رواية أولاد فزاع الجزء الثاني للكاتبة ياسمين علاء الدين الفصل الثالث عشر
جلس للصباح على وضعه امام البحر لم ينام. وهي لم تنام انهت من حزم حقايبتها ودخلت لغرفه الاولاد.
ايقظتهم وحزمت حقيبتهم.
صعد عز ليجد الغرفه مفتوحه وحقيبتها على الارض.
دخلت لتاخذ الحقيبه وجدته يقف في وسط الغرفه.
عز: رايحه فين
جميله: ماشيه. قولتلك اني راجعه قنا
عز: وانا موفقتش. وله انتي مفيش راجل تستاذني منه
جميله: همشي.
عز: انا لحد دلوقتي مش عايز اتعصب وبقول سيبها وهي هتهدا لوحدها.
جميله: مش ههدا. انا همشي وانت اعمل اللي انت عايزه
اغلق الباب بقوه وامسك كتفها
عز: بطلي جنان بقي. البت دي اول مره اشوفها وطردتها من القريه لانها مش كويسه كانت في حمام السباحه مع واحد. وهي جت المكتب تكلمني واما انتي جيتي حبت تنتقم
جميله: هبله انا علشان اصدق المسرحيه دي. ثول بقي من الاول وانت مكنتش عايز تخدني معاك علشان تكون على راحتك.
عز: انتي بتقولي ايه.
جميله: ايوه انت حنيت للقذاره اللي كنت متعود عليها
ضغط على يدها بقوه: كلمه تاني واقسم بالله ما هتحكم في نفسي. بدل ما انتي غبيه وبتفهمي غلط. خليكي فاهمه كده.
جميله ببكاء والم: سبني
تركها. وهي اخذت حقيبتها لتخرج..
عز: ادخلي اغسلي وشك. انا هوصلكم.
لم تتكلم. دخلت غسلت وجهها. وهو ابدل ملابسه..
واخذ الاولاد وصعدو إلى السياره ليعودو إلى البلد. مره اخري..
طول الطريق لم تتحدث كانت تنظر إلى الطريق فقط. وهو كان غاضب منها
وصلو بعد وقت لقنا..
جميله: انا رايحه عند عبدالرحمن اخويا.
نظر لها ورد ببرود عكس ما به من غضب: اوكي.
اوصلها امام بيت اخوها. ونزلت سريعا من السياره
تنهد على تصرفاتها المجنونه.
اخرج من جيبه نقود واعطهم لابنه
عز: ادي لماما دول. وخلي بالكم من نفسكم
اسر: احنا مش هنروح لتيته
عز: هتثعد مع خالو شويه وترجع..
حضنه ابنه وقبله. وابنه الاخر.
وقف ليدخلو امامه وهو ينظر لهم بحزن...
دخلت وطرقت الباب ليفتح اخيها ويرحب بهم...
عز عاد إلى المنزل.
شمس: حمد لله على السلامه
عز: الله يسلمك يا امي
نظرت له باستغراب: مالك يا عز. وفين الولاد وجميله
عز: تعبان منمتش خالص. وجميله راحت لعبدالرحمن اخوها تقعد معاه وهترجع
شمس: طيب يا حبيبي. تاكول
عز: لا محتاج انام
شمس: اطلع يا حبيبي. نوم العافيه.
قبل جبينها وصعد إلى غرفته. جلس على الفراش بارهاق وحزن.
كانت تبكي وهو جالس بجانبها: خلاص متزعليش.
جميله: يخوني انا ليه
عبدالرحمن: هو اصلا كان يطول واحده زيك.
جميله: انا زعلانه منه اوي. انت مشفتش البت شكلها وقحه وزباله
عبدالرحمن: اطلقي منه وسبيه.
نظرت له وانفتحت في البكاء. هو حبيبها مهما حصل ولكنه خانها...
استيقظ على صوت اخيه بجانبه فتح عينه
عز: عايز ايه يا زياد
زياد: فوق علشان نتكلم.
عز: مش عايز اتكلم.
زياد: لا هنتكلم. لازم نتكلم.
عز: يا بني ادم براس كلب. انا نايم. ومنمتش من امبارح. اما اصحي نتكلم.
زياد: يا بني ادم براس حمار. كمل نومك ولما تصحي قولي
عز: هي ايام شبهكك
زياد: تبقي ايام عسل زي
عز: غور ياض
زياد: قوم بقي. في ايه وفين جميله
جلس على الفراش وشعره غير مرتب.
زياد: ما تنطق
عز: غضبانه عند اخوها الزفت.
زياد: اووبا. عبدالرحمن دخل في الموضوع. يبق هيشعللها. هو اصلا مش بيحبنا.
عز: على نفسه. ضربه تضربه هو واخته المتخلفه
ضحك زياد: احكي يا ناصح
حكي له عز ما حدث في البحر الاحمر.
زياد: يا عيني.
عز: هي متخلفه وبتفهم غلط
زياد: يا عز جميله بتحبك وبتغير عليك. واي واحده مكانها هتفهم غلط. لو مش بتحبك مش هتهتم وله هتغير...
عز: مفروض يكون عندها ثقه فيا...
زياد: الستات القلب بيكون متحكم في تصرفاتها والعواطف هي اللي بتشتغل مش العقل.
عز: بلا عواطف بلا زفت...
زياد ضحك: عواطف انتحرت منك. يلا انت مكنتش قفل كده مع البنات ايه اللي حصل
عز: هي كرهتني في صنف الستات كله.
زياد: شد حيالك كده. والبس وروح هاتها.
عز: لا. خليها عند اخوها يكش ينفعها
زياد: يكش ايه. قوم ياض.
عز: والله ما انا رايح. خليها.
زياد: هتهون عليك
عز: ما انا هونت عليها تمشي وتسبني.
زياد: علشان زعلانه منك.
عز: وانا زعلان منها. ومن فضلك متقولش حاجه لماما وله بايا.
زياد: مش هقول. بس اكيد هيلاحظو اما يلاقوها مجتش البيت.
عز: هقولهم اي حاجه.
زياد: بطل عند وروح هات مراتك
عز: مش رايح يا زياد. واخرج واقفل النور معاك. عايز انام.
زياد: بجد
عز: والنبي الواد زين عنده حق مايتجوزش تاني. يلا بلا هم.
زياد: ايوه. هتنضم ليه. يبق واحد ارمل والتاني متساب.
حدف عليه الوساده ليضحك زياد ويخرج من الغرفه
عز: النور يا زفت.
دخل مره اخري واغلق النور. : ياكش ابو رجل مسلوخه يطلعلك
عز: هسلخه مع رجله. ??????.
مر اسبوع. والحال كما هو. وشمس سالت على جميله واخبرتها انه تغير جو...
فزاع وشمس وزياد جالسين معا
شمس: زيزو
ضحك ونظر إلى فزاع: شوف بدل ما بدات بزيزو يبق مرتك عايز تستدرجني
فزاع: اتحشم يا زفت واتكلم كويس.
زياد: احم. امرك يا كبير الهشاميه. قولي يا كبير. جرجريني في الكلام...
ضحكت شمس: والنبي انت شربات العايله.
زياد: والله ما في شربات غيرك انتي يا بطه.
فزاع: نهار ابوك اسود. بتعاكسها وانا قاعد.
زياد. بخوف مصطنع: والنيعمه ما حصل.
شمس: بس بقي. نتكلم في الجد.
فزاع نظر لها زياد ليجلس بجديه
زياد: احم. اتفضلي حضرتك
شمس: جميله فين
زياد: عند عبدالرحمن اخوها.
شمس: ليه
رفع يده: معرفش.
فزاع: كداب.
زياد: ربنا يسامحك يا حاج. انا هطلع اوضتي
شمس: لا يا زيزو. وحياتي
فزاع: انت هتتحيلي على الزفت ده. اجعد ياض. رد عليها كويس.
زياد: ما تسالي عز.
شمس: ما انا سالته وهو مش عايز يقولي وبيتهرب من سؤالي. بس انت الطيب وهتقولي لماما حبيبتك
زياد ضحك ضحكه بلهاء: اه انا الاهبل.
فزاع: زياد. اتكلم.
زياد: امرك يا كبير. هقولكم ومتقولوش لعز.
شمس: قول. سرك في بير
زياد: البير اللي امه لا إله الا الله بتشرب منه. اه عارفه.
فزاع: واد يا زياد قرفتنا ما تتكلم ياض
زياد: جميله وعز متخانقين
شمس: ايوه شوفت يا فزاع قولتلك.
زياد: بس
فزاع: كمل يا زفت. سبب الخناقه.
زياد: لا لحد كده ومقدرش.
فزاع: اتكلم يا زياد.
زياد: اصل الموضوع كبير.
شمس: قول بقي يا زياد. يمكن نقدر نحلها.
زياد: اما كانو في البحر الاحمر. كان عز في القريه وشاف، (حكي لهم زياد ما حدث)
شمس نظرت إلى فزاع: وهي فاكره انه خانها. هنعمل ايه
فزاع: عز ليه مفهماش الحقيقه
زياد: فاهمها وهي دماغها ناشفه. دي كمان قبل ما تدخل سمعه البت وهي بتقوله(اااه براحه)
فزاع: ما تتحشم يا ناقص.
زياد برجوله: ايه يا حاج. انا بقولكم اللي حصل.
شمس: والبت قالت كده ليه
زياد: علشان عز مسك ايدها جامد اما لمسته. وبعد كده وهي خارجه. قالتلها (كنت جامد اوي انهارده).
شمس: كان جامد في ايه
زياد: في.
لم يكمل كلامه ليجد ضربه على راسه.
زياد: اااه. ايه يا حاج بس.
فزاع: قليله التربيه. وانتي يا شمس. عم تسألي اسال غريبه.
شمس: يا فزاع ايدك تقيله على الولد.
زياد: وجعتني يا امي.
شمس: قلب امك يا حبيبي
فزاع: نهار ابوك اسود.
ركض سريعا من امامه. وصعد إلى غرفته وهو يضحك.
فزاع: في ايه يا شمس.
شمس: في ايه يا فزاع. مش فاهمه انت زعلان ليه..
فزاع: يعني هيكون جامد في ايه
نظرت له بعدم فهم. فزاع: تعالي نطلع فوق وانا اقولك
فتح عينها بصدمه. : ها. يا لهوووي.
فزاع: افهمتي دلوقيت
احمر وجهها. : ليها حق تزعل.
فزاع: شكلك مفهمتيش. تعالي نطلع وافهمك
شمس: يووه يا فزاع. فهمت
فزاع: لع.
ضحكت بدلع: استني بس نفكر هنحل المشكله دي ازاي.
فزاع: نفكر فوق.
ضحكت بخجل...
صعد إلى غرفته.
قمر: زيزو.
زياد: نعم يا قمري.
قمر: كلمت جميله وبتقولي انها مسافره مع عبدالرحمن القاهره
زياد: هو ده ينفع يعني. والله عز برئ
قمر: قولتلها والله بس انا حاسه ان عبدالرحمن بيكبر الموضوع في دماغها.
زياد: اممم. طيب هنعمل ايه لازم نلافي حل. لو سفرت الموضوع كده هيكبر. وعز واخد الموضوع كبرياء وكرامه. ومش راضي يروحلها. وهي دماغها ناشفه.
قمر: صعبانين عليا اووي.
زياد حضنها: وانا كمان، طيب فكري معايا نعمل ايه.
قبلته على خده...
شهد كانت تجلس امام الكتب. بحيره.
تشعر بالزهق. ارتدت السماعات على اذنها قد اعطاتها لها جميله لتساعدها على الاسترخاء.
شغلت بها موسيفي هادئه.
وجلست تنظر إلى الكتب مره اخري.
جاء الليل...
صعد زين إلى غرفتها ليطمان عليها. فهي مسؤله منه
طرق الباب كثيرا ولكنها لم تسمعه.
دخل ليجدها تجلس وترفع شعرها لاعلي
وضع يده عليها لتصرخ. وقعت من على الكرسي من الخوف.
امسك يدها ووقفت وهي تضع يدها على قلبها من الخوف.
زين: ايه. شوفتي عفريت.
شهد: حرام عليك. خوفتني
زين: خطبت كتير على الباب وانتي مفتحتيش مع اني سامع صوت علشان كده دخلت.
شهد: مسمعتش من السماعات
زين: انتي كويسه
شهد: الحمد لله. ضهري تقريبا اتكسر
ضحك زين. : من الشقلباظ اللي عملتيه
نظرت إلى ضحكته وضربات قلبها اسرعت مره اخري.
لتضع يدها على قلبها و تتنهد.
زين: مالك. انتي تعبانه.
نظرت للاسفل بحزن: لا. انا كويسه الحمد لله.
زين: في حاجه محتاجها
شهد: لا. شكرا
زين: عايزه تفهمي حاجه.
شهد: لا. شكرا
تنهد بسأم: كلتي
شهد: الحمد لله.
زين: محتاجه حاجه
شهد: شكرا
نفخ: بطلي تقولي شكرا. شكرا. كتير
شهد: حضرتك بتعرض عليا مساعدتك. اقولك ايه
زين: دي مش مساعده انتي مسؤله مني.
شهد: برضو اسمها مساعده. وعلى العموم بكره ان شاء الله اخلص دراستي و امشي.
زين: تمشي فين.
شهد: امشي اروح اي مكان اسكن فيه.
زين: ده بيتك يا شهد.
شهد بحزن: كتر خيرك
زين: افهمي انتي بقيتي واحده مننا و ماما بتعتبرك بنتها وبابا كمان واخواتي بيعتبروكي اختهم.
شهد نظرت له لما يضع نفسه معاهم.
زين: وانتي مسؤله مني. كاخت ليا
شهد كل يوم يجرح قلبها لن تصمت تريد ان تضايقه باي شئ.
شهد: اتشرف ان حضرتك تكون اخويا. بكره برضو ترتاح مني.
زين بابتسامه: ليه بتقولي ليه
شهد: يعني اكيد هتجوز وترتاح مني.
استغرب من كلامها: انتي لسه صغيره على الموضوع ده. اهم حاجه دلوقتي تركزي في دراستك وبس.
كانت تصرخ من داخلها ولكن من الخارج تقف ببرود
حركت راسها بالموافقه.
زين: كفايه مزاكره لحد كده. نامي وبكره كملي.
شهد: حاضر.
زين: تصبحي على خير
شهد: وانت من اهله.
خرج من الغرفه.
وضعت الوساده على وجههها وصرخت حتى لايسمعها احد..
مسحت دمعتها التي هربت منها. واغلقت النور.
ونامت على الفراش. حتى تهرب من افكارها.