رواية الوقح والراقية جزء 2 للكاتبة ياسمين علاء الدين الفصل الرابع عشر
تجلس العائله معا
صخر وبجانبه تالا يتحدثون بهمس ويبتسمون
ورحمه عمير يتحدث معاها وحازم يتابعها بصمت
بندق وفيصل يتحدثون معا. مريم تتحدث مع عمتها وحاتم
شذي اخذت تاليا إلى المطبخ يحضرون شيء، كي تشغلها عن التفكير في الأمر وترفع عنها الحرج.
ليفتح الباب اخيرا ويدخل جبل وهو يقرر في قراره نفسه أن ينهي هذا الأمر
جبل: السلام عليكم
الجميع رد السلام. لوزه: اتاخرت ليه يا جبل
جبل: كان عندي كام مشوار شغل كده، خلصته وجيت
بحث بعينه عنها لم يجدها ليصافح تالا ورحمه ويرحب بهم
خرج من المكان ليجد أمامه شذي و بجانبها تاليا بفستانها هذا
فتح عينه بصدمه هل كانت هكذا أمامهم
اقترب منها بغضب وهي تبتسم بسعاده لانه حضر اخيرا.
جبل بغضب: ايه القرف اللي انتي لابسه ده
نظرت في عيونه اللحظه لم تفهم ما يقوله فهي ظنت أنه سيفرج عندما يرأها
شذي: جبل اتكلم بأسلوب كويس
جبل: هو ده اسلوبي، (نظر إلى تاليا) انتي انسانه مش محترمه مش بس. لسانك طويل لا ده كمان لبسك سافل
وقفت شذي أمامه بغضب: انت اللي مش محترم وسافل وانا فعلا معرفتش تربيك، ازاي تكلمها بالاسلوب ده
اخفضت رأسها وبكت لتبتعد عنهم و تذهب إلى الباب و تخرج.
شذي وهي تنظر خلفها لم تجدها: اقسم بالله يا جبل لو مرجعتش تاليا لهنا وكلمتها كويس، انا مش هقعد معاك في بيت واحد
نظر لوالدته بعدم تصديق لاول مره تفضل أحد عليه ليجد الجديه في كلامها
خرج من المنزل سريعا وهو يبحث عنها ليجدها تسير في الشارع فهي حتى لم تأخذ حقيبتها ولا مفتاح السياره فقط كانت تريد أن تبتعد عنه
كيف يعاملها هكذا ومن جهه اخري طلب أن تتزوج منه كيف
شعرت بيد قويه تجذبها لتنظر بخوف وجدته أمامها.
نظر إلى وجهها الذي احمر من البكاء ليشعر بالم في الجزء الأيسر من قلبه
تاليا بدموع: عايز ايه، جاي ورايا ليه
صك على أسنانه وهو ينظر إلى كتفها العاري وفستانها الضيق ليخلع جاكت البدله ويضعه على أكتافها
وضعت يدها لتنزعه لينظر لها بشر: اياكي
تاليا: انت مالك بيا
جبل: البسي الجاكت واحترامي نفسك
تاليا بغضب: انا قليله الادب. ملكش فيه
جبل بغضب اقوي: انا اللي هربيكي يا تاليا، اقسم بالله لو محترمتيش نفسك و اتكلمي عدل.
قطعته هي بغضب: هتعمل ايه يعني، انت فاكر بأسلوبك ده هتقدر تتحكم فيا، لا انت غلطانه انا مسافر لبابي ومامي ومش هقعد هنا ومش عايزه اشوفك تاني
جبل: طيب كويس، انتي وفرتي الكلام اللي كنت هقوله، سافري واعملي اللي انتي عايزاه بس بعيد عني، إنما طول ما انتي هنا هتعملي اللي انا عايزه
بكت أكثر ليتجاهل كلام قلبه الذي يخبره أن يجذبه ويضمها لينظر لها بلا مبالاه عكس النار التي تشتعل به.
جبل: البسي الزفت ده، و لبسك العريان ده خليه اما تسافري اعملي اللي على مزاجك
تاليا: انت مالك كنت اشتريت البلد ليك
جبل: لا ليا، قدام الكل انتي خطيبتي
تاليا: انا مش موفقه على كلامك، شوف حد تمشي عليه غيري
جبل: عليكي وعلى اي حد
اقترب شاب مفتول العضلات وضخم من تاليا: في ايه يا انسه، حد بيضيقك
تاليا بعند: اه، الاستاذ ده معرفش عايز مني ايه
فتح عينه بصدمه. ليجد الشاب يقف أمامها: ايه يا شبح مالك بيها.
جبل: اخفي من وشي دلوقتي علشان هنفخك اكتر من ما انت منفوخ
تاليا قضمت شفتيها بقلق هل تسرعت ولكن لا مجال للندم الان
الشاب: تنفخ مين يا عم
وقف امام جبل وهو يبدو ضعفه في الحجم
جبل: ياض كل اللي فيك ده نفخ، انت اخرك كلام
وضع الآخر يده على كتف جبل باستهزاء ولكن بحركه من جبل أوقعه على الارض
شهقت تاليا عندما وجدت الشاب يقع على الارض وجبل اكمل عليه ليجلس بركبته على رقابته
جبل: مش بالجسم يا شبح.
ارتدت الجاكت سريعا وأغلقت ازراره ووقفت بهدوء
نظر لها جبل لتنظر إلى الأرض
جبل: اضرب المربوط يخاف السايب
(مثل شعبي)
امسك يد تاليا لتسير بجواره: صح يا سايب
ابتسمت بتوتر ابتسامه صفراء وهي تسير بجانبه
جبل: هنرجع البيت مش عايز اسمع صوتك، وياريت تفهمي أن اختك فرحانه ومتنكديش عليها، كمان للاسف شذي حبيتك وانا مبحبش ازعلها.
نظر لها ليجدها تنظر له: على فكره بقي انا رجعت معاك علشان خاطر ماما شذي، لكن انا مش عايزه اشوفك
صك على أسنانه: أن شاء الله هقطع ام لسانك ده وهعلقه في رقابتك بسلسله علشان كل اما تشوفيه تتحسري على نفسك
كانت تتخيل هذا المنظر لتشعر بخوف وقررت أن تتحدث معه بأسلوب مختلف.
في البيت
كانت شذي تجلس بحزن ووجهها احمر من ما فعله جبل في تاليا
فيصل: شذي مالك
حاولت أن تبتسم: مفيش
قلق عمير ليجلس بجانبها: حبيبتي وشك احمر
مريم: وهي تضع يدها على جبينها: مالك يا مامي.
شذي وهي تنظر لهم وتبتسم: مفيش حاجه كبرتو الموضوع يا شباب، انا بس حاسه بصداع عادي في ايه
مريم: تعالي نطلع فوق قيسي الضغط
لوزه: اه ممكن يكون الضغط عالي، بيعمل فيا كده
شذي: ضغط ايه، انا معنديش ضغط، كويسه.
تنهد فيصل وهو ينظر إليها لانه يعلم أنها تخبئ عنه شئ
وتأكد أكثر عندما نظرت للباب وابتسمت وهي تري جبل وتاليا يدخلون معا
تنهدت براحه واتسعت ابتسامتها وهي تري جاكت جبل ترتديه تاليا
جلس بجانبها جبل وجذب تاليا لتجلس بجانبه، كانت ستعارض ولكن بنظره منه ابتلعت الكلام في جوفها
مريم ؛ مامي تعالي اقيسلك الضغط
جبل: مالك يا ماما، الف سلامه عليكي
ابتسمت له: انا دلوقتي بقيت كويسه اوي.
وضعت رأسها على كتف فيصل بسعاده ليقبل رأسها فهي ما زالت طفله
تناولت الاسره معا الطعام
مريم ورحمه وتالا وتاليا يساعدون شذي لوزه
عمير: البيت حلو بالبنات والله
فيصل نظر له بطرف عينه ليكمل: بس قاعده الرجاله متتعوضش صح يا زومه
ضحك حازم: يا بني احترمني انا لو اتجوزت هخلف قدك
عمير: انا محدش يعرف يجيب قدي، غير فيصل باشا
فيصل ضحك. بندق: انت مشكله والله
فيصل: هي حياه مجتش ليه هي وبنتها وابنها وجوزها.
بندق: قالتلي ابنها تعبان وهتقعد معاه
فيصل: ربنا يهدي سرها.
في المساء
كانت البنات تستعد ليرحلو من البيت
عمير. وهو يسبل بعينه: باتو هنا انهارده
مريم ؛ اه صاحو خليكم هنا ونسهر مع بعض
تالا: طيب تعالي انتي اسهري معانا
عمير: وانا
ليقترب صخر: انت ايه يا زفت
عمير: انا مش عارفني انا توهت مني
وضعت مريم يدها على كتفه: انا مش انا
ضحكت الفتايات. صخر: متحوليش تغني تاني
فيصل وشذي معا ينظرون إليهم من بعيد وهم يضحكون معا بسعاده
لوزه وهي تنظر إلى ابنها: وانت مش ناوي
حازم: لسه.
لوزه: ليه لسه هتفضل قاعد كده هتعنس
حازم: بلاش فضايح البنات لسه ممشيتش
بندق: لوزه خلاص اما يمشو اتكلمي معاه
لوزه: ايه رائيك في البت رحمه، شكلها جميل ومؤدبه
حازم: لو مضايقه مني مممكن اسيب البيت وامشي
لوزه: يا واد انا عايزه افرح بيك
حازم: انا راجع البيت، سلام
بندق: واد، استني
حازم: عندي مستشفي الصبح بدري، سلام.
صخر: يلا اوصلكم
تالا: خليك احنا معانا العربيه
صخر: هوصلكم برضو، تعالي اركبي في عربيتي
جبل من خلفهم: انا هسوق عربيتكم، انتي اركبي مع صخر
تاليا: وتسوق انت ليه عربيتي، انا بعرف اسوق!
نظر لها بتهديد: بتقولي حاجه يا تاليا
تاليا: ها، لا مقلتش
ضحكت تالا: اين هي تاليا لا اراها
: رخمه
القو السلام على أفراد العائله و خرجوا من البيت
استقلت تالا السياره بجانب صخر
صخر قاد السياره الأخري ومعه تاليا ورحمه.
بعد أن خرجت الفتايات
جلس فيصل مع حاتم وبندق وعمير
مريم وشذي لوزه كان معا في مكان منفصل
أصرت شذي أن يضلو معاهم اليوم.
كان طول الطريق صخر شابك يده مع يد تالا التي كانت تشعر بالخجل
تالا: سيب أيدي
صخر: لا
تالا: انت مش قولتلي هتحافظ عليا، سيب أيدي بقي
قضمت على شفتيه بتفكير ثم اضظر أن يتركها
ليضم شفتيه معا بحزن
تالا: لطيف
وضعت يدها في يده وهي تبتسم ليضحك.
في السياره الأخري
كانت الأمور مشتعله
لجبل يحاول أن يتحكم بلسان تاليا الطويل
تاليا: انت ماشي زي السلحفاه كده ليه
رحمه نظرت لها بتحذير لتصمت ولكن هي لا تصمت
جبل: تاليا لسانك بيطول وأنا حذرتك قبل كده
تاليا بهدوء: انا قصدي انت بتسوق بطئ
رحمه تدخلت لتهدا الأمر: اصلها مش متعوده على السرعه دي، دي بطير بالعربيه
تاليا: فيها ايه
جبل: لا فيها كتير، انتي كده ممكن تعملي حادثه، الاحسن متسوقيش تاني.
عقدت يدها إلى صدرها: انت هتتحكم في كل حاجه في حياتي
جبل: اه هتحكم
نفخت رحمه بملل وهي تفرك في جبهتها من هذه العنيده
: وليه متقوليش أنه خايف عليكي
نظرت تاليا إلى جبل منتظره منه تعليق ولكنه لم يعلق على كلام رحمه
وصلو إلى البيت
لينزل جبل من السياره وصخر أيضا
صخر: تصبحون على خير يا بنات
تالا: وانت من اهل الخير
جبل: خلي بالكم من نفسكم
دخلت الفتايات البيت
ليجدو المنزل أنواره مضيئه وهناك صوت
نظرو إلى بعضهم بتساؤل.