رواية امتلكني كبير الصعيد للكاتبة منار همام الفصل السادس والعشرون
حازم لسه هيستوعب الرساله سمع صوت طلق نار زق خديجه لورا وطلع المسدس من جيبه وضرب عليهم بس كانو مشيو
حازم طلع التلفون من جيبه بغضب
: عربيه سوده على اول البلد الحقها
حازم نزل لخديجه وحضنها بلهفه
: انتي كويسه
خديجه بخوف: ه. هما مين دول
حازم اتنهد: يلا نروح بعدين.
دياب كان قاعد على كرسي و واحد مربوط على الارض قدامه وشكله متبهدل من الضرب
دياب بهدوء مميت
: اخر مره 1. 2. 3
الراجل بدموع: يا باشا ابوس ايدك انا
دياب شاور لعربيه كانت واقفه مستعده العربيه شغلت وعدت على الراجل
دياب: المر الجايه صدقني فيها موتك
الرجل بدموع: حاضر حاضر ياباشا، ف. في واحده ليها طار قديم مع ابوك و. و. هي اللي ادتنا فلوس علشان نعمل كدا
دياب بهدوء: اسمها
الرجل بصدق: لميس عبد السيد.
دياب ابتسم بسخريه لما عرف ان دا مش اسمها الحقيقي
دياب وقف وعطي ضهرو للراجل
: فكوه
الرجل قام بفرحه وهو بينفض نفسه بس قبل ميكمل كانت رصاصه في دراعه
دياب: دا اللي يفكر يمس حاجه تخلص دياب فما بالك بامي و ابوي
محمد قفل الشباك بخوف
: شوفتي شوفتي عمل اي في الراجل يلا نمشي من هنا ابوس ايدك هيقتلنا
فتحيه: امال اجمد كدا متخفش مش هيعرف حاجه
فتحيه طلعت التلفون واتصلت بجيجي وحكتلها اللي حصل.
جيجي بغضب: ااه يا ابن الكلب كنت عارفه انه مع اول قلم هيقول كويس اني غيرت اسمي، بصي تهدي خالص انتي وجوزك ومفيش خروج من البيت علشان هيشك فيكم وتصرفو طبيعي وانا هذودلكم المبلع الضعف
فتحيه: ح. حاضر يا مدام
دياب دخل البيت ببرود
دياب: تعالي يا محمد قرب مالك خايف كدا
محمد: هااا لا مش خايف ولا حاجه.
دياب: شوفت اللي حصل للراجل برا دا مجرد بس انه كان مشارك في الجريمه مجرد واحد مشارك فما بالك باللي ضرب النار ولا اللي بتستغفلني هعمل فيها اي
محمد بتوتر: ان انا معملتش حاجه يا باشا
دياب: ايوه ما انا عارف انك معملتش حاجه انا بقول بس
كمل وهو طالع
: خد راحتك يااا محمد.
خديجه في حضن حازم وهو مغمض عينيه بهدوء
خديجه رفعت وشها
: يعنى هما عايزين يقتلونا
حازم: ايوه بس لسه معرفناش مين اللي وراهم
حازم سمع تخبيط على الباب
حازم: مين
دياب: انا يا حج. اي انت هتستفرد بالحجه ولا اي
حازم: استنا يا زفت دقيقه وهفتحلك. بص لخديجه، قومي غطي شعرك
خديجه بصدمه: والله دا ابني
دياب برا: يا حج هتستر نفسها من ابنها
حازم: اخرس يا حيوان بدل مجيلك
دياب: ماشي يا حج اهو
شويه وفتح حازم الباب.
: ادخل يا زفت
دياب: تسلم يا رجوله
دياب دخل وباس ايد امه
: اخبارك يا ست الكل احسن دلوقتي
خديجه: الحمدلله يا حبيبي بخير
حازم: اعملينا شاي يا خديجه
خديجه: حاضر
خديجه نزلت وحازم بص لدياب
: عملت اللي قولتلك عليه
دياب: ايوه يا بوي وشكك في محله بس الراجل مقالش الاسم الحقيقي
حازم: محدش هيوصلنا ليها غير فتحيه و محمد، و كل اللي بيتعمل دا غرضه القلق بس. لكن ميقدرش يأذي حد
دياب: مش ناوي ترجع يونس ويحيي.
حازم اتنهد: خليهم بعيد احسن انا لوقدر ابعت سليم وزين هبعدهم. لازم الفتره دي نراقبهم كويس ونركز معاهم
دياب غمض عينيه بغضب
: وربنا لو كانو السبب في اني اخسر ابني لحرقهم بجاز وسخ
حازم: بلاش ليليان او حد يعرف حاجه وتحصل شوشره على الفاضي
دياب: عارف يابوي اللي مضحكني انها باعته اتنين اغبي منها على اساس احنا مش هنعرفهم يعنى
حازم: معلش خدها على قد عقلها لحد ما نوصل ليها وتقع تحت ايدينا.
دياب: خلاص بقا يا حج اسيبك واروح للحرمه بتاعتي
حازم بصله بقرف: وسخ.
شهد حاطه ايديها على بطنها وهي في حضن رحيم على السرير
: يعنى هنا في نونو
رحيم: ايوه ومينفعش تجري ولا تلعبي او تاكلي اي حاجه من غير ما تقوليلي
شهد: ماشي، بس هو جه في بطني ازاي
رحيم: امممم ربنا حطه في بطنك
شهد: وليه محطوش في بطنك انتا
رحيم بضيق: معرفش يا شهد واهدي علشان ماسك نفسي بالعافيه. دكتوره غبيه.
فيروز واقفه قدام الدولاب حست بحد بيحضنها من ورا
فيروز شهقت: خضتني
دياب مشغول بتقبيل رقبتها
: بتعملي اي
فيروز: بجمع هدوم علشان هستحما
دياب رفع وشه وهو بيحرك عينيه بين الهدوم، مسك حاجه من الدولاب
دياب بوقاحه: ما تلبسي الحتا الحمره دي
فيروز سحبتها منه بخجل
: هات انت ولا عاتق ليل ولا نهار
دياب: ولله شكلي هفكر في موضوع الجواز دا تاني
فيروز بغضب: نعم ليه ان شاءلله
دياب: علشان مراتي مش مدلعاني.
فيروز بضيق: احمر ولا بنفجسي؟
دياب ضحك: احمر
فيروز اخدت الهدوم ودخلت الحمام
دياب: متطوليش هاااا والا هدخلك.
يوسف قعد على السرير لابس بنطلون بس
فاطمه طلعت من الحمام
فاطمه: هاااا اي رايك
يوسف عدل نفسه بإنبهار على السرير
: لا اقسم بالله كدا كتير مش هستحمل انا اكتر من كدا
فاطمه ابتسمت بخجل وقربت تقعد على السرير
: انت اللي طلبت مني البسه على فكره
يوسف: غبي غبي
فاطمه بخجل وهي منزله راسها وبتحرك صباعها على المفرش
: يوسف. انا. يعنى مش ممناعه انك تقرب مني عادي
يوسف رفع وشها.
: انتي عارف انا مستني الكلمه دي من امتي بس كنت خايف لاتسرع وتندمي
فاطمه بسرعه: لا مش هندم
يوسف همس وهو بيزيح شعرها
: بحبك
فاطمه غمضت عينيها من تأثير يوسف عليها وهو قرب منها بهدوء وكل تركيزه على شفيفهاووو...
بعد وقت فاطمه نايمه على صدر يوسف وبترسم دواير وهميه على صدره العاري
يوسف: الاجازه هتخلص الاسبوع دا ولازم ارجع القاهره علشان الشغل انا عارف انك متقدريش تسيبي امك و
فاطمه بهدوء: انا معاك مكان متروح.
يوسف: بس عمي ومراته يعني
فاطمه: انا مش عايزه حاجه غير اني ابقا معاك
يوسف ابتسم وفاجأة بقيت هي تحتيه
: نشوف هتطلعي من هنا ازاي بعد الكلام الجامد دا، وميل يبوسها...
حازم قاعد وباين عليه الزعل وانه في عالم تاني
خديجه: حازم مالك
حازم غمض عينيه
: خديجه انتي طالق...
خديجه بصدمه: بتقول اي
حازم بجمود: زي ماسمعتي
خديجه قامت من على السرير بغضب
: ايوه ايه اللي زي ماسمعتي هو جنان وخلاص
حازم بحده: خديجه مش فايقلك انا
خديجه مسحت دموعها
: ماشي هسيبك انا عارفه كويس انك الكلام دا مش من قلبك وهترجع ندمان، وخرجت، حازم بص على اثرها بحزن.
دياب: الله يخرب بيتك اتهدي
فيروز بتجري وهي بتضحك بدلع
: لا. امسكني الاول
دياب: بس لما تقعي تحت ايدي مش هرحمك
فيروز بدلع: تؤ تؤ لما تمسكني لاول
دياب: طب اهو
فيروز صرخت بقوه لما حست بيه مسك ايديها وبقيت هي على السرير وهو فوقيها ماسك ايديها جنب راسها
فيروز: خلاص خلاص والله ما هعمل كدا تاني
دياب: ومن شويه لو قدرت تمسكني اعمل اللي انت عايزو
فيروز حاوطت رقبته بايديها وهي بترفع كتفها بدلال
: بدلع على جوزي.
دياب: اتدلعي براحتك...
فيروز ضحت بقوه ودياب دفن وشه يبوسها فيروز بتحرك رقبتها وبتهمس بأسمه بضعف
الباب خبط
فيروز: د. دياب
دياب بنشغال: امم
فيروز بتبعده بضعف و هو رافض
: الباب
دياب بعد وهو بياخد نفسه بالعافيه
: مين
خديجه بصوت باكي: انا يا دياب
فيروز كانت بتبص بإستغراب خديجه بتعيط ليه
ديااب بعد عن فيروز: روحي البسي حاجه و ضاري العلامات دي بأي حاجه
دياب فتح وخديجه اترمت في حضنه
دياب بيطبط عليها
: مالك ياما في اي.
خديجه بدموع: ابوك طلقني
دياب بعد وش خديجه عن حضنه
: ازاي طلقك
خديجه بدموع: معرفش معرفش ب. بس اكيد في حاجه
دياب: انا رايحله
خديجه: لا لا متروحش
دياب: عايزه يطلقك واسكت
خديجه: علشان خاطري يا دياب
دياب اتنهد: ماشي يما تعالي باتي النهارده هنا على الاقل انام في حضنك اللي منعني عنه الحج اكنه جايبني من الشارع
خديجه: هنام في اوضة االاطفال علش
دياب مسح وشه بضيق.
: اما مش ناقصه هي هتنامي مع فيروز على السرير هنا وانا هنام على الكنبه
خديجه: مش عايزه اتقل عليك
دياب: تعالي يا ست الكل تعالي ربنا يهديكي
فيروز كانت واقفه تتابع الحوار من بعيد بزعل على خديجه.
يوسف بيلبس هدومه و فاطمه نايمه على السرير
يوسف ميل باس فاطمه على راسها فاطمه فتحت بنوم
: رايح فين
يوسف: عند عمي حازم علشان شغل كدا
فاطمه بنوم: دلوقتي الوقت متاخر
يوسف: شغل ضروري
فاطمه: ماشي متتاخرش
يوسف: نامي انتي وما تفتحيش لحد ولا تطلعي برا
فاطمه بنوم: ماشي.
فتحيه بفرحه: بقولك يا هانم طلقها طلقها
جيجي: هههه اكيد ما انا تعبت علشان يحصل كدا
فتحيه: طب اي ياااهانم
جيجي: متخافيش فلوسك هتجيلك، بس لسه باقي الخطه. لازم احرق قلبه و اشوفه قاعد مكسور قدامي ليليان بنته دي هتكسرها اوي وزين الكل ولسه هحرق قبله على الهانم بتاعته وولاده
فتحيه: خططي انتي بس يا هانم واحنا ننفذ
جيجي: وصدقيني هغرقك فلوس
فتحيه: طب يا ج.
جيجي: اخرسي قولتلك ميت مرا متقوليش اسمي على التلفون يا غبيه
فتحيه: انا اسفه يا مدام بس يعني احنا مشوفناكيش ولا مره وكمان مش بتخلي حد يقول اسمك الحقيقي
جيجي: اممم هتشوفيني المرادي قابلوني في الساعه 8 علشان تاخدو الدفعه الاوله من الفلوس
فتحيه بطمع: هنيجي يا مدام.
حازم و يوسف و دياب وزين وسليم ويحيي ويونس قاعدين سمعو المكالمه
دياب بهمس: يااابنت الكل
يوسف: هنعمل اي يا عمي دلوقتي
حازم: قولتلي مش انك هتقدر تهكر الرقم دا لانه فيك وكل شويه بيتغير هتعمل رقم شبهو واتبعتت رساله وتبعت فيه لفتحيه الزفت دي اسفه مش هقدر اجي
دياب ابتسم على خطة ابوه وكمل.
: وانا واثق ان الست دي بتراقب كل حاجه ابوي وامي هيرجعو لبعض وهي هتفكر ان فتحيه دي بتضحك عليها اهم حاجه بس الست دي تنزل مصر او نعرف شكلها ولا اسمها
حازم: بالظبط
زين: طب يلا يا جماعه كل واحد على بيته قبل ماحد يشوفه
يونس برجاء: ممكن يا حج اروح اشوف المزة بس خمس دقايق
حازم بحده: لا
يونس: طب بوسه واحدة
حازم: غور ياد من هنا
يونس: حاضر ي حج
الكل مشي فضل دياب.
دياب: انت عارف اني اقدر انزل اولع فيهم دلوقتي ليه مصر تاخد الطريقه دي
حازم اتنهد: وبعد متولع فيهم واحنا مش عارفين الراس الكبيره هتبعت حد تاني وتاني
دياب: ماشي يا حج.
حازم: اه صحيح بقولك
دياب: خير ياحج
هنا بوكس من حازم في وش دياب
دياب بوجع: ااااه ليه يا حج ما كنا حلوين من شويه
حازم: علشان تنام في حضنها تاني ياروح امك
دياب: يا حج ما انت اللي زي متكون جايبنا من برا مش عيالك.
حازم: مش كفايه عليك التلات شهور بتوع اول ولادتك
دياب: قلبك قاسي يا حج ومش بتنسا
حازم: غور ياض من هنا وتنزل تنام تحت ولا اقولك فوق السطح علشان امك هتخاف عليك وتقول هيبر
دياب: لا وفوق الجو حر اوي
حازم: بس مش هتشوفك.
يونس ويحيي قاعدين في العربيه ومشغلين اغاني بييرددو وراها
يونس و يحيي في صوت واحد
: العيش والملح بتاعكو عملت غسيل معده ورجعته انا صنتكم وانتو خدعتو
يونس ويحيي ضحكو هو بيضربه كفهم في بعض وبيحضنه بعض
يونس: حبيبي ياخوي
يحيي
: من بدري مقعدناش قاعده زي دي
يونس: ناقصنا دياب
باب العربيه اتفتح ودخل دياب
: بتعملو اي
يونس بضحك: كنا بنغني
دياب بقرف: البيت حلو اوي من غير دوشتكم
يحيي ضرب دياب على كتفه.
: طب بذمتك مش فاضي من غيرنا وهتموت ونرجع
دياب: للاسف وحش اوي من غيركم
يونس: متخافش يسطا كلها يومين وراجعين
يحيي: جماعه انا وحشاني مراتي اوي وهموت واشوفها
دياب بشماته: تتدفع كام واخليك تقضي باقي اليل معاها
يحيي: 200جنيه
دياب: الف ونص
يحيي: بس كدا كتير
دياب: مش كتير عليها
يحيي: وانا موافق
يونس: اي دا هو اخوك وانا لا اشمعنا
دياب: اخرس انت دقيقه.
دياب ويحيي نزلو ودياب ساعده انه يطلع الاوضه بتاعت زينب من على المواسير
يحيي: طب افرض ابوي شافني الماسوره بتعدي على شباك اوضته
دياب: عد فلوسك انت بس و اطلع ومتخفش ولو عرف انا هتصرف
يحيي: ماشي يا عم خد
دياب دخل العربيه اللي فيها يونس وهو بيعد الفلوس
: اطلع على مطعم عازمك على حسابي
يونس ضحك بصوته الرجولي وهو بيحرك العربيه
: حسابك ولا حساب يحيي.
براهيم دخل لقي ليليان قاعده على السرير بزعل
قرب منها وابتسم
: مالك
ليليان بضيق: مفيش حاجه
ابراهيم: على فكره الموضوع بقاله تلات ايام وانتي لسه زعلانه وبعدين انا مبحبش حركات العيال دي
ليليان بضيف: علشان بهزر مع جوزي تبقا حركات عيال
ابراهيم: اممم طب جوزك عايز يصالحك وبيقولك لو سمحتي ممكن تخرجي معاه تتفسحو شويه
ليليان قامت من على السرير بفرحه
: بجد
ابراهيم ضحك: اه والله.
ليليان جريت على الدولاب وطلعت منه فستانين
ليليان بحماس: الابيض ولا الازرق
إبرهيم: اممم ابيض
ليليان: طياره هدخل اخد دش واجي، ابراهيم ابتسم عليها قد اي هي طفله وبريئه. شويه وطلعت ليليان وقعدت قدم المرايه تسرح شعرها ابراهيم قام من على السرير وقرب منها اخد المشط
: اسرحلك انا
ليليان ابتسمت بفرحه وخجل.
شويه وكان ابراهيم خلص وبيحط التوكه في نهايه الضفيره اللي عملها اتنهد وقال في نفسه انا مش جاببها اركنها هي ليها حق عليا دي شريكة حياتي وليها حقوق...
ابراهيم ميل باسها على خدها. وليليان كانت مصدومه من تغيره
: خلصت اي رايك
ليليان بتبص في المرايه على الضفيره
: تحفه بجد انت بتبهرني.
ابراهيم ضحك: يلا بس علشان هنتاخر
ليليان: هلف الطرحه بس.
تاني يوم رجع دياب وش الفجر وهو مبتسم على مرح يونس اخوه
كان حازم قاعد في الحوش
: كنت فين
دياب: كنت مع يونس برا
حازم: و يحيي فوق
دياب: يحيي كان معانا
حازم بصله بطرف عينيه
دياب اتنهد: ايوه فوق مع مراته
حازم وهو طالع: روح جهز نفسك علشان النهارده يا قاتل يا مقتول...