رواية أولاد فزاع الجزء الثاني للكاتبة ياسمين علاء الدين الفصل الرابع
فزاع وصقر يتناقشون في حل مشكله بالبلد
بين واحد اسمه مختار حمدان وعائله السبع...
فزاع: انا قولت كلمتي. اللي هيتعدي على التاني هيكون في حكم اكبر ودلوقتي عايله السبع هتدفع غرامه 10الف تكلفه الخساير اللي سببوها.
كبير عايله السبع (حامد): كتير يا حاج.
فزاع بجديه: الشباب كسرو محل الراجل و بهدلوه. وهو غلبان مقدرش يقف قدمهم. بس لو حد من عندك اتهجم تاني على الراجل الغلبان ده مش هيحصل طيب. وانا اللي هقف ووقتها ما تلومش غير اللي عندك.
حامد: اللي تشوفه يا حاج
فزاع: انا مكملتش الحكم للاخر
ابتسم صقر. كشر رجاله السبع
فزاع: الشباب اللي كسرو المحل هم اللي هيجددوه
حامد: ما كفايه الفلوس يا حاج
فزاع: الراجل الطيب ده معندوش ولاد. تعمل خير انت وقرايبك وله لع.
حامد: اؤمرك يا فزاع بيه.
فزاع: نقرا الفاتحه على الكلام
قروا الفاتحه وانتهت الجلسه.
ليقترب رجل كبير يبدو عليه الطيبه. اسمه مختار حامد
مختار: يدك يا حاج فزاع.
كان سيقبل يده ليبعدها سريعا
فزاع: ليه اكده يا راجل يا طيب. انت عايز تشيلني ذنب
مختار: انا معرفش كيف اشكرك انت جميلك فوق راسي.
فزاع: جميل ايه يا حاج مختار. انا معملتش غير الواجب. وفي اي وقت حد ضايقك انا موجود.
مختار بطيبه: ربنا يبارك فيك. ويحفظك انت واحبابك. ربنا يرزقك ويخليك. ربنا ينصرك على مين يعاديك.
صقر ربت على كتفه وشكره فزاع. ليرحلو من الجلسه
عادو إلى البيت كانت شمس اعدت الغداء.
شمس: صقر. اخيرا جيت
صقر باحراج: الظروف يا بنت خالي.
شمس: عملتلكم محشي وبط. انا عارفه انك بتحبه. يلا اقعدو وهتصل بضحي وقمر يتغدو معانا
ابتسم فزاع على طيبه شمس.
فزاع: تسلم يدك يا شمسك.
شمس: حبيبي.
هاتفت ضحي وجائت ولكن قمر كانت في المشفي
لم يعلق احد. تناولو الغداء معا جميعا.
وجلسو يشربون الشاي معا...
عز كان يشرف على بناء مصنع فهو مهندس
ويتابع عمله.
زين سافر إلى البحر الاحمر يتابع المدينه اللي بنوها هناك...
زياد مسافر في عمله ويتصل يطمان على اطفاله وشمس وفزاع واخوته وانقطع اتصاله بينه وبين قمر.
و في الليل كان الجو هادئ جدا.
ليستيقظ الجميع على صوت طرق على الباب
فزع الجميع.
شمس: يا ساتر يارب
فزاع: خليكي هنا وانا هنزل اشوف مين.
ساعدته في ارتداء الطرف الصناعي. وخرج من غرفته كان عز ينزل على السلم
ونزلو الاثنان
فتح فزاع ليجد امامه فتاه صغيره تبكي وملابسها متسخه. تنظر إلى الخلف بزعر ومعاها حراس فزاع
رجل من الحراس: يا بيه طلبت تقبلك وهي بتعيط
فزاع: . امشي انت
نظر عز إلى ابيه باستغراب
فزاع: انتي مين.
البنت وهي تبكي: انا ششششهد
فزاع: اتفضلي يا بنتي. واهدي كده وقولي فيكي ايه
كانت تبكي بهستيريا. وجسدها ينتفض من مكانه تحتضن جسدها بيدها وشعرها على وجهها يغطي ملامحها
عز: شكلها خايفه او في حاجه حصلت.
فزاع: شمس. شمس
نزلت شمس من اعلي لتنظر إلى الفتاه بتساؤل
فزاع: شوفيها يا شمس
ربتت على كتفها بحنان
شمس: تعالي يا بنتي. اسمك ايه
البنت وهي تبكي: انا شششهد. (شهقه) بنت مختار حمدان.
فزاع: حد اتعرضلكم.
هزت راسها بخوف: الحق بابا
صوت فزاع كان قوي كالجبل. خرج من المنزل ونادي على رجاله وعلى عارف. ليستيقظ الجميع
خرج فزاع ومعه عز الذي لم يتركه وعارف والرجال على الخيل وذهبو إلى بيت مختار. ليجدوه غارق في دمائه والبيت متحطم
نزل من على حصانه وفحص نبض الرجل
عز: نبضه ضعيف. اتصل بالمستشفي
فزاع: عارف
عارف: اتصلت يا بيه.
حضرت الاسعاف والشرطه وتم نقل مختار إلى المشفي.
في البيت كانت تتنتفض بخوف.
نظرت اليها شمس بحزن.
جميله: ماما. هدومها متقطعه. وشكلها خايفه.
شمس: مش عايزه تتكلم.
جميله: هطلع اجبلها لبس. وخليها تاخد دش تهدا الاول
البنت وهي تبكي وامسكت يد شمس تقبلها لترفع شمس يدها سريعا
البنت: بابا. انا خايفه عليه
شمس: متخفيش يا بنتي. فزاع هناك وهيتصرف. متخفيش احنا معاكي ومحدش يقدر يقربلك
جميله: قومي خدي دش وغيري هدومك
امسكتها جميله وصعدت بها إلى غرفتها.
جميله: متخفيش محدش هيدخل انا قفلت الباب بالمفتاح
دخلت إلى الحمام وتحممت و ارتدت الملابس التي اعطاتها لها جميله
لتخرج من الحمام.
تفاجات جميله بها.
جميله: ايه القمر ده.
البنت ودموعها لا تكف عن البكاء: عايزه طرحه
جميله: حاضر. انتي اسمك ايه
البنت: ششهد
جميله: شهد. اسمك جميل زيك
شهد: ششكرا
طرقت شمس الغرفه، جميله: مين
شمس: انا. افتحي
فتحت جميله لتدخل شمس وتنظر إلى شهد باعجاب
شمس: ما شاء الله.
شهد: لو سمحتي عايزه اطمن على بابا
شمس: جميله هو عز معاه الموبيل
جميله: اه خده
شمس: اتصلي بيه
خرجت من الغرفه واتصلت جميله على عز لتساله
جميله: حبيبي عامل ايه
عز: الحمد لله.
جميله: ايه الاخبار
عز: لقينا الراجل مضروب بالسكينه وغرقانه في دمه. واحنا دلوقتي في المستشفي والحكومه بتحقق
جميله: طيب ربنا يستر. اصل بنته خايفه
عز: هي اللي عارفه ايه اللي حصل. واكيد في القسم هيطلبو شهادتها
جميله: خلي بالك من نفسك.
اغلقت الهاتف. لتجد شمس خلفها
شمس: قالك ايه
جميله: الراجل كان مضروب بالسكينه وخدوه على المستشفي
شمس: ربنا يستر.
سمعت الكلام لتصرخ شهد بخوف
شهد: بابا
شمس: متخفيش يا بنتي هيكون كويس
شهد بدموع وانهارت ووقعت على الارض مغمي عليها
نقلوها إلى إلى الغرفه واتصلت جميله بقمر لتاتي وتكشف على البنت وبعد وقت كانت قمر معاهم
شمس: هي مالها
قمر: ضغطها واطي وشكلها صدمه عصبيه. هي مين دي
جميله كانت ستتحدث لتنظر لها شمس ان تصمت.
قمر بغيره: هي دي اللي جابها زياد
شمس لم تجيب عليها: هي هتكون كويسه
تجمعت الدموع في عين قمر: انتي يا خالتو راضيه بكده. عايزه يتجوز جايب واحده في البيت
جميله نظرت إلى شمس اكتفت بالنظر البها بلا مبالاه
جميله: انتي مجنونه يا قمر
خرجت قمر وهي تبكي من البيت فهي اعتقدت ان زياد استبدالها باخري. وليست اي اخري فهي في منتهي الجمال
جميله: مقولتلهاش ليه يا ماما على الحقيقه.
شمس: يمكن تفوق لنفسها وتعرف ان جوزها هيضيع منها
جميله: خالتو ضحي ممكن تزعل وعمو صقر
شمس: لا مش هيزعلو هيسالو وهقولهم الحقيقه. يارب هي بس تعقل
جميله: يارب.
عادت إلى المنزل وهي تبكي. صعدت إلى غرفتها وهي منهاره من البكاء، كان الجميع نائم
قررت ان تتصل على زياد فهي تحترق من الشك والغيره
اتصلت على زياد. نظر إلى الهاتف ولم يصدق عينه هل حنت له واعترفت باخطائها
زياد: الو
سمع صوت بكائها لينقبض قلبه
زياد بخوف: مالك يا قمر.
قمر: طلقني.
نظر إلى الهاتف بحزن وخيبه امل
قمر: لحقت تجيب بديل ليه
زياد مش فاهم ولكنه صمت ليسمعها للاخر.
قمر ببكاء: رد عليا. خلاص كده اللي بنا انتهي. انا بالنسبالك وله حاجه.
زياد: مين قالك كده. انتي ام عيالي. وبنت خالتي
قمر؛ بس. انا كده بس.
زياد: اوووف. انتي عايزه ايه. انا افتكرتك هتتغيري وتعرفي غلطك بس اظاهر اني اتعشمت بزياده انتي مش هتتغيري.
اغلق الهاتف في وجهها لتبكي
زياد: الوقت في مصر متاخر. ايه اللي فاكرها اني هتجوز وجايه تتصل في الوقت ده ليه. واكيد امي نايمه وخالتي كمان. في حاجه اكيد. بس ايه هي بقي.
لم تصدق انه اغلق الهاتف في وجهها وعلمت انها انتهت في حياته لتبكي بحسره وندم.
عاد فزاع وعز من المشفي ويبدو عليهم التعب والارهاق وصعد كل منهم لغرفته
كانت شهد نائمه في غرفه اخري.
جلس على الفراش بتعب وارهاق وملامحه حزينه
ساعدته في تغير ملابسه وتمدد على الفراش لتجلس بجانبه وضع راسه على صدرها لتضمه بحنان
شمس: الراجل حاله ايه
فزاع: في العنايه المركزه. والدكاتره بتقول حالته خطر
شمس: البنت يعني منهاره
فزاع: من شكل البيت والحاله اللي كانت فيها. حد اتهجم عليهم.
شمس: حراميه يعني.
فزاع: الراجل غلبان وعلى قده. مفتكرش انهم حراميه
شمس: تفتكر بيتهجمو على البنت.
فزاع: احتمال. هي اللي هتحكي كل حاجه.
شمس: دي تعبانه واغمي عليها وقمر جت اديتها حقنه. بس البنت ماشاء الله على جمالها يا فزاع.
فزاع: يمكن يكون جمالها ده هو السبب في اللي حصل.
عز ابدل ملابسه و تمدد على السرير لتجلس جميله بجانبه
جميله: حبيبي نام. شكبك تعبان اوي
عز: مش شايف والله
جميله: نام. تصبح على خير
عز: وانتي من اهله
اغمض عينه ليذهب إلى النوم بتعب.
في الصباح استيقظت شمس لتذهب إلى غرفه التي توجد بها شهد وجدتها تبكي وهي جالسه على الفراش
جلست بجانبها وضمتها بحنان: متخفيش يا بنتي. باباكي في المستشفي وان شاء الله يكون بخير
شهد: يارب. انا عايزه اشوفه
شمس: هقول لفزاع. قومي اغسلي وشك ويلا ننزل نفطر
اصرت عليها ان تنضم لهم ليتناولو الطعام
جلست بخجل. نظر له عز بانبهار من جمالها.
لتدوس على قدمه جميله بيغيره
ضحك عز وهمس لها: ملاك
جميله: لم نفسك يا عز.
عز: لمي لسانك انتي
جميله: دي طفله على فكره
عز: شكلها صغيره بس تحير
جميله نظرت لها بزعل.
عز: بهزر معاكي ده انت الوحش الكبير
ضحكت.
فزاع: كولي يا بنتي
شهد بخجل: لو سمحت ممكن اروح اشوف بابا
فزاع: حاضر. كولي لاول
وضعت شمس امامها الطعام.
عز: بابا محتجني معاك
فزاع: روح يا بني على شغلك. ربنا يحفظك من كل شر
خرج عز من البيت..
بعد الانتهاء من الافطار. خرجو الاطفال يلعبون في الحديقه
فزاع: احكي يا بنتي حوصل ايه
شهد: من وقت اما حضرتك حكمت ان الشباب اللي كسرو المحل لبابا هما اللي يساعدوه. وهما ابتدو كل يوم يكونو في المحل، و في يوم شافوني. وبعدها طلب واحد منهم يتجوزني. وبابا رفض وفي نفس اليوم جه التاني وبرضو بابا رفض. لانهم مش كويسين.
وامبارح(ببكاء) كسرو الباب علينا واتهجمو عليا وانا كنت بهرب منهم وبابا على قد ما قدر كان بيدافع عني. لحد اما قالي اجري لحضرتك وانت هتتصرف
بكت اكثر. نظرت شمس وجميله. لها بحزن وفزاع ايضا.
فزاع: متخفيش يا بنتي. انتي في حمايتي
شمس: انتي هتفضلي معانا. ومتخفيش من حاجه ابدا.
شهد: ربنا يخليكم. بابا ان شاء الله يقوم بالسلامه وانا همشي. وكتر خيركم
فزاع: بلاش كلام ماسخ. انتي زي بتي. وابوكي ان شاء الله يقوم بالسلامه.
اتصل الظابط بفزاع ليطلب ان تاتي شهد ليحقق معاها
وبالفعل اخذها فزاع إلى القسم وحقق معاها و بعدها اخذها إلى المشفي
دخل فزاع وشهد إلى غرفه العنايه
فتح مختار عينه بتعب ونظر إلى ابنته لتبكي وهي تحتضنه.
نظر إلى فزاع بشكر
فزاع: ايه يا راجل يا طيب. قوم اكده وشد حيالك
مختار بتعب: بتي
فزاع: متخفش على شهد هي في امانتي وهردهالك ان شاء الله اما تفوق.
مختار: كتر خيرك.
شهد بدموع: بابا.
مختار: اس س معي ككلام ال حاج)اسمعي كلام الحاج
قصده على فزاع
شهد: ححاضر يا بابا
مختار بتعب: في امانتك
فزاع: طبعا. ارتاح انت
كانت حاله مختار صعبه. طلب منهم الدكتور ان يخرجو من الغرفه حتى لا يشتد التعب عليه. لان كثره الكلام تتعبه اكثر.
عاد فزاع إلى المنزل ومعه شهد.
شمس جهزت لها غرفه لتجلس بها ووضعت لها ثياب
شمس: سعاد خدي شهد على اوضتها ترتاح
سعاد: حاضر.
شهد باندهاش: اوضتي انا
شمس: اه يا شهد. انتي هتقعدي معانا. ومتخفيش من حاجه. والدولاب فيه لبس وكل حاجه فوق ليكي
ابتسمت شهد: ربنا يخليكم ويسترها معاكم
صعدت إلى الغرفه مع سعاد. دخلت الغرفه وهي سعيده. فالغرفه كانت جميله جدا. فتحت الدولاب لتنظر إلى الملابس باعجاب.
ثم تذكرت ابيها لتجلس على الارض تبكي على ما حدث لها
(شهد صغيره ومشاعرها نقيه كالاطفال تبكي سريعا وتفرح سريعاً)
فزاع ضم شمس: ربنا يجعله في ميزان حسناتك
شمس: صعبت عليا اوي يا فزاع
فزاع: اللي مرت بيه كتير عليها وهي لسه صغيره. وابوها كمان حالته خطر
شمس: ربنا يشفيه ويخليه ليها.
قمر كانت تحبس نفسها في الغرفه وتبكي.
ضحي دخلت لتجدها تبكي هكذا: في ايه
قمر: زياد هيتحوز عليا خلاص.
ضحي: ايه. مين قالك
قمر: امبارح اتصلت خالتو شمس بيا ورحتلها كانت الهانم الجديده تعبانه وانا علجتها لو كنت اعرف موتها
ضحي: لا طبعا. شمس عمرها ما تعمل كده. اكيد انتي فهمتي غلط
قمر: لا. صح. اتصلي طيب واسمعي بنفسك
اتصلت ضحي على شمس
ابتسمت شمس ونظر لها فزاع
لتغمز له: الو يا ضحي عامله ايه.
ضحي: الحمد لله. انتم عاملين ايه
شمس: الحمد لله
ضحي مش عارفه تسالها ازاي
شمس منظره السؤال منها
ضحي: احم. هي البنت اللي عندكم اخبارها ايه. لسه تعبانه
شمس: الحمد لله انهارده احسن من امبارح
ضحي: هي مين البنت دي.
شمس: دي بنت واحد اسمه مختار حمدان. وحصلتلها مشكله وهي هتقعد معانا علشان ملهاش حد وابوها في المستشفي
ضحي: اه.
اغلقت ضحي الهاتف لتنظر إلى قمر.
حكت له كلام شمس. قمر: يعني هتقعد معاهم. لا قوليلها تمشيها...
ضحي: وتمشيها ليه. البت ملهاش حد غيرهم
قمر: هو اما يشوفها اكيد هيتجوزها لان هي حلوه اووي
ضحي: انتي لو خايفه عليه. مش هتسيبي كل ده يحصل. لو بتحبي زياد هتتغيري علشانه. خلي بالك من جوزك يا قمر لو لسه بتحبيه قبل ما يضيع منك
تركتها ضحي وهي جلست في حيره من امرها...
فزاع: احكي يا شمس. في ايه.
شمس: مفيش
فزاع: عليا. ده انا اللي مربيكي
ابتسمت: اصلي عملت حركه كده. وقمر فهمت ان شهد هتتجوز زياد
فزاع: ليه بس يا شمس. هي البت ناقصه
شمس: هي اللي فهمت غلط. وانا محبتش اوضح هي هنا ليه. عشان تفوق لنفسها. بس اما ضحي سالتني حكيت
فزاع: ده انتي يا شمس
شمس: مالي بقي
فزاع ضحك
شمس: انا قصدي خير والله
فزاع: انا بهزر معاكي.