رواية الوقح والراقية جزء 2 للكاتبة ياسمين علاء الدين الفصل الثامن عشر
كانت تاليا تمسك بالهاتف في يدها وهي تنظر إلى الباب بصدمه
ولكنها كانت تالا من دخلت اولا، باسرع شئ وضعت الهاتف اسفل الوساده
فريهه وهي تدخل خلف تالا: السفر بعد 10 يوم
تاليا: انا مش عايزه اسافر
تالا: ولا انا، كمان هنعمل ايه في المشروع بتاعنا
فريهه بصرامه: عمكم مراد هو يبيع الارض، وانتهي تمام
تاليا بدموع: انا بحب جبل، ومش هبعد عنه
تالا: وانا كمان بحب صخر.
صفعتهم الاثنان على وجههم بقوه لاول مره ترفع يدها عليهم
لتتحدث بغضب: انا اقول يوك زواج، مين يصلح للزواج منكم
تالا وتاليا كانو في حاله صدمه لاول مره يتعرضون للضرب على يد والدتهم.
مريم لم تكمل اليوم في الجامعه اتصلت بأخيها
جبل وذهب إليه لتعود إلى البيت
شذي رأتها وهي تدخل: مريم رجعتي بدري ليه
مريم: كنت تعبانه يا مامي، عندي صداع
شذي: الف سلامه عليكي، اطلعي ارتاحي وانا هجبلك لبن دافئ هيريحك
مريم: حاضر
صعدت إلى غرفتها وابدلت ملابسها لتتمدد على الفراش تفكر. صوت الهاتف أخرجها من دوامه التفكير
مريم: الو
حاتم: انتي فين
تنهدت: في البيت
حاتم: فاكره اما ترجعي البيت هنهربي مني.
مريم: انا مش بهرب من حاجه، حسيت نفسي مرهقه وعايزه ارتاح
حاتم: الف سلامه يا حبيبي
مريم: لو سمحت متتكلمش معايا بالاسلوب ده
ضحك الآخر لتغلق الهاتف في وجهه
دخلت شذي الغرفه لتجد وجهه مريم احمر، جلست بجانبها ووضعت يدها على جبينها: اتصل بالدكتور
احتضنت شذي بقلق: لا يا مامي
شذي باندهاش من حاله مريم: في. حد ضايقك، قوليلي يا قلبي وانا نتصرف.
نظرت لوالدتها بصمت تريد أن تحكي عن اللخبطه التي بداخلها ولكنها ترجعت لو علم فيصل بالأمر ستحدث مشكله
مريم: لا يا مامي مفيش حاجه
نظرت لها الأخري بشك.
مر اسبوع
مريم تتهرب من حاتم، حازم كل يوم يذهب إلى المطعم ويتحدث إلى رحمه
تالا وتاليا يتحدثون معا جبل وصخر بسريه. يحاولون إقناع فريهه ولكنها ترفض
يوم الجمعه
كانت الفتايات الثلاثه في البيت بيدق الباب
ذهبت رحمه لتفتح لتجد شذي لوزه معا
رحمه: اهلا يا طنط اتفضلو
اقتربت تالا وتاليا بسعاده ورحب الجميع ببعض
وجلست شذي و لوزه معا
لوزه: فين كلمتكم
تالا نظرت بخوف إلى اختها: فوق.
شذي: جبل حملنا أنها رافضه وانا اصريت اجي مع لوزه ونقنعها
تاليا: هيطلع اقولها
صعدت سريعا.
لوزه: انتي يا رحمه قاعده هنا معاهم
ردت بخجل: اه
تالا: هي كلمتها كانت عايزه تجوزها غصب عنها لراجل كبير في السن و هي مشيت
شذي: يا حبيبتي فين باباكي
رحمه بحزن: مات، ماما متجوزه غيره
لوزه بحزن على حالتها: مجربتيش تكلمي حد من عيله باباكي أو مامتك.
رحمه بدموع متجمعه: محدش بيسال فينا من وقت اما ماما اتجوزت الراجل ده، اصلهم كان رافضين الجواز منه
ربتت على يدها شذي بحنان: متزعليش يا رحمه
لوزه: اعتبريني مامتك
قطع كلامهم الودي صوت فريهه وهي تصرخ بالتركي من الاعلي
شذي نظرت ل لوزه بإحراج
تالا هربت الدموع من عينها: انا اسفه والله مش عارفه هي بتعمل ليه كده
رحمه ضمتها. ليسمعو صوت خطوات من الاعلي
فريهه بغضب: انا قولت زواج يوك، ابنتنا مش اتزوج من أولادكم.
لوزه بغضب: ما تتكلمي كويس يا ست انتي، احنا يعتبر ضيوف في بيتك
فريهه: ضيوف غير مرحبين
شذي: انتي قليله الذوق.
وقفت شذي ومعاها لوزه ولكن بكاء الفتايات أوقفها عن الخروج
شذي: حرام عليكي تكسري قلبهم، ولادي مهندسين وعندنا فيلا في وفي كمان بيت في وعندهم فلوس في البنك، شوفي عايزه ايه واحنا نجبلهم
فريهه: عايزه تبعدو عن بنات
لوزه: اوعي يا شذي سبيني اضربها بالجزمه الدوليه المنفوخه دي، شايفه نفسها علينا ليه.
فريده: أخرجو
نظرت الرحمه: وانتي كمان بره
أمسكت ابنتيها وصعدت بهم لاعلي وهي تصرخ عليهم
لوزه: لمي هدومك يا رحمه وتعالي معانا
رحمه ببكاء: شكرا يا طنط انا هبعد في فندق
لوزه: اسمعي الكلام يا بنتي، البيت عندنا في شقق فاضيه اقعدي في شقه، احسن من الفندق
شذي وهي تشعر بالغضب اطلعي يا رحمه يلا، انا هنقف بره
صعدت رحمه تجمع استيائها ولوزه وشذي كانو بالخارج.
جبل في السياره: مالك يا ماما هي الست دي عملت حاجه، في ايه يا عمتو
شذي بخوف من ابنها، فهي تعلم أنه إذا علم أنها طردتهم لن يمر الأمر على خير نظرت للوزه بتوتر: لا يا حبيبي محصلش حاجه
لوزه: هي بس رفضت
نفخ جبل: مفيش فايده فيها، ست دماغها جزمه
جبل ؛ يلا نمشي
لوزه: استني يا جبل، رحمه جايه معانا
جبل: ليه
شذي: الست المجنونه دي طردتها وهي ملهاش حد تروح معاه.
خرجت رحمه بخجل وبكاء كانت ستذهب إلى فندق ولكنها وجدت لوزه تقف خارج السياره وتشير إليها. اقترب جبل وحمل الحقيبه منها ووضعها بالسياره وذهبت معاهم
اوصل جبل عمته ورحمه إلى البيت وعاد إلى بيتهم مع شذي.
لوزه: اول شقه دي بتاعت الحاج ولدي وتأتي شقه بتاعت فيصل وشذي وهما قاعدين في الفيلا. وباقي الأدوار فاضيه. تحبي تقعدي معايا انا قاعده لوحدي وحاتم وحازم مش بيرحعو غير بليل
رحمه بخجل: حضرتك مش هينفع، انا هشوف مكان تاني
لوزه: والله هزعل يا رحمه، بصي تعالي اقعدي في الشقه الحاح هي نضيفه وفيها عفش.
أمسكت يدها وفتحت الباب لتدخل رحمه وهي حزينه على حالتها ولكن لوزه تريد أن تجعلها تنسي أي شئ
جلست معاها: تعرفي انا بقعد لوحدي في البيت هنا، حياه بنتي الكبيره متجوزه بعيد ومش بتيجي هنا كل فين وفين اوقات باخد بنتها تقعد معايا، بس على طول بكون لوحدي، انتي بقي هتقعدي معايا و نسلي بعض
رحمه: انا مش عايزه اضايق حد.
لوزه: محدش هيضايق يا بنتي. اسمعي الكلام بس، قومي تعالي نرتب هدومك في الدولاب ونطلع نعمل العشاء مع بعض
رحمه: حاضر.
في بيت تالا وتاليا
يبكون وهم ينظرون والدتهم ان تتركهم ولكنها ترفض هذا الزواج
مختار ينظر إلى بناته بقله حيله وحزن فهم لا يستطيع أن يفعل لهم شئ
فريهه: السفر بعض يومان وانتهي الأمر
دخلو إلى غرفهم يبكون.
لوزه ورحمه في المطبخ يعدون العشاء
تحاول أن تجعل رحمه مرتاحه حتى لا تشعر بحرج
بندق وهو يدخل: لوزه.
تركتها لوزه وخرجت لبندق: نعم يا عبده
ابتسم: جيتي أمتي يا حبيبتي
لوزه وهي تمسك يده ليدخلو الغرفه: تعال بس هقولك على حاجه
بندق بخبث: هما العيال مش هنا وله ايه
ضحكت وهي تغلق الباب: يا راجل دماغك راحت لفين
اقترب منها وهو يغمز لها: مش عارف
ضحكت مره اخري: اقعد عايزه اقولك على حاجه.
حكت له لوزه أنها أحضرت رحمه معاها بسبب ما حدث وان ظروفها صعبه
دخل حازم بعد أن سمع صوت المطبخ: لوزه انا هموت من الجوع
توردت وجنتيها وقلبها كان ينبض بسرعه لتنظر له: اهلا يا دكتور
صدم هو: رحمه
تريد أن تبكي الان فهي تشعر بالاحراج وحرمت رأسها بحزن
حازم: وانا اقول البيت منور ليه
رحمه: شكرا
حازم وهو يبتسم ويجلس على طاوله في المطبخ ؛ انا جعان
ابتسمت: ثواني.
حازم وهو يقضم الخيار من أمامه: اوعي تخدي فاكره عني أن انا مفجوع
رحمه: لا خالص حضرتك اكيد بتعمل مجهود
حازم: بلاش حضرتك دي. بتحسسني ان انا عجوز وشعري ابيض كله وسناني وقعه
ضحكت رحمه بخجل: مش قصدي والله
لوزه وهي تدخل: انت هنا يا حازم
حازم: لا مش هنا ده عفريتي
لوزه: خفيف، سيب الخيار علشان السلطه
حازم: انا جعان يا ماما
لوزه: خلاص هنحط الاكل ع السفره، روح اغسل ايدك
حازم وهو ينظر إلى رحمه: حاضر.
خرج وابتسمت لوزه بسعاده فهي من اول مره رأتها وهي تعلم أن حازم مهتم بها.
في بيت
شذي كانو يتناولون العشاء معا
شذي: هي مامتهم رافضه
فيصل ؛ رافضه ليه، هي هتلاقي احسن من ولادي
صخر: عايزه تجوزهم في تركيا مش هنا
عمير: وباباهم
صخر: بأهم ده راجل ملوش كلمه، هش كلها ست مفتريه وقويه
فيصل: حاولو معاه لو معاكم رقمه هاتوه وانا هكلمه
جبل: وممكن كمان اكلم عنهم مراد هو راجل كويس وطيب
فيصل: خلاص حدد معاه ميعاد واروح معاكم تكلمه، مفروض الرجاله هي تتلكم مش الستات.
شذي: ياريت يوافق، دول البنات صعبة عليا اوي يا فيصل. كانو بيعيطو وامهم دي مش بتحس
فيصل ؛. مش كل الناس زي قلبك يا شذي
ابتسمت له: حبيبي ربنا يخليك ليا
عمير: اتنين ليمون هنا يا بني
جبل: وشجره
صخر: يا جماعه مش كده في ناس مجروحه عاطفيا هنا.
فيصل: لم نفسك انت وهو بدل ما اقوم
ضحكو هم
لينظر إلى مريم التي كانت شارده: مالك يا مريم
لكزها عمير: ايه
فيصل: انتي مش معانا خالص
مريم: ها، لا معاك اهو حضرتك كنت بتقول ايه.
فيصل ؛ مالك يا مريم مش عجباني انتي اليومين دول
قطع كلامهم صوت الباب
ليذهب صخر يفتح وهو ينظر إلى الباب بصمت.