رواية العروسة والشلة الموكوسة للكاتبة ياسمين علاء الدين الفصل الثالث
زياد كان واقف بره، ليلي دخلت الجناح اللي انبهرت بشكله
ليلي: ما شاءالله. ده قد الحاره بتاعتنا. متحف بجد
فجاه واحد كان خارج من جوه وخبط فيها
شال الفوطه اللي على وشه وبصلها بغضب: انتي بتعملي ايه هنا.
ليلي رجعت لورا وبصتله: انت اللي بتعمل ايه هنا
عمار: دي غرفتي. افهم بقي بتعملي ايه. شكلك من المطبخ. ايه خرجك منه
ليلي افتكرت أنها لسه لبسه هدوم الشغل.
هو: ما تردي عليا. داخله هنا ليه.
ليلي: وطي صوتك يا جدع انت وانت بتكلمني. مش من حقك تزعلي كده. فاهم
عمار: بره
دخل زياد على صوتها: مالك يا ليلي. في ايه يا عمار. انت بتعمل ايه هنا.
عمار: انت مالك بعمل ايه. وبعدين مش هتبطل ترمم
ليلي لسه هترد. كان زياد وقف قدامها: احترم نفسك. دي خطيبتي.
عمار: دي، من أمتي
زياد: وانت مالك، بره، اخر مره قولتلك أن الجناح ده ليا انا. ياريت متجيش هنا تاني
عمار بص ل ليلي وخرج.
زياد ؛ اسف يا ليلي. هو غبي كده دايما. بس غريبه انك مخدتيش حقك
ليلي: اه صح. انا ازاي مضربتوش. هو يطلع مين اصلا
زياد: اخويا بس من ام تانيه
ليلي: حتى لو اخوك. مش من حقه يزعقلي. وسع كده انا هضربه
زياد: هههه. ما كان من الاول. خلاص حصل خير
الباب خبط ودخلت كذا بنت
زياد: اسيبك انا تجهزي. مش عايز تأخير.
تحت كان الحفله ابتدات دخل مهند ومعاه زمايله من الجيم
مهند: اكبر ترابيزه واقعدو يا رجاله، هو فين شفيق...
وبصوت عالي: شفييييق
جري عليه: نعم يا مهند باشا
مهند: الرجاله وصلت. عايز الترابيزه دي تتملي اكل
شفيق: حاضر. طبعا. بس البوفيه يتفتح.
مهند: بوفيه ايه. بقولك الرجاله دي لو جاعت انا مش مسؤول دول ممكن ياكلولك
شفيق: انا. والله لحمي مر مش هيعجبهم. انا هجبلهم كل الاكل
مهند: ايوه كده. فين منصور بيه. مجاش.
شفيق: لا حضرتك وصل هو في الجناح بتاعه، عشر دقائق وهيدخل مع عروسته
مهند: ماشي. روح بقي ومتنساش
شفيق: مقدرش ي باشا. عن اذنك.
وصلت ناني الفرح واول اما دخلت كانت بدور بعينها على اي حد تعرفه
شافت عمار قدامها
ناني: عمار. عامل ايه
عمار: كويس.
ناني: ايه رايك في الفستان بتاعي. شكله حلو
عمار: مبفهمش انا فيهم.
ناني: اوووف. مفيش فايده فيك. طيب حتى جاملني بكلمتين. مش كده ياأخي
عمار: مبعرفش اجامل.
ناني: ده انت اللي هتتحبك هتكره نفسها. فين اخواتك
عمار: معرفش وميهمنيش اعرف
ناني: تعال نقعد على اي ترابيزه. الكعب وجع رجلي
عمار: تعالي.
قعدت مع عمار على ترابيزه. ومهند وصاحبه على ترابيزه
خلصت ليلي وعملت الميكاب وكانت جميله جدا لابسه فستان ابيض
دخل زياد وانبهر بجمالها: واووو. ايه القمر ده. مكنتش اتوقع انك حلوه بالشكل ده
ليلي: انا اصلا حلوه من الاول. بس مش برضي اظهر جمالي. عشان البنات متتعقدش
زياد: وضعك يسمحلك بالثقه دي. اتفضلي يا قمر
ليلي: بلاش قمر والكلام ده. عشان مش بحبه
زياد: انت ناسيه انك خطيبتي دلوقتي. لازم اعيش الدور..
ليلي: اه صح. انا لسه ممضتش على العقد. ومش تخرج من هنا غير وانا متعينه
زياد: انتي بتتكلمي بجد
ليلي: شايفني بهزر. فين العقد ياعم
زياد: بعد عم دي. متتكلميش تاني.
اتصل بمدير الفندق وطلع مع العقد. مضيت عليه ليلي
زياد: مبسوطه كده
ليلي: اه طبعا يا ختشيبي
مسك زياد أيدها وهو بيضحك عليها. وراح على القاعه.
دخل وقت الزفه من باب تاني وكان أبوه بيدخل مع عروسته من الباب الاول. طبعا الأنظار كلها كانت على زياد. وسيم ومشهور ومعروف عنه بتاع بنات. بيدخل مع بنت لابسه ابيض. الصحافين بيصوروهم وكل الناس بتبتص عليهم.
ليلي: يا خربيتك انت قولت. حفل خيري. ايه الزفه دي. وايه كل الناس دي.
زياد: زفه الخير يا ليلي. انتي مروحتيش قبل كده حفل خيري
ليلي: لا. بس مين الراجل اللي قدمنا ده
زياد: منصور بيه. بابا
ليلي: صحته كويسه اهو. انت بتقول تعبان ازاي
زياد: هو تعبان بس بيمثل. دي حلاوه روح يا لولو
ليلي: مين اللي جنبه دي. اختك
زياد: هههه، لا، مراته الجديده.
ليلي: انا مش فاهمه حاجه.
زياد: ليلي كفايه رغي. انتي هنا عشان تمثلي دور خطيبتي. ياريت متنسيش ومتساليش اي سؤال واللي هيسالك تقوليلو انا خطيبه زياد وبس.
ليلي: طيب.
وصل قدام منصور أبوه اللي بصله
منصور: واقف قدامي ليه يا ولد
زياد: انا مش ولد يا منصور بيه. جاي اباركك انت والعروسه. مش شايف نفسك كبير عليها.
منصور: انت مالك. هتحكم عليا. متنساش اني ابوك.
زياد: شكلك خرفت
هنا وليلي مقدرتش تسكت: انت بتتكلم معاه كده ليه. اتكلم بأدب.
زياد: اسكتي يا ليلي انتي مش فاهمه حاجه
ليلي: مش عايزه افهم. ده والدك. (ولا تقل لهم اف)
منصور ابتسم: ما شاء الله عليها متربيه. مين دي يا زياد
زياد: مش هتنفعلك يا منصور بيه. دي خطيبتي
منصور: بجد انتي خطيبته
ليلي: ااه. اتشرفت بحضرتك ومبروك
منصور: الله يبارك فيكي يا بنتي. ياريت تربي الولد ده. عشان شكلي معرفتش تربيه
زياد: قصدك مكنتش فاضي تربيني
ليلي داست على رجله: زياد.
زياد سكت. ليلي اعتذرت لمنصور مره تاني وشدت زياد بعيد
منصور: اقعدي يا عروسه
قعد مع مراته الجديده وبص لشفيق السكرتير
شفيق: نعم يا باشا
منصور: عايز اعرف كل حاجه عن البنت اللي مع زياد دي
شفيق: حاضر يا باشا.
قعدت ليلي مع زياد
ليلي: انت ازاي تكلمه بالطريقه دي. عيب ده باباك
في غيرك محروم من الاب ونفسه يعيش الاحساس ده. الاب ده سندك وظهرك
زياد: اسكتي يا ليلي. انتي متعرفيش حاجه
ليلي: مش هسكت يا زياد. لانك انت اللي متعرفش حاجه. متعرفش يعني ايه تعيش من غير اب. متعرفش ازاي انك تكون انت ظهر نفسك
زياد: ممكن تغيري الموضوع.
ناني وقفت جنبهم: زيزو اخبارك ايه
زياد: كويس. انتي هنا بتعملي ايه
ناني: معزومه. هكون بعمل ايه.
عمار: انت بتكلمها كده ليه
زياد: محامي الست ناني موجود. ازاي انسي
عمار: اتكلم كويس
زياد وقف قدامه: لو متكلمتش
ليلي: زياد. اهدا في ايه لكل ده
ناني: خلاص يا عمار. تعال نقعد.
بعدو عنهم. ناني: هي دي صاحبه زياد
عمار: بيقول خطيبته
ناني: نعممم. هو خطب
عمار: اه
ناني: انا هامشي.
عمار: ليه. انتي لحقتي
ناني: كفايه كده. هروح احسن عندي شغل بكره
وقفت وسلمت على منصور ومشيت وهي زعلانه
ليلي: هو انت عندك اخ واحد.
زياد: في مهند. اللي قاعد على الترابيزه هناك ده
ليلي: ما شاء الله. كل اللي قاعدين على الترابيزه وحوش. اني وحش فيهم اخوك
زياد: اللي لابس قميص اسود
ليلي: اممم. مش شبههك اوي. تعرف اللي شبهك اكتر عمار.
زياد: لا طبعا. انا احلي منهم.
ليلي ضحكت: انت مغرور.
خلصت الساعتين وليلي قالت لزياد انها هتروح البيت.
زياد: طيب يلا بينا اروحك
ليلي: انا هرجع لوحدي. وكمان الحفله لسه مخلصتش
زياد: مش مهم. انا اتخنقت من المكان.
ليلي طيب ينفع اغير هدومي. اصل مش هينفع ارجع البيت بفستان سهره. شكله غالي
زياد: اعتبريه هديه
ليلي: مش هينفع.
زياد: اممم. طيب خلاص تعالي نشتري هدوم. ترجعي بيها
ليلي: لا. مش هينفع. مش معايا الصراحه فلوس
زياد: انتي ناسيه 15 الف.
ليلي: انا مش هاخدهم. كفايه اني اشتغلت هنا. شكرا جدا انك سعدتني. انا كنت محتاجه شغل
زياد: لدرجه دي
ليلي: اه. اصل بابا متوفي وانا عايشه مع ماما والمعاش قليل. بشتغل عشان نعرف نعيش.
زياد: برافو
ليلي: انت بتشتغل ايه.
زياد: ها. انا.
ليلي: اه. بتشتغل ايه.
زياد: رجل اعمال.
ليلي: ما شاء الله. ربنا يزيدك
زياد اتحرج من ليلي لانه مش بيشتغل. وبيصرف من فلوس أبوه.
طلعت الغرفه وبدلت هدومها وزياد وصلها البيت
كانت فرحانه اوي أنها لقت شغل في فندق كبير
أم ليلي: اتاخرتي ليه يا ليلي
ليلي: اما انهارده يا ماما حصل معايا حوادث
أم ليلي: ليه. حصل ايه يا موكوسه. اوعي تكوني عملت مشكله في المطعم.
ليلي: انا ترفدت من المطعم اصلا
ام ليلي: عملتي ايه يا زفته
ليلي: يا ماما. هو انا وش مشاكل
ام: انتي المشاكل نفسها يا ليلي. عملتي ايه ي بت
ليلي: انا مظلومه عشان كده ربنا عوضني بشغل احسن في فندق كبير. وهقبض مبلغ كبير كمان
الام: الحمد لله، يارب انت العالم. هتقبضي كام 3 الف
ليلي: اعلي من كده بكتير
الام: 4
ليلي: بقولك اعلي بكتير.
الام: ما تقولي يا زفته.
ليلي: 15 الف. شوفتي بنتك.
الام: بسم الله ما شاء الله. متقوليش لحد. واول مرتب هنعمل حاجه لله
ليلي أن شاء الله يا ماما. هروح بقي انام عشان اصحي الصبح بدري اروح الشغل. لازم التزم
الام: ناني يا حبيبتي. تصبحي على خير.
عدا اليوم بتعبه وتاني يوم من الصبح بدري راحت على الفندق بكل نشاط
عشان تقابل خناقه قدمها.