رواية القناع الخفي للعشق آية محمد رفعت الفصل الختامي

رواية القناع الخفي للعشق آية محمد رفعت الفصل الختامي

بالأسكندرية عروس البحر المتوسط..
تميل الهواء بدلال على نغمات المياه المتقلبة على الشاطئ كأنه يزف حالة خالدة على مر العهود، الأمواج تتناغم فتعلو بأصواتٍ هاتفه بقنوان خاص...
شواطئ الرمال تتقلص بين الغرف المزينة بالورد فى موجهة بين تغريدات المياه الزرقاء وبين السماء النابع لونها بالحياة...

فتحت عيناها بتكاسل ؛ فوقعت بين براثين نظراته الخالدة، تعمد أن يبقى ساكناً ليستمع لهمسات نظراتها الخجولة، عادت لأرض الواقع فحاولت النهوض سريعاً ولكن هيهات سقطت على صدره كرد فعل تلقائي لحركتها السريعة، تمردت خصلاتها لتسقط على عيناه كأنها تلجئ للرأفة من نظراته، إبتسم النمر بمكر ؛ فرفع يديه يعيدها خلف أذنيها بأطراف أصابعه قائلاٍ بخبث: قلبك مش سامح بالهروب...

تغلغلت حمرة الوجه فأكتسحت ملامحها بأحتراف، تركته وهمت بالتوجه لحمام الغرفة كمحاولة دائمة للتهرب من كلماته ولكن هيهات لم يسمح لها...
وقفت محلها بعبث وهى تحاول جاهدة جذب يدها المحاصرة بين يديه، تعالت بسمته الجانبية ليقربها إليه ومازالت نظراتها بعيدة عنه، أغلقت عيناها بقوة حينما عاد للحديث الهامس لها: عادتك الهروب وأنا كالعادة بحاول أخليكِ جانبي على قد ما أقدر..

ثم أدراها لتكون أمام تلك العينان، تأمل عيناها المغلقة بقوة بأبتسامة مشاكسة: أفتحي عيونك..
أنصاع القلب له ففتحت عيناها ببطئ لتجده يجذبها بقوة عيناه لعالم يصعب وصفه بين تلك النظرات الخالدة فلم تجد سوى الأستسلام بين أمانه الخاص بنبع القلب القريب من صدره العريض...

بالجناح المجاور له...
كانت تحتضن بطنها المنتفخة ببعض القلق من القادم لتجده يولج للداخل بالطعام وبسمته الجذابة تتسلل بملامحه الرجولية الوسيمة، وضع الطعام على الطاولة ثم أقترب منها قائلاٍ بهدوئه المعتاد: حبيبي سرحان فى أيه؟
أفاقت رهف على صوته فأستدارت إليه بأبتسامة رقيقة ويدها تتحسس جنينها: خايفة من الولادة الدكتور قالي أني هولد فى أول التاسع يعني هانت..

أقترب منها بتفهم ؛ فجلس على المقعد المجاور لها وجذبها لتجلس على قدميه قائلاٍ بمكر: المفروض تكوني متحمسة عشان هتشوفي البيبي ثم أنك كان نفسك تولدي عشان تنقذي نفسك برجيم قاسي يحل العقدة اللي بقيتي فيها دي!
تحاولت نظراتها لدفعة من الغضب فلكمته بقوة على صدره قائلة بعصبية: أنا عقدة يا حازم؟!.
ضيق عيناه بألم مصطنع: بعد الشر عليكِ أنا اللي ستين ألف عقدة ومنشار كمان..

رمقته بنظرة غاضبة فقطعتها حينما نهضت قائلة بحقد : على فكرة أنت أتخن مني ميغركش شكلك..
إبتسم ببرود: أعلم ذلك..
ضغطت على معصمها بغضب وتوجهت للداخل بعدما عادت بضع خطوات لتحمل الطعام بنظرة نارية تركتها كتذكاراً له لتتعال ضحكاته الرجولية بعدما غادرت بالطعام تبتلعه بغضباً جامح...

إبتسمت بسعادة حينما أندلعت قطرات المياه على جلبابها الأسود الفضفاض، رفعت عيناها تتفحص المكان بأهتمام فخلعت حذائها وهرولت على الشاطئ لتلمس قدماها حبات الرمال الذهبية بدلال فتتعال ضحكاتها بفرحة زُرعت بقلبها منذ اللقاء الروحي به...

أنتفضت بفزع حينما شعرت بالمياه على كتفيها فأستدارت بأستغراب لتجده يقف خلفها بطالته الطاغية، يديه منغمسة بالمياه فيرفعها بقوة لتصل إليها، أغلقت عيناها لتهوي القطرات على نقابها الأسود فتتسلل لعيناها البنيتان بحرافية، أقترب حمزة ليقف أمام عيناها قائلاٍ بعشق بعدما جذب بضع قطرات من المياه بين يديه: لو قولتلك أني بغير عليكِ من لمسة المية دي هتصدقيني ولا هتقولي عليا مجنون..

خفق قلبها بجنون فشعرت بأنها لم تستمع لكلماته لشدة طرب القلب بهواه، قربها إليه مستكملاٍ حديثه بصوتٍ منخفض ويديه تتلامس مع نقابها : يمكن الحاجز دا اللي مخليني صامد لحد دلوقتي حاميكِ ليا من كل حاجة...

رفعت حنين عيناها على يديه المطوفة لذراعيها بوجهاً كحبات الكرز فودت كثيراً أن تستعيد التحكم بذاتها حتى تلوذ بالفرار من أمامه ولكن هيهات سقطت أسيرة عيناه، طاف بهم نسمات الهواء العليل فنجح بالتسلل للقلوب ليزيح القناع الأخير المحبز بالخجل ويدع العشق هو السيد الأكبر...

بالغرفة المجاورة لهم.

خرج من حمام الغرفة يجفف وجهه بالمنشفة ليزفر بضيق حينما وجدها مازالت غافلة، توجه إليها بمكر لمع بعيناه ؛فجلس جوارها يتأمل ملامح وجهها بهدوء ومن ثم أقترب منها بأبتسامته الخبيثة، حرك رأسه قليلاٍ فتناثرت المياه على وجهها لتبدو علامات الضيق عليها فأعاد ما فعله لتستيقظ بأنفعال وعيناها تجاهد لعودتها للوعى، تعالت ضحكات عبد الرحمن بينما ترابصت له نظراتها بالضيق فتطلعت لجوارها بمكراً داهي، قطعت ضحكاته حينما شعر بالمياه تطوف بصدره العاري فتطلع لها بغضب...

وقفت على الفراش حاملة زجاجة المياه الفارغة قائلة بفخر وغرور: متحاولش تستعرض قدرتك عليا لأنك مش هتتوقع ردة فعلي..
لم تتبدل ملامحه كثيراً فأقترب منها لتسرع بالجلوس قائلة بصوتٍ مرتجف من الخوف: صلي على النبي يا عبده اللي حصل أرادة من الله هنعترض يا حبيبي .
لم يتمالك ذاته وتعالت ضحكاته ليحملها بين يديه قائلاٍ بهمس: واللي هيحصل هنا برضو..
تعال الخوف وجهها لتسرع بالتشبس به: هو أيه اللي هيحصل؟.

أكتفى ببسمة صغيرة ليحملها خارج الغرفة بجناحه الصغير ومن ثم هبط بالمسبح المتسع بعض الشيء لتتعلق بجنينها وتصرخ بجنون...
تعلقت برقبته قائلة برعب: المسامح كريم..
جذبها إليه قائلاٍ بتذمر مصطنع: مين كريم دا كمان؟.
علمت بأنه تعمد مضايقتها فتعلقت برقبته بصمت لتتعال ضحكاته المشاكسة ليطوف بها بجو خاص به...

بغرفة أحمد..

ظل لجوارها بلهفة بعدما خرجت من حمام الغرفة بتعبٍ بدي عليها، فتحت عيناها بتكاسل حينما داعبتها أشعة الشمس الساطعة فوجدت عاشقها مازال يتوسد الفراش جوارها، أستندت بجذعها برفق تتأمله بسعادة وإبتسامة تسرى بالعشق الطائف بعد أن ظل لجوارها ليلاٍ غير عابئ بتعب جسده المتصلب، رفعت يدها على وجهه تلامس ملامحه الرجولية بأبتسامة تشق وجهها، تجمدت لوهلة حينما فتح عيناه ؛ فجذبتها بأرتباك وحمرة تكتسح وجهها بأجتياز، تطلع لها بأبتسامة واسعة: أنتِ صحيتي من أمته؟.

رفعت خصلات شعرها المتمردة على عيناها بأرتباك: من شوية...
ترقب حركتها بشغف ليستمر بالحديث: أحسن دلوقتي؟.
أجابته بأشارة رأسها البسيطة فأقترب منها هامساً بمكر: طب كنتِ بتعملي أيه؟.
أشاحت عيناها بعيداً عنه بخجل كاد أن يقتلها فزفر بضيق مصطنع: مش ناوية تحني عليا بقا والله قربت أخلل جانبك..
أخفت بسمتها الرقيقة قائلة بتذمر مصطنع: مفيش فايدة فيك يا أحمد المفروض أنك محامي والمحامي على حد علمي ذكي..

ضيق عيناه بعدم فهم فأكملت بمكر: يعني لو مكنتش مرتاحلك مكنتش أتجوزتك...
رمقها بنظرة غاضبة ؛ فجذب الجاكيت الخاص به وتوجه للخروج...
: بحبك..
تصنم محله لثواني بفرحة كادت أن توقف نبضات القلب العاشق ليستدير إليها ببطئ وأبتسامته الوسيمة تفترش على وجهه الخمري، كادت بالتهرب مجدداً من نظرات عيناه الشبيهة بالليل الخاص الممتلئ بالتجوم المضيئة ولكن هيهات جذبها سريعاً لتقف أمام عيناه قائلاٍ بفرحة: أخيراً..

إبتسمت قائلة بمشاكسة مرحة: مش أبو إبني لازم أحبك الله..
حملها بضحكة مرتفعة قائلاٍ بسعادة رغم كلمتها المبسطة لتخفى خجلها: يعني بحبك وكمان أبو إبني لا كدا كتييير أبتديت أحب الواد زين أنه جابنا هنا لا وأيه أنا مكنتش موافق وأقوله المدام فى الرابع وتعبانه غبي هنعمل أيه..
تعالت ضحكاتها قائلة بصعوبة بالحديث: طب نزلني..

رمقها بضيق: أنزلك دا أيه أنا مصدقت أن ربنا فرجها عليا وأتكلمتي لأزم اسمع الكلمة مرة وأتنين وتلاته أحنا ورانا حاجه..
وحملها للتراس وسط رنين ضحكاتها الفرحة...

أمام شاطئ المياه الهائمة كانت تجلس بتذمر، عيناها تتنقل بين موجات المياه وبين الهاتف بضيق فكم ودت أن تصفع ذاتها بعد أن طلبت منه العودة للقاهرة ليحضر لها بعض الأغراض الخاصة بها، لعنت أصرارها حينما أقترح بشرائها ما يلزم من الأسكندرية فهي الآن بحاجته، مرت الساعات طويلاٍ ومازالت تجلس أمام المياه بأنتظاره حتى غروب الشمس وتخلد نور القمر الذاهي...

مسدت بيدها على بطنها المنتفخة قائلة بفرحة: لسه أقل من شهرين وأشوفك أدامي أنت اغلي حاجة فى حياتي كلها متشوقة أوي أني أشوفك وأشيلك بين أيديا...
إبتسمت همس بسعادة وحماس للقادم فزادت لأضعاف حينما أستمعت لصوت سيارة تقترب منها، نهضت سريعاً وخطت تجاه فوجدته يهبط بطالته الخاطفة للأنفاس ولكن عيناه كانت تحملان لها أنذار بالعاصفة القريبة...

أغلق باب السيارة بغضب ثم أقترب ليضع حقيبة صغيرة بعض الشيء على الطاولة ليتمدد على المقعد البحري بضيق: أدي اللي طلبتيه لسه حاجة تانية؟
إبتسمت بدلال: شكراً يا زيزو..

تطلع لها بأستغراب وشك من القادم ولكن حبات العرق التي تكتسح وجهه جعلته يصرف تفكيره عن تلك المجنونة كما ينعتها ليخلع قميصه عنه ومن ثم يتقدم من المياه الباردة اللامع مياهها بضوء القمر ليرتمى بأحضانها غير عابئ ببرودتها فقط يسبح بمهارة وحرافية...
أحتضنت حقيبتها بنظراتٍ هائمة عليه تجوب بها بعشق وإبتسامة تنير وجهها...

حبس انفاسه أسفل المياه لفترة طويلة فخرج يلتقط أنفاسه ومن ثم اكمل سباحة للشاطئ، أحتضن المنشفة و تمدد لجوارها بتعبٍ بدى على قسمات وجهه بوضوح...
أقتربت منه بعد موجة تفكير عميق غير عابئة بأمواج المياه الهادئة التى تبعث الراحة بالنفس...
وقفت أمامه بملامح تحمل الضيق ؛ فرفعت يديها على كتفيه تحركه بغضب: زين، زين...

فتح عيناه بصعوبة وخاصة بعد أن غفل على المقعد من شدة التعب فنهض ببطئ يعبث بعيناه الزرقاء حتى يعتاد على أستعادة وعيه، زفرت همس بغضب: أصحى عايزاااااك...
رفع عيناه عليها بنفاذ صبر وخاصة بعد أن تملكها الجنون بأخر فترة، جلست جواره على الأريكة البحرية الصغيرة قائلة بأرتباك وتوتر: هو أنت ممكن عينك تزوغ هنا ولا هنا بعد ما جسمي زاد حبتين...

تطلع لها بنظرات تحمل سهام كم كان يود أطلاقها به، أتيقظه لتلك التفاهات!..
رفعت يدها بضيق وحزن: يعني حبتين تلاته بس هرجع زي الأول أه هي فترة وهتعدى بدون خساير..
شدد زين على شعره الغزير بقوة فكم كان يود أقتلاع جزوره ليحصل على الرحة الابدية من تلك الفتاة فلم يجد حل أسلم من الرحيل...

جذب المنشفة لجواره يجفف بها جسده الممتلئ بالعضلات بفضل تمرينته الشاقة غير عابئ بنظراتها المحفزة بالأهتمام ثم ألقاها بقوة أفزعتها فكاد بالرحيل ولكنه توقف وأنحنى ليكون على مستواها قائلاٍ ببرود مصطنع: أنا شايف أنك تدعى ربنا الفترة اللي جاية دي تعدى على خير وأنه يلهمني الصبر أني مخلصش عليكي...

وتركها وتوجه لجناحه وهو بحالة لا يرثي لها، تابعته همس بأستغراب ثم قالت بغضب وضيق: يلهمك الصبر ليه ياخويا منتجوز أم لهب دك نيلة وأنت عسل كدا طب حتى ياخويا كنت شيلتني ودخلتني أنام فى حضنك زي ما كنت بتعمل مش فارض عضلاتك علينا وخلاص..
توقف عن الخطى بأبتسامة تنجح دائماً ببثها على وجهه المتصلب فأستدار ليقترب منها، رفعت عيناها لتجده متوجه إليها فتملكها الرعب لتتراجع للخلف بزعر قائلة بخوف: مشتمتش والله..

زاد بالأقتراب فأسرعت للمياه لتحتضن جنينها: لو قربت هقتلك إبنك وأخلص..
لم يتمالك زين زمام أموره فخر ضاحكاً ليحملها بين ذراعيه قائلاٍ بصعوبة بالحديث: ناوية تعملي أيه فيا تاني يا همس أنتِ ناوية تدخليني السريا الصفرا بدل ما أفرح بالبيبي؟.
إبتسمت براحة حينما رأته يبتسم فرفعت يدها حول عنقه بتفكير: يا راجل يا خايب بعملك جو مرح كدا دانت من غيري هتموت..

ضيق عيناه بأستنكار لتزيد من حديثها: أسمع مني بس والله بقى لو جبتلي جزر وشوية موز هدعيلك العمر كله ويمكن ابعد عنك يومين تلاته...
توجه لغرفته قائلاٍ بغضب: جزر وموز مربي قرد أنا؟
كبتت ضحكاتها فولج ليضعها على الفراش ثم رحل بضيق...
توجه للخارج بملامح شبه نارية ليتعثر بخطى النمر...
رفع النمر عيناه بتفحص قائلاٍ بثبات: فى أيه؟.
رمقه بنظرة مطولة: مفيش أنت رايح فين فى الوقت دا؟.

أجابه ببرود: أعتقد أنا اللي المفروض أسالك، بس أوك جيانا حابه تأكل أيس كريم فخرجت أجبلها...
بدي وجه الزين ببسمة كبيرة ليصرخ بحماس: الله أكبر ايوا كدا عشان تتربى صح وتعرف ان الله حق..
بقى كما هو ليجذبه بضيق: تقصد أيه؟.
إبتسم زين بخبث ؛ لا ولا حاجه يا حبيبي أنت تروح تجبلها اللي هى عايزاه وبعدين تأخدها على الدكتورة...
وتركه وتوجه بالرحيل قائلاٍ بسعادة: هفرح وأنا شايفك بتتشحور أنت كمان يا نمر..

بقى أدهم كما هو يتراقب خطى زين المبتعدة ليضرب كف على الأخر قائلاٍ بشفقة: لا حولة ولا قوة الا بالله الواد أتجنن..
ورحل النمر ليجلب ما طُلب منه فربما لا يعلم أنها تحمل بأغلي الجواهر إليه...

بالقاهرة...
وبالأخص بمنزل أحفاد طلعت المنياوي ...
أنهى الرجل تركيب الطاولة قائلاٍ بأبتسامة هادئة: كدا تمام يا ضياء لو في حاجة تانية كلمني على طول..
إبتسم ضياء وهو يتأمل الشقة بعد أن أكتملت بالأساس: تسلم ايدك يا حاج بكر بجد شوية عزال عال العال..
تعالت ضحكات الرجل ذو الأربعون عاماً قائلاٍ بعملية: ربنا يتمم عليك بخير يارب...
أخرج ضياء المال مقابل عمل الرجل قائلاٍ بأحترام: تسلم يا غالي تعبناك معانا.

تناول منه المال قائلاٍ بهدوء: تعبك راحه، أتكل أنا بقا ، سلامو عليكم .
أجابه وعيناه هائمة على شقته المنتظرة: وعليكم السلام ورحمة الله وبركاته..
وغادر الرجل تاركاً ضياء بأحلام وردية ينسجها للغد القريب الذي سيصبح حافل بزواجه من عشق طفولته الخالد، قطع أحلامه المنسوجة حينما ولج يوسف للخارج فوجده هائم بالفراغ فوضع يديه على كتفيه بسخرية: لحقت تسرح؟.
تطلع لجواره بفزع: خضتني يالا يخربيتك..

تعالت ضحكات يوسف قائلاٍ بمرح: أيه اللي شاغل عقلك؟.
إبتسم بهيام ؛ هو في غيرها اللي أخدة عقلي من أول ما فتحت عيوني على الدنيا..
أستند يوسف بجسده على الحائط مربعاً يديه أمام صدره بسخرية: والله شكلي هسحبك أداب لو ما أتلمتش..
رمقه بنظرة غاضبة: بكرا الحنة وبعدها الفرح يعني أخد حريتي وأسرح براحة راحتي محدش عنده ليا حاجة..
إبتسم يوسف بمرح: أه يا عم مين أدك..

جذبه بسخرية: ما بلاش أنت يابو خطوبة شهرين ونص هموت وأعرف عملتها أزاي؟.
رفع تلباب قميصه بغرور: أنا طول عمري مميز ياض بس أنت اللي مش واخد بالك ..
جذب المفاتيح وتوجه بالخروج قائلاٍ بغضب: طب يالا عشان نجيب الدعوات..

لحق به بوسف فأغلق باب الشقة وتوجه الأخر للشقة المجاورة له فأغلقها هو الأخر قائلاٍ بأبتسامة مرحة: محدش فيكم ذكي زيي جدك خيرني بين أنه يعملي خطوبة كبيرة وهيصه وبين أني البس دبلتين وأعمل الفرح معاك وبصراحه مترددتش ثانية...
نظراته كادت أن تشتعل لجمرات فأشار له بالهبوط قائلاٍ بتذمر: قصدك عشان تقرف فى اللي جابوني أنزل بدل ما أخلص عليك وأرتاح
تعالت ضحكات يوسف وهبط للأسفل بسعادة تغمره هو الأخر..

بالمنزل المقابل له..
صاحت غادة بحزن: يعني محبكش السفر لأسكندرية غير على فرحنا..
أجابتها مكة بأبتسامة رقيقة: فات الكتير ما بقى الا القليل على بكرا هيكون الأسبوعين اللي قالوا عليهم خلصوا وهيرجعوا ويحضروا معانا الفرخ
أغلقت الحقيبة بعد أن وضعت بعض الثياب الخاصة بها: بس برضو كنا محتاجين البنات ينظموا معانا الحاجات بالشنط خايفة تتكسر...

حملت مكة الحقيبة فضمتهم لعدة الحقائب المجاورة لها بهدوء: يا غادة أنتي عارفة اللي حصل لجيانا لخبط الجو شوية وكمان فضلت شهرين نفسيتها كانت وحشة بدون أيه سبب وبعدين يا ستي ماما ومرتات عمك ظبطوا الدنيا بالشقة مش فاضل غير أننا نجهز حاجتنا..
أطلقت تنهيدة حارة بمأساة ما حدث قائلة ببعض الراحه: المهم أنهم هيكونوا جانبنا...
شاركتها مكة البسمة بشرود بالقادم مع عاشقها المتيم...

هفوت تنقلت بالعشاق لسحاب من الغيوم طاف بها العشق لأمد فاض بالأبعاد ليقسم على أمسية باتت كالجمرات فأزاحت أقنعة تعمد البعض أرتدائها ...
مرت الأجواء وجاء اليوم الميمون لتجمع أعضاء المافيا من جديد فربما الآن سيجمعهم أنشودة عزفها خاص من نوعه...
تعالت الأضواء بالحارة البسيطة كأعلان عن أحد الأفراح الشعبية ؛ فطاف بالمنزل وابل من الأضواء والمصابيح أحتفال بزفاف يوسف وضياء أصغر أحفاد طلعت المنياوي...

شُعلت الزغاريد بالأنحاء ومعها صوت الألحان حينما توقفت السيارات ليهبط منها ضياء ويوسف ببذلتهم السوداء الخاطفة للمحة الوسامة المعهودة لكلا منهم...

أقترب ضياء من السيارة ثم عاون عروسه المزينة كأنها فراشة بيضاء خصصت له، تناول يدها بين يديه بفرحة لتسير معه بين الحشود للمنصة ثم جلست جواره وعيناها تتنقل بين معازيم الحفل بسعادة، لحقت مكة بها بعد أن تعلقت بذراعيه لتتبختر بفستانها الفضفاض كأنها ملكة هذا الحفل الشعبي لتنضم لهم على المنصة...

عاونتها جيانا وياسمين على الجلوس بينما ظلت رهف وصابرين وهمس جوار غادة وكلا منهم تتألق بفستانها الساحر وحجابها البسيط...
بالأسفل...
أقترب أحمد قائلاٍ بأبتسامة واسعة للشباب: مش هنولع الجو ولا أيه؟..
رمقه زين بنظرة محتقنة فتعالت ضحكات عبد الرحمن قائلاٍ بصعوبة بالحديث: معلش أصله مكتئب بعد اللي حصله أخر مرة...
شاركه حازم التحفيل: رغم أن محدش فينا جاله فرصة ذهبية زي دي الا أنه كان فى قمة الغباء...

تعالت ضحكات حمزة فجذب زين أحمد قائلاٍ بوعيد: شكل أيدى وحشتك وأنا الصراحه نفسي أعلم عليك..
دفشه بسخرية: يا عم روح أنت هتشطر عليا هى ذكري سودا وهتفضل معاك طول ما في فرح فى العيلة أتقبل الأمر بقا
عبد الرحمن بمرح: يا كسفتك يا نوسة حطيتي وشنا بالأرض..
حمزة بخبث: لا وأنت الصادق فوق بعد ما أتشعلق بالسما..

تعالت الضحكات لذكري ما حدث لزين فى ذكري زفافه وفي ذلك المكان المحدد، أنقطعت الهمسات بينهم حينما أقترب النمر منهم بنظرات ثابتة: فى أيه؟.
تنحنح أحمد بجدية مصطنعة: مفيش يا نمر دا زين بس كان عنده شوية تفاعل هرموني بس الشباب قاموا بالواجب..
كبت حازم ضحكاته بصعوبة فتحلى بملامح ثابتة حينما رمقه أدهم بنظرة غامصة ليقطعها بحذم: وزعوا الكوكلا على الناس بدل وقفتكم دي..

لحق عبد الرحمن بأحمد الذي لحق بأوامر النمر علي الفور قائلاٍ بأبتسامة مرح: أنت تؤمر يا نمر...
أسرع حمزة بالأنضمام إليهم بينما وقف النمر امام حمزة وزين بملامح منقبضة مما أثار لهفة زين فأسرع بالحديث: رفض يجي برضو؟.
أكتفى بأشارة بسيطة إليه فزفر بضيق: فهد مش هيتغير ابداً هيفضل طول عمره كدا ميسمعش لحد ويعمل اللي فى دماغه هو وبس..

زفر النمر هو الأخر: المرادي منقدرش نتدخل يا زين لأن الموضوع صعب وحساس بس أنا واثق فيه وعارف أنه مستحيل يغلط .
هنا قرر حازم التدخل بملل: لو ممكن نشوف العرسان اللي خللت على الكراسي دي وبعدين نفوق لسي فهد بتاعكم دا..
إبتسم زين بمكر: الواد دا معاه حق..

إبتسم النمر هو الأخر وأشار لهم بالتقدم ليعتلي خشبة المنصة كلا منهم وتتعال النغمات الشعبية بالزفاف ليتميل كلا منهم مع ضياء ويوسف حتى أحمد وعبد الرحمن سارعوا بالأنضمام إليهم ، غامت أعين الفتيات على عشاقهم بأبتسامة أعجاب مازالت ترسم مع مرور الوقت العافر بالعشق العتيق...

تميل ضياء بسعادة مع عروسه كأنه أعزوفة تنقل بنظراته لها، وضعت عيناها أرضاً بخجلا من أقترابه منها على عكس مكة كانت ضحكاتها تعلو المكان بأكمله حينما قدم لها يوسف سلاحه الخاص وعاونها على أرتداء سترته البيضاء ليلتقط لها صوراً عديدة...
أنتهى الحفل بعد صعود طلعت المنياوي للمنصة ليقدم كعادته الذهب للعروس فقبلن الفتيات يديه بوقار لا يليق سوى به...

صعد كلا منهم لشقته الخاصة وتبقى بالطابق الأول الشباب بأكملهم لتتعالي بينهم جو المرح الرجولي...
عبد الرحمن بزعل مصطنع للنمر: كنت زعلان أن الحيوان أحمد جانبك على طول وأنا لوحدي الوقتي بقا جانبي تو حيوان مش واحد
تعالت ضحكات زين بشماتة: تعيش وتأكل غيرها يا عبود...
أحمد بغرور: هو لسه شاف حاجة دانا جار طيب وحنين وخجول لكن اللي فوق دول يومين بعون الله وهتلاقيه معزل من الشقة بحالها.

حازم بسخرية: جار ايه ياخويا؟..
أجابه بعد أن اغلق جاكيته: حنون وطيوب...
حمزة بمرح: ياعم أتلهي دانا واقف معاك ساعه واحده وعايز أعزل أقصد أروح .
رمقه بنظرة محتقنة: بقي كدا يا معفن مكنش عيش وجمبري من أسكندرية اللي عزمتك عليهم..
حمزة بسخرية: تقصد المزلة اللي بتعلقها فى الراحة والجاية مكنتش أم عزومة دي يا معفن..
تعالت ضحكات زين وحازم بعدم تصديق فشاركهم عبد الرحمن الضحك حتى أحمر وجهه من شدة ضحكته...

تصنم حمزة محله حينما وجد النمر خلفهم يستند بجسده الممشق على الحائط فأقترب منهم قائلاٍ بهدوء: ممكن أفهم حضراتكم بتعملوا أيه هنا؟
زبن ببرود: واقفين هنعمل أيه يعني؟
أسرع أحمد بالحديث بعدما لكم زين بغضب: أحنا داخلين شقتي يا نمر أصلي عازم الشباب وكدا..
رمقه بنظرة مطولة ثم قال بثبات: مش هتبطلوا حركات العيال دي؟.
أنفجر حازم ضاحكاً: بصراحه لا...
ثم أستدار لعبد الرحمن قائلاٍ بصعوبة: ولا أيه يا عبود ..

صاح بتصميم: حد الله ما هتنقل من هنا غير لما أخد نصيبي من الحمام وحلة الأتفاق زي ما الحيوان يوسف عمل دا كان مستخبي جوا فى المطبخ وكرم ربنا أن مقطعليش الخلف وأنا داخل أشرب بعد ما المعازيم خلعت انا قتيل النهاردة...
خسر النمر ثابته حينما إبتسم بسمته المبسطة ليرفع عيناه الخضراء على الدرج قائلاٍ بعد وهلة من التفكير: أنا بقول نطلع فوق أحسن.

تعالت الصيحات ليصعد كلا منهم للأعلي فى مشاكسات طفيفية للحصول على الوليمة...
أما بالأسفل، وبالأخص بمنزل النمر...
تعالت ضحكات صابرين بعدم تصديق: الله يخربيتك يا همس بقيتي واكلة أكتر من نص علبة الشوكلاته أرحمي نفسك هتروحي فين بعد كدا؟.

رمقتها بنظرة ضيق لتلقي بوجهها الأكياس الفارغة بضيق: هتعدى علينا ولا أيه يا تلمي نفسك كدا وتقعدي وأنتِ ساكتة يا تاخدي بعضك وتغوري فوق مع أخوكي عالم زنانة اوي بيبصوا فى أكل العيل..
تعالت ضحكات جيانا قائلة بصعوبة بالحديث: خلاص بقا يا صابرين الله..
شاركتهم رهف بالحديث: بكرا نشوف يا صافي لما البلونه تكبر كدا وتدخلي فى الأواخر...

أجابتها ياسمين بحزن: سبيها متعرفش حاجة أنا وأنا فى الأول كنت زيها لكن الوقتي بحس أني هأكل أيد أحمد وهو نايم ..
تعالت ضحكات حنين بشدة حتي أدمعت عيناها: ما شاء الله لا بشروتنا والله..
فأستدارت لجيانا قائلة بمرح: من رأيي نخلينا كدا يا جوجو بدل ما نبقى مصاص دماء...
وضعت عيناها أرضاً بخذلان مصطنع: كنت أبغي أقولك نفضل على كدا بس بعد الأختبار اللي عملته اليوم أستحي أقولك النتيجة...

تعالت ضحكات همس قائلة بفرح: الله اكبر علينا وانا اللي كنت فرحانه أن فى واحدة فينا لسه كيوت ومزة زي ما هي كدا حبس رسمي نخرج فين كلنا بالبلالين دي على رأي البت رهف...
ياسمين بفرحة: ألف الف مبروووك يا قلبي..
قطعتها صابرين بحماس: سيبك من المباركات الوقتي لا بتأكل عيش ولا حلاوة خلينا فى المهم
حنين بتفكير: اللي هو؟
أجابتها بأبتسامة واسعة: النمر عرف ولا لا؟.
ضيقت جيانا عيناها بأستغراب: لا ليه؟

صابرين بمرح: ليه أيه دي فرصه ذهبية نقوله كلنا ونأخد الحلاوة ولا أيه يا بنات؟ ..
: أكيييد..
خرجت الكلمة بصيحة جماعية لتعلو الضحكات وتعد الخطط لأخبار النمر بالأمر...
أما بالأعلي...
تعالت ضحكات حازم بعدم تصديق فخرج ضياء بتأفف من الداخل حاملاٍ لوفد هائل من الطعام والأواني وقدمه لحازم وحمزة والنمر بتذمر أما لجوارهم زفر يوسف بغضب بعدما فتح الباب للمرة العشرون: فى أيه تااااني؟

أجابه عبد الرحمن ببرود وتعمد: نسيت العيش يا خفيف..
رمقه بنظرة نارية: معاك حمام وبط وفراخ ولحمة وأكل يكفي مديرية وجاي تسأل على العيش!..
تطلع له بغرور: مالكش فيه هات وأنت ساكت..
ود أن يقتلع لقب أخيه الأكبر وينال من رقبته الغالية ولكن عليه الهدوء حتى يقضي وقت ممتع مع معشوقته، ولج للداخل ليحمل الخبز ومن ثم خرج إليهم ليلتقطه عبد الرحمن بأنتصار...
يوسف بهدوء مغلف بالغضب: لسه فى حاجه تانية...

أستدار عبد الرحمن لأحمد وزين الحاملان الطعام ببرود: لا كدا تمام..
أجابه يوسف بسخرية: أجبلك التلاجة هنا عادي والله..
أحمد بمرح: لا هات بطاطين عشان بنخاف من البرد بس..
صاح بعصبية: نعم هو أنتم هتباتوا هنا كمان!..
تعالت ضحكات زين قائلاٍ بصعوبة بالحديث: كفايا كدا يا جدعان الواد هينتحر..

وجذبهم للهبوط مشيراً ليوسف بجدية أن يغلق الباب فأنصاع له ليتوجه معهم زين للأسفل قائلاٍ بأبتسامة مرتفعة وهو يرى ما بيد النمر والأخرون: يا نهار أسوح هنعمل أيه بالأكل دا؟.
إبتسم النمر قائلاٍ بسخرية: ما تخافش عليهم دول يأكلوك وأنت واقف...
حازم: يا ساتر
حمزة: أنا بقول ناخد الاكل وننزل للبنات اهو لقمة هنية تكفي مية...

رمقه عبد الرحمن بنظرة ساخرة: أممم لقمة أه ما تقول أن العروسة وحشاك نديك جوز حمام ونجبلك شجرة وأتنين ليمون أحنا رجالة برضو ونفهم فى الأصول...
تعالت الضحكات ليهبطوا جميعاً لشقة النمر...
ولجوا للداخل بالطعام فجلس زين جوار أدهم قائلاٍ بستغراب: مش هتأكل؟
إبتسم بتسلية: أنا حبيت أوجب معاكم فساعدتكم لكن ماليش فى الأكل..
تعالت ضحكات الزين قائلاٍ بنفس لهجته: طول عمرك صاحب واجب يا نمر..

أشار له بغرور وشاركه الضحك، أرتدت الفتيات الحجاب وولجت للغرفة فصاحت ياسمين بتعجب: أيه كل دا؟
أجابها أحمد بأبتسامة هادئة: زي مأنتي شايفة أكل.
أشار لهم عبد الرحمن بالجلوس: يالا نتعشا مع بعض..
رهف بسخرية: دا مش عشا دا أكل يكفي 100 فرد!
تعالت ضحكات همس: والله الدكتور عبد الرحمن حاسس بينا يالا يا بت يا جيانا..
صابرين بصدمة: انتِ لسه هتأكلي بعد كل دا!..

رمقتها بنظرة قاتلة: وأنتِ مالك يا باردة أنتِ ما تشوف اختك يا زين..
همس بصوتٍ خافت سمعه أدهم فأخفى بسمته: أمال لو جيتي معايا البيت هتقولي ايه؟
وقال بصوت مسموع وغضب مصطنع: فى أيه يا صابرين خاليكي فى نفسك..
وتطلع لها قائلاٍ ببسمة هادئة: كلي يا قلبي..
حازم: أحمحم نحن هنا...
حمزة بسخرية: هتأكل يا زين ولا هتقضيها محمحة
جلس لجواره قائلاٍ بضيق: ودي فيها كلام..

وبالفعل جلسوا جميعاً يتناولان الطعام بجو المشاكسة والمرح بين الفتيات وعلى بعد منهم ليس ببعيد تناول الرجال الطعام تاركين الحرية بالمساحه للفتيات ولكن يجمعهم غرفة واحدة وقلباً واحد...

أما بالأعلى...
بعد ان أنتهت من الصلاة جلست لجواره بخجل فأبتسم يوسف قائلاٍ بعشق وجدية بعدما قربها لصدره: من دلوقتي يا مكة عايزك تعتبريني كل حياتك مش بس زوج لا أخ وأب وكل حاجة متخافيش مني فى أيه شيء أنا سندك ودنيتك لو جيت عليكي فى أيه حاجة متسكتيش فوقيني ورجعيني تاني...
ثم أخرجها لترى عيناه قائلاٍ بحزن: أنا عارف أني أحياناً بكون متسارع لكن أوعدك أني هحاول أفقد الصفة دي من شخصيتي عشانك يا مكة..

إبتسمت بخجل حينما وجهت النظرات بعضها البعض ليقطعها هو حينما جذبها برفق لعالمه الخاص لتصبح زوجة له...

بشقة ضياء...
بعدما أنتهوا من أداء الصلاة حمل الطعام إليها قائلاٍ بمرح حتي يخرجها من خجلها الزائد: الحمد لله أني عملت حسابنا بالأكل قبل ما الوحوش يهجموا...
أكتفت ببسمة صغيرة ثم جلست لجواره تتطلع للطعام بصمت، لاحظها ضياء فجذب الطعام وقدمه لها فتراجعت للخلف بزعر...
وضع الطعام من يديه بضيق: فى أيه يا بنتي هو أنا هأكلك؟، اللي يشوفك الوقتي ميشفكيش فى الخطوبة هو أنا أتبدلت ولا حاجه ولا أيه النظام؟

رمقته بنظرة مطولة ثم قالت بتنهيدة: معرفش بقا اللي حصل..
كبت ضحكاته على تلك الحمقاء فجذبها إليه قائلاٍ بمغازلة صريحة: طب فكي كدا شوية دا النهاردة حتى فرحنا...
عادت نظراتها للجمود فتعال ضحكاته قائلاٍ بمرح بعدما حملها: الموضوع كدا بيكبر مننا ولازم نلحق نداويه...
وحملها لصدره لعلها تستمع لخفق القلب المتربع على عرش العشق المتمرد لتصبح ملكاً له...

بالأسفل...
أنهوا تناول الطعام فوقفن الفتيات يتشاجران بصوتٍ خافت تحت نظرات أستغراب الشباب إلي ان أنتهوا بأن تحمل ياسمين المشروب له وبالفعل تقدمت من النمر بكوب واحد من العصير، استقرت أمام أدهم المتعجب منا يحدث فكيف تحمل له كوب وتنسى الأخرين تابع الشباب ما يحدث بتعجب قطعته حينما قالت بغضب: ما تأخد العصير يا ادهم..

حمل النمر الكوب ومازال التعجب سيد الموقف ليلمع عدد من الأوراق بأسفله، جذبه بتعجب: دا أيه؟.
صاحت صابرين بحماس: أفتح وهتعرف..
عبد الرحمن بصوت منقبض: ربنا يستر.
حازم بفضول: افتح يا نمر...

وبالفعل فتح أدهم أول ورقة ليجد بها صورة لرجل فرفع عيناه لهم بستغراب ليشير له زين بالأستكمال فجذب الأخري ليجد صورة لأحد النساء فقلب الأخيرة ليجد صورة تجمع الرجل والمرأة فعاد ليقلب ليجد نفس الصورة ولكن السيدة ببطن منتفخة والصورة الأخيرة لطفل صغير للغاية ..
وضع أدهم الصور على الطاولة بستغراب: مش فاهم أيه الهبل دا؟.

أنفردت الصور أمام الشباب فتطلع حازم لزين وزين لأحمد بسعادة فقد حان الوقت لشماتة زين به كم كان يحلم منذ أيام لتعلو الضحكات بينهم بسعادة: هنشمت بالنمر أخيراً.
ضيق أدهم عيناه بعدم فهم ليكمل زين بسخرية: مش قولتلك هى بتبتدي بالطلبات وبعدين بتفتح..
زفر بغضب: هتقولوا في أيه ولا هتفضلوا تحفلوا؟..
جذب عبد الرحمن الصور بضيق: ما العنوان أدامك أهو وانا اللي بقول عليك ذكي...

تطلع للصورة بيديه بغضب زال قليلا حينما تسرب إليه ما تود الفتيات قوله لترسم الفرحة بعيناه فوقف وأقترب منهم بهدوء، تراجعت الفتيات للخلف تاركين من تختبئ خلفهم تواجه عين النمر الساحرة ليجذب يدها بسعادة: بجد؟
أكتفت بالأشارة له بعد أن أصبح وجهها كحبات الكرز ليحتضنها أدهم بسعادة عمرته وغمرت الجميع..
أقتربت منه صابرين بضيق: عايزين الحلاوة يا نمر ملناش فيه ولا أيه يا بنات..

صحوا جميعاً بالهتفات فأقترب منهم حازم بمشاكسة ؛ دا حقكم ولا يمكن تتخلوا عنه ولا أيه يا زين؟.
إبتسم بمرح: أعطي كل واحدة 500 ولا حاجة عشان تخلص
تعالت ضحكات أحمد: دا كدا خراب بيت يا زيزو 500 أيه؟
حمزة: مش خسارة فيهم ياعم أه لو كان الخبر دا مزفوف ليا انا كنت ضحيت ب1000 شركة مش مشكلة...
خجلت حنين للغاية بينما صاح عبد الرحمن بأبتسامته الرجولية: 1000 شركة مش بقولك أجرب..

أخرج النمر المال قائلاٍ بفرحة: يستحقوا أكتر من كدا..
وقدم المال إليهم مع رفض همس ورهف وحنين الا أنه أصر عليهم فأشار لهم أزواجهم بالقبول وبالفعل حملت كلا منهم المال..
حازم بأبتسامة مشاكسة: والشباب ملهمش حلاوة ولا أيه مأحنا حضرنا الحادث السعيد من أوله ولا أيه يا رجالة؟

كادوا أن يجيبوه ولكن عفت عنهم رهف حينما تعال صراخها بقوة وهى تحتضن جنينها بصراخ فأسرع إليها ليحملها قائلاٍ: يا نهار أسود أوعى تعمليها هنا
وحماها وهبط سريعاً ليلحق به الشباب والنمر قائلاٍ بشماتة: أهو أنت اللي هتدفع يا خفيف...

وتوافد الجميع للمشفي ليزف إليهم مولود صغير يرحب به بجو المحبة والسرور ويزرع الأمال بداخل القلوب بشتياق لرؤية الجنين المنتظر لكلا منهم على عكس النمر الذي حمل المولود بين يديه بشرود أن من الله عليه بفتيات كيف سيسمح لهولاء بحملها وتقبيلها مثلما يحدث مع أبن حازم؟!
وظل السؤال يتردد على مسماعه حتى مرأت الأعوام...

مر عاماً فتتابعه الأخر والأخر ومازال العشق الذي هز أرجاء المنياوي يتزايد مع وجود ثمرات العشق المتربع...
صياح بمنزل الأحفاد خرج على أثره عبد الرحمن مسرعاً للأسفل ليجد المعركة بين أبنه وإبن أحمد قد أشتعلت كالعادة...
سيف بغضب: وأنت مالك أضربها ولا لا خاليك فى نفسك .
رمقه مالك بنظرة محتقنة: مالك في جيبك يالا لو مديت أيدك على كارما تاني هتزعل..

سيف بضيق: هى اللي كل مرة تكسرلي العابي وقولتلها كتير مالكيش دعوة بحاجتي
أسرع عبد الرحمن بالتداخل: فى أيه على الصبح خلاص معتش ورانا غيركم؟!.
تطلع له سيف بغضب: خاليه هو وكارما يبعدوا عني عشان مضربهمش..
جذبه عبد الرحمن بضيق: تضرب مين ياض محدش مالي عينك..
إبتسم مالك بسعادة: أيوا كدا يا عمو أديله .
أستدار له بعين غاضبه: أنت تخرس خالص لما أخلص معاه وأشوف حكايتك أنت كمان.

رفع سيف عيناه لوالده قائلاٍ بضيق: يا بابا كل شوية تكسرلي ألعابي وأتكلمت معاها بالهداوة قبل كدا كتير..
رفع عبد الرحمن عيناه على تلك الطفلة الرقيقة الوضعة عيناها أرضاً وتحتضن أحد الألعاب الخاصة بسيف وتبكي بقوة...
تملكه الغضب فتحمل الجدية ملامحه: أعتذر منها...
كاد الصغير العنيد بالمجادلة ولكن مع نظرة والده وكلمته أنصاع له: فوراً..
أستمع إليه فأقترب الصغير منها قائلاٍ بهدوء: خلاص خدي اللعبة...

وأستدار لوالده فوجد أصراره على الأعتذار فتأفف قائلاٍ بضيق: أسف .
وتركهم وصعد للأعلي...
أقترب عبد الرحمن منها فحملها على ذراعيه يزيح دموعها بحنان: خلاص بقا يا كوكو مهو الواد اعتذر وأدكي اللعبة أهو نعمل ايه تاني أطلع أضربه يعني؟ .
: يارريت يا عمو..
قالها مالك بفرح فتطلع له عبد الرحمن بضيق: اسكت أنت الوقتي.
هدأت الصغيرة قائلة بخجل: لا خلاص مدام أدني اللعبة..

إبتسم عبد الرحمن وقبلها ليصعق محله على صراخ النمر. : بتعمل أيه؟.
وضعها أرضاً بفزع ^ ايه يا جدع خضتني الله هكون بعمل أيه بنتي وبصالحها
هرول مالك للداخل حينما رأى النمر أمامه حتى كارما حملت اللعبة وولجت للداخل، أقترب منه أدهم بغضب: لا تصالح ولا يحزنون خاليك فى حالك أنت وإبنك..
كبت ضحكاته بصعوبة ؛ كدا يا نمر ماشي أطير على شغلي أنا وأشوفك بعدين.

وبالفعل غادر عبد الرحمن ليدلف أدهم للداخل بأبتسامة رسمت حينما وجد معشوقته تجلس لجوار الفتيات حتى يكتبن واجبهم المنزلي...

بفيلا زين..
ركض خلف صغيرته حتى انقطعت أنفاسه فألقى بذاته أرضاً قائلاٍ بتمثيل: أه الحقيني يا نور مش قادر أتنفس هموت..
ركضت إليه بلهفة: بابي...
أحتضنها ببسمة نصر ليحل الضيق ملامحها: كل مرة تفوز بالخداع
أجابها بغرور: لا بذكاء والذكاء مطلوب فى كل شيء أسالي مامي..
وضعت همس طبق الفاكهة على الطاولة بسخرية: أيوا وبابي سيد الذكاء كله الناس بتتعلم منه..
إبتسم وهو يقترب منها بعشق: اللهجى مالها كدا غريبة..

رمقته بنظرة غامضة ثم همست بخجل: البنت الله..
أجابها بتفهم: لو زعلانه عشان منعتك من الخروج فدا لاني خايف عليكي وعلى ادهم الصغير
وأشار على بطنها المنتفخة فذمت فمها ليبتسم قائلاٍ بمكر: خلاص مضطرين نجي معاكي انا ونوري لسلامتك بس مش اكتر..
تهلل وجهها بالسعادة لزوجاً هكذا...

بقصر حازم السيوفي ..
جلس يزيد جوارها قائلاٍ بأبتسامة طفولية: فرحانه بالشوكلا يا حور..
أجابته الصغيرة بطفولية ؛ طعمها جميل يا يزيد بابي مش بيعرف يجبهالي قولتله يزيد اللي هيجبلي وأنا عارفة أنك مش هتنساني.
إبتسم قائلاٍ بتأكيد: أنا اقدر
صعق حمزة وحازم المتخشب لجواره فقال وعيناه عليهم: أبنك بيعلق البت من الوقتي.
أجابه حازم وعيناه عليهم: واخد بالي..
حمزة: والحل بنتي هتضيع كدا.
حازم: نجوزهم ونخلص.

حمزة: نجوز مين يا اهبل الواد 6سنين والبت 5!.
أجابه بتفكير: نقرأ فاتحه الوقتي ولما يكبروا ربك يسهل.
تعالت ضحكات حمزة وحازم سوياً فربما يخططان لأمرا ما خططه القدر مسبقاً.

بالمساء...
عاد أدهم للمنزل فولج للداخل بملامح أشد من الجمرات لتزداد أضعافٍ مضاعفة حينما رأى إبنته يحتضنها وغد أخر من وجهة نظره...
أقترب منه النمر قائلاٍ بصوتٍ كالرعد: بتعمل ايه عندك يا حيوان..
فزع الصغير فنهض مسرعاً ليبتعد عنها قائلاٍ بستغراب مصطنع: معملتش حاجة دي كارما كانت بتعيط عشان سيف ضربها وأنا جبتلها شوكلا عشان أصلحها..
: عشان أيه ياخويا؟.

أردف بها النمر وهو يتقدم منه بعينان مشتعلة بهلاك الصغير، إبتلع ريقه بصعوبة ليرسم بسمة مبسطة بعدما أتجه للخروج: بين كدا بابا بينادي عن آذن حضرتك...
وهرول الصغير للأعلي فلحق به أدهم قائلاٍ بغضب: تعال هنا ياض مش بكلمك...
وتوجه ليلحق به لشقة عبد الرحمن ولكن تخشبت قدميه حينما لمح إبنته الأخري تجلس على الدرج لجواره وتبتسم بخفة طفولية على حديثه المرح...

شُعلت عيناه بجحيم قد أوشك على الأنفجار ليقترب منهم بصوتٍ كعداد الموتى: أنت بتهبب أيه أنت كمان.
رفع سيف عيناه ببرود مصطنع: هعمل أيه يعني قاعد!
ضيق النمر عيناه بغضب: هو حد قالك أنى أعمي ولا حاجة..
وجذبه بغضب من تالباب قميصه قائلاٍ بنبرة تحذيرية: أسمع يالا قسماً بالله لو شوفتك أنت والحيوان اللي فوق دا بتحاولوا تكلموا أي بنت من بناتي لكون دفنك أنت وأبوك هنا سامعني ..

كاد الصغير بالحديث ولكن قطعهم أحمد المهرول من الداخل ليحتضن إبنه بتعجب مصطنع: فى أيه يا أدهم؟
أستدار بوجهه ليبث القلق بقلب أحمد ليسرع بالحديث برعب لأبنه: هببت أيه يالا..
رمقه بنظرة نارية: والله فيك الخير أنك لسه فاكر أنك ليك إبن وعايز يتربى كويس..
هبط عبد الرحمن مسرعاً فكبت ضحكاته على المشاكسات اليومية من النمر للحفاظ على تؤامه المدلل...

أقترب منه قائلاٍ بسخرية: ما خلاص يا أدهم هو معتش ورانا كل يوم غير بناتك واللي يكلم بناتك ياعم أنت عارف أخرتها أيه فيفي لعبده وعبده لفيفي..
: دا علي جثتك ان شاء الله.
صاح بها النمر بعد أن لكمه بقوة، تراجع أحمد للخلف بعدما جذب إبنه بخوف ليسرع بالحديث: أنت صح يا نمر هنربي عيالنا..
ودفش أحمد سيف بقوة قائلاٍ بغضب: نهايتي على أيدك أنا عارف مش لقي غير بنات النمر!.

إبتسم الصغير بمكر بعدما أستدار قائلاٍ بطفولية: أشوفك بعدين يا كارمن..
أقتربت الصغيرة خطوات مبسطة بضيق طفولي: يووه مش هنكمل لعب..
أجابها سيف بأبتسامة واسعة: بعد ما أبوكي ينزل
تلبش قلب أحمد ليحمله فوق كتفيه ويسرع لشقته قائلاٍ بغضب: الله يخرب بيت البيت الا جانب بيتك يا شيخ.
وأغلق الباب سريعاً قبل أن يعصف بغضب النمر...

أستدار أدهم لأبنته الصغيرة فأنحنى ليكون على مستواها، رفعت عيناها الخضراء بوجهها الملون بحمرة الغضب من أبيها، خرج صوته الغاضب بعد وهلة من الصمت: أنتِ بتغافليني لما أنزل الشغل يا كارمن؟
أجابته بغضب وعناد بعدما ترنح خصلات شعرها بطفولية: للأسف مفيش حل غير كدا يعني هلعب مع مين وأنت كل حاجه بلاش تلعبي مع دا ولا دا مش ذنبنا أننا البنات الوحيدة اللي فى العيلة أفهم بقا..

وتركته بصدمة من أمرها وولجت للشقة، كبت عبد الرحمن ضحكاته بصعوبة فحطمت حينما هبط إبنه للأسفل قائلاٍ بسعادة لعدم رؤيته النمر بعد: قشطة الغول مشي...
ثم صاح بصوت مرتفع: أطلعي يا كارماااا أبوكِ خلع ..
هرولت الصغيرة من الداخل بسعادة لتصعق حينما رأت النمر امام عيناها بصدمة تكاد تفتك بالجميع.
تراجع الصغير للأعلى برعب حينما هبط للأسفل وراى أدهم..

تعالت ضحكات عبد الرحمن وهو يرى إبنه يصعد للأعلي بسرعة البرق فصاح بسخرية: أسد يالا زي أبوك..
وأستدار بوجهه الضحك ليقابل عين ادهم الجامحة فأبتسم قائلاٍ بسخرية: الجري نص الجدعنه برضو..
وأنهى كلماته بأن ركض للأعلى هو الأخر بينما ولج النمر للداخل ليصيح بصوتٍ كالرعد حينما رأى كارمن وكارما تحتضنان جيانا برعب يسري بوجههم الملكية..

أغلق الباب بغضب قائلاٍ بصراخ جنوني: بقى أنا بنزل من هنا وأنا مطمن جداً أن سيادتك هنخدي بالك من البنات وأنتِ فاتحها كوسة..
أرتعبت جيانا فنهضت لتتراجع للخلف برعب حينما حطم أدهم المقعد ليحصل على عصا غليظة للغاية...
جيانا بصعوبة بالحديث: أهدا يا أدهم دول بيهزروا يا حبيبي وبعدين دول ولاد عمهم هيلعبوا مع مين يعني أنت محرج عليهم ينزلوا الشارع.

إبتسم بسخرية: أه عشان كدا سيادتك سيبها أفراجات هنا بدل ما ينهشهم كلاب الشوارع تنهشم كلاب الشقق..
صرخت بقوة حينما كاد بالأقتراب منها، صاحت كارمن بغضب: هو أنت الوحيد فى المنطقة اللي عندك بنات!، أعقل شوية مش كدا..
صعق أدهم من حديث طفلته التى لا يتعدى عمرها الأربع سنوات!.

واقتربت منه لتشير له بأن ينحني قليلا فأنحنى لها لتكمل بضيق بعدما وضعت يدها على خصرها: ثم المفروض يعني يكون عندك ثقة فى بناتك مش كل يوم هتجرينا كدا وماما حامل يعني ريماس البيبي دي هتتعقد منك وأحتمال تغير رأيها ومتحبش البيئة دي أحنا حاليا بزمن متطور ومتقدم ياريت توزنها صح بدل ما تخسر بناتك التلاته..

وتركته وولجت لغرفتها، كاد فمه أن يصل للأرض من هول الصدمة فربما عليه خوض حروب عريقة ليحمى فتياته الثلاث من براثين أحفاد المنياوي.

تمت