رواية إمرأة في عصمة صعيدي للكاتبة سلسبيل كوبك الفصل الثامن والعشرون
الكل اتصدم من اللي حصل و سكوت تام عم المكان كله، و جاسر بيبص بكل غضب لديما..
ديما(بخوف): قسما بربي كنت اقصد اضربها هي..
ديما(بخوف): طب انت هتضربني و لا هتعمل ايه؟طب طب ساكت ليه؟
ديما(بخوف): هتتحول و تأكلني على الغداء..
ديما(بهمس و خوف): طب طب انا هجري..
ديما(بصوت عالي): يا ماما..
ديما طلعت تجري و جاسر وراها..
خالد: يا ريت الناس تتعظ..
دنيا: لا هو احنا لسة عملنا حاجة، الصبر جميل يا..
دنيا(بسخرية): يا خالد بيه..
حازم: نشوف البت ليكون عمل فيها حاجة..
محسن: بنتي..
جملات: جاسر عاقل..
الكل خرج حتى البنات خرجوا معاهم...
جاسر كان بيجري ورا ديما و مسكها من دراعها و قربها ليه و ديما غمضت عنيها...
ديما(بدموع): و الله العظيم و الله العظيم انا كنت اقصد البنت و الله...
ديما(بدموع): ارجوك متضربنيش، كل الرجالة الصعيدية بيضربوا مراتتهم، و لو انت عملتها ساعتها انا هكرهك...
جاسر خد ديما في حضنه و قعد يطبطب عليها و هي بتشهق كل شوية و هي بتعيط في حضنه..
حازم: ايه ده ايه ده؟
دنيا: دي استسلمت بسرعة..
خالد: شاطرة احسن من ناس كتير..
دنيا: قصدك مين ان شاء الله؟
جملات: بس بس بس ايه ده؟
محسن: بطلوا شوية..
بنت2: الله شايفين طويل و عريض و حاضنها بحنان ازاي؟
بنت3: يا ريتني كنت انا...
بنت1: او انا ده شكل حضنه دافئ اوي..
دنيا: بيتك بيتك يا ماما منك ليها..
خالد: لو سمحت امشي انتي و هي من هنا..
البنات التلاتة مشيوا بغيظ و هما بيحقدوا على دنيا و ديما...
حازم: يا عم الحنين، ما كفاية انت ما صدقت تحضن يا عم..
ديما رفعت رأسها و جاسر مسح ليها دموعها..
جاسر: قولتلك مش عايزك تعيطي و لا بسببي و لا اي حاجة تانية، فاهمة؟
ديما(بخفوت): حاضر..
جاسر: يلا كنا بنعمل ايه؟يلا علشان نلحق نروح يلا انجزوا..
جاسر مسك ايد ديما و مشي قدام الكل و دخل محل و هي معاه و الباقين وراهم..
دنيا: يا بختها ناس بتحب بعض و ناس هتتجوز صالونات...
جملات(بهمس): يا بت خفي من كلامك..
حازم: يا رب نفسي اتجوز قبل ما اموت..
محسن: انت كدة بتدعي على نفسك مش ليك...
الكل قعد يضحك و راحوا ورا جاسر و ديما..
جاسر: ايه رأيك في ده؟
ديما: لا لا اسود و انا زهقت من الاسود...
جاسر: طيب يا ستي، بصي طب ده..
ديما(باحراج): لونه فلاحي يا جاسر...
جاسر: عادي اتكلمي راحتك بلاش تتحرجي تمام، ده رأيك و انا مش هقيد رأيك و حريتك فاهمة..
ديما: تمام..
جاسر: طيب الازرق ده حلو...
ديما: امممم، هخش اقيس..
جاسر: طيب..
ديما خدت الفستان و دخلت اوضة التغيير تبدل هدومها...
جملات: اومال فين ديما؟
جاسر: بتقيس فستان..
دنيا: طيب و انا هنقي ليا فستان..
دنيا قعدت تدور في الفساتين معجبهاش حاجة..
موظفة: ايه رأيك في ده يا انسة..
دنيا(بانبهار): الله ده جميل اوي، هخش اقيس..
دنيا دخلت هي كمان تجرب الفستان، و ديما خرجت و هي ماسكة بالفستان..
ديما: ها؟
حازم: حلو..
جملات: جميل و محترم..
محسن: شيك يا بنتي..
خالد: جميل بس في الاجمل..
ديما: شايفة جنابك ساكت يعني..
جاسر: خير؟
ديما(لنفسها): المفروض تأخد جائزة في الاستفزاز، مستفز درجة اولي..
ديما(بعصبية): مفيش حاجة..
ديما دخلت الاوضة و غيرت هدومها و خرجت..
ديما(بغضب مكتوم): اتفضلي هشتري ده..
موظفة: تمام يا فندم..
دنيا(بفرحة): ايه رأيكوا؟
ديما: الله ايه الجمال ده، حلو اوي يا روحي..
دنيا: بجد؟
جملات: عسل فيه اوي يا روحي..
محسن: جميل يا حبيبتي..
حازم: يالهوووووي عندي اختين اجمل من بعض..
دنيا: ايه رأيك يا جاسر ها يا جاسر..
جاسر: حلو..
دنيا: شكرا ليك..
دنيا(لنفسها): مبيحسش البعيد...
دنيا: هخش اغير هدومي..
دنيا دخلت و خرجت و اشتروا الفستانين..
حازم: فاضل البدل يلا..
الكل راح على محل البدل و بدأوا يتفرجوا..
حازم: ايه رأيكوا في دي؟
ديما: حلوة يا حازم..
حازم: قلبي انتي..
دنيا: عريس يا اخواتي..
حازم: يسمع من بوقك ربنا..
جملات: دي حلوة يا حاج..
محسن: تسلمي..
دنيا و حازم و ديما: يا حنين..
خالد: ما تحترموا نفسكوا..
دنيا: في ايه هو حد عبرك؟
محسن: هخش اقيس دي..
جملات: تمام...
ديما كانت بتبص حواليها بس مش لاقية جاسر..
ديما(لنفسها): انا مالي انا ما يولع، ده حتى مقالش كلمة حلوة في الفستان...
و بعدين ديما لقت اللي بيبوسها على كتفها بسرعه..
ديما(بعصبية): انت حيوان يا زبالة يا حقير..
ديما بصت وراها لقت جاسر سكتت علطول..
ديما: اسفة افتكرتك شخص غريب..
ديما(بعصبية): و كمان شخص غريب طب ما انت يعتبر شخص غريب اساسا..
جاسر(بهمس): شكلك عايزة اثبات اكتر من امبارح..
ديما سابته و قامت بسرعة و راحت وقفت جمب دنيا و هي بتخبئ وشها...
دنيا: مال وشك بيطلع نار كدة ليه؟
حازم: ايه يا بنتي خدودك بطلع نار حرارتك عالية و خدودك محمرة، حصل ايه؟
ديما: ملكوش دعوة...
خالد حط ايده على كتف ديما..
خالد: مالك؟
ديما: مفيش انا بخير بخير..
جاسر جه و شال ايد خالد و حط هو ايده على كتفها.
جاسر: معلش يا عم هتفهم شعوري لما تتجوز..
خالد: لا متخافش فاهمه، و هي معندها اخوات اساسا..
دنيا: مين قال اومال حازم ده ايه؟
حازم: ربنا يخليكي...
دنيا: اينعم هو مجنون و اهبل بس اخويا..
حازم: ربنا يأخدك...
ديما(بضحك): مالك قفوش يا بطة؟
حازم: يا بت هزعلك..
جاسر: تقدر؟
محسن: اختارتوا البدل..
جاسر(بهمس): مش هتختاري ليا بدلة..
ديما: اختار لنفسك..
جاسر: ماشي يا ديما خليكي فكراها..
محسن: طب يلا هموت من الجوع...
دنيا: يلا نروح المطعم عقبال ما ديما و جاسر يخلصوا اختيار البدلة..
خالد: تمام يلا..
و الكل مشي واتبقي جاسر و ديما..
جاسر: اختاري ليا و من غير اي نقاش..
ديما: ابدا، ذوقي وحش روح اتجوز غيري تيجي تنقيلك بدلة..
جاسر: ما هو انا هتجوز فعلا لو فضلتي كدة..
ديما: روح يلا.
و كان في بنات واقفين في المحل..
جاسر(بهمس): ايه رأيك في البت اللي لابسة جيبة قصيرة دي، و لا اللي لابسة فستان كب دي، و لا اقولك البت ام شعر ذهبي دي حلوين اوي محتار الصراحة...
ديما مشيت بكل غضب و جذمتها عاملة صوت عالي الكل التفت ليها و نقت بدلة و رمتها في وش جاسر..
ديما: نبقي نشوف موضوع الجواز ده وقت تاني..
جاسر: ماشي.
جاسر كان هيمشي بس رجع ليها تاني..
جاسر: بس و النبي يا ديما متنسيش اصلي مستعجل اوي...
جاسر ساب ديما و دخل يقيس البدلة و هو بيضحك..
ديما(بغضب): يتجوز عليا انا، انا ديما القاضي يتجوز عليا، الحيوان الحقير..
ديما(بغضب): و ربي لاوريك يا جاسر هخليك تتمني لحظة واحدة بس مني...
جاسر: ايه رأيك؟
ديما: مش بطال..
جاسر: هروح اسأل البنات اللي هناك و بالمرة اخذ ارقامهم..
جاسر لسة هيمشي لقي ديما مسكته جامد..
ديما: حلوة انجز خش غير عايزة اكل..
جاسر: يعني مروحش اسأل البنات..
ديما(بغيظ مكتوم): بص هبقي ادورلك على واحدة من البلد..
جاسر: بس بنات مصر حلوين اوي و قمرات..
ديما(بغيظ مكتوم): عندي واحدة صاحبتي هبقي اورهالك بس انجز يلا عايزة امشي من هنا يا جاسر...
جاسر: طيب..
جاسر دخل غير هدومه و اشتري البدلة و مسك ايد ديما و خرجوا من المحل، و راحوا للمطعم و لقوا العائلة..
دنيا: اتأخرتوا..
ديما: معلش..
محسن: مالك يا حبيبتي شكلك مضايقة؟
ديما: مفيش..
خالد(بهمس): عملتلها ايه؟
جاسر(بهمس و هو بيكتم ضحكه): مفيش..
حازم(بهمس): واضح...
جملات: خلاص، تأكلي ايه يا حبيبتي؟
ديما: شطة عايزة شطة احدفها في عين شخص و ابقي مستمتعة و هو بيطنط قدامي زي القرود..
ديما: عايزة اشوف القرد بيطنطط ازاي..
جاسر(بضحك): طب ما تقفي قدام المراية و اطنطي هتشوفي القرد بيطنط ازاي...
الكل ضحك على كلامه..
ديما(بعصبية): ما تسكتوا شوية..
دنيا: عنده حق..
ديما: تمام..
ديما سابت ليهم الترابيزة و راحت لترابيزة فاضية وراهم و نادت على الجرسون..
ديما: لو سمحت عايزة بيتزا..
الجرسون: تحبي اي حاجة جمبها؟
ديما: لا شكرا..
محسن: شوفتوا اديكوا زعلتوها..
جملات: قوم صالحها يا جاسر..
جاسر: خليها كدة بام تكشيرتها دي ممكن اتجوز عليها و الله..
دنيا: حرام عليك..
خالد: مالك بتقوليها بمياصه ليه؟
دنيا: عمو شايف واقف على الكلمة ده ايه ده..
حازم: صعبت عليا انا قايم ليها..
جاسر: خليك يا اخويا انا قايم..
جاسر قام و راح قعد جمبها...
ديما: المكان مش ضيق و اعتقد في ترابيزات كتير اتفضل قوم..
جاسر: بصي عارف انك زعلانة مني، بس مش كل حاجة تعيطي..
ديما: انا معيطتش..
جاسر: عارف عارف، خلاص بقي كنا بنهزر..
ديما: جاسر انا شايفة ان انا و انت مينفعش نكون مع بعض لان الحب مش كل حاجة فاهمني..
جاسر مسك نفسه بالعافية علشان مينفعلش عليها..
جاسر(بغضب مكتوم): قولي تاني اللي انتي قولتيه علشان اقتلك يا ديما، مش مع اول مشكلة تهربي اتعلمي الصبر و طولة البال..
ديما: جاسر نكلم بجد بليز ممكن..
جاسر: انا عارف ايه اللي انتي عايزة تقوليه، انتي شايفة اني كنت بحب سارة فأكيد مش هحبك انتي..
جاسر: مش شرط يا ديما مش شرط خالص..
جاسر: عارف انك حاسة باني مش هعرف انساها، بس برضو مش كدة، انا معجب بيكي انا عايزك انتي و كمان انتي دلوقتي بقيتي مراتي قدام الناس و بينا يا ديما و مش هسيبك فاهمة..
ديما(بدموع): انا بحبك اوي..
ديما حضنت جاسر جامد..
جاسر: لاحظي اننا بين الناس يا بت..
ديما: ايه يعني حبيبي و جوزي...
جاسر(بضحك): طيب يا لمضة..
و قضوا اليوم و اتغدوا و رجعوا البيت و جه تاني يوم...
-في الصباح الباكر...
جاسر: جهزتي شنط هدومك؟
ديما: اه..
جاسر: طيب، بعد الفرح هنمشي علطول.
ديما: حرام يا جاسر هنمشي بليل...
جاسر: كدة عايزين نوصل بدري لان في مشاكل في البلد...
ديما: ماشي براحتكوا..
جاسر: حبيبتي يعني ايه اللي ممكن يحصل يعني؟
ديما: معرفش..
جاسر: متخافيش انا معاكي خلاص..
ديما: طيب..
جاسر: طب يلا ننزل نفطر علشان على بعد العصر نقوم نلبس..
ديما: طيب...
جاسر و ديما نزلوا ملقوش حد..
ديما: دنيا دنيا..
جاسر: هتلاقيها راحت تجهز هدومها في ال؟يلا..
ديما: و الباقي راحوا فين؟
جاسر: هتلاقي مرات عمي مع عمي، و خالد قاعد في اوضته و حازم نايم...
جاسر: تعالي نعمل لينا احنا فطار..
ديما: تمام..
جاسر و ديما دخلوا المطبخ و مش عارفين يعملوا ايه..
جاسر: هنعمل ايه يا تري؟
ديما: بيض و جبن..
جاسر: تمام اعملي البيض و انا هعمل نسكافيه..
ديما: طيب..
جاسر: هخرج اشوف لو حد بره في الجنينة و راجعلك..
ديما: طيب..
جاسر خرج و رجع سمع صوت صريخ و حاجة ضربت في المطبخ..
جاسر(بخضة): ايه اللي حصل؟حصلك حاجة؟احكي؟
ديما(بدموع): هو مش البيض بيتعمل في الميكرويف..
جاسر(بصدمة): نعم يا اختي!
ديما(بدموع): انا حطيت البيض في الميكرويف بس فجأة الميكرويف ضرب، انا غلطانة..
حازم(بقلق): في ايه؟
جاسر(بذهول): في انكوا خدعتوني في البت دي، دي بتعمل البيض في الميكرويف..
حازم(بضحك): لا دي لو عملت شاي يبقي كويس يا ابني...
ديما: اعمل ايه الميكرويف هو اللي مش شغال..
جاسر: لا يا حبيبتي مخك انتي اللي مش شغال...
حازم: كنت نايم حرام عليكوا..
ديما: غور غور...
جاسر: هو على اخر الزمن انا اللي هعمل الاكل..
ديما: و فيها ايه ما كل الرجالة بتعمل كدة..
جاسر: واخدة مقلب كبير انتي في الرجالة...
ديما: تيب..
جاسر: تيب يعني مش طيب...
ديما: هو انت مش طايقلي كلمة ليه؟
جاسر: لا ابدا مفيش..
جاسر بدأ يطلع الجبن و هو و ديما بيعملوا سندوتشات و بيأكلوا..
ديما: تسلم ايدك..
جاسر(بغمزة): على ايه يا قمر..
ديما: ياض بطل شوية..
جاسر: يا بت بطلي تقولي الالفاظ دي..
ديما: هي ياض لفظ يضايق لا سمح الله..
جاسر: الصبر..
دنيا: مسااااااااااااااء الفل...
جاسر: مساء النور..
دنيا: هتلبسي ايه يا ديما انا مشفتش فستانك..
ديما: متفكرنيش..
جاسر: طيب انا هروح اشوف خالد، و انتي رجعي كل حاجة مكانها..
ديما: تمام..
دنيا: ايه اللي بهدل المطبخ كدة..
ديما(و هي بترمش كذا مرة): انا بلا فخر..
دنيا: غوري يا بت، يلا نظبط المهزلة دي..
ديما و دنيا روقوا المطبخ و ظبطوه..
دنيا: فاضل ساعتين على ما نقوم نلبس هطلع اريح في اوضتي..
ديما: تمام يا روحي..
دنيا: باي، شنطة هدومي تحت انا هأخد الفستان...
ديما: طيب..
دنيا طلعت اوضتها تنام، و ديما راحت تقعد تتفرج على التلفزيون في الصالة...
عند خالد..
جاسر دخل و لقي خالد في الحمام قعد استناه بره..
خالد: ايه اللي جابك؟
جاسر: ارخم عليك..
خالد: اه ديما نقلت العدوي يعني..
جاسر: يا عم بقالنا كتير متكلمناش مع بعض..
خالد: اه تمام..
جاسر: انت هتتجوز دنيا صالونات و لا؟
خالد: صالونات..
جاسر: الصراحة مش مصدق...
خالد: دي مشكلتك..
جاسر: هنشوف هنشوف..
خالد: تمام..
خالد: اخبارك انت و ديما؟
جاسر: فل، اختك دي عايزة تضرب بالنار و نخلص منها..
خالد(بضحك): بس طيبة..
جاسر: خف على دنيا شوية تمام..
خالد: عكننت صفوي اللي يسامحك..
جاسر: عكننت صفوك طيب، انا رايح لديما ارحم..
خالد: روح..
جاسر نزل و قعد جمب ديما..
ديما: خير؟
جاسر: وحشتيني ايه مجيش اشوفك..
ديما: انا هروح اعوم شوية قبل ما نسافر باي..
جاسر: تعالي هنا، رايحة فين و تسيبيني؟
ديما: ليه هتخاف تنام لوحدك...
جاسر: ظريفة...
ديما: تيجي تعوم؟
جاسر: ماشي، يلا بينا..
جاسر خد ديما و راحوا لحمام السباحة..
ديما نطت في الماية و جاسر نزل وراها...
جاسر: من امتي و انتي بتعومي؟
ديما: سبع سنين..
جاسر: بسم الله ما شاء الله..
ديما: شكرا، و انت تعلمت تعوم من امتي؟
جاسر(بضحك): لا انا مولود في الترعة..
ديما: مسخرة...
جاسر: تعالي نلعب لعبة و احنا في الماية كدة..
ديما: طيب..
جاسر: هنسأل اسئلة لبعض..
ديما: حلو بحب جو الاسئلة..
جاسر: حبيتي قبل كدة؟
ديما: لا..
جاسر: دورك..
ديما: ايه اكتر حاجة بتعجبك فيا؟
جاسر: حاجات كتير الصراحة...
ديما: تصدق اني غلطانة اني عبرتك..
جاسر: انا بجاوب بكل صراحة..
ديما: رخممممممممممم..
جاسر: طيب..
جاسو: كفاية كدة هنبرد يلا علشان تطلعي تلبسي..
ديما: طيب..
جاسر: مش عايز مكياج و لا اي حاجة في وشك..
ديما: باي يا جاسر...
ديما سابته و طلعت على اوضتها اتفاجأت...
ديما: ايه ده؟
ديما قربت من السرير لقت فستان تاني غير اللي هي اختارته و كان جميل اوي..
ديما فرحت جدا و انبسطت، ديما دخلت الحمام خدت دوش و خرجت بدأت تلبس هدومها..
ديما لبست فستان طويل بكم باللون البنفسجي كان مجسم من فوق و نازل بوسع دائري من بعد الخصر و كان فيه فصوص باللون البيضة، و لبست طرحة اوفويت و لبست صندل ابيض بكعب بسيط و حطت روچ نفس درجة الفستان و كحل حدد عنيها و لبست انسيال فضي في ايديها و دبلة جاسر..
عند دنيا..
دنيا قامت من نومها و خدت دوش و خرجت طلعت فستانها و لبسته..
دنيا لبست فستان باللون الاحمر طويل من ورا بديل و طويل من قدام لغاية الرجل كان الفستان فيه رسومات باللون الاسود و طرحة باللون الاوفويت و لبست صندل اسود بكعب و حطت روچ احمر و لبست سلسة في رقبتها و خاتم...
الكل بقي جاهز و لبس هدومه...
ديما لسة هتخرج من باب اوضتها لقت جاسر بيدخل الاوضة...
ديما: انت لبست؟!
جاسر: اه، مش شايفة و لا ايه؟
ديما: طيب، احم شكرا على الفستان..
جاسر: على ايه يا حبيبتي بس، مفيش شكر بينا تمام..
ديما: اوك..
جاسر: اسمها تمام او حاضر...
ديما: اوك...
جاسر: هو مش انا قولت مفيش مكياچ..
ديما: هو انا حاطة مكياچ..
جاسر: و الله يعني شفايفك لونها بنفسجي..
ديما: اعتبرها كدة..
جاسر: و النبي..
ديما: جسورة حبيبي عديها..
جاسر: ماشي يا ديما..
جاسر كان لابس بدلة باللون الاسود و قميص باللون الاسود ولبس جذمة سوداء و لبس ساعته و حط البرفيوم بتاعه و سرح شعره..
جاسر: اتفضلي برنسيس..
ديما: يا ابني مش هستحمل كمية اللطافة بتاعتك دي...
جاسر(بضحك): طب يلا..
جاسر مسك ايد ديما و نزل لقوا محسن و جملات و حازم و خالد تحت...
حازم: قمر يا اخواتي..
جاسر: احترم نفسك..
ديما: فين دنيا؟
دنيا: مين بينادي؟
دنيا نزلت على السلم بكل هدوء و هي ماسكة ديل الفستان بتاعها...
خالد(لنفسها): بسم الله ما شاء الله..
جملات: حلوة اوي...
دنيا: شكرا يا طنط...
ديما: و انا مش حلوة و لا ايه؟
جاسر(بهمس): انتي قمري و نوري فمتشكيش في جمالك ابدا، فاهمة؟
ديما: تمام..
محسن: ازاي بس انتي قمر..
خالد: طب يلا الشنط اتحطت في العربيات، يلا بينا..
حازم: تمام..
دنيا: مش عارفة مين صاحب فكرة نسافر بليل نفسي اعرف...
جاسر و خالد: انا..
ديما: عرفتي؟يلا بقي..
و الكل خرج و بدأوا يركبوا العربيات...
جاسر و ديما و حازم في عربية، و خالد و دنيا و محسن و جملات في عربية...
حازم: يا رب بس مكونش مضايقكوا...
ديما: يا ابني في ايه؟ما تتهد شوية قولت الجملة دي مية مرة..
جاسر: الصراحة يا حازم اه انت مضايقنا مرتاح انت كدة..
ديما: ما تسكت شوية ما احنا كويسين اهو..
حازم: طيب، يا رب نوصل بخير و الحق اتجوز..
ديما: الصبر..
جاسر: هتخليني اقولك مش هجوزك اختي، ده انا هخاف عليها منك و الله...
حازم: خلاص اهو سكت...
عند خالد..
دنيا: شغل التكيف..
خالد: بايظ...
دنيا: طب شغل الراديو..
خالد: بايظ...
دنيا: عمووووووووو خليه يلم نفسه..
محسن(بضحك): و انا مالي..
دنيا: رزل..
دنيا فتحت الشباك و قعدت تهدئ نفسها..
جملات: قربنا نوصل؟
خالد: اه..
بعد فترة وصلوا للقاعة و نزلوا...
جاسر مسك ايد ديما و محسن ماسك في جملات و خالد ماشي جمب دنيا و حازم جمبهم...
جاسر: الصوت عالي اوي..
ديما: ايه مش سمعاك كويس..
جاسر: بقولك الصوت عالي اوي..
ديما: ايوه الصراحة..
جاسر: مبحبش الدوشة..
ديما: ايه؟
جاسر(بصوت عالي): مبحبش الدوشة..
ديما: اه سمعتك سمعتك..
ناصرة: اهلا اهلا نورتوا، و الله الفرح نور...
ديما: شكرا..
محسن: انتي تستاهلي كل خير يا ناصرة..
ناصرة: تسلم، تعالوا تعالوا...
ناصرة ودتهم لترابيزة بعيدة نسبيا عن الدوشة..
ناصرة: ثانية و جاية..
ديما و دنيا كانوا بيبصوا على العروسة و مبسوطين..
جاسر(بهمس): لو عايزاني اعملك فرح تاني معنديش مانع..
ديما(بهمس): لا لا انا مبسوطة من فرح الصعيد..
جاسر: تمام..
و بعدين نزلوا جاتوه و بيبسي..
دنيا: احلي حاجة بحبها في الافراح الاكل..
ديما(بضحك): و مين سمعك؟
ديما و دنيا بدأوا يأكلوا و مبسوطين..
حازم: اتعلموا الرقي..
ديما: خلهولك..
محسن: طب يلا بنات علشان منتأخرش...
دنيا: طيب، هنروح الحمام..
دنيا و ديما غسلوا اديهم و ظبطوا نفسهم و شكلهم..
دنيا خرجت هي و ديما و بدأوا يمشوا..
ديما: اه انا حاسة اني تعبانة عايزة انام...
جاسر: نامي..
ديما نامت على كتف جاسر نوم عميق...
حازم: الستات بيسبونا احنا نسوق و هما يناموا..
جاسر: طب اسكت علشان تعرف تنام..
حازم: انه العشق يا سادة..
جاسر و حازم قعدوا يتكلموا...
عند محسن...
محسن: الفرح كان حلو..
جملات: اه عقبال كل البنات...
دنيا: ان شاء الله...
خالد: هو في ايه؟
دنيا: ايه؟
خالد: في ناس بتشاور اننا نقف..
حازم: ايه ده؟
جاسر: معرفش هما عايزين ايه..
جاسر وقف العربية و خالد وقف العربية وراه..
شخص: كل حاجة معاك طلعها..
جاسر: افندم!
دنيا(بصدمة): دول قطاع طرق...