رواية أولاد فزاع الجزء الثاني للكاتبة ياسمين علاء الدين الفصل الأول
كان يجلس في مكتبه يعمل على جهاز الكمبيوتر
جاءه اتصال. نظر إلى الهاتف ليجدها تتصل.
تنهد بزهق: الو
جميله: عز انت فين
عز ببرود: في مارينا
جميله: خفيف
عز: اتلمي يا جميله عايزه ايه
جميله: مش هتيجي
نظر إلى الساعه ليجد الوقت قد تاخر. : نامي انتي. انا عندي شغل. هتاخر
جميله: هتتاخر اكتر من كده ايه الساعه 10 بليل.
عز: اووف. انا زهقت. عندي شغل. حد قالك اني بلعب
جميله: انا غلطانه اني خايفه عليك.
اغلق الهاتف في وجهها لقد اصبحت ممله وتحب العراك.
بكت على حالها معه فهو اصبح لا يحبها كالسابق ويتهرب دائما منها.
صقر: ضحي. ضحي
خرجت من الغرفه: ششش. وطي صوتك الولاد نامو
صقر: قمر رجعت من المستشفي
ضحي: لا لسه. انهارده هتبات
صقر: تبات وهي عندها اطفال صغيرين ليه. وكل يوم على اكده.
ضحي: صقر. الولاد معانا. مش عند حد غريب
صقر: محتاجين يحسو بحنان امهم. مش كفايه ان زياد على طول مسافر.
ضحي: الولاد مالين عالينا البيت
صقر: انا مش مضايق من وجودهم معانا. بتكلم على الولاد انهم محتاجين امهم
ضحي: اما ترجع هتكلم معاها.
صقر: ماشي. رحيم كلمني وبيطمنك عليه
ضحي: ربنا يرجعه بالسلامه
صقر: يارب
رحيم ابن صقر وضحي. يدرس في كليه الشرطه).
زياد كان في بلد اجنبي اتصل على قمر ليطمان عليها
قمر: زيزو. واحشني
زياد: وانتي كمان يا قمري. الولاد عاملين ايه
قمر: بخير يا حبيبي. متشغلش بالك انت.
زياد: هترجعي البيت امتي
قمر: هخلص الساعه 6
زياد اتنهد: خلي السواق يوصلك للبيت وكلميني
قمر: اوكي حبيبي
زياد: انا مش عايز ازعلك. بس مينفعش طول ما انا مسافر انتي اللي تمسكي الورديه بتاعت بليل. الولاد ليهم حق عليكي.
قمر: زياد ده شغلي. وكمان انا بكون زهقانه وانت مش في البيت
زياد: الولاد ليهم حق عليكي.
قمر: يوووه يا زياد هنفضل نتكلم كتير في الموضوع ده
زياد: اه. من حقي اما اشوفك بتعملي غلط اقولك
قمر: مش غلط انا دكتوره وبشوف شغلي
زياد: وهي كل دكتوره بتعمل كده زيك
قمر: اه فيه
زياد: انا مصدع ومش قادر اتكلم. سلام
قمر: سلام
اغلق الهاتف وهو حزين، تنهدت قمر لا تحب ان يزعل منها. ولكن لا يفهم انها تحب مهنتها كطبيبه.
زين عاد إلى البيت في وقت متاخر. صعد إلى غرفته
خلع الجاكت ليجد الباب اتفتح يعلم من
ادار وجهه لينصدم به: بابا
فزاع بجديه: كنت فين
زين: كنت بره
فزاع. : زين
زين: كنت سهران مع اصحابي. خلصت شغل وروحت اغير جو
فزاع: وهتفضل كتير في حالتك دي.
زين: مالها حالتي انا مرتاح كده
فزاع: انت مش مرتاح يا زين
زين: لا بالعكس
فزاع: كمان امك زعلانه عشانك. وانت عارف كله الا زعل شمس.
زين: امي هتفضل تشيل همنا لحد امتي. احنا كبرنا وبقينا رجاله
فزاع: مكبرتوش علينا. في نظرنا لساتكم صغيرين
اخفض زين راسه فقد تعب من التحدث في هذا الحوار. لن يتزوج مره اخري. منذ وفاه نور وهو اغلق هذا الموضوع نهائيا.
وضع فزاع يده على كتف ابنه: زين انت ابني وانا يهمني انك تكون مرتاح. احنا بنتكلم في مصلحتك
زين: انا مش عايزكم تقلقو. انا كويس
فزاع: ماشي يا بني. خلي بالك من نفسك
زين: حاضر يابابا.
قبل يد والده. وخرج فزاع من الغرفه
ليجد شمس امامه. ابتسم وضمها وذهبو إلى غرفتهم.
جلس زين في الغرفه يفكر في الابتعاد عن المنزل.
يريد ان يستقر بحياته فقد تعب من كثره التحدث في هذا الامر. لقد اصبح في 29 عام وما زالت امه تقلق عليه
اكمل تبديل ملابسه وجلس على الفراش.
فزاع: مش قولتلك ارتاحي
شمس: وانت عارف مش بعرف انام غير اما اطمن عليهم
فزاع: هما كويسين.
شمس: عز اتاخر
فزاع: كلمته وجاي في الطريق.
شمس: ماشي.
فزاع: بحبك
ابتسمت شمس: وانا بموت في حبك
سمع صوت السياره: ده اكيد عز.
شمس: انا هنزله
فزاع: اقعدي يا شمس ربنا يهديكي. اقعدي وارتاحي وسبيني اتعامل ومع العيال دي
شمس: طيب براحه عليهم
خرج من الغرفه وهو يتمتم مش هتتغيري ابدا.
صعد على السلم ليجد ابيه امامه
اقترب وقبل يده: حبيبي عامل ايه
فزاع: اتاخرت كل ده ليه
عز: الشغل يا بابا انت عارف
فزاع: شغل كل ده الساعه 12. كان ممكن تكمل بكره
عز: انت عارف مش بحب اجل اللي واريا. وحضرتك من وقت اما سبت الشركه ليا انا وزين واحنا بنحاول نكبرها
فزاع: وكبرتوها يا عز. اخوك ماسك فرع وانت فرع. بس بدنك ليها حق عليك. ومراتك ليها حق عليك. واولادك
ابتسم عز في وجهه ابيه لن يقدر ان يعترض عليه.
عز: حاضر يا بابا. بعد كده مش هتاخر
فزاع: ربنا يهديك يا عز يا بني. اطلع على اوضتك
عز: تصبح على خير. قبل يده مره اخري.
وصعد لغرفه اولاده اولا
دخل بهدوء. ليجد تؤامه نائمين.
ذهب إلى سرير اياد الصغير ليجده كالملاك نائم بهدوء
قبله في راسه. وذهب إلى سرير ابنه الاخر اسر ليجده نائم
نظر اليهم وتذكر اول مره حملهم بين يديه كان يشعر بالسعاده عمرهم الان الاربع سنوات. فقد حملت جميله في اخر سنه جامعيه.
دخل إلى غرفته ليجدها تجلس بحزن وملامح البكاء على وجهها
نفخ في غضب. تمني ان ترجع كما كانت تبتسم عند رؤيته وتضحك. لكن هناك فجوه بينهم
عز: السلام عليكم
جميله. نظرت له ولم ترد
عز: مش بتسمعي كمان. نكديه
جميله بدموع: لم نفسك
عز: هتطولي لسانك تاني.
تركته وهمت لتخرج من الغرفه ليمسك يدها. فتاوهت بوجع
عز: على فين
جميله: هنام مع الولاد
عز: نامي هنا
جميله: لا.
عز وهو يشد على قبضه يده لتتالم اكتر: اسمعي الكلام بقي. الولاد ملهمش ذنب يعرفو ان في مشكله مابينا
جميله: ايدي
ترك يدها: قولتلك ميت مره متعصبنيش. مش بشوف قدامي
جميله ؛ انت اللي جاي من بره بتتخانق
عز: جاي بعد يوم شغل طويل ومرهق واجي القيكي كده بالمنظر ده.
جميله: ومالي بقي
عز: حزينه وكئيبه. اضحكي ابتسمي. اعملي اي حاجه. غيري من نفسك.
جميله: انا مش عجباك طلقني
عز وهو يصك على اسنانه: اخرسي.
جميله. : طلقني. انا بقيت وحشه وكئيبه. طلقني هترتاح
تنهد: مفيش طلاق وادخلي نامي. يلا
جميله بعند: مش هنام وهتطلقني بقي
صرخ بوجهها: على السرير حالا
لتركض من امامه وتصعد على السرير وهي تبكي
عز: مسمعش صوتك. مش هعرف احكم عليكي وله ايه
وضعت يدها على فمها لتمنع صوت شهاقتها
دخل إلى الحمام. اخذ حماما دافئ. وخرج
نظر اليها ليجدها نائمه ودموعها على خدها.
نظر اليها بحزن فقد تعب من حالتها هذه. صعد بجوارها وراح في النوم.
في الصباح كان فزاع وشمس على رأس المائده وبجوارهم عز وجميله وتؤامهم أياد واسر
يتناولون الافطار في صمت
وزين امامهم.
فزاع: فضو نفسكم يوم الجمعه هنروح فيلا البحر الاحمر كلنا
ابتسمت جميله والاطفال فرحو
عز: روحو انتم
زين: و انا مش فاضي
فزاع: انا قولت كلنا يعني كلنا
شمس نظرت له برجاء ليهدا: بقالنا كتير مقضناش يوم عائلي. دي احسن فرصه. زياد هيكون هنا كمان.
صمت الجميع. ولم يعترضو
دخل عارف السواق والمساعد لفزاع.
عارف: السلام عليكم
الجميع: وعليك السلام
فزاع: اقعد يا عارف. افطر
عارف: الحمد لله يا بيه سبقتك
فزاع: خير يا عارف
عارف: في خلاف في البلد وشكل الموضوع هيكبر
وقف فزاع بجلبابه الصعيدي وبيده العكاز
امسكت شمس يده ما زالت تخاف عليه. ليضع يده على يدها يطمانها
فزاع: روح انت جهز العربيه انا جاي وراك
خرج عارف. ليضم فزاع شمس بحنيه
فزاع: بقالك 30 سنه معاي ولساتك بتخافي زي ما انتي
شمس: وهفضل اخاف عليك لاخر نفس ليا.
ابتسم الجميع على حبهم.
فزاع: عتضحكو على ايه انتم.
زين وهو مبتسم: بابا ما كفايه حل مشاكل البلد لحد كده. مشاكلهم مش بتخلص
فزاع باقتضاب: واقعد في البيت اياك
زين: مش قصدي بس حضرتك بتتعب معاهم اوي
فزاع: بلدي. وعيله الهاشمي اكبر عائله في قنا كلتها وانا كبير البلد وهفضل كبيرها واحل مشاكلها لاخر يوم في عمري
شمس بتسرع: ربنا يديك الصحه وطول العمر
وقف زين وقبل يد والده: اسف يا بابا. بس خايف عليك.
فزاع. : متخفش ابوك الكبير و لسه معجزتش اوي اكده
زين: ربنا يديلك الصحه
عز بحب: حبيبي ربنا يباركلنا فيك
فزاع: ويبارك فيكم ويهديكم.
خرج من المنزل.
زين: انا همشي.
شمس: خلي بالك من نفسك
قبل يدها وراسها: حاضر. مع السلامه
عز: انا كمان همشي
شمس: اقعد
عز: في حاجه
نظر إلى الاطفال: سناء.
سناء: نعم
شمس: خدي الاولاد يلعبو بره
سناء: حاضر.
خرجت مع الاطفال. علم عز ماذا تريد
عز: ماما. انا مش فاضي للكلام ده
شمس: هشش. اقعد واسمع.
اما جميله فكانت صامته لم تتحدث
شمس: قالبين وشكم ليه في وش بعض. انتم تقريبنا مش بتتكلمو
جميله بكت بدموع. لينظر لها بنظره لافائده
شمس: انتي عارفه انك بنتي وزيك زي عز. ايه المشكله
جميله: تعبت والله يا ماما
عز: يا شيخه. انتي اللي تعبتي
جميله: شوفتي. هو على طول كده
عز: وانتي على طول كده. نكد وعياط وحاجه قرف
جميله: انا قرف. طلقني وارتاح من القرف ده
عز: انطقيها تاني. علشان هتلاقي وشك ده باظ.
شمس بصرمه: عز. انت اتجننت. وانتي كمان مش عقله خالص. اما قاعده وبتتكلمو كده قدامي. من ورايا بتعملو ايه
جميله: اسفه يا ماما. بس انا بتعبت من اسلوبه
عز: اسف بس خلاص جبت اخري
شمس: . انتم فاكرين نفسكم لوحدكم. مفيش اطفال ما بينكم. لازم تغيرو طريقتكم دي. عشان نفسكم.
صمت الاثنان.
شمس: عز انا عارفه انك بتحب جميله يا حبيبي حاول تلاقي طريقه غير دي تتكلم معاها. عارف فزاع اما كان يزعلني مطنش بينام غير اما يصالحني. عمره ما كان ده بيقل منه. بالعكس كانت غلاوته بتكبر في قلبي
عز: يا ماما حاولت معاها كذا مره. قولتلها اما تشوفني متعيطش وتقلب وشها في وشي. بتخنق ومفيش فايده فيها تعبت كلام معاها.
شمس: حبيبي انت الراجل. شوف ايه اللي بيضايقها واتفاهم معاها بالعقل. هتكسب حبها واهتمامها. والاهم ولادك يحسو انكم متفاهمين.
عز رفع يده باستسلم: حاضر ممكن امشي لاني اتاخرت اوي
شمس: ربنا معاك يا حبيبي. في امان الله
قبل راسها. لتبتسم له وخرج
نظرت إلى جميله التي تبكي: قومي اغسلي وشك وتعالي
غسلت وجهه وخرجت لتجلس مع شمس
شمس. : جميله انتي بتحبي عز
جميله: طبعا بحبه.
شمس: ليه متحاوليش تصلحي الامور ما بينكم.
جميله: حاولت يا ماما كذا مره. وهو على طول بعيد. مش بيقعد معانا. الشغل عنده اولي اهتمامته وانا ذهقانه. حاسه اني مخنوقه. حياتي كلها اولاد وبس
شمس: مش عيب ان الست حياتها تكون لاولدها.
جميله: بس انا زهقت
شمس: طيب زهقتي. عز ذنبه ايه
صمتت جميله ولم تجيب
شمس: مش بتكلم عشان هو ابني. بس انتي لازم تغير من نفسك. علشانك وعلشان اولادك كمان.
تعالي يا بنتي ننزل نروح النادي مع الولاد يغيرو جو ونشتركلهم في رياضه. يعني ابوهم واعمامهم كانو بيحبو الخيل. والكوره. شوفي اهتمامتهم ايه ونميها
اقري. اكتبي ارسمي ارقصي. اعملي اي حاجه بتحبيها تطلعك من موود الكئيب ده. غيري لون شعرك قصيه
جددي في نفسك يا بنتي هتفرق في نفسيتك وكمان هتشدي جوزك ليكي.
جميله: حاضر.
شمس: حبيبتي انتي. اتصلي بعز وقوليلو اننا هننزل مع بعض. وتعالي نشتري شويه حاجات جديده ونعمل نيو لوك
ضحكت جميله ووقفت لتقبل شمس. و صعدت لغرفتها لتبدل ملابسها
شمس: ربنا يهديكم يا ولاد يارب.