رواية الوقح والراقية جزء 2 للكاتبة ياسمين علاء الدين الفصل العاشر
عادت الفتيات إلى منزلهم
رحمه: خلاص بقي يا تاليا هتفضلي كده كتير
تاليا: سبيني يا رحمه انا حاسه اني مخدتش حقي ونفسي اروح اخنفهم
نظرت لهم تالا بدموع: قالي غوري في داهيه
رحمه ضمتها: بتعيطي علشان كده، متبقيش حساسه بالشكل ده.
تاليا: طيب وحياه بابي ومامي لهنتقم منهم
تالا: بس جبل معملتش حاجه
تاليا: جبل ده هو السبب، احنا مش هنكمل شغل معاه
رحمه: ليه يا تاليا تقطعي عيشه، حرام.
تالا: اصلا مش هتلاقي حد عنده امانه ويخلص الشغل بسرعه كده زيه
تاليا: انا مش مرتاحه في الشغل معاه
تالا: هو هيخلص الشغل ومش هنشوفه تاني له هو وله صخر
نطقتها بحزن وتاليا جلست تفكر في كلامها لن ترا جبل مره اخري هي تشاكله حتى يتحدث إليها. تكرهه عندما يتجاهلها ويتحدث بطريقه جيده مع تالا لماذا لا يتحدث إليها بشكل جيد أيضا.
في الفيلا
كانت شذي تجلس مع مريم يشاهدون فيلما على التلفاز ليدخل صخر بغضب ويغلق الباب بقوه
مريم بهمس: يا ساتر يارب
شذي: مالك يا صخر
صخر بأسلوب سوقي وصوت عالي: امي بقولك ايه انا مخنوق
شذي بتقزز: اتكلم بأسلوب احسن من كده، انت مش طامر فيك تربيتي خالص
ضحكت مريم ليضربها على مؤخره رأسها لتصرخ باعتراض
شذي بغضب: يا كلب اختك
صخر باعتراض: انا اما اتكلم بتضحك ليه. دي مش عيشه.
تركهم وصعد إلى غرفته. مريم: شكله زعلان يا مامي بجد
شذي وهي تقف: هطلع اشوفه
صعدت شذي إلى غرفه صخر وطرقت على الباب
فتح وجلس مره اخري على الفراش وهو يضع رأسه بين يده لتجلس بجانبه
شذي ؛ مالك يا صخر
صخر بحزن: تالا مش بترد على اتصالاتي وله راضيه تكلمني. وكمان اختها ال#
شهقت شذي ولكمته في يده: انت يا زفت قولتلك ميت مره مش تشتم
صخر: يوووه، ما هي تستاهل
شذي: عيب كده تشتم وكمان اخوك هيزعل منك.
صخر: حتى جبل شكله كرهها وانا هتبعد تالا عني، (نظر لشذي) بصراحه يا امي انا البت تالا عجباني ودخلت قلبي وعايز اتجوزها
شذي بابتسامه: انا لازم اتعرف عليها، دي شكلها هتعمل اللي انا مقدرتش عليه
صخر: مش فاهم، قصدك ايه
شذي: شكلها هتربيك يا صخر، عجبتني البت دي
نظر لها بطرف عينه بغيظ: هو ده وقته يا شذي
شذي: حددلي معاد مع تالا
صخر: ما انا لسه بقولك مش بترد عليا
شذي: خلاص شوف يوم واروح معاك ونكبس عليهم.
صخر قبلها من وجنتيها: ربنا يخليكي ليا يا موزتي
ضحكت شذي: ربنا يسعد قلبك انت وأخواتك يارب
صخر: يارب.
في المساء
كان يتناولون العشاء وجبل شارد التفكير
فيصل؛ جبل مش بتاكل ليه
جبل: ها. اصل انا شبعان
شذي: انت كلت بره تاني.
جبل: لا يا ماما بس مليش نفس
صخر: آماه مش هتقولي لابويا بقي؟
شعرت بالقرف من طريقته في الحديث
ضحك عمير ومريم على تعابير شذي...
شذي بحسره: أماه. وأبويا دي تربيتي، يرضيك كده يا فيصل
ضحك فيصل: اما انك عيل ابن مش متربي
شذى: يووه انت كمان هتشتم
انفجر الجميع بالضحك.
صخر قبل يدها سريعا: اسف يا مامي. حلو كده
عمير: اوبا. لا شكلك ماسكه عليه ذله
مريم لعمير: انت مش مصدقه ده قالها يا مامي
شذي بعدم تصديق: اخر مره قولتلها كان عندك 6 سنين
عمير: يااااه يا عبد الصمد. زمن
صخر وهو ينظر لإخوانه: نخف شويه العسل علشان مقومش اعملها معاكم
فيصل، بتهديد: بتقول حاجه يا صخر. هتعمل ايه
صخر: احم، مفيش يا حاج. ده انا بهزر
جبل كان ينظر للجميع بملل. أكملو طعامهم.
لم يخلو العشاء من مشاكسات مريم وعمير. اما جبل فكان هادئ. صخر ينظر إلى شذي لتستأذن من فيصل وتذهب معه إلى بيت تالا
ولكنه تتجاهله.
في غرفه فيصل وشذي
فيصل: شذي انتي اتكلمي مع. جبل انهارده
شذي: لا يا فيصل، سألته بس هو مردش عليا، بس اللي فهمته من صخر أن البنت اللي اسمها تاليا هي اللي مضايقهم، دي شكلها رهيب
فيصل ابتسم على طريقه شرحها ليجلس ويجلسها على قدمه تعلقت برقبته. فاقترب هو وقبلها على شفتيها. وابتعد لتبتسم وهي تهمس: بحبك
فيصل: بموت فيكي يا شذي.
شذي ضحكت وهي تنظر لعيونه: نسيت انا كنت بقول ايه.
ضحك الآخر: كنتي بتتكلمي على تاليا
شذي ؛ اه صح. البنت دي بقي هي مطلعه عين صخر وجبل، استفزت صخر جدا
فيصل: اخيرا في حد استفز صخر، يستاهل
شذي: ما انا بقول كده برضو، بس هو صعب عليا، شكله بيحب تالا اختها
فيصل: لو أهلها هنا كنا روحنا خطبنها لصخر
شذي: ما انا هروح بيتهم واقبلهم واتكلم معاها
فيصل: بتقرري من نفسك كده يا شذي
شذي: لا يا حبيبي ما انا بحكيلك اهو علشان استأذن منك، ممكن تخرج واروح ازورهم، من فضلك مترفضش.
فيصل: هتروحي لوحدك
شذي: هروح انا ومريم نقابل البنات وهنتكلم
فيصل: ماشي يا شذي
قبلته برقه: شكرا
غمز لها: عفوا.
في اليوم التالي
استيقظت مريم على صوت الهاتف لتجيب وهي مغمضه العينين: الو
حاتم: صباح الخيرات على ست البنات
فتحت عينها ونظرت للهاتف لتجد رقم حاتم
: انت اتصلت غلط
حاتم: طيب ردي الصباح الاول وبعدين استظرفي
مريم: مش بستظرف والله، انت بتكلمني انا
حاتم: بكلم حد جنبك، ايوه بكلمك انتي، نائمه لحد دلوقتي ليه
مريم: علشان عايزه انام
حاتم: ظريفه، قومي البسي علشان اجي اخدك ونروح الجامعه
مريم: مش عايزه اروح انهارده.
حاتم: مرررريم، قومي البسي بسرعه، وانا هنزل من البيت اهو وهادي عليكي، عارفه لو جيت ولقيتك مش جاهزه، هتشوفي هعمل فيكي ايه
مريم: اصلا انا مش بتهدد وبابي هنا في البيت ومش هتعرف تعمل حاجه
حاتم: بجد، طيب هنشوف انا جيلك
اغلق الهاتف في وجهها لتنظر إلى الهاتف بتفكير
هل تذهب إلى الجامعه ام لا.
في بيت لوزه وفيصل
لوزه: حاتم كنت بتزعق على الصبح كده ليه
حاتم: الهانم مش عايزه اروح جامعتها
لوزه: الهانم مين
حاتم: مريم، بقالها اكتر من اسبوعين مرحتش. الجامعه
رفعت أحد حاجبيها وهي تنظر إلى ابنها
حاتم: ايه في ايه، بتبصيلي كده ليه
لوزه: مفيش، تعال افطر
حاتم: لا انا هفطر مع مريم. سلام
خرج واغلق الباب لتنظر إلى الباب: يكون هي مريم اللي بيتكلم عنها وله واحده تأني، اما يرجع هخليه يعترف.
لتشعر بمن يجذبها من يدها: بتكلمي نفسك ليه
ابتسمت: اكلم مين طيب
بندق: كلميني انا، هو انا قصرت في حاجه
ضحكت: مش قصرت
قبلها. حازم: الله الله، راعي ربنا ان في سناجل هنا
بندق: سناجب ايه ياض
حازم بتصحيح: سناجل يا بابا يعني، مش مرتبطين
لوزه ضحكت: طيب ما ترتبط، حد قالك مترتبطش
بندق: ياريت تتجوز، احنا زهقنا منك
حازم: فين حنيه الاب وحنان الام.
بندق: كفايه عليك كده كبرناك وبقيت دكتور هتتجوز أمتي. وانا قدك كنت متجوز امك
حازم: قاعد على قلبكم، مش هتجوز دلوقتي
لوزه: ايه رائيك اما اشوفلك عروسه
حازم: ايه يا ماما الكلام ده، انا عايز اختار شريكه حياتي بمزاجي
لوزه: انا نفسي افرح بيك
حازم: أن شاء الله، ادعيلي انتي بس وربنا هيكرمني
لوزه: على طول عليك انت واخوك واختك
بندق: وانا
لوزه ببسمه: وانت طبعا يا عبده هو انا ليه غيرك انت
حازم: اوعدنا يا رب.
بندق: يا ساتر على عينك. تعالي يا حبيبتي نجهز الفطار مع بعض
حازم وهو يلبس حذائه: انا نازل يا ولاد، افطرو انتم وبلاش شقاوه
ضحكت لوزه وبندق شتمه
حازم: تشكر يا باشا. سلام عليكم
ليفتح الباب ويخرج.
في بيت شذي
قررت مريم أن ترتدي ملابسها فهي تعلم جنون حاتم. لن يتركها وهي لا تريد أن تحدث مشكله بينهم يكفي أن بدأ أن يحسن طريقته معاها
نزلت لاسفل
لتجد شذي وفيصل وعمير وصخر وجبل يتناولون الإفطار
مريم: صباح الخير
الجميع: صباح الخير
فيصل: انتي هتنزلي الجامعه
مريم: اه يا بابي
رن جرس الباب. عمير: انا هفتح
ذهب ليفتح ليجد حاتم أمامه: تعال يا حاتم
حاتم: سلام عليكم
ردو السلام بينما هو نظر إلى مريم ليجدها تجلس.
فيصل: تعال يا حاتم اقعد
حاتم: لا يا خال. افطارو انتم
شذي: تعال افطر معانا. دي مريم صحيت بدري وهتروح الجامعه
جلس حاتم: كويس.
صخر: انت كنت عارف انها رايحه
شذي: هو اللي أقنعها، اصلها مكنتش راضيه تروح
فيصل نظر إلى حاتم ليبتسم بتوتر الآخر
جبل: افطري وهوصلك. صخر: وانا هرجعك البيت
حاتم: مفيش داعي، هي مواعيدها مع مواعيدي وانا هوصلها وارجعها
فيصل: وايه تاني
حاتم: ها.
شذي داست على قدمه ليهدا: حاتم معاها في الجامعه يا فيصل وهو هيخلي باله منها
صخر: محدش يقدر يقرب منها. انتي خايفه وله ايه
مريم: لا
عمير: متخفيش يا مريم من حاجه لو حد ضايقك اتصلي بينا واحنا هنجيلك
مريم: حاضر
جبل مسد على شعرها: انا ممكن أجل شغلي لحد اما تخلصي جامعتك وهستناكي قدام الجامعه
نظرت له بدموع: شكرا يا جبل.
ضمها بحب
لينظر لها الآخر بغيره ونظر إلى الصحن.
فيصل: بنت فيصل جبل متخفش من حاجه، انتي مش ضعيفه ومحدش يقدر يقرب منك وغير كل ده ربنا هيحميكي
صخر وهو يضيف بمرح: يا بت اي حد يكلمك قوليله انك تبعي
مريم مسحت دموعها وهي تضحك: حاضر
بينما حاتم ينظر لها بغيظ لماذا تخاف وهو معاها لن يتركها ولن يسمح لأي مكروه أن يصيبها
تناولو الفطور وجبل اوصل حاتم ومريم إلى الجامعه
ثم انطلق إلى عمله.