قصص و روايات - قصص رومانسية :

رواية الوقح والراقية جزء 2 للكاتبة ياسمين علاء الدين الفصل السابع عشر

رواية الوقح والراقية جزء 2 للكاتبة ياسمين علاء الدين الفصل السابع عشر

رواية الوقح والراقية جزء 2 للكاتبة ياسمين علاء الدين الفصل السابع عشر

في اليوم التالي
استيقظت مريم واستعدت للذهاب إلى الجامعه
في الاسفل
كان فيصل وجميع الاسره يتناولون الإفطار
جلست بعد أن ألقت عليهم تحيه الصباح
فيصل: افطري وهوصلك
مريم: متتعبش نفسك يا بابي، انا ممكن اخد تاكس. مش كل يوم حضرتك هتوصلني
صخر: ليه تاكس انا هوصلك
مريم: ماشي
فيصل: مريم هو حاتم بيوصلك وانتي راجعه
مريم: لو محدش جه خدني هو بيوصلني لحد هنا
شذي نظرت لفيصل باستفهام لا تفهم سبب السؤال.

ولكن اندهشت عندما سمعت ما قاله
: اليوم اللي محدش من اخواتك يكون فاضي فيه قوليلي وانا هاجي اخدك
مريم: ليه يا بابي
فيصل: من غير ليه
صخر: غريبه يا بابا اول مره تقول كده
جبل: هو حاتم عمل حاجه
فيصل وهو يشبك أصابعه ببعض: لا، معملتش حاجه، بس انا هكون مطمن اكتر وهي معاكم أو معايا
صخر: اول مره تتكلم بالطريقه دي
فيصل: مالها الطريقه يا بشمهندس انت هتحاسبني
صخر: اسف يا بابا، بس بسال.

فيصل: كلمتي تتنفذ من غير نقاش، ومش عشان كبرتو هتقفولي على الكلمه
توتر الجو تدخلت شذي: هما مش قصدهم حاجه يا فيصل، اشرب قهوتك يا حبيبي واللي عايزه هيعملوه
مريم: الحمد لله شبعت
عمير: انا كمان الحمد لله
وقف صخر وجبل. صخر: انا هوصل مريم
جبل: وانا هوصل عمير
قبلو جبين أبيهم وأمهم وخرجو.

شذي: فيصل في ايه في دماغك
شرب رشفه من قهوته: مفيش
شذي: زي ما انت بتعرفني وبتفهمني من غير كلام انا كمان بفهمك من غير كلام
نظر لها بطرف عينه لتستند على يدها: ها
ابتسم: ها ايه
شذي: يووه يا فيصل، احكي بقي
فيصل: الحكايه كلها أن انا حاسس كده أن الواد حاتم مش طبيعي وشاكك فيه
شذي: قصدك أنه بيحب مريم
رفع حاجبيها لتبتسم: خدت بالي بس فيها ايه
فيصل: لو كده هتكون في مشاعر بينهم، وده مش كويس، مفروض يجي يتقدم.

شذي: مش ممكن يكون مش مستعد، ده هو حتى لسه معترفش لمريم بحاجه
فيصل: ومش عايز يعترف غير اما يطلبها مني، دي بنتي ولازم احافظ عليها
شذي: بس حاتم محترم ومش ممكن يعمل حاجه ازعلك
فيصل: بس اللي بيحب بيكون مش مسؤل عن تصرفاته وممكن يقرب منها.
صك ع أسنانه بغضب وهو يتخيل: ووقتها هفرمه
ضحكت شذي: انت خلاص اقتنعت أنه ممكن يقرب منها ويعمل فيها حاجه. حبيبي اهدأ، دي حتى بنتك مطلعه عينه.

ضيق عينه ؛ مطلعه عينه ازاي، انتي تعرفي حاجه وله سمعتي حاجه
قضمت شفتيها: احم لا، بس بشوف طريقتها في التعامل معاه ناشفه
فيصل: لازم تكون ناشفه، دي بنتي
ابتسمت: وبنتي انا كمان وعايزه افرح بيها وبصراحه كده مش هتمني حد احسن من حاتم انا واثقه فيه أنه هيحميها...
فيصل: اما نشوف هيتحرك أمتي، لو حالها عريس كويس ووفقت عليه مش هقدر أمانع
شذي: لا أن شاء الله هيتحرك.

في البيت تالا وتاليا
كانت رحمه تجمع ملابسها لتدخل لها تالا
تالا: بتعملي ايه
رحمه: همشي
تالا: انتي بتهزري صح
رحمه: لا يا تالا، انا تقلت عليكم وغير كده باباكي ومامتك هنا وانا لازم امشي
تالا: مش هيحصل خليك هنا معانا في الوقت ده انا وتاليا محتاجينك
جلست وهي تبكي فهي تشعر بالحزن بسبب رفض والدتها طلب صخر للزواج ومنعها من الخروج والتحدث مع صخر
رحمه ضمتها: مالك بس يا تالا.

تالا: ماما رافضه صخر وجبل وعايزانا نسافر تاني معاها ونرجع تركيا، هتبعدني عن صخر وانا حبيته
رحمه: ايه سبب رفضها
تالا: مش عايزنا نتجوز هنا في مصر، خليكي معانا يا رحمه
رحمه: حاضر يا تالا، متزعليش وان شاء الله صخر وجبل هيلاقو حل ويقنعو والدتك
تالا: يارب يا رحمه انا مش عايزه ابعد عنه
رحمه: ربنا يجمعكم على خير يا حبيبتي.

اضطرت رحمه أن تجلس مع تالا وتاليا رغم أنها كانت قررت أن تبتعد عن البيت ولكن لم تستطيع أن تتركهم وهما هكذا.

جبل وصخر يفكرون في طريقه ليتحدث مع البنات
صخر: خلاص نسلط عليها كلب يعضها وتروح لا المستشفي
جبل: لا
صخر: نكلم حد يقتلها
جبل: قتل ايه يا مجنون. حرام يا عم
صخر: عندك حق، بص انا هضربها بالمسدس اللي بيصطادو بيه الحيوانات ده وتنام وندخل نشوف البنات براحتنا
ضحك جبل: ياض انت كل أفكارك عنيفه كده، لا مش حل
صخر وهو ينفخ: طيب ما تفكر انت، هو كل اما اقول حل تعترض
جبل بتفكير: بس لاقيتها
تحدث جبل مع صخر عن الخطه.

في هذا الوقت
كانت مريم تسير في الجامعه لتجد شاب من زميلها يقف أمامها: انسه مريم ممكن اتكلم معاكي
مريم: اتفضل يا مدحت
مدحت: مريم انا معجب بيكي
تغيرت ملامحها: لو سمحت انا هنا علشان اتعلم، ومبحبش حد يكلمني بالاسلوب ده
مدحت: انا مش قصدي حاجه وحشه، انا كنت عايز رقم باباكي علشان اجي انا وولدي ونطلب ايدك
لتجد نفسها تبتعد عن مكانها بخطوات بفعل يد تقبض على يدها ليقف أمام مدحت: تطلب مين ياسطا
مدحت: انسه مريم.

حاتم وهو يبتسم ابتسامه صفراء: هه، معلش جيت متاخر، الانسه دي مخطوبه
فتحت مريم عينها على وسعهم
مدحت: انا اسف مكنتش اعرف ان حضرتك مخطوبه
حاتم: حصل خير
ابتعد مدحت ليقف حاتم بغيظ وهو ينظر إلى مريم: ازاي تسمحي آن واحد يقف معاكي كده
مريم: هو طلب مني يسألني على حاجه، وبعدين ازاي تقوله ان انا مخطوبه، كده هتطلع عليا سمعه
حاتم: هي الدكتوره منتظره عريس من. هنا
مريم: لا طبعا. بس كلامك غريب، انا كنت هرفض اصلا.

ارتسمت ابتسامه على وجهه لتكمل هي بتشنج في وجهها بسبب تلك الابتسامة المستفزه على وجهه: لو واحده من اصحابي جت تقولي فين خطيبك اقولها ايه يعني
حاتم وهو يشير إلى نفسه: مش مالي عينك أنا وله ايه، انا خطيبك
احمر وجهها بصدمه: انت بتقول ايه.
حاتم: بقول اللي هيحصل، بطلي تتهربي من حقيقه انتي عارفها.
مريم: عارفه ايه انا مش عارفه حاجه انا اتفاجأت
حاتم: أوضح اكتر من كده ايه، الدكتوره مش بتحس.

مريم: اتكلم معايا كويس انا اكبر منك
اقترب اكثر منها ونظر لها بتحدي: مكنتش سنه اللي قرفاني بيها، بس برضو انتي ليا، اتفضلي على محاضرتك، هتتاخري.

تحركت من أمامه بسرعه وهو ينظر لها بابتسامه لقد باح بما في قلبه وليحدث ما يحدث ولكنها لن تكون لغيره، حتى لو انتظرها عمر لكي تحن عليه لن يمل، اما مريم فهي في حاله ذهول وصدمه من كلامه لم تفهم مشاعرها في هذا الوقت كل ما يحدث أن قلبه يدق بطريقه غريبه طريقه لم تشعر بها من قبل خوف ام امان. فرح ام صدمه لا تعلم كل شئ تدخل في بعض ولاول مره تشعر بتلك الحيره. جلست مع صديقاتها والدكتور يشرح أمامها ولكن عقلها في مكان آخر، ض.

اقترب جبل وهو يضع قبعه على وجهه وفي يده عليه بيتزا
فتحت الباب فريهه: نعم
جبل: البيتزا يا فندم
فريهه: مين طلب بيتزا
جبل: انسه تاليا يا فندم
دخلت فريهه وهي تصرخ على تاليا، لتنزل الأخري سريعا من أعلي: نعم annee(امي)
فريهه: البيتزا بره
دخلت وتركتها لتقترب من الباب: مطلبتش بيتزا انا
فتحت الباب
لتجد شخص أمامها يرتدي قبعه تغطي وجهه
: انا مطلبتش بيتزا بس هاخدها علشان جعانه
ضحك ورفع رأسه: بالهنا
شهقت بسعاده: جبل.

جبل ؛ اششش. وطي صوتك
كانت سعيده لدرجه انها اقتربت منه وضمته ليتفاجا من فعلتها ولكنه بادلها الضمه
تاليا بدموع: كنت فاكره انك مش هتيجي ومش هشوفك تاني، قولت انت اكيد فرحان بعيد عني
اغمض عينه بحزن: مش هنبعد عن بعض...
أبعدها برقه وهو يمسك يدها: هتلاقي تليفون ليكي وواحد لتالا هنا في البيتزا، خبيه وكلميني عليه لحد اما نشوف حل
حركت رأسها سريعا وهي تبتسم وسط دموعها.

رفع يده ومسح دموع العين: مش هنبعد عن بعض يا قلبي
تاليا: انا بحبك جبل
جبل بسعاده: وانا بموت فيكي يا قلب جبل.
فريهه من الداخل: تاليا، تالا
فزعت من مكانها. جبل وهو ينظر لعيونها: ادخلي و اما تكوني لوحدك كلميني
تاليا بحزن: حاضر
ابتسم لها لتدخل بحزن
صدعت سريعا إلى غرفتهم وفتحت البيتزا لتخرج الهواتف وتضمهم بسعاده.

ذهب للسياره حيث صخر الذي ينتظره بتوتر
صخر: ايه الاخبار
جبل: تمام، تاليا خدت الموبيل
صخر: كنت عايز اشوف تالا
جبل: مش هينفع لانك مش هتعرف تتعامل مع امها
صخر: انا فعلا كنت هتغبي عليها
جبل: ده انا كنت قلقان تا البيتزا هي وله تفتح العلبه وقتها كنا هنتقفش
صخر: ربنا ستر الحمد لله.

في الاعلي
كانت تاليا تمسك الهاتف لتسمع صوت والدتها خارج الغرفه
نظرت بصدمه إلى مقبض الباب الذي يتحرك وتجمدت في مكانها، وهي تمسك الهاتف بيدها.

الفصل التالي
بعد 22 ساعة و 28 دقيقة.
جميع الفصول
روايات الكاتب
روايات مشابهة