رواية الشيخة ليال للكاتبة الوردة البيضاء الفصل الرابع
هل بإمكاننا أن نلتقي وكأننا لم نلتقي من قبل؟ نتبادل السلام مرة اخرى، ونتعارف مجددًا، وأقع في حبك كما في المرة الأولى، وأن نستمر كما كنا، ولكن في هذه المرة لا نفترق.
ليال: سديت التلفون وندك الباب طفرت من.
السرير للحمام عبالي هوا صعد بس تنفست براحه من سمعت صوت ميسم سبحت وطلعت عل سريع بدلت ونزلت حتى للبيت ما داخل بس كايل الميسم تصيحني طلعت واكفت متكي عل سيارته يكلب بالتلفون باوعلي ابرود وصعد رحت صعدت يمه حرك السياره بدون ما يحجي شي ما اعرف جكد مر وقت ومدلي ايده باوعتله بستغراب كال
جاسر: هويتج
ليال: طلعت الهويه وحطيتهه بيده ضل يقرا بيهه وبعدين باوعلي مضيك عيونه اشرتله بيدي شكو كال بستفهام.
جاسر: انتي شوكت كبرتي مو تركناج متوسطه
ليال: فتحت عيوني كتله بتعجب، متوسطه!
جنت سادس عدادي عل فكرا، رفع حاجبه ورجع باوع على بتفحص مستفز
جاسر: ي وشلون صرتي هيج، جان شكلج ازغر من عمرج هسه العكس
ليال: سامعه انو الرجال النسونجي يكون دقيق الملاحضه هسه تاكدت هوا صحيح اني كنت ناعمه واضعف من هسه بس ما تخيلته يتذكرني هيج احجي بكلبي، باوعتله بدون بطرف عيني وكتله، شنو قصدك بعدين مرت خمس سنوات شي اكيد اتغير.
جاسر: صحيح تغيرتي بس نسيتي اطولين
ليال: كال هيج وكتم ضحكته باوعتله بحقد وكتله بغيض، ملك علاقه بيه ممكن البينه العقد والوصيه وبس
جاسر: ي ي بس لا تعيشين الدور مثل ابوج.
ليال: اااااوف يا صبر، سكت عني وصلنه للمحكمه جان جايب محامي خلص النه كلشي واصعب فقرا جانت التحليل لو ما اريد اكسر غروري كدامه جان بجيت خلصنه كلشي ودخلنه للقاضي وتمم العقد والثاني مرا بعد عقد الشيخ احس بشعور مو عادي صحيح زواجنه اتفاق بس اذا اجه يوم وتزوجت بعد هذا الاتفاق يمكن ماراح احس بفرح اوهذا التوتر كلشي يبهت بعد المرا الاوله
جاسر: وين وصلتي
ليال: فزيت من صفنتي عل صوته، لاا وياك.
بس ياريت توصلني للجامعه عل طريقك
جاسر: لا اداومين اليوم لازم نروح للمحاميه نكمل الاوراق حتى بعدهه ما نتقيد بي كملي حياتج عادي مثل ماراح اسوي وكانو ماصار شي.
ليال: اكيد ولا تخاف ماراح افتر وراك واصيح ختيبي ختيبي كلتهه واني واني اعوج بحلكي وهوا يباوعلي بستغراب ودار وجهه احسه يكول تخبلت، احسن حتى يعرف انو هم مو مهتمه مثله، وصلنه للمحاميه ستقبلتنه بحرارا وكملنه الاوراق والوكاله صارت بايدي تحت وصايه جاسر عزمتنه عل الغده بمناسبه العقد
وكعدت تحجيلنه عله طريقه الاداره وشلون صلاحيات الوكاله مالتي طلعت مسوليه اكثر من ما توقعت بس هي راح تساعدني اذا حتاجيتهه.
خلصنه ودعناهه وطلعنه احس هم ونزاح خاصه انو مجبورين نتصرف كدامهه مثل خطيبين طبيعيين حسيت بعد هاي الاحداث حسيت بهم بده يصير عل كلبي وكاني جد كبرت كم سنه عل عمري حتى هوا فكرا شارد ما عرف بشنو بفكر خلصنه الطريق ساكتين وصلني للبيت وقبل لا انزل ترددت اسئله شوكت ينتقلون نزلت وهوا راح...
صار بوجهي سعد عيونه بكصته وكف كدام ساد عني الطريق باوعتله كال
سعد: مبروك ياا عروسه شنو وين كل هذا الوقت تحتفلون بعقدكم.
ليال: هيج رئيك انو اني عروسه
سعد: شوفي ليال كل هذا الصار انه ساكت بس دير بالج هاا دير بالج تفكرين باي رتباط بينج وبينه وكتهه موته راح يصير عل ايدي ماريد اشوفج قريبه منه ولا توقعيله عل اي شي راح اصبر سنه ونشوف اخرتهه وياكم وبعدهه إلى كلام وتصرف ثاني فوتي وخلي كلامي ترجيه بأذنج.
ليال: ماكو داعي الهاي المحاضرا خلصنه العقد ورحنه كملنه الاوراق عند المحاميه ولا تخاف شبعد من الحقد والكره اليمشي بدمكم مامستعده ارتبط بهيج عائله تركته وفتت وهذا تحدي ثاني لازم اعرف شلون اوازن تعاملي وي سعد بالفترا الجايه حتى اتكفه الشر بينه وبين جاسر...
ليال: كعدت ثاني ورحت للدوام خلص لازم ارجع الروتين حياتي الطبيعي ودرستي إلى تقريبا هملتهه بس الغريب انو ما شفت بان معقوله ممداومه اليوم خلصت محاضراتي ورجعت للبيت ميسم واكفه بالحديقه تباوع عل بيت عمو نكزت كتفهه فزت باوعتلي ولزمت كلبهه
ميسم: اوي ليال شبيج فززتيني عبالي سعد
ليال: ليش شنو صاير وجاي تسوين هنا عل شنو تباوعين.
ميسم: اطمني خلص هذا الموضوع نسد نهائيا وتركج مني هسه، بيت عمو براهيم رجعو عل بيتهم واخوج وابوج ما قبل اني اماما نروح نساعدهم حتى اليشتغلون بالبيت ما قبل نوديهم وياهم
ليال: شنووو يعني بان رجعت هنااا اوف واخيرا اني هسه اروح اساعدهه بيتهم كبرير وصار 5 سنوات متروك مايكدرون على وحدهم
ميسم: سمعتي شنو كلت
ليال: اعرف اعرف راح ابلغ ليث ومحد راح يحجي تعالي ابدل ملابسي ونروح
ميسم: اوك يالله.
ليال: دخلت بدلت عل السريع ورحت الغرفه ليث متمدد عل سرير يقرا كتاب نتبه الوجودي بتسم، ما ازعجتك مو
ليث: ههه لا فوتي
ليال: صراحه مجاي اكعد اريد اطلب منك طلب
ليث: خير طلب شنو
ليال: ممم بيت عمو براهيم رجعو البيتهم واريد اروح اساعدهم وابوك ولاخ ناصبين عراضه بقياده فخريه، اباوعله بتسم بهدوء حسيته مهموم بس مايريد يبين كال
ليث: الشيخه خايفه
ليال: ههههه لا شيخه عل نفسي.
ليث: هههههه ستخدمي صلاحياتج ترا من تروح تتندمين ما تمتعتي بيهه
ليال: ههههه ي تنصبت رئيسه افكر اخمطكم
ليث: انه عني بالعافيه ههههه يالله كومي اوصلكم
ليال: يس مححح، بدلنه عل سريع اني وميسم ونزلنه ورا جانو كاعدين بالصاله ما حجو شي لان عدنه قانون بالعائله اذا طلعنه وي واحد البقيه ميعترضون لان يعتبر تقليل من احتراما.
بس بيبي تحزر بينه ما هتميت طلعنه عل حديقه الخلفيه لان مفتوحه عل كل وصلنه البيت عمو الباب مفتوج جان جاسر ويعقوب مسوين كعده بالحديقه ليث سلم وردو عليه ودار يريد يرجع لان يعرف جاسر ما يطيقنه بعد الصار بس صاحه يعقوب
يعقوب: ليوثي تفوتك
ليال: يجي وياشر عل اركيله ماراد يرده اشرلي فوتي وهوا راح يمهم جاسر مثل رجل المافيه مسلط اعيونه ويباوع بهدوء احسه قالب ثلج وكاعد، فتنه للبيت وشافتني بان.
بان: عاااا لولو توقعتج ماتجين
ليال: حضنتهه معقوله تجين وما ارحب بيج
بان: حياتي انتي، هلو ميوس
ميسم: هلو بيج عمري يالله بشنو نساعدكم
هبه: الحمدالله اجيتو بعد شغل كومه الطابق الثاني حصتكم
ليال: هلو هبوشه وانتي هنا هم تعرفتي عل بت عمي العسل
هبه: ههههه ي تعرفت عل عسل بعد ما نشف ريكي من بنات عمج ال...
اليال: رادت تكمل كلامهه وفاتت مريم اني و البنات ختنكنه بالضحكه.
بان: ههههههه والله انتي العسل يالله كافيكم حجي هسه تجي ماما شرشحنه
ليال: سلمنه عل مرت عمو وما اعرف ليش سلامهه بارد ويانه ما جانت هيج ما هتميت للموضوع اخذت شغلات التنضيف وصعدنه للطابق الثاني.
ليال: نزعت العبايه والشال بقيت بالبجامه عريضه مال البيت رفعتهه ثنيت اطرافها و قسمت الشغل وي ميسم كل وحده جهه وبدينه انضف ما اعرف اشكد مر وقت احس هلكت التراب بكل مكان لان تاركينه باثاثه اخذو بس ملابسهم من راحو خلصت بقت عندي اخر غرفه فتحتهه اهوو غرفه الباشه مليانه كراتين وجنط وكانو جان مهاجر بلشت انضف فتحتهه ونضفت الارضيه والسكف نكثته ومسحت الاثاث وكل شوي ناقل غراضه المكان حتى انضف جواهم اخر شي غريت الفرشه وكعدت عل سرير طايح حضي صدك كمت الهث من التعب نفتح الباب باوعته هوا دخل تفاجئ بوجودي بعدين باوع عل غرفه كال.
جاسر: اوو الشيخه تكرمت ونضف غرفتي كفوو والله
ليال: كمت بتعب اريد اطلع ومالابسه شال هسه يلزم شعري تصنيف وهوا شحاله صار من التراب
كتله واني اريد اطلع، تعلم الكرم مني كال بستهزاء
جاسر: لا بالله انتو معروفين بالكرم من يلحكم كريمه بت كريم
ليال: ستغفر الله اني صوجي جاي اطلع وصاح هوب باوعتله كتله، خير
جاسر: كمل كرمج وعزلي ملابسي والغراض
ليال: فكيت حلكي، شنوو ليش انت شنو شغلك رتبهم بنفسك خزرني وكال بنبرا حاده.
جاسر: عدلي حلكج من تحجين لا اندمج والله لوتجين ترتبيهن لو صيحي بان مو شغلي هذا
ليال: حقير حجيت بصوت ناصر وركعت الباب صار وراي نزلت ركض عبالي طلعلي رحت اصيح بان لكيت الاخت ملتهيه اذا اصيحه واقطع عليهه الحضه ادوس ابطني قررت استسلم وارجع ارتبله اني لاينزل يشوف الشفته ويثور علينه سحبت الشال لفيته وصعدت الله يصبرني وما اخنكه...
بان: واخيرا تحقق حلمي ورجعت البيتنه البيت التربيت بي وعشت طفولتي ومراهقتي بي وكانت اسعد ايام حياتي بس كولشي ادمر قبل خمس سنوات جانت اسوء خمس سنوات بحياتي خسرت اعز انسان عل كلبي بابا احس كلبي وكع وتكسر وضاعت قطعه منه وهيج ماراح يرجع يترمم مثل قبل بعد ونتو قيسي شكد تالمت عليه وجكد كانت خسارته جبيرا بالنسبه إلى وما توقفت خسارات حد هنا حست مثل الغضب ولعنه صابتني وبديت اخسر كلشي حلو بحياتي خسرت اعز صديقاتي روحي اختي إلى ما جابتهه امي ليال وخسرت حب حياتي ي ي حب حياتي حب طفولتي حبي الاول ليث إلى كان لازم اختار بينه وبين سندي بينه وبين اخوي إلى حضني بعد بابا وكال اني ابوج وخوج وشنو تردين اصيرلج ماكدرت بعد هذا كله اكسره واختار كلبي تركته ودفنت حبى بالاجزء الحلو بكلبي وماسمحت الاحد يتقرب منه لا من ولد خوالي ولا بالجامعه هوا اله وبس ااوف بس خسارتي ما وكفت عليه خسرت جدو ابوي الثاني وعمامي و حتى بيتنه خسرته وعشت بمكان طول هذا الوقت ما حسيت بالانتماء اله ولا كدرت انتمي الخوالي إلى ما قصرو ويانه بس رغم هيج عشت غريبه بينهم ناقصه وماحسيت بدوفو العائله بس الحمدالله الله جازا صبري خير واخيرا رجعت البيتنه صح ما كو شي راح يرجع مثل قبل بس تعويض ربع العالمين حلو هم هسه رجعت العالمي إلى انتميله وحققت حلمي بالدراسه و نشالله يعوضني بايام احله بس ايامي بدونه ما تحله إلى كل ما اشوفه رغم تجاهله إلى واعرف ماراح يسامحني وخسرته بس احس هيج مثل نسمه هوا بارده تنفض الغبار عن كلبي من اشوفه...
اااااف هسه غير توخر هاا البومه حتى اشوفه، واكفه كدام الشبك اباوع عليهه شلون لطشتله حتى شغل ماعرف شلون اشتغل بعد لاا لاا ما اتحمل غسلت ادي ونزلت رداناتي اخذت نفس وطلعت جاسر صعد نشالله مايسوي على كبسه
وصلت يمهم هوا ويعقوب كاعدين وهي واكفه ادك سوالف نتبهو الوجودي وهوا غلس دار وجهه عني متت من الغيض وجهت كلامي اليعقوب
يعقوب ماما تكول ياريت تجي تشد الكهراباء مال السبالت خلصنه تنضفهه.
يعقوب: ي حاضر تدلل اجه دورنه ننكرب وليث هم شوفيله شغله حتى احس بالمساوا ههههه
بان: باوعتله وكلت بتوتر حاسه راح يفشلني
كتله، اذا يكدر يساعدني اريد انزل البردات وما الوح، رفع راسه باوعلي وكال بهدوء
ليث: ي ادللي
بان ؛ مشى فات كدامي ومرمر ورا بس يعقوب كلهه تسوي جاي بقات بالمطبخ اخذته للصاله خل الدرج وصعد عليه واني جوا ماخذتلي صفنه عل طوله وحركاته
ليث: جبيبلي شي افلت بي دتسمعيني، بان باااان.
بان: فزيت عل صوته يصيح اسمي غزااا بعيني صافنه بي وهوا يحاجيني باوعتله باحراج واحس نارر صعدت لخدودي، هاااا اي اسمعك
رفع حجبه وكال بشك
ليث: همم ي سمعتيني مو يالله روحي جيبي الكتلج عليه
بان: باوعتله وارمش بعيوني وبعدين نزلتهن بخجل كتله، شنو الكتلي عليه
ليث: بان باوعيلي
بان: كالهه بصوت يذوب رفعت راسي بهدوء باوعلي بنضر ردت اوكع من طولي شوي اشو هذا كلب خلقته ودار وجهه كال ابرود...
ليث: لا تصفنين بعد روحي جيبي شي افتح البرده بي
بان: ردت ارفس الدرج واوكعه اكسر راسه هذا المغرور كتله بغيض، حااااضر ورحت جبت الجاكوج صار يفلت بيهن ويشمر على بخباثه ساعه السوده الكتله ساعدني ولا نطق كلمه بس من اجت مرمر وكفت عل راسه تسولف وهوا يجاوبهه ويضحك وياهه واني مثل الحايط واكفه بنصهم كتلهه بغيض
مريوم مدي ايدج وكملي عني اني رايحه اغسل البيدي
مريم: ي حبي اخذي راحتج اني اساعده.
بان: هزيت راسي بالايجاب باوعتله اجيت عيني بعينه ودار وجهه عشتو امشي بكرامتي احسلي من على لان ساعدني خلي مريوم تفيده اااااا خبيث اكرررررهااااا.
هبه: اااف ما خلصت تكسرت رجلي من الوكفه
يعقوب: انتي عطلانه اكثر من السبلت انطي صبر
هبه: اااااف ااااف اااااف
يعقوب: راح اطيريني
هبه: ملليت صار ساعه موكفني يمك بس لازم الدرنفيس الزمه انته
يعقوب: بيش الزمه بحلكي غير جاي اشتغل بادي
هبه: شكد بطيئ.
باوعلي ورفع حاجبه وكال.
يعقوب: يفضلي ست تعالي انتي ربطي
هبه: هوا صحيح اني مهندسه واذا اريد اربطه اسرع واحسن منك بس ما اريد اخاف من الكهرباء. كلت هيج وما احس غير صار يهتز مثل المتكهرب او هوا تكهرب نرعبت ولزمته بسرعه بدون تفكير وصرخت اشو هذا وكف وكام يضحك بكل قوته واني كلبي صار مثل الطبل من الخوف، تضحك على مووو
عصبت وصرت اضرب عل صدرا بثنين ادي وهوا يضحك واني اضرب واسب بي لزم ادي باوعتله بحقد واني اتنفس بغضب لان صدك خفت وهوا.
يعقوب: ببتسامه مو تخافين من الكهراباء المفروض ما تلزميني لان راح تتكهربين ويااي يعني ما تخلصين مني لا دنيا ولا اخرا
هبه: هديت صدك اني شلون الزمه جان متت وياا خفت عليه وهوا يضحك على غبيه...
نترت ادي من ايده، اني صوجي اساعدك واله ارجعهه الك نزلت وهوا يصيح وراي ويضحك تركته ومشيت والله ارجعهه الك بسيطه.
ليال: دكيت الباب بتردد فتحه باوعلي رافع حاجبه
جاسر: شو رجعتي.
ليال: بان مشغوله راح اساعدك اني امري لله، بعد عن الباب وسوالي طريق بيده
جاسر: تفضلي وخلينه انخلص بسرعه اتعقد من الهوسه
ليال: حاضر اوامر ثانيه
جاسر: حاليا لاا.
ليال: باوعتله بطرف عيني بديت افتح بالجنط وارتب بالكنتور وهوا يرتب بالمكتب ماله كتبه واغراضه البقيه واني اخلص جنطه وما اعرف منين تطلع الثانيه اضاهر عنده هوس بالملابس طلعت طلعت عطوره والساعات خو السبح بكد الملابس كله خرز النوعيه الفاخره هوا رتبهن عل اقل من مهله وهتمام وباقي الكماليات اني رتبتهه نشتغل بدون ما نحجي شي بس اسئله عل مكان الاغراض وين اخليهه وهوا يجاوب وكل شوي نغير شي مايعجبه يعني حرفين نهد حيلي خلصنه واخيرا بقت شغلات خفيفه جاي ارتب بيهه ما احس غير معتي طلعت صوت اااخ عل احراج من رفع راسه باوعلي غلست باوعت عل ساعه بالسته عزا واني عل ريوك بدون غدا حتى بالجامعه ماصارت فرصه اكل فركته بيدي، فدوا اروحلج لا تفضحيني وهوا كل شوي باوعلي واني ادور وجهي اشغل نفسي.
خلصت كلشي اباوع للغرفه صارت تلمع بس لو هوا يطلع منهه جان ضوت مضلمه بوجوده باوعت شفت جنطه عل كومدي مسطحه مبينه مال اوراق بخليت ايدي عليهه هوا بسرعه كام وسحبهه مني تفاجئت
جاسر: عوفيهه هاي بيهه تصاميم المشاريع
ليال: ماشي اعتقد خلصنه اني طالعه
جاسر: ي خلصنه اخذي راحتج
ليال: لا راح اخذ الزباله عود شكرا إلى والجهودي طلعت وهوا يحجي وراي
جاسر: هل بيج نخدمج يوم عرسج.
ليال: طلعت قبل لا احط السطله براسه نزلت ساعدت البنات بكم شغله وبعدين تجهزنه حتى نروح ندك الباب ونزل هوا بسرعه وي صوته فتحه اخذت نفس مو مصدكه ريحه اكل شويه وفت خل عل طاول الطعام انواع الاكلات طالبه من المطعم فير نسحلت ما قبل نطلع النه ناكل هو منو الزوج الراح يطلع كعدنه ناكل بس اني فقدك كلهه نتبهت على رفعت راسي اجت عيني عليه يباوعلي ومبتسم بلعت ريكي شنو منين طلعت الشمس حتى وقت غروب توترت ما عرفت اكل بعد ما نسفت نص الاكل بس هم اروح احلي ابيتنه كملنه اكل سلمنه عليهم وبست بان وطلعنه كلنه فد طلعه بعد ما سوينه البيت يلمع بس شنو حسينه الحديقه صارت مشوار من التعب وليث يقلد علينا يكلنا اشيلجن دخلنا اني وميسم البيت هدفنه واحد الحمام وبعدين بوجهنا غل فراش وتصبحون عل الف خير...
تنادِيك رَغْبَاتِ المقابيل من الأرض وانتي بِالمجرَّة.