وهو بياخده منها مسك ايديها وكان قريب منها. وبصلها وهو بيتأمل فيها وفي جمالها. تعرفي شعرك حلو اوي ليه بتخبيه عني
نغم: اتصدمت وبصت علي نفسها. واتكسفت انها كانت واقفة كدة وكانت ناسية نفسها. جريت بسرعة علي الاوضة.
ادم: ابتسم. مش ممكن جميلة بشكل. تعالي يا استاذ لما نشوف شقوتك دي هتعمل فيك ايه. بس ياريت بابا ادم يتشاقي زيك كدة. بس مامي تحن
انس: بطل عياط وضحك
ادم: مش بقولك بتفائل بضحكتك. تعالي يا حبيب بابا
نغم: دخلت اوضتها. وكانت مكسوفة جدا. انا ازاي وقفت كدة بس. بس هو ادم هيخلف وعدوه ولا ايه ده كان بيبصلي بصات غريبة. اه بس ادم انسان متحضر مفتكرش انه ممكن يتهور ويعمل حاجة. غصب عني.
ايوة بس انا ليه حسيت احساس غريب وهو قريب مني. ايه ده لا لا انتي اتجننتي. ومهاب معقول تخوني مهاب لا مش ممكن
ولبست نغم هدومها وحجابها. وخرجت لادم وكان بيلعب مع انس.
ادم: ابتسم. تعالي هو بقي كويس متقلقيش.
نغم: ابتسمت. الحمد لله.
ادم: احمم. نغم هو انتي ليه لحد النهاردة بتقعدي معايا بالحجاب انا جوزك علي فكرة مش حد غريب
نغم: ايوة بس احنا اتفقني ان.
ادم: قاطعها وهو انا قلت ايه بس انا بقول متشوقيش علي نفسك بلبس الحجاب في البيت عادي مش حرام يعني
نغم: ان شاء الله ربنا يسهل
و بعد مرور سنة كاملة علي جوازهم كانوا اخدو علي بعض كتير واتعلقوا ببعض بس نغم بتحارب نفسها ومش عايزة تنسي مهاب. بس ابتدت تتعلق بأدم ووجوده معاها. وفي يوم كانت نغم نايمة بالليل وحلمت حلم غريب بمهاب.
حلمت انها وسط مكان مخيف وفي ذئاب كتير بتقرب منها وهي خايفة وبتنده علي مهاب. ولقته واقف بعيد. وكان بيبصلها ويبتسم وهي بتندهله
نغم: مهاب الحقني انا خايفة
مهاب: مقدرش انا خلاص مش بإيدي اعملك حاجة. اندهي لادم يا نغم
نغم: مهاب الذئاب بتقرب انا خايفة ارجوك
مهاب: اندهي لادم يا نغم اندهيله هو اللي يقدر ينقذك مش انا. انسي يا نغم انسي
نغم: لقت الذئاب بتقرب خافت وصرخت. وقعدت تنده علي ادم. ادم ادم.
ادم: كان لسة صاحي في اوضته وسمع صوت نغم بتنده عليه. راح علي اوضتها بسرعة وفتح الباب ودخل لقاها نايمة وبتحلم وعمالة تصرخ وتنده عليه. قعد جنبها وحاول يصحيها علشان تفوق. نغم نغم اصحي انتي بتحلمي فوقي يا نغم
نغم: فتحت عنيها وصحيت وهي بتنهج من الخوف ولقت ادم. ورمت نفسها في حضنه. وعيطت.
ادم: اتفاجأ من حضنها ليه وقلبه دق. هو كان بيتمني اليوم ده من يوم ما شافها. حضنها هو كمان وطبطب عليها. و حس ان دي اول مرة يحس انها مراته خصوصا انها بلبس النوم. وفضل حاضنها. بس اهدي انا جنبك متخفيش
نغم: رفعت راسها واتكسفت. انا اسفة
ادم: اسفة علي ايه بس
نغم: اني صاحيتك وكمان
ادم: اولا انا كنت صاحي وحتى لو نايم مفيش مشكلة صاحيني انتي بس كل يوم وملكيش دعوة.
نغم: طيب روح نام خلاص انا بقيت كويسة ده كان حلم وحش
ادم: طيب ممكن تسمحيلي انيمك وبعدين ارجع اوضتي
نغم: ايوة بس
ادم: كان جرئ علي غير عادته. واخدها في حضنه. من غير بس تعالي نامي ومتخفيش بعد ما تنامي انا هرجع اوضتي
نغم: كانت متلخبطة ومتفاجأة من فعل ادم. بس استسلمت ونامت في حضنه
ادم: لقاها استكانت وسكتت. حضنها اكتر وملس علي شعرها ونيمها. بس مرجعش أوضته. راح في النوم جنبها وهو حاضنها.
في الصباح.
نغم صحيت لقت نفسها لسة في حضن ادم. وانه مرجعش أوضته زي ما قالها.
نغم: ادم ادم. اصحي
ادم: صحي وابتسم. صباح الخير عاملة ايه النهاردة
نغم: الحمد لله احسن. بس هو مش انت قولتلي انك هترجع اوضتك
ادم: انا اسف بس يظهر اني راحت عليا نومه وانا جنبك. بس بصراحة عمري مانمت بسرعة زي ما نمت وانتي في حضني
نغم: قامت من السرير. احمم ادم لو سامحت احنا متفقين من زمان. اننا عمرنا ما هنكون زوج زوجة.
ادم: بحزن. عارف بس ليه زعلانة انا نمت في حضنك مش اكتر
نغم: لا ده مش صح.
وياريت ده ميتكررش تاني لو سامحت
ادم: قام من السرير بضيق وحزن. اسف يا نغم واوعدك متتكررش تاني. عن اذنك. وخرج وراح اوضته.
نغم: هو انا زودتها ولا ايه. لا لا مزوتهاش ولا حاجة ده الصح مينفهش يحصل غير كدة. مينفعش
ادم في اوضته. مخنوق وزعلان.
ادم: ليه كل ده كل ده علشان بس نمت جنبها ده كان حضن مش اكتر. ليه كرهاني كدة ليه. ليه مش عايزة حتى تديني ولو جزء بسيط من اللي كانت بتديه لمهاب ليه مش عايزة تديني فرصة بس ليه
نغم اخدت حمام ولبست ولبست انس واللي بقي عنده سنة و9 شهور. وخرجت حضرت الفطار. وادم كان هو كمان لبس وخرج من اوضته وخرج علي الباب علي طول
ادم: انا نازل محتاجة حاجة مني
نغم: انت مش هتفطر ولا ايه.
ادم: لا مليش نفس انا اتأخرت علي المستشفي. عن اذنك
نغم: طيب حتى اشرب حاجة
ادم: بنظرة عتاب. انتي قومتي بالواجب وشربت وفطرت كويس. عن اذنك ونزل ادم
نغم: واضح انه زعلان. بس انا هعمل ايه بس مينفعش مينفعش. اوففف
واخدت انس وودته لمامتها زي كل يوم وراحت المستشفي وتابعت شغلها زي كل يوم عادي بس ادم كان متجنبها ومش بيتكلم معاها كتير بس ادم حس فاجأة انه تعبان ودخل مكتبه. وهو قاعد دخلت ليه سهي.
وسهي اصلا مكنتش ناسية ادم. وعارفة طريقة جوازه من نغم وكمان كانت زعلانة من نغم ومش بتتكلم معاها لانها كانت حاكيالها من الاول انها بتحب ادم ومع ذالك نغم اتجوزته. بس هي لسة بتقرب منه في كل فرصة بتتاح ليها. ولما لاحظت ان ادم وهو بيمر تعبان راحت وراه علي مكتبه ودخلت
سهي: قربت منه مالك يا دكتور ادم انت تعبان
ادم: بوهن. شوية واضح اني اخدت دور برد.
سهي: حطت ايديها علي راسه. ولقته سخن. ده انت سخن اوي لازم تعمل كمدات وتاخد خافض
ادم: مش للدرجة دي. انا دلوقتي هبقي كويس
سهي: قربت منه اكتر ومسكت وشه بإيديها. انت محتاج حد ياخد باله منك. نغم متستهلكش انت محتاج واحدة تحبك
ادم: كان تعبان وكمان مش مستوعب اللي هي بتعمله وبتقوله. وقبل ما يرد
نغم: فتحت الباب ودخلت وشافت سهي قريبة كدة من ادم. حست انها اتضايقت وغارت وبصتلهم بغضب
ادم: بعد سهي عنه. نغم سهي بس.
نغم: مش محتاج تقول حاجة يا دكتور. انت حر انا بس جاية اقولك اني مروحة علشان متقلقش عليا ده لو يهمك اصلا. عن اذنكم
وخرجت نغم ومشيت وسهي ابتسمت بخبث
ادم: حس ان نغم غارت. وده شئ فرحه من جواه. وبص لسهي بغضب. لو سامحتي يا دكتورة سهي يا ريت اللي حصل ده ميتكررش تاني. واتفضلي دلوقتي.
سهي: انا بس كنت
ادم: لو سمحتي امشي دلوقتي.
وبعد شوية ادم كان راجع البيت بس كان تعبان اوي والحرارة زادت جدا ولما دخل كان باين عليه التعب. نغم كانت متغاظة منه بس لما لقته تعبان خافت عليه. وقربت تسنده
نغم: مالك يا ادم
ادم: انا كويس بس واخد دور برد بس مش اكتر.
نغم: لما مسكت ايده لقت جسمه سخن جدا. اتخضت ده انت سخن اوي تعالي معايا بسرعة. هعملك كمادات
ادم: لا ملوش لزوم تتعبي نفسك انا هدخل اخد حمام ساقع وابقي كويس
وهو ماشي كان مش موزون.
نغم: سندته. تعالي انا جاية معاك
ادم: بصلها وهو مستغرب بس من تعبه كان حاسس انه دايخ ومش مركز في حاجة. ومشي معاها
نغم: ساعدته يقلع هدومه. بس طبعا مش كلها واخدته علي الحمام. ووقفته تحت المياه. وادم كان دايخ جدا بس كان مبسوط من وجود نغم جنبه. وابتدي يعترف لنغم بحبه وكان زي اللي بيخرف او بيهزي
ادم: نغم انا بحبك من زمان من قبل مهاب انا اللي حبيتك الاول.
نغم: ادم انت بتخرف انت تعبان.
ادم: شدها لحضنه. وضمها اوي. لا مش بخرف انا بقول الحقيقة انا متجوزتكيش علشان الوصية لا علشان بحبك ومحتاجك. نغم انا بحبك والله بحبك
نغم: ادم تعالي انا هلبسك هدومك وتنام انت تعبان
ادم: طيب انتي بتحبيني
نغم: مش وقته الكلام ده. انت الصبح هتنسي كل حاجة. تعالي.
واخدته علي الاوضة ونشفته كويس ولبسته هدومه. ونيمته بس كان لسة محتاج كمادات وادتله حقنه تنزل الحرارة وعملتله الكمادات. وكان طول الوقت ده بيتكلم ويقول كل حاجة ويعترفلها بحبه ليها والمه وعذابه لما اتجوزت مهاب.
نغم: مكنتش مصدقة ان ادم كان بيحبها اوي كدة واتحمل علشانها كل ده. وصعب عليها جدا وحاست انها ظلمته. وفضل ادم يومين تعبان وقاعد في البيت ونغم قاعدة معاه وبتخلي بالها منه وتأكله لحد ما بقي كويس وابتدوا هما الاتنين ينزلوا الشغل. وفي يوم نغم طلبت من ادم طلب
نغم: ادم هو احنا ممكن نسافر. انا عايزة اغير جو
ادم: اه طبعا تحبي تروحي فين.
نعم: اي مكان في بحر.
ادم: ايه رأيك انا بحب الجونة اوي هادية وجملة احجزلك هناك
نغم: يا ريت. بس بسرعة
ادم: فرح جدا. حاضر بالكتير بكرة احجز ونسافر بعد بكرة
وحجز ادم وسافر هو ونغم وكانوا سايبين انس مع مامتها. واول لما وصله الفندق
نغم: ادم ممكن اطلع الاوضة الاول علشان اغير هدومي
ادم: اه طبعا. وعلي فكرة انا بعتذرلك تاني انتي شايفة ده موسم ومفيش اوض كتير وهتبقي مجبرة تقعدي معايا في اوضة واحدة.
نغم: لا عادي انا مش مضايقة. انا اول ما اخلص هتصل بيك تطلع اوك
ادم: اوك اتفضلي
وطلعت نغم وغيرت هدومها واتصلت بأدم وطلع ولما فتح الباب. اتصدم لما لقي الاوضة كلها ورد وشموع ونغم خارجة من جوا. ولابسة زي العرايس تمام وهو كان اول مرة يشوفها كدة. بقي ساكت مش عارف يرد ولا يتكلم
نغم: قربت منه. وابتسمت ايه واقف ليه كدة ومسهم شكلي مش عاجبك
ادم: ابتسم لا طبعا ده انتي تجنني. بس انا مش مصدق ومش فاهم.
نغم: قربت منه واتعلقت في رقبته. هو انا مش مراتك وانت جوزي. ولا انا غلطانة
ادم: حاطها بإيده. وابتسم نغم انتي تقصدي اللي انا فهمته
نغم: هزت راسها وابتسمت. اه اقصد
ادم: ابتسم ابتسامه واسعة. وحضنها وشالها ودخل بيها الاوضة. ودي كانت اول ليلة ليهم كزوج وزوجة.