رواية أولاد فزاع الجزء الثاني للكاتبة ياسمين علاء الدين الفصل العاشر
في الصباح.
استيقظ زين في المشفي وهو يشعر بالارهاق والتعب
تذكر انه ذهب إلى قبر نور ولم يتذكر ما حدث.
نظر حوله ليجد عز نائم على المقعد
جلس بتعب: عز. عز
فتح عينه: زين. عامل ايه دلوقتي
زين: الحمد لله.
نظر حوله: هو انا جيت هنا ازاي.
عز: كنت سخن وتعبان ورحت المقابر وشهد كانت معاك واتصلت بيا قالتلي انك تعبت
زين: بس انا روحت لوحدي...
عز: معرفش.
زين: طيب يلا نرجع البيت
عز: هسال الدكتور.
سال الطبيب وفحص زين مره اخري ثم كتب على الدوا وعلى خروج من المشفي
عاد به إلى المنزل. وقف بالخارج واتصل على فزاع بيه
فزاع: الو
عز: بابا انا بره انا وزين. انتم فين
فزاع: احنا فوق
عز: كويس. خليك معاها لحد اما طلع زين اوضته علشان ماما متعرفش
فزاع: ماشي
اغلق مع عز وشمس كانت في الحمام
صعد زين إلى غرفته وعز كان معه يساعده
عز تركه على الباب: ادخل انت ارتاح ولو ماما جتلك قولها انك عندك برد.
زين بتعب: ماشي. ربنا يخليك ليا
عز: ويخليك ليا.
فتح الباب ودخل إلى الغرفه اسرعت اليها وامسكت به
وساعدته للجلوس على الفراش. انخفضت لتخلع له الحذاء
زين بتعب: لا. قومي
لم تستمع له و خلعته. رفع قدمه على الفراش. وضعت له وساده خلف ظهره. لينام
شهد بحزن: سلامتك
زين: الله يسلمك
وضعت يدها على جبينها. فتح عينه وهو يشعر بالضيق
شهد: اسفه بس عايزه اعرف انت سخن وله لا
زين: انا كويس.
شهد: نام وارتاح.
زين: شهد متقوليش لماما حاجه ولو اصرت تعرف حاجه قوليلها ان عندي برد. بس متحكيش اللي حصل
شهد: حاضر مش هقول حاجه. ارتاح
اغمض عينه وفي ثواني كان نام من المرض..
نظرت إلى وجهه وهي تحدث نفسها: لو قربي تعبك هبعد عنك.
عز دخل إلى غرفته.
جميله: حبيبي ايه الاخبار
عز: الحمد لله رجع والدكتور كتبله على دوا.
جميله: الحمد لله.
عز: ماما الحمد لله معرفش حاجه
جميله: هي اكيد هتشوفه وتعرف انه تعبان
عز: مش مهم. هيقولها برد. بس لو عرفت اللي حصل هتتعب وهتزعل
جميله باستغراب: ايه اللي حصل
عز: عايز انام اما اصحي بقي.
جميله: لا وحياتي عندك قولي
عز: فضوليه.
جميله: كده. زعلانه.
عز: انا هقولك زين كان عند قبر نور وتقريبا اما خرج في المطر تعب.
جميله: يا عيني. هو رايج المقابر بليل ليه وكمان ساب شهد يوم الدخله علشان يروح المقابر.
عز: انتي عارفه اللي فيها.
طرقت باب غرفه زياد. فتحت قمر
شمس: صباح الخير. قمر: صباح النور. اتفضلي يا ماما
دخلت شمس زياد: صباح الشمس
ابتسمت شمس: صباح النور. عامل ايه يا حبيبي
زياد: الحمد لله يا امي. زي الفل
شمس: دايما يا قلبي. خدت العلاج
زياد: اه. خدته
شمس: بالشفا.
خرجت وذهبت لغرفه عز.
فتحت جميله والقت التحيه على شمس
شمس: فين عز
جميله بهمس: نايم.
شمس: غريبه
جميله: اصله منمش بليل كويس وقالي عايز ينام تاني. وانهارده اجازه.
شمس: طيب ماشي.
نظرت على ابنها لتجده مستغرق بالنوم.
ذهبت إلى غرفه زين وهي متردده
ولكنها تشعر بالقلق عليهم اطمانت على عز وزياد وتريد الاطمئنان عليه
حسمت امرها طرقت على الباب. لتفتح شهد سربعا قبل ان يقلق زين
نظرت لها شمس: صباح الخير
شهد: صباح النور. اتفضلي
دخلت شمس ونظرت إلى زين: زين.
شهد: هو نايم.
اقتربت من الفراش وهي تنظر إلى وجهه يبدو مريض
شمس: زين مالك
قتح عينه وراها: امي.
شمس: مالك يا حبيبي
زين: عندي برد.
شمس: الف سلامه عليك. اتحسدت
ابتسمت شهد
شمس: اقول فزاع يجبلك دكتور
طرق الباب ودخل: كيفك يا ولدي
زين: الحمد لله يا بابا
شمس: عنده برد
فزاع: سلامتك
زين: الله يسلمك
فزاع: تعالي يا شمس وسبيه
شمس: هقعد معاه
فزاع: مرته معاه يا شمس.
شمس: ماشي. خلي بالك منه يا شهد
شهد: حاضر يا ماما
خرجت شمس مع فزاع.
فزاع: يا حبيبتي هو دلوقتي مش لوحده معاه مرته خليهم يقربو من بعض
شمس: خايفه عليه. وانا من امبارح وقلبي مقبوض.
فزاع: شويه برد وهيروحو لحالهم.
شمس: ربنا يشفيه ويعافيه
فزاع: يارب.
شهد: اشرب عصير برتقال
زين: لا
شهد: ده مفيد جدا
زين: مش قادر عايز انام. انزلي انتي اقعدي معاهم علشان متتعديش
شهد: انا عايزه اتعدي. قوم يلا اشرب
امسكت يده لتساعده على النهوض وهو لم يستطيع ان يرفض.
وضعت خلفه الوساده. واعطته الكوب بيده شربه
زين: انزلي بقي
شهد: تؤ. ارجع نام.
مر اليوم وشهد لم تفارق الغرفه وتعتني بزين...
في اليوم الثاني كانت صحه زين بدات ان تتحسن
شهد: رايح فين.
زين: هنزل
شهد: انت تعبان لسه
زين: الحمد لله احسن. انا مش بحب القاعده كده.
شهد: بس
نظر له بضيق: مش بحب الكلام الكتير. ابعدي كده.
خرج من الغرفه وهو وقفت مكانها. ثم ابدلت ملابسها ونزلت للاسفل
كان الجميع مجتمع
شمس: نزلت ليه وانت تعبان
زين: اتخنقت من القعده
فزاع: حمد لله على السلامه
زين: الله يسلمك يا بابا.
مر اسبوع
والحال كما هو. زين نزل إلى عمله. وزياد ما زال ذراعه في الجبس. عز كان يذهب إلى عمله.
قمر كانت واخده اجازه علشان زياد، رحيم عاد إلى كليته فهو سيتخرج قريبا
شمس وضحي و جميله وشهد جالسين معا
كانو يتهامسون
ضحي: اساليها
شمس: اسالها ازاي.
ضحي: معرفش مش انت اللي عايزه تعرفي.
شمس: اه عايزه اعرف
جميله ضحكت: في ايه
شمس: احم. مفيش.
نظرت إلى شهد. جميله: شكلك بيقول في حاجه.
ضحي: اه في.
نظرت اليهم وجدتهم ينظرون لها
شهد: ايه
شمس: هو انتي وزين يعني
ضحكت جميله. لتنظر لها شمس ان تصمت
شهد بعدم فهم: ها
ضحي: قصدها يعني حصل بينكم حاجه
احمر وجهها ونظرت للاسفل. ضحكت بشده جميله
شمس: مش قصدي احرجك. بس عايزه اطمن
تذكرت شهد كلام زين له انه لن يعتبرها كزوجه ابدا
ضحي نظرت إلى شمس بقلق
شمس: شهد انتي زعلتي
حركت راسها بلا: لا يا ماما. عن اذنكم
صعدت إلى غرفتها تبكي.
ضحي: شكل مفيش حاجه حصلت ما بينهم.
شمس: اعمل ايه في زين هي دي تتساب
ضحي: معلش انتي عارفه دماغه ناشفه
جميله: يمكن اما يفربو من بعض اكتر يفهمها ويحبها
شمس: اعمل ايه
ضحي: عندي فكره. فاكره اول جوازك انتي وفزاع
شمس: اه كانت ايام حلوه اوي
ضحكت جميله وضحي.
ضحي: ما علينا. انا قصدي على فيلا البحر الاحمر. خليهم يروحو يومين هناك لوحدهم.
جميله: فكره حلوه
شمس: اتصدقي اه. انا هقنعه يروح. يارب يهدي واشوف ولاده هو كمان
جميله وضحي: يارب.
قمر: زيزو بتعمل ايه
زياد: زهقان وعايز افك الجبس ده
قمر: لا لسه شويه. استني يومين ونروح نعمل اشاعه
زياد: مخنوق منه
قمر: حبيبي هتتعب وممكن لا قدر الله يحصل مضاعفات
زياد جلس بزهق. جلست جانبه وقبلته من خده
متفكرش في الجبس فكر في حاجه تانيه
زياد: افكر في ايه يعني
قمر: اي حاجه..
نظر حوله ثم نظر اليها بخبث
قمر: نعممم
زياد: يلا
قمر بضحك: يلا ايه
زياد: نسيني الجبس
قمر ؛ اتفرج على التلفزيون
زياد: تؤ.
قمر: تعال ننزل نتمشي
زياد: تؤ
قمر: بتفكر في ايه يا زيزو
ابتسم: كل خير يا قلبي.
في المساء كانت شمس تنتظر قدوم زين ولكنه تأخر حتى ياتي بعد نوم شهد
فزاع: شمس مش هتنامي
شمس: هطمن على زين وعز وهنام
فزاع: نامي وانا هطمنك عليهم
شمس: انت عارف اني بحب اطمن بنفسي.
دخل عز وجدهم جالسين
عز: سلام عليكم
شمس وفزاع: عليكم السلام
عز: اخباركم ايه
فزاع: الحمد لله.
شمس: هو زين اتاخر ليه
كان داخل من الباب: انا هنا يا حبيبتي
فزاع: شرفو البشاوات.
زين: مالك بس يا فزاع بيه.
فزاع: قولتلكم كام مره قبل سابق متتاخروش بره عشان امكم بتقلق عليكم
عز: يا امي. هو احنا صغيرين
زين: هتفضلي لحد امتي كده. كل واحد فينا بقي زي الحيطه وبردو بتقلقي
شمس: بسم الله ما شاء الله. الله اكبر. صلي على النبي في سرك انت وهو
الجميع: عليه الصلاه والسلام
شمس: متقولش على نفسك كده.
فزاع بضحك: العين
شمس: والله بيتحسدو يا فزاع. شوفت يوم الفرح. اتحسد زين.
عز بص لزين وهمس. : اقولها كنت فين يوم الفرح
زين: اخرص.
شمس: مش بحب اشوف فيهم حاجه.
فزاع: ربنا يحفظهم من كل شر
طبع بوسه على جبينها ويدها: انا اسف يا امي هحاول ارجع بدري حاضر
شمس: ماشي يا عز.
قبل يد ابيه: تصبحو على خير
فزاع: وانت من اهله.
صعد إلى غرفته
زين قبل يد امه وابيه: مش هتاخر تاني حاضر. تصبحو على خير
شمس: استني انا عايزاك
فزاع: والله كنت حاسس ان في حاجه.
شمس: حاجه ايه بس. انا عايزه في كلمتين
فزاع: خير يا امي
شمس: ما تاخد شهد وتروح تقعد في فيلا البحر الاحمر.
زين: هخدها ليه. خليها
فزاع: مرتك يا بني
زين: انا مش بحب اضايقكم. بس انا وشهد مش هيكون في حاجه بينا.
اتصدمت شهد وفزاع نظر له
زين: متحوليش يا امي انك تقربينا. هي بالنسبالي طفله اختي. واحده عملت خير معاها. بس ان يكون في حاجه بينا ده مش هيحصل.
كانت الصدمه واضحه على وجهه شمس. فزاع كان يعلم مسبقا ما يفكر به ابنه.
زين: عن اذنكم...
صعد على الدرج.
فزاع: قولتلك متتكلميش معاه. ابنك عنيد وكل اما تتكلمي معاه هيعاند اكتر.
شمس، : بيقولك اخوات. ابنك عايز يجنني
فزاع: متضغطيش عليه. اللي ربنا كتبه هيكون.
شمس: نفسي اشوف ولاده واطمن عليه
فزاع: ادعيله انتي بس يا شمس وان شاء الله. ربنا يهديه
شمس: ربنا يهدي يارب.
صعد إلى غرفته كانت تجلس اعتدلت ووقفت.
زين: انتي لسه صاحيه
شهد: اه.
خلع حذائه واحضرت له ملابس النوم. انخفضت لتمسك الحذاء
زين: مبحبش انا كده.
نظره له ببراءه. زين: متوطيش تاني
شهد: فيها ايه. انا عايزه اعمل كده
امسك بيدها واوقفها امامه: شهد انا فهمتك كذا مره. مش عايز تعامليني كده.
شهد ببرود عكس ما بها: اعاملك ازاي. انت كبرت الموضوع. انا هشيل بس الجزمه في مكانها. محصلش حاجه لكل ده.
تركته وابتعدت عنه وذهبت إلى الاريكه ونامت عليها
نظر لها بذهول فقد فجأته برده فعلها. ابتسم
ودخل الحمام. نزلت دموعها ولكنها مسحتها سريعا.
لن تبكي من اجله. يريد ان يبق وحيد. اذا فليكن
خرج من الحمام ونام على الفراش.
وبعد وقت من التفكير ذهب كل منهم في النوم...