رواية العروسة والشلة الموكوسة للكاتبة ياسمين علاء الدين الفصل الرابع عشر والأخير
ليلي في المستشفي ومهند معاها...
عمار: جعان، اكليني
ليلي: كل بايدك التانيه
عمار: انتي عايزاني اكل بالشمال. ادخل النار
ليلي: لا طبعا. ازاي. الواد عمل كل حاجه حلال. ناقص بس يأكل بايده اليمين
عمار: خلاص. خليكي انا هنادي على الممرضه تيجي تاكلني.
ليلي: طيب اعملها عشان اطفحك اللي اكلته. افتح بوقك
عمار ابتسم بانتصار وليلي بتاكله دخل مهند وشد الطبق من أيدها وقعد ياكل.
ليلي: انت معندكش دم ياض. اتعميت في عينك. مش شايفني باكل اخوك الغلبان اللي كل شويه يضرب ده
عمار: يوووه انا مضربتش
ليلي اسكت انت. كلنا عارفين انك اضربت.
مهند: جعان. وانت يا عم ادخل شويه خليني انام. تعبت من السواقه من بورسعيد لهنا
ليلي: ابعد عن السرير احسنلك وسيب الإكل من ايدك. محدش هينام غيره.
عدت الليله والصبح وصل منصور وزينب
كان عمار نايم على الكنبه وليلي على الكرسي ومهند هو اللي نايم على السرير
زينب: بقي هو ده اللي بيحميهم.
منصور: هو اتصل بيا وقالي متخفش يا بابا. انا هخلي بالي من اخويا وليلي، عمار. عمار. قوم يا بني
عمار: بابا. كويس انك جيت.
ليلي: عمي. خود ابنك الجحش ده من هنا.
منصور ضحك: ايه اللي منيمكم هنا.
ليلي: المفتري ابنك. شال عمار ورماه على الكنبه زي شوال البطاطس.
عمار: الفاظك يا ليلي. اسمها شوال بطاطس
ليلي: شوال رز تمشي
منصور: بس انت وهي. زينب صحي مهند خلينا نمشي
زينب: مهند. قوم
ليلي: قوليلي الفطار جاهز. هيقوم
مهند فتح عينه: ايه. الفطار جاهز. ده انا جعان جدا
ضحكو كلهم عليه.
بعدها خرج عمار من المستشفي.
زياد وعمار علاقتهم بقت احسن.
مهند كان بيكلم كل يوم شوشو وبيطمن على ذكري
الجده: بقولك عمها جايبلها عريس والبت عامله تعيط.
مهند: العريس ده جاي أمتي
الجده: بكره. هتعمل ايه.
مهند: هاجي اولع في البيت باللي فيه.
الجده جدع ياض. متنساش البيبسي وانت جاي. عشان اشرب وانا بتفرج على البيت وهو بيتحرق.
في البيت
زياد: بابا انا عايزه اتجوز ناني
زينب زغردت: لولولولي. مبروك يا زياد
زياد: الله يبارك فيكي يا طنط. ايه يا بابا ساكت ليه. مش موافق.
منصور بالعكس أنا فرحان جدا. مبروك يا زياد..
ليلي: ايه ي عمو انت ناوي تتجوز على ماما
زينب ميقدرش يعملها وله ايه يا منصور
منصور: انتي ماليه كل حياتي، مش انا اللي هتجوز..
ليلي: مين هيتجوز. اوعي يكون اللي في بالي
عمار قعد: في ايه. مين كان بيزغرد.
زياد ابتسم: اه هو. عايز يتجوز؟
ليلي برقت لعمار. هو مش فاهم في ايه
ليلي: هتتجوز عليا. اتشاهد على ابنك يا عمي
عمار: هو انا اتجوزتك عشان اتجوز عليكي
زينب: ليلي اتلمي. ده زياد هو اللي هيتجوز ناني
ليلي: اهااا. مش تقولو كده من الاول، مبروك يا زيزو. اخيرا هتتربي وتتجوز
عمار: انا كمان عايز اتجوز ي بابا.
منصور هجوزكم في يوم واحد. هعملكم فرح كبير
ليلي: انا عايزه حمو طيخا يجي يغني في الفرح
عمار: مين ياختي.
ليلي: حمو طيخا. او نور التوت
عمار: مستحيل.
مهند دخل: بابا. انا عايز اتجوز
منصور: ي ما شاء الله انتم التلاته في وقت واحد
مهند: عايز اتجوزها بسرعه. ي انهارده. او بكره بالكتير.
منصور انت مجنون ي مهند. مين دي اللي هتوافق تتجوزك انهارده وله بكره
مهند: بابا اتصرف. عمها عايز يجوزها.
منصور: طيب اهدا. انا هتصل واحدد معاد معاه
مهند: لا. انا مش هستني لحد ما تحدد معاد انا عايز اتجوز بسرعه، البت هضيع مني.
ليلي: متخفش يامهند. انا جايه معاك. هنقلب الفرح على دماغهم
عمار اقعدي مكانك ي زفته
ليلي بتمثل: انت دائما كده حارمني من كل حاجه، انت قلبك قاسي ليه عليا. حرااام
زياد: ششش، افصلي شويه
عمار: متقولهاش ششش.
زياد صدعتني
عمار: ليلي تصدع
ليلي: شالله يخليك يا حونين
عمار: اتكتمي ي ليلي، عنده حق
ليلي: جاك ضربه.
مهند: ينفع تبطلو هزار ونتكلم في الجد. بابا انا عايز اتجوز ذكري. هتيجي معايا نطلبها من عمها.
منصور: يا ابني انا مش معترض بس مفروض احدد معاد مع الرجال. ادخل كده عليه واقوله ايه
مهند: انا ماشي، هتصرف معاه
ليلي استني، انا جايه معاك. عمار: انا معاك
زياد: وانا، زينب انا كمان جايه
منصور مفيش عقل خالص. امري لله. انا جاي
مهند. فرح وحضن منصور: شكرا ي بابا.
في الطريق كلهم ورا بعض بعربيتهم
عمار: دماغي صدعت من الاغاني اللي بتسميعها.
مهند بيسوق: ده تلوث مش اغاني
ليلي: دي اغاني مهرجانات. دي اغاني شعبي. عايزني اشغلك كاظم واحنا رايحين نخطب للواد
عمار: يكون احسن من التلوث ده
ليلي: انت محرم عليا الفرح ليه. سبني افرح
عمار: عشان تفرحي. تسمعي القرف ده
مهند: خلاص يا عمار. حط السماعه في ودنك وسيبها براحتها
ليلي بتغني: اخويا وحبيبي في الاوجاع طبيبي. حلوه حياتي بيك.
مهند بيغني معاها: توب الرجوله معمول عموله على قد سنك
عمار: هي العدوي انتشرت فيك.
مهند: ياعم دي اغنيه احمد سعد. بحبه اوي. على الصوت يا لولو
ليلي: ايوه يا صاحبي.
عمار: مش ممكن. انا قاعد مع اتنين مجانين. يارتني كنت ركبت مع زياد.
منصور وراهم بعربيته معاه زينب
زياد في عربيه تانيه ومعاه ناني.
وصلو بورسعيد ودخلو الشارع بالثلاث عربيات ورا بعض
شوشو: مش دي عربيه الواد مهند.
مهند: شوشو. وحشاني يا قمر
شوشو: وانت كمان يا واد. جبتلي البيبسي
مهند: صندوق لمبادا وصندوق بيبسي
شوشو: حبيبي. حبيبي. حبيبي. خمسه حبيبي
منصور: مين دي يا مهند
مهند: دي تيته شوشو. اللي كنت قاعد عندها.
عرفهم على بعض. وليلي حبت شوشو اوي.
ورغم أن منصور كان رافض فكره ان يزور الناس من غير ميعاد. إلا أنه محبش يكسر فرحه مهند.
طلعو كلهم قدام شقه ذكري ومعاهم هدايا
فتح الباب عمها وبصلهم: خير في ايه
زينب: هو احنا هنتكلم على الباب
ليلي: افتح يا عمو. عايزه اقعد
عمها: انتم مين. اااه. مش انت الواد اللي كان واقف مع ذكري عند شغلها
مهند: واد
تيته شوشو زقت الباب ودخلت: اوعي كده وانت سادد علينا الهوا. في حد يستقبل الضيوف كده. تعال. نورتم
منصور بص لمهند بعتاب عشان أسلوب الراجل قليل الذوق.
مهند ؛ معلش ي بابا
دخلو وقعدو.
منصور: احم. بعتذر أننا جاينا من غير ميعاد. انا منصور الباشا. رجل اعمال. اكون ابو مهند وزياد وعمار. مدام زينب زوجتي. ليلي بنتها وخطيبه عمار. ناني خطيبه زياد.
الجده: وانا تيته شوشو. ست الواد ده يا خيري
خيري ده عم ذكري: اهلا. بس برضو معرفتش سبب الزياره
منصور: نطلب ايد بنتك ذكري لابني مهند
خيري: طلبك مرفوض. ذكري اتخطبت وهتتجوز بكره
مهند ؛ لسه متخطبتش. هي مش بتحبه
خيري: انت عرفت منين.
مهند وقف: مش هتتجوز غيري.
خيري: لو اخر راجل في العالم مش هتتجوزك
منصور: مهند. اسكت. انت يا استاذ خيري. الموضوع كله أن ابني بيحب بنتك. وعايز يتجوزها. ليه نحرمهم من بعض. شوف انت اللي تطلبه ايه وانا هنفذ وكلمه وعد مني أن بنتك هتعيش احسن عيشه
ليلي ؛ انت مش هتلاقي احسن من مهند. هو بياكل كتير. بس قلبه ابيض
زياد: المهر اللي هتطلبه. هيدفعه. ومش عايزين منها حاجه.
عمار: نقرا الفاتحه بقي.
تيته شوشو زغردت: بت يا ذكري هاتي البييس وتعالي اقراي الفتحه. يا وليه يا ام ذكري. انتي فين.
خيري بصصلهم ومش عارف يرد. كلهم عليه
خرجت ذكري وهي بتمسح في دموعها وبتدور على مهند اللي وقف اول ما شافها.
خيري: في ايه. هو انا مليش راي
شوشو: براحه علينا. البت والواد. وعايزين بعض. طلباتك والراجل المحترم ده قالك اللي تؤمر بيه. عايز ايه تاني
خيري: انا مش موافق عليه. انتهي الكلام.
ذكري عيطت. عمار: مش موافق ليه. مهند مفيهوش عيب واحد
زياد: زي الفل. ادب موجود. اخلاق هتلاقي. بيشتغل ومعاه فلوس وبيحبها.
ليلي: احنا ابنا زي الفل.
مهند. بصلهم وهو مبتسم وفرحان كان محتاج يحس أن ليه عائله
شوشو: بت يا ذكري. انتي موافقه
خيري: هي تقدر تقول رأيها
زينب: ليه ياعني انت اشتريتها. هي انسانه ومن حقها تتكلم. ايوا انت عمها والمسؤول عنها. بس هتجوزها غصب.
منصور: انت لحد دلوقتي مقولتش سبب واحد يخليك ترفض مهند ابني. ايه العيب اللي فيه
خيري: من غير اسباب. مش برتاح لابنك. وهي مش هتتجوز غير اللي اقول عليه
عمار: انت راجل مهزا.
زياد مسك عمار عشان كان هيضرب خيري
منصور: عيب كده. احنا ضيوف. زياد خد اخوك وانزل
نزل عمار وزياد وناني.
شوشو: الواد عمار عنده حق. انا رايي ان خيري ده واطي ومهزا
ليلي: عسل وهو متعصب.
شوشو: لمي نفسك يا بت.
ليلي: احم. لميت.
منصور: بعتذر عن تصرف عمار.
ام ذكري خرجت: السلام عليكم.
شوشو: دي امها. يرضيكي كده اللي بيعمله جوزك
ام ذكري: لا. انا موافقه على مهند. هو شاري البنت وهيحافظ عليها. مش شايفه في حاجه تتعيب
خيري: انتي بتقفي قصادي
إم ذكري: لا يا خيري. بس انا سكت كتير على طريقتك مع البت وقولت بيربيها. بس تجوزها. لواحد هي مش عايزاه. فلا والف لا. هي بتحب مهند وهو كمان. وانا موافقه
خيري: متلزمنيش بعد كده
ام ذكري: براحتك.
منصور: صلو على النبي يا جماعه.
صلحو الموضوع. ومهند مرضيش يمشي غير اما كتب على ذكري عشان يضمن أن عمها ميرجعش في رايه بعد ما وافق بصعوبه. بسبب ضغط مراته والكل.
بعد شهر كان الفرح في قاعه كبيره
فرح الثلاثه شباب والبنات.
كل واحده كانت احلي من التانيه.
عمار: اقعدي بقي. مش عارفه تقعدي.
ليلي: حتى في فرحي. بتتحكم فيا
عمار: ليلي. اقعدي. واعقلي شويه
ليلي: ليه.
عمار: عشان أنا بغير عليكي. بغير اما تكلمي وتتضحكي مع راجل. بغير عشان الناس كلها بيكونو معجبين بيكي
ليلي: اخيرا. يا راجل انا طلعت روحي عشان اسمع كلمه حلوه. كملها بقي وحياه ابوك.
عمار: مفيش فايده. بحبك يا مجنونه يا احلي ليله
ليلي: وانا بحبك اكتر.
دخلت الجده وهي سائقه توكتوك وبتغني
: الليله ليله هنا وسرور، يااللا يا حاره ضلمه. احنا اللي نورنا.
ولهنا خلصت الحكايه. بجواز ليلي وجواز الموكوسين كلهم.
تمت