رواية التحدي للكاتبة إيمان شاهين الفصل السابع عشر والأخير
نظر أسر لمحيطه وقرر ماذا سوف يفعل، سوف ينقذ لينا ولو كان الثمن حياته
- مش من الرجوله يا شريف انك تتحامى وراء واحده ست انا أقدامك اهو سيب مراتى واتكلم معايا راجل لراجل
- وانت فاكر ان كلامك ده هيأثر فيا انا لو بعدتها يبقى بكتب شهاده وفاتى المدام الحلوه ديه هتفضل كده لحد ما نخلص حسابنا، بس انت وقعت واقف يا اسر مراتك مزه بجد
أسر بصراخ وهو يحاول التحكم بأعصابه.
- شررررريف مراتى خط احمر وقولى انت عايز ايه
- انت السبب انى اخسر كل حاجه وشركتى تفلس يبقى لازم تدفع الثمن وتعوضنى
- شركتك فلست لما التحقيقات اثبتت انك بتدفع رشاوى وان المؤن بتتغش مش انا السبب
- لا انت السبب انت اللى بلغت عنى علشان تأخذ المناقصه منى ودلوقتى هتدفع الثمن ياتدفع 30 مليون جنيه وتحولهم لحسابى لأما تودع المدام.
- وانا موافق خليها تمشى مع عمر وانا هفضل معاك ولو الفلوس ماتحولتش اتصرف معايا برحتك
- مش هيحصل يا اسر هي نقطه ضعفك، يعنى هتفضل معايا لحد ما اطمن ان فلوسى توصلنى.
اخذ اسر نفس عميق وهو ينظر للينا وملامحها لم تتغير لكنها نظرت لعمر نظره لم يفهمها لكن يبدو ان عمر فاهمها لانه بلمح البصر قامت لينا بضرب شريف بمنطقته الحساسه بكوعها وما ان ابتعد عنها حتى قام عمر بضربه بالنار بصدره وقام رجاله بضرب الرجال المحيطين بشريف
جلست لينا على الارض وبدء جسمها بالارتعاش والارتجاف اسرع أسر لها وضمها لصدره بقوه كانها حلم يخاف ان يستيقظ منه ويبعد وجهها عن الجثث المحيطه بهم.
- انتى كويسه يا حبيبتى ردى عليا يا لى لى علشان خاطرى ردى عليا
نظرت له لينا نظره كلها الم وانكسار
- طلقنى
نظر أسر بصعقه لها ولم يعرف ماذا يقول من الالم الذي احسه بقلبه من هذه الكلمه ضمها لصدره بقوه وهو يتوسلها.
- علشان خاطرى يا لينا اوعى تبعدى عنى بلاش علشان خاطرى وحياه اغلى حاجه عندك اوعى تسيبينى، انا عارف ان غلطى كبير اوى انا مستعد اركع واترجاكى عمرى كله بس ماتشبينيش، انا هموت من غيرك يا لينا، انا اسف انا اسف انا اسف انا اسف.
اخذ أسر يقرر الكلمه مرار ودموعه تنزل على خده، لاول مره بحياته يرمى كرامته وكبريائه على الارض فالمرأة التي بحضنه هي حياته كلها فليذهب كبريائه للجحيم فبدونها حياته ليس لها وجود، لم يتوقع انه يعشقها لهذه الدرجه حتى أحس انه من الممكن ان يفقدها.
ابعدته لينا عن حضنها ونظرت لوجهه على الرغم من الالم الذي تشعر به والجرح الذي سببه لها الا انها لا تستطيع ان تسامحه، ما فعله جعلها تفقد الثقه به وحب بدون ثقه لن يكتب له النجاه، وقفت لينا ونظرت له نظره اخيره ثم خرجت وهو ينظر لها مكسورا فاقترب منه عمر
- هو ايه اللى حصل بينكم يا اسر
قال ودموعه تنهمر على وجهه.
- مش عايزه تسامحنى يا عمر انا عارف انى غلطت غلط كبير اوى بس والله ده من غيرتى عليها انا مستعد اعمل اى حاجه بس هي تسامحينى
- انا مش عارف ايه اللى حصل بس هي بتحبك وانت بتحبها سيبها يومين ترتاح وبعدين حاول تتكلم معاها مره تانيه.
ساعد عمر اسر بأن يقف وخرج باتجاه السيارات كانت لينا تنتظر بجانبهم ركب عمر واسر ولينا بسياره وخلفهم سياره الحراسه، كان الطريق يتسم بالصمت كان قلب أسر يتألم كلما ينظر عليها من المرايه ويرى دموعها المنهمره على خدودها اغلق عيونه بألم
وصلوا لفيلا البحيرى وخرجت لينا بسرعه وتوجهت داخل الفيلا واستقبلها خالد بحضنه وضمها له بقوه
- انتى كويسه يا اميرتى.
- كويسه يا خالد بس تعبانه ومحتاجه انام ومش عايزه اتكلم عن اى حاجه دلوقتى، بابا عرف
- لا انا مارضتش اقوله حاجه خفت على صحته لو عرف
- كويس اومال جنا فين
- جنا فوق نايمه انا ماكنش ينفع اسيبها لوحدها وكان لازم ارجع البيت علشان خاطر بابا، ديه كانت قلقانه عليكى اوى وانا كذبت عليها وقولتلها انك بقيتى كويسه وانهم جابوكى علشان ترتاح.
انسحبت لينا وذهبت لغرفتها واسر ينظر لها بألم ولا يتحدث فعمر معه حق لقد اساء لكرمتها وشرفها ويجب ان يمنحها الوقت حتى تهدء
- انت ناوى تعمل ايه يا اسر
- معرفش يا خالد معرفش بس والله غصب عنى انا بحبها يا خالد لا مش بس بحبها انا بتنفس عشقها قلبى ده بيدق بس علشانها لما شوفتها مع حد غريب غيرتى عامتنى معرفتش انا بعمل ايه
مسح اسر دموعه وجلس على اقرب كرسى له وهو يتنهد بقهر ولا يعرف كيف يجعلها تسامحه.
- سيبها يومين هنا تهدى وحاول تتكلم معاها
- خالى بالك منها ومن جنا يا خالد
قال أسر ذلك وخرج من القصر بدون ان ينظر خلفه
بعد مرور شهرين
مر شهرين على ابطالنا وحالهم يزداد سوءا، فلينا رفضت مقابله اسر نهائيا ولم يستطيع احد اقناعها بالعكس.
انجبت ساندرا فتاه واسمتها لينا وكانت لينا الصغيره هي الشئ الوحيد الذي يهون على لينا عذابها من بعدها عن أسر، كانت تتألم بشده من بعده لكن كرمتها تحكمت بها وغلبت قلبها ولم ترضى بالاستسلام
اما اسر فحاله كان سيئا لغياب لينا لم يعد يذهب للعمل وكان عمر هو المسئول عن كل شئ، اهمل نفسه وصحته واصبح ضائع بعالمه الخاص حتى انه ترك جنا بفيلا البحيرى لانه لن يقدر على الاعتناء بها.
دخل عمر عليه بغرفته فكان يجلس وهو سارحا كعادته، كما قام بتغير غرفته فهو لم يريد الدخول لغرفه نومه بدون لينا فجلس بغرفه اخرى حتى رجوعها.
- انت هتفضل كده لحد امتى؟
- لحد ما ترجع لحضنى تانى، قولها ترجع يا عمر وانا مش هزعلها تانى ابدا
تألم عمر لرؤيه صديقه هكذا ولكن ليس بيده حيله كان تليفون أسر يرن ولكنه لم يرد اخذ عمر التليفون وكان المتصا خالد
- ايوه يا خالد انا عمر
- فين اسر ياعمر
- مش عايز يرد على التليفون
- لينا في المستشفى بتاعتنا ياريت تعرفه
- مستشفى، مستشفى ليه هي كويسه
انتبه أسر عندما ذكر عمر مستشفى وبعد غلق الهاتف.
- مين اللى في المستشفى يا عمر
عمر بتوتر: لينا تعبت واغمى عليها بالشركه ونقلوها مستشفى البحيرى
قام أسر من مكانه سريعا وجرى للخارج وركب سيارته وساق بسرعه جنونيه للوصول للمستشفى وعمر خلفه، وبمجرد وصوله للمستشفى نزل من سيارته وجرى للداخل وكان خالد وعماد وجنا منتظرين
- لينا مالها يا خالد مراتى مالها
- كلمونى من الشغل قالولى انها فقدت الوعى ونقلوها لهنا واحمد معاها جوه ولسه منعرفش حاجه
مسح اسر وجهه بيده.
- يارب، يارب احميها يا رب انا ماقدرش اعيش من غيرها
اقتربت جنا منه وضمته لها لتهون عنه فضمها لصدره بحنيه وطبع قبله على جبينها
خرج احمد من الغرفه واسرع الجميع اليه نظر لهم بتوتر وقال
- هي كويسه بس اهملت صحتها وماكنتش بتاكل كويس وده اثر عليها وخصوصا
سكت احمد مما عصب اسر وقال بصوت حاد
- وخصوصا ايه ما تنطق يا اخى
- وخصوصا انها حامل
نظر الجميع له بصدمه ثم نظروا لاسر الذي لم يستوعب الخبر حتى الان.
- هي مين اللى حامل
- لينا حامل يا اسر مبروك هتكون اب، هي حامل حوالى شهرين ونصف
- لينا مراتى انا حامل
- اومال مرات الجيران مالك يا اسر ركز شويه
هكذا قال عمر بخفه ليخرج اير من صدمته
- يعنى انا هكون اب
ضحك الجميع من تعابير وجهه وقال احمد بمزاح
- لا هتكون ام، انا معرفش لينا عملت فيه ايه ده كان بيرعب الناس من بصه اختى حولته وجابته على عينه يا عينى.
ضحك الجميع وهم يهنيئون اسر الذي لم يسمع ماذا يقولون واسرع لغرفه لينا وجدها تجلس على السرير تنظر للسقف، نظرت له عندما دخل للغرفه وتوقف الوقت لدقائق عندما نظرت لعينه لاحظت انه فقد العديد من وزنه كما انه نبتت لديه لحيه خفيفه نظر لها اسر بابتسامه على وجهه لم يرها احد منذ بعدت لينا عنه.
احست لينا بالم لانها لم تعطيه فرصه اخرى نعم هو غلط لكنه ركع امامها من اجل ان تسامحه هو اسر الهوارى بكل جبروته وكبريائه ركع امامها وهي بكل تكبر رمت كل هذا بوجهه
نظرت له وقالت بهدوء
- اقترب يا اسر
- الف سلامه عليكى يا قلبى
- الله يسلمك انت ليه خاسس كده.
- علشان اللى انا بتنفس علشانها سابتنى ومشيت، انا غلطت في حقها اوى وماستهلش مغفرتها لكن ماقدرش اعيش من غيرها، روحى مش هترجعلى غير لما هي ترجع ليا تانى
وحياه ابننا او بنتنا يا لينا سامحينى وانا والله ماهزعلك تانى ابدا
نزلت دمعه من عيونه فلم تتحمل لينا ذلك فأخذته بحضنها وضمته بشده
- اوع تانى مره اشوف دموعك انت أسر الهوارى ودموعك ديه اغلى من انها تنزل انت فاهم.
- طيب قولى انك سامحتينى وانك هترجعى ليا تانى وانا مش هعيط ابدا والله ما هزعلك تانى ابدا
نظرت له بحب وحنيه ووضعت كفها على وجهه
- انا كمان ماقدرش اعيش من غيرك يا حبيبى
اغمض اسر عينه وقال بتنهد
- قوليها تانى يا لينا علشان خاطرى قوليها تانى
- حبيبى بحبك يا اسر بحبك بحبك بحب
قطع اسر كلامها عندما وضع شفته على شفتيها وقبلها قبله تحمل كل معانى الحب والشوق ولم يفصل قبلتهم سوا صوت عمر.
- بقى احنا قاعدين على نار بره عايزين نعرف هتتصلحوا وله لا، وانتم هنا عايشين دور روميو و جوليت
اغمض عينه بغيظ وقال وهو يجز على اسنانه
- امشى من وشى يا عمر بدل ما اقتلك بأيدى
- كده اتاكدت انك رجعت اسر بتاع زمان
لم تتماسك لينا فضحكت بشده ونظر لها اسر بحب وهو يتأمل ضحكتها
- يلا من غير مطرود كلكم علشان مراتى ترتاح بلاش ازعاج معلش يا عمو عماد الكلام ده ليهم هما مش ليك انت.
ضحك الجميع عليه وبارككوا لهم وتركوهم ليرتاحوا، نام اسر هذا اليوم لاول مره منذ رحيل لينا باطمئنان لانها كانت بحضنه بعد طول غياب، في الصباح سمح احمد للينا بالخروج من المستشفى والراحه التامه
مرت الايام بسعاده على الجميع كان أسر يفرض حظر تجول على لينا وقد عين ممرضه ضد رغبتها للعنايه بخا في غيابه وعلى الرغم من غيظها منه الا انها تعلم انه يفعل ذلك بسبب خوفه عليها.
دخلت لينا للجامعه وكانت بالسنه الاولى بكليه الطب فقد قررت ان تصبح طبيبه، وهناك اعجاب خفى بينها وبين احمد لكن لم يعترف اى منهم بمشاعره
اما عمر فقد وقع بحب بيرين عندما رائها عند أسر، بالطبع قد جننته بالاول ولم تريح باله الا بعد مرور 6 شهور وهو يفعل المستحيل حتى ترضى.
وخالد مازال كما هو يدير شركه البحيرى ويكن اعجاب لسكرتيرته الرقيقه والتي تتسم بالرقه والحياء لكنه ينتظر حتى يتعرف عليها اكثر قبل ان يتقدم لها
كانت لينا بالشهر التاسع وكانت تتالم كثيرا هذه الايام، استيقظت لينا من نومها على ألم شديد بظهرها ولم تتحمل الوجع فصرخت من شدته واستيقظ اسر من نومه فزعا
- مالك يا لينا حاسه بايه
- وجع يا اسر وجع جامد اوى شكلى بولد
- لا انتى بتهزرى صح يا حبيبتى ده لسه فاضل اسبوعين.
لينا بصراخ: بهزر ايه انت هتستهبل هي الحاجات ديه فيها هزار ودينى المستشفى بسرعه
جرى اسر للخارج بمفرده وهي تنظر له بصدمه ثم عاد لها بسرعه
- انا اسف ياحبيبتى انا جيت اهو
ثم حملها وبسرعه ودعها بالسياره وهو يقود للمستشفى وهو يرتدى بجامه النوم، وقام بالاتصال بالجميع لاخبارهم انهم بطريقهم الى المستشفى، كما انه طلب من عمر ان يحضر له ملابس بدل بجامه النوم.
ما ان وصل اسر للمستشفى حتى اسرع الجميع للقيام بالازم فهى ابنته صاحب المستشفى فلا مجال للخطأ
- انت السبب في اللى انا فيه ده انا بكرهك يا اسر بكرهك
اسر وهو يحاول ان يدارى ضحكته
- يعنى هو انا غصبتك ما كان كله بمزاجك
ضحكت الممرضات على كلامه فنظرت لهم لينا بغضب ثم نظرت لاسر وقالت بصراخ بسبب الوجع
- مش هتلمسنى تانى يا اسر سامعنى مش هتلمسنى تانى
اقترب منها وامسك يدها وقبلها بحنيه.
- انا او اقدر اشيل الوجع اللى فيكى واحطه فيا ماكنتش اتاخرت، سامحينى يا حبيبتى انا جنبك اهو وهفضل جنبك لاخر العمر
- بتوجع اوى يا اسر بحبك يا اسر بحبك اوى
- فات الكتير يا حبيبتى خلاص باقى القليل
كان قلبه يألمه لان جنيته الصغيره تتألم ولا يستطيع مساعدتها، وبعد مرور ساعتين من العذاب وصلت جنيه اخرى لعائله البحيرى تشبه امها بكل شئ ولكن بعيون والدها
- حلوه اوى يا لينا ياترى هنسميها ايه.
نظرت له لينا بحب وقالت: انت سميها يا حبيبى
- ايه رايك نسميها تيا
- اسمها حلو اوى تيا اسر الهوارى مبروك علينا تيا يا ابو تيا
ضم اسر زوجته وابنته لحضنه وهو يحمد الله على النعمه التي رزقه ايها، فلينا هي من فتحت عينه على الحب ولولاها لمازال هو اللورد قاسى القلب الذي لا يرحم، لكن الان اصبح يملك الدنيا كلها بين يديه وسيفعل المستحيل حتى يحافظ عليهم.