رواية الوقح والراقية جزء 2 للكاتبة ياسمين علاء الدين الفصل الثاني عشر
وقفت سياره صخر أمام بيت تالا وتاليا
ليترجل من السياره وبيده بوكيه ورد وشذي بجانبه ومريم أيضا
مريم: نسيت الموبيل في العربيه، هات المفتاح
صخر: خدي ومتتاخريش
مريم: طيب طيب
طرق الباب صخر وشذي بجانبه
فتحت تاليا لتجد أمامها صخر ومعه امرآه.
تاليا: عايز ايه، وجاي هنا ليه تاني
تشنج وجهه صخر ونفخ وجنتيه بغضب
تدخلت شذي قبل أن ينطق هي تعلمه جيدا
شذي: انا شذي مامت صخر وجبل.
تاليا: اسفه جدا يا طنط وله انا متخيلتش ابدا انك تكوني كلمتهم، يعني شكلك صغير
شذي: ولا يهمك يا حبيبتي.
مريم اقتربت: حد المفتاح
نظرت إلى تاليا: هاي انا مريم اخت صخر
تاليا: اتفضلو
شذي وهي تدخل: امشي انت يا صخر، اما اخلص هتصل بيك
صخر وهو. يهمس لها: انا عايز اقعد معاكم
شذي: مش هينفع دول بنات لوحدهم وكمان اما اكون معاهم لوحدي هتعرف عليهم احسن ونتكلم ونتعرف على بعض
صخر: ماشي، عايز أسلم على تالا الاول.
شذي: اما اتكلم معاها تعال سلم، يلا امشي
اضطر أن يفتح الباب ويخرج من البيت. تاليا ابتسمت واجلستهم. استأذنت منهم قليلا
ذهبت إلى الداخل واخبرت تالا أن والدة صخر بالخارج لترحب بهم.
خرجت تالا
ورحبت بشذي و مريم وتاليا أحضرت المشروبات
مريم بهمس: شبهه بعض اوي، هتفرقي بينهم ازاي بعد كده
شذي: اول ما يتكلمو هنعرف
مريم: ازاي
شذي: تالا هادئه وتاليا العكس
((جلست الفتاتين معاهم))
تحمحمت ونظرت إلى تالا: انا جايه انهارده علشان اتعرف عليكي. تعرفي أن صخر من وقت اما شافك وهو بيتكلم عنك كتير
حزنت تاليا من هذا الأمر ولكنها سعدت لاختها
تالا بخجل: شكرا لحضرتك.
شذي: قوليلي بقي صخر زعلك في ايه، هو اه عصبي ومجنون بس اللي متاكده منه أنه بيحبك وراجل قد كلمته هو فعلا عايز يتجوزك
تالا شعرت بالتوتر ونظرت للأرض
مريم: شكله زعلك، قولي عملك ايه ومامي وبابي هيطلعو عينه
ضحكت تاليا وتالا
شذي ؛ ها
تالا بتردد: حضرتك هو أسلوبه. يعني
اكملت شذي: وقح
ابتسمت تالا: اه
شذي: وايه كمان.
تالا: صراحه هو اتكلم معايا قبل كده وقالي أن انا هقابل حضرتك بس محصلش ده، علشان كده عرفت أنه مش جدي في الكلام اللي قاله وبعدت عنه
شذي: كان عندنا ظروف الفتره اللي فاتت. علشان كده صخر كان مشغول بس صراحتا اول مره اشوف صخر جدي في موضوع الارتباط
مريم بتاكيد: ايوه فعلا كلام مامي صح
شذي: المشكله اتحلت خلاص الحمد لله، حاليا انا جيت اتعرف بيكم انتم الاتنين
نظرت إلى تاليا وابتسمت لها لتبادله الابتسامه.
شذي: انا معنديش بنات غير مريم وانتي وتاليا هتكونو اخواتها وبناتي، لو حد ضايقكم انا هتصرف معاه
فرحت الفتاتان لكلام شذي تالا: ده شرف لينا
تاليا: حضرتك طيبه جدا
مريم: وانا كمان طيبه جدا، صح يا مامي
ضحكت الفتاتان.
شذي: صح يا روح مامي
تالا: وجميله جدا كمان
وضعت يدها اسفل ذقنها باستعراض: صح
ضحكو وتحدثوا ومريم تمزح معاهم، لا تنكر شذي أنها ارتاحت لهم واحبتهم
شذي: كلمي باباكي ومامتك علشان ميعاد الخطوبه والفرح.
تالا: فرح على طول كده، بس انا لسه مش جاهزه للجواز خالص
ربتت شذي على يدها: اوكي، خليها خطوبه حاليا والجواز اما تكوني مرتاحه، انا عايزه افرح بيكم
تالا ابتسمت بخجل
شذي نظرت لتاليا: وانتي يا تاليا، رائيك ايه
تاليا: رايي ايه في ايه؟
شذي: موافقه على جبل؟
تفاجأ الجميع ولكن شذي تعلم أن ابنها متعلق بها
تاليا بصدمه: حضرتك هو جبل قالك حاجه
شذي: انا عارفه ابني كويس ومتأكده من اللي عايزه اعمله. موافقه يا تاليا.
تاليا حركت رأسها بنعم
شذي: نقرأ فاتحه كده بينا وبين نفسنا لحد اما يوصل باباكي ومامتك ونعمل حفله خطوبه
بالفعل قرأت الفتيات الفاتحه مع شذي وكانو سعداء، تاليا كانت أكثر من سعيده لانه لن تبتعد عن جبل
تحدثت شذي مع صخر لياتي وياخذها
شذي: أن شاء الله بكره منتظراكم على الغداء، ونتعرف على العيله كلها
تالا وتاليا: ماشي
تالا: ينفع نجيب رحمه صاحبتنا معانا.
شذي: طبعا هاتو اللي انتم عايزينه. البيت بيتكم وخلاص احنا اهل وانا مامي ليكم
مريم: وانا اختكم الصغيره
صوت جرس الباب ذهبت تالا لتفتح لتجد أمامها صخر بمزاح: واحشاني يا جمر
تالا: جمر
صخر: يعني قمر، قمر
ابتسمت بخجل: عايز ايه
صخر: عايزك
تالا بخجل: لو سمحت كده عيب
ضحك صخر: عيب ايه، هو انا لسه عملت حاجه، ده لسه اللي جاي احلي
احمر وجهها بالكامل: هقول لمامي شذي
صخر: نعم
شذي من الداخل: مش عجباك وله ايه.
صخر: عاجبني طبعا يا كبيره، اقدر اتكلم
احتضنت شذي تالا. تاليا: تعال يا صخر، ادخل
صخر باستغراب: انتي عملتي فيهم ايه؟!
شذي: مش هقولك.
صوت هاتف صخر يرن
أخرجه من جيبه ليجد اسم فيصل
رد عليه: نعم يا بابا
فيصل بعصبيه: امك مش بترد على موبيلها ليه، ومريم الموبيل غير متاح كمان
صخر: انا معاهم اهم، هما كويسين متقلقش
فيصل: امك دي هتجنني والله، اديها التليفون يا بني
صخر وهو يمد يده بالهاتف إلى شذي: كلمي بابا يا ماما.
شذي: الو يا فيصل
فيصل بغضب: ايه البرود اللي فيكي ده
شذي بزعل: انا عملت ايه يا فيصل؟
فيصل: مش بتردي على موبايلك ليه، انا قلقت عليكي
شذي: مش تقلق انا كويسه والموبيل في الشنطه، مسمعتش صوته
فيصل اتنهد: ارجعي البيت كفايه كده انتي وحشاني وانا جعان كمان ومش بعرف اكل من غيرك
ابتسمت بسعاده: حاضر يا حبيبي، مسافه الطريق وهتلاقيني عندك
فيصل: خلي بالك من نفسك يا حبيبتي
شذي: وانت كمان يا حبيبي، باااي.
أغلقت الهاتف وعلى وجهها ابتسامه لتلتفت للخلف وجدت الاربعه ينظرون إليه وهم مبتسمين
شذي بجديه: ايه في ايه
ضحكو عليها. صخر همس لتالا: عايزك تحبيني كده
توردت وجنتيها
ليكمل: علشان انا بحبك
نظرت له بصدمه ليحرك رأسه بنعم
قضمت شفتيها بخجل وهي سعيده هذا اول اعتراف لها
ودعت شذي البنات وعادت إلى المنزل لتجد فيصل بانتظارها
تناولو الغداء معا
صخر: انا عايز اعمل فرح في اكبر قاعه، وهعزم ناس كتير.
فيصل: اختار المكان وملكش دعوه بالباقي
صخر وهو يقبل يده: ربنا يخليك لينا يا حاج
مريم: بس دي لسه خطوبه مش جواز
صخر: انتي مكلمتهاش ليه يا ماما
شذي: البنت لسه عارفاك من قريب، لديها فرصه تعرفك اكتر وياريت تتعامل معاها بطريقه كويسه لأنها فعلا بنت رقيقه
عمير: ماما انا عايز أخطب انا كمان
ضحكت شذي وقبلته: يا عمري انت تشاور بس
صخر وهو يلوي شفتيه: اشمعانه هو اللي بتعمليه كده
فيصل بتريقه: ابن امو ده، اخر العنقود.
عمير برجوله: وابن ابويا برضو
فيصل ابتسم، في هذا الوقت فتح الباب ودخل جبل ليلقي السلام عليه
فيصل: تعال حماتك بتحبك
شذي: اغسل ايدك الاول
جبل: حاضر.
غسل يده وجلس على المائده.
مريم: مبروك يا جبل
ركلتها شذي في قدمها لتنظر لها: ايه
جبل: في ايه
شذى: مفيش كل يا حبيبي
جبل وهو ينظر لهم؛ لا متاكد في حاجه، قولي يا مريم انتي
مريم: هتخطبو
ضحك فيصل: هما بنات علشان يتخطبو، اسمها هيخطبو.
مريم: اه صح.
جبل ترك الشوكه من يده ونظر لشذي منتظر تفسير منها
شذي: كل الاول وبعد كده نتكلم
جبل: اتكلمي يا ماما في ايه
صخر: ماما كانت عند تالا وتاليا انهارده
جبل: ليه
صخر: علشان تخطبلي تالا
جبل: وانا مالي بالموضوع
شذي نظرت إلى فيصل ليجيب هو: وخطبتلك تاليا
فتح جبل عينه بصدمه ونظر إلى شذي
جبل: وانا بنت يعني يا ماما علشان تخطبيلي ومين قالك أن انا عايز اخطبها وله اتجوزها انا قولتلك كده
فيصل: جبل اتكلم بأدب.
شذي: انت بتحبها يا جبل
جبل وقف: لا يا ماما، انا مش بحبها ومش عايز أخطبها وله اتجوزها، لو سمحتي طلعيني من الموقف ده
تركهم وخرج من البيت ليلحق به صخر
اما مريم وعمير فانسحبو من المكان بهدوء وصعدو لغرفتهم، . كانت تنظر إلى طبقها ورأسها منخفض
فيصل: شذي انتي غلطتي
رفعت راسها لتنظر له بدموع: مكنتش اقصد يا فيصل، بس حسيت انه بيحبها وهي كمان بتحبه.
جذب كرسيها ليقربها إليه ومسح دموعها: حبيبتي، جبل عنيد، وراجل مش هيقبل أن حد يفرض عليه رائيه غير كده طبع البنت هو مضايقه
كانت تبكي على كتف فيصل فهي شعرت أنه ارتكبت خطأ فاضح ولكنها احست أن تاليا حزينه لأن تالا ستتخطب وهي لا، لذلك طلبت يدها لجبل.