قصص و روايات - قصص رائعة :

رواية بنتين من الزمن ده للكاتبة ابتسام محمود الصيري الفصل الثاني والعشرون

رواية بنتين من الزمن ده للكاتبة ابتسام محمود الصيري الفصل الثاني والعشرون

رواية بنتين من الزمن ده للكاتبة ابتسام محمود الصيري الفصل الثاني والعشرون

هايدى راحت عند سليم واول ما دخلت: سليم وحشتنى
يونس راح عند سليم ولسه هيدخل لقى هايدى عند سليم
يونس وقف قدام الباب
هايدى: كل ده بعيد عنى انا زعلانه منك
سليم: والله وحشتنى لا مقدرش ع زعلك
هايدى حضنته: وحشتنى
يونس اتصدم
سليم: سورى بس انتى عارفه الجواز بقى عقبا...
يونس قاطعه: تحبو اجبلكم شازلونج تاخدو راحتكم ولا اه اجبلكم شاليه
سليم: يونس ايه اللى بتقوله ده
يونس: اللى بقوله! هو انا لسه قلت حاجه.

هايدى بتوتر: يونس انا انا
يونس يبصلها بقرف: اخرسى انتى خالص انتى ايه ما سمعت كل حاجه يا واطيه يا سافله يا رخيصه
سليم بعصبيه: مسمحلكش تغلط فيها
يونس: اتنيل ع عينك تسمح ولا متسمحش ما هو ديل الكلب عمره ما يتعدل انا كنت غلطان لما اقنعت اختى بواحد زباله زيك
هايدى راحت عنده: حبيبي افهم والله انت فاهم غلط انا بحب...

يونس قاطعها وضربها قلم طيرها: اخرسى خالص لسه عندك كدبه تانية، امى كان عندها حق لما قالت انك...
سليم يقاطعه بس يا يونس بس افهم قبل ما تقول اي كلمه
يونس: لما قالت انك من الشوارع وتربية ملجأ و بنت حرام يا سافله
هايدى وقفت من الصدمه تنحت
سليم: بس بس انت ازاي تقول كده واتخنقو مع بعض
يونس زقه و مشى
سليم بصوت عالى: يونس
يونس وقف: عندك اي وطينة تانى لسه مكملتهاش يا صاحبي.

سليم: كل اللى هقولهولك هايدى مش خاينه وانا مش خاين ولو انت عايز تخسر حب عمرك ومتسمعش و متصدقش دي حاجه تخصك بس مش هسمحلك تفرق بينى وبين مراتى انت فاهم اياك يا يونس تقول حرف ل خديجه
يونس: سيبك من اختى وخليك مع العره اللى شبهك و مشى
سليم فضل واقف مش عارف يعمل ايه وبص ع هايدى لقاها و قفه تمثال مبتتحركش راح عليها بسرعه
سليم: هايدى انتى كويسه
هايدى...

سليم: اتكلمى طيب عيطى هايدى ردى عليه وفضل يهز فيها لحد ما وقعت ع الكنبه
سليم بضيق: حبيبي لو سمحتى ردى عليه انا مش قادر اشوفك كده طيب طمنينى عليكى ودموعه نزلت
هايدى بصت عليه ورفعت ايدها مسحت دموعه: سليم انا كويسه. وكويسه جدا و اول مره ابقى كويسه كده عشان عرفت حقيقتى اللى كنت بضحك ع نفسى طول عمرى انا من الشارع و تربية ملجأ و بنت حرام انا بنت حرام
سليم: بس بقى انتى اشرف واطيب واحن بنت عرفتها.

هايدى: دي غلطتى انى حبيت الحب المفروض للى زي تشوفه في الافلام وتسمع عنه اما تعيشه لأ. لا و كمان عنده شركات ولانشات دي بقى غلطتى التانيه انى حبيت واحد معاه فلوس
سليم: هايدى متقوليش كده يولع يونس مادام مش مقدر حبك
هايدى قامت وقفت: بعد اذنك يا سليم
سليم مسك ايدها جامد: هتهربى صح.

هايدى بحزن: اهرب؟ هههههههه قضيت عمرى كله اهرب من كل مكان شويه وفي الاخر الوجع هوه هوه كل ما بروح مكان لازم اتجرح اووى وبهرب بس المره دي انا مش ههرب المره دي انا فقت و عرفت انا مين انا هفضل هنا ومش ههرب تانى مهما حصل
سليم: هايدى انا عمرى ما شوفتك قويه كده هايدى طلعى اللى جواكى عشان ماتتعبيش انا خوكى صح مش احنا متفقين ع كده.

هايدى: انت اخويا ربنا ميحرمنيش منك ومتقلقش ع اختك انا فعلا قويه عشان انت جنبى طول ما انت في ضهرى يا سندى هبقى قويه بيك بعد اذنك
هايدى نزلت وسليم قعد ع الكنبه مش عارف يعمل ايه ورجع راسه لواره ورافعها للسقف وايده ع عينه.

يونس ماشى بالموتيسكل زي المجنون
وقف عند صحرا نزل وقعد في الارض
اااااااااااااااه اديتك قلبى ليه عملتى فيه كده لازم اكسرك زي ما كسرتينى لازم اجيب راسك الارض. وماشى يا سليم تعمل فيه كده في صاحبك لازم اكسركم ومسك الفون واتصل بأخته
يونس: الو
خديجه: حبيبي قلبى ده انا لو بفكر في الف جنيه مكنتش جت حبيبي تعالى ساعدنى بعمل مفاجأه ل سليم ومحتاجاك معايا ومش هقبل اي اعذار.

يونس مسح دموعه ومرضيش يكسر فرحة اخته: حبيبتى بجد انا مش هقدر اكون معاكى دلوقتى انا مع اصحابى في مشوار
خديجه بدلع: و حياتى و حياتى عشان خاطرى بليز
يونس: حاضر حبيبي نص ساعه وهكون عندك
خديجه: ايوا بقى يا يويو يا عسل احبك وانت بتقول حاضر
يونس: انا عينى ليكى يا لمضه سلام
قفلو الفون.

هايدى ركبت تاكسى وقررت تعيش لنفسها وبس وصلت القريه
نيفر: مال وشك
هايدى: ماليش انا كويسه جدا هطلع انام باي
نيفر: مالها دي
هايدى طلعت الاوضه ورمت العلبه اللى كان عاملها يونس من البلكونه
والذكريات بتلاحقها قدام عنيها.

في فيلا سليم
خديجه كانت فرحانه و بتعلق صور بيبي و بلالين
يونس خبط و اول ما فتحت خديجه اخدها في حضنه ومش راضى يسبها كان نفسه يتكلم معاه زي ما متعود بس المره دي هتبقى صعب هيقولها ايه استكفى يكون في حضنها
خديجه: حبيبي سبنى في ايه انا لسه كنت معاك
يونس بهزار: وحشانى ابت مستخسره فيه حضن
خديجه: يا حياتى مش مستخسره بس سليم قرب يوصل.

يونس برغم قلبه المكسور قرر يسعد اخته: طه عايزه اعمل ايه انا ماليش في الجو ده اصلا قولى عايزه ايه بالظبط وانا هعمله بس تقولى فكر معايا والجو ده انسى
خديجه: ههههه لا ما انا عرفاك مش عايزك تفكر خالص علق البلالين يا نجاتى
يونس: اعمل ايه
خديجه: علق البلالين مش هقدر اوصل للسقف
يونس: امرى الى الله وفضل يعلق البلالين
افتكر هايدى لما كانت مع سليم
دموعه نزلت وسرح في كل موقف حصل مع هايدى
خديجه: يونس. يونس
يونس: ...

خديجه: يونس حبيبي في ايه
يونس بص للسقف وبيحاول يمسح دموعه: لا مافيش خلاص خلصت و هو نازل من ع السلم سليم فتح الباب خديجه قفلت النور بسرعه
سليم: ديدي فينك و حاول يفتح النور
خديجه فتحت النور والزينه والبلالين ماليه البيت وصور البيبيهات
سليم اول ما شاف يونس قلبه اتقبض وبيقول في دماغه دول عاملين حفله عشان هتسبنى
خديجه: واقف مكانك ليه
سليم: خير هو في ايه ل ده كله
يونس باس اخته في راسها: اسيبكم.

خديجه: اه اتفضل من غير مطرود ههههههه
يونس ماشى والحزن باين عليه
خديجه راحت وراه: يونس انت زعلت منى
خديجه: اصل قولتلك اتفضل من غير مطرود والله بهزر معاك
يونس: لا مزعلتش بس تعبان شويه بعد اذنك
خديجه: معلش تعبتك خالص انهارده
يونس: سلام وبص ل سليم وحط ايده ع راس سليم وشد راسه ع بقه انا مقولتش حاجه ليها وده مش خوف منك بس اقسم بالله لو في مره اختى اشتكت منك هدفنك ها هدفنك وسابه.

خديجه: بتقوله ايه ده كله اتفضل يالا وسبلى جوزى حبيبي وحضنت سليم
يونس ولا بص ولا رد ومشى
سليم: ممكن افهم في ايه
خديجه: مش هتقولى مبروك
سليم باستغراب: مبرووك بس ليه
خديجه سحبت ايد سليم ع بطنها وبصوت واطى: هتبقى بابا
سليم من الفرحه مش قادر يتكلم: ب ب بجد انتى حامل
خديجه: وتوأم
سليم نزل ع ركبه و حط ايده ع بطنها ونسى كل المشاكل: هنا عيالى هنا وباس بطنها
خديجه بفرحه: اه هنا هبقى ماما.

سليم وقف: من انهارده مافيش شغل وتعب و هاجبلك شغالين
خديجه حضنته: حبيبي متحرمش منك بس الشغل لازم انزل
سليم: قلبى انا خايف عليكى تتعبى
خديجه: لا مش هتعب متقلقش انا بحب الشغل
سليم: براحتك يا قلبى المهم تكونى مبسوطه
خديجه: تعالى يالا عشان تاكل
سليم باس ايدها وشالها وطالعها اوضتها
خديجه حبيبي هحضر الاكل.

سليم: مافيش اكل انتى ارتاحى وانا هجبلك الاكل لحد عندك وباسها وباس بطنها ونزل يحضر الاكل كل ما يمسك طبق يقع منه وكان محتاس
خديجه نزلت ودخلت المطبخ: حبيبي ايه الاطباق دى كلها اللى في الارض
سليم: سورى يا حياتى بس اول مره ادخل المطبخ وكمان اعصابى مش فيه كل ما امسك طبق بيقول دش
خديجه: هههههههههه بيقول دش
سليم: اه والنعمه حتى اسمعى ورمى طبق في الارض وقال دددددش
خديجه اتخضت و حضنته: عااا ليه بس كده حرام عليك.

سليم: عشان الحضن ده ممكن اكسر كل الاطباق
خديجه: ليه بس تعالى احضنك من غير كسر يا قلبى
سليم: هو انتى عايزه تاكلى
خديجه: بعد اللى حصل لا
سليم شالها: طيب تعالى بقى اطمن ع البيبي بنفسى
خديجه: مجنون نزلنى ههههه
واتقفل الباب.

يونس راح القريه يلم حاجته ويرجع البيت و هو ماشى في الطرقه هايدى خبطت فيه
هايدى بترفع راسها: سورى وتتفاجئ انه يونس
يونس يبصلها بقرف ويمشى يدخل الاوضه
وهي تدخل الاوضه بتاعتها
يونس بيلم حاجته ولقى العلبه وقعد ع السرير
فلاش بالك
يونس: ثانيه واجيلك
هايدى: اووك
يونس دخل الاوضه ورجع: ايه رأيك
هايدى: ههههه وايه ده
يونس: ده علبه وفيها خيط علبه هتاخديها معاكى جوه وعلبه هاخدها معايا عشان اسمع انفاسك وانتى نايمة.

يونس: ولما اكون عايزك اناديكى بدل ما الورق اللى برميه ده
يونس: حطيها ع ودنك
هايدى حطتها
يونس: بحبك مش كفايه كده ويالا نتجوز
هايدى حطتها ع شفيفها وهو ع ودنه: وانا بعشقك بس مش عايزه حاجه تشغلنى عنك خالص هحاول اخلص بسرعه الدكتوراه ونتجوز يا حياتى
يونس: امووووووه
بااااك
يونس رمى العلبه بطول ايده جت في التلفزيون وفرقع
هايدى كانت في اوضتها اتخضت وطلعت تجرى البلكونه.

يونس كان طالع البلكونه ياخد منها حاجات لقى هايدى
بص ليها من فوق ل تحت و دخل وقفل البلكونه جامد
هايدى اتخضت وجسمها كله اتنفض وغمضت عنيها
يونس لم كل حاجته ونزل يجرى ع السلم
نيفر قابلته: يونس ازيك
يونس: الحمدلله و مشى
نيفر شدته من ايده: هو مالكم انتو الاتنين انهارده فهمنى
يونس: ماليش مالى يعنى ومشى
نيفر راحت وراه: يونس قول لو سمحت في ايه
يونس: لو حابه تعرفى اسألى صاحبتك سلام.

نيفر طلعت الاوضه
نيفر: ممكن اعرف في ايه مالك انتى و يونس
هايدى بعصبيه: متجبيش سيرت الزفت ده
نيفر عارفه صاحبتها لما بتتعصب بتكسر وتصوت مرضتش تتكلم وسكتت خالص دخلت البلكونه استغربت ان العلبه اللى عملها يونس مرميه عرفت ان الموضوع كبير
هايدى فضلت قعده ع السرير وسرحت
فلاش باك
هايدى في السرير: نيفر
نيفر: اممم
هايدى: في صوت في البلكونه
نيفر: فار نامى ومشغليش دماغك
هايدى: يالهوووى فار وهتنامى كده عادى.

نيفر: يبقى حرامى متقلقيش نامى
هايدى: يا رخمه بترعبينى اكتر قومى شوفى
نيفر: عايزه انام اسكتى ونامى بقى هيمشى دلوقتى
هايدى: قومى طيب شوفى عشان اعرف انام مش هعرف انام كده
نيفر: وانا مالى ما تقومى انتى انا نامت اسكتى بقى
هايدى لبست الطرحه وماشيه بشويش
نيفر بصوت عالى: خدى هنا
هايدى انخضت: عااااااااااااا خضتينى يا بارده
نيفر: ههههههع مقصدش اخضك بس حضرتك طالعه للحرامى بطرحه ليه هههههه.

هايدى: عشان حرامى يعنى اطلع كده
نيفر: هههههه روحى ربنا يحميكى لهبلك
هايدى: بس اسكتى بقى مش كنتى عايزه تنامى نامى واسكتى خلينى اشوف مين اللى في البلكونه
نيفر: هههه روحى روحى وتبقى سلمى عليه
هايدى: اسلم ع مين
نيفر: الحرامى ههههه
هايدى تفت عليها وفضلت تمشى بشويش وبتفح البلكونه بشويش وفجأه: عااااااااااااااااااااااااااااااا
: بس هتفضحينى
هايدى: عااااااااااا
: اسكتى بس يا مجنونه بس انا يونس.

هايدى: يونس حرام عليك انت بتعمل ايه هنا
يونس: وحشتينى قولت اطلع البلكونه اقولك
هايدى: تطلع من فين مش انت مشيت
يونس: هههههه اصل هي دي الاوضه بتاعتى بقت ملكى
هايدى: يعنى هتنام هنا كل يوم في الاوضه اللى جنبى
يونس: اه فكرت في كلامك لما قولتى يعنى هتنام جنبى قلت فكره انام جنبك كل يوم
بااااك
هايدى: وعدنى هبقى اسعد انسانه وعيطت يارب نزل الصبر في قلبي وقوينى يارب.

نيفر دخلت اخدتها في حضنها وطبطبت عليها من غير ما تتكلم.

يونس وصل بيت الهوارى فضل يمسح وشه و فضل يضحك ويحاول يفك التكشيره عشان محدش ياخد باله و طلع و فتح الباب ودخل
يونس حاول يضحك ويهزر: اماااه وحشتينى
ابتسام: ابناااه فينك من بدرى
يونس: هههههههه وحشانى يا ست الكل وباس راسها
ابتسام: ايه اللى رماك علينا
يونس: الهوا اللى رمانى يا عسل انتى
ابتسام: وحشتنى شقاوتك يا واد
يونس: مش ورايا غيرك يا عسل
ابتسام: حبيبي منحرمش منك اعملك اكل.

يونس: لا مش هقدر عايز اناااااااام باس ايدها ودخل الاوضه
يونس اترمى ع السرير من غير ما يغير
فلاش باك
يونس: بحبك
هايدى بعشقك
يونس: بتحبينى بجد
هايدى: كلمة بحبك متوصفش حبي ليك حبيبي انا ليك انت وبس
باااك
يونس بالم في قلب: كدابه كدابه وممثله بكرهك قد ما حبيتك.

في فيلا سليم
خديجه بتحضر الفطار سليم نزل حضنها من ضهرها: حبيبي بتعمل ايه وسيبانى لوحدى
خديجه: بحضر الفطار يا قلبى
سليم: تصدقى جعااان جدا من امبارح ماكلتش
خديجه: ههههههه احسن عشان تبطل قلة ادب وتركز في الاكل شويه
سليم: انا قليل الادب والله ما هسيبك
خديجه جريت و هو وراها مسكها
خديجه: سليم الشغل سليم بس
سليم: هاتى بوسه عدله واسيبك
خديجه باسته بوسه خطف: اهو
سليم: هو ده العدل بتاعك
خديجه: مش عجبك.

سليم: لا ازاي احسن من مافيش.

في القريه
هايدى فتحت عنيها افتكرت
فلاش باك
هايدى نايمه ع السرير وحاجه بتشد الكبرتايه وهايدى ترجعها عليها وهو يشدها وهي ترجعها وهو يشد هي فاقت ولقت الكبرتايه بتتشد
هايدى بخوف: ن يفر يا نيفر
يونس اخد الكبرتايه كلها
هايدى: نيفر انتى هنا
بونس خبط ع السرير
هايدى عااااااااا وقامت تجرى مين مين هنا نيفر نيفر
يونس عمل صوت غريب.

هايدى جريت ع الباب وفضلت تحاول تفتح فيه وطبعا الباب مقفول عااااااا نيفر يونس يوووونس عاااااا
يونس طالع من تحت السرير مسخسخ ضحك
هايدى اول ما لقت حد طالع من تحت السرير بقت تصوت صويت هستيرى وتتنطط
يونس: ههههههههه بس انا يونس ههههه
هايدى بضيق ودموع: طيب ليه كده حرام عليك
يونس: ههههه سورى سورى
هايدى بدموع: انت بارد و رخم
يونس: فعلا انا كده بالظبط خلاص بقى يا لوزه قلبك ابيض
هايدى: ده ربنا بيحب اختك
يونس: اشمعنا.

هايدى: انه خلصها منك
يونس: هههههههه فعلا دي كانت بتشوف كتير و حشتنى الغلاسه عليها ههههه
هايدى: يعنى وحشتك الغلاسه مش اختك
يونس: هههههه ع العموم كنت عايز اول واحد اقولك صباح الخير وكنت عايز اشوفك اول وحده
هايدى: ماشى يا يونس مش قلت و شوفتنى
يونس: اها
هايدى: اتفضل اطلع برا
يونس: اسمعى بس
هايدى بتزقه: هششش برا
يونس: مجنونه والله بس بموت في جنانك ههههه
باااك
نيفر تصىحى من النوم: هايدى صحيتى
هايدى: اه. عايزه حاجه.

نيفر: لا يا قلبى بسأل انا هدخل اخد شاور هتدخلى التواليت
هايدى: لا اتفضلى
نيفر: فايقه نتكلم
هايدى: بطلى لف ودوران كلام في الموضوع اللى دماغك فيه مش هتكلم
نيفر: ممكن افهم حصل ايه
هايدى بضيق: محصلش اتفضلى ادخلى التواليت
هايدى اول مره ماتحكيش حاجه ل نيفر
نيفر قامت وسبتها
هايدى: الله يستمحك يا يونس ع قد الوجع اللى عملته في قلبى.

سليم و خديجه بعد ساعه نزلو الشغل
سليم: ينفع كده اخرتينى ع الشغل
خديجه: ده انا، ماشى
سليم: امال انا اللى كنت بجرى في كل حته شويه فرهضتى امى
خديجه: ههههه احسن
سليم ركب عربيته وخديجه ركبت عربيتها وطول الطريق سليم بيزنق عليها ويزاولها بالنور لحد ما كل واحد اخد طريق غير التاني.

في بيت الهوارى
ابتسام بتصحى يونس: حبيبي هتنزل الشغل
يونس بنوم: امم
ابتسام: طيب هاتنزل الساعه كام
يونس: امم
ابتسام: هو امم امم ساعه جديده
يونس: امم
ابتسام: انت عندك شغل يا ابنى الساعه كام
يونس قام: نعم ها عايزه منى ايه
ابتسام: شغلك الساعه كام
يونس: دلوقتى الساعه كام
ابتسام: 9
يونس: وانا عندى 12 ممكن انام بقى
ابتسام: تعالى بقى انزل معايا اشترى ل اختك حاجات للبيبيز.

يونس اخد نفس طويل: هيي اختى مش اتجوزت وليها راجل انا ذنب اهلى ايه
ابتسام: بطل كسل قوم يالا
يونس بضيق: ما انتى مش هتسبينى غير لما اقوم
ابتسام: و تيجى معايا كمان
يونس: اه ما انا عرفك، اتفضلى و انا هتلاقينى في ديلك
ابتسام: ايه
يونس: هتلاقينى وراكى
ابتسام طلعت من الاوضه و يونس نام تانى
ابتسام رجعت تانى: انت لسه ما قومتش
يونس قام: قومت اهو عجبك كده تحبى اعمل عشرين ضغط واغسل سنانى واشرب اللبن.

ابتسام: بطل لماضه ويالا
يونس دخل اخد شاور والذكريات بتهاجمه
فلاش باك مواقف متقطعة
يونس بيشيل شعر هايدى من ع وشها وبيقرب ليها دورت وشها الناحيه التانيه
هايدى: بحبببببببك
يونس: اوعدينى انك مش هتبعدى تانى
هايدى: اوعدك عمرى ما هبعد عنك اوعدنى تفضل تحبنى
باك
يونس فضل يضرب في الحيطه
ابتسام: يونس ايه الخبط ده
يونس سند راسه ع الحيطه: ...
ابتسام: يونس في ايه
يونس بيحاول يهدى نفسه
ابتسام: حبيبي مبتردش ليه.

يونس بعصبيه: ما فيييش وبس بقى
ابتسام: هو الواد ده مجنون. اكيد ماهو ابنى. ادخل احضر الفطار
يونس هدى نفسه وطلع
ابتسام تعالى الفطار
يونس باس راسها: ماليش نفس افطرى انتى و يالا
ابتسام: هناخد عربية باباك
يونس: اوكي هنزل استناكى تحت.

راحو مول و دخلو محل هدوم بيبي
ابتسام: ده حلو، وده، تعالى هنا، لا هنا، الله، يا قمال عين امه حلو اوووى السولوبت ده، لا دي احلى، واوووو، لا تعالى نرجع اول محل
يونس: بااااااس نرجع فين انتى لفلفتينى المول كله اربع مرات وده حلو وده عين امه وده ياتى بطه في ايه انتى جايه تشترى ولا جايه تهشتكى الهدوم. ولحد دلوقتى مشترتيش حاجه ارحمينى
ابتسام: في اي مش بتفرج الاول.

يونس: تتفرجى اربع مرات المول كله وكل مره لا اللى في المحل اللى قبله انتى مش واخده سوسن معاكى انا راجل ها راجل فاهمه يعنى ايه راجل
ابتسام: ايه يعنى راجل مبتستريش هدوم
يونس: لا بشترى بس هو محل واحد بدخله بقالى عشر سنين. اشاور ع اللى عايزه و احاسب و اقول شكرا، مش الف المول كله اربع مرات وفي الاخر مش عاجبك حاجه
ابتسام: انا قلت مش عاجبنى؟

يونس: امى عشان العلاقه اللى ما بنا متبظش اكتر من كده هستناكى في العربيه وما تنسيش تتكلمى و تحكى مع كل بياعه شويه
ابتسام: ماشى يا يونس
يونس: ولا ماشى ولا طاير و لا عايم و مشى
يونس
يونس ركب العربيه و اول ما دخل الذكريات هاجمته
فلاش باك
لما كانو في النادي اول مره
يونس: اهى هناك طيب بصى لابسه ايه لما اروح اجيبها من قفاها
خديجه: معلش واحده واحده هتفهم ان ماينفعش تلبس كده على الطرحه
يونس: الصبر يا رب.

هايدى تبص عليهم: ديدي ازيكى عامله ايه دلوقتى
خديجه: الحمدلله انتى اللى عامله ايه
يونس: ده على اساس انى خيال واقف جنبكم مافيش ازيك
هايدى: انا زعلانه منك اصلا
يونس: اه زعلانه (وشالها )
هايدى: لا يونس نزلنى يونس عاااااا نزلنى
خديجه: يونس يا مجنون نزلها حرام عليك
يونس: هرميها في النافوره
هايدى: لا عاااااا الحقينى يا ديدي
خديجه بتجرى وراه: يونس عيب كده احنا في النادى نزلها ولم نفسك
يونس: تعتذر وانزلها.

هايدى ضربته: مش هعتذر ونزلنى عااااا
يونس: طيب براحتك
خديجه: هايدى اعتذرليه عشان تنزلى
هايدى: عاااااااا نزلونى هنادي الامن والله يا بارد يا رخم
يونس: لمى لسانك الطويل هرمى
هايدى: هدومى بتتبل ابوس ايدك نزلنى
يونس: اعتذري بسرعه
هايدى: سورى سورى يا يونس
يونس نزلها: ايوه كده تبقى تغلطى تانى
بااااك
بونس: انا مش هقدر اكمل هنا لازم ابعد لازم انسى
مامته وصلت
ابتسام: اهو متأخرتش
يونس: اقنعتينى اركبي.

روحى البيت وركن العربيه و اخد الموتوسيكل وراح مركز التدريب بتاعه
خالص التدريب واتصل بواحد صاحبه في شرم
يونس: حبيبي مساء الفل
احمد: يويو مسا مسا عامل ايه اوحش
يونس: احسن منك اخبار الشغل عندك ايه
احمد: اهو ماشى
يونس: عايز افتح مركز غطس في شرم ايه رأيك
احمد: حبيبي تنور يا برنس ما انا بقولك من زمان تعالى
يونس: خلاص ظبط مكان وانا هنقل كل حاجه شرم
احمد: تبقى تجيب ولعه معاك وحشينى يا ولاد الذين.

يونس بضيق: سليم اتجوز ولسه عريس مافتكرش هينفع
احمد: ولعه اتجوز ماصدقش مين اللى جبته الارض واتجوزها
يونس: لم نفسك دي اختى
احمد: حبيبي مبروك هستناك.

هايدى في الشغل بتدرب الاولاد ومش مركزه خالص بترقص شبه الفراشه ولا تحس باحد من حولها.

خديجه في شغلها بتخلص حجوزات سافري و بحر.

سليم في الشغل بس طالع سفارى كان بيهزر ويرقص لحد ما قعد لوحده والسياح ركبو الجمال
سليم: يارب قدرنى واسعدك يا مراتى وربنا يهديك يا يونس وتفهم ربنا يصبر قلبك يا هايدى
اتصل بهايدى: الو
هايدى: الو
سليم: عامله ايه
هايدى: الحمدلله
سليم: انتى متأكده انك كويسه
هايدى: اكتر وقت حاسه فيه انى كويسه
سليم: هايدى ايه رايك اكلم يونس تانى وافهمه
هايدى بعصبيه: اوعى تعمل كده ولو كلمته اعتبر نفسك انت كمان برا حياتى.

سليم: اهدي بس. هو انا هقوله هايدى هتموووت عليك انا هفهمه الحقيقه
هايدى: سليم الحقيقه انك مش اخويا هتقنعه ازاي باحساس انا وانت حاسينه ده مش بيفهم ولا بيسمع غير نفسه وانا مش هرجعله مهما حصل
سليم: خلاص اهدى
هايدى: ان شاء الله باااي
سليم: هايدى ثوانى
هايدى نعم
سليم: ديدي حامل و في توأم
هايدى بفرحه: ماشاء الله مبروووك ربنا يفرح قلبكم يارب
سليم: خلى بالك من نفسك
هايدى بحزن: ، حاضر.

في بيت الهوارى
يونس: امى انا هسافر شرم بليل
ابتسام: ماشى يا قلبى فسحه سعيده
يونس: لا مش فسحه شغل
ابتسام: ماشى يا قلبى بس متتأخرش وخلى بالك من نفسك بس دي مسابق؟
يونس: لا مش مسابقه انا هنقل شغلى هناك
ابتسام: ايه اللى بتقوله ده يا يونس
يونس: معلش يا امى تعبان شويه عايز اغير جو مش قادر
ابتسام: متغير جو حد قالك لا. ايه لزوم تنقل الشغل
يونس: امى انا نقلت شغلى خلاص ومش قادر اتكلم كتير.

ابتسام: يعنى مش بتاخد رأيي انت بتعرفنى بس
يونس: ...
ابتسام: وهايدى موفقه ع الهبل بتاعك ده
يونس بيحول يكتم غيظه: اه
ابتسام: اه ايه
يونس بضيق: بعد اذنك هدخل احضر حاجتى
ابتسام: يونس انت مالك فهمنى
يونس بعصبيه: مافيش بس بقى
ابتسام: براحتك يابنى
يونس وقف اخد نفس طويل ورجع ل امه باس راسها وايدها: اسف بس اعصابى تعبانه شويه.

ابتسام: ارتاح انت طيب وانا هحضر الشنطه بتاعتك بس قولى عايز ايه ولو مش قادر تتكلم اكتب في ورقه اللى عايزه كله وانا هحضرهولك
يونس باس راسها: منحرمش منك يا ست الكل
ويونس سافر والذكريات وراه وراه.

وهايدى بتهرب في الزومبا اللى فعلا طول ما هي بترقص بتنسى الدنيا كلها واخر الليل الذكريات مش بتسيبها.

وبعد سبع شهور
خديجه تصحى من النوم و تصحى سليم: سليم شكلى بولد
سليم: لسه يا قلبى امى قالتلى لما تبقى بتطلعى في الروح يبقى كده بتولدى
خديجه: متاكد يعنى عادى
سليم: اه نامى يا قلبى
خديجه قامت اتصلت ب مامتها: مامافيه مايه كتير بتنزل ممكن اكون بولد
ابتسام: لو بتولدى مش هتبقى واقفه وبتتكلمى هتكونى بتطلعى في الروح من المغص اللى هيكون في بطنك
خديجه: طيب ده معناه ايه انا في اخر التاسع.

ابتسام: اه ما دى اسمها تفسيح للولاده ربنا يقومك بسلامه يا قلبى ويديكى ساعه سهله
خديجه: ربنا ميحرمنيش من دعواتك الحلوه يارب
ابتسام: ولا يحرمنى منك يا قلبي
وقفلو الفون
خديجه فضلت تلت ايام تنزل مايه ساعتين في اليوم. اما اليوم الرابع
خديجه عند مامتها: ماما انا بنزل مايه انهارده من الساعه 8 الصبح ودلوقتى 4 العصر
ابتسام: يا قلب امك دي تفسيح
خديجه: طيب اروح المستشفى اشوف.

ابتسام: مش هينوبك من المستشفيات غير البهدله خليكى في البيت بكرمتك.

هايدى بتكلم سليم فون: سلم عامل ايه واخبار ديدي ايه فقست ولا لسه
سليم: لسه شكلها لحمه جملى هههههه
هايدى: هي فين اسلم عليها
سليم: بقالها كام يوم بتقول مايه بتنزل عليها راحت عند امها
هايدى: كام يوم مارحتش المستشفى ليه
سليم: امى وامها بيقوله مالهوش لزوم تروح المستشفى دلوقتى
هايدى: انا هتصل بيها باي انت.

فون خديجه رن: الو هايدى
هايدى: عامله ايه يا ام العيال
خديجه: تعبت والله خلاص ع الاخر ولا قادره امشى ولا اتكلم حتى النفس والله مش قادره وفي مايه بتنزل عليه من الصبح ومش عارفه ايه ده
هايدى: هجيلك دلوقتى
قفلو الفون
هايدى وصلت دخلت باست ابتسام: ازيك ماما وحشانى
ابتسام: لازم يكون في حاجه عشان اشوفك
هايدى: متزعليش يا قمر بس والله الشغل هاددنى خالص متزعليش منى
ابتسام: ربنا يقويكى
هايدى: ام كرمبو عامله ايه.

خديجه: متكعوره في نفسى اهو هههه
هايدى: تعالى نروح المستشفى يالا
ابتسام: ملهوش لازوم هي كويسه
هايدى: مافيهاش حاجه لما نطمن ع البيبيز يالا ديدي
خديجه: بتعرفى تسوقى
هايدى: لا تعالى ناخد تاكسى
نزلو وراحو للدكتور
الدكتوره فضلت تتكلم معاها وعرفت شويه حاجات منها. تمام اطلعى ع السرير
خديجه طلعت وجنبها هايدى
الدكتوره بتكشف بالسونار: ايه ده المايه قربت تنشف ع البيبز.

خديجه: انا كان بينزل عليه تلت ايام ساعتن في اليوم واليوم الرابع من الساعه 8 لحد دلوقتى
الدكتوره: وايه اللى مقعدك والمايه بتنزل اتفضلى بسرعه ع العمليات
الممرضه نعملها تحليل الاول عقبال الحاله اللى في العمليات تطلع
الدكتور: اتصلى بيهم بسرعه ولو لسه ماخدتش البنج تطلع و من غير ما تعمل تحليل تدخل بسرعه المايه خلاص هتنشف
الممرضه حاضر
دخلت خديجه تتجهز للعمليات وهايدى اتصلت ب سليم وابتسام
خديجه فضلت تعيط.

هايدى: بتعيطى ليه دلوقتى
خديجه: خايفه عيالى يحصلهم حاجه انا مش عارفه سمعت كلامهم ليه يارتنى نزلت من اول يوم
هايدى: هتقومى بالسلامه ان شاء الله وهتجيبى احلى بيبيز في الدنيا
الممرضه: خديجه الهوارى
هايدى ايوه ثوانى
خديجه: هو انا هدخل خلاص
هايدى: ايوه يالا ومتقلقيش انا هفضل اقرألك قرأن
خديجه: بس سليم وماما وماما صفاء لسه موصلوش
هايدى: ادخلى وزمانهم في السكه
خديجه دخلت العمليات ونامت ع السرير.

الدكتوره بتهدى خديجه: اسمك ايه
خديجه: خديجه
الدكتوره بتديها البنج: اسمك حلو اول اول بيبي ليكى
خديجه: اه
الدكتوره: وانشاء الله متكونش اخر بيبي
خديجه راحت في النوم
ابتدت الدكتوره تفتح بطنها.

سليم وصل المستشفى طالع يجرى ع هايدى: هايدى خديجه فين
هايدى: خد نفسك هي دخلت ادعيلها
سليم فضل رايح جي وبيدعى وابتسام وصفاء والهوارى وعز وصلو وبيدعو وبيقرأو قرآن
هايدى بفرحه: سليم سامع صوت بيبي
سليم: اه
هايدى مسكت ايده وفضلت تتنطط: بقيت بابا مبروك
ابتسام: الف حمد وشكر ليك يا رب
صفاء: مبروك يا حبيبي يتربى في عزك
الممرضه: البيبيز في الحضانه تقدره تشوفهم من الازاز
سليم: حضانه ليه.

الممرضه: اوضه فيها دفيات للاطفال عشان الساقعه
سليم: وخديجه عامله ايه
الممرضه: هي كويسه في اوضة الافاقه هتفوق وتروح اوضتها
كلهم راحو يبصو ع البيبي والحضانه كانت مليانه اطفال
هايدى بتشاور ع بنت سليم: سليم بنتك شبهى
سليم: ههههه شبهك طبعا
الممرضه مدام خديجه رايحه اوضتها
سليم طلع جري و حصلها في الطرقه
سليم مسك ايدها: حبيبتى عامله ايه
خديجه بتحاول تفوق هزت راسها
دخلوها الاوضه وبيشلوها من الترولى ل السرير.

خديجه: عاااااااااااااااااااا
سليم بعصبيه: بس سبوها
الممرضه: لازم تريح ع السرير
خديجه: لا العمليه بتوجعنى سليم عايزه مسكن هموت مش قادره
سليم: بعد الشر عليكى يا قلبي
خديجه: جيبت ايه
سليم: بنوته زي العسل و ولد شبهى جنخف
خديجه: ههه ااااااه بس مضحكنيش مش قادره من العمليه. عايزه اشوفهم
سليم: بس كده من عيونى بس هوديكى السرير الاول واروح اجيبهملك سليم حاول يودى خديجه مع الممرضين
خديجه: اااااه
لحد ما وصلت السرير.

كلهم وصلو الاوضه
كلهم حمدلله ع السلامه
صفاء بتعيط
خديجه بصت ليها: مالك يا ماما
صفاء: بنوتك شبه بنتى الله يرحمها
خديجه: الله يرحمها ادعيلها و خدي بنتى معاكى ربيها و لا تزعلى نفسك
هايدى راحت ل صفاء ومسحت دموعها و حضنتها: ايه و احنا مثلا مش بناتك ولعلمك البنت شبهى انا تنكر يا سليم
سليم: اخد امه في حضنه وطبطب عليها: خلاص زي ما قلتلك ديدي خدى البنت وسبلنا جنخف
هايدى: بس يا بارد متقولش عليه كده ده خطيبى.

فون خديجه بيرن:
خديجه: سليم هات الفون
سليم اداها الفون: ده يونس
خديجه: رد عليه
سليم بتهرب: لا ردى انتى وانا هروح اجبلك بيبي تشوفي
خديجه: دي مكالمه فيديو ردى يا ماما
ابتسام فتحت والاسبيكر شغال
يونس بصوت عالى: اقول مبرووك يا ام العيال
هايدى اول ما سمعت صوته غمضت عنيها وقلبها كان هيطلع من مكانه
ابتسام: الله يبارك يا حبيبي عقبال ما اشيل عيالك
يونس: انسى خالص.

ابتسام وهي ماسكه الفون هايدى طلعت في الكاميره يونس شافها و اول ما شفها قرر انه يضايقها
يونس: اماااااه ينفع اجبلك عيال من واحده المانيه بس ايه صاروخ
ابتسام بتغمز ل يونس و يونس فاهم و هو ولا في المانيه ولا حاجه
يونس: بطلى غمز و ورينى ديدي و الكتاكيت
خديجه: حبيبي ازيك
يونس: بنت قلبى حمدالله بسه
خديجه: ههه والله بحمد ربنا انك مش هنا
يونس: عيب عليكى ابت انا الحب مش عايزانى معاكى.

خديجه: قلبى منحرمش منك بس كنت هتموتنى من الضحك وانا تعبانه وبتكلم بالعافيه وعيالى كنت هلاقيهم في الشارع
يونس: والله هنزلهم مخصوص و مش هخليكى تشوفيهم اصلا
خديجه: بس تعالى ومالكش دعوه انت وحشنى. البت هايدى مش قادره تقنعك انك تنزل. هي معانا خد كلمها
يونس: الو الو الشبكه واحشه ديدي وقفل
هايدى استغربت انهم ميعرفوش انهم سابو بعض.

في شرم
يونس: لسه حبك في قلبى ليه مش قادر اكرهك. ليه يا هايدى خنتينى. يونس كان مسجل الفيديو و فتحه و شاف هايدى كانت مغمضه عنيها و وشها كله حزن فضل يبص عليها شويه فوق يا يونس ايه الهبل ده دي خاينه.

خديجه: الشبكه وحشه هيتصل تانى. بشكرك يا هايدى لولاكى عيالى كانو ماتو في بطنى وياعالم كان حصلى ايه انا كمان
هايدى: متقوليش كده الحمدلله ربنا ستر وحمدلله ع سلامتك وسلامة البيبيز بعد اذنكم هامشى
صفاء: خليكى معانا شويه هنمشى كلنا
سليم دخل بيبي: غمضو عنيكم وسمو الله
كلهم بسم الله ماشاء الله
خديجه: سليم اللبس اللى تحت مش بتاعنا.

سليم: قلبى انتى لقطتى اللبس اللى من تحت وهو ع ايدى ماشاء الله عليكى سمى وشيلى
خديجه بضيق: لا مش هشيله وكل الفلنات اللى من تحت مش بتاعتى
سليم: متقلقيش هجبلك فلناتك بس رضعى الولا
خديجه: انا ولا هرضعه ولا هشيله غير بهدومه
سليم: بطلى عفانه مش هترضعى ابنك عشان فلنات
خديجه بضيق ودموع: اصلا الولا ده ابعده عنى وهو ليه شكله كده
سليم بعصبيه: في ايه متتكلمى عدل ورضعى الولا بيعيط. خلقة ربنا كمان هتعترضى عليها.

صفاء: اهدى يابنى هي تعبانه هات الولد
خدى يا بنتى سمى
خديجه: لو سمحتى يا ماما صفاء مش قادره ابص في وشه و ده مش ابنى اصلا ابعديه عنى
سليم بعصبيه: هو ايه اللى مش ابنك جيبنهولك من الشارع اكلى الولد جعان
خديجه: والله ما هيلمسنى
هايدى: باااااس صلو ع النبى يا جدعااان
سليم اهدا كده هات الولد. بصى يا ديدي يا قلبى المستشفى هنا اي طفال قبل ما يطلع من اوضه العمليه بيحطو في ايده اسوره مكتوب اسم مامته صح
خديجه: صح.

ابتسام: الله ينور عليكى يا بنتى صح
سليم: وريهالها بقى و خلى الولد ياكل
هايدى بتدور: يا خلاصى ع ايد الصغنن و بتدور فين اهي.

الفصل التالي
جميع الفصول
روايات الكاتب
روايات مشابهة