رواية الملاك المتمرد للكاتبة سلسبيل كوبك الفصل السادس عشر

رواية الملاك المتمرد للكاتبة سلسبيل كوبك الفصل السادس عشر

سيدرا غمضت عينها جامد و خدت نفس عميق و طلعته براحة.
سيدرا(بخوف): سيف انا عندي canser سرطان في مراحله الاخيرة.
سيف بص ل سيدرا و ملامحها و اتأكد انها مش بتكدب. قرب منها اكتر و مسك ايديها و باسها.
سيف(بهدوء): عرفتي امتي؟!
سيدرا: من فترة بسيطة.
سيف(بهدوء): بكرة هأخدك و هنروح لاكبر الدكاترة في مصر و متقلقيش هتفضلي عايشة ان شاء الله. متفقديش الامل.

سيدرا: سيف انا روحت و كشفت كذا مرة و عند كذا دكتور. تقبل الحقيقة.
سيف خد سيدرا في حضنه و هي لفت ايديها حواليه.
سيف: هتتحل متخافيش.
سيف حضن سيدرا لغاية ما نامت. و سيف فضل يتأمل ملامحها مهما كان دي عشرة و بينهم سنين جواز.

-في الصباح الباكر...
عند ملاك.
ملاك صحيت بدري و قامت خدت دوش و خرجت طلعت تليفونها اتصلت ب خالد.
الخط اتفتح.
خالد: صباح الخير.
ملاك: صباح النور. بقولك؟!
خالد: بتقولي ايه يا ملاك صوتك بعيد.
ملاك: بلبس هدومي و بكلمك.
خالد: طب صوتك بعيد.
ملاك: مش كان في تصوير النهاردة؟!
خالد: اه كنت هأجله.
ملاك: لا متأجلهوش. مستنياك تعدي عليا.
ملاك قفلت مع خالد و كملت لبس.

ملاك لبست بنطلون اسود و قميص ابيض و صندل بكعب اسود و سيبت شعرها علي ضهرها. و حطت روچ احمر غامق و كحل حدد عينها.
ملاك نزلت ملقتش محمد نزل.
ملاك: نور هو جدو لسة نايم؟!
نور: ايوه يا هانم.
ملاك: طيب حضري ليا فطار بره.
نور: حاضر.
ملاك خرجت قعدت في الجنينة و سرحت بتفكيرها ل زمان.
نور: يا هانم يا هانم.
ملاك: ها؟! ايه يا نور؟!
نور: الفطار يا هانم.
ملاك: شكرا يا نور.
نور: و لا يهم حضرتك.

ملاك بدأت تفطر لغاية ما محمد نزل.
ملاك: صباح النور. اخبارك؟!
محمد: لما تحكي اللي حصل هبقي ارد عليكي.
ملاك: و الله؟!
ملاك: طب خد افطر.
محمد: لا.
ملاك: كمان يا جدو. خلاص يا عم هحكيلك اعوذ بالله من صنف ادم.
ملاك حكت كل اللي حصل امبارح ل محمد.
محمد: انتي اهم حاجة كويسة؟!
ملاك: الحمدلله.
حارس: محمد بيه في صحافيين بره و عايزين يقابلوا ملاك هانم.
ملاك: دخلهم بس لما خالد يجي...
حارس: تمام يا هانم.

بعد فترة خالد جه و اتكلم هو و ملاك شوية و بعدها سمحوا للصحافيين يدخلوا.
صحفي: انسة ملاك هي الحادثة مدبرة و لا؟!
ملاك: حاليا لغاية اللحظة دي انا معرفش. ايا كانت لو مدبرة فانا مبخافش و لو مكنتش مدبرة فهو قدر.
صحفي2: لو كانت مدبرة تشكي في مين؟!
ملاك: في مجالنا ده اكيد في اعداء بس انا مبحبش سوء الظن فمش هشك في حد.
صحفية: هو حضرتك انتي و الاستاذ خالد علي علاقة؟!

ملاك: مبدأيا ده سؤال شخصي بس احب اوضح اجابته لان في ناس كتير سألت السؤال دن. خالد اخويا مش مدير اعمالي انا بعتبره اخويا هو في الاصل ابن خالتي. اهو السؤال اللي الكل هيموت و يعرفه اتجاوب.
صحفية: شكرا لحضرتك. الف سلامة.
ملاك: تمام عن اذنكوا يلا يا خالد.
خالد و ملاك مشيوا و ملاك سلمت علي محمد و خرجت ركبت عربيتها و راحت لموقع التصوير.

-في مكان تاني...
في قصر سيف.
مني: صاحية بدري ليه يا جودي؟!
جودي: معرفش مش جايلي نوم يا نينة.
مني: طب تسمحيلي اقعد معاكي؟!
جودي: اه يا نينة اتفضلي.
مني قعدت جمب جودي و بدأوا يتكلموا و مني بتضحك علي برائة جودي و انها بتتكلم بانطلاق.
مالك: صباح الخير.
مني: صباح النور ياض نفسي مرة اشوفك نايم ب تي شيرت متبقاش زي ابوك.
مالك: ان شاء اساسا انا جاي اوضة اختي.
مني: بتطردني يعني؟!
مالك: مقدرش يا نينة.

مني: يا رب الصبر سيف و هو صغير.
مالك: متشكر...
مني: انت صاحي ليه مش المفروض اجازة روح نام.
مالك: بحب اصحي بدري.
مني: طيب.
جودي: مالك تعالي نلعب.
مالك: طيب.
في اوضة سيف و سيدرا.
سيدرا صحيت قبل سيف و بدأت تتأمل ملامحه سيف صحي لقاها بصاله...
سيف: صباح الخير.
سيدرا: صباح النور.
سيدرا حطت ايديها علي خد سيف و باست رأسه.
سيدرا: سيف.
سيف: نعم.
سيدرا(بتوتر)اتجوز تاني.
سيف(بصدمة): ايه؟!

سيدرا: اتجوز تاني جودي و مالك لو انا مت هيكونوا محتاجين حد يعتني بيهم.
سيف: شكلك اتجننتي يا سيدرا و مفيش حد هيربي ولادك غيرك...
سيدرا: سيف ارجوك متوجعنيش انت هتكون محتاج ست تكون معاك و ترعاك.
سيف(بحدة): الكلام في الموضوع ده منتهي.
سيف قام خد دوش و خرج غير هدومه و نزل و سيدرا لبست و نزلت وراه.
سهي: صباح الخير، مالك يا سيف شكلك مضايق؟!
سيف: مفيش حاجة.
رزق: انت كويس؟!
سيف: اه.

مني: ها ناويين تخرجوا النهاردة؟!
سيف: هأخد سيدرا معايا مشوار.
سيدرا: انا عايزة اقول حاجة.
سيف بصلها بتحذير و سيدرا عارفة عواقب اللي هي هتقوله...
تاج: انتي تقولي اللي انتي عايزاه يا قمر.
سيدرا: انا عندي سرطان.
الكل اتصدم و سيف بصلها بعصبية.
تاج(بدموع): انتي مش هتسبيني زي ماما يا سيدرا صح...
سيدرا: الدكتور قال ال6 شهور الجايبن هيحددوا هعيش و لا لا.
مني: طب ما تبدأي في العلاج يا سيدرا.

سيدرا: هبدأ بس نسبة اني افضل عايشة قليلة.
سهي: سافري بره.
سيدرا: مش هيعملوا حاجة اكتر من اللي هيعملوها هنا.
سيدرا: انا عايزة احافظ علي ولادي علشان كدة عايزة سيف يتجوز.
سيف(بغضب): انا هحاول اراعي انك فعلا تعبانة لكن انك تفرضي عليا حاجة يا سيدرا لا هتزعلي مني جامد...
سهي: انا شايفة انها بتتكلم صح يا سيف. لو لقدر الله حصلها حاجة ولادك محتاجين رعاية.
سيف: ما هي ممكن هتعيش ان شاء الله يبقي اتجوز ليه بقي.

سهي: طب ما هي لما تكون بتتعالج مش هتكون مركزة مع الاولاد.
سيف: هبقي اجيب ناس مخصصة.
سيدرا: يا حبيبي انا فكرت في كدة بس هي اللي هتيجي ترعاهم دي هتقعد كام يوم و كام ساعة محدش هيقدر يقعد طول عمره هنا، لكن لو اتجوزت هتبقي عايشة هنا لان ده هيبقي بيتها.
سيف(بغضب): يعني هو انتي معندكيش كرامة هتسمحي لواحدة غيرك تأخد مكانك.
سيف سابهم و مشي. و سيدرا قعدت تعيط تاج و هي بتعيط قامت حضنتها.

تاج: فكري في نفسك و بس يا سيدرا.
مني: اهدي يا حبيبتي حصل خير ان شاء الله الدنيا هتتحل.
سيدرا(بعياط): انا علشان بحبه هخليه يتجوز عليا و علشان بحب عيالي هجيب ليهم شخص اطمن انه هيقعد معاهم و هيحميهم.
سهي: انا معاكي يا سيدرا متخافيش.
مني بصتلها بحدة و بصت ل رزق بغضب.
مني: ما تيجي تقول كلمة لبنتك يا رزق.
رزق: دي حياتها براحتها.
مالك(بقلق): مامي انتي كويسة؟!
سيدرا: اه يا حبيبي متقلقش.

جودي: اومال انتي بتعيطي ليه؟!
سيدرا: مفيش حاجة يا حبايبي كملوا لعب.
مالك: مش مقتنع اللي بيعيط بيكون حزين اكيد.
سيدرا: يا حبيبي مفيش حاجة انا تعبانة شوية بس.
عند سيف.
سيف كان بيسوق العربية بغضب و راح علي مكتبه.
عمر(باستغراب): هو مش النهاردة اجازة يا سيف.
سيف(بعصبية): ابعد عني يا عمر...
عمر: اهدي بس مالك.
عمر قفل الباب و قرب قعد جمب سيف.
عمر: مالك يا ابني؟!
سيف(بغضب): سيدرا عايزاني اتجوز.
عمر: اكيد عندها سبب.

سيف(بغضب): عايزاني اتجوز عليها في سبب مفيش هو في اي حاجة ممكن تخلي واحدة ست تقبل ان جوزها يتجوز عليها.
عمر: انت ايه سبب رفضك؟!
سيف(بغضب): هتجوز علي سيدرا يا عمر.
عمر: خلينا صريحين انت مش بتحبها اللي هو حبيب و حبيبة هو علشان العشرة.
سيف: تسع سنين و مرتاح معاها مش لازم اني احبها لكن هي بقت مراتي و ام عيالي.
عمر: طب ايه السبب؟!
سيف حكي ل عمر اللي حصل. عمر اتصدم شوية.

عمر: سيف كبر دماغك انا عارف اهم حاجة عندك راحة ولادك صح و لا.
سيف: بس هأجي علي نفسي يا عمر. مش هتجوز انا.
سيف: و كمان بتقول ان الدكتور قال كمان ست شهور هيقرر المصير اذا كان في امل تتعالج فعلا و لا لا. انا ليه اتجوز واحدة اظلمها معايا...
عمر: طب اهدي و امشي مع التيار شوف هيحصل ايه.
سيف: طيب يا عمر. طيب.

-في مكان تاني...
عند ملاك.
مصور: يمين شوية.
ملاك: استاذ صابر احنا بقالنا ساعة مأخدناش غير صورة واحدة.
صابر: خلي عندك صبر.
ملاك: اكتر من كدة.
ملاك نفخت و المصور خد اللقطة دي بسرعة.
المصور: حلوة اوي دي.
ملاك: يعني هو انت مستني ساعة علشان ازهق و تجبني و انا زهقانة ده انت كنت تقولي ارحم.
صابر: حبيت اجيبها طبيعية.
ملاك: هصرخ منك يا استاذ صابر.
خالد(بضحك): يخربيت الضحك يا ملاك.

بنت: استاذ ملاك اتفضلي البسي الفستان ده.
ملاك: تمام.
ملاك دخلت غيرت هدومها.
ملاك لبست فستان باللون النبيتي الفاتح قصير لغاية الركبة بكم واحد بس في دراعها اليمني و رجعت شعرها ل فوق و سيبته را ضهره. و حطت روچ نبيتي فاتح و كحل حدد عينها و لبست صندل نفس لون الفستان بكعب.
ملاك خرجت و قعدت علي الكرسي بتاعها عقبال ما يخلصوا تحضير.
صابر: انا عايز بلالين سوداء مش بيضة يا محسن.
ملاك: مسخرة صابر ده يا خالد.

خالد: اوي اوي.
منتج: ملاك ده عقد الشراكة.
ملاك: هو ده ميعاد التجديد و كمان الشركة بتاعت جدو يعني الموضوع هيخلص بسرعة.
منتج: لا دي شركة كبيرة و محترمة عائلة رضوان و تتمني انها تعمل عقد شراكة معاكي.
خالد: ممكن العقد لحظة.
خالد مسك العقد و قعد يقرأه و يقرأ البنود اللي فيه.
خالد: انتوا بتحكموا عليها بالاعدام.
ملاك: في ايه يا خالد؟!

خالد: العقد بيقول او بمعني اصح بند من البنود انه انتي متشتغليش لصالح اي شركة تانية حتى لو شركة محمد بيه.
خالد: ومفيش تجديد للعقد يعني هتفضلي تشتغلي في الشركة دي يعني يعتبر هتكوني لعبة بتتحرك في ايديهم.
ملاك: استاذ مؤمن لو حضرتك مش خايف عليا يبقي متلزمنيش في شركة جدي او ميلزمنيش اني اشتغل معاك.
ملاك: كلنا هنا بنعمل علشان شركة واحدة شركة محمد بيه لازم كلنا نخاف علي بعض.
بنت: الموقع جهز يا استاذة ملاك.

ملاك قامت و وقفت قدام صابر.
صابر: اقعدي علي الكرسي يا ملاك.
ملاك قعدت علي الكرسي اللي بيبقي طويل اوي ده و سندت برجليها عليه و رفعت ايديها علي رقبتها و بصت بثقة للكاميرا.
صابر التقط الصورة دي كانت حلوة اوي.
صابر: هاتوا البلالين.
ملاك: عيد ميلاد مين؟!
صابر: شيلوا الكرسي.
ملاك وقفت و في بنت ودتها بلالين في ايديها.
صابر: ارفعيهم لفوق و خدي وضعية صور.

ملاك رفعت ايديها لفوق بالبلالين و تنت رجل لورا و ابتسمت ابتسامة عريضة.
صابر: كدة كويس اوي. اجهزوا للموقع التاني.
ملاك: علفكرة متفقناش علي كدة.
صابر: و لا اتفقنا.
ملاك: الصبر.
صابر: هصورك جمب الورد زي ما بتحبي.
ملاك(بحب): ماشي يا بتاع الورد انت يا جميل.
خالد: ملاك في حد عايزك.
ملاك: حد عايزني انا!
ملاك: مين؟!
سيدرا: انا يا ملاك.
ملاك لفت شافت مين و اتصدمت لما شافت سيدرا.

-في مكان تاني...
عند محمد.
محمد: نور عايز كوباية ماية بعد اذنك.
نور: حاضر لحظة.
محمد حس بتعب في قلبه شوية حاول يتجاهله.
نور: اتفضل يا محمد بيه.
محمد شرب الماية و ودي ل نور الكوباية.
محمد: ملاك مقالتش هي جاية امتي؟!
نور: لا يا بيه.
محمد: طب اتصلي بالدكتور و متخلهوش يقول ل ملاك.
نور: حضرتك كويس؟!
محمد: اه بس يلا انجزي و اتصلي بالدكتور.
نور: حاضر حاضر.
بعد فترة الدكتور جه و فحص محمد.

الدكتور: محمد قولتلك قول ل ملاك انك محتاج نقل قلب.
محمد: انا محتاج اموت يا معتز.
معتز: لا يا محمد قولتلك العمليتين ناجحين. رجلك نسبة الشفاء فيها 55% و نقل القلب مضمونة 68%.
محمد: لا يا معتز لا.
محمد: انا عايش بس علشان ملاك.
محمد: لسة ملقتش الشخص اللي هيحميها و هيتبت فيها خالد مصيره هيتجوز واكيد هيحافظ علي ملاك بس انا عايز ملاك تحب و تتحب، كفاية اللي حصل زمان عاشت سنة عذاب سنة من حياتها ضاعت.

محمد: انا متأكد انها منسيتش بس هيجي اللي هينسيها معرفش هو فين بس هو جاي.
معتز: طب لازم تعالج نفسك علشان تفضل ليها يا محمد.
محمد: هفكر يا معتز.
معتز: لو استمريت علي عنادك هقول ل ملاك.
محمد: معتز انت صديقي لو قولت ل ملاك هزعل منك.
معتز: الصبر يا محمد افهم يا محمد انا دكتور و خايف علي صحتك و لازم عملية.
محمد: إن شاء الله.
معتز: محدش بيغلبك اوف يا محمد.
محمد: ما تقعد شوية.

معتز: لو قعدت اكتر من كدة دماغي هتنفجر.
معتز مشي و محمد راح علي اوضته ريح شوية.

-في مكان تاني...
في قصر سيف.
مالك: نينة هو انتوا ليه زعلانين؟!
مني: مفيش حاجة يا حبيبي.
مالك: نينة متضحكيش عليا انتي بتحبيني اقول نينة صح يلا يا نينة.
مني: بتغريني يعني!
مالك: يا نينة يلا بقي.
مني: مفيش حاجة يا مالك. و يلا روح ذاكر يا حبيبي.
مالك: طب ماما راحت فين؟!
مني: معرفش و الله يا مالك.
مالك: اوف انتوا ليه بتعاملوني علي اني صغير.
مني: لانك صغير.
مالك ساب مني و طلع علي اوضته.
سهي: ايه الاخبار؟!

مني: معرفش سيدرا راحت فين اساسا.
سهي: طب سيف عارف؟!
مني: معتقدش كان طالع غضبان منها.
سهي: الصبر. هي برضو يعتبر ضحت.
مني: ربنا يشفيها حتى لو سيف اتجوز البنت هتتظلم معاه اوي...
سهي: هي هتطول اساسا ده ابني سيف الدين فؤاد رضوان.
مني: ربنا يهدي يا سهي.
مني: تاج.
تاج: نعم.
مني: يا بنتي بطلي عياط ان شاء الله سيدرا هتخف.
تاج راحت قعدت جمبهم.
تاج(بدموع): خايفة عليها اوي.
مني: يا حبيبتي لسة في امل تتعالج.

تاج(بدموع): اومال ليه عايزة سيف يتجوز؟!
سهي: علشان هي معظم الوقت مش هتكون في البيت هتكون في المستشفي و مالك و جودي محتاجين رعااية...
تاج(بدموع): هخلي بالي منهم انا بس ميتجوزش سيدرا هتزعل اوي.
سهي: دي حاجة ترجع ل سيف و ل سيدرا يا تاج.
تاج(بدموع): ده حتى بابي متكلمش.
مني: معلش يا روحي هتلاقيه كان مصدوم.
تاج(بدموع): طب سيدرا فين؟!
مني: شوية و جاية.
سيف(بجمود): مساء الخير.
الكل: مساء النور.
تاج(بدموع): سيف.

سيف: ايه يا تاج؟!
تاج(بدموع): انت هتتجوز علي سيدرا؟!
سيف: مين قال كدة؟!
تاج(بدموع و فرحة): يعني مش هتتجوز صح؟!
سيف قرب من تاج و مسح دموعها و حضنها.
سيف: سيدرا قبل ما تكون مراتي هي بنت عمي و بنت عمي بالنسبة ليا اختي زيك كدة. متقلقيش هتبقي بخير و هتتعالج.
تاج: شكرا ليك.
سيف(ببرود): هي فين؟!
سهي(بتوتر): ههو اا...
مني(بتوتر): مم نعر.
سيف(بحدة خفيفة): الموضوع مستاهل ده كله. سيدرا فين؟!
تاج: محدش يعرف خرجت.

سيف طلع تليفونه و اتصل ب سيدرا كتير مردتش.

-في مكان تاني...
عند ملاك.
ملاك(بصدمة): سيدرا!
سيدرا(بتوتر): عاملة ايه؟!
ملاك ربعت ايديها و بصت ل سيدرا.
ملاك: الحمد لله. حضرتك عايزاني ليه؟!
سيدرا(بتوتر): ممكن اتكلم معاكي شوية؟!
صابر(بصوت عالي نسبيا): ملاك الموقع جاهز.
ملاك: الموضوع مهم؟!
سيدرا: اه.
ملاك: تقدري تستني؟!
سيدرا: ايوه.
ملاك: طيب. هصور و اجيلك.
ملاك راحت و هي مشتتة و بدأت تتصور.
صابر: امسكي بوكيه الورد.

-ملاك مسكت بوكيه الورد و رفعت رجليها لورا و ايد فوق و الايد التانية ماسكة البوكيه.
-ملاك حدفت البوكيه ل فوق و صابر لقط الصورة بسرعة.
-ملاك قعدت وسط ورد كتير و رسمت ابتسامة علي وشها.
صابر: ابتسامتك مصطنعة يا ملاك.
ملاك: طيب. اعمل ايه يعني؟!
خالد عمل حركة بوشه مضحكة ملاك ضحكت صابر لقط الصورة.
ملاك: بتموت انت في التلقائية يا عم صابر.
صابر: لازم نقنع الناس.

ملاك: ماشي يا عم ابعتولي النسخة الجديدة من المجلة و الفيديو.
صابر: تمام.
خالد: هتعملي ايه؟!
ملاك: هات جاكت يا خالد هتمشي مع واحدة زميلتي.
خالد: طيب.
ملاك: و لا اقولك هغير هدومي.
ملاك مشيت راحت غيرت هدومها لبست بنطلون اسود و قميص ابيض و صندل بكعب اسود.
ملاك: خير يا سيدرا؟!
سيدرا: مفيش مكان تاني نتكلم فيه.
ملاك مشيت و سيدرا وراها و راحوا كافيه جمب موقع التصوير.
ملاك: ها؟!
سيدرا: وحشتيني اوي اخبارك ايه؟!

ملاك: الحمد لله.
سيدرا: كنت متأكدة انك هتوصلي لحلمك.
ملاك: شكرا.
سيدرا: شوفتك في المجلة كنتي الصفحة الاولي و الفستان كان شيك اوي عليكي كأنه اتخلق علشانك انتي بس.
ملاك: تسلمي يا سيدرا. عايزة ايه؟!
سيدرا: انتي لسة زعلانة مني.
ملاك: لا يا سيدرا.
سيدرا: انا اتجوزت و جبت مالك و جودي.
ملاك: ربنا يخليهم ليكي.
سيدرا: انا اسفة يا ملاك.
ملاك: مفيش حاجة نسيت الموضوع اصلا.
سيدرا: حقيقي مكنتش اعرف انه هيحاول يغتصبك.

ملاك اتنهدت تنهيدة عميقة و بصت ل سيدرا.
ملاك: نسيت الموضوع يا سيدرا. خلاص.
سيدرا: انا انا عايزة اقول حاجة.
ملاك: قولي.
سيدرا: انا يا ملاك عندي سرطان.
ملاك بصتلها بصدمة و افتكرت انها بتهزر.
ملاك: ده لو نوع هزار جديد هزعلك يا سيدرا.
سيدرا: للاسف مش هزار.
ملاك قامت و قعدت جمب سيدرا و حضنتها.
ملاك: اكيد في امل انك تخفي.
سيدرا: مش عارفة.
ملاك: ازاي بس؟! لازم تعرفي.

سيدرا: عملت فحص طلع عندي سرطان في دكاترة قالوا انه في الحالة الاخيرة في دكتور قال انه هيعالجني لمدة ست شهور بعد الست شهور هيعرف اذا كان حالتي تسمح و لا لا.
ملاك: طيب خلاص عادي روحي و قولي ل جوزك و هو يجي معاكي.
سيدرا: كنت جاية اطلب منك طلب.
ملاك: اكيد اطلبي.
سيدرا: ممكن تتجوزي جوزي...
ملاك سكتت دقيقة تستوعب كلام سيدرا.
ملاك: اتجوز جوزك! انتي واعية ل كلامك؟!

سيدرا: جربي بس ست شهور و ساعتها لو معجبتكيش الحياة خلاص اطلقوا.
ملاك: ست شهور! و كمان هي المشكلة مش كدة. هو انتي اي حد يتجوز جوزك مثلا و لا ايه انتي قابلة ده ازاي.
سيدرا: خلاث يا ستي شهر او شهرين، و انتي انا بثق فيكي و عارفة انك مخلصة و هتحافظي علي ولادي...
ملاك: لا بس افهم فتسيبيلي جوزك. هو موافق؟!
سيدرا: اه.
ملاك: هتجننوني.
تليفون سيدرا رن كتير.

سيدرا: هبعتلك ماسدچ علي الواتس اشرحلك فيها كل كل حاجة حاليا لازم امشي.
سيدرا: باي.
سيدرا حضنت و باست ملاك و هي قاعدة و قامت مشي...
ملاك كانت لسة مش مستوعبة كلام سيدرا.