رواية الهجينة الجزء الأول للكاتبة ماهي أحمد الفصل الأول
فتح عليه باب اوضه نومه وهو نايم وكان بيصرخ ومش قادر يتمالك نفسه من الفرحه اللي هو فيها
الضبع: هو فييييين البشاره جت. البشاره جت ياولدي
( قام وهو نصف عاري ومفزوع وقعد نص قاعده على السرير )
-( وهو مفزوع ومخضوض )
ياسين: بشاره ايه يابوى اللي جت
الاب ( بفرحه ): بنت العزايزه بتولد ياولدي خلاص اخيرا بتولد
ياسين: انت بتتحدد عن ايه يابوي انا مافهمش
( بنظره حاده وداس على سنانه ).
الاب: لع انت فاهمني صح وخابر وعارف بتحدد عن مين ياياسين
( قام وهو بيلبس جلبيته واداه ضهره )
ياسين: وحتى لو البنيه بتولد والبت اتولدت لسه بدرى على اللي في دماغك ده يابوي
( بنظره حاده )
الضبع: لاه. كفايه اكده احنا استنيناها تحمل وتولد من سنين واهي بتولد خلاص وخلصنا اعمل حسابك هتكتب كتابك عليها الليله
(الاب ادا ضهره لياسين ومشي طلع من الاوضه ).
(ياسين كمل لبس ونزل ورا ابوه على السلم وهو بيلبس دراع الجلبيه )
ياسين: انت اكيد بتقول اي كلام يابوي ما هو ده مش كلام ناس عاقلين ابدا
انت كبرت وخرفت ولا ايه يابوي دي طفله لسه طفله بترضع من امها كيف بتحكي اكده يابوي
(الاب اتلفت وبص لابنه وهو عنيه بطلع شرار ونزل بالقلم على وش ابنه ).
الاب: انت بتقول لمين انت خرفت ياياسين انا الضبع. وانت ابن الضبع. وعيله الضبع ماتخرفش ابدا. حتى لو العجز اكل في جتتها. البنيه دي فضلت سنين عايش مستنيها تتولد بعد ما فقدت اي امل ان المهدي يخلف في يوم دي أملنا الوحيد عشان اللعنه تتفك فضلنا ملعونين زمن بحاله واخيرا اتولدت عشان تفك لعنتنا
( حط ايده على خده وعنيه طلعت شرار )
ياسين: انت بتضربني يابوي.
( بص لابنه نظره ياسين عرف بعدها ان مافيش تراجع عن قراره )
الضبع: اعمل حسابك كتب كتابك عليها الليله ياولدي. الليله هنربط دمك بدمها الليله البدر هينور احمر في السما الليله فك بدايه اللعنه
ياسين: انا عارف كويس ان نفسك مرت المهدي تخلف بنيه عارف ان في حمل عليك من زمان عارف انك بتضعف وشويه شويه بتقرب من الموت بس و
افرض طلع ولد ماطلعش بنيه زي ما انت عايز برضوا هتخليني اكتب كتابي عليه وتربط دمي بدمه.
( لف وشه شمال حاجه بسيطه وبص لياسين بنظره حاده )
الاب: لاه. لاه ماهيطلعش واد.
( بيتكلم وهو متأكد من كلامه ورفع حاجبه الشمال )
الاب: هتطلع ابنيه. عيونها كيف لون الزرع وشعرها كيف السنابل الدهب واللي عيأكدلك كلامي العلامه اللي هتظهر تحت سرتها هتأكدلك اني مابخرفش كيف ما بتقول طول السنين اللي فاتت دي ياولدي.
(الضبع حط العبايه بتاعته على كتفه وفي لحظه مكانش موجود قدام ياسين. وياسين وقتها بقي يكسر كل حته في البيت من غضبه)
-(في نفس الوقت )-
في مكان بعيد في ضواحي الصعيد
الدايه: خلاص اهوه. خلاص
الام: ( وهي رافعه ايديها وماسكه في راس السرير والعرق نازل من جبينها من كتر الالم )
الام: اااااااه.
( دايسه على سنانها وحاطه قماشه مابين سنانها عشان صوتها مايطلعش وهي بتصرخ )
الام: ارحميني ياخاله حكيمه. ارحميني.
الدايه ( حكيمه ): خلاص يابتي خلاص. الخلاص جاي اهوه انا شايفه راسه. كمان واحده يابتي الله يرضي عنيكي
الام: ( اخدت نفس وابتدت تدفع لتحت ): ااااااااااااااااه
(الطفله نزلت اخيرا والدايا اتلقتها على ايديها والحبل السري ملفوف حواليها )
الدايه: ( حد يناولني مقص ياناس )
الدايه: ( اخدت المقص وقطعت الحبل السري )
(الام وهي بتاخد نفسها ).
الام: ( بخوف والدموع نازله من عنيها ) طمنيني. طمنيني ياخاله حكيمه. قولي انه واد مش بنيه. قولي انه واد عشان يفضل في حضني
خاله حكيمه: ( مسكت طرف الشال الاسود اللي حطاه على راسها ومسحت دموعها ) ماعيزاش اكدب عليكي يابتي. مش واد دي بنيه. بنيه وكيف البدر
الام: ( بخوف وتوتر بلعت ريقها ورفعت ايدها لخاله حكيمه ) ناولهاني ياخاله. ناولهاني بسرعه خليني اخبيها منهم في حضني
مره واحده الباب اتفتح عليهم.
الام: ( بخوف بصت لاخوها علوان اللي دخل عليها ) احنا لازم نخبيها ياعلوان لازم نخبي بنتي عيله الضبع لو عرفت انها اتولدت مش هيسيبوها في حالها. ساعدني ياعلوان
(علوان حط وشه في الارض )
الام: ( بصت للرجاله اللي واقفين جنبه )
الام: حد يساعدني ياناس
الرجاله حطت وشها في الارض
الام: يعني ايه. محدش فيكم عايز يساعدني. ويساعد بتي
الطفله كانت بتصرخ.
علوان: عيله الضبع دوول كبرات البلد ومش هيسيبونا لو ماخدوش البنيه هيقتلونا واحد ورا التاني وعياخدوها عالاخير برضاكي او غصبا عنيكي هياخدوها
الام: ( اخدت البنت في حضنها اكتر ) يعني ايه. يعني خلاص هتحرم من بتي
علوان: ده قدرها وليها رب يتولاها بالأخير
علوان اخد الطفله من حضن امها والام كانت لسه والده ومش قادره تتحرك
الطفله كانت بتصرخ زي ما تكون حاسه انها خلاص مش هتقرب من حضن امها مره تانيه.
الام: ( بصريخ ) بنتي. بنتي حرام عليكم بنتي. منكم لله
علوان ضربها بالقلم على وشها اغم عليها
علوان وهو شايل الطفله
علوان: يلا بينا يارجاله
علوان ركب العربيه والرجاله وراه بالعربيات وراحوا لبيت الضبع
علوان: ( راح لبيت الضبع بس مادخلش البيت وقف بره البيت )
الضبع: طلع بره البيت وهو ماسك العصايه وساند عليها ووراه ابنه ياسين والبيت كان ضلمه والمنطقه كلها ضلمه مافيش غير نور القمر اللي منور.
الضبع: ( بغضب) اتأخرت ليه ياعلوان
علوان: ( بخوف ) لاه. لاه ما اتأخرتش ولا حاجه البنيه جيبتهالك لحد عنديك ياضبع
الضبع: ادخل ياعلوان
علوان: ( بخوف ) لع. لع مالووش لزووم الدخول البنيه وعندك اهيه
علوان ساب البنيه في الارض من كتر ما خايف يدخل البيت
الطفله بقت في الارض وهي بتصرخ
ياسين نزل من على السلمتين اللي قدام البيت ووقف قدام علوان ووشه بقي في وش علوان ومافيش مسافه ما بينهم.
ياسين بصله نظره حاده علوان بسرعه حط وشه في الارض وغمض عنيه
ياسين: فتح عينك ياعلوان.
علوان: لع. لع انا ماشيفش حاجه
ياسين: ( بابتسامه شماته ) شامم ريحه الخوف فيك كيف الولايا ياعلوان
علوان: الخوف منكم امان ياعيله الضبع
الضبع: ( ضرب بعصايته في الارض بغضب ) يااااااسين
ياسين اتنفض ولف وشه بسرعه لابوه
الضبع: شيل البنيه من على الارض
وهاتهالي
ياسين: ( داس على سنانه وهو ضامم كف ايده من الغضب وباصص لعلوان ).
ياسين: ابوي هو اللي حايشني عنك ياعلوان بس مش هيحوشني عنك كتيييير ومسيرك تبقي تحت ايدي
ياسين في لحظه حتى جاب الطفله وشالها من الارض وهي بتصرخ ووداها لابوه
الضبع بسرعه مسكها ورفع هدومها لقي العلامه اللي تحت سرتها موجوده. فتح عنيها لاقاها بلون الزرع بيبص على شعرها لقاه باللون الاحمر لون كستنائي مش بلون الدهب زي ما كان فاكر
ياسين: شعرها مش نفس اللون يابوي
الضبع: ( بص شمال لياسين ) مافارقش المهم العلامه.
الضبع بص لعلوان
الضبع: ما جيبتش معاك المأذون ليه ياعلوان وانت خابر مش أي مأذون
علوان: ( بخوف ) لع. لع. اكيد چيبته ماعتفوتش عليا حاجه زي اكده
علوان بص للرجاله اللي معاه راحت الرجاله رجعت بسرعه خطوات ورا للعربيه ونزلوا المأذون
الماذون: ( بخوف ) لاه. لاه. حرام عليكم معدخلش البيت حرام عليكم عندي عيال
علوان رمي المأذون تحت رجلين الضبع والضبع اخده واخد الطفله ودخلوه البيت
المأذون دخل البيت وبقي مرعوب.
الضبع: ( بصوت عالي ) يااااااسين. ياااااسين
ياسين: جاهز يابوي
الماذون: ( بخوف وهو مغمض عنيه ) انا عارف اني طالما دخلت البيت ماطلعش من البيت ومش هعيش تاني بس طالما اكده ميت واكده ميت هذا الزواج لا يجوز شرعا ومافيش جواز بنكتبه بالدم خلصت ضميري قدام ربنا
الضبع: ( بصوت جحودي ) اكتب وانت ساكت
المأذون: مد يدك ياياسين
( ياسين طلع ضوافره وجرح معصم ايده نزل نقط دم والمأذون بقي بيكتب الكتاب بنقط دمه ).
المأذون: ده مش كتب كتاب ده رباط عهد بالدم
الضبع: فهمتها لوحدك دي
ياسين: خلاص استريحت يابوي
الضبع: لسه بدرى على الراحه ياولدي
ياسين: ( بعصبيه ) خليييييله
خليله: ( بخوف ) اؤمرني. اؤمرني ياياسين بيه
تاخدي البنيه ماعيزهاش تشوف الشمس بعنيها انتي فاهمه ماعيزش اشوفها غير لما تكبر
خليله: ( والكدمات على وشها وباينه على دراعها ) امرك ياياسين بيه
الضبع بص للمأذون.
ياسين: ( ابتسم ابتسامه وهو عارف معني النظره دي من ابوه )
المأذون: ( بخوف وهو لسه مغمض عنيه ) لع. لع. عندي عيال انا ماشوفتش حاجه چوه البيت. لستني مغمض عيوني. ماعشوفش حاجه. وحياه ربنا ماشوفتش حاجه
الضبع: ياسين خلص عليه
ياسين: امرك يابوي.