رواية الملاك المتمرد للكاتبة سلسبيل كوبك الفصل الرابع والأربعون

رواية الملاك المتمرد للكاتبة سلسبيل كوبك الفصل الرابع والأربعون

عدي يومين.
-الامور شبه عادت لطبيعتها، لسة ملقوش معتز,سهي و نور و مالك و جودي رجعوا القصر تاني,اصروا علي نور تكمل معاهم و سيف رجع حق نور ليها تاني خلي تاج لما تورث ترجع ل نور شركاتها و فلوسها,سيدرا محدش يعرف طريقها غير سيف,عمر و مريم حياتهم طبيعية و مبسوطين,فرح عدي و جود قرب,و الكل يعتبر مبسوط,مني مبسوطة بلمة الكل حواليها-.
ملاك: هو راح فين؟!
سهي: بتكلمي نفسك يا ملاك؟!

ملاك: طبعا هكلم نفسي طول ما انا متجوزة ابنك هكلم نفسي، خلاص يا عالم اتجننت و زهقت كله بسبب ابنك المجنون.
سهي: يا ماما مين دي؟!
مني: مالك بس يا ملاك؟!
ملاك: حفيدك هيجبلي جلطة و انا اهو و انتي اهو.
نور: يا بنتي ما تحكي في ايه؟!
ملاك: كنت بكلمه و قالي هتصل بيكي كمان شوية و لغاية دلوقتي مردش و لا اتصل بيا و معتز مقبضوش عليه و متهور ممكن يعمل حاجة ل سيف و انا قلقانة عليه اوي.
ملاك(بدموع): خايفة اوي.

ملاك لقت اللي بيحضنها من ضهرها و قربها منه و باس كتفها.
سيف: مش انا قولتلك متعيطيش طول ما انا موجود علي وش الدنيا.
ملاك لفت و حضنت سيف جامد، سيف باس رأسها.
سيف: بحبك يا ملاكي.
ملاك: و انا كمان.
نور(بابتسامة): طب مش قدامنا طب...
سهي: لا كدة هغير الله.
مني: بنت منك ليها عيب، و انتوا ليكوا اوضة تلمكوا.
سيف: هي حتى مودياني فرصة.
ملاك(بخجل و غضب): سيف!
سيف: عيونه.
ملاك: كدة اتثبت انا.
سيف: لو عندك دم يبقي اه.

تليفون ملاك رن، الخط اتفتح.
ملاك: الو يا مريم.
مريم: ازيك يا ملاك، فاضية؟!
ملاك: افضي مخصوص علشانك.
مريم: كنت عايزاكي تيجي معايا.
ملاك: فين؟!
مريم: الدكتور.
ملاك(بقلق): انتي فيكي حاجة؟!
مريم: معرفش. هشوف.
ملاك: طيب استني هجيلك.
مريم: لا انا هجيلك قولت ل عمر هعدي عليكي.
ملاك: طيب يا حبيبتي مستنياكي.
مريم: شكرا.
سيف: في ايه؟!
ملاك: هروح مع مريم للدكتور.
سهي: خير مالها؟!
ملاك: معرفش.
سيف: تحبي اوصلك.

ملاك: لا خليك انت تعبان هروح انا و هي و نيجي بسرعة.
سيف: طيب خلي بالك من نفسك و هبعت وراكي حراسة.
سيف: و متبصليش كدة مفيش نقاش. لاما اجي معاكي لاما حراسة.
سيف: اختاري.
ملاك: انت و امري لله.
سيف: و الله.
ملاك: انا طالعة البس.
ملاك جريت علي فوق و غيرت هدومها.
ملاك لبست جيبة جينز قصيرة لغاية قبل الركبة. و فوقها تي شيرت ابيض باكمام واسعة و لبست كوتشي اسود عالي. سيبت شعرها علي ضهرها.
ملاك كانت نازلة قابلت تاج.

تاج: خير راحة فين؟!
ملاك: هروح مع مريم للدكتور.
تاج: ليه فيها ايه؟!
ملاك: معرفش هنشوف.
تاج: ابقي طمنيني.
ملاك: اكيد.
ملاك نزلت ل تحت لقت مريم جت...
ملاك: هاي يا روحي. يلا بينا.
سيف: اه في الجنة ان شاء الله، ايه اللي انتي لابساه ده؟!
ملاك(بهمس): ايه يا سيف اسكت.
سيف: و انتي بتتكلمي بصوت واطي ليه؟! قدامي علي فوق.
ملاك: مريم بتعرفي تجري.
سيف: و الله ما يحصل ابدا قدامي يا بت علي فوق...

ملاك: سيف ميصحش كدة سيب التي شيرت.
سيف: مش سايب التي شيرت علي فوق.
سيف شال ملاك علي كتفه و ملاك حطت اخدها علي ايديها.
سيف: مقدر انك تعبانة يا مريم و راحة لدكتور بس دي واحدة صايعة و هتشلني. البسها حاجة محترمة و ارجعهالك.
الكل ضحك علي سيف و ملاك و سيف طلع علي اوضتهم.
ملاك: ارتحت لما خلتني مسخرة.
سيف رمي ملاك علي السرير و دخل اوضة الملابس خرج بعد فترة.

سيف: خدي البسي و بعد كدة نظام لبسك هيبقي كدة شتوي و صيفي.
ملاك: س.
سيف: مفيش نقاش يلا.
ملاك(بنرفزة): يعني هرمي الهدوم التانية.
سيف ربع ايده و بص ل ملاك ببرود.
سيف: لا هتلبسيهم بس ليا و في اوضتنا و بس.
ملاك: ا...
سيف: فهمتي؟!
ملاك(بغيظ): ماشي.
سيف: شطورة.
سيف: يلا قومي البسي.
ملاك قامت و دخلت الاوضة و غيرت هدومها...

ملاك لبست فستان ابيض ضيق طويل و فوقه جاكت باللون الازرق الهادئ طويل اوي، سيبت شعرها علي ضهرها و حطت مكياج هادي.
ملاك: يلا.
سيف: يلا.
سيف و ملاك نزلوا و خدوا مريم و راحوا للدكتور.
سيف: هستناكوا في العربية.
ملاك: طيب.
مريم و ملاك دخلوا عيادة الدكتور و قعدوا.
ملاك: انتي بتشتكي من ايه؟!
مريم: بنام كتير.
ملاك: افندم! هتدخلي تقولي للدكتور بنام كتير.

مريم: دخلت علي النت و بحثت قال ممكن يكون حمل. بس ان شاء الله لا هتأكد الاول.
ملاك: ان شاء الله لا ليه يا اختي؟!
مريم(بدموع): علشان اكيد عمر مش هيكون عايز ابن من ام مستواها قليل و عايشة في حارة.
ملاك: انتي مجنونة عمر لو مكنش بيحبك مكنش اتجوزك و لا قرب منك حتى، بطل هبل.
الممرضة: مدام مريم عمر الكيلاني.
مريم: ايوه انا.
الممرضة: اتفضلي.
مريم و ملاك دخلوا و قعدوا قدام الدكتور.
الدكتور: اهلا و سهلا.
مريم: اهلا.

الدكتور: مين مدام مريم؟!
مريم: انا.
الدكتور: تشرفت حضرتك بتشتكي من ايه؟!
ملاك: بص حضرتك احنا شاكين انها حامل...
الدكتور: اممم طيب هتعملي تحليل و تجيلي.
مريم: طب مفيش تحليل مستعجل؟!
الدكتور: في...
مريم: طيب.
مريم و ملاك راحوا للمعمل و عملوا تحليل مستعجل.
قعدوا فترة مستنين التحليل و سيف دخل ليهم...
سيف: اتاخرتوا ليه؟!
ملاك: مستنين التحليل.
سيف: طيب.
سيف: مال رقبتك؟!

ملاك: الصوف لما بيجي علي رقبتي بيشوكني و بيفضل يحتك برقبتي و تبقي رقبتي حمراء و سخنة.
سيف نزل الفستان من علي رقبة ملاك و شاف ان رقبتها كلها حمراء.
سيف: انا اسف يا ملاك مكنتش اعرف.
ملاك: و لا يهمك.
سيف تني رقبة الفستان كذا مرة ل ملاك.
الممرضة: التحاليل.
مريم: شكرا.
التلاتة دخلوا للدكتور و ودوا التحاليل للدكتور.
الدكتور: امم شككوا في محله، مبروك المدام حامل.
ملاك. نطت علي مريم و حضنتها و هي مبسوطة.

الدكتور: احم كدة حضرتك تيجي تعملي متابعة علشان حماية الطفل.
ملاك: طبعا طبعا يا دكتور عن اذنك.
ملاك خدت سيف و مريم و خرجوا.
ملاك: مالكوا مصدومين ليه؟!
سيف: انا هكون عم!
ملاك: ايوه.
مريم: وانا ام!
ملاك: ايوه مصدومين ليه؟! افرحوا لما عمر يعرف هيطير من الفرحة...
مريم: ده بيتصل.
ملاك: ردي طيب.
مريم: لا لا.
سيف: تعالوا اوصلكوا يلا.
ركبوا العربية و راحوا ل بيت عمر لقوه كان هيركب عربيته.

عمر(بخوف): حرام عليكي يا مريم خضتيني عليكي.
عمر(بقلق): اتصلت بيكي مش بتردي و ملاك مش بترد قلقتوني.
عمر خد مريم في حضنه و باس رأسها...
عمر: انتي كويسة؟!
مريم: اه.
عمر(بقلق): مالك بتعيطي ليه؟!
مريم(بعياط): مفيش.
ملاك: مبروك يا عم هتبقي اب.
عمر: مش وقت هزار.
عمر(بقلق): مالك يا حبيبتي؟!
سيف: يا اهبل هتبقي اب يعني مريم حامل.
عمر فتح عينيه علي اخرهم و بص ل مريم و شالها لف بيها...

عمر: بحبك قد الدنيا كلها، بتعيطي ليه بس يا روحي المفروض تفرحي.
عمر: انا مبسوط اوي.
مريم: بجد!
عمر: طبعا اخيرا هيبقي عندي قطعة تانية تشبهك.
مريم: بحبك.
سيف: طيب نستأذن احنا باي...
سيف خد ملاك و ركبوا العربية و مشيوا...
عمر قعد مع مريم و قعد يتكلم معاها و قعد يخطط هيعمل ايه في الطفل لما يتولد و مريم مبسوطة.
تليفون سيف رن، الخط اتفتح.
سيف: اه. تمام.
سيف: طيب كويس.
سيف: تمام يا باشا.
سيف: شكرا شكرا.

ملاك: ايه يا سيف؟!
سيف: معتز انتهي من حياتنا يا ملاك.
ملاك: مفهمتش.
سيف: يعني لقوه و الظابط اكد ليا انه مش هيقدر يخرج منها و هيأخد اعدام و هنخلص منه اخيرا.
ملاك(بفرحة): بجد!
سيف: اه يا حياتي.
ملاك حضنت سيف جامد و باسته كتير علي وشه.
سيف: هنعمل حادثة.
ملاك: ده اسعد يوم في حياتي.
سيف: كدة فاضل حاجة واحدة و هعملها.
ملاك: رايح علي فين؟!
سيف: الاحزان كلها تيجي مرة واحدة.
ملاك: مش فاهمة.

-بعد فترة ملاك لقت سيف وقف في مكان عشوائي و نزل و ملاك نزلت و راحوا ل بيت علي قد حاله.
سيف فتح الباب ملاك دخلت لقت سيدرا في ايديها و رجليها سلسلة حديد و هدومها متبهدلة.
ملاك(بصدمة): سيف انت ازاي قدرت تعمل كدة؟!
سيف(بجمود): ده اقل جزاء للي يخون سيف الدين فؤاد رضوان.
سيف: عايزة حاجة قبل ما تموتي.
ملاك(بغضب): سيف مستحيل اسمحلك تقتلها.
سيف: هشششش. اهدي.
سيف: اسكتي.
سيف قرب من سيدرا و نزل ل مستواها.

سيف: عايزة تقولي حاجة.
سيدرا(بتعب): انت السبب يا سيف.
سيف: السبب في ايه؟! في واحدة محترمة تخون جوزها.
سيدرا(بتعب): انت اللي اهملتني. انت اللي محبتنيش انا عملت كل حاجة علشان اسعدك و برضو معرفتش. جت في بالي فكرة السرطان دي، بس علشان بحب عيالي قولت اجبلهم حد يرعاهم.
سيف: و انتي تستمتعي صح، و علشان يرتاح ضميرك تجيب حد يخلي باله من مالك و سيدرا صح.
سيف: انتي ايه يا ستي؟! ده كله علشان محبتكيش.

سيف: انا ايه ذنبي قلبي مش ملكي. قلبي لما دق. دق ل ملاك و بس و عمره ما هيدق ل غيرها.
سيف: علشان خاطرها و لا هقتلك و لا هعملك حاجة.
سيف: بس مقبلش ان واحدة زيك تبقي علي ذمتي.
سيف: انتي طالق بالتلاتة يا سيدرا.
سيف: التذكرة دي تذكرة سفر بلا عودة مش عايز اشوف وشك تاني و لا قريب و لا بعيد، و لا ترجعي تقولي ولادي ولادي...
سيف: لان الاموات مش بيرجعوا تاني يا سيدرا.

سيف: في حارس معاكي بره هيسفرك ل بره و هيأمن ليكي مكان و معاكي فلوس و تشتغلي و تصرفي علي نفسك...
سيف: بعمل كدة علشان مهما كان احنا نفس الدم. انتي من عائلة رضوان و انا من عائلة رضوان و لاجل ولادي مالك و جودي...
سيف: و لاجل والدتك الست الطيبة و لاجل تاج اختك.
سيف: يلا يا ملاك.
سيف مسك دراع ملاك و خرجوا و سيدرا قعدت تعيط كتير.
ملاك: الحمد لله انك مقتلتهاش.
سيف: قدامي.
ملاك: كدة المشاكل انتهت.
سيف: المفروض.

ملاك: ربنا يستر.

-بعد مرور شهر...
الكل حزن ل خبر موت سيدرا و بعدها كملوا حياتهم و استمروا. الكل بقي بيحب التاني، و قصة حب كل ثنائي تتطور اكتر و اكتر. الاطفال بداوا يتعلقوا بملاك اوي. محمد بقي يجي للقصر كتير و يقعد مع مني. و كل يومين يتجمعوا و يعملوا وليمة و يسهروا.
سيف: ملاك ناوليني السلطة.
ملاك: قوم جيبها ل نفسك...
سيف: يا بنت الناس متعصبنيش.
خالد: ايه هتضربها يا عم و لا ايه؟!
سيف: انا اقدر، بس هي عنيدة.

ملاك: ابقي كلم جاسيكا كويس.
جاسيكا عميلة جت عند سيف في مكتبه و ملاك كانت معاه.
سيف(بصوت عالي): يا رب.
الكل ضحك علي سيف و قعدوا يتكلموا.
عدي: ايه يا ملاك فكيها شوية؟!
ملاك: طبعا ما انت صاحبه هتدافع عنه.
عمر: يا بنتي.
ملاك: اخرس انت كمان.
سيف: اخرس يا ابني انت و هو.
سيف: ممكن يا حبيبتي تناوليني السلطة؟!
ملاك: لا...
سيف: لو جيتلك هزعلك.
ملاك(بتريقة): لو جيتلك هزعلك.

حلا: اوف خد يا بابا اهي السلطة بطلوا بقي، خناق خناق زهقت اوف.
مالك: عندك حق يا حلا...
مريم: ايوه الولاد زهقوا ازهقوا انتوا كمان.
تاج: خليكي انتي في اللي جمبك. انا لو كنت مكان ملاك مكنتش رميت عليها كوباية العصير.
سيف: الله يكرم اصلك.
ملاك: كنت جبت اي حاجة ازاز و كسرتها علي رأسها.
سيف: الله يخرب بيتك يا شيخة.
محمد: بس بقي يا ولاد كلوا.
سهي: بناكل اهو.
جاسر: طيب يا حاجة.
نور: جاسر.

جاسر: هتجوز امتي يا نااااااس؟!
عدي: انا اتجوزت لسة يبقي اصبر انا اتجوز و بعدها انت.
جاسر: طب كتب كتاب طب.
عدي: اتذل الاول.
عدي: و كمان هو بكرة فرحي مستعجل علي ايه. فرحي و كتب كتابك بكرة بس.
جاسر: احم احم.
سيف: خير؟!
جاسر: يعني بما انه تاج خلصت امتحانات و منتظرين النتيجة ما اتجوز مع اخويا و النبي و النبي.
تاج: نعم يا اخويا انت جاي تقول كدة قبل الفرح بكام ساعة...

جاسر: اهدي و الله. مختار الفستان و مظبط كل حاجة مع سيف.
سيف: سيف مين يا ابني هتلبسني مصيبة.
ملاك: يبقي سيف اتفق مع جاسر.
نور: سكتي ليه؟!
تاج(بغيظ): بفكر اقتل مين الاول.
ملاك: لا يا اختي سيف جوزي.
سيف: اصيلة يا حبيبتي.
ملاك: انا اولي بقتله.
سيف: جتك مصيبة في شكلك...
مني: يلا بقي كله بيته بيته و بكرة نتقابل.
سيف: ايوه فعلا يلا، خشي يا جود جوا.
عدي: ما تسبها يا عم.
سيف: يلا يا جود جوا.
جود: حاضر.

جود: بتبصلي ليه؟! مش انت اللي قولت سيف اسمع كلامه دايما.
عدي: مكنتش اعرف انه واطي اوي كدة.
سيف: متشكر، يلا كله بيته بيته.
خالد: قدامي يا بنتي.
شروق: حاضر مستعجل علي ايه؟!
خالد و محمد و شروق روحوا، عدي و جاسر روحوا. الباقي كل واحد طلع علي اوضته نام...

-في الصباح الباكر.
في القصر.
ملاك صحيت و قامت غيرت هدومها و طلعت علي اوضة تاج و قعدت تطبل علي الباب.
ملاك: يا عروسة يا عروسة انا العريس افتحي يا عروسة انا العريس.
ملاك دخلت و قعدت تصحي تاج.
ملاك: بت يلا قومي يا بت قومي.
تاج(بنوم): ايه يا ملاك؟!
ملاك: قومي يا اختي قومي.
تاج: خير في ايه؟!
ملاك: الفرح قومي يلا.
تاج(بخضة): ايوه صح الفرح...
تاج قامت بسرعة علي الحمام خدت دوش طويل و خرحت غيرت هدومها.

تاج لبست بنطلون جينز و تي شيرت اسود و رفعت شعرها ديل حصان و كوتشي ابيض.
تاج نزلت لتحت، ملاك راحت ل جود و قعدت تصحيها.
ملاك: يا بنتي قومي متتعبيش قلبي.
ملاك: انتوا جايين يوم الفرح و تناموا.
جود: في ايه بقي؟!
ملاك: قومي يا اختي قومي
جود: عدي.
جود: الفرح.
جود: الفستان.
جود: اه صح يا نهاري.
جود قامت بسرعة و دخلت الحمام خدت دوش طويل و خرجت جري.
ملاك: اهدي لسة بدري. خشي غيري هدومك و انزلي يلا.
جود: حاضر.

ملاك نزلت تحت لقت كل الستات علي السفرة...
ملاك: الميكب ارتست جاية كمان ساعة.
تاج: طيب، منك لله يا جاسر انت و سيف.
ملاك: ادعي علي خطيبك ملكيش دعوة بجوزي.
نور: يا واد يا حنين.
ملاك: نسيت اصحيه هطلع اصحيه...
ملاك طلعت لاوضتهم ملقتش سيف استغربت دخلت اوضة الملابس و بعدها خرجت دخلت الحمام.
ملاك(بتوتر): اسفة.
سيف: تعالي انا خلصت.
ملاك: لا كنت بدور عليك.

سيف: انا اهو يا حبيبتي، يلا هخش اغير هدومي علشان الحق اروح للشباب.
ملاك: طيب.
سيف باس رأس ملاك و دخل اوضة الملابس غير هدومه و خرج.
ملاك: بقولك.
سيف: نعم.
ملاك: خلي بالك من نفسك.
سيف: حاضر. و انتي كمان.
ملاك: يلا باي.
سيف: طيب.
سيف نزل و ركب عربيته و راح ل فيلا عدي و جاسر.
الكل اتجمع في بيت سيف كل البنات و الميكب ارتست...
و بدأوا يحضروا كل التجهيزات.
بليل.
تاج: ملاك شكلي حلو؟!
ملاك: للمرة الالف انتي قمر.

شروق: و الله انتوا الاتنين حلوين اوي.
جود: بجد!
مريم: مش مصدقين نفسكوا ليه؟!
جود: خايفة متوترة معرفش.
ريتاج: اخيرا هحضر فرح المغرورة.
تاج: تحترمي نفسك يا بت...
ريتاج: نينينيني.
ملاك: هتتخانقوا و لا ايه؟!
ملاك: اهدوا شوية.
سهي: بسم الله ما شاء الله ايه القمر ده؟!
تاج: بجد يا طنط؟!
سهي: ايوه يا قلب طنط طبعا قمر، و انتي يا جود.
جود: تسلمي يا طنط سهي.
الكل سمع صوت هيصة تحت لقوا الشباب عاملة هيصة و بيرقصوا تحت...

ملاك: المجنون.
شروق: حبيبي خالد.
كانت الشباب بترقص من قلبها و بيحضنوا بعض و بيهنوا بعض بالفرح...
نور: يلا يا بنات يلا بسرعة.
تاج: انا متوترة.
ريتاج: تاج اهدي خدي نفس عميق، انتي قوية يلا.
ملاك(بضحك): يلا قدامي يلا.
الكل نزل و تاج و جود جمب بعض لغاية ما وصلوا ل وسط القصر و البنات لفوا ضهرهم ل باب القصر و الشباب دخلوا...
جاسر: ده نظام شوق و لا تدوق.
جاسر: ما تلفي يا بنتي.
عدي: جود لفي يلا.

تاج و جود كانوا بيضحكوا.
جاسر و عدي قربوا من تاج و جود و وقفوا وراهم.
جاسر: لفي يلا بلاش رخامة.
تاج لفت ببطء ل جاسر اول ما شافها خدها في حضنه.
جاسر: ايه يا عم الجمال ده يا عم.
تاج(باحراج): يا رزل وسع.
جاسر: لا.
سيف: هتوسع و لا اخليك توسع غصب عنك.
جاسر: هوسع يا كبير كلها دقايق و احضن براحتي...
جود لفت هي كمان و حطت وشها في الارض. عدي مسك دقنها و رفع وشها ليه و باس رأسها.
عدي: متتكسفيش.

تاج كانت لابسة فستان ابيض ضيق تيبست ضيق كله الا اخر حتة واسع. و لبست طرحة الفستان كانت قصير و لبست صندل بكعب ابيض و رفعت شعرها علي شكل كحكة، و حطت روچ هادئ و كحل حدد عينيها.
جود كانت لابسة فستان واسع بسيط جدا و هادئ كان علي شكل فراشة من ورا و طرحة الفستان قصيرة و رفعت شعرها علي شكل كحكة. و حطت روچ احمر غامق و كحل حدد عينيها، لبست جذمة بيضاء.
خالد: صور يا عم صابر صور.
صابر: ما انا بصور اهو الله.

شروق: بس يا ابني ليأكلك.
محمد: شروق عيب.
جاسر مسك ايد تاج، عدي مسك ايد جود. و بدأوا يخرجوا للكل.
خالد: يا قمر انت يا عسل.
شروق: طول عمري عسل.
خالد: يا واد يا واثق.
شروق كانت لابسة فستان ضيق مجسمها باللون النبيتي بحمالة عريضة مايلة علي الكتف الفستان كان طويل من ورا و مفتوح من قدام. و لبست صندل بكعب بنفس لون الفستان، و حطت روچ احمر غامق و كحل حدد عينيها. و سيبت شعرها القصير.

عمر: كويس انك سمعتي كلامي و لبستي حاجة واسعة.
مريم: اكيد هسمع كلامك يا حبيبي.
مريم كانت لابسة فستان باللون الازرق الهادي واسع و قصير لغاية بعد الركبة مبين جزء بسيط من الضهر بحمالة عريضة علي الكتف. لبست صندل ابيض مش بكعب. رفعت شعرها كحكة.
عمر: هاتي ايدك.
مريم: بحبك.
عمر: بعشقك.
الكل خرج و متبقاش غير ملاك و سيف.
ملاك كانت راحة ناحية سيف بغضب و لسة هتتكلم لقت سيف حط ايده علي بوقها...

سيف: الفستان حلو و شيك و انتي احلي و كيوت و هتخطفي انظار الكل، بحبك.
ملاك: لسة جاي تفتكر دلوقتي، الكل قال ل مراته كلام حلو و ا.
سيف قرب من ملاك و (لخيالكوا)...
سيف: صدقيني زهقت من خناقتنا يا حبيبتي...
ملاك: ما انت اللي بتزعلني.
سيف: انا برضو. طب يلا بينا.

ملاك كانت لابسة فستان اسود قصير لغاية الركبة مفتوح من عند الخصر من ورا و ب ¾ كم و رفعت شعرها علي شكل كحكة و حطت روچ احمر غامق وكحل حدد عينيها. و لبسن صندل بكعب اسود.
-خرجوا و الكل قعد يهني التاني و كانوا مبسوطين اوي و البنات قعدت تهيص هي و الشباب.
عدي: بحبك.
جود: و انا كمان.
جاسر: مش مصدق نفسي.
تاج: صدق يا اخويا حتى هسيب بيتنا و هاجي اقعد معاك.
جاسر: بحبك و الله.
تاج: و انا.

-كتبوا الكتاب و الكل كان مبسوط اوي و كانت السعادة مالية المكان...
عدي: سيف سنة سنتين كدة مش عايز اشوف وشكوا.
جاسر: و لا انا و الله باي.
عدي و جود ركبوا عربية، جاسر و تاج عربية.
وصلوا للفيلا بتاعتهم و نزلوا.
عدي و جاسر بصوا ل بعض، كل واحد شال مراته بين ايديه. و دخل الفيلا.
عدي: اطلع الاول.
جاسر: تسلم يا اخويا.
جاسر طلع لاوضته و نزل تاج علي الارض.
جاسر: بصي يا تاج انا مش هتكلم كتير.
تاج: اومال؟!

جاسر: اممم تعالي اقولك.
جاسر قرب من تاج و (لخيالكوا)و...
عند عدي و جود.
عدي: خشي غيري هدومك.
جود: حاضر.
جود دخلت غيرت هدومها في اوضة الملابس.
جود لبست بنطلون ابيض و تي شيرت ازرق بنص كم و سيبت شعرها علي ضهرها.
جود: احم احم.
عدي: تعالي يا جود قربي.
جود قعدت جمب عدي علي الكنبة. عدي مسك ايديها.

عدي: بصي يا جود ممكن يكون اسلوبي كان بيبقي حاد و بارد و دبش معاكي. بس اللي عايزك تعرفيه ان ممكن مبعرفش اعبر عن حبي لكني بحبك و بدليل اني اتجوزتك.
جود: لولا اني كنت بشوف الحب في عيونك مكنتش قبلت اتجوزك ابدا.
عدي حط ايده علي خد جود...
عدي: كان باين عليا اوي كدة.
عدي ابتسم علي جود و قرب منها و (لخيالكوا)و...

-بعد مرور اسبوع...
ملاك: يا سيف انجز هنتأخر.
ملاك: سيف يلا قوم بقي.
ملاك: سيف و الله هزعل منك، يلا يا سيف.
ملاك: سيف حبيبي يلا بقي.
سيف: ايه يا بنتي صدعتيني.
ملاك: هنتأخر علي فرح خالد.
سيف: طيب معلش.
ملاك: اوف يا سيف واخد الموضوع ضحك.
سيف: خالد قال مش عايز فرح كبير هو هيأخدها و هيطلعوا علي ايطاليا...
ملاك: ماشي بس هي صاحبتي و لازم اكون معاها من بدري...
سيف: طيب يا اختي قومي...

ملاك: جاهزة هلبس الفستان هناك...
سيف: طب روحي انتي يا ملاك و انا هحصلك.
ملاك: لا هستناك. و انت اللي هتوصلني.
سيف: امشي يا بت اجري...
ملاك: سيف.
سيف: قلبه.
ملاك: حبيبي.
سيف: عيون حبيبك.
ملاك: قوم يلا علشان توصلني.
سيف: عيوني.
سيف قام دخل خد دوش و خرج غير هدومه و خد ملاك و نزلوا...
راحوا ل فيلا محمد و استغربوا من ظهور شروق.
ملاك(بصدمة): انتوا مجانين!
خالد: لا.
ملاك: علي اساس يبقي في فرح و الكلام ده...

خالد: كان زمان يا بطة.
شروق كانت لابسة فستان ابيض قصير من قدام و طويل من ورا و مخرم من الضهر. و لبست صندل بكعب ابيض و مكياح بسيط جدا و سيبت شعرها القصير.
سيف قعد يصقف ل خالد.
سيف: انا فخور بيك يا ابني.
محمد: بذمتك شايفة الجنون يا ملاك.
ملاك: ربنا يهني مجنون بمجنونة يا جدو.
شروق: و الله فكرة حلوة يا ملاك. يكون فرحي و فستاني من نوع و طراز غريب.
ملاك: طبعا طبعا...
خالد: يلا فين عم صابر مصور الناس كلها.

صابر: جيت اهو...
الكل قعد يضحك علي جنون خالد و شروق الغير متوقع.
صابر: و بالنسبة للي علي راسك.
شروق: ايه بدل ما امسك بوكيه ورد حطيته علي شعري مش غريب...
صابر: ابدا، ربنا يشفي.
صابر بدأ يصورهم و بعدها ركبوا عربايتهم و راحوا للمطار، و الناس كانت مستغربة شروق و فستانها.
خالد: يلا باي.
ملاك: باي، كويس انكم هتروحوا طيارة خاصة.
سيف: يلا باي.
سيف: يلا يا محمد بيه...
محمد: طيب.

ملاك: خليت نور تحط كل الشنط يلا بينا...
كلهم رجعوا للقصر...
مني: ايه الاخبار؟!
سيف: كان اغرب فرح يعدي عليا و الله.
سهي: حصل ايه؟!
ملاك: هطلع اغير هدومي و انزل احكي بالتفصيل.
سهي: مستنية.
سيف: اتفضل معايا يا محمد بيه.
ملاك كانت طالعة جري علي السلالم و اتكعبلت في الفستان...
ملاك(بصريخ): سيف!