رواية الأفعى والعقرب للكاتبة أماني فهمي الفصل الثاني
فى صباح اليوم التالى استيقظ الجميع ونزلو الى الأسفل وتناولو الافطار وبعد ذلك توجهو الى الاسطبل اختار كل منهم فرسه وتوجهو الى الخارج ولكن وجدت جاسمن فرسة بللون الأسود الناصع الجميل فتوجهت إليها وعندما كانت تجهزها رفض السايس بشدة لأنها لم تروض بعد ولكن أخذتها جاسمن ولم تعير للرجل اى كلام وانطلقت بيها فتوجه السايس الى الحاج همام
السايس بصوت عالى: الحقنى يا حاج
همام: في ايه.
السايس: واحدة من أصحاب البيه خدت الفرسة الجديدة
فارس: مين هيا
السايس: والله معرف اسمها بس ام شعر ملون
فارس بصدمة: جاسمن
خرج فارس يجري وركب فرسته واخذ يبحث عنها لفترة وبعد ذلك رجع البيت
همام: لقتها يا ولدي
فارس: كانها هوا وختفي
احمد: هي مين ديه الى اختفت
فارس: جاسمن خدت فرسة لسه جايه من أسبوع ولسه محدش روضها
شهد: عادى جدا متخفش اصل جاسمن مدربه فرس وأكيد هتسيطر عليها.
محمد: فعلا هى عندها فرسة شديدة جدا ومحدش بيعرف يقرب منها
جلس الجميع يتحدثون عادى ولكن كان القلق ينهش قلب فارس عليها إلى أن سمع صوتها وهى تلقي السلام على الجميع
فارس: انتى كويسة
جاسمن: ايوه كويسه ليه حصل حاجة
فارس بحده وخوف: انتى اذاي تخدى الفرسة الجديدة
جاسمن: بس الحاج همام قال الى عايز فرسه يخدها وانا اخترت ديه
فارس بخوف: بس الفرسة جديدة وانا خفت عليكى
جاسمن: لا متخفش عليا خاف على عرستك وبس.
همام: خلاص بقي يا فارس هي كويسة
جاسمن: حاج همام كنت عوزة اعرف هى الفرسة ديه بتاعتكم
همام: لا يا بنتى ديه بتاعة صديقي وكان فارس هيروضها
جاسمن: طيب ينفع تكلم صديقك ده وتعرض عليه فلوس علشان عوزه اشتريها
احمد: بس انتى عندك فرسة
جاسمن: عارفة بس زينه فى عمر الزواج وانا كنت عوزهم يجوزو
همام: خلاص يا بنتى هاتى فرستك وسبيهم مع بعض وان شاء الله يحصل جواز وتحمل وبعد كده خديها وسافري.
جاسمن: يمكن ده الى بيحصل مع الحيوانات بس انا فرستى لازم يكون ليها زوج وأطفال مش مجرد وعاء لاى فرس وخلاص وكده كده محدش هيقدر على الفرسه بتاعتكم خالص ولا حد هيعرف يروضها بعدي واي حد هيفكر يقرب منها هتوقعه
همام بإخراج: خلاص يا بنتى انا هكلمه
جاسمن: شكرا إلى مبلغ انا جاهزة
فارس بسخرية: يعنى لو طلب 50 ألف هتوافقي
جاسمن: معاك المبلغ مفتوح انا عوزة الفرسة ديه لازم تكون قوية ذي فرستي
همام: حاضر يا بنتي.
نفيسه: هو انت يا فارس مش هتروح لعروستك
فارس هتكون عاوزة ايه
همام: يا بنى ديه عروسه لازم تحس بكده
فارس بعصبية: ناقص تقولى حب فيها كمان.
جاسمن: وفيها ايه يوم مهتدخل بيتك هتبقي انت كل حاجة فى حياتها هتبقي الاب والاخ والزوج والحبيب والعشيق و الصديق يا صديقي العزيز الرجولة مش فرض سلطة وتحكمات وتبقي زوجتك مجرد خدامه فى بينك واخر الليل تبقي فى سريرك رحما بالمرأة فكما تدين تدان انت النهاردة زوج بكرا هتبقي اب وإلى عملته هيطرد فى بنتك واوعي تقول لو رحت ليها وخت ليها هديه وقولت ليها كلام حب وغزل كده بتقلل من رجولتك بالعكس انت كده بتعلى فى نظرها ولو فى يوم لقتها تعبانة وقومت عملت الاكل وجبته ليها لغاية السرير يااااااااه هيبقي أسعد يوم فى حياتها وهتنسي التعب.
همام: اكبر صح كلامك يا بنتي بس من غير زعل انتى صغيرة اوى على الكلام ده عرفتيه منين
جاسمن: من الحياة انا شفت كتير وعمر الكلام والأفعال بالعمر ممكن تكون فوق 100 ولسه بتتعلم هو ايه الفرق بين الصعيدي والمصري حد يعرف
فارس: الصعيدى راجل وليه كلمته لكن المصراوي خرع ملوش لزمه
جاسمن بسخرية: لا والله هو ده الفرق طيب اسمع بقي الفرق.
الصعيدي: راجل بس منهم الظلمه الجبابرة من وجهة نظرة ان الست لازم تنكسر وهو الأمر الناهي فى كل شئ الست ملهاش رأي وهو رأيه الى بيمشي فى كل وقت بيعشق اهانه الست وبيذلها وبيكسر بخاطرها ومن وجه نظره انها للطبخ والنظافة وآخر الليل فى سريره ومينفعش تقول انها تعبانة حقها مهضوم ملهاش رأي ب مخلفتش الولد يجوز عليها لأنه عاوز الولد لأنه سند وظهر وعزوه متعرفش ان البنت بمقام مليون راجل ولو مات باقي رجالة العيلة هى الى بتحكم.
المصراوي: باردو راجل بيعرف يحتوى الست مخليها تاج فوق راسه ليها رأي فى كل حاجة عمره ميكسرها دايما واقف فى ظهرها بيعتبرها امه واخته وبنته وحبيبته وزجته وطفلته المدلله بيساعدها فى كل حاجة ولو لقاها تعبانة بيبقي خايف عليها اكتر من اهلها بيهتم بالعشرة والرحمه والمودة بيعاملها حلو بيدلعها وبيغمرها بحبه لو خلفت بنت بيفرح بيها اوى لانه عارف انها هتبقي حنينه عليه وهى الى هتشيله لما يكبر ولو مات بتبقي الست وتدد بتربي ويتعلم وبتشتغل وليها كلمه وبتعرف تلم تحت جناحها.
واخر حاجة الراجل مش بكلمته الراجل برعايته لبيته وأسرته انا عارفة انها مقوله بس ده الصح
همام: والله العظيم كل كلامك صح الصح بس ياريت الكل يفهم
فارس: بس الراجل راجل
جاسمن: هو انا قولت تروح تسيبلها السايب فى السايب لا أحكم بالعقل والحكمه اكسبها وخليها بنتك قبل متكون مراتك ربنا يصلح حالك ويرزقك بالزرية الصالحة
نفيسة بفخر: يسلم لسانك وعقلك وحكمتك هو ده الصح.
جاسمن: آخر مرة جبت هدية ليها كانت امتى ولا عمرك مجبت
نفيسة بحسرة: لا يا بنتى عمره انا كنت بودلها زيارات وبس حتى شبكتها احنا الحريم الى نزلنا جبناها.
جاسمن: يبقي هتخسر مراتك وانت بالنسبة ليها هتبقي هتبقي مجرد شخص فرضته عليها الأيام وهتعيش بس يوم مهتجيب آخرها هتنفجر وانت اول واحد هتنقذي احذر يا فارس من كيد النسا ربنا يوم مخلقه استعظمه ربنا سبحانه وتعالى استنكر صوت الحمير وستعظم كيد النسا وياويلك لو وقعت تحت ايد ست كانت بتحبك بس كرهتك اشرب بقي يا معلم هتخليك تتمنى الموت ومش هتقدر توصله ممكن اسالك سؤال بس تحتوي عليه بالصراحة.
فارس: اسالى وانا والله هجاوب بالصراحة
جاسمن: بتحب عرستك او فى مشاعر فى قلبك ليها
فارس: بنت عمى وانا أولى بيها من الغريب
جاسمن: يبقي مبروك عليك عيشة ظالمه والطلاق المحتم قعد مع نفسك اكيد هتلاقي حاجة فيها بتحبها يمكن دلعها او جمالها أو عيونها او حنانها
همام: بصراحة هى جميلة جميلات البلد بت بميت راجل كملت علامها وربت أخواتها ووقفت فى ظهر ابوها لانها بكريته وكلمتها سيف على رقبه الكل.
جاسمن: يبقي مبروك عليك يا فارس كسرتك لانها لو بتحبك وعملتها ذي الخدم والله مهترحمك وانت عارف ذي مالراجل الصعيدى قوى فالست بردو قويه وصلبه ومن كلام الحاج انها شديدة ولو عاوز الحياة تستمر فكر مرة واتنين وعشرة اذاي تكسبها بس احذر من كيدها
نفيسة بفرحة: يسلم لسانك
جاسمن: انا عوزة أشوفها ينفع ونتعرف عليها
همام: قومى يا حاجة البسي وخدي البنات يتعرفو عليها.
احمد: لااااااااااا خيانة هتروحو لدودى وانا لا انا هطلع البس واجي معاكم
البنات: وحنا كمان هنطلع نلبس
صعد الجميع الى الاعلى وفضل فارس ينظر لجاسمن نظرات إعجاب.
همام: فكر يا ولدى كلام جاسمن صح شوف انا بعامل امك اذاي انت عارف ان شادي جيه على كبر وامك كانت تعبانة مرضتش اخلى امك تنكشف واحده ست وانا كنت بعملها كل حاجة فكر يا ولدي بنت عمك قوية ومحدش هيعرف يكسرها ابدا ورجالتها يمسحواي حد يزعلها من على وش الدنيا انا هقعد فى المندرة
ذهب همام إلي المندرة ( المندرة عبارة عن غرفة كبيرة لمقابلة الرجال بعيدة عن النساء )
خرج فارس وصعد على الفرسة وانطلق بيها.
وصعد محمد حتى ينام.
وصلت الحاجة نفيسة والبنات وأحمد الى بيت عمه ودخلو
احمد بصوت عالى: دودى دودى دودى انتى فين
دودى بضحكة: يخربيت عقلك صوتك عالى ليه
احمد: اه يا بت العسل ده
دودى: اتوحشتك قوى يا احمد
احمد: وانتى كمان تعالى اعرفك على اصحابي
انصدمت البنات من جمال دودى لانها تمتلك الشعر الأسود الطويل والعيون العسلية الواسعة والشفايف المغرية.
شهد: مين ديه
احمد بضحكة مكتومة: ديه بقي يا جماعة دره بنت عمى وخطيبه فارس
ودول بقي يا دودى شهد و مروة وجاسمن
دره بالمصري: اهلا وسهلا نورتم الصعيد كله
جاسمن: الصعيد منور بأهله
دره: اتفضلو اقعدو كيفك يا خالتى
نفيسة: انا زينه يا بتى
احمد: أخبار شغلك ايه
دره: انت خابر يا ود عمى ان محدش يقدر يقف ادام دره السوهاجي انسفه من على وش الارض
جاسمن: لا جامدة تعجبينى وامتى الفرح
دره بلا مبالاه: نهاية الموسم.
شهد: يعنى ايه تقصدي على الشتا
دره: اقصد بعد موسم الزرع علشان عندي شغل كتير اوي
احمد: فين عمى وخالتى
منصور: انا هنا أهو
شمس: وانا هنا يا قلب خالتك وحضنته
نفيسة: صح كلام بنتك ده يا منصور لسه هنستنا 5 شهور على الفرح
منصور بهدوء: الى بنتى عوزاه هيكون وإلى مش عاجبه يبقي كل شي قسمه ونصيب وانا بنتى نوارة البلد مليون واحد يحبها وعوزها يعنى خدنا ايه من الجرايب غير الإهمال يمكن الغريب يبقي احن ويحبها.
جاسمن: دره انتى بتحبي فارس
دره: معرفش حتى لو كنت بحبه فمعملته ليا نقص الحب ده
جاسمن بخبث: يعنى مش عوزة تربيه ويرجع لقلبك تانى
منصور: اذاي بس يا بنتى
جاسمن: يبقي الى معلمهوش فى بيت ابوه نعلمهوله فى بيتك
احمد: اوباااااااا الافعي هتخطط وفارس هينكسر مناخيرة تحت ايد الستات
دره: قول يا رب.
خطط البنات لوقوع فارس فى عشق دره وما أدراك بكيد النسا ولما بيحطو راجل فى دماغهم وبعد فترة عادو الى المنزل وصعدو الى غرفهم ونامو.