رواية أولاد فزاع الجزء الثاني للكاتبة ياسمين علاء الدين الفصل الثاني عشر
منذ ذلك اليوم وهو بعيد عنها، حتى انه انقل اشيائها إلى غرفه اخري...
لم تعارضه ولم تتحدث معه في شئ...
كانت شمس غاضبه منه للغايه ولكنه اصر على موقفه ولم يستطيع احد ان يقف امامه. ابتعد عن الجميع وذهب إلى فيلا البحر الاحمر بمفرده
شمس كانت تبكي. فزاع بغضب: كفايه.
نظرت له بحزن: ابني بقاله 5ايام بعيد عن البيت
فزاع: بيضغط عليكي علشان متكلموش في موضوع شهد.
شمس: انا غلطت في ايه. انا نفسي ابني يعيش حياته زي الناس
ضمها فزاع: وحياتي عندك متبكيش اكده. معستحملش
شمس: قوله يرجع.
فزاع: هقولك حاضر...
عاد زين إلى المنزل مره اخري بعد ان اقنعه ابوه انهم لن يضغطو عليه...
اما هي فكانت تغرق في الكتب نهار حتى تنسي وفي الليل تغرق في احزانها ودموعها...
هي مسؤله منه لن ينكر هذا. طرق الباب.
ارتدت الاسدال وفتحت الباب لتتفاجا به نظرت اليه بحزن وترقرقت عينها بدموع ولكنها اخفضت عينها للاسفل حتى لا تبكي.
زين: عامله ايه
شهد: الحمد لله
زين: بتذكري وله لا
شهد: اه
يعلم انها تتهرب منه. زين: محتاجه حاجه
شهد وهي ما زالت تنظر للارض: لا شكرا
كان يريدها ان تفهم. ولكن هكذا افضل له ولها.
زين: لو عايزه اي حاجه في اي وقت كلميني.
حركت راسها بالموافقه.
تنهد وابتعد عنها وهي اغلقت الباب لتجلس خلفه وهي تبكي. فقد اشتاقت له. لم تراه منذ ايام
مسحت دموعها ووقفت وهي تتعهد لنفسها ان تنسا.
مر الشهر الاخر وهي كانت تذاكر وتجتهد وقمر وجميله تساعدها، وشمس تعاملها كام وتهتم بها وتراعها.
اتي وقت الامتحانات.
طرق الباب في الليل.
ارتدت حجابها فهي منذ ان اخرجها من الغرفه وهي لا تظهر امامه سوي بحجابها. كانها تحرمه من جمالها كما حرمها هو من قربه
زين: اخبارك ايه
همست: الحمد لله.
تنهد لم تعد تنظر اليه وهي تتحدث معه.
زين بغضب: بكره الامتحان
شهد: اه.
زين: نامي علشان تعرفي تقومي وانتي مركزه
شهد: حاضر.
زين: انا هوصلك بكره
شهد: عز قالي انه هيوصلني.
زين: لا. انا هوصلك. و ادخلي نامي.
ذهب إلى غرفته. وهي دخلت غرفتها.
وقت الافطار تجمعو على طاوله الطعام
عز: شهد متخفيش من حاجه ومتسبيش سؤال
شهد بابتسامه: حاضر
زياد: لو عايزه تغشي. غشي براحتك
ضحتك شهد: مش بحب اغش
فزاع: ايه اللي انت بتقوله ده. انت مجنون يا بني
زياد: في ايه بس.
فزاع: يا خوفي تكون نجحت في كليتك بالغش.
ضحكت وهي تنظر اليه.
زياد: متصدقيش الاشاعات دي. والله بمجهودي.
جميله: انت عايز تضيع مستقبلها وله ايه
زياد: دي نصيحه. لقيتكم كلكم بتصحونها قولت انصحها انا كمان.
قمر: انت كده هتلبسها في الحيطه. انتي مزكره وشاطره. وانا واثقه فيكي.
شمس: ان شاء الله خير.
كان يتابع الجميع وهم يتحدثون معاها ويشجعونها وهي تبتسم، دخلت إلى قلوبهم جميعا واعتبروها غرد منهم
عز: يلا علشان متتاخريش
زين: خليك انت انا هوصلها
اندهش الجميع ونظرو اليه. لينظر لهم ببرود.
زين: يلا يا شهد.
لم تنظر اليه. اكتفت باحتضان شمس.
وجميله وقمر وخرجت. زياد: خلي بالك منها
رفع حاجبه ونظر له.
عز: خليني انا اوصلها احسن. انت هتوترها
زين: يا حنين
فزاع: روح يا بني وصلها عشان متتاخرش
شمس: براحه عليها
زين: حد قالكم اني هكولها
خرج وهو مقضب الجبين وجدها تفرك في يدها
زين: يلا اركبي
صعدت إلى السياره في الامام ونظرت إلى النافذه..
ساق بها وطول الطريق اما تفتح الكتب او تنظر إلى الطريق.
زين: متخفيش من اي سؤال وقبل ما تسلمي ورقه الاجابه عيدي تاني على الاجوبه
شهد: حاضر.
نظر لها. تعامله ببرود ومع الجميع تضحك وتبتسم.
وقف امام لجنه امتحانتها. لتنزل سريعا.
زين بصوت قوي: شهد
وقفت. زين: تعالي.
رجعت إلى السياره: نعم
زين: قولتلك تنزلي
شهد: لا
زين: ماشي. انا مش هتكلم دلوقتي.
اخرج نقود من جيبه. نظرت إلى يده
زين: خليهم معاكي لو احتجتي لحاجه
شهد: شكرا مش عايزه حاجه.
تركته ودخلت وهو نظر اليها بغضب.
عز كان يستعد للذهاب إلى البحر الاحمر لديهم مشاكل في القريه السياحيه
جميله: خدني معاك يا عز
عز: يا حبيبتي انا رايح شغل
جميله: خدني معاك اغير جو. احنا في شهر 6 والجو هناك هيكون حلو
عز: اوكي روحي البسي
فرحت وضمته وهي تضحك.
ارتدت ملابسها واعدت الحقيبه وحقيبه اولادها
ونزلو لاسفل ليجدو قمر وزياد و شمس.
دخلت شهد مع زين فهي قد انهت امتحان اليوم..
شمس: عاملتي ايه يا شوشو
شهد: الحمد لله. كان سهل
زياد: الحمد لله.
عز: امي انا همشي انا
شمس: خلي بالكم من نفسكم
شهد نظرت إلى جميله بحزن: رايحين فين
جميله: عز عنده شغل في البحر الاحمر وهروح معاه
شهد: ماشي. خلي بالكم من نفسكم ومتتاخروش
عز: خلصي امتحاناتك الاول. و هخدك معانا المره الجايه.
شهد: بجد
جميله: اه بجد.
حضنت جميله وهي تبتسم...
ودعت اياد واسر ايضا...
انطلق عز مع جميله إلى البحر الاحمر...
لم تجده خلفها يبدو ان ذهب.
شهد: ماما هطلع انام
شمس: ماشي يا حبيتي.
صعدت إلى غرفتها وهي تشعر بارهاق لم تنم امس.
وصل عز وجميله إلى الفيلا. ودخلو.
كان الجو جميلا...
جميله: كنا محتاجين الخروجه دي
عز: خروجه ليكي. بس بالنسبالي ده شغل
جميله: شغل وفسحه.
عز: هروح انا اشوف هعمل ايه.
مر اليوم. رجع عز إلى الفيلا ليجد هدوء في المكان
سمع صوت في المطبخ.
دخل ليجد جميله قد اعدت له عشاء رومانسي
وشموع.
عز: يارايق
ابتسمت: حبيبي حمدلله على السلامه
قبلها وضمها: الله يسلمك
جميله: اطلع غير وانزل
نظر اليها ليجدها ترتدي فستان جميل باللون الاحمر وشعرها القصير بنفس اللون.
عز: ايه الروقان ده كله
جميله: الولاد نايمين و احنا بقالنا كتير مقعدناش مع بعض
عز: تصدقي صح انا اللي غلطان. حملها على كتفه
جميله بتذمر: لا. مش دلوقتي
عز: ليه
جميله: لسه هنتعشا ونرقص
عز: لا. مش جعان.
جميله: بوظت السهره الرومانسيه
ضحك عليها وفتح الباب وضعها على السرير
عز: السهره لسه هتبتدي.
جميله: لا باظت.
عز: عيب عليكي. بقولك لسه
اقترب منها وهي ينظر اليها بحب وملامحها التي يعشقها.
اما هي فكانت تنظر اليه بشوق كم تحب ان تري لمعه عيونه عندما يراها كانها ملكت كنوز الدنيا تشعر بالرضي من نظره واحده بعينه.
عز: انا والله كنت للحب كارهاً...
ولكني ابتليت بك بلاء جميلاً (لاحمد شوقي)
ابتسمت بحب وهي تضع يدها الناعمه على وجهه
عز: بحبك يا جميلتي
جميله: وانا بحبك يا عز قلبي
ليذوب الاثنان معا ????
مع اجمل ان يجدد المحابين حبهم.
(عليكم ان تخطفو لحظات السعاده من الحياه ان تتمسكو بمن يحبكم وتخبريهم بحبكم. ).
مر يومان و شهد تذاكر لامتحاناتها. وعز في البحر الاحمر هو وجميله والاولاد. زياد ما زال في الاجازه.
وفزاع وشمس حياتهم كما هي. زين مشغول بعمله.
في القريه كان يقف في وسط الفندق وهو غاضب.
لياتي المدير يركض له: عز بيه في حاجه.
عز: ايه المسخره اللي بتحصل دي. ده اهمال.
المدير: مسخره ايه يا فندم.
عز: احنا اما بنينا القريه وضعنا قوانين ومينفعش يستخف بيها صح وله غلط.
المدير: صح يا فندم.
عز: القريه دي عائليه. مينفعش القي اتنين مش محترمين ولابسين مايوهات زباله وفي حمام السباحه في وضع مش كويس
المدير: حاضر يا فندم انا هشوف الموضوع
عز: الاتنين يمشو من هنا. دي قريه محترمه.
المدير: حاضر حاضر
دخل عز إلى مكتبه وهو يستشيط غضبا.
خلع جاكت البدله وجلس بارهاق. لياتيه اتصال من جميله
عز: حبيبتي
جميله: ايوه يا حبيبي انا لبست. وهاجي.
عز: طيب السواق هيجيلك.
جميله: اوكي.
تذكر انه سيتعشي اليوم مع زوجته واولاده في القريه. ولكنه ليس في مزاج جيد. لن يقدر ان يرفض الان. طلب من السواق ان يذهب اليه.
بعد نص ساعه كان يتابع عمله ليجد المكتب ينفتح وتدخل فتاه ترتدي فستان قصير لايستر شيئا.
دخلت واغلقت الباب خلفها. نظر لها بغضب.
وتحولت ملامحه واسودت عيناه.
عز: انتي ازاي تدخلي كده.
وقف وهو يصرخ بغضب. نظرت له وابتسمت بخبث
الفتاه: انت بقي صاحب القريه.
عز: اطلع بره. بدل ما اطلب من الامن يرموكي في الزباله
ضحكت ضحكه خليعه ??
عز وهو يصك على اسنا نه بغضب: برررره
وقفت البنت امامه: مش بخاف على فكره.
عز: امشي من وشي يا بت انتي
الفتاه: طيب نتعرف.
عز: مش انتي اللي كنتي في حمام السباحه
الفتاه: ايوه. وانت بعت مديرك ليطردني.
عز بقرف: امشي بدل ما ابلغ بوليس الاداب يجي يخدك
اقتربت منه بدلع ووضعت يدها عليه.
الفتاه: واوو. بحب ان الراجل العنيف.
امسك يدها التي وضعتها عليه ليضغط عليها بعنف.
فصرخت بالم.
لتدخل في هذه اللحظه جميله. ومعاها الاولاد..
كانت تبتسم وجدت الفتاه تقف امامه و قريبه منه لم تري وجهها لانها تقف بظهرها للباب
الفتاه: اااه. براحه
رفع عز عينه للباب ووجد جميله تنظر له وعلامه الصدمه والشك والغيره على وجهها
ابعد الفتاه بعنف ونظر للجميله لم تتحدث ولكنها جلست بصمت.
اياد واسر ركضو لابيهم ضمهم واجلسهم
عز: برره.
الفتاه وقد علمت انا زوجته حبت ان تنتقم منه
نطقت بدلع: كنت جامد انهارده اوي.
غمزه له بوقاحه. وخرجت وهي تتمايل وتضحك
كانت جميله تشتعل بداخلها من الغيره. عز يخونها.
عز: جميله
وقفت: عايزه امشي.
عز: افهمي بس.
جميله: فهمت يا عز. لو سمحت مش عايزه اتكلم علسان الولاد. ممكن
كان الاولاد يركضون ويضحكون. نظر لهم عز ونظر لها.
ولكنها غير مستعده الان لتفهم. لا يجب ان يتحدثو امام الاطفال في اي شئ...
عز: طيب اتعشو الاول.
جميله وهي تحاول ان لا تنهار: لا
عز: طيب والولاد ذنبهم ايه. اكيد جعانين
لم تنطق واشاحت بوجهها بعيد عنه
طلب لهم الطعام ولكنها لم تقدر ان تكون معاه
جميله: هات مفتاح العربيه
عز: ليه.
جميله: هقعد فيها لحد اما تخلصو.
عز: دي كدابه. انتي عارفه انا مش ممكن اعمل كده
لم تنظر له. وجدت المفاتيح على المكتب فاخذتهم وخرجت سريعا من المكتب...
عز: الله يخربيتك. كنت ناقصك
لحق بها مع الاولاد و اخذ الطعام معه..
فتح السياره ليجد وجدها حزين. يبدو انها كانت تبكي.
عاد بهم إلى الفيلا. لتصعد سريعا إلى الغرفه واغلقت الباب عليهم. لن تتحمل الخيانه. تحملت اهماله وعصبيته ولكن الاهمال. لن تتحمل.
تركها لتهدا وجلس مع الاولاد يطعمهم ويلعبون.
ثم ادخلهم غرفتهم. وخرج لها.
عز: افتحي يا جميله
جميله: لا.
عز: انتي كده بتظلميني افهمي الاول ايه اللي حصل.
جميله: مش عايزه افهمك وله اسمع منك حاجه. انا هرجع قنا.
عز: طيب افتحي نتفاهم و.
جميله: مش عايزه اتفاهم معاك، روح نام في مكان تاني
عز: ماشي يا جميله. بس افتكري اني حاولت افهمك وانتي اللي رافضه.
لم تجاوبه، ركل الباب بقدمه وابتعد
كانت تبكي وهي منهاره
خرج وجلس امام البحر وهو يلعن في تلك الساقطه التي اوقعته في مشكله. ولكن كان حزين من تصرفات جميله فهي حكمت عليه دون ان تسمع منه اولا.