رواية بنتين من الزمن ده للكاتبة ابتسام محمود الصيري الفصل الأول

طالعه هيا من المطبخ وماسكه السكينه و كانت هتضرب عدنان في ظهره و الشاب اللي كان معاه مسك ايدها بسرعه
هيا: اااه ايدي سبني
عدنان: يا بنت الكلب يا واطيه انتي جيتي هنا ازاي لسه فيكي نفس تمشي وتيجي لحد هنا. هي فين انطقي فين وبيضرب فيها
هيا: ...
عدنان مسك كرسي وضربها بيه علي دماغها هيا وقعت علي الارض
(فلاش باااك)
(هيا بنت جميله جداً الطول170سم وزن 65 كيلو بنت من عائله غنيه ).

هيا صحيت من النوم في صباح باكر: مامي مامي انتي فين مامي شكلها كده مرجعتش من امبارح (دخلت اوضت باباها )بابي هو انت مش هتروح الشغل؟
فاروق: بس يا هيا ايه الدوشه دي اللي علي الصبح عايز انام
هيا: هو انت مش هتروح الشغل؟
فاروق: لا يا هيا واسكتي بقى عايز انام تعبان
هيا: طيب انا عايزه فلوس
فاروق: يووووووه بقى هيا روحي خدي من المحفظه وبطلي دوشه بقى
هيا عينها دمعت وراحت اخدت 500جنيه من المحفظه.

(دعا بنوته مرحه وسمراء وعندها غمزات متوسطه الطول 160سم ووزنها 58كيلو بنت من عائله متوسطه ).

في بيت دعاء
الراديو شغال يا حلو صبح يا حلو فل ياحلو صبح نها رنا فل
مامت دعاء: اصحي يالا يا دودو ما بقولك نامي بدري وبلاش سهر علي النت يالا يا قلب ماما الفطار اهو
دعاء: فتحت عنيها صباح الورد علي احلي ورد في البيت لا لا والنعمه كده كتير فطار والاغنيه اللي بحبها
مامت دعاء: حبيبتي انتي اللي احلي ورده طيب يالا عشان المحاضرات بتاعتك وكفاياكي دلع
دعاء: طيب هو فين بابا
مامتها: نزل الشغل هو كسلان زيك.

دعاء: ميغركيش الكسل اللي انا في ده جوزيني انتي بس وهتلقيني نحله قدام حماتي هههه
مامتها: ههه قدام حماتك ربنا يسعدك يا قلبي
دعاء: يالا يا مامتي انا نزله ادعيلي و النبي
مامتها: ربنا يوقف في طريقك ولاد الحلال
دعاء نزلت واتصلت بهيا وهي عند المترو: الو يا هيا فينك مش قولتي هتركبي معايا المترو انهارده هيا: حبي صباحو فل عليكي
دعاء: لا والله ردي عليه انتي فين؟
هيا: ههههه والله راحت عليه نومه.

دعاء: طيب هاسبقك علي الكليه وهستناكي في جاردن هندسه
هيا: طيب خلاص هجيلك بسرعه بالعربيه دعاء: اشي يالا باااي
هيا: باااي ياحبي
(ولد نفسه يكلم دعاء وبيشجع نفسه يروح يكلمها لحد ما اتشجع )
(مصطفى شاب مرح وسيم جدع شيك جدا) مصطفى لسه هيقرب منها المترو قفل ومشي.

مصطفى: والله غبي غبي ما كانت قدامك هكلمها ولا هوصلها ازاي تاني انا فعلاً (وسكت ثانيه )ايه ده دانا طلعت غبي صح ما هي قالت انها هتكون في جاردن هندسه اروحلها هناك
(طلع بسرعه ركب تاكسي وراح عند الكليه)
هيا وصلت الكليه: صباح الفل يا دودو
دعاء: هيا كويس انك جيتي انا حاسه اني تعبانه اوووي روحيني البيت
هيا: اسم الله عليكي يا حبيبتي انتي فعلاً شكلك تعبانه اوووي تعالي اوصلك
(مشت دعاء وهيا من الكليه).

وصل مصطفى المكان ملقاش حد فضل يدور عليها ومش لقاها
مصطفى بيكلم نفسه: كان لازم ام الكسوف يعني ما كنت رحت وكلمتها كان زماني معاها وبكلمها ايه التخلف اللي انا في ده
في عربية هيا: دودو انا هوديكي عند الدكتور قبل ما اروحك
دعاء: لا بالله عليكي هيا انا مش بحب الدكاتره ولا المستشفيات وديني البيت شكلي عندي برد في معدتي حاجه بسيطه
هيا: عرفاكي دماغك جزمه قديمه
(وصلو عند بيت ).

مامت دعاء: في ايه مالك يا دودو. في ايه مالها يا هيا
دعاء: مافيش يا ماما شوية تعب في معدتي بسيطه. بس بحب اتدلع عليكي
هيا: ايه يا طنطي ما فيش اتفضلو
مامت دعاء: طبعاً يا قلبي اتفضلي
ابو دعاء: ازيك دودو
دعاء: لا والله ازيك. انت حتى مش ادتني البوسه بتاعتي الصبح
ابو دعاء: والله كان عندي شغل مستعجل ونزلت علي طول معلش يا قلب بابا
دعاء: ماشي هعديها المره دي.

ابو دعاء: ماشي يا بشمهندسه دودو عليكي المره دي يا ام قلب ابيض. معلش هيا صاحبتك اللمضه نستني اسلم عليكي وحشاني اوووي يا حبيبة قلب عمو
هيا: الحمد الله. تصدق انا فرحت لما دودو قالتلي تعالي نروح البيت عشان انت وطنطي وحشني موت
ابو دعاء: شكل حماتك بتحبك انا اللي عامل الفطار بيدي
(هيا فطرت ونزلت علي بتها )
مصطفي لسه بيكلم نفسه وقابل صاحبه اسر
(اسر شاب مرح حياته كلها هزار ).

اسر: فينك ياد بدور عليك من الصبح ومالك بتكلم نفسك ليه
مصطفى: بس بالله عليك مش نقصاك فيه اللي مكفيني
اسر: بس قولي في ايه مالك هههههه
مصطفى: انت بتضحك علي ايه
اسر: شكلك هيموتني مش قادر
مصطفى: طيب غور من وشي دلوقتي اصل انا هتشل لواحدي
اسر شاف بنت قمر: طيب اسيبك تتشل واروح انا اتمشي. (بيعاكس البنت) هو القمر بيطلع الصبح البنت: لا بيطلع الظهر يا خفيف.

اسر: فعلاً انا خفيف كل اصحابي بيقولولي كده انا اسر خفيف وانتي
البنت ضحكت: الله بقى هتفضل ماشي ورايا كتير اسر: ايوه بقى مانتي اهو بتعرفي تضحكي فضلو يتعرفو علي بعض
هيا وصلت البيت دخلت الاوضه بتاعتها وفضلت علي النت
زيزي مامت هيا بتزعق بصوت عالي: انت ازاي تسبني امبارح في وسط اصحابي وتمشي انت مش عندك ذوق خالص
فاروق: اديكي قولتي اصحابك يعني مش صحابي وانا اصلاً مش بحبهم وغير كده كان عندي شغل كان لازم يخلص.

زيزي: اهو مش وراه حاجه غير الشغل كل حاجه الشغل
فاروق: طيب خلاص خليني جنبك انتي واصحابك وشوفي مين هيعبرك وانتي مش معاكي فلوس زيزي: احترم تفسك
فاروق: انا هسبلك البيت كله اشبعي بيه
زيزي: عيشه تقرف
(وطلعه علي السلم لسه هتدخل الاوضه )
هيا فتحت باب الاوضه بتاعها: مامي مساء الخير زيزي: مساء النور وبتفتح باب الاوضه بتاعها
هيا: مامي عايزاكي
زيزي: بعدين هيا انا مش طايقه نفسي
هيا: مامي انا تعبانه اوووي.

زيزي: عندك رقم الدكتور اتصلي بيه
هيا: مامي انا عايزه اتكلم معاكي مش عايزه دكتور زيزي: يوووووه انا بقولك مش طايقه نفسي انتي بتفهمي ولا شبه ابوكي
هيا: سوري
(ورجعت الاوضه بتاعتها اتصلت علي دعاء)
دعاء: الو يا قلبي
هيا: عامله ايه دودو
دعاء: الحمد الله
هيا: انا هروح معاكي الكليه بكره بالمترو
دعاء: اقسم بالله فقر. بس اصلاً انا تعبانه ومش هروح بكره
هيا: انتي لسه تعبانه
دعاء: شويه كده.

هيا: الف سلامه خلاص هبقى اعدي عليكي بكره اقعد معاكو شويه
دعاء: هتنوري وبابا كمان اجازه بكره ده احنا هنلعب لعب
هيا: بجد طيب كويس اهو نضحك شويه
(وقفلو الفون
مصطفى واسر قعدين مع بعض في البيت
اسر: مصطفى مصطفى انت يازفت
مصطفى: هو انت بتنادي عليه في صحرا انا جنبك و رمى عليه المخده
اسر: بنادي عليك بقالي ربع ساعه وانت ولا انت هنا مصطفى: البنت لحست دماغي بجد مش قادر انساها مش عارف ايه اللي خلاني مكلمهاش علي طول.

اسر: احيه علي الرجاله انت بتفكر في واحده حتى ماتعرفش اسمها اتوكس
مصطفى: طيب بس بقى عشان انت فصيل وربنا
(في الصبح طلع مصطفى عند المترو وفضل واقف من الساعه8 ل 11 رايح جاي اخر ما زهق راح الكليه وبرضه ملقهاش )
عند دعاء في البيت باباها: يالا الكل يصحي الصبح صبح عملتلكم احلي فطار
دعاء: صباح الروقان يا احلي بابا
باباها: اكيد روقان مش كفايه اني هفطر مع بنتي ومراتي حبيبتي.

دعاء: لا ومش بس كده دي هيا كمان هتفطر معانا باباها: كمان لا كده كتير عليا ربنا يحفظكم ليا يارب مامتها: هو الدلع ده كله لبنتك بس
ابو دعاء: لا ازاي انتي الخير والبركه يا احلي بطه في الدنيا
( الباب خبط بيخبط جامد وبيرن الجرس كتير)
ابو دعاء: ايه ده هو ايه حصل اسرائيل دخلت البلد ولا ايه
دعاء بتضحك: لو اسرائيل كان زمانا منفجرين اما دي اكيد هيا هو في حد مزعج غيرها.

دعاء بتفتح الباب: ايه يا بنتي في ايه براحه علي الباب عليه اقساط
هيا: ايه الريحه الجامدي دي
مامت دعاء: تعالي يا قلبي حماتك بتحبك ده عمك اللي عامل الاكل بايده
هيا: لا ما هو واضح تحس في نفس رجالي طالع من الاكل تصدق يا انكل ان اكل الرجاله بيكون طعم اكلهم احلي بكتير من اكل الستات
دعاء: يابنتي هعلمك لحد امته لما تدخلي مكان تقولي السلام عليكم يا اما صباح الخير اي حاجه.

هيا: هش هش هش انتي اش ليكي دعوه انا بكلم انكل. بس الفول ده جامد اوووي ايه السر بقى قول بسرعه
ابو دعاء: عارفه ليه يا هيا عشان لما الراجل بيقف في المطبخ بيعمل الحاجه بمزاج وبنفس راضيه ومرتاح البال
ام دعاء: هو بظبط كده اما الستات لازم كل يوم اجباري عليها تعمل تلات طقات وهي وراها ميت حاجه. بس تنكري اكلي احلي.

هيا غمزت لبابا دعاء: طبعا يا انط اكلك روعه مش محتاج كلام بس بجامل انكل بس عشان يخف عليكي ويعمل هو الاكل (هيا بصوت واطي ومسموع سمحني يارب)
مامتها: طيب كلي بقى يا لمضه وانتي يا دودو كلي يالا كلهم ضحكو وفطرو ولمو السفره واعدو يلعبو كوتشينه ويضحكو واتغدو واتعشو وسهرو يتفرجو علي فيلم كوميدي
هيا: ايه ده الساعه 12 صباحاً انا همشي بقى
ابو دعاء: ازاي يا هيا هتمشي في وقت متاخر كده.

هيا: ولا متاخر ولا حاجه وبعدين انا معايا العربيه يعني من البيت للبيت
ام دعاء: ‏ ‏لا يا بنتي ماينفعش تمشي في وقت متاخر كده لواحدك حتى لو معاكي عربيه باتي معانا
دعاء: ايوه يا هيا بالله عليكي باتي معانا
هيا: طيب افكر ههههه
ابو دعاء: يالا يابت انتي وهي علي الاوضه بتاعتكم عايز اقعد مع بطتي لوحدنا
هيا: يالا يا دودو احسن تتكرشي معايا من هنا
دعاء: قومي بينا نمشي ههههه مسكو ايد بعض وجرو علي اوضه دعاء.

ابو دعاء بيكلم ام هيا: تعرفي ان هيا مع انها بتضحك ديما بس جوها حزن كبير وعنيها دايماً مدمعه
سوزي: فعلا البنت دي ديما حزينه من جواها و على وانها شقيه
هيا في الاوضه: عارفه يا دودو بحس براحه غير عاديه في بيتكم وفي الاوضه دى
دعاء: والله انتي غاويه فقر حد يكون عنده فيلا زي اللي انتي فيها ولا الاوضه بتاعتك وميحسش براحه فيها
هيا: اولا مش بحس براحه ثانيا طول ما انا في البيت بكون لواحدي وعنيها دمعت.

(دعاء حضنتها )
هيا: في ايه اوعي كده انا مش غاويه نكد وشغلت اغاني مهرجانات وفضلو يرقصو ويضحكو
دعاء: ايوا بقى ارمي النكد ورا ضهرك
(فضلو يرقصو لحد ما نامو)
مصطفى راح عند المترو لتاني مره: ينفع كده اهى مجتش ايه بقى العمل دلوقتي
خلاص يا عم فكك البنات كتير. يعني طول عمرك ولا بتحب البنات ولا بتبص عليهم جت عند دي و وقفت الدنيا. ولا والا بص على الموزه دى يالهوووي.

مصطفى: اننت يابني ادم اهدي كده شويه وركز معايا وبطل بص علي البنات بقي وارحم عينك شويه
اسر: ريح بس انت عينك ونفسك وانسى الخيال والوهم اللي انت مستنيها وخليك في الواقع. وملكش دعوه بيا انا كده زي الفل اهو
مصطفى: وهم انت بتقول وهم طيب لما تظهر هتعرف انو مش وهم
اسر: مصطفى
مصطفى: نعم
اسر: نعم الله عليك وبقول كمان خيال مش وهم بس( وطلع يجري ومصطفى طلع يجري وراه).

(وفضل مصطفى على الحال ده تلت ايام كل يوم يروح المترو )
وياتري مين اللي ضرب هيا وحصلها ايه؟
ياترى مصطفى هيقابل دعاء ولا هيقتنع بكلام اسر انو وهم وخيال؟
اراكم تهمني انطلقووووو.

طالعه هيا من المطبخ وماسكه السكينه وكانت هتضرب عدنان في ظهره والشاب اللي كان معاه مسك ايدها بسرعه
هيا: اااه ايدي سبني
عدنان: يا بنت الكلب يا واطيه انتي جيتي هنا ازاي لسه فيكي نفس تمشي وتيجي لحد هنا. هي فين انطقي فين وبيضرب فيها
هيا: ...
عدنان مسك كرسي وضربها بيه علي دماغها هيا وقعت علي الارض
(فلاش باااك)
(هيا بنت جميله جداً الطول170سم وزن 65 كيلو بنت من عائله غنيه ).