رواية امتلكني كبير الصعيد للكاتبة منار همام الفصل الخامس عشر
حازم بخوف: انتي كويسه ايه اللي واجعك
خديجه: متخافش مفيش حاجه شويه وهيخف
حازم وهو قايم
: يعنى اي شويه وهيخف قومي البسي نروح عند الدكتوره
خديجه مسكت ايد حازم
: حازم انا ولله كويسه بس دا تقريبا علشان البيبي اتحرك وانا بضرب العقربه دي
حازم اتنهد: وانتي تتعبي نفسك ليه انا كنت هتصرف معاها
خديجه بشراسه: واسيبها تبصلك وربنا كنت هخلص عليها بس انت قولتلي كفايه
حازم ضحك بصوته كله وهو بيفتكر شكلها.
خديجه بتبصله وهي بتعض على شفته. ا بحرج
قد اي ضحته حلو وملامحه وخصوصا تفاحة ادم اللي بتبرز لما يضحك
خديجه قربت بكسوف وباسته في رقبته مكان تفاحة
خديجه بعدت وحازم بصلها وملامح الضحك لسه موجودة
خديجه بكسوف: ضحكتك حلوه قوي
حازم بخبث: ما انتي عندك حاجات احلي من اللي في ضحتي
خديجه بكسوف: اقسم بالله سافل وانا هنام
حازم شدها عليها وهو بيضحك
: خلاص اهدي مش هقل ادبي تاني.
خديجه استكانت على صد ره حازم بهدوء وحازم بيحرك ايده على شعرها.
بعد شويه
حازم: نمتي...
خديجه طلعت همهم علامه على انها صاحيه
حازم باس راسها
: نامي.
تاتي يوم
سليم ساند على السرير وبيلا مخبيه وشها في الوساده
سليم: طب ارفعي وشك وطمنيني عليكي
بيلا مخبيه وشها وبتهز كتفها برفض
سليم حط ايده على وشه بنفاذ صبر وابتسم بخبث وهو بيزيح الغطا من عليها
بيلا قامت فاطه وهي بتشد الغطاء
: بتعمل اي
سليم: اخير يا شيخه بقالي ساعه بتحايل عليكي علشان تردي
بيلا: ان. انا مش عارفه ازاي كنت بتكلم معاك عادي والموضوع اتحول لكدا
سليم بضحك: علشان انا جامد
بيلا: انت قليل لادب.
سليم بحده: بيلا
بيلا بخوف ودموع: ولله ما اقصد ب. بس انا يعنى مش عارفه.
بيلا انهارت في العياط. وسليم خدها في حضنه
سليم: بيلا خلاص اهدي محصلش حاجه وبعدين دي حاجه عاديه واسالي خديجه
بيلا وهي في حضن سليم بدموع
: لا طبعا انا مستحيل اقول لحد
سليم بعد وشها عن حضنه وبصلها
: انتي جايبه كام في الثانويه
بيلا وهي ماسكه الغطاء ووشها لتحت
: 95
سليم: لازم اقدملك طب وتروحي قسم نسا وتوليد علشان مش هننفع مع بعض كدا.
بيلا رمت نفسها في حضنه
: سافل
سليم ضحك بصوته كله.
سليمان والكل قاعد في الحوش فيهم اللي بيضحك وفيهم اللي بيتناقش في مواضيع هامه وخديجه والبنات بيقدمو الأكل
سليمان: انا الحمدلله اطمنت عليكم كدا فاضل بس اذور بيت ربنا ويارب كمان لو السى الهي يطلع هناك هبقا مبسوط اوي
حازم باس ايده: ربنا يخليك لينا يابوي منتحرمش منك
سليمان طبطب على راسه.
: ربنا يطول في عمرك يا ولدي بس الحمدلله انا قدمت في الحج وبفضل ربنا انه قبلني وكلها كام يوم وان شاءلله هطلع على بيت ربنا
حازم: الف مبروك يا حج، وان شاءلله تروح وترجع بسلامه
جات ليليان على حازم وهي بتعيط وماسكه عروسه في ايديها دراعها مخلوع
سليمان بضحك: وانتي يا ست ليليان كل ما العروسه بتاعتك تبوظ تجري على ابوكي
حازم شال ليليان: دلوعة ابوها تعمل اللي هي عايزاه
سليمان: هقوم انا وانت شوف الدلوعه بتاعتك.
مريم كانت واقفه بتبص على زين اللي بيناكش في سليم
سليمان: اي رايك اتغير صح
مريم: ايوه وملاحظة دا من فتره
سليمان: ولسه هيتغير اكتر واكتر بس بلاش نكد الواحد لما مراته بتنكد عليه بيطفش برا
مريم: غصب عني ولله يا عمي بضايق لما اعرف انه كان مع واحده غيري
سليمان: خليه ميشوفش غيرك كل ميقرب من واحده يحس بالذنب وانه مش قادر، خليه يكتفي بيكي اشغليه بعيل واتنين يبقا مش فاضي يحك في جلده تحسسيه بمسؤؤليه.
مريم ابتسمت: حاضر
سليمان: ربنا يصلح حالكم.
عدا كام شهر الدنيا كانت سعيده عليهم جدا حازم بيحاول يخلي خديجه متتحركش كتير و زين بدا يتعلق بمريم اوي وهي مجنناه بحركتها وبيلا اللي مكسوفه من سليم ورافضه قربه منها تاني.
سليمان: خلو بالكم من بعض يولاد حازم انت الكبير من بعدي خد بالك من اخواتك اوعاا في يوم تيجي عليهم انا عاارف انك هتحكم بالعدل خد بالك من البلد حافظ عليها وخد بالك من مراتك واوعا تزعلها وانتو ياولدي اسمعو كلام اخوكم وحافظو على نساوينكم
حازم ميل باس ايده: ان شاءلله ترجع بسلامه يابوي
زين و سليم عملو زي حازم
سليمان بدموع: تعالو يا ولادي تعالو.
سليمان حضنهم كلهم وهو بيبكي سليم وحازم بعده عن ابوهم وزين قاعد حاضنه شويه والدموع في عنيه
: سامحني يا بوي انا عارف اني تعبتك في تربيتي كتير ومكنتش بسمع كلامك
سليمان: مسامحك يولدي مسامحك
زين بعد وسليمان شاف البنات اللي وقفين بعيد ودموع في عينيهم
سليمان: تعالو يا بنات
البنات جريو عليه وحضنهم وهما بيعيطو
: ترجع بالسلامه يعمي
سليمان: خدو بالكم من اجوازكم واوعو تزعلوهم
البنات بدموع: حاضر.
حازم شال الشنطه: يلا يا بوي هنتاخر على الطياره
سليمان سلم على البنات تاني ومشي مع حازم وخديجه زغرطت بفرحه.
خديجه واقفه في المطبخ وهي بتغطي الملوخيه وبتمسح جبينها حست بحد بيحضنها من ورا
خديجه حطت ايديها على راس حازم
خديجه: وصلت عمي
حازم بتعب: ايوه
خديجه: روح خد دش يكون المغرب اذن علشان نفطر وشوف سليم وزين فين
حازم لفها ليه وتنهد: صايمه برضو
خديجه: حازم ولله انا كويسه ومش حاسه بحاجه
حازم: خلاص بس متتعبيش نفسك كتير.
عدا كام يوم كان يوم وقفة العيد وخديجه ومريم بيعملو كيكه وحلويات
خديجه بكسوف: مريم سبيلي الكيكه انا اللي هزينها
مريم بضحك: حاازم بيه بقا
حازم كان قاعد مع زين وسليم بيتفرجو على وليليان على رجله
تلفون حازم رن وكان بعيد عنه قام يجيبه
حازم: خديجه خلصي المغرب بيأذن
حازم مسك التلفون ورد
: حازم بيه البقاء لله والد حضرتك اتوفا.
عدا كام شهر على موت سليمان حازم حاول يكون فيهم قوي وخديجه إلى واقفه جنبه
خديجه بحزن: مش كفايه قاعد ف الاوضه لوحدك بقا سليم راح القاعه النهارده بس معرفش يعمل حاجه وعط الدنيا، هو مش انت كبير البلد بعد ابوك برضو.
حازم اتنهد وهو قاعد على السرير
: اكلتي
خديجه: لا
حازم: روحي هاتي اكل وتعالي
بعد شويه كانت خديجه قاعده على رجل حازم وهو بياكلها
حازم: متعمليش كدا تاني تاكلي و تاخدي العلاج في وقته.
خديجه ساكته بتستقبل الاكل وتبصله بحب بس
حازم: بتبصيلي كدا ليه
خديجه: بحمد ربنا علشان عندي جوز زيك
حازم: مكنش دا كلامك اول جوازنا.
خديجه ضحكت وهي بتلف اديها حولين رقبته
: على اساس ان دا حازم بتاع اول جوازنا
حازم: فضلك كام شهر؟
خديجه: فاخر شهر وهولد
حازم: طاب اهدي بقا بدل ما اخليكي تولي على ايدي دلوقتي...
حازم قال كدا وهو قايم يحط الصنيه على التربيزه ورجع قعد على السرير تاني.
خديجه واقفه وهي تانيه رجيلها على السرير
خديجه: لا عادي على فكره مش هولد ولا حاجه
حازم شدها عليه: طاب وماله نشوف، بعد وقت خديجه نايمه في حضن حازم
خديجه رفعت وشها
خديجه: حازم انا بولد
حازم: لسه الدكتوره قالت اخر الشهر
خديجه بصراخ: بقولك بولد
حازم قام بخوف وهو بيلبس التيشرت
: اهدي هروح ابعتلك مريم وابعت حد يجيب الدايه
خديجه بوجع: بسرعه
شويه وكان حازم قاعد تحت مستني و زين معاه وسليم حازم قاعد بهدوء.
بس من جوه على اعصابه طلعت الدايه وشايله طفل على ايدها
: الف مبروك يا حازم بيه ولد
حازم شال منها الطفل وطلعلها مبلغ كبير
: ربنا يباركلك فيه يابيه
الدايه مشيت سليم حط ايده على كتف حازم
: هتسميه ايه؟
حازم وهو بيبص لطفل
: دياب حازم سليمان. علشان يبقا دياب الصعيد
سليم: يتربي في عزك إن شاءالله
حازم: عقبالك انت وزين
سليم: يارب.
حازم اخد ابنه وراح بيه عند خديجه اللي نايمه على السرير وجسمها كله عرق وحطه جنبها وميل باس راسها: الف مبروك يا ام دياب
خديجه بفرحه وهو بتبص لدياب
: حلو قوي يا حازم.
بعد مرور 3شهور.
حازم دخل الاوضه بهدوء
كانت خديجه نايمه بهدوء وبترضع دياب. نام جنبها ودياب في النص، خديجه فتحت عنيها بتعب
: حازم
حازم: ابن الكلب دا هيحرمني منك كتير بقالك 3شهور ناقله في الاوضه دي
خديجه: معلش انت عارف بيفضل يزن بليل وانت مش بتقدر تنام وبيبقي عندك شغل الصبح بدري
حازم اتنهد: طاب نام؟
خديجه اهو خلاص تقريبا نام
حازم اتجه للجهه التانيه وشال خديجه
خديجه: حازم هيصحا
حازم: ما يصحا انتي وحشتيني.
عند مريم وزين
كانت في الحمام و زين قاعد على السرير بتوتر بيهز في رجله، مريم طلعت
زين بلهفه: هااااا
مريم بابتسامه: حامل
زين بلهفه: بجد وريني كدا
زين اخد منها الاختبار وبص فيه، مريم لفة اديها حولين رقبته: مبروك يا ابو رحيم
زين حط ايده على وسطها
: لا انا عايز اتنين دلوقتي (رحيد، رويدا) وبعد كدا عايز (فاطمهيق)
مريم: حرام عليك اتنين ايه؟، دا خديجه مش قادره على واحد
زين: ملناش صالح بخديجه احنا.
عند سليم وبيلا.
سليم: طاب احنا مش خلاص اتعودنا
بيلا وشها في الوساده: لا لسه
سليم: سنه ولسه متعودناش
بيلا رفعت وشها وهي بتزيح شعرها
: سليم ان. انا مكنتش عارفه حاجه وفجاءه كدا. ال. القيك. ب. بت.
سليم وهو بيقرب منها
: ولما انتي مش عارفه حاجه. سليم انا مش بنت. كان اي دا؟
بيلا بكسوف
: يعنى واحده صحبتي قالتلي اقول كدا لو مش عايزه اتجوزك وكدا، بس عارف كنت غبيه اوي كنت شايفه معاملة حازم لخديجه وبقول مستحيل اتجوز صعيدي.
يسليم بضيق: وعلى مش صعيدي؟
بيلا: بس متعلم ومتربي برا
سليم بصلها بضيق ولسه قايم
بيلا مسكت ايده
: بس ولله طلعت غبيه لان الراجل الصعيدي ميطعوتش اه شديد بس دا من غيرته وحبه يعنى، على اهو كان بيحب خديجه وعادي شافها متجوزه ماهموش لكن لو انت او حازم يا هتتحدو الكل علشانها يا اما هتنسوها خالص لان مستحيل تبصو لحرمة غيركم.
سليم ببرود: وبعدين
بيلا بهدوء وهي بتنزل وشها.
: سليم. ان. انا بحبك ولله بس لسه بتكسف منك بس هتعود مع الوقت. وانا ممكن اعمل حاجات تضايقك بس من غير قصدي ولله انت قولي ان دا غلط
سليم اتنهد وميل رفع راسها
: وانتي بتكلميني تبصيلي ومتخافيش من حاجه انا عمري مأذيكي انا احميكي بس فاهمه
بيلا هزت رأسها
سليم باس راسها: عايزه ايه دلوقتي؟
بيلا: تقولي اللي انت عايزه واللي بيضايقك
سليم قعد جنبها على السرير وخدها في حضنه
سليم: تعالي احكيلك شويه حاجات..