رواية الوقح والراقية جزء 2 للكاتبة ياسمين علاء الدين الفصل الحادي عشر
في الجامعه
كانت تسير مريم بجانب حاتم
حاتم: يعني أنا مش مالي عينك
نظرت حولها لمن يتحدث هذا. وقف أمامها
حاتم: هو انا مش بكلمك
مريم: ها، معرفش انت بتتكلم مره واحده كده، انا عملتلك ايه علشان تقول كده
حاتم: ردي عليا، انا مش مالي عينك
مريم: انا مش فاهمه قصدك ايه، انا عملت ايه
حاتم: انتي بتخافي وانا معاكي
مريم وهي تحرك راسها بلا: لا يا حاتم، انا مقولتش كده بالعكس انت ابن عمتي وعارفه انك تخلي بالك مني.
تشنج وجهه حاتم: ابن عمتك وبس
نظرت له بتوتر فلا تفهم سبب غضبه
حاتم بغيظ: مريم انا بالنسبالي ابن عمتك وبس
مريم: وصديقي برضو وزميلي
صك ع أسنانه: بس
مريم: انت عايز حاجه تاني
حاتم بسخريه: لا هعوز ايه اكتر من كده، كتر خيرك
مريم: مالك يا بني، قلبت ليه
حاتم بغضب وهو يمسك يدها: ابنك مين ياختي، مريم امشي من وشي بدل ما اتعصب عليكي اكتر ووقتها مش عارف ممكن اعمل فيكي ايه
تجمعت الدموع بعينيها: سيب أيدي يا حاتم.
ترك يدها وهو غاضب منها ومن نفسه لماذا لا تشعر بحبه
فرك وجهه: تعالي نشرب حاجه لحد اما المحاضرات بتاعتك تبدأ
مسحت دموعها بيدها: انت مش هتروح لمحاضراتك
حاتم: لا
مريم: بس كده غلط عليك
حاتم: انا بعرف اظبط نفسي. ومتتكلميش كتير
عاد مره اخري بأسلوبه المستفز، تكره هذه الطريقه عندما يتحدث معاها
جلس على الكافيه ليطلب لها حليب الشوكولاته الساخن. وطلب له قهوه
وهو ينظر إليها بغموض وهي تشعر بالتوتر من نظراته.
اما صخر فحاول أن يتواصل مع تالا و يتصل بها ولكنها لا تجيب ثم أغلقت الهاتف
ليلعنها ويلعن نفسه أيضا.
جبل كان يتابع تجهيز المركز وهو يحاول أن ينهيه سريعا كي يرتاح
ولكنه تذكر أنه لن يرتاح فهي ستصبح أمامه وقت أطول
لا يعلم اتعجبه تلك النقطه ام لا
فهو يشعر انه يريد الابتعاد عنها ولا يراها لوقاحتها معه. اما يريد أن يراها فهو يحب رؤيتها ولكن لسانها هذا هو ما يجعله ينفر منها
تنهد بحيره حقا لا يفهم نفسه ولا يفهم سر التشتت هذا. يحاول أن يثبت على موقف واحد اما يبتعد أو يقترب.
اصر حاتم أن يدخل مع مريم إلى محاصرتها ويحضر معاها
مريم بهمس: انت مش طب، قاعد ليه
حاتم: قاعد علشان الحماره
احمر وجهها: مش تشتم
نفخ: اوكي، قاعد معاكي لحد اما تحسي انك كويسه ومش بتخافي، انهارده اول يوم تنزلي بعد اللي حصل واكيد متوتره
ابتسمت بشكر: شكرا يا حاتم انت جدع على فكره
حاتم: يكش يطمر فيكي وفي اهلك
مريم: انت مش جدع على فكره
ضحك الاثنان لينظر لهم المعيد بتحذير: اللي هيضحك تاني يخرج بره احسن.
حرك الاثنان رأسهم بموافقه.
حازم انتهي من دوام المشفي الحكومي
(فهو يعمل صباحا بالمجان وفي المساء يعمل في العياده)
ذهب إلى مطعم يتناول اي وجبه حتى يستعد لدوام الثاني
كانت رحمه تعمل في ذالك المطعم لتصرف على نفسها يكفي أن تالا وتاليا رفضوا أن ترحل عن البيت
ترتدي زي النادله والحجاب وتقترب من الطاوله وهي تمسك المانيو في يدها. هو كان ينظر إلى هاتفه
رحمه: شرفت المطعم يا فندم، تحب حضرتك تطلب ايه.
رفع رأسه إليها ليتفاجا بها: رحمه عامله ايه
شعرت بالخجل: الحمد لله يا دكتور
لم يحب أن يخجلها أكثر لانه شعر بها خجله
حازم: دائما بخير، انا مفطرتش وجعان وعايز اكل
رحمه ابتسمت: تحب تاكل حاجه محدده
حازم: اي حاجه، هاتي التلاجه هاكلها عادي
ضحكت هي: قصدي لحمه وله فراخ وله سمك
حازم: مش بعرف اكل السمك ده. ، هاتي فراخ
ابتسمت: تمام، تحب تشرب مشروب معين
حازم: عصير برتقال فريش
رحمه: دقائق الاكل يجهز.
ابتعدت وهو ينظر لها يشعر أن هناك شئ غامض بها لذلك يريد أن يعلم ما هو ولكن كيف. كيف.
في الجامعه
كان حاتم برفقه مريم ومعاهم اصدقائها البنات
يضحك ويمزح معاهم ومريم تبتسم
احد صديقاتها: دمك خفيف اوي يا حاتم، انت ليه مش كنت بتيجي تقعد معانا
حاتم: اصلي مش فاضي، مشغول
صديقه اخري: انت مرتبط
مريم: على فكره ده اصغر منك
حاتم بغيظ: بسنه واحده
ردت الفتاه: عادي يعني مش فرق كبير اللي هنتكلم فيه.
حاتم وهو يعدل من ملابسه بغرور: والله انتي بتفهمي، انا مش مرتبطه
ضحكت البنت.
مريم بسخريه وهي تغني له: كل البنات بتحبك، كل البنات حلوين
لتكمل اخري: طبعا يا سيدي يا بختك وانت اللي ذيك مين.
في المطعم
انتهي حازم من تناول وجبه الطعام.
لتقترب رحمه: هنا وعافيه
حازم: شكرا، بجد انتي نجده، انا كنت هموت من الجوع
رحمه: بعد الشر عنك، انت عرفت مكان المطعم فاي وقت اتفضل وفي كمان توصيل طلبات لو انت مش هتقدر تيجي بنفسك
ابتسم حازم: اقعدي عايز اتكلم معاكي
رحمه: انا اسفه، بس ده وقت الشغل مش هينفع اقعد فيه
حازم: طيب هتخلصي أمتي ونتكلم مع بعض
رحمه: حضرتك انا بعد الشغل برجع البيت.
حازم: مش قصدي حاجه غلط، ارجوكي متضيقش مني
رحمه حركت رأسها بنعم: اتفضل الحساب
حازم: رحمه تحبي تشتغلي معايا في العياده، انا محتاج سكرتيره تظبط المواعيد
رحمه: شكرا لحضرتك، بس انا بشتغل هنا ومرتاحه
حازم لم يريد أن يضغط عليها أكثر: تمام، لو حبيتي تغيري رائيك في أي وقت انتي عارفه مكان العياده، هكون مبسوط لو ساعدتني
دفع الحساب وودعها وخرج لتكمل هي عملها.
في الجامعه
اتصل فيصل بمريم لتجيب على الهاتف
مريم: الو يا بابي
فيصل: عامله ايه يا مريم
مريم: الحمد لله
فيصل: حد ضايقك
مريم: لا مفيش، انا كويسه متقلقش
فيصل: خلصتي المحاضرات
مريم: ايوه يا بابي خلصت
فيصل: انا هاجي اخدك متتحركيش من الجامعه
مريم: خليك انت يا حبيبي، حاتم معايا وهو هيوصلني
فيصل: قولتيلي، خليكي مكانك يا مريم وانا جيلك أو صخر كان قايل هيوصلك
مريم: حاضر يا بابي
أغلقت معه لينظر حاتم لها: في حاجه.
مريم: ده بابي بيقولي أن صخر هيجي يوصلني البيت أو هو هيجي
حاتم: انا هوصلك
مريم: بابي قالي لا
نظر لها حاتم بغموض لتبادله النظره فهي لا تفهم لما ينظر هكذا.
اتصل فيصل بصخر ليتأكد إذا كان سيذهب إلى مريم اما هو يذهب يحضرها
صخر: انا في الطريق هخدها وارجع البيت علشان هنروح كلنا بتالا
فيصل: انت خلاص ناويت
صخر: اه. ناويت والنيه لله اتوب إلى ربنا واستقر
ضحك فيصل: ربنا يسعد قلبك انت وأخواتك يارب
صخر: يارب يا بابا.
وصل صخر إلى الجامعه ليتصل بمريم ويخبرها أنه بالخارج
وقفت و ودعت أصدقائه ليسير حاتم بجانبها: بكره هجيلك الصبح ونروح الجامعه مع بعض
مريم: انت مش هترجع البيت معايا
حاتم: لا يا مريم، ارجعي انتي مع اخوكي وخلي بالك من نفسك
مريم: انت في حاجه ضايقتك
ابتسم: لا، يا ح
قطع كلمته سريعا: لا يا مريم انا هروح اخد محاضرات من اصحابي وانتي لو احتاجتي اي حاجه اتصلي بيا
ابتسمت له: حاضر، شكرا حاتم تعبتك معايا.
حاتم: تعبك راحه.
تركته وابتعدت وهو وقف ينظر إليها بصمت.
خرجت مريم لتجد صخر يجلس في السياره
لتفتح الباب وتجلس بجانبه: اخبارك ايه
مريم: الحمد لله.
انطلق بالسياره إلى البيت. ودخل هو ومريم
شذي: حمد لله على السلامه
صخر ومريم: الله يسلمك
صخر: انتي لسه مش لبستي يا ماما
شذي: اتغدو الاول وبعدين نروح
مريم: نروح فين
صخر: مش لازم، انا هعزمك ع الغداء بس يلا يا ماما
مريم: يلا فين
صخر؛ يلا يا شذي يارب ابوكي يطلع ظابط
ضحكت شذي: الله يرحمه
مريم: حد يرد عليا يا جماعه
شذي: هنروح انا وانتي لتالت علشان تخطيها لصخر
مريم: ايوه بقي، ولعه معاك.
صخر: يكش تولع معاكي زي ما هي ولعه معايا، ارحموني واخلصو بقي
مريم وهي تضحك: ده واقع خالص يا مامي
شذي: انا نفسي اشوف اللي عملت فيه كده
صخر: نقفل الحفله على كده ويلا اطلعوا قبل ما تخرج من البيت انا مالي الواد يراقب البيت
مريم ركضت ع الدرج: ثواني وهموم جاهزه
شذي: وانا كمان مش هتاخر
بعد وقت
كانت الاثنان في السياره مع صخر يذهبون لبيت تالا وتاليا.