رواية الملاك المتمرد للكاتبة سلسبيل كوبك الفصل الثاني
أن علاء و ملاك كانوا بيتكلموا و علاء قال.
علاء: ايه رأيك يبقي بينا علاقتنا في السر؟!
ملاك بصت بسخرية و مسكت الكأس الازاز و ضربته علي رأسه.
ملاك(ببرود): دي حاجة بسيطة للي يفكر بس يتعدي حدوده معايا.
الكل التفت ل علاء و ملاك و علاء كان بينزل دم و بيصرخ.
جنون مشيت بكل برود و ركبت العربية.
خالد: مالك؟!
جنون: هحكيلك امشي.
خالد ساق لغاية ما وصل مكان هادئ و وقف.
خالد: حصل ايه يا تاعبة قلبي؟!
ملاك: الحيوان الحقير قال ايه عايز يتجوزني روحت كسفته و رفضت قال ايه بقي عايز يبقي بينا علاقة في السر.
خالد: و طبعا انتي مسكتي اللي قدامك و ضربتيه بيه.
ملاك: اه طبعا ده شخص يستاهل اكتر من كدة لولا انه كان في ناس عرفاني.
خالد: اه عارف عارف كان زمانه مرمي علي الارض...
ملاك: اتريق اتريق عيل رزل، عادي يعني هو كل البنات بيعرفوا يضربوا يعني انا اللي بعرف اعمله بعمله و كمان شغلي هادئ جميل.
خالد: طيب تحبي نرجع؟!
ملاك: ليه لا؟!
خالد: ليه اه؟!
ملاك: الصبر يا رب امشي يا خالد.
خالد: طيب.
خالد ساق بعربيته و وصلوا لفيلا ملاك.
خالد: هروح انا.
ملاك: طيب. هو بكرة في حاجة؟!
خالد: لا هنصور في مرسي مطروح يوم الجمعة.
ملاك: طيب باي.
ملاك دخلت الفيلا لقتها كلها ضلمة طلعت لاوضة جدها باست رأسه و ايده.
ملاك راحت اوضتها و كانت جعانة اوي.
ملاك: اوف بقي. هدخل اخد دوش الاول.
ملاك دخلت خدت دوش و قامت بدأت تغير هدومها.
ملاك لبست بيجامة عبارة عن قطعتين شورت اسود في ابيض قصير و فوقه تي شيرت باللون الابيض حمالة عريضة، رفعت شعرها لفوق علي شكل كحكة عشوائية و نزلت كام خصلة. ملاك قعدت تحط كريمات علي بشرتها.
ملاك قامت نزلت المطبخ و بدأت تشوف تأكل ايه.
ملاك عملت بطاطس كانت جاهزة و ساندوتشات فينو و كاتشب و مايونيز. و بدأت تأكل باستمتاع.
ملاك طلعت علي اوضتها و بدأت تعمل رياضية بسيطة و قعدت شوية و بعدها نامت...
-في الصباح الباكر...
في قصر سيف.
تاج: صباح الخير.
مني: صباح النور...
رزق: صباح النور يا حبيبتي.
تاج: فين سيدرا و سيف و طنط سهي؟!
مني: في اوضهم لسة.
تاج: طيب.
عند سيف و سيدرا.
سيدرا كانت حاسة بوجع شديد بتحاول تتحمله...
سيف(بابتسامة): صباح الخير.
سيدرا(بابتسامة باهتة): صباح النور.
سيف: مالك وشك اصفر ليه؟!
سيدرا: انا كويسة عن اذنك.
سيدرا قامت و دخلت الحمام و سيف قلق نوعا ما. سيف قام و راح لاوضة جودي.
سيف: جودي حبيبتي.
جودي(بنوم): بابي ليه عايزني اقوم بدري انا لسة مبدأتش مدرسة.
سيف: علشان لازم تتعودي تصحي بدري. لانك هتصحي بدري في المدرسة و في الجامعة و في الشغل.
جودي: طب تعالي نام جمبي يا بابي خمسة.
سيف: الصبر.
سيف نام جمب جودي و جودي قعدت فوقه و حضنته جامد...
جودي: انا بحبك اوي يا بابي.
سيف: و انا بحبك يا اميرتي.
جودي: يعني مش بتحب مالك اكتر مني يا بابي.
سيف: لا يا حبيبة بابي يلا قومي.
سيدرا: صباح الفل.
سيف و جودي: صباح النور.
جودي: بابي مامي.
سيف و سيدرا: ايه؟!
جودي: اشمعنا انا الصغيرة انا عايزة نونو صغير.
سيف: و الله يا جودي بنعمل علي الموضوع ده.
سيدرا: هروح اصحي مالك.
سيدرا راحت لاوضة مالك و دخلت.
سيدرا: مالك يا مالك يلا قوم.
مالك: نعم يا مامي.
سيدرا: يلا يا حبيبي قوم.
مالك: طيب حاضر.
سيدرا رجعت اوضتها غيرت هدومها لقت سيف بيخرج من الحمام...
سيف: انتي كويسة؟!
سيدرا: اه يا حبيبي.
سيدرا قربت من سيف و حضنته و باست خده.
سيف: يا بت طب اخش اغير طب.
سيدرا: بحبك اوي يا سيف.
سيف: بحبك.
سيف باس رأس سيدرا و راح يغير هدومه.
تحت.
سهي: شايفة يا حماتي الفستان ده.
مني: جميل و ذوقه راقي.
تاج: وريني كدة يا طنط.
سهي: خدي.
تاج: واو الفستان هيبقي علي سيدرا خرافة...
سيدرا: صباح الخير.
تاج: صباح الفل بصي الفستان ده.
سيدرا بصت علي اللي تاج قالتلها عليه و بدأت تفحصه.
سيدرا: جميل.
جودي: صباح الخير يا نينة مني.
جودي باست مني و راحت باست سهي.
رزق: مش هتسلمي علي عمو؟!
جودي: ازيك يا عمو.
رزق: الحمد لله.
جودي راحت قعدت مكانها و سيف و مالك نزلوا مع بعض.
سيدرا: تعالوا يا حبايبي.
سيف و مالك قعدوا و الكل بدأ يأكل.
تاج: بص كدة يا سيف الفستان ده حلو اوي و عجب سيدرا.
سيف: اشتريه يا سيدرا لو عاجبك علي حسابي.
سيدرا: تسلم يا حبيبي.
سيدرا: ممكن يا سيف لحظة.
سيف: طيب يا حبيبتي.
سيدرا و سيف قاموا و بعدوا شوية عن الجميع.
سيدرا: كنت عايزة اتكلم معاك في موضوع مهم بليز ارجع بدري.
سيف: ماشي يا حبيبتي.
سيف باس رأس سيدرا و خرج ركب عربيته.
رزق: مش وراكي كلية يا تاج؟!
تاج: لا يا بابي هقعد اذاكر.
رزق: تمام. عن اذنكوا.
رزق قام و راح علي شركة العائلة.
عفاف: باص حضرتك جه يا مالك بيه.
مالك: تمام. يلا باي.
مالك خد شنطته و خرج ركب الباص بتاعه.
جودي: هطلع العب باي.
مني: سيدرا انتي كويسة؟!
سيدرا: اه يا نينة.
سهي: هتشتري الفستان؟!
سيدرا: هشوف يا طنط. عن اذنكوا.
مني: ربنا يريح بالك يا سيدرا.
-في مكان تاني...
في مكتب سيف.
عمر: صباح الخير.
سيف: صباح النور.
عمر: يوسف بيه عدنان واخد ميعاد.
سيف: قضية؟!
عمر: اكيد.
سيف: بس اللي اعرفه انه ملهوش في المشاكل.
عمر: معرفش.
سيف: عموما اول ما يجي دخله و ساعتها هنعرف.
عمر: طيب هروح اشوف شغلي.
سيف: اه بقولك ابعت حد من عندنا يجهز ورق خاص بالشغل كل التفاصيل عند مريم و اتعامل بأدب يا عمر علشان منساش انك صاحبي.
عمر: احم احم. سمعتي سبقاني علطول كدة.
عدت فترة و يوسف بيه ده جه و دخل.
سيف: نورتنا يا يوسف بيه.
يوسف: بنورك انت يا سيف.
سيف: ها ايه اللي حصل؟
يوسف: اخويا ماسك متلبس مع بنات في الفيلا بتاعته و كان في مخدرات و حشيش و اتسجن و انا عايز اخرجه بأي شكل من الاشكال.
سيف: سنه؟!
يوسف: 19 سنة.
سيف: اكتبلي كل التفاصيل اللي حصلت يا يوسف و بقدر الامكان هساعدك.
يوسف: شكرا ليك يا سيف حقيقي مش عارف اشكرك ازاي.
سيف: علي ايه بس؟! اهم حاجة يتعظ.
يوسف: تمام مستني خبر حلو يا سيف.
يوسف مشي و عمر دخل.
عمر: ايه؟!
سيف: اخوه مسكوه دعارة و حشيش و مخدرات.
عمر: ناوي تعمل ايه؟!
سيف(بخبث): تفتكر ايه؟
عمر: يا خوفي من دماغك السم يا سيف.
سيف(بمكر): هنشوف. اسمع هتعمل ايه؟!
سيف: عمر قعد يبص يمين و شمال و سيف استغربه.
سيف: في ايه؟!
عمر: لا بدور علي سيف اصل اللي قدامي ابليس كمل كمل.
سيف(بضحك): روح اعمل اللي قولتلك عليه.
عمر: طيب.
-في مكان تاني...
في فيلا ملاك.
خالد: فين ملاك يا جدو؟!
محمد: في حمام السباحة اللي في الروف.
خالد: طيب نستناها.
محمد: في ايه؟!
خالد: شكلها محكتلكش حصل ايه...
محمد: حصل ايه؟!
خالد حكي ل محمد علي كل اللي حصل.
محمد: يستاهل.
خالد: بس اكيد الموضوع مضايقها.
محمد: اكيد بس هي قوية و هتتجاوزه.
خالد: ان شاء الله. طمني عنك؟!
محمد: زي القرد اهو.
خالد(بغمزة): مفيش واحدة كدة او كدة.
محمد: في.
خالد(بحماس و ابتسامة عريضة): مين؟!
محمد: انت يا بيضة.
خالد وشه كشر و محمد قعد يضحك عليه.
خالد: متشكرين يا رجولة هو انت بتكبر و لا بتصغر.
محمد: خلاص متزعليش هجبلك شيكولاتة.
خالد: ده ايه القرف ده؟! اعقل يا عم.
محمد قعد يضحك كتير و مكنش قدر يتنفس.
عند ملاك.
ملاك كانت بتعوم في حمام السباحة و بعدها طلعت حطت فوطة حواليها و نزلت لاوضتها خدت دوش.
ملاك لبست بنطلون ابيض بيتي طويل و تي شيرت اسود ب¾ كم قصير لغاية الخصر. و سيبت شعرها و لبست صندل واطي باللون الاسود في ابيض.
ملاك نزلت للجنينة و باست جدها من خده.
ملاك: عامل ايه يا حبيبي؟!
محمد: بخير طول ما انتي بخير يا روحي.
ملاك: فطرت؟! خدت دؤاك؟!
محمد: اه يا روحي متشغليش بالك.
خالد: احم احم انا هنا.
ملاك: عارفة انت مش هواء.
خالد: اخيرا حد شافني.
ملاك: طبعا ما كل الناس بتشوف القرود.
محمد و ملاك قعدوا يضحكوا جامد علي منظر خالد.
خالد: هو انتي و جدك جايين عليا كدة ليه الله.
خالد: انتوا متفقين ده ايه ده يا رب.
ملاك: معلش يا قرد اقصد يا خالد.
خالد: طيب.
خالد طلع يجري ورا ملاك.
ملاك(بصريخ): جدوووو.
خالد: و ربنا امسكك.
ملاك وقفت و خالد جري عليها و هي كعبلته وقع في حمام السباحة.
خالد(بصدمة): لا لا حرام عليكوا انتوا لو متفقين مش هتعملوا كدة.
ملاك قعدت تضحك علي منظر خالد هي و محمد.
خالد: طيب يا ملاك اصبري عليا.
ملاك: مستنية.
ملاك قعدت جمب محمد و خالد قام و دخل غير هدومه و نزل.
خالد: تصوير مرسي مطروح اتأجل و بليل عليكي تصوير و بكرة...
ملاك: خالد ده انا حبيبتك.
خالد: انسي، التصوير هيبدأ الساعة 8.
محمد: قلبك اسود.
ملاك: جدو.
محمد: مش ده شغلك البسي بقي.
ملاك: طيب يا خالد اما وريتك مبقاش ملاك سالم.
خالد: هروح انا ورايا مشوار و هعدي عليكي.
ملاك: اه روح صيع روح.
عدت فترة و ملاك كانت قاعدة مع محمد.
ملاك: هطلع البس يا جدو، عايز حاجة؟!
محمد: لا يا حبيبتي، ربنا معاكي.
ملاك طلعت علي اوضتها و طلعت هدومه ليها و بدأت تلبس.
ملاك لبست جيبة باللون الاسود منفوشة و فوقها بلوزة جينز دخلتها في الجيبة و لبست كوتشي ابيض عالي نوعا ما. و رفعت شعرها علي شكل ديل حصان و حطت مكياج بسيط كانت جميلة اوي.
ملاك نزلت جري خبطت في نور.
ملاك: بعتذر يا نور.
نور: و لا يهمك يا هانم.
ملاك نزلت و اطمنت علي محمد و نزلت لقت خالد.
خالد: قدامي.
ملاك: و ربي يا خالد لانفخك بس اصبر عليا.
خالد: طيب.
ملاك و خالد ركبوا عربية ملاك و السواق ساق و خالد جمبه و ملاك ورا...
خالد(بضحك): بس منظرك حلو اوي و انتي زعلانة كدة.
ملاك(بغيظ): عقبالك يا حبيبي عقبالك.
خالد(بصوت عالي): حاااااااااااااااااااااااااسب.
السواق مكنش واخد باله و خبط في عربية نقل ملاك كانت مصدوم.
العربيتين اتخبطوا في بعض و ملاك و خالد و السواق اغمي عليهم...
-في مكان تاني...
عند تاج.
تاج كانت بتذاكر و الباب خبط...
تاج: ادخل.
جودي: تاج تاج.
تاج: ايه يا جودي؟!
جودي: مامي مع مالك. ممكن اقعد معاكي؟!
جودي: طيب بس متلعبيش في حاجة.
جودي: حاضر.
تاج: جودي ناوليني المذكرة دي.
جودي: حاضر.
جودي قامت و جابت المذكرة اللي تاج قالت عليها.
جودي: اتفضلي.
تاج: تمام، خلاص بقي روحي اوضتك.
جودي: حاضر.
جودي راحت اوضتها و طلت الكشكول بتاعها و عملت الواجب بتاعها...
عند مالك و سيدرا.
سيدرا: شاطر يا حبيبي.
مالك: تسلمي يا مامي.
سيدرا: كل بقي السندوتشات دي و نام.
مالك: شكرا يا مامي. معلش تعبتك.
سيدرا: و لا يهمك يا حبيبي.
سيدرا باست رأس مالك و حضنته.
سيدرا: بحبك اوي يا مالك.
مالك: و انا كمان يا مامي.
سيدرا قامت و نزلت لقت سهي قاعدة.
سيدرا: تسمحيلي اقعد يا طنط؟!
سهي: طيب.
سيدرا: حضرتك تعرفي اني بحبك و بحب سيف صح.
سهي: بمعني؟!
سيدرا: انا بس عايزاكي تعرفي اني بحبك و علطول مخلصة ل سيف.
سهي: تمام يا سيدرا.
مني: ايه الاخبار؟!
سيدرا: الحمد لله.
مني: عاملين ايه؟!
سهي: الحمد لله.
سهي و سيدرا و مني قعدوا يتكلموا كتير.
-في مكان تاني...
عند سيف.
الباب خبط.
سيف: ادخل.
عزت: ازيك يا سيف.
سيف قام وقف و سلم علي عمه.
سيف: اتفضل اقعد.
عزت: عامل ايه؟!
سيف: الحمد لله و حضرتك؟!
عزت: عايزك في موضوع.
سيف: اتفضل...
عزت: انت طبعا عارف والدة سيدرا و تاج توفت من تلت سنين.
سيف: ربنا يرحمها.
عزت: و انا مينفعش اقعد لوحدي اكتر من كدة.
سيف رجع جسمه لورا و بصله بترقب.
سيف: اممم.
عزت: عايز اتجوز يا سيف.
سيف: ايه؟!
عزت: عايز اتجوز.
سيف: طب ما تتجوز.
عزت: عايزك تقنع سيدرا و تاج هما بيثقوا فيك.
سيف: و يا تري اسمها ايه؟!
عزت: هي سيدة اعمال و ليها مركز في المجتمع.
سيف: تمام يا عمي هرد عليك قريب.
عزت: هتروح؟!
سيف: كمان شوية...
عزت: طيب يا سيف بس متنسنيش.
سيف: اكيد.
عزت ساب سيف و مشي و سيف طلب عمر.
عمر: ايه عمك عمره ما جه هنا الا نادرا.
سيف: تخيل جه ليه؟!
عمر: ليه؟!
سيف: عايز يتجوز.
عمر(بصدمة): عايز ايه؟!
سيف: يتجوز.
عمر: هو مش المفروض كبر.
سيف: المفروض بقي.
عمر: طيب يا عم ربنا معاك هتقول ل سيدرا ازاي؟!
سيف: هشوف.
سيف: هتمشي؟!
عمر: لا ورايا مشوار.
سيف: ربنا يهديك.
عمر بص ل سيف بصة هو فهمها كويس سيف سابه و مشي.
-في مكان تاني...
عند ملاك.
ملاك مغمضة عينها بس حاسة بدوشه جمبها ضوء قوي.
ملاك بدأت تفتح عينيها و لقت ضوء مسلط عليها رفعت ايديها في وش النور و اتعدلت.
ملاك كانت في العربية و حواليها بوليس و اسعاف و صحافة و ناس.
ملاك فتحت الباب و نزلت ببطء.
ملاك(بوجع): آآه.
ظابط: ملاك هانم حضرتك كويسة؟!
ملاك(بوجع): آه. اه خالد خالد فين؟!
ظابط: كويس الحمد لله. في عربية الاسعاف بيعقموا جروحه.
ملاك: ممكن اشوفه؟!
ظابط: اكيد اتفضلي.
ملاك مشيت و راحت لعربية الاسعاف و الصحافة مكنتش سايباها.
صحفي: ملاك هانم ممكن تردي علينا. انتي كويسة.
ملاك: لو سمحت مش قادرة اتكلم.
الظباط حاوطوا ملاك علشان تعرف توصل ل خالد. اول ما خالد شافها قام حضنها.
خالد: انتي كويسة؟!
ملاك: اه الحمد لله و انت؟!
خالد: كويس.
خالد شال شعر ملاك من علي وشها لقي في جرح في وشها بسيط.
خالد: لو سمحت افحصوها.
الدكتور فحص ملاك و عقم ليها الجرح كان جرح بسيط مفتوحة و حطوا عليها لازق طبي.
ملاك: لو سمحت السواق ايه اخباره؟!
ظابط: البقاء لله...
ملاك بصتله و هي مصدومة و بصت ل خالد.
خالد: خلاص اهدي يا ملاك متعيطيش.
خالد: ده قدره.
ملاك(بدموع): كان من اربع سنين و هو بيشتغل عندي.
خالد: خلاص طيب يلا علشان نروح.
ظابط: العربية جاهزة يا خالد بيه.
خالد: تمام شكرا.
خالد مسك ملاك و مشيوا ناحية العربية و ركبوها.
خالد كانت ايديه الشمال مربوطة بشاش و عنده جرح في دقنه.
بعد فترة ملاك و خالد وصلوا للفيلا و نزلوا.
خالد: انتي كويسة؟!
ملاك: اه حاسة بصداع بسيط.
خالد: طيب يا ملاك خلي بالك من نفسك.
ملاك دخلت الفيلا لقت محمد قاعد علي الكنبة و في ضوء بسيط جمبه راحت قعدت جمبه و حضنته.
محمد(بقلق): مالك يا حبيبتي انتي كويسة؟!
محمد(بقلق): مالك رجعتي بدري ليه؟!
ملاك: تعرف يا جدو انا مش برتاح الا في حضنك.
محمد(بحنية): هيجي شخص هينسيكي حضني في يوم من الايام.
ملاك: محدش هيقدر يعمل كدة. انت حبيبي و جدي و ابويا و كل حاجة املكها في الدنيا دي.
محمد: انتي متأكدة انك كويسة؟!
ملاك(بابتسامة): معرفش. بس حقيقي بحبك.
محمد: طب يلا ساعديني اروح اوضتي.
ملاك قومت محمد من علي الكنبة و سندته و قعدته علي الكرسي بتاعه...
ملاك: اتعشيت؟!
محمد: اه يا حبيبتي.
ملاك دخلت محمد اوضته و نيمته علي السرير.
محمد(بانتباه): ايه ده؟!
ملاك رجعت شعرها لورا و محمد حط ايده علي خدها...
محمد: لو مكنتش خدت بالي مكنتيش هتقولي صح.
ملاك: تصبح علي خير يا حبيبي.
محمد: حصل ايه يا ملاك؟!
ملاك: ينفع بكرة يا حبيبي؟!
محمد: ربنا يهديكي يا ملاك و تتعدلي شوية و تبطلي عنادك ده.
ملاك: عناد ايه بس يا عم محمد انا free خالص يا حبيبي، باي.
-ملاك باست رأس محمد و خرجت من اوضته طلعت اوضتها قعدت علي السرير و بعدها فردت ضهرها غمضت عينها و افتكرت الحادثة فتحت عينها.
ملاك: اهدي يا جنون ده قدر. الحمد لله.
ملاك قامت خدت دوش طويل يريح تعب جسمها قامت غيرت هدومها.
ملاك لبست قميص رجالي لغاية الركبة هي بتحب تلبسهم باللون الاسود و سيبت شعرها علي ضهرها.
-ملاك خرجت قعدت علي سريرها و غيرت علي جرحها و بعدها فردت علي السرير و نامت نوم عميق من التعب...
-في مكان تاني...
عند سيف.
سيف رجع القصر متأخر و لقي الكل نايم طلع علي اوضته لقي سيدرا صاحية.
سيف: اسف جدا يا سيدرا مقدرتش اجي بدري.
سيدرا: و لا يهمك يا حبيبي.
سيف: قولي كنتي عايزة ايه؟!
سيدرا(بتوتر): ها لا خلاص بعدين.
سيف قرب من سيدرا و قعد جمبها و مسك ايديها.
سيف: يلا قولي كنتي عايزة ايه.
سيدرا: لا يا حبيبي خش الاول غير هدومك.
سيف: هغير هدومي في ثواني تكوني حضرتي هتقولي ايه علشان مزعلش منك.
سيف قرب من سيدرا و (لخيالكوا).
سيف راح علي الحمام خد دوش و غير هدومه.
سيف لبس بنطلون اسود بيتي و تي شيرت ب ¾ كم باللون الزيتي و حط البرفيوم بتاعه.
سيف راح قعد قصاد سيدرا و مسك ايديها.
سيف: يلا يا سيدرا قولي.
سيدرا: سيف هو.
سيف: مش هقبل اي اعذار يلا قولي كنتي عايزة تقولي ايه يا روحي.
سيدرا غمضت عينها جامد و فتحتهم و كانت متوترة.
سيف: يلا قولي.
سيدرا غمضت عينها جامد و خدت نفس عميق و طلعته براحة.
سيدرا(بخوف): سيف انا عندي canser سرطان في مراحله الاخيرة.
سيف: -.