رواية الوقح والراقية جزء 2 للكاتبة ياسمين علاء الدين الفصل الثامن
في وقت متأخر
كان فيصل وشذي نائمان لتفزع من نومها
فيصل: بسم الله الرحمن الرحيم
شذي بفزع: فيصل فين الولاد
فيصل: اكيد نايمين يا شذي، الوقت متاخر
تركت الفراش وخرجت ليلحق بها فيصل: خدي هنا رايحه فين
شذي: هطمن على الولاد، قلبي مقبوض
فيصل: سلاما قولا من رب رحيم
فتحت غرف اولادها لتجدهم نائمين
فيصل: الحمد لله، كلهم موجودين ونايمين
شذي: الحمد لله
ضمها: انتي صليتي قبل ما تنامي
شذي: اه صليت وقرأت قرآن كمان.
فيصل ؛ ادعيلهم، الدعاء هو اللي هينجيهم
شذي: ربنا يحفظهم ويحميهم
فيصل: اللهم امين
دخلت الغرفه معه: اتصل بمريم اطمن عليها
فيصل: مريم هتكون نائمه كمان وانتي كده هتقلقيها
شذي: ماشي، اول اما نصحي تتصل بيها
فيصل: حاضر يا بسكوته
ابتسمت له ليقبل رأسها...
في شقه صفيه
كانت مريم مخدره هي وصفيه أيضا فقد وضع هاني مخدر في اكواب العصائر
وقف وهو ينظر إلى مريم بطريقه قذره واقترب وقبلها وهي مخدره
: لا يا هاني ال250 الف احسن
حملها وخرج من الشقه وضعها في سياره الرجل الذي كان ينتظرهم بالاسفل
هاني: الفلوس فين يا شيخ
اخرج الرجل حقيبه من السياره فتحها هاني ليجد النقود بها
هاني: مع الف سلامه يا شيخ والقلب دعيلك
انطلق الرجل بالسياره ومريم بجانبه مخدره.
صعد الآخر واخذ حقيبه ملابسه والنقود وهرب.
وصل الرجل بمريم إلى أحد الشقق المفروشه
كان مفعول المخدر قد بدأ يقل من جسدها لتنظر حولها وهي ترا الرؤيه مشوشه
أغلقت عينها وفتحتها مرات حتى تستطيع أن تري
لتجد ذلك الرجل الكبير يقف أمام أحد الأشخاص ويعطيه النقود ويطلب منه طلبات
شعرت بالخطر ما الذي اتي بها إلى هنا
تحركت من مكانها وهي تشعر بدوران في رأسها
اغلق الرجل الباب ليجدها واقفه أمامه
الرجل: يا صباح الخيرات
مريم بخوف: انت مين وايه اللي جبني هنا.
الرجل وهو يتحدث بالمصري بصعوبه: انتي هنا لان انا دفعت تمنك
مريم: تمن ايه انت مجنون، خرجني من هنا
الرجل: ابدا ما راح تخرجي، الحين انتي ملكي انا
مريم: ابعد عني، هقتلك
الرجل: اقتليني انا موافج
ابتعدت عنه بخوف لتركض إلى أحد الغرف سريعا وتغلق الباب وهي تبكي
: يارب اعمل ايه.
بحثت عن هاتفها في جيبها ولم تجده.
في الشقه
كانت صفيه استيقظت من المخدر أيضا وبحثت عن مريم وهاني ولم تجد لهم اثر لتشعر بالرعب
فهي رغم ما كانت تنوي فعله إلا أنها تشعر بالخوف على ابنتها
اتصلت بهاني كثيرا وهاتفه مغلق جلس صفع نفسها
صفيه: انا هسكت لحد أمتي، اكيد هاني غدر بيا وخد البت
ورغم رعبها من فيصل إلا أنها فكرت في بنتها واحسن أنها أذنبت في حقها (ضميرها صحي )
ارتدت ملابسها وخرجت سريعا من البيت لتذهب إلى بيت فيصل فهو سيجد حل.
مريم ما زالت في الغرفه تغلق على نفسها والرجل يحاول أن يدخل لها
مريم ببكاء: لو دخلت هرمي نفسي من الشباك، محدش هيلمسني
الرجل: افتحي واعقلي
مريم: مش هفتح، سبني امشي حرام عليك
الرجل: انا دافع فلوس كتير فيكي
مريم ببكاء وترجي: هقول لبابي يرجعلك الفلوس اللي دفعتها، بالله عليك سبني في حالي
ضرب الباب بقوه وهو مصمم أن يدخل لها.
وصلت صفيه إلى بيت فيصل وطرقت ع الباب بقوه
فزع الجميع واستيقظو على صوت الباب
فيصل: يا ساتر يارب.
شذي أسرعت خلفه والجميع استيقظ
فيصل: في ايه يا صفيه، مريم حصلها حاجه
صفيه ببكاء: الحق مريم يا فيصل.
شذي امسكتها من ملابسها بقوه وشراسه ؛ بنتي فين. عملتي فيها ايه يا ست انتي
استيقظت لوزه وبندق وحاتم وحازم على صوت شذي التي تصرخ بكل قوتها
جبل امسك والدته: يا ماما اهدي بس انتي كده هتخنقيها.
شذي: انا عايزه اختك يا جبل. بنتي فين
صفيه: معرفش هاني خدرني انا وهي. صحيت ملقتهاش في الشقه
لوزه: هاني مين
صفيه برعب: ج جوزي
صدم الكل من كلامها، فيصل كان يشعر أنه سيقع من طوله، استند على الحائط خلفه
افكار سوداء لحقت بالجميع
الكل يشعر بوجع في قلبه. انهارت شذي واغمي عليها من الخوف على مريم فهي من ربتها وهي تحبها كجبل وصخر لم تتحمل ضغط الأعصاب هذا
عمير وجبل وصخر: ماما.
فيصل كان تائه وقف ينظر إلى شذي والي صفيه وهو يشعر انه بكابوس هل يخبروه أنه فقد ابنته للتو
حملوها للداخل
حازم لحق بهم ليفحصها
حاتم وهو يمسك في صفيه: انتي تقولي فين الزفت اللي اسمه هاني ده
صفيه: معرفش. موبيل مقفول
حاتم: ممكن يروح بيها فين، بيت أهله وله اي صحاب ليه. انطقي
صفيه: هو كان هيجوزها لراجل عربي كبير وغني
ضربتها لوزه بقوه وهي تلعنها امسكها بندق وأبعدها عن صفيه.
فيصل فاق لينظر لها بشر: الراجل ده ساكن فين
صفيه بخوف: هو عنده شقه في ال، وأوقات بيقعد في فندق ال.
((تركهم حاتم ونزل سريعا على الدرج وخرج من البيت)).
بندق بتفكير: لو هي فعلا معاه مش هيروح فندق، هيروح على الشقه
فيصل: لوزه خلي بالك من شذي انا لازم ارجع بنتي.
قبل أن يدخل إلى الشقه امسك صفيه وصفتها بقوه لدرجه انها شعرت أن عظم وجهه اتكسر
فيصل: جايه علشان تبيعي بنتك بفلوس، لو بنتي حصلها حاجه مش هيكفيني فيكي عمرك، هقتلك
ابعدوه عنها بصعوبه لتركض بخوف إلى الخارج
هي كانت تريد أن تزوجها وتأخذ نقود لا لتبيعها.
فاقت شذي وهي تنظر حولها: فين بنتي
فيصل: هروح ارجعها يا شذي.
شذي: بجد يا فيصل، عرفت مكانها
فيصل: اه يا شذي، لوزه معاكي، وانا هروح.
خرج بندق وفيصل وجبل وعمير وصخر وحازم
حازم وبندق ذهبوا إلى الفندق ليتأكد
بينما صخر وجبل وعمير وفيصل ذهبوا إلى الشقه
دعي الله أن يحميها.
مريم لم تجد حل غير هذا نظرت إلى النافذه وهي تفكر في القفز فلا أحد يعلم مكانها ولا احد سينجدها
من الاغتصاب
عندما همت على القفز رأت حاتم في الشارع
فتحت عينها بعدم تصديق كيف علم مكانها صرخت من الاعلي باسمه
: حاااااااتم. حاااااتم
كان الشارع هادئ ليسمع صوتها رفع رأسه
ليجدوا تشير له وهي تصرخ وتبكي
دخل إلى البيت وصعد سريعا على السلم وهو يشعر بضربات قلبه ألتي تدق بقوه كبيره.
هي كانت تبكي وتضع يدها على فمها فتحت الباب ليتفاجا الرجل بخروجها من الغرفه
: كده احنا نتفاهم بالعقل
مريم مسحت دموعها عندما سمعت صوت الباب يطرق بقوه
نظر الآخر إلى الباب ليذهب يفتح وتفاجأ بكلمه قويه على وجهه أطاحت به
ضحكت مريم وسط دموعها وهي تنظر إلى حاتم الذي كان كالاسد يضرب الرجل بقوه
: ايدك اللي لمستها دي انا هقطعها. (لكمه ) هكسر دماغك اللي فكرت فيها تفكير و
مريم كانت تبتسم بدموع: كفايه هيموت.
تركه ووجهه كل دم ليقترب منها وهي تنظر إليه
لم يسيطر على نفسه وضمها بقوه صدمت هي من فعلته: عمل فيكي حاجه
لم تنتبه إلى كلامه، ليشعر بالخوف ابتعد عنها وأمسك وجهها بين يده وهو ينظر إلى ملامحها بخوف: مريم. الراجل ده لمسك
مريم: ها. لا. ملمسنيش الحمد لله
اتنفس براحه: الحمد لله
وصل فيصل ومعه أولاده ليجدوا رجل مرمي على الارض وينزف من وجهه
ومريم وحاتم يقفون بجانب بعض
مريم: بابي.
ركضت إليه وضمته ليشد على ضمتها بخوف: عملو فيكي ايه يا حبيبتي
مريم: . الحمد لله يا بابي، محدش قرب مني
صخر امسك الرجل من ملابسه: ده انا
عمير أبعده عن الراجل: خلاص بقي هو مفيش فيه مكان
حاتم: انا عملت الواجب
جبل لحاتم: انت ازاي وصلت قبلنا
حاتم: عرفت المكان من صفيه وجيت بسرعه قبلكم
فيصل: الحمد لله
جبل ضم أخته وصخر وكذلك عمير
فاق الرجل: انا راح اسجنكم
فيصل وهو يمسكه من تلابيب جلبابه: ده انا هخليك $&#.
اسرع إلى فيصل فهو سيقتل الرجل من كثر الضرب
مريم بخوف على ابيها: خلاص يا بابي، احنا نمشي من هنا، مامي وحشتني
خرجت من الشقه وهي تشعر بالامان الان بعد كل ذلك الخوف اخيرا هي وسط عائلتها وضعت رأسها على صدر فيصل: بابي انا بحبكم اوي، ومش عايزه ابعد عنكم تاني
شد على ضمتها وقبل رأسها: احنا بنحبك اكتر
حمد الله كثيرا لأنها عادت إليه بخير لم يصبها مكروه فهو دائما في صلاته يدعو أن يحفظ أولاده هم اللي ما يملكه.