قصص و روايات - قصص رومانسية :

رواية الوقح والراقية جزء 2 للكاتبة ياسمين علاء الدين الفصل العشرون

رواية الوقح والراقية جزء 2 للكاتبة ياسمين علاء الدين الفصل العشرون

رواية الوقح والراقية جزء 2 للكاتبة ياسمين علاء الدين الفصل العشرون

ما زالت الفتاتان معتصمين في غرفتهم رافضين لتلك الطريقه التي تتعامل بها والدتهم معاها، فهي نرفض أن يتزوجو خارج تركيا رغم أن صخر و جبل شابان ليس لهم أي شئ يعيبهم
اليوم موعد سفرهم إلى تركيا إذا راحلو لن تسمح لهم والدتهم بالعوده لمصر مره اخري
فتح الباب مختار ودخل ليجدهم ينامون على الفراش وهم يبكون وجههم شاحب
مختار: جهزتم الشنط
ارتفعت شهاقتهم تاليا: بابي مش عايزه اسافر.

تالا: انا بحب صخر ومش هقدر ابعد عنه والله يا بابي هو إنسان كويس جدا
مختار: ماماتكم رافضه
تاليا: اتكلم معاها حضرتك.
دخلت الغرفه وهي تصرخ عليهم: هنتاخر على كل الطياره
وقفت الفتاتان وهم يحاولون أن يقوموا ذلك الشعور بالدوار.
ليغمي عليهم في الأرض. ولكن تاليا أثناء وقوعها ارتطم رأسها بطرف السرير لتنجرح
فزع الوالدين وطلبو الإسعاف.

لوزه كانت تتحدث مع شذي ع الهاتف
لوزه: والله يا شذي، مش راضي يخرج من اوضته، اول مره اشوفه حزين كده
شذي تعلم أن مريم رفضته لذلك هو حزين: متزعليش عجيبه وهحاول اتكلم معاه وافهم في ايه
لوزه: هو راضي ينطق، اتحيلت عليه قد كده انا وعبده ومفيش فايده، انتي عارفه طابعه عامل زي فيصل لو مضايق ميحبش يتكلم غير بمزاجه
شذي: أنا هعرف اتصرف معاه متقلقيش
لوزه: ربنا يستر، هستناكي تيجي زي ما قولتي وهاني معاكي العيال.

شذي: حاضر. سلام
أغلقت الهاتف لتجد مريم تنزل من أعلي لتبتسم شذي وهي تفكر في حيله
وضعت الهاتف على أذنيها: ايه يا لوزه، ازاي يعني، يا عيني يا حبيبي
مريم قد انتبهت لها: في ايه يا مامي
أشارت له شذي بالسكوت: الف سلامه عليه، ربنا يشفيك يا حاتم ياحبيبي.
فتحت عينها على وسعهم: حاتم
توترت مريم: يا مامي في ايه، طمنيني
شذي وهي تشير لها أن تنتظر: لا يا لوزه متعيطيش، والله ربنا هيشفيها.

كانت ستبكي من القلق لتركض سريعا إلى غرفتها وضربات قلبه تزداد بقوه
ضحكت شذي: ما انتي بتخافي عليه اهو يا مريم، رافضه ليه طيب
بينما مريم في غرفتها أخرجت الهاتف واتصلت عليه
نظر هو إلى الهاتف ولم يجيب فهو غاضب منها
هربت الدموع من عينها واتصلت مره اخري ولم يجيب لينظر إلى الهاتف: مش هرد عليكي.

في المطعم كانت رحمه تستقبل طلبات الزبائن
ليدخل حازم في ميعاد كل يوم ويجلس على الطاوله
اتت له بابتسامه: اهلا يا دكتور
حازم: قولتلك بلاش دكتور دي
ضحكت بخفه وهي تسأله باهتمام: جعان
اتسعت ابتسامته: كالعاده انتي عارفه
رحمه: دقائق والأكل يكون جاهز
نظر أظهرها وهي تبتعد بتفكير.

صخر ذهب لجبل في الموقع العمل
جبل: خير ياصخر
صخر: تالا موبيلها مقفول من امبارح
جبل بارهاق: تاليا برضو موبيليا مقفول
صخر: تفتكر سافروا
جبل: من غير ما يقولو، هي كانت قائله أن كلمتها مصممه على السفر بس مفتمرش وتسافر من غير ما تقولي.
صخر بتفكير: انا مش مطمن
ترك جبل ما بيده: تعال نروح نسال عند البيت
صخر: تعال.

عند مريم القلق ينهش اكتر بها لتتصل بعمتها
لوزه: اذيك يا مريم
مريم وهي تمسح دموعها: الحمد لله يا عمتو، هو حاتم فين
لوزه: في اوضته يا مريم والله قلبي وجعني عليه
مريم: ليه يا عمتو هو تعبان وله ايه
لوزه: مش بيتكلم مع حد وله راضي يخرج وله يأكل
مريم: دخلي الموبيل ليه كده وخليه يكلمني ضروري
وقفت لوزه ودخلت لحاتم: خد يا حاتم كلم مريم
نظر ليد والدته الممتدده بالهاتف ثواني ثم أخذه منها
حاتم: اتفضلي حضرتك.

لصقت عليه لوزه بغيظ: قليل الادب كنت عايزه اسمع هتقولك ايه
أغلقت الباب ولكنها وقفت خلفه تسترق السمع
حاتم: الو
مريم: حاتم عامل ايه
تنهد بحزن: عايزه تعرفي ليه
مريم ببكاء: انت تعبان
نظر أمامه بصدمه هل تبكي من اجله ام يتخيل هو ذلك
مريم: يا حاتم
حاتم: تعبان يا مريم، وانت السبب
لتبكي أكثر. اعتدل بجلسته: مريم انتي بتعيطي
همهمت ببكاء
حاتم بعدم تصديق: بتعيطي عشاني انا
مريم: روحت للدكتور.

حاتم: يولع الدكتور ولله ما في غيرك اللي هيشفيني
لوزه من الخلف تحرك فكه يسار ويمين
حاتم: وافقي يا مريم والله ما هتندمي ابدا، هتلاقيني كل حاجه نفسك فيها. اخ وصاحب وحبيب وصديق واب
تشهق من البكاء: مش وقت الموضوع ده، روحت للدكتور وله لا
حاتم: سيبك مني ووافقي انتي وانا هكون كويس
مريم لم ترد فقط يسمع صوت شهاقات بكائها.

ليسمع صوت رساله على هاتفه فهو يحدث مريم من هاتف لوزه. امسك الهاتف ليجد شذي
شذي التي كانت تسمع كلام مريم وخوفها على حاتم: اي خدمه، يكش يطمر فيك
ابتسم الآخر ليكتب لها: والله هيطمر بس توافق هي
حاتم و: مريم انتي نمتي ما تردي عليا
مريم: اقول ايه
نفخ حاتم: انتي عايزه تتعبي قلبي اكتر
ومثل التعب: اه قلبي، حاسس ان روحي بتخرج من جسمي
فزعت مريم: اقفل اتصل بالاسعاف
حاتم: انتي هبله يا بت، بقولك تعبان.

مريم بغيظ وهي تمسح وجهها بقوه في ملابسها: انا هبله لو كلمتك تاني، لسانك ده مش محترم
شهق: انا مش محترم يا مريم
مريم: انا قولت لسانك
حاتم: انا فعلا مش محترم ومش متربي علشان بحب واحده هبله وحماره ذيك
فتحت لوزه الباب بغيظ من كلام ابنها الغبي وقذفته بالشبشب في وجهه
ليتالم حاتم بفزع من دخولها المفاجا: ااااه
مريم بقلق: حاتم مالك
لوزه وهي تشير على فمها ليصمت
صرخت الاخري: حاااااتم
حاتم: نعم
مريم: في ايه.

نظر لوالدته بغضب: مفيش يا مريم
مريم: انت تعبان
حاتم بهدوء: مش هعيد في الكلام تأني، اظن انتي عارفه أن فيا ايه
مريم: اصل يا حاتم انا بعتبرك اخويا
حاتم بزعل: اخوكي طب سلام. ومش عايز اسمع صوتك تاني
مريم بحيره: لا، متزعلش
حاتم: انتي محتاره ليه، انا مش هضغط عليكي تاني
اخذت لوزه الهاتف: مريم
فزعت الأخري: ها، نعم يا عمتو.

لوزه: الواد حاتم بيحبك وانتي شكلك بتحبيه بس محتاره، ايه رائيك اعملو خطوبه الاول ولو حسيتي انك مش مرتاحه كل واحد يروح لحاله ومفيهاش زعل
مريم: بس يا عمتو
لوزه: من غير بس يا روح عمتو، موافقه
استسلمت: اللي تشوفيه
لوزه: مبروك يا قلبي
فتح الآخر عينه بعدم تصديق: هي وافقت
لوزه: يا روح امك
قفز على الفراش وقبل لوزه: حبيبتي يا لوزه. حبيبتي، حبيبتي.

ضحكت مريم وهي تسمع حاتم وهو يصرخ بفرح لتدخل شذي وتضمها: مبروك يا مريوم
خجلت الأخري وتوردت وجنتيها.

في المطعم
حازم: رحمه عايز اتكلم معاكي في موضوع مهم
ممكن تقعدي
رحمه وهي تجلس أمامه على المقعد: مع أنه ممنوع بس اتفضل
أخذ نفس عميق: رحمه انا معجب بيكي
نظرت له بصدمه: بيا انا
حازم: متقوليش انك مش واخده بالك يعني
لم ترد ولكنها نظرت له بحزن
حازم: هاتي عنوان مامتك وانا هروح اطلب ايدك منها
فزعت رحمه: لا يا حازم، مش هينفع
حازم: ليه مش هينفع.

تجمعت الدموع بعينيها ولم تجيب فماذا ستخبره أن زوج أمها كان يريد أن يفعل معاها الحرام ام تخبره أنها كان يتحرش بها مرات كثيره و مامتها تتغاضي عن كل هذا
حازم: انا عايزك تحكيلي كل حاجه عنك، اوعدك هقف معاكي
رحمه: انا اسفه يا دكتور بس طلبك للزواج مرفوض.
حازم: ليه يا رحمه، قولي سبب واحد
رحمه: انا مش عايزه اتجوز، وهشوف مكان تاني اقعد فيه.

حازم: مش لدرجه دي، خليكي في الشقه، انا اوعدك مش هتكلم في الموضوع ده تاني وله هضايقك، اسف لو كلامي كان ضايقك
رحمه وهي تجاهد الا تبكي: انا اللي اسفه لحضرتك
ابتسم: مفيش اسف، احنا أصدقاء صح
ابتسمت بتكلف وحركت رأسها بنعم. رغم أنه يريد أن يترك المطعم ويخرج الان ولكن لا يريد أن تشعر بالحرج لذلك طلب منها فنجان قهوه
دخلت هي سريعا إلى الحمام تبكي وهي تلوم نفسها و لكن لا يجب أن تدخل في اي علاقه الان.

وصل صخر وجبل إلى البيت تالا وتاليا وسأل حارس البيت عنهم وأخبره أنه تنم نقلهم إلى المشفي
عرفو العنوان وتوجهوا إلى المشفي
سالو عن مكان الغرف.
طرق على الباب ودخل جبل ومعه صخر. نظرو إلى الفتاتان
تالا كانت مستيقظه ويدها بها محاليل التغذيه ولكن تاليا كانت نائمه ووجهها متورم وجبينها مربوط بضماده
وقفت فريهه بغضب: اخرج انتي وهو بره
تجاهلها صخر واقترب من تالا التي انهمرت الدموع من عينها بحزن.

مسد يده على شعرها لتبكي أكثر
ابتلع غصته بحزن: الف سلامه عليكي
تالا ببكاء: الله يسلمك
صخر: بتعيطي ليه، حاجه بتوجعك
تالا: صعبان عليا نفسي.
ابتسم لها وقبل يدها.

جبل يجلس بجانب تاليا وهو يلمس وجهها برقه
جبل: الف سلامه عليكي يا حبيبتي
قبل يدها وهي ما زالت نائمه بفعل المخدر
فريهه أمسكت يدها ودفعته: انا هتصل بالشرطه
نظر لها بصمت وعينه على تاليا النائمه ليصك صخر على أسنانه بغضب
بكت أكثر تالا: ماما انتي بتعملي ايه، حرام عليكي
ليسمعو صوت غاضب من خلفهم: فرررريهه.

الفصل التالي
بعد 22 ساعة و 24 دقيقة.
جميع الفصول
روايات الكاتب
روايات مشابهة