رواية الوقح والراقية جزء 2 للكاتبة ياسمين علاء الدين الفصل الثالث عشر
صخر مع جبل الغاضب في سيارته
صخر: في ايه يا جبل، هي ماما عايزه مصلحتك
جبل لم يرد
صخر: انا بصراحه مش لاقي مبرر لرفضك
نظر له جبل وهو يصك ع أسنانه: يعني انت ترضيها على نفسك تتخطب من غير اما تعرف
صخر: تاليا مش وحشه بالعكس جميله هي بس مشكلتها في لسانها وانت هتقدر تغيرها
جبل: مش عايز اغيرها ومش عايزها. هو بالعافيه
نظر صخر لأخيه ولأنه تؤامه فيعرفه جيدا ويشعر به.
صخر: خلاص يا جبل انا هخلصك من الموضوع ده، بكره هي جايه مع تالا يتغدو عندنا في الفيلا. اقعد معاها وقولها انك رافض الخطوبه
جبل: مش انا اللي هقوله دي ماما لأنها السبب
صخر نظر لأخيه الذي ما زال يعاند لتلمع فكره في رأسه
صخر: بس انا لقيت الحل، انا سمعت ماما بتكلم عمتو لوزه وقالتلها تيجي و حاتم وحازم وبندق على الغداء. احنا بقي هندبس الواد حازم في الليله دي، متنساش اخر مره كان معجب بالبنات اوي.
استشاط جبل غضبا: أتصدق انك عيل
ضحك صخر: انا عملت ايه، ده جزائي أن بفكرك في حل
جبل: انت بتقول كان معجب بالبنات على اساس ان تالا مش من البنات
صخر: لا معلش، هو عارف ان انا معجب بتالا
جبل وهو يحاول أن يداري غيرته: قصدقك يعني معجب بتاليا ورحمه
صخر: اه قصدي كده، هو مش هيتردد لحظه في أنه يتقدم ليها، حتى نقوله فتره كده ولو عايز يسببها يسبها بس علشان ماما متتحرجش
جبل: انت عبيط يا صخر.
صخر: اعملك ايه يعني يا جبل انا بفكر في حل معاك، خلاص يا اخي اخطبها انت شهر وله حاجه وبعدين تفسخ الخطوبه وكده تكون خلصت المشكله
جبل: انزل يا صخر من العربيه
صخر: وانت
جبل: خلف شويه وارجع
صخر: مش هسيبك لوحدك
جبل: لو سمحت يا صخر انزل محتاج اقعد مع نفسي
صخر: وانا مش هسيبك وانت مضايق انا اخوك وصاحبك.
في البيت
كانت شذي تجلس ودموعها على خدها وهي ترفض أن تصعد إلى الغرفه قبل أن تطمئن على اولادها
فيصل: يا شذي مش هينفع كده، هما رجاله دلوقتي
شذي: بس اولادي يا فيصل وانا مش تتحرك من هنا غير اما اطمن عليهم
تنهد فيصل فهو يعلم مدي حب وخوف شذي على اولادها مسح دموعها وجلس بجانبها يضمها حتى تهدأ
بعد ساعه
عاد صخر وجبل إلى المنزل
لينظر لهم فيصل بغضب، شذي كانت تنظر له بحزن
صخر: مالك يا ماما بتعيطي ليه
شتمهم فيصل.
جبل اقترب من شذي وقبل يدها ورأسها
شذي ضمته: متزعلش انا هتكلم مع تاليا وافهمها أن كنت غلطانه، انا بس حسيت انها كانت زعلانه أن اختها هتتخطب وهي لا وكنت فاكره انك هتكون فرحان
صخر: ده احسن حل، يلا يا ماما اطلعي ارتاحي شكلك تعبانه
فيصل بغضب: انتم السبب أمتي هتفهمو أننا بنخاف عليكم، الموبايلات اللي معاكم بتعمل ايه بدل ما انتم مش بتردو
جبل: اسف يا بابا الموبيل كان صامت
صخر: انا موبايلي فوق، اسف.
قبل أيدي أبيهم وأنهم وصعدو لغرفتهم
فيصل أيضا صعد هو شذي إلى غرفتهم.
عادت رحمه إلى بيت تالا وتاليا بعد أن أنهت دوامها
لتجلس بتعب على الفراش وهي تشعر بالم في جسدها
ابدلت ثيابها ونامت.
مر الليل على الجميع
اليوم التالي
ووصلت لوزه آلي الفيلا شذي
: عاملين ايه
شذي بترحيب: الحمد لله، نورتي يا لوزه
لوزه: بنورك يا قلبي، فين مريوم
مريم: انا هنا حد بيسأل عليا
ضحكت لوزه: حبيبه عمتو، وحشاني اوي
مريم: وانتي كمان يا عمتو، وحشاني اكتر
شذي: مريم فين المناديل
مريم: هجيبهم
مريم ساعدت شذي في اعداد الغداء، لوزه أيضا
جبل كان طول الوقت في صراع مع نفسه هل يعود إلى البيت في وقت الغداء ام الأفضل ألا يذهب.
صخر كان سعيد لان تالا ستصبح له
تالا وتاليا اخبرو رحمه أنهم مدعوم لبيت شذي واصرو أن تذهب معاهم وان تستأذن من العمل اليوم.
استعدت الثلاثه فتايات. ارتدت رحمه فستان طويل محتشم وحجاب.
تالا ارتدت فستان باللون الوردي أكتافه متدليه وتركت شعرها الطويل منسدل على ظهرها بانسيابية
تاليا ارتدت فستان بلون الزهري بكتف واحد وشعرها المموج الطويل مجموع على جانب واحد
لتظهر بشرتهم البيضاء بلون الحليب
خرجو من البيت وفي طريقهم ابتاعو الزهور والشوكولاته فهذه أول زياره ولا ينكر أنهم متوترين.
كان صخر يجلس مع فيصل وبندق وحازم وحاتم وعمير
ليسمع صوت الباب
خرجت مريم من المطبخ لتفتح لتجد الفتايات
مريم في سرها: ده صخر هيعمل منك بطاطس محمره
مريم: اذيكم يا بنات وحشتوني
قبلتها وتعرفت على رحمه التي كانت تشعر بالخجل.
خرجت شذي واستقبالهم لتنطق برقه كعادتها: بناتي القمرات
احتضنتهم بسعاده لتسلم على رحمه: اكيد انتي رحمه. تعالي يا حبيبتي ادخلي
رحمه: شكرا يا طنط
شذي: تعالو اعرفكم بالعيله.
أمسكت تالا بيد وتاليا باليد الأخري لتدخل إلى الرجال بسعاده.
شذي: فيصل بص
نظرو للخلف إلى شذي ليجدوا بجانبها الفتاتان
صخر احمر وجهه وكسر على أنيابه بغضب
فيصل نظر له ليهدا: اهدا
عمير بسخريه: رقاصات
حاتم بهمس: امك ناويه تطري القعده علينا
حازم: اذيك يا تالا، اهلا تاليا
اقترب فيصل ومد يده، شذي: ده فيصل بابا صخر وجبل
سلمت عليه الفتاتان برقه وخجل وشذي تكمل تعريفها الباقي. وامسكت يد رحمه: ودي رحمه صديقتهم.
ابتسم حازم: اذيك يا رحمه
رحمه: الحمد لله يا دكتور
لوزه خرجت من الداخل وضمتهم بقوه وهي تقبلهم
: يا ختي قمر، ما شاء الله
نظرت تالا بحزن إلى صخر الذي لم يقترب ليرحب بها
ليبادلها النظره بغضب وابعد عينه عنها
اخفضت عينها إلى الأرض
جلست الفتايات مع العائله. عمير: سؤال كده واقف في زوري معلش
فيصل بتحذير: عمير أتلم
عمير: سؤال واحد بس يا بابا ونبي ونبي
أدار عينه بملل
تاليا ابتسمت: اسال.
عمير: مفيش اخت تالته ليكم للعبد لله وتكون بتنور في الضلمه كده
صفعه على مؤخره راسه صخر..
تالا: ايه ده حرام عليك
شذي وهي تضم عمير: يا رخم
ضحك بندق وحاتم عليهم
عمير: هو انا قولت حاجه غلط، بس بما انكم اتخطبتم للاسف، فالقمر التالت دي فاضيه وله فاضيه
لاعب حاجبيه ضحكت رحمه على خفه ظله
عمير: ها يا جميل قولت ايه
فيصل: احترم نفسك يا عمير
عمير: معلش يا بابا الحياه فرص والفرصه دي حلوه اوي، موافقه.
رحمه بضحك وسخريه لصغر سنه عمير: مفيش اصغر منك
عمير: مش مهم السن، انتي تربيتي على ايدك
رحمه: إذا كان كده انا موافقه
قفز عمير: يا فرج الله
علت أصوات الضحك. رحمه تتجنب النظر إلى حازم الذي يراقبها بعيونه.
تاليا كانت تبحث بعينها عن جبل ولم تجده
تالا تجلس بصمت. مريم فهي محتاره من نظرات حاتم لها
لم يعد يستطيع الجلوس أكثر هكذا يشعر بغليان الدم في عروقه ليقترب من تالا: قومي عايزك.
توردت وجنتيها بخجل وكانت سترفض ولكنه امسك يدها
ليخرج بها. كانت شذي ستتابعهم ولكن فيصل امسك يدها وضمها إلى صدره وهو يخبرها أن تتركهم فهو يعلم أن صخر غاضب من ملابس تالا.
في الحديقه الخلفيه للمنزل
يقف صخر وهو يحاول أن يتحكم بغضبه وهي تنظر له باستفهام ولا تعلم لما هو غاضب
صخر: ايه ده (أشار بإصبعه على الفستان)
ردت ببرائه: فستان
صخر: لا والله، (نفخ واستغفر الله) بصي يا تالا يا حبيبتي انا بحاول اكون هادي معاكي علشان تفهمي عليا...
نظرت له بعدم فهم
نطق بغضب: القرف ده يتلبس في اوضه نومك بره الاوضه لا. واي حاجه زي كده متخرجيش بيها
تالا باعتراض: بس.
صخر: من غير بس، انا محبش أن مراتي حد يشوف جسمها. حتى لو اناغير اما نتجوز ونكون في بيت واحد، وبعد كده هتلبسي الحجاب
لم تنطق سوي كلمه واحده: حاضر
نظر إليها مره اخري ورغم أنه سعيد لانه سمعت كلامه إلا أنه ما زال غاضب بسبب الفستان
هي لاول مره تجرب هذا الشعور أن هناك من يهتم بها. والدها ووالدتها يتركونهم يفعلون ما يريدون
ولكن هو يهتم بها بطريقه اعجبتها...
صخر: تالا انا بغير عليكي، يمكن قبل ما اعرفك كان عادي تلبسي كده. بس من وقت اما شوفتك و قلبي حبك وعايز أحافظ عليكي. البسي اللي تحبيه في بيتك بس بره لا. ماشي
حركت رأسها بنعم
امسك. يدها وقبلها لتبتسم هي بخجل
صخر: احم، هو احنا مش هنتجوز بقي
ابتعدت عنه: مش دلوقتي
صخر: ما انتي كنتي ماشيه كويس ايه اللي حصل
تالا ابتسمت: محصلش حاجه، بس محتاجه وقت اتعرف عليك، انا لسه مش عارفه طابعاك، حياتي متلخبطه.
صخر: بس انا هعدل كل اللخبطه دي، اتاكدي ان انا بحبك وهحافظ عليكي
غمز لها بمشاكسه لتنظر له بتحذير
صخر: خليكي هنا، هجبلك حاجه تلبسيها فوق البتاع ده
طلب من مريم أن تحضر شيء لتالا
أحضرت لها رداء بلون الفستان ترتديه فوقه.
صخر: كده انتي قمرين.
دخل وهو يمسك يدها بسعاده لتبتسم له شذي
فيصل فأعجب بموقف ابنه
تاليا كانت تشعر بالحزن تريد البكاء...
احست بها شذي لتضمها وهي تشعر بالذنب اتجاهها.