رواية الحب الضائع الجزء الثاني للكاتب عبد الرحمن أحمد الفصل الرابع
كريم: اللى هيقرب منى هقتلك خطيبتك وحبيبتك يا باشا، هقتلهااااالك!
كان ذلك مثل الصدمة على محمد فأمر الجميع بعدم إطلاق النار
محمد: عايز إيه
كريم: شوفت وانت مذلول قدامى شكلك عامل ازاى
محمد بعصبية: ولا لخص.
كريم بأبتسامة: حاضر، عايز عربية برا تكون فاضية خالص وكل رجالتك يخرجو والعربية تكون قدام المكان علطول بس خد بالك انا في ايدى كاميرا حالا كاشفة المكان برا قبل ما اخرج علشان لو حبيت تغدر ولو فكرت تغدر حبيبة القلب هتحصل هايدى، فاكرها!
محمد بعصبية: حاضر هجيبلك عربية، حساااام هات عربية ومتخليش حد فيها برا
حسام بأستغراب: حاضر سعادتك
يارا: كريم انا همشى معاك متسبنيش هنا، انا مش طيقاهم كلهم متسبنيش.
كريم: بتتكلمى جد يا يارا
محمد: انتى بتقولى إيه!
لم تنتبه يارا لكلام محمد
يارا: هااا
كريم: طبعا يا قلبى هتيجى معايا
يارا: بدأت احس بالامان معاك وشعورى نحيتك، بحبك
محمد بعصبية: يااااااه
يارا: بس المسدس خانقنى ابعده شوية عنى
كريم: حاضر يا روحى اهو
امسكت يارا بالمسدس وسحبته منه بقوه والقته الى محمد الذي افرغ جميع طلقات المسدس في جسده ورأسه
محمد: اوووووف للحظة فكرتك بتتكلمى جد وللحظة شكيت في كلامك.
يارا بخوف: محمد علشان خاطرى طلعنى برا مش طايقة المنظر
محمد: يلا يلا
خرجت يارا مع محمد وتولت القوات نقل الجسس بعد وصول الاسعاف
محمد: مفكرتش انهم ممكن يعملو كدا، كنت خايف تضيعى منى
يارا: لولا انى بعتلك العنوان كنت هضيع فعلا
محمد: الحمدلله انك بخير، يلا علشان نروح، حساام هروح انا اوصل يارا وجاى، تمام
حسام: تمام
ركب محمد سيارته وركبت يارا بجواره وانطلقو في طريقهم الى المنزل
محمد: قالك إيه.
يارا: قالى انه هو بيحبنى وباقى القصة اللى انت عارفها وانه هو اللى قتل سامح
محمد بأستغراب: كريم اللى قتل سامح!
يارا: ايوة
محمد: طب لية
يارا: بيقول علشان بيحبنى ومكانش عايزو ياخدنى منه
محمد: مظنش ده السبب
يارا: اممممم معرفش
محمد: بس مقولتليش
يارا: اقولك إيه
محمد: انتى حلوة اوى النهاردة كدا لية
احمرت وجنتا يارا
يارا: ...
محمد: يا خلاشى لما تتكسفى، عسولة يا ناس
يارا: هو انا صغننة علشان تقول كدا.
محمد: ايوة صغننة وروحى وقلبى كمان
يارا بكسوف: بس بقا
محمد: اعملى حسابك بقا، انا هكلم خالك علشان نتفق على كتب الكتاب والفرح واجهز الدعوات بقا والدنيا
يارا: بتتكلم بجد!
محمد: اكيد طبعا
يارا: بس مظنش وقته علشان والدك وكدا
محمد: بابا مات بقالو اسبوع وبعدين الزعل مش اننا نفضل نعيط ونأجل افراحنا، الزعل في القلب بس لازم نكمل الحياه علطول
يارا: الله يرحمه.
محمد: ياارب، بس انتى النهاردة كنتى جامدة اوى وفكرة انك تضحكى على كريم دى على اد ما هى عصبتنى بس عجبتنى في الاخر ولولاكى مكنتش عرفت اجيب اجله ابن ال، ده
يارا: عيب عليك
محمد: من شوية كنتى رقيقة وتمام ودلوقتى تقولى عيب عليك، إيه يا بنتى!
يارا: سكتت اهو
محمد: بحبك
يارا: ...
محمد: بحبك
يارا بكسوف: وانا كمان
محمد: وانتى كمان إيه!
يارا بكسوف: بح، بك
محمد بفرح: يااااه طالعة عسل من بؤك
يارا: ...
محمد: يلا وصلنا انزلى وانا هروح انا على المديرية
يارا: خلى بالك من نفسك
محمد: حاضر
يارا: لا اله الا الله
محمد: محمد رسول الله
انطلق محمد بسيارته ودخلت يارا الى الفيلا
ملك بلهفة: يارا اتأخرتى ليه، انا كنت هموت من القلق
يارا: تعالى وهحكيلك على رواقة
ملك: ماشى.
حسام: اخيرا كدا خلصنا من كريم
محمد: الحمدلله ياعم، بلوة واتزاحت بس بردو مقدرش اقولك القضية اتقفلت ولا لسة
حسام: مش فاهم قصدك!
محمد: علشان اكرم قالى ان فيه ناس تانية من برا معاه يعنى مش كريم لوحده
حسام: لو كلامو صح الايام هتثبت
محمد: مش هستنى تثبت انا هروحله دلوقتى
حسام: خلاص ماشى تمام.
اكرم: نورت يا محمد باشا
محمد: عارف
اكرم: ههههههه ماشى، إيه اخبار كريم
محمد: بخ، قتلته
اكرم: عاااش فعلا ظابط شاطر
محمد: لا اسمع يا يروح امك انا مش جاى علشان تقيمنى شاطر ولا مش شاطر، انا عايز اعرف حد كان مع كريم ولا كدا خلصت
اكرم بأبتسامة: خلاص خلصت
محمد: امال إيه اللى فيه ناس بتساعدك والكلام اللى قولتو قبل كدا ده ومالك مبتسم كدا لية
اكرم: انا مش قصدى خلصت على ان القضية خلصت لا لا انا اقصد حياتك.
محمد: لا والله والمفروض دلوقتى اخاف ولا اقولك انت بتقول إيه وازاى ده، متهزتش، هات اخرك
اكرم: اخرى ملوش اخر
محمد بهدوء: عادى جدا مش هتعصب بردو وهفضل معاك للأخر
اكرم: اللى انت فاكرهم سهل انك تجيبهم دول عاملين زى الشياطين، يظهرو ويختفو ويقتلو ويختفو ويعملو اللى عايزينو في اى بلد ويختفو بردو
محمد: الفزورة حلوة الصراحة بس انا غلب حمارى، حلها بقا
اكرم: حاضر، عارف كريم!
محمد: اممم.
اكرم: يبقى خيط الوصل بينى وبين الناس دى وهو مات خلاص بس اللى اقدر اقولو ان الناس دى مبقتش فارق عندهم خلاص وهيعملو اللى عايزينو باى طريقة في مصر واكيد مش هيسيبوك في حالك، أما انا فخلاص كدا انسانى بقا، اعدمونى اسجنونى مبقتش فارقة
محمد: اكرم، عايز تبقى بنى ادم محترم بجد
اكرم: كنت من زمان اوى بس البلد مرضيتش
محمد: دلوقتى هترضى بس بشرط
اكرم: شرط إيه.
محمد: انك تساعدنى ضد الناس دى وتعرفنى على كل نقاط ضعفهم وهم مين بالظبط وفي انهى بلد وكل حاجة وساعتها هتبقى حر وكمان هتشتغل في مشروعك وشركتك معزز مكرم لأول مرة بدون ضغوط ولا اي حاجة وهتحس من جواك انك بقيت نضيف
اكرم بتفكير: وانا اضمن منين
محمد: مع ان كل عارف انى كلمتى واحدة بس بردو هقولك، وحياة اختى كلامى صح
اكرم: حاضر يا محمد باشا، حاضر.
عاد محمد الى المنزل وهو يجرى
محمد: ملك هاتى الريموت
ملك: لا سيبنى اكمل المسلسل انا ويارا
محمد: يتحرق المسلسل، الاهلى بيلعب في افريقيا يا بت انتى
وسحب منها الريموت و فتح قناة بين سبورت
ودخل في تلك اللحظة رامى
رامى: ها الماتش بدأ يا محمد
محمد: اه لسة بادأ اهو
يارا: هو بيلعب مع مين
محمد: النجم الساحلى
ملك: هو محمد صلاح رقم كام علشان نفسى يجيب جون النهاردة
محمد: ملك اسكتى وسيبينا نتفرج على الماتش
ملك: يوووه.
رامى: يا ملك يا حبيبتى، محمد صلاح ملوش علاقة بالاهلى، بيلعب مع ليفر بول
ملك: ليفر بول دى فرقة!
رامى: اخرسى يا ملك انتى ملكيش في الكورة متتكلميش بقا وسيبينا نتفرج على ام الماتش
ملك: يووه حاضر
محمد: هاا يلا يلا يا مؤمن يلا
رامى: صح ايوة شوط شوط
محمد و رامى: جووووووووووووووووووول
جوووول جووول
محمد: الله عليك يابنى إيه الحلاوة دى
رامى: ان شاء الله نجيب جولين كمان علشان نضمن ونقابل الوداد
محمد: ان شاء الله.
يلا يلا هاااا جوووووول
التانى التانى التانى الله الله
محمد: الله عليك يا معلوووووووول
وظلت الاهداف تتوالى وتزداد فرحة محمد ورامى وهما يشجعان وفرحين بتلك النتيجة الكبيرة وايضا يارا فقد كانت ايضا تشجع لانها ورثت تشجيع الاهلى وحبه من والدها
رامى: عااااش اوى كسبنا وبنتيجة كبيرة كمااان
محمد: الحمدلله كدا نقابل الوداد بقلب جامد
رامى: لازم نحضر الماتش الجاى في الاستاد
محمد: اكيد طبعا انا هحجز التذاكر للماتش.
ملك: عايزة اجى معاكو
يارا: وانا كمان
محمد بتفكير: خلاص ماشى هحجزلكو تذاكر انتو كمان ونروح الماتش الجاى
ملك ويارا بفرحة: ماااشى
رامى: ونبى يا ملك لما نروح متقوليش هناك محمد صلاح فين علشان متضربيش
ملك: مش هقول، مش انت قولت بيلعب في فيلر فول
رامى: نهارك اسود فول إيه، ليفر بوووووووووول ما علينا انسيه خالص
ملك: حاضر يا عم متزعقش
محمد: لا ملك شطورة وانا هعلمها كورة علشان متشلش اللى جابونا كل ماتش.
يارا: انا هعلمها
محمد بحب: احسن حاجة فيكى انك بتشجعى كورة لا وكمان الاجمل انك اهلاوية، إيه ده ملااااك
يارا بكسوف: بس بقا
محمد: يعينى يا ناس على العسل
رامى: ما تحترم نفسك يا عم انت، كدا عينى عينك قدامى انا وملك، خلاص يبقى متزعلش لما اقولك ل ملوكة انتى نور عينى و...
محمد: هااااااا
رامى: و بهزر ياعم فيه إيه
محمد: بحسب
رامى وهو يشاور لملك وهو يضغط على رقبته بمعنى ان اخوها خنيق
محمد: بتعمل إيه.
رامى: لا مفيش اصلى حاسس انى بطلع في الروح
محمد: طب بسرعة
رامى: بسرعة إيه
محمد: هديك رصاصة في دماغك تخلص علطول بدل ما تعافر مع الموت
رامى: ههخهخهخخهه ظريف
محمد وهو يسحب مسدسه: إيه
رامى: بقول الجو ظريف وجميل النهاردة
محمد: اهاا بحسب
رامى: وطلع الناتج كام وقام ليجرى
قام محمد ليجرى ورائه: خد هنا يلا
ملك: قط وفار
يارا: هههههههه جدا.
What terrorist events will we carry out in the coming days?
not now
why ?
Let us wait until we inform our client in Egypt about the latest developments and set an appropriate time for the implementation of the next process
ok sir
الترجمة:
ما هي الأحداث الإرهابية التي سننفذها في الأيام القادمة؟
ليس الان
لماذا ا؟
دعونا ننتظر حتى نبلغ عملائنا في مصر عن آخر التطورات وتحديد الوقت المناسب لتنفيذ العملية المقبلة
حسنا سيدي.