رواية أنت عشقي الوحيد للكاتبة فاطمة حمدي الفصل الخامس عشر
ﺻُﺪﻡ ﺗﺎﻣﺮ ﺣﻴﻦ ﻗﺎﻝ ﻟﻪ ﺍﻟﻄﺒﻴﺐ ﺑﺂﺳﻒ:
- ﺍﻟﻤﺪﺍﻡ ﻋﻨﺪﻫﺎ ﻋﻘﻢ ﻟﻶﺳﻒ ﺍﻟﺸﺪﻳﺪ
ﺷﻌﺮ ﺗﺎﻣﺮ ﺑﻮﻏﺰﻩ ﻓﻲ ﻗﻠﺒﻪ ﻭﻟﻜﻨﻪ ﻗﺎﻝ ﺑﻬﺪﻭﺀ ﺣﺰﻳﻦ:
- ﻭﺍﻟﺤﻞ ﺍﻳﻪ؟
ﻧﻈﺮ ﻟﻪ ﺍﻟﻄﺒﻴﺐ ﻟﺒﺮﻫﻪ ﻭﺗﺎﺑﻊ ﻗﺎﺋﻼ ﺑﻬﺪﻭﺀ: ﺍﻟﺤﻞ ﻓﻲ ﺇﻳﺪ ﺭﺑﻨﺎ ﻳﺎ ﻓﻨﺪﻡ ﻓﻲ ﺍﻟﺤﺎﻟﻪ ﺩﻱ ﺭﺑﻨﺎ ﻫﻮ ﺍﻟﻘﺎﺩﺭ ﻋﻠﻲ ﺣﻤﻠﻬﺎ ﻭﺃﻧﺎ ﺃﻋﺠﺰ ﻋﻦ ﻋﻼﺟﻬﺎ، ﺣﺘﻲ ﺍﻟﺤﻘﻦ ﺍﻟﻤﺠﻬﺮﻱ ﻻ ﻳﺼﺢ ﻓﻲ ﺍﻟﺤﺎﻟﻪ ﺩﻱ.
ﺗﺮﻗﻘﺖ ﺍﻟﻌﺒﺮﺍﺕ ﻓﻲ ﻋﻴﻦ ﻫﻨﺎ ﺍﻟﺘﻲ ﻛﺎﻧﺖ ﺗﻘﻒ ﻓﻲ ﺻﺪﻣﻪ ﺟﻠﻴﻪ ﺷﻌﺮﺕ ﺑﺎﻟﻀﻴﺎﻉ ﻭﺍﻵﻻﻡ ﺗﻨﻐﺰ ﺑﻬﺎ ﻣﻦ ﺟﻤﻴﻊ ﺍﻷﻧﺤﺎﺀ، ﻧﻈﺮﺕ ﺇﻟﻲ ﺯﻭﺟﻬﺎ ﺑﻌﺪﻡ ﺗﺼﺪﻳﻖ،.
ﺑﻴﻨﻤﺎ ﻫﺐ ﺗﺎﻣﺮ ﻭﺍﻗﻔﺎً ﻭﺃﺳﺮﻉ ﻟﻴﺠﺬﺑﻬﺎ ﻭﻳﺤﺘﻀﻨﻬﺎ ﺑﻘﻮﻩ ﻭﺍﻟﻌﺒﺮﺍﺕ ﺗﺤﺘﺒﺲ ﻓﻲ ﻋﻴﻨﻴﻪ ﺗﺮﻳﺪ ﺃﻥ ﺗﻨﻬﻤﺮ ﺑﻘﻮﻩ، ﻭﻓﻴﻤﺎ ﺃﺟﻬﺸﺖ ﻫﻨﺎ ﻓﻲ ﺍﻟﺒﻜﺎﺀ ﺍﻟﻤﺮﻳﺮ، ﺗﻌﺎﻟﺖ ﺷﻬﺎﻗﺘﻬﺎ ﻓﻲ ﺃﺣﻀﺎﻥ ﺯﻭﺟﻬﺎ ﺍﻟﺬﻱ ﻛﺎﻥ ﻳﺸﻌﺮ ﺑﺎﻟﻀﻴﺎﻉ ﻓﻘﻂ ﻟﻢ ﻳﻜﻦ ﺃﺑﺎ ﻭﻟﻢ ﺗﻜﻦ ﺯﻭﺟﺘﻪ ﺃﻣﺎ ﻟﻴﺲ ﺃﻣﺮﺍ ﻫﻴﻨﺎ ﺑﺎﻟﺘﺄﻛﻴﺪ ﻫﻮ ﻣﺆﻟﻤﺎ ﻟﻠﻐﺎﻳﻪ ﻭ ﻟﻸﺛﻨﺎﻥ ﻫﻮ ﺃﻣﺮ ﺻﻌﺐ ﺗﺤﻤﻠﻪ...
ﺭﻓﻌﺖ ﻋﻴﻨﻴﻬﺎ ﺍﻟﺪﺍﻣﻌﻪ ﻟﻪ ﻓﻲ ﺣﺰﻥ ﺷﺪﻳﺪ ﻭﻗﺎﻟﺖ ﺑﺼﻮﺕ ﻣﻨﺘﺤﺐ:
- ﻣﺶ ﻫﺒﻘﻲ ﺃﻡ ﻳﺎﺗﺎﻣﺮ ﻣﺶ ﻫﺒﻘﻲ ﺃﻡ.
ﺇﺑﺘﻠﻊ ﺭﻳﻘﻪ ﺑﺼﻌﻮﺑﻪ ﺑﺎﻟﻐﻪ، ﻭﺟﺎﻫﺪ ﻓﻲ ﺣﺒﺲ ﺍﻟﻌﺒﺮﺍﺕ ﺍﻟﺘﻲ ﺗﺤﺘﺒﺲ ﻓﻲ ﻋﻴﻨﺎﻩ ﻟﻴﻘﻮﻝ ﺑﻨﺒﺮﻩ ﺣﺰﻳﻨﻪ ﻣﺤﺎﻭﻻ ﺍﻟﺘﻬﻮﻳﻦ ﻋﻠﻲ ﺻﻐﻴﺮﺗﻪ:
ﺇﻫﺪﻱ ﻳﺎ ﻫﻨﺎ ﻣﻔﻴﺶ ﺣﺎﺟﻪ ﺑﻌﻴﺪﻩ ﻋﻠﻲ ﺭﺑﻨﺎ، ﺛﻢ ﻣﺴﺢ ﺩﻣﻮﻋﻬﺎ ﺑﺄﻧﺎﻣﻠﻪ ﻭﻫﻮ ﻳﻘﻮﻝ ﺑﺼﻮﺕ ﻣﺨﺘﻨﻖ: ﻳﻼ ﻳﺎ ﻫﻨﺎ ﻳﻼ ﻧﻤﺸﻲ
ﺃﻣﺴﻚ ﻛﻒ ﻳﺪﻫﺎ ﻭﺳﺎﺭ ﺑﻬﺎ ﺇﻟﻲ ﺍﻟﺨﺎﺭﺝ ﻭﻛﻞ ﻣﻨﻬﻤﺎ ﻳﺘﺄﻟﻢ ﻛﻞ ﻣﻨﻬﻤﺎ ﻗﻠﺒﻪ ﻳﺘﻤﺰﻕ ﻭﺟﻌﺎً، ﺍﻷﺛﻨﺎﻥ ﻓﻲ ﺣﺎﻟﻪ ﻳﺮﺛﻲ ﻟﻬﺎ.
ﺑﻌﺪ ﻗﻠﻴﻞ ﺃﻏﻠﻖ ﺍﻟﺒﺎﺏ ﻭﺩﻟﻔﺎ ﺇﻟﻲ ﺍﻟﺪﺍﺧﻞ، ﺟﻠﺴﺖ ﻫﻨﺎ ﻋﻠﻲ ﺃﻗﺮﺏ ﻣﻘﻌﺪ ﻭﻣﺎﺯﺍﻟﺖ ﺍﻟﺪﻣﻮﻉ ﺗﻨﻬﻤﺮ ﻣﻦ ﻋﻴﻨﻴﻬﺎ ﺑﻐﺰﺍﺭﻩ ﻟﻢ ﺗﺘﺨﻴﻞ ﺃﻧﻬﺎ ﻟﻢ ﺗﻜﻦ ﺃﻡ ﻷﻃﻔﺎﻻً ﺻﻐﺎﺭ ﺗﺮﺑﻴﻬﻢ ﻭﺗﻤﺮﺡ ﻣﻌﻬﻢ ﺛﻢ ﻳﻨﻀﺠﻮﺍ ﻭﻳﺼﺒﺤﻮﺍ ﺳﻨﺪﺍ ﻟﻬﺎ ﻭﻷﺑﻴﻬﻢ، ﻓﺎﻷﻭﻻﺩ ﻫﻢ ﺭﺳﺎﻟﻪ ﻛﻞ ﺯﻭﺟﻴﻦ ﻓﻲ ﺍﻟﺤﻴﺎﻩ، ﻭﺑﺪﻭﻧﻬﻢ ﺍﻟﺤﻴﺎﻩ ﺗﺼﺒﺢ ﻻ ﻃﻌﻢ ﻟﻬﺎ ﻭﻻ ﻟﻮﻥ! ﻭﻗﺎﻝ ﺗﻌﺎﻟﻲ ﺍﻟﻤﺎﻝ ﻭﺍﻟﺒﻨﻮﻥ ﺯﻳﻨﺔ ﺍﻟﺤﻴﺎﺓ ﺍﻟﺪﻧﻴﺎ ﺇﺫﺍ ﻓﻬﻢ ﺯﻳﻨﻪ ﻟﻠﺤﻴﺎﻩ ﻭﻟﻜﻦ ﻋﻠﻴﻨﺎ ﺃﻥ ﻻ ﻧﻴﺄﺱ ﻓﺈﺫﺍ ﻗﺎﻝ ﺃﻟﻒ ﻃﺒﻴﺐ ﺃﻥ ﻣﻦ ﺭﺍﺑﻊ ﺍﻟﻤﺴﺘﺤﻴﻼﺕ ﺃﻥ ﺗﺼﺒﺤﻲ ﺃﻡ، ﺗﺬﻛﺮﻱ ﺃﻥ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻲ ﻗﺎﻝ ﻓﻲ ﻛﺘﺎﺑﻪ ﺍﻟﻌﺰﻳﺰ ﺑﺪﻳﻊ ﺍﻟﺴﻤﺎﻭﺍﺕ ﻭﺍﻷﺭﺽ ﻭﺇﺫﺍ ﻗﻀﻲ ﺍﻣﺮﺍ ﻓﺎﻧﻤﺎ ﻳﻘﻮﻝ ﻟﻪ ﻛﻦ ﻓﻴﻜﻮﻥ ﻓﻼ ﻧﻴﺄﺱ ﻣﻬﻤﺎ ﻛﺎﻥ ﺍﻷﻣﺮ!
ﺟﻠﺲ ﺗﺎﻣﺮ ﺟﻮﺍﺭﻫﺎ ﻭﻫﻮ ﻳﻘﻮﻝ ﺑﺘﻬﻮﻳﻦ: ﻫﻨﺎ ﺣﺒﻴﺒﺘﻲ ﻛﻞ ﺷﺊ ﻓﻲ ﺇﻳﺪ ﺭﺑﻨﺎ ﻭﺩﻣﻮﻋﻚ ﻭﺣﺰﻧﻚ ﻣﺶ ﻫﻴﻌﻤﻠﻮﺍ ﺣﺎﺟﻪ ﺃﻧﺘﻲ ﺍﻟﻲ ﻫﺘﺘﻌﺒﻲ ﻓﻲ ﺍﻷﺧﺮ
ﺣﺮﻛﺖ ﺭﺃﺳﻬﺎ ﻧﺎﻓﻴﻪ ﻭﺗﺎﺑﻌﺖ ﻗﺎﺋﻠﻪ ﺑﻀﻴﺎﻉ: ﺃﻧﺎ ﻋﻤﺮﻱ ﻣﺎ ﻫﻜﻮﻥ ﺃﻡ ﻳﺎ ﺗﺎﻣﺮ ﻣﺶ ﻫﻴﻜﻮﻥ ﻋﻨﺪﻱ ﺃﻃﻔﺎﻝ ﻣﺶ ﻫﻘﺪﺭ ﺃﺳﻌﺪﻙ ﻭﺃﺟﺒﻠﻚ ﺃﻃﻔﺎﻝ ﻳﺎ ﺗﺎﻣﺮ
ﺃﻣﺴﻚ ﻳﺪﻳﻬﺎ ﻭﻫﻮ ﻳﻘﻮﻝ ﺑﺠﺪﻳﻪ: ﺧﻼﺹ ﻳﺎ ﻫﻨﺎ ﻣﺶ ﻋﺎﻳﺰ ﻣﺶ ﻋﺎﻳﺰ ﺃﻃﻔﺎﻝ ﻳﺎ ﻫﻨﺎ، ﻛﻔﺎﻳﻪ ﺃﺭﺟﻮﻛﻲ
ﺗﻮﻗﻔﺖ ﻋﻦ ﺍﻟﺒﻜﺎﺀ ﻟﺘﺮﺩﻑ ﻗﺎﺋﻠﻪ ﺑﺜﺒﺎﺕ:.
- ﺃﻧﺎ ﻋﻤﺮﻱ ﻣﺎ ﻫﺴﻤﺢ ﺃﺑﺪﺍ ﻣﻴﻜﻨﺶ ﻋﻨﺪﻙ ﺃﻃﻔﺎﻝ ﻭﺗﺘﺤﺮﻡ ﻣﻨﻬﻢ ﺑﺴﺒﺒﻲ، ﺃﻧﺎ ﻣﻮﺍﻓﻘﻪ ﺗﺘﺠﻮﺯ ﻳﺎ ﺗﺎﻣﺮ ﺇﺗﺠﻮﺯ ﺍﻟﻠﻪ ﻳﺨﻠﻴﻚ ﻭﺭﻳﺤﻨﻲ ﺧﻼﺹ ﺃﻧﺎ ﻣﻔﻴﺶ ﻣﻨﻲ ﺃﻣﻞ
ﺃﻏﻠﻖ ﻋﻴﻨﺎﻩ ﺑﻀﻴﻖ ﺛﻢ ﻗﺎﻝ ﺑﺎﻧﻔﻌﺎﻝ: ﺣﺮﺍﻡ ﻋﻠﻴﻜﻲ ﻳﺎ ﻫﻨﺎ ﺃﻧﺎ ﻣﺶ ﻧﺎﻗﺺ ﺍﻟﻲ ﻓﻴﺎ ﻣﻜﻔﻴﻨﻲ ﺑﻼﺵ ﺗﻌﺼﺒﻴﻨﻲ ﺃﻛﺘﺮ
ﻛﺎﺩﺕ ﺃﻥ ﺗﺘﺤﺪﺙ ﻭﻟﻜﻨﻪ ﻗﺎﻃﻌﻬﺎ ﻭﻫﻮ ﻳﻨﻬﺾ ﻭﻳﻘﻮﻝ ﺑﻌﺼﺒﻴﻪ: ﻛﻔﺎﻳﻪ ﻛﻔﺎﻳﻪ ﻳﺎ ﻫﻨﺎ ﺍﺭﺣﻤﻴﻨﻲ ﺑﻘﺎ، ﺛﻢ ﺇﺗﺠﻪ ﺇﻟﻲ ﺍﻟﺸﺮﻓﻪ ﻭﻫﻮ ﻓﻲ ﺃﺷﺪ ﻏﻀﺒﻪ ﺑﻴﻨﻤﺎ ﻇﻠﺖ ﻫﻲ ﺗﺒﻜﻲ ﺑﺄﻟﻢ ﻭﺗﺸﻬﻖ ﺑﻤﺮﺍﺭﻩ...
ﻭﻓﻲ ﺣﻴﻦ ﻭﻗﻒ ﺗﺎﻣﺮ ﻓﻲ ﺍﻟﺸﺮﻓﻪ، ﻟﻴﺼﺮ ﻋﻠﻲ ﺃﺳﻨﺎﻧﻪ ﺑﻐﻀﺐ ﺷﺪﻳﺪ ﺣﺪﻕ ﻓﻲ ﺍﻟﻔﺮﺍﻍ ﻟﺘﻨﺴﺎﺏ ﺩﻣﻌﻪ ﺣﺎﺭﻗﻪ ﻣﻦ ﻋﻴﻨﻪ، ﻭﻷﻭﻝ ﻣﺮﻩ ﺗﻨﺴﺎﺏ ﺍﻟﺪﻣﻮﻉ ﻣﻦ ﻋﻴﻨﻴﻪ ﺇﻧﻬﻤﺮﺕ ﺑﺸﺪﻩ ﺩﻣﻌﻪ ﺗﻠﻮ ﺍﻷﺧﺮﻱ ﻳﺒﻜﻲ ﻗﻠﺒﻪ ﻗﺒﻞ ﻋﻴﻨﻪ، ﺇﺯﺩﺭﺩ ﺭﻳﻘﻪ ﺑﻤﺮﺍﺭﻩ ﻭﺟﻠﺲ ﻋﻠﻲ ﺍﻟﻤﻘﻌﺪ ﺗﺎﺭﻛﺎ ﻟﻠﻬﻮﺍﺀ ﻳﻠﻔﺢ ﻭﺟﻬﻪ ﺭﺍﻓﻌﺎً ﻟﻪ ﺇﻟﻲ ﺍﻟﺴﻤﺎﺀ ﻭﻗﻠﺒﻪ ﻳﺪﻋﻲ ﻭﻳﺘﻤﻨﻲ ﻣﻦ ﺍﻟﻠﻪ ﺃﻥ ﻳﻜﻮﻥ ﻟﻪ ﺫﺭﻳﻪ ﺻﺎﻟﺤﻪ ﻓﻲ ﻫﺬﻩ ﺍﻟﺪﻧﻴﺎ، ﻭﺃﻻ ﻳﻌﻴﺶ ﻭﺣﻴﺪﺍً، ﻭﺑﻴﻨﻤﺎ ﺩﻟﻔﺖ ﻫﻨﺎ ﺧﻠﻔﻪ ﻟﺘﺘﻔﺎﺟﺊ ﺑﻪ ﻳﺒﻜﻲ ﻭﻷﻭﻝ ﻣﺮﻩ ﺗﺮﺍﻩ ﻋﻠﻲ ﻫﺬﻩ ﺍﻟﺤﺎﻟﻪ ﺍﻟﺒﺎﺋﺴﻪ ﻓﺈﻗﺘﺮﺑﺖ ﻣﻨﻪ ﻭﻫﻲ ﺗﻘﻮﻝ ﺑﺂﺳﻲ: ﺗﺎﻣﺮ!
ﺇﻋﺘﺪﻝ ﺗﺎﻣﺮ ﻓﻲ ﺟﻠﺴﺘﻪ ﻭﺟﻔﻒ ﺩﻣﻮﻋﻪ ﺳﺮﻳﻌﺎ ﺑﺄﻧﺎﻣﻠﻪ ﻭﺣﺎﻭﻝ ﺃﻥ ﻳﺘﻼﺷﻲ ﺍﻟﻨﻈﺮ ﺇﻟﻴﻬﺎ، ﻓﻲ ﺣﻴﻦ ﺟﺜﺖ ﻫﻨﺎ ﻋﻠﻲ ﺭﻛﺒﺘﻴﻬﺎ ﻭﺃﻣﺴﻜﺖ ﻛﻒ ﻳﺪﻩ ﻟﺘﻘﻮﻝ ﺑﺤﺰﻥ:
- ﺃﻧﺎ ﺁﺳﻔﻪ ﻭﺍﻟﻠﻪ ﺁﺳﻔﻪ ﻣﺶ ﺑﺎﻳﺪﻱ، ﺃﻧﺎ ﺑﻤﻮﺕ ﻣﻦ ﺟﻮﺍﻳﺎ ﻋﺸﺎﻥ ﻣﺶ ﻗﺎﺩﺭﻩ ﺃﺳﻌﺪﻙ
ﺃﺧﺬ ﻧﻔﺴﺎً ﻗﻮﻳﺎً ﻭﻣﻦ ﺛﻢ ﻧﻈﺮ ﻟﻬﺎ ﻟﻴﻘﻮﻝ ﺑﻬﺪﻭﺀ: ﻣﺶ ﺫﻧﺒﻚ ﻳﺎ ﻫﻨﺎ ﻋﺸﺎﻥ ﺗﺘﺄﺳﻔﻲ ﻭﻻ ﺫﻧﺒﻲ ﺩﻱ ﺇﺭﺍﺩﻩ ﺭﺑﻨﺎ ﻭ...
ﻗﺎﻃﻌﺘﻪ ﻟﺘﻘﻮﻝ ﺑﺄﺻﺮﺍﺭ: ﻭﺃﻧﺎ ﻣﺶ ﻫﺮﺗﺎﺡ ﺇﻻ ﻟﻤﺎ ﺗﺘﺠﻮﺯ ﻭﺗﺒﻘﻲ ﺃﺏ ﺳﺎﻋﺘﻬﺎ ﺃﻧﺎ ﻫﻜﻮﻥ ﻓﺮﺣﺎﻧﻪ ﺃﻭﻱ ﺻﺪﻗﻨﻲ ﻳﺎﺗﺎﻣﺮ.
ﻛﺎﺩ ﺃﻥ ﻳﻨﻔﻌﻞ ﻣﺮﻩ ﺛﺎﻧﻴﻪ ﻭﻟﻜﻨﻬﺎ ﺃﺳﺮﻋﺖ ﻭﻭﺿﻌﺖ ﻛﻒ ﻳﺪﻫﺎ ﻋﻠﻲ ﻓﻤﻪ ﻟﺘﻘﻮﻝ ﺑﺒﻜﺎﺀ: ﺃﺭﺟﻮﻙ ﺇﺳﻤﻌﻨﻲ ﻳﺎﺗﺎﻣﺮ ﻻﺯﻡ ﺗﻜﻮﻥ ﺃﺏ، ﻻﺯﻡ ﻳﻜﻮﻥ ﻟﻴﻚ ﺳﻨﺪ ﻓﻲ ﺍﻟﺪﻧﻴﺎ ﻋﻠﻲ ﺍﻷﻗﻞ ﺃﻧﺎ ﻟﻴﺎ ﺳﻨﺪ ﻭﻫﻮ ﺃﻧﺖ ﺑﻌﺪ ﺭﺑﻨﺎ ﻟﻜﻦ ﺃﻧﺖ ﺣﺘﻲ ﻣﻠﻜﺶ ﺃﺥ ﻳﺒﻘﻲ ﻻﺯﻡ ﻳﻜﻮﻥ ﻋﻨﺪﻙ ﺃﻭﻻﺩ ﺃﻧﺎ ﻋﺎﺭﻓﻪ ﺇﻧﺖ ﺑﺘﺤﺐ ﺍﻷﻃﻔﺎﻝ ﺍﺩ ﺍﻳﻪ ﻭﺃﺑﻘﻲ ﺃﻧﺎﻧﻴﻪ ﺃﻭﻱ ﻟﻮ ﺣﺮﻣﺘﻚ ﻣﻨﻬﻢ.
ﺃﺯﺍﺡ ﻳﺪﻫﺎ ﻋﻦ ﻓﻤﻪ ﺑﻬﺪﻭﺀ ﻭﻗﺎﻝ ﺑﻨﺒﺮﻩ ﺣﺰﻳﻨﻪ: ﻫﺘﺘﻌﺒﻲ ﻳﺎ ﻫﻨﺎ، ﻫﺘﺘﻌﺒﻲ ﺃﻭﻱ ﻟﻮ ﻋﻤﻠﺖ ﻛﺪﻩ ﻭﺃﻧﺎ ﻛﻤﺎﻥ ﻣﺶ ﻫﺘﻌﺐ ﺑﺲ ﻻﺀ ﺃﻧﺎ ﻫﻤﻮﺕ ﻟﻮ ﺑﻘﻴﺖ ﻣﻊ ﻭﺍﺣﺪﻩ ﻏﻴﺮﻙ
ﺇﺑﺘﻠﻌﺖ ﺭﻳﻘﻬﺎ ﺛﻢ ﻗﺎﻟﺖ ﺑﺄﻟﻢ: ﻻ ﺃﻧﺎ ﻫﺎﺟﻲ ﻋﻠﻲ ﻧﻔﺴﻲ ﻋﺸﺎﻥ ﺧﺎﻃﺮﻙ، ﻋﺸﺎﻥ ﻟﻤﺎ ﺗﻜﻮﻥ ﻣﺮﺗﺎﺡ ﻭﺳﻌﻴﺪ ﻫﻜﻮﻥ ﺳﺎﻋﺘﻬﺎ ﺃﻧﺎ ﻣﺮﺗﺎﺣﻪ ﻭﺳﻌﻴﺪﻩ ﻭ...
ﻗﺎﻃﻌﻬﺎ ﻭﻫﻮ ﻳﻘﻮﻝ ﺑﺤﺰﻡ: ﻻ ﻳﻤﻜﻦ ﻫﻜﻮﻥ ﻣﺮﺗﺎﺡ ﻟﻤﺎ ﺃﻋﻤﻞ ﻛﺪﻩ ﻻ ﻳﻤﻜﻦ ﻳﺎ ﻫﻨﺎ ﺣﺘﻲ ﻭﻻﺩﻱ ﺍﻟﻲ ﻫﺠﺒﻬﻢ ﻣﻦ ﻭﺍﺣﺪﻩ ﻏﻴﺮﻙ ﻣﺶ ﻫﺒﻘﻲ ﻓﺮﺣﺎﻥ ﺑﻴﻬﻢ ﺯﻱ ﻣﺎ ﻳﻜﻮﻧﻮﺍ ﻣﻨﻚ، ﺃﻧﺘﻲ ﻳﺎ ﻫﻨﺎ ﺑﺲ ﺍﻟﻲ ﺃﻧﺎ ﺑﻤﻮﺕ ﻓﻴﻬﺎ ﻭﻭﻻﺩﻱ ﺍﻥ ﻣﻜﻨﻮﺵ ﻣﻨﻚ ﺃﻧﺎ ﻣﺶ ﻋﺎﻳﺰﻫﻢ ﻳﺎ ﻫﻨﺎ
ﺃﻏﻠﻘﺖ ﻋﻴﻨﻴﻬﺎ ﻭﺇﺫﺩﺭﺩﺕ ﺗﻠﻚ ﺍﻟﻐﺼﻪ ﺍﻟﻤﺮﻳﺮﻩ ﺑﺤﻠﻘﻬﺎ، ﻭﻣﻦ ﺛﻢ ﻗﺎﻟﺖ ﺑﺘﺼﻤﻴﻢ: ﻣﻌﻠﺶ ﻳﺎﺗﺎﻣﺮ ﻻﺯﻡ ﺗﺘﺠﻮﺯ ﻭﺗﺨﻠﻒ ﺃﺭﺟﻮﻙ ﺗﻮﺍﻓﻖ ﻭﺑﻌﺪﻳﻦ ﺭﺑﻨﺎ ﺣﻠﻞ ﺃﺭﺑﻌﻪ ﻟﻴﻪ ﻣﺶ ﻋﺸﺎﻥ ﺍﻟﻤﻮﺍﺿﻴﻊ ﺍﻟﻲ ﺯﻱ ﺩﻩ، ﻭﺩﻩ ﺣﻘﻚ ﻣﺤﺪﺵ ﻳﻘﺪﺭ ﻳﻤﻨﻌﻚ ﻣﻨﻪ.
ﻧﻬﺾ ﺗﺎﻣﺮ ﺑﻬﺪﻭﺀ ﻭﺩﻟﻒ ﺇﻟﻲ ﺍﻟﺪﺍﺧﻞ ﻣﺘﺠﻬﺎً ﺇﻟﻲ ﻏﺮﻓﺘﻬﻤﺎ، ﻓﻲ ﺣﻴﻦ ﺇﺗﺒﻌﺘﻪ ﻫﻨﺎ ﻭﻛﺎﺩﺕ ﺃﻥ ﺗﺘﺤﺪﺙ ﻭﻟﻜﻨﻪ ﻗﺎﻃﻌﻬﺎ ﻗﺎﺋﻼ ﺑﻨﻔﺎﺫ ﺻﺒﺮ: ﺧﻼﺹ ﻛﻔﺎﻳﻪ ﻳﺎ ﻫﻨﺎ ﺃﺭﺟﻮﻛﻲ ﻧﺎﻣﻲ ﻭﺳﺒﻴﻨﻲ ﺃﻧﺎﻡ ﺃﻧﺎ ﻛﻤﺎﻥ. ، ﺛﻢ ﺗﺴﻄﺢ ﻋﻠﻲ ﺍﻟﻔﺮﺍﺵ ﻭﺃﻏﻠﻖ ﻋﻴﻨﺎﻩ ﺑﺸﺪﻩ ﻭﺃﺻﺒﺤﺖ ﻗﺴﻤﺎﺕ ﻭﺟﻬﻪ ﺃﻛﺜﺮ ﺣﺰﻧﺎً ﻭﻗﻠﺒﻪ ﻳﻌﺘﺼﺮ ﺃﻟﻤﺎً ﻭﻳﺘﻤﺰﻕ ﻭﺟﻌﺎً، ﻭﺑﻴﻨﻤﺎ ﺗﺴﻄﺤﺖ ﻫﻨﺎ ﺟﻮﺍﺭﻩ ﻭﻭﺿﻌﺖ ﺭﺃﺳﻬﺎ ﻋﻠﻲ ﺍﻟﻮﺳﺎﺩﻩ ﻭﺍﻟﺪﻣﻮﻉ ﺗﺘﺴﺎﻗﻂ ﻣﻦ ﻋﻴﻨﻴﻬﺎ ﻇﻠﺖ ﺗﺒﻜﻲ ﺑﺼﻤﺖ ﻭﻫﻲ ﺗﻨﻈﺮ ﺇﻟﻲ ﺯﻭﺟﻬﺎ ﻭﺗﻌﻠﻢ ﻣﺪﻱ ﺃﻟﻤﻪ ﻭﺣﺰﻧﻪ، ﻭﻟﻢ ﻳﺨﺘﻠﻒ ﺣﺎﻝ ﺗﺎﻣﺮ ﻋﻦ ﺣﺎﻟﻬﺎ، ﻓﺎﻵﻻﻡ ﺗﻘﺴﻤﺖ ﻋﻠﻴﻬﻤﺎ، ﻭﺍﻟﻤﻌﺎﻧﺎﻩ ﻭﺍﺣﺪﻩ!
ﺑﻌﺪ ﻣﺮﻭﺭ ﺃﺳﺒﻮﻉ ﻗﺪ ﻣﺮ ﻋﻠﻲ ﺃﺑﻄﺎﻟﻨﺎ ﺃﺳﺒﻮﻋﺎً ﻣﻠﻴﺊ ﺑﺎﻟﺤﺰﻥ ﻭﺍﻟﻘﻬﺮ ﻭﻓﻲ ﺫﺍﺕ ﻳﻮﻡ
ﺇﺳﺘﻴﻘﻆ ﺗﺎﻣﺮ ﺻﺒﺎﺣﺎً ﻓﻮﺟﺪﻫﺎ ﻣﺎﺯﺍﻟﺖ ﻧﺎﺋﻤﻪ ﻭﻗﺴﻤﺎﺕ ﻭﺟﻬﻬﺎ ﺣﺰﻳﻨﻪ ﻟﻠﻐﺎﻳﻪ، ﻛﺎﻟﻤﻼﻙ ﺍﻟﺼﻐﻴﺮ ﺍﻟﺤﺰﻳﻦ ﺍﻟﺬﻱ ﻻ ﺫﻧﺐ ﻟﻪ ﺑﺄﻱ ﺷﺊ، ﺗﻔﺤﺺ ﻭﺟﻬﻬﺎ ﺑﺤﺰﻥ ﺷﺪﻳﺪ، ﻟﻢ ﻳﺘﺨﻴﻞ ﺃﻧﻪ ﺇﺫﺍ ﺃﻧﺠﺐ ﻣﺴﺘﻘﺒﻼ ﻓﻠﻢ ﺗﻜﻦ ﻫﻲ ﺍﻷﻡ، ﻋﻨﺪﻣﺎ ﻳﺄﺗﻲ ﺑﺬﻫﻨﻪ ﻓﻜﺮﻩ ﺍﻟﺰﻭﺍﺝ ﺍﻟﺜﺎﻧﻲ، ﺍﻟﻌﻘﻞ ﻳﺘﻮﻗﻒ ﻓﻮﺭﺍ ﻋﻦ ﺍﻟﺘﻔﻜﻴﺮ، ﺑﻞ ﻭﻳﻌﺠﺰ ﻋﻦ ﺃﻱ ﺷﺊ...
ﺗﺤﺪﺙ ﺑﺨﻔﻮﺕ ﻭﻗﺎﻝ: ﻛﺎﻥ ﻧﻔﺴﻲ ﻭﻻﺩﻱ ﺗﻜﻮﻥ ﻣﻨﻚ ﻳﺎ ﻫﻨﺎ، ﻛﺎﻥ ﻧﻔﺴﻲ ﺗﻜﻮﻧﻲ ﺃﻧﺘﻲ ﺃﻣﻬﻢ ﻣﺶ ﺣﺪ ﺗﺎﻧﻲ، ﺻﻤﺖ ﻟﺒﺮﻫﻪ ﻟﻴﻄﺒﻊ ﻗﺒﻠﻪ ﻃﻮﻳﻠﻪ ﻋﻠﻲ ﺟﺒﻬﺘﻬﺎ، ﺛﻢ ﺗﺎﺑﻊ ﻗﺎﺋﻼ ﺑﻨﺒﺮﻩ ﺣﺰﻳﻨﻪ: ﺃﻧﺎ ﺁﺳﻒ ﻳﺎ ﻫﻨﺎ، ﺁﺳﻒ ﻋﻠﻲ ﺍﻟﻲ ﻫﻌﻤﻠﻪ ﻏﺼﺐ ﻋﻨﻲ، ﺃﻏﻠﻖ ﻋﻴﻨﺎﻩ ﻟﻴﺄﺧﺬ ﻧﻔﺴﺎ ﻗﻮﻳﺎ ﻭﻣﻦ ﺛﻢ ﺯﻓﺮﻩ ﻋﻠﻲ ﻣﻬﻞ ﻭﻧﻬﺾ ﻋﻦ ﺍﻟﻔﺮﺍﺵ ﻣﺘﺠﻬﺎً ﺇﻟﻲ ﺍﻟﻤﺮﺣﺎﺽ، ﺑﻴﻨﻤﺎ ﻓﺘﺤﺖ ﻫﻨﺎ ﻋﻴﻨﻴﻬﺎ ﺳﺮﻳﻌﺎً ﻟﺘﻬﺒﻂ ﺩﻣﻌﻪ ﺣﺎﺭﻗﻪ ﻋﻠﻲ ﻭﺟﻨﺘﻬﺎ، ﺛﻢ ﺗﺤﺪﺛﺖ ﺑﺼﻮﺕ ﻣﻨﺨﻔﺾ ﻭﻗﺎﻟﺖ:
- ﻭﺃﻧﺎ ﻛﻤﺎﻥ ﻛﺎﻥ ﻧﻔﺴﻲ ﺃﻛﻮﻥ ﺃﻡ ﻳﺎﺗﺎﻣﺮ.
ﺧﺮﺝ ﺗﺎﻣﺮ ﻣﻦ ﺍﻟﻤﺮﺣﺎﺽ ﻭﺗﻮﺟﻪ ﺍﻟﻲ ﺍﻟﻐﺮﻓﻪ، ﻭﻣﺎ ﺍﻥ ﻭﺟﺪﻫﺎ ﺣﺘﻲ ﻗﺎﻝ ﺑﺎﺑﺘﺴﺎﻣﻪ: ﺻﺒﺎﺡ ﺍﻟﺨﻴﺮ
ﺇﺑﺘﺴﻤﺖ ﺇﺑﺘﺴﺎﻣﻪ ﺑﺎﻫﺘﻪ، ﻭﻣﺴﺤﺖ ﺩﻣﻮﻋﻬﺎ ﺳﺮﻳﻌﺎً ﻭﻫﻲ ﺗﻘﻮﻝ ﺑﻬﺪﻭﺀ: ﺻﺒﺎﺡ ﺍﻟﻨﻮﺭ، ﺛﻢ ﻧﻬﻀﺖ ﻋﻦ ﺍﻟﻔﺮﺍﺵ ﻓﺄﻗﺒﻞ ﻋﻠﻴﻬﺎ ﺗﺎﻣﺮ ﻭﺇﺣﺘﻀﻦ ﻭﺟﻬﻬﺎ ﺑﻜﻠﺘﻲ ﻳﺪﻳﻪ ﻭﻗﺎﻝ ﻧﺎﻇﺮﺍ ﻓﻲ ﻋﻴﻨﻴﻬﺎ:
- ﻣﻬﻤﺎ ﺣﺼﻞ ﻣﺤﺪﺵ ﻫﻴﺪﺧﻞ ﻗﻠﺒﻲ ﻏﻴﺮﻙ، ﻭﻋﺪ ﻣﻨﻲ ﻳﺎ ﻫﻨﺎ ﻣﺎ ﻫﻌﺸﻖ ﻏﻴﺮﻙ
ﻧﻈﺮﺕ ﻟﻪ ﺑﺄﻋﻴﻦ ﺩﺍﻣﻌﻪ ﻭﻫﻲ ﺗﻮﻣﺊ ﺑﺮﺃﺳﻬﺎ، ﻓﻴﻤﺎ ﺇﻗﺘﺮﺏ ﻣﻨﻬﺎ ﺃﻛﺜﺮ ﻭﻗﺒﻞ ﻭﺟﻨﺘﻬﺎ ﺑﻬﺪﻭﺀ ﺛﻢ ﻗﺎﻝ ﺑﻨﺒﺮﻩ ﺣﺰﻳﻨﻪ:.
- ﻭﻣﺘﻨﺴﻴﺶ ﺇﻥ ﺩﻩ ﺇﺧﺘﻴﺎﺭﻙ، ﻣﻦ ﺍﻷﻭﻝ ﻳﺎ ﻫﻨﺎ ﻭﺇﻧﻚ ﺍﻟﻲ ﺃﺻﺮﻳﺘﻲ ﻋﻠﻴﺎ
ﺇﺑﺘﺴﻤﺖ ﻟﻪ ﻟﺘﻘﻮﻝ ﺑﺠﺪﻳﻪ: ﺃﻧﺎ ﻣﺶ ﺯﻋﻼﻧﻪ، ﺑﺎﻟﻌﻜﺲ ﺧﺎﻟﺺ ﺃﻧﺎ ﻧﻔﺴﻲ ﺗﻜﻮﻥ ﺃﺏ ﻋﻠﻲ ﺍﻷﻗﻞ ﻣﺎﺣﺴﺶ ﺑﺎﻟﺬﻧﺐ ﻭﺃﺭﺗﺎﺡ، ﺛﻢ ﺗﺎﺑﻌﺖ ﻗﺎﺋﻠﻪ: ﺃﻧﺎ ﻫﺤﻀﺮ ﺍﻟﻔﻄﺎﺭ ﻭﺗﺤﺮﻛﺖ ﺳﺮﻳﻌﺎً ﻣﻦ ﺃﻣﺎﻣﻪ ﺗﺎﺭﻛﻪ ﻟﻪ ﻣﺸﺘﺘﺎً ﺣﺰﻳﻨﺎً ﻳﺘﺄﻟﻢ ﺑﻞ ﻳﻨﺰﻑ ﻭﺟﻌﺎً
ﺑﻌﺪ ﻗﻠﻴﻞ ﺟﻠﺲ ﺍﻷﺛﻨﺎﻥ ﺳﻮﻳﺎ ﻋﻠﻲ ﻃﺎﻭﻟﻪ ﺍﻟﻄﻌﺎﻡ، ﺗﻨﺎﻭﻻ ﻃﻌﺎﻣﻬﻤﺎ ﺑﺪﻭﻥ ﺷﻬﻴﻪ، ﻭﺍﻟﺼﻤﺖ ﻫﻮ ﺳﻴﺪ ﺍﻟﻤﻮﻗﻒ ﺣﺘﻲ ﻗﻄﻌﺖ ﺗﺎﻣﺮ ﺫﻟﻚ ﺍﻟﺼﻤﺖ ﻭﻫﻮ ﻳﻘﻮﻝ ﺑﺘﺮﺩﺩ:.
- ﻫﻨﺎ ﻫﺎﺧﺪﻙ ﻣﻌﺎﻳﺎ ﻭﺃﻧﺎ ﻧﺎﺯﻝ ﻋﺸﺎﻥ ﺗﺰﻭﺭﻱ ﺃﺑﻮﻛﻲ
ﻋﻘﺪﺕ ﺣﺎﺟﺒﻴﻬﺎ ﻟﺘﻘﻮﻝ ﺑﺎﺳﺘﻐﺮﺍﺏ: ﻟﻴﻪ؟ ﺍﺷﻤﻌﻨﺎ ﻳﻌﻨﻲ
ﺇﺯﺩﺭﺩ ﺭﻳﻘﻪ ﻭﻗﺎﻝ ﺑﺘﻮﺗﺮ: ﻳﻌﻨﻲ ﺃﺻﻠﻪ ﺳﺄﻟﻨﻲ ﻋﻠﻴﻜﻲ ﺇﻣﺒﺎﺭﺡ ﻭﺃﻧﺎ ﻗﻮﻟﺘﻠﻪ ﻫﺠﺒﻬﺎﻟﻚ ﺑﻜﺮﻩ، ﻧﻔﺴﻪ ﻳﺸﻮﻓﻚ
ﺷﻌﺮﺕ ﻫﻨﺎ ﺑﺎﺭﺗﺒﺎﻛﻪ ﻭﺃﻧﻪ ﻳﺮﻳﺪ ﺃﻥ ﻳﻔﻌﻞ ﺷﻴﺌﺎً ﺩﻭﻥ ﺣﻀﻮﺭﻫﺎ، ﻓﻘﺎﻟﺖ ﺑﻬﺪﻭﺀ:
- ﻣﺎﺷﻲ ﻫﻘﻮﻡ، ﺃﻟﺒﺲ ﻭﺃﻧﺰﻝ ﻣﻌﺎﻙ
ﺗﺎﺑﻊ ﻫﻮ ﻭﻗﺎﻝ ﺳﺮﻳﻌﺎ: ﺑﺲ ﻛﻤﻠﻲ ﺃﻛﻠﻚ ﺍﻷﻭﻝ
ﺃﻭﻣﺄﺕ ﺑﺮﺃﺳﻬﺎ، ﺛﻢ ﻗﺎﻝ ﻭﻫﻲ ﺗﻀﻊ ﺇﺣﺪﻱ ﺍﻟﻠﻘﻴﻤﺎﺕ ﺑﻔﻤﻬﺎ: ﺗﺎﻣﺮ ﻣﻤﻜﻦ ﺃﺳﺄﻟﻚ ﺳﺆﺍﻝ.
ﻧﻈﺮ ﻟﻬﺎ ﻟﻴﻘﻮﻝ ﺑﺎﻫﺘﻤﺎﻡ: ﺇﺳﺄﻟﻲ ﻳﺎ ﻫﻨﺎ
ﺻﻤﺘﺖ ﻟﺒﺮﻫﻪ ﺛﻢ ﻗﺎﻟﺖ ﺑﺤﺰﻥ: ﻣﻘﻮﻟﺘﻠﻴﺶ، ﻣﻴﻦ ﺍﻟﻲ ﻫﺘﺘﺠﻮﺯﻫﺎ؟
ﺗﻮﻗﻒ ﻋﻦ ﺍﻟﻄﻌﺎﻡ، ﺛﻢ ﺇﺫﺩﺭﺩ ﺭﻳﻘﻪ ﺑﺼﻌﻮﺑﻪ ﻭﺧﻔﻖ ﻗﻠﺒﻪ ﺑﺄﻟﻢ ﻭﻟﻢ ﻳﺠﻴﺐ ﻋﻠﻴﻬﺎ ﺑﻞ ﻇﻞ ﺻﺎﻣﺘﺎ، ﻓﺘﺎﺑﻌﺖ ﻫﻲ ﻗﺎﺋﻠﻪ ﺑﺘﺴﺎﺅﻭﻝ: ﻣﻴﻦ؟
ﻧﻬﺾ ﻣﻦ ﻣﺠﻠﺴﻪ ﻭﻫﻮ ﻳﻘﻮﻝ: ﻳﻼ ﻳﺎ ﻫﻨﺎ ﻋﺸﺎﻥ ﻫﺘﺄﺧﺮ ﻋﻠﻲ ﺍﻟﺸﻐﻞ، ﺑﻌﺪﻳﻦ ﻫﻘﻮﻟﻚ.
ﺗﻨﻬﺪﺕ ﺑﻀﻴﻖ ﻭﻧﻬﻀﺖ ﻟﺘﺒﺪﻝ ﻣﻼﺑﺴﻬﺎ ﻭﺑﻌﺪ ﻗﻠﻴﻞ ﻛﺎﻥ ﻗﺪ ﺃﻭﺻﻠﻬﺎ ﺇﻟﻲ ﻣﻨﺰﻝ ﺃﺑﻴﻬﺎ ﻭﺇﻧﺘﻈﺮ ﺣﺘﻲ ﺻﻌﺪﺕ ﺛﻢ ﺇﺗﺠﻪ ﺳﺮﻳﻌﺎ ﺇﻟﻲ ﺍﻟﻤﻨﺰﻝ ﻣﺮﻩ ﺃﺧﺮﻱ ﻭﺻﻌﺪ ﺍﻟﺴﻠﻢ ﺣﻴﺚ ﻛﺎﻧﺖ ﻧﺴﻤﻪ ﺗﻨﺘﻈﺮﻩ ﺑﺼﺤﺒﻪ ﻧﺠﺎﺡ ﻭﻣﺎ ﺍﻥ ﺩﻟﻒ ﺇﻟﻲ ﺍﻟﺸﻘﻪ ﻗﺎﻟﺖ ﻧﺠﺎﺡ ﺑﺎﺑﺘﺴﺎﻣﻪ ﺯﺍﺋﻔﻪ: ﻭﺯﻋﺖ ﻣﺮﺍﺗﻚ؟
ﺯﻓﺮ ﺑﻀﻴﻖ ﻭﻟﻢ ﻳﺠﻴﺐ ﻋﻠﻴﻬﺎ ﻭﻓﻲ ﺣﻴﻦ ﻗﺎﻟﺖ ﻧﺴﻤﻪ ﺑﺪﻻﻝ: ﻛﻠﻤﺖ ﺍﻟﻤﺄﺫﻭﻥ
ﺃﻭﻣﺄ ﺑﺮﺃﺳﻪ ﺩﻭﻥ ﺃﻥ ﻳﺘﻔﻮﻩ ﺑﻜﻠﻤﻪ ﻭﺍﺣﺪﻩ ﺣﺘﻲ ﻗﺎﻟﺖ ﻧﺠﺎﺡ ﺑﺘﻬﻜﻢ: ﻫﻮ ﺃﻧﺖ ﻫﺘﻌﺮﻑ ﺍﻟﻤﺤﺮﻭﺳﻪ ﻣﺮﺍﺗﻚ ﺇﻣﺘﻲ؟
ﺗﺤﺪﺙ ﺗﺎﻣﺮ ﻭﻗﺎﻝ ﺑﺎﻧﻔﻌﺎﻝ: ﻣﺶ ﻫﻌﺮﻓﻬﺎ ﺩﻟﻮﻗﺘﻲ ﺧﺎﻟﺺ ﻭﻛﻤﺎﻥ ﻣﻔﻴﺶ ﺣﺎﺟﻪ ﻫﺘﻢ ﺩﻟﻮﻗﺘﻲ ﺍﻻ ﻛﺘﺐ ﺍﻟﻜﺘﺎﺏ ﺑﺲ ﻟﺤﺪ ﺍﻣﺎ ﺍﻣﻬﺪﻟﻬﺎ ﺍﻟﻤﻮﺿﻮﻉ ﺑﺎﻟﺮﺍﺣﻪ
ﻟﻮﺕ ﻧﺴﻤﻪ ﻓﻤﻬﺎ ﻟﺘﻘﻮﻝ ﺑﻐﻀﺐ: ﺧﺎﻳﻒ ﺍﻭﻱ ﻋﻠﻲ ﻣﺸﺎﻋﺮﻫﺎ
ﺭﻣﻘﻬﺎ ﺗﺎﻣﺮ ﺑﻨﻈﺮﺍﺕ ﺣﺎﺩﻩ ﺛﻢ ﻗﺎﻝ: ﻃﺒﻌﺎ، ﺃﻧﺘﻲ ﻧﺎﺳﻴﻪ ﺇﻧﻬﺎ ﻣﺮﺍﺗﻲ ﺍﻟﻲ ﺣﺒﺘﻬﺎ ﻭﻋﻤﺮﻱ ﻣﺎ ﻫﺤﺐ ﻏﻴﺮﻫﺎ
ﺇﺷﺘﻌﻠﺖ ﺍﻟﻨﻴﺮﺍﻥ ﺑﺪﺍﺧﻠﻬﺎ ﻭﻗﺎﻟﺖ ﺑﺘﺄﻓﻒ: ﺍﻭﻭﻑ ﻃﺐ ﻣﺎ ﺍﻧﺎ ﻛﻤﺎﻥ ﻫﻜﻮﻥ ﻣﺮﺍﺗﻚ ﺑﻌﺪ ﺷﻮﻳﻪ.
ﺗﺎﻣﺮ ﺑﺠﺪﻳﻪ: ﺃﻧﺘﻲ ﻣﺠﺮﺩ ﺁﻟﻪ ﻣﺶ ﺃﻛﺘﺮ، ﻋﺸﺎﻥ ﺃﺧﻠﻒ ﻓﻘﻂ ﻻ ﻏﻴﺮ، ﻳﻌﻨﻲ ﻗﻠﺒﻲ ﻣﻔﻬﻮﺵ ﻏﻴﺮ ﻫﻨﺎ ﻭﺑﺲ ﻋﺸﺎﻥ ﻣﺘﺤﻠﻤﻴﺶ ﻛﺘﻴﺮ
ﻛﺎﺩﺕ ﺃﻥ ﺗﺘﺤﺪﺙ ﻭﻟﻜﻨﻪ ﻗﺎﻃﻌﻬﺎ ﻭﻫﻮ ﻳﻘﻮﻝ ﺑﺼﺮﺍﻣﻪ: ﺍﻧﺎ ﻫﺸﻮﻑ ﺍﻟﻤﺄﺫﻭﻥ ﻭﺟﺎﻱ، ﻭﻟﻜﻦ ﻋﻨﺪﻣﺎ ﺇﻟﺘﻒ ﻛﺎﻧﺖ ﺍﻟﻤﻔﺎﺟﺌﻪ ﺣﻴﻦ ﻭﺟﺪ ﻫﻨﺎ ﺗﻘﻒ ﻭﺍﻟﺪﻣﻮﻉ ﺗﻨﺴﺎﺏ ﻣﻦ ﻋﻴﻨﻴﻬﺎ، ﻓﺨﻔﻖ ﻗﻠﺒﻪ ﻋﻨﺪﻣﺎ ﻭﺟﺪﻫﺎ ﻭﺃﺳﺮﻉ ﺇﻟﻴﻬﺎ ﻟﻴﻘﻮﻝ ﺑﺬﻫﻮﻝ: ﻫﻨﺎ. ﻫﻨﺎ ﺃﻧﺘﻲ ﺟﻴﺘﻲ ﺃﻣﺘﻲ ﻭ..
ﻗﺎﻃﻌﺘﻪ ﻭﻫﻲ ﺗﻘﻮﻝ ﻣﻦ ﺑﻴﻦ ﺑﻜﺎﺋﻬﺎ: ﺍﺷﻤﻌﻨﺎ ﺩﻱ ﺑﺎﻟﺬﺍﺕ، ﻟﻴﻪ ﺩﻱ ﻳﺎﺗﺎﻣﺮ ﺍﺷﻤﻌﻨﺎ ﻟﻴﻪ ﻭﺟﻌﺖ ﻗﻠﺒﻲ ﻛﺪﻩ
ﺇﺑﺘﻠﻊ ﺗﺎﻣﺮ ﺭﻳﻘﻪ ﻟﻴﻘﻮﻝ ﺑﺂﺳﻲ: ﻳﺎ ﻫﻨﺎ ﺃﻧﺎ...
ﻗﺎﻃﻌﺘﻪ ﻭﻫﻲ ﺗﺼﺮﺥ ﺑﺸﺪﻩ ﻓﻲ ﻭﺟﻬﻪ، ﻭﻓﻲ ﻫﺬﺍ ﺍﻟﺤﻴﻦ ﺇﻧﺘﻔﺾ ﻓﻲ ﺍﻟﻔﺮﺍﺵ ﻋﻠﻲ ﺃﺛﺮ ﺻﺮﺍﺧﻬﺎ ﻭﻫﻲ ﺗﻘﻮﻝ: ﻻﻻﻻ
ﺇﻧﻘﻠﻊ ﻗﻠﺒﻪ ﻋﻠﻴﻬﺎ ﻭﻗﺎﻝ ﻭﻫﻮ ﻳﻤﺴﺢ ﺣﺒﺎﺕ ﺍﻟﻌﺮﻕ ﻣﻦ ﺟﺒﻴﻨﻬﺎ: ﻫﻨﺎ ﺣﺒﻴﺒﺘﻲ ﻣﺎﻟﻚ ﻓﻲ ﺍﻳﻪ
ﻓﺘﺤﺖ ﻋﻴﻨﻴﻬﺎ ﺑﺒﻄﺊ ﻟﺘﻨﺘﻔﺾ ﺟﺎﻟﺴﻪ ﻋﻠﻲ ﺍﻟﻔﺮﺍﺵ ﻭﻧﻈﺮﺕ ﻟﻪ ﺑﻌﺪﻡ ﺗﺼﺪﻳﻖ ﻭﻗﺎﻟﺖ ﺑﺘﻮﺟﺲ: ﺍﻳﻪ ﺩﻩ؟ ﺁﺁ ﺃﻧﺖ ﻣﺘﺠﻮﺯﺗﺶ.
ﺭﻓﻊ ﺣﺎﺟﺒﻴﻪ ﺑﺎﻧﺪﻫﺎﺵ ﻭﻗﺎﻝ: ﺍﺗﺠﻮﺯﺕ؟
ﻭﺿﻌﺖ ﻳﺪﻫﺎ ﻋﻠﻲ ﺻﺪﺭﻫﺎ ﻭﺃﺧﺬﺕ ﻧﻔﺴﺎ ﻋﻤﻴﻘﺎ ﺛﻢ ﺯﻓﺮﺗﻪ ﻭﻫﻲ ﺗﻘﻮﻝ: ﺍﻟﺤﻤﺪﻟﻠﻪ ﺍﻟﺤﻤﺪﻟﻠﻪ ﻳﺎﺭﺏ ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ
ﺗﺎﻣﺮ ﺑﺘﺴﺎﺅﻝ: ﺍﻳﻪ ﻳﺎ ﻫﻨﺎ ﺃﻧﺘﻲ ﻛﻨﺘﻲ ﺑﺘﺤﻠﻤﻲ ﻭﻻ ﺍﻳﻪ؟
ﺃﺟﻬﺸﺖ ﻓﻲ ﺍﻟﺒﻜﺎﺀ ﻭﻋﺎﻧﻘﺘﻪ ﺑﻘﻮﻩ ﺩﺍﻓﻨﻪ ﻭﺟﻬﻬﺎ ﻓﻲ ﺻﺪﺭﻩ ﻟﺘﻘﻮﻝ ﺑﻨﺤﻴﺐ:
- ﺃﻧﺖ ﺇﺗﺠﻮﺯﺕ ﻋﻠﻴﺎ ﻳﺎﺗﺎﻣﺮ ﻭﺍﻟﺪﻛﺘﻮﺭ ﻗﺎﻝ ﺍﻧﻲ ﻣﺴﺘﺤﻴﻞ ﺃﺧﻠﻒ
ﺭﺑﺖ ﻋﻠﻲ ﻇﻬﺮﻫﺎ ﻭﻫﻮ ﻳﻘﻮﻝ ﺑﺎﺳﺘﻐﺮﺍﺏ: ﻣﻨﺎ ﻗﺎﻋﺪ ﻗﺪﺍﻣﻚ ﺍﻫﻮ ﻳﺎ ﻫﻨﺎ ﺍﺗﺠﻮﺯﺕ ﻓﻴﻦ ﻳﺎﺣﺒﻴﺒﺘﻲ.
ﻧﻈﺮﺕ ﻟﻪ ﻭﺗﺠﻮﻟﺖ ﺑﻌﻴﻨﻴﻬﺎ ﻣﻼﻣﺢ ﻭﺟﻬﻪ ﻗﺎﺋﻠﻪ ﺑﺼﻮﺕ ﻣﺘﻘﻄﻊ ﻭﺃﻧﻔﺎﺳﻬﺎ ﺍﻟﻼﻫﺜﻪ: ﺁﺁ ﺃﻥ ﺃﻧﺖ ﻳﺎ ﺗﺎﻣﺮ ﺍﺗﺠﻮﺯﺕ، ﺍﺗﺠﻮﺯﺕ ﻧﺴﻤﻪ ﻭﻭ ﻙ ﻛﻨﺖ ﺑﺘﻌﻴﻂ ﺍﻧﻚ ﻣﺶ ﻫﺘﺒﻘﻲ ﺍﺏ ﻭﻭ ﺯﻋﺘﻨﻲ ﻋﻨﺪ ﺑﺎﺑﺎ ﻋﺸﺎﻥ ﺗﻌﺮﻑ ﺗﻜﺘﺐ ﺍﻟﻜﺘﺎﺏ، ﺛﻢ ﺻﻤﺘﺖ ﻟﺘﻌﺎﻭﺩ ﻋﻨﺎﻗﻪ ﻣﺮﻩ ﺃﺧﺮﻱ ﻭﻫﻲ ﺗﻘﻮﻝ: ﻳﺎﻩ ﺩﻩ ﻛﺎﺑﻮﺱ ﻛﺎﺑﻮﺱ ﻳﺎﺗﺎﻣﺮ
ﺇﺑﺘﺴﻢ ﺗﺎﻣﺮ ﻭﻗﺎﻝ ﺑﻬﺪﻭﺀ: ﻃﺐ ﺍﺳﺘﻬﺪﻱ ﺑﺎﻟﻠﻪ ﻳﺎﺣﺒﻴﺒﻲ ﻛﺪﻩ ﻭﺻﻞ ﻋﻠﻲ ﺍﻟﻨﺒﻲ.
ﻫﻨﺎ ﺑﻬﺪﻭﺀ: ﻋﻠﻴﻪ ﺍﻟﺼﻼﻩ ﻭﺍﻟﺴﻼﻡ، ﺛﻢ ﺭﻓﻌﺖ ﻭﺟﻬﻬﺎ ﻟﻪ ﻭﻗﺎﻟﺖ ﺑﻨﻈﺮﺍﺕ ﻋﺎﺷﻘﻪ: ﺃﻭﻋﻲ ﻳﺎﺗﺎﻣﺮ ﺗﻌﻤﻞ ﻛﺪﻩ ﺍﻟﻠﻪ ﻳﺨﻠﻴﻚ ﻣﺘﻌﻤﻠﺶ ﻓﻴﺎ ﻛﺪﻩ
ﻗﻬﻘﻪ ﺗﺎﻣﺮ ﺛﻢ ﻗﺎﻝ ﻣﻦ ﺑﻴﻦ ﺿﺤﻜﺎﺗﻪ: ﻣﺶ ﻛﻨﺘﻲ ﺑﺘﻘﻮﻟﻴﻠﻲ ﺍﺗﺠﻮﺯ، ﻏﻴﺮﺗﻲ ﺭﺃﻳﻚ ﻟﻴﻪ
ﺣﺮﻛﺖ ﺭﺃﺳﻬﺎ ﻧﺎﻓﻴﻪ ﻭﻗﺎﻟﺖ: ﻻ ﻻ ﻛﻨﺖ ﻏﻠﻄﺎﻧﻪ ﺃﻭﻋﻲ ﺗﺎﺧﺪ ﻋﻠﻲ ﻛﻼﻣﻲ
ﺍﺑﺘﺴﻢ ﻟﻬﺎ ﻗﺎﺋﻼ: ﻃﺐ ﻳﻼ ﻋﺸﺎﻥ ﻧﺮﻭﺡ ﻟﻠﺪﻛﺘﻮﺭ
ﺭﻓﻌﺖ ﺣﺎﺟﺒﻴﻬﺎ ﻟﺘﻘﻮﻝ ﺑﺘﺴﺎﺅﻝ: ﺩﻛﺘﻮﺭ ﻣﻴﻦ؟
ﺗﺎﻣﺮ ﺑﻬﺪﻭﺀ: ﺩﻛﺘﻮﺭ ﻧﺴﺎ ﻋﺸﺎﻥ ﺑﺸﻮﻑ ﺍﻳﻪ ﺍﻟﻤﺸﻜﻠﻪ ﻳﺎ ﻫﻨﺎ ﻭﻧﻌﺎﻟﺠﻬﺎ.
ﺣﺮﻛﺖ ﺭﺃﺳﻬﺎ ﺳﺮﻳﻌﺎ ﺑﺎﻟﻨﻔﻲ ﻭﻫﻲ ﺗﻘﻮﻝ: ﻻﻻ ﻣﺶ ﻫﺮﻭﺡ، ﻣﺶ ﻫﺮﻭﺡ ﻟﺤﺴﻦ ﺍﻟﺤﻠﻢ ﻳﺘﺤﻘﻖ
ﺿﺤﻚ ﺗﺎﻣﺮ ﻗﺎﺋﻼ: ﻣﺘﺨﺎﻓﻴﺶ ﻳﺎ ﻫﻨﺎ، ﺧﻴﺮ ﺍﻥ ﺷﺎﺀ ﺍﻟﻠﻪ
ﻋﺎﻧﻘﺘﻪ ﻣﺮﻩ ﺃﺧﺮﻱ ﻭﻫﻲ ﺗﺤﺎﻭﻁ ﻋﻨﻘﻪ ﺑﻜﻠﺘﻲ ﻳﺪﻳﻬﺎ ﻭﺗﻄﺒﻊ ﻗﺒﻠﻪ ﻋﻠﻲ وجنته ﺛﻢ ﻗﺎﻟﺖ ﻭﻫﻲ ﺗﻨﻈﺮ ﻓﻲ ﻋﻴﻨﻴﻪ ؛: ﻻ ﻣﺶ ﻋﺎﻭﺯﻩ ﻣﻌﻠﺶ ﺧﻠﻴﻬﺎ ﻭﻗﺖ ﺗﺎﻧﻲ ﺳﺒﻨﻲ ﺍﻟﻨﻬﺎﺭﺩﻩ ﺑﺲ ﻭﺧﻠﻴﻚ ﻣﻌﺎﻳﺎ، ﺍﻭﻋﻲ ﺗﺴﺒﻨﻲ.
ﺣﺎﻭﻃﻬﺎ ﺑﺬﺭﺍﻋﻴﻪ ﻭﻗﺎﻝ ﻣﺘﻨﻬﺪﺍً ﺑﺤﺮﺍﺭﻩ: ﻣﻌﺎﻛﻲ ﺃﻧﺎ ﺍﻫﻮ ﻳﺎﺣﺒﻴﺒﺘﻲ، ﺛﻢ ﺗﺎﺑﻊ ﻗﺎﺋﻼ ﺑﺘﻘﺰﺯ: ﻭﺑﻌﺪﻳﻦ ﻣﻠﻘﺘﻴﺶ ﻏﻴﺮ ﻧﺴﻤﻪ ﺗﺤﻠﻤﻲ ﺍﻧﻲ ﺍﺗﺠﻮﺯﺗﻬﺎ؟
ﺗﻨﻬﺪﺕ ﺑﺎﺭﺗﻴﺎﺡ ﺷﺪﻳﺪ ﻭﻗﺎﻟﺖ: ﺍﻟﺤﻤﺪﻟﻠﻪ ﺃﻧﻪ ﺣﻠﻢ
ﻏﻤﺰ ﻟﻬﺎ ﻗﺎﺋﻼ ﺑﻤﺰﺍﺡ: ﻛﻨﺘﻲ ﺍﺣﻠﻤﻲ ﺍﻧﻲ ﻫﺘﺠﻮﺯ ﻭﺍﺣﺪﻩ ﺣﻠﻮﻩ ﻛﺪﻩ ﻏﻴﺮ ﺍﻟﺰﻓﺘﻪ ﺩﻱ
ﻟﻜﻤﺘﻪ ﺑﻘﺒﻀﺘﻬﺎ ﺍﻟﺼﻐﻴﺮﻩ ﻓﻲ ﺻﺪﺭﻩ ﻗﺎﺋﻠﻪ ﺑﻐﻀﺐ: ﻳﺎﺗﺎﻣﺮ ﻣﺘﻬﺰﺭﺵ ﻭﺍﻟﻠﻪ ﺃﺯﻋﻞ ﻣﻨﻚ.
ﻗﻬﻘﻪ ﺑﺸﺪﻩ ﻭﺇﺷﺘﺪﺕ ﻓﻲ ﻋﻨﺎﻗﻬﺎ ﺛﻢ ﻗﺎﻝ ﻫﺎﻣﺴﺎً: ﺃﻧﺘﻲ ﺣﺒﻴﺒﺘﻲ ﻳﺎ ﻫﻨﺎ ﻣﻬﻤﺎ ﺣﺼﻞ ﻣﺴﺘﺤﻴﻞ ﺗﺸﺎﺭﻛﻚ ﻓﻴﺎ ﺃﻱ ﻭﺍﺣﺪﻩ، ﺃﻧﺘﻲ ﻭﺑﺲ ﺣﺒﻴﺒﺘﻲ ﻭﻗﻠﺒﻲ ﻣﻦ ﺟﻮﻩ.
ﻭﻗﻒ ﺗﺎﻣﺮ ﺃﻣﺎﻡ ﺍﻟﻤﺮﺁﻩ، ﻭﻫﻮ ﻳﻤﺸﻂ ﺷﻌﺮﻩ ﻓﻴﻤﺎ ﺇﻗﺘﺮﺑﺖ ﻫﻨﺎ ﻣﻨﻪ، ﻟﺘﻘﻮﻝ ﺑﺮﺟﺎﺀ:
- ﺗﻴﻤﻮ ﻋﺸﺎﻥ ﺧﺎﻃﺮﻱ ﺧﻠﻴﻚ ﻣﻌﺎﻳﺎ ﺍﻟﻨﻬﺎﺭﺩﻩ
ﺇﺑﺘﺴﻢ ﻟﻬﺎ ﺛﻢ ﻗﺎﻝ ﻭﻫﻮ ﻳﻬﻨﺪﻡ ﻣﻼﺑﺴﻪ:
- ﻋﻨﺪﻱ ﺷﻐﻞ ﻭﺍﻟﻠﻪ ﻳﺎ ﻫﻨﺎ، ﻣﻤﻜﻦ ﺃﺟﻲ ﺑﺪﺭﻱ
ﻋﻘﺪﺕ ﺳﺎﻋﺪﻳﻬﺎ ﺃﻣﺎﻡ ﺻﺪﺭﻫﺎ، ﻟﺘﻘﻮﻝ ﺑﺘﺬﻣﺮ:
- ﻃﺐ ﻣﺎ ﺃﻧﺖ ﻛﻨﺖ ﻫﺘﻮﺩﻳﻨﻲ ﻟﻠﺪﻛﺘﻮﺭ، ﺇﺷﻤﻌﻨﺎ ﺑﻘﺎ!
ﺭﻓﻊ ﺣﺎﺟﺒﻪ ﻗﺎﺋﻼ: ﻣﺎ ﺃﻧﺎ ﻛﻨﺖ ﻫﻔﻀﻲ ﻧﻔﺴﻲ ﺑﺎﻟﻌﺎﻓﻴﻪ ﻭﺍﻟﻠﻪ ﻳﺎ ﻫﻨﺎ، ﻟﻜﻦ ﻃﺎﻟﻤﺎ ﺃﻧﺘﻲ ﻣﺶ ﺣﺎﺑﻪ ﺗﺮﻭﺣﻲ ﺍﻟﻨﻬﺎﺭﺩﻩ ﺧﻼﺹ ﺑﻘﺎ ﺃﺷﻮﻑ ﺃﻛﻞ ﻋﻴﺸﻲ.
ﺯﻓﺮﺕ ﺑﻀﻴﻖ ﻭﻗﺎﻟﺖ ﺑﺤﻨﻖ: ﻣﺎﺷﻲ ﻳﺎ ﺗﻴﻤﻮ ﻣﺎﺷﻲ
ﺃﻃﻠﻖ ﻟﻬﺎ ﻗﺒﻠﻪ ﻓﻲ ﺍﻟﻬﻮﺍﺀ ﻭﻫﻮ ﻳﻘﻮﻝ ﻏﺎﻣﺰﺍً: ﺑﺤﺒﻚ ﻭﺃﻧﺖ ﻣﺘﻌﺼﺐ ﻛﺪﻩ
ﺿﺤﻜﺖ ﺑﺒﺮﺍﺀﻩ ﺛﻢ ﺻﻤﺘﺖ ﻟﺒﺮﻫﻪ ﻭﺇﻗﺘﺮﺑﺖ ﻣﻨﻪ ﺃﻛﺜﺮ ﺑﻬﺪﻭﺀ ﺛﻢ ﻗﺎﻟﺖ ﺑﺘﺮﺩﺩ: ﺗﻴﻤﻮ
ﺇﺑﺘﺴﻢ ﻟﻬﺎ، ﻭﻗﺎﻝ ﻣﺘﻐﺰﻻً ﻓﻴﻬﺎ: ﻗﻠﺐ ﺗﻴﻤﻮ
ﺇﺯﺩﺭﺩﺕ ﺭﻳﻘﻬﺎ ﺑﺘﻮﺗﺮ، ﺛﻢ ﻗﺎﻟﺖ ﺑﺘﻠﻌﺜﻢ: ﺁﺁ، ﺁﺁ ﻣﻤﻜﻦ ﺃﺳﺎﻟﻚ ﻋﻠﻲ ﺣﺎﺟﻪ؟
ﺭﻓﻊ ﺃﺣﺪ ﺣﺎﺟﺒﻴﻪ ﻟﻴﻘﻮﻝ ﺑﺠﺪﻳﻪ: ﻣﻤﻢ ﻃﺎﻟﻤﺎ ﻣﺘﻠﻐﺒﻄﻪ ﻛﺪﻩ، ﻳﺒﻘﻲ ﻫﺘﻘﻮﻟﻲ ﺣﺎﺟﻪ ﺗﻌﺼﺒﻨﻲ ﺻﺢ؟
ﺣﺮﻛﺖ ﺭﺃﺳﻬﺎ ﺑﺒﻄﺊ ﻧﺎﻓﻴﻪ ﻭﻗﺎﻟﺖ ﺑﺨﻔﻮﺕ: ﻻ.
ﺣﺎﻭﻁ ﺧﺼﺮﻫﺎ ﺑﺬﺭﺍﻋﻪ، ﻭﺟﺬﺑﻬﺎ ﺇﻟﻴﻪ ﻟﺘﺮﺗﻄﻢ ﺑﺼﺪﺭﻩ ﺛﻢ ﻗﺎﻝ ﻫﺎﻣﺴﺎً: ﺃﻭﻣﺎﻝ ﺍﻳﻪ؟
ﺇﺑﺘﻠﻌﺖ ﺭﻳﻘﻬﺎ ﺑﺘﻮﺗﺮ، ﻭﺗﻮﺭﺩﺕ ﻭﺟﻨﺘﻴﻬﺎ ﺧﺠﻼ ﻣﻦ ﻗﺮﺑﻪ ﻭﺃﻧﻔﺎﺳﻪ ﺍﻟﺘﻲ ﺗﻠﻔﺢ ﻭﺟﻬﻬﺎ ﻭﻋﻴﻨﺎﻩ ﺍﻟﻤﺸﻌﻪ ﺑﺎﻟﺤﺐ ﺍﻟﺼﺎﺩﻕ ﺍﻟﻤﺤﺪﻗﻪ ﺑﻌﻴﻨﻴﻬﺎ ﺍﻟﺒﻨﺪﻗﻴﻪ، ﺣﺪﻗﺖ ﺑﻪ ﻭﺍﻟﺨﺠﻞ ﻳﻜﺴﻮﻫﺎ ﺑﻴﻨﻤﺎ ﺿﺤﻚ ﺗﺎﻣﺮ ﺑﺘﺴﻠﻴﻪ ﻭﻗﺎﻝ ﻣﺎﺯﺣﺎً: ﻫﺎ ﻳﺎ ﻫﻨﺎ ﻗﻮﻟﻴﻠﻲ ﺑﻘﺎ ﻋﺎﻭﺯﻩ ﺍﻳﻪ؟
ﺇﺳﺘﺠﻤﻌﺖ ﺑﻌﺾ ﻣﻦ ﻗﻮﺍﻫﺎ ﻟﺘﻘﻮﻝ ﺑﺎﺭﺗﺒﺎﻙ: ﺁﺁ ﺃﻧﺎ ﻛﻨﺖ ﻋﺎﻳﺰﻩ ﺃﺳﺎﻟﻚ ﺑﺲ ﻳﻌﻨﻲ ﻣﻦ ﻏﻴﺮ ﻣﺎ ﺗﺘﻌﺼﺐ ﻋﻠﻴﺎ ﻟﻮ ﺳﻤﺤﺖ ﻳﺎ ﺗﻴﻤﻮ، ﻫﻮ ﺃﻧﺖ ﻓﻜﺮﺕ ﻓﻲ ﺍﻟﻤﻮﺿﻮﻉ ﺑﺘﺎﻉ ﺍﻟﺠﺎﻣﻌﻪ ﻭﺇﻧﻲ ﺃﻛﻤﻞ؟
ﺻﺮ ﻋﻠﻲ ﺃﺳﻨﺎﻧﻪ، ﻭﺗﺤﻮﻟﺖ ﻗﺴﻤﺎﺕ ﻭﺟﻬﻪ ﻟﻠﺠﻤﻮﺩ ﺛﻢ ﻗﺎﻝ ﺑﻨﺒﺮﻩ ﻏﺎﺿﺒﻪ:
- ﻫﻮ ﺃﻧﺎ ﻳﺎ ﻫﻨﺎ ﻣﺶ ﻗﻮﻟﺖ ﻣﺘﻔﺘﺤﻴﺶ ﻣﻌﺎﻳﺎ ﺍﻟﻤﻮﺿﻮﻉ ﺩﻩ ﺇﻻ ﻟﻤﺎ ﺃﻧﺎ ﺍﻟﻲ ﺃﻗﻮﻟﻚ ﻗﺮﺭﺕ ﺍﻳﻪ؟
ﺣﺪﻗﺖ ﺑﻪ ﺑﺨﻮﻑ ﻭﺍﺿﺢ ﻋﻠﻲ ﻣﻼﻣﺢ ﻭﺟﻬﻬﺎ ﻭﻇﻠﺖ ﺻﺎﻣﺘﻪ ﻓﻴﻤﺎ ﺗﺎﺑﻊ ﺗﺎﻣﺮ ﻭﻫﻮ ﻳﻘﻮﻝ ﺑﺤﺪﻩ: ﻣﺒﺘﺴﻤﻌﻴﺶ ﻛﻼﻣﻲ ﺃﺑﺪﺍ ﻳﺎ ﻫﻨﺎ، ﻏﺎﻭﻳﻪ ﺗﻨﺮﻓﺰﻳﻨﻲ ﻭﺗﻌﺼﺒﻴﻨﻲ ﻛﻞ ﺷﻮﻳﻪ ﺻﺢ؟
ﺗﻨﻬﺪﺕ ﺑﺼﻮﺕ ﻣﺴﻤﻮﻉ ﻭﺗﺎﺑﻌﺖ ﻗﺎﺋﻠﻪ ﺑﺨﻔﻮﺕ ؛: ﻣﺎ ﺃﻧﺎ ﻋﺎﺭﻓﻪ ﺇﻧﻚ ﻣﺶ ﻫﺘﻘﻮﻟﻲ ﻗﺮﺭﺕ ﺍﻳﻪ ﻭﻫﺘﻔﻀﻞ ﺳﺎﻛﺖ ﻟﺤﺪ ﺃﻣﺎ ﺃﻧﺴﻲ ﺍﻟﻤﻮﺿﻮﻉ
ﺭﻓﻊ ﺣﺎﺟﺒﻪ ﺍﻷﻳﺴﺮ ﻭﻫﻮ ﻳﻘﻮﻝ ﺑﺘﺄﻛﻴﺪ: ﻳﺎﻩ، ﻣﺎﻧﺘﻲ ﺷﺎﻃﺮﻩ ﺃﻫﻮ ﻋﺮﻓﺘﻲ ﻣﻨﻴﻦ ﺍﻧﻲ ﻫﻌﻤﻞ ﻛﺪﻩ
ﺇﺗﺴﻌﺖ ﺣﺪﺍﻗﺘﻴﻬﺎ ﻭﻗﺎﻟﺖ ﺳﺮﻳﻌﺎ: ﻳﻌﻨﻲ ﺃﻧﺖ ﺑﺠﺪ...
ﺃﺳﻜﺘﻬﺎ ﺑﻄﺮﻳﻘﺘﻪ ﺍﻟﺨﺎﺻﻪ ﺣﻴﺚ قبلها بقوة، ﺟﻌﻠﻬﺎ ﺗﻌﺠﺰ ﻋﻦ ﺍﻟﻜﻼﻡ، ﻭﺗﺬﻭﺏ ﻣﻌﻪ ﻓﻲ ﻋﺎﻟﻢ اخر، ﺟﻌﻞ ﻗﻠﺒﻬﺎ ﻳﺨﻔﻖ ﻭﻳﺰﻳﺪ ﺣﺒﺎ ﻭﻋﺸﻘﺎ ﻓﻴﻪ ﺭﻏﻢ ﻛﻞ ﺷﺊ ﺗﺤﻠﻢ ﺑﻪ ﻭﺗﺘﻤﻨﻲ ﺗﺤﻘﻴﻘﻪ، ﻫﻮ ﺑﺎﻟﻨﺴﺒﻪ ﻟﻬﺎ ﺃﻛﺒﺮ ﺃﺣﻼﻣﻬﺎ، ﻭﺃﻫﻢ ﺃﺷﻴﺎﺋﻬﺎ ﻭﺃﺣﻠﻲ ﺃﻣﺎﻧﻴﻬﺎ، ﺇﺑﺘﻌﺪ ﻋﻨﻬﺎ ﺑﻴﻨﻤﺎ ﺗﻠﻮﻥ ﻭﺟﻬﻬﺎ ﺑﺤﻤﺮﻩ ﺍﻟﺨﺠﻞ ﻭﺭﻛﻀﺖ ﺧﺎﺭﺝ ﺍﻟﻐﺮﻓﻪ ﺳﺮﻳﻌﺎً ﻫﺎﺭﺑﻪ ﻣﻨﻪ ﻓﻀﺤﻚ ﺑﻘﻮﻩ ﻭﺇﺭﺗﻔﻌﺖ ﺿﺤﻜﺎﺗﻪ ﻋﻠﻲ ﺻﻐﻴﺮﺗﻪ ﺍﻟﺘﻲ ﻻ ﺣﻴﺎﺓ ﻟﻪ ﺑﺪﻭﻧﻬﺎ...
ﺗﻮﻗﻒ ﻋﻦ ﺍﻟﻀﺤﻚ ﻭﺗﻮﺟﻪ ﺇﻟﻲ ﺍﻟﺨﺎﺭﺝ ﻓﻮﺟﺪﻫﺎ ﺩﻟﻔﺖ ﺇﻟﻲ ﺍﻟﻤﻄﺒﺦ ﻓﺪﻟﻒ ﺧﻠﻔﻬﺎ ﻟﻴﻘﻮﻝ ﺑﺠﺪﻳﻪ:
- ﻣﺘﻔﺘﺤﻴﺶ ﺍﻟﻤﻮﺿﻮﻉ ﺩﻩ ﺑﻘﺎ ﺗﺎﻧﻲ ﻣﺎﺷﻲ؟:
ﻋﺒﺴﺖ ﺑﻮﺟﻬﻬﺎ ﻟﺘﻘﻮﻝ ﺑﺎﻋﺘﺮﺍﺽ: ﻫﻔﺘﺤﻪ ﻳﻌﻨﻲ ﻫﻔﺘﺤﻪ ﻟﺤﺪ ﺍﻣﺎ ﺗﻮﺍﻓﻖ ﻣﻠﻴﺶ ﺩﻋﻮﻩ
ﺭﻓﻊ ﺣﺎﺟﺒﻴﻪ ﺑﺎﻧﺪﻫﺎﺵ ﻟﻴﻘﺘﺮﺏ ﻣﻨﻬﺎ ﻭﺗﺘﻘﻠﺺ ﺍﻟﻤﺴﺎﻓﻪ ﺑﻴﻨﻬﻤﺎ ﻟﻴﻘﻮﻝ: ﻛﻼﻣﻲ ﻣﺶ ﻫﻴﺘﺴﻤﻊ ﺑﺮﺿﻮ ﻳﺎ ﻫﻨﺎ؟
ﻧﻈﺮﺕ ﻟﻪ ﻟﺘﻘﻮﻝ ﺑﻬﺪﻭﺀ: ﻫﻴﺘﺴﻤﻊ، ﺑﺲ ﻳﺎﺭﻳﺖ ﺃﻧﺖ ﺗﺴﻤﻊ ﻛﻼﻣﻲ ﻭﻟﻮ ﻣﺮﻩ ﻭﺍﺣﺪﻩ ﺑﺲ!
ﻃﺒﻊ ﻗﺒﻠﻪ ﺃﺧﻴﺮﻩ ﻋﻠﻲ ﺟﺒﻬﺘﻬﺎ ﻭﺗﺎﺑﻊ ﻗﺎﺋﻼ ﺑﻬﻤﺲ: ﻳﻼ ﺧﻠﻲ ﺑﺎﻟﻚ ﻣﻦ ﻧﻔﺴﻚ ﻳﺎ ﻫﻨﺎ، ﻭﻟﻮ ﺍﺣﺘﺎﺟﺘﻲ ﺣﺎﺟﻪ ﺭﻧﻲ ﻋﻠﻴﺎ
ﺇﻧﻔﻌﻠﺖ ﻭﻗﺎﻟﺖ ﺑﺤﻨﻖ: ﻭﻻ ﻛﺄﻧﻲ ﺑﺘﻜﻠﻢ ﻣﻌﺎﻙ ﻳﺎ ﺗﺎﻣﺮ
ﺗﺎﻣﺮ ﺑﻬﺪﻭﺀ: ﻳﻮﻭﻩ ﻳﺎ ﻫﻨﺎ ﺧﻼﺹ ﻗﻮﻟﺖ ﻫﺘﺰﻓﺖ ﻭﺃﻓﻜﺮ ﻓﻲ ﺍﻳﻪ ﻣﺎﺗﻬﺪﻱ ﺑﻘﺎ ﻭﺇﻻ ﻭﺍﻟﻠﻪ ﺃﺣﻘﻘﻠﻚ ﺍﻟﺤﻠﻢ ﺍﻟﻲ ﺣﻠﻤﺘﻴﻪ ﻭﺃﻧﺘﻲ ﺣﺮﻩ، ﺃﻧﻬﻲ ﺟﻤﻠﺘﻪ ﻭﺇﺗﺠﻪ ﺳﺮﻳﻌﺎً ﻟﻠﺨﺎﺭﺝ ﻟﻴﻨﻔﺠﺮ ﺿﺎﺣﻜﺎ ﺑﻴﻨﻤﺎ ﺭﻛﻀﺖ ﻫﻨﺎ ﺧﻠﻔﻪ ﻭﻫﻲ ﺗﻘﻮﻝ ﺑﻐﻀﺐ ﺷﺪﻳﺪ: ﺍﻳﻪ ﺳﻤﻌﻨﻲ ﻛﺪﻩ ﻗﻮﻟﺖ ﺍﻳﻪ ﻳﺎ ﺗﺎﻣﺮ؟
ﻟﻢ ﻳﺠﻴﺐ ﻋﻠﻴﻬﺎ ﺑﻞ ﻇﻞ ﻳﻀﺤﻚ ﺑﻘﻮﻩ ﻋﻠﻲ ﻣﻈﻬﺮﻫﺎ ﻭﻏﻀﺒﻬﺎ ﺍﻟﺸﺪﻳﺪ ﻣﻨﻪ ﻣﻤﺎ ﺟﻌﻞ ﻫﻨﺎ ﺗﻠﻜﻤﻪ ﻓﻲ ﺻﺪﺭﻩ ﻭﻫﻲ ﺗﻘﻮﻝ ﺑﺤﻨﻖ: ﻣﺘﻜﻠﻤﻨﻴﺶ ﻣﺘﻜﻠﻤﻨﻴﺶ ﺗﺎﻧﻲ ﺧﺎﻟﺺ ﻭﺍﻟﻠﻪ ﻣﺨﺼﻤﺎﻙ
ﻫﺪﺃ ﺗﺎﻣﺮ ﻭﺃﺧﺬ ﻳﺠﻔﻒ ﺩﻣﻮﻋﻪ ﺃﺛﺮ ﺿﺤﻜﺎﺗﻪ ﺛﻢ ﻗﺎﻝ ﺑﻬﺪﻭﺀ: ﺣﺒﻴﺒﻲ، ﺃﻧﺎ ﺃﻗﺪﺭ ﺑﺮﺿﻮ ﺃﺑﺺ ﻟﻐﻴﺮﻙ ﺩﻩ ﺃﻧﺖ ﺍﻟﻲ ﻓﻲ ﺍﻟﻘﻠﺐ
ﺃﻭﻟﺘﻪ ﻇﻬﺮﻫﺎ ﻟﺘﻘﻮﻝ ﺑﺼﻮﺕ ﻏﺎﺿﺐ: ﻣﺨﺼﻤﺎﻙ
ﺇﻗﺘﺮﺏ ﻟﻴﻌﺎﻧﻘﻬﺎ ﻣﻦ ﺍﻟﺨﻠﻒ ﻭﻳﻬﻤﺲ ﻓﻲ ﺁﺫﻧﻴﻬﺎ ﻗﺎﺋﻼ ﺑﻌﺸﻖ: ﻣﺘﻘﺪﺭﻳﺶ ﻋﻠﻲ ﺑﻌﺪﻱ ﺗﻨﻜﺮﻱ ﺩﻩ؟
ﺩﺑﺖ ﻗﺸﻌﺮﻳﺮﻩ ﻓﻲ ﺟﺴﺪﻫﺎ ﻭﻟﻜﻨﻬﺎ ﻗﺎﻟﺖ ﺑﻤﺸﺎﻛﺴﻪ: ﻻ ﺍﻗﺪﺭ
ﺇﺑﺘﺴﻢ ﺗﺎﻣﺮ ﻭﻗﺎﻝ ﻏﺎﻣﺰﺍ: ﻣﻤﻢ ﻃﻴﺐ ﺧﻠﻴﻜﻲ ﺍﺩ ﻛﻼﻣﻚ ﺑﻘﻲ ﻭﻣﺘﺮﺟﻌﻴﺶ ﺗﻌﻴﻄﻲ ﻭﺗﻨﺎﻣﻲ ﻓﻲ ﺣﻀﻨﻲ ﺑﻌﺪ ﻣﺎ ﺃﻧﺎﻡ ﻫﺎ!
ﺇﺗﺴﻌﺖ ﻋﻴﻨﺎﻫﺎ ﻟﺘﻘﻮﻝ ﺑﺸﻬﻘﻪ: ﺃﻧﺎ ﺑﻌﻤﻞ ﻛﺪﻩ
ﺿﺤﻚ ﺗﺎﻣﺮ ﻗﺎﺋﻼ: ﺍﻳﻮﻩ ﺍﻳﻮﻩ ﻣﺜﻠﻲ ﻋﻠﻴﺎ ﻳﺎ ﻧﻮﻧﺘﻲ
ﺇﻟﺘﻔﺘﺖ ﻟﺘﻨﻈﺮ ﻟﻪ ﻗﺎﺋﻠﻪ ﺑﺤﺐ: ﺃﻋﻤﻞ ﺍﻳﻪ ﻳﻌﻨﻲ ﻣﺎ ﺃﻧﺎ ﺑﺤﺒﻚ
ﺟﺬﺑﻬﺎ ﺇﻟﻲ ﺃﺣﻀﺎﻧﻪ ﻭﻋﺎﻧﻘﻬﺎ ﺑﻘﻮﻩ ﻟﻴﻘﻮﻝ ﺑﻬﺪﻭﺀ: ﻭﺃﻧﺎ ﺑﻤﻮﺕ ﻓﻴﻜﻲ ﻭﺁﺧﺮﺗﻴﻨﻲ ﻋﻠﻲ ﺍﻟﺸﻐﻞ ﻳﺎ ﻫﻨﺎ ﻋﺎﺟﺒﻚ ﻛﺪﻩ
ﺿﺤﻜﺖ ﻗﺎﺋﻠﻪ ﺑﺘﻠﻘﺎﺋﻴﻪ: ﺑﺤﺒﻚ.
ﻗﺒﻞ ﻭﺟﻨﺘﻬﺎ ﺑﺮﻗﻪ ﺛﻢ ﻗﺎﻝ ﻣﺒﺘﺴﻤﺎ: ﺑﻤﻮﺕ ﻓﻴﻜﻲ، ﻳﻼ ﺳﻼﻡ ﻳﺎﻧﻮﻧﺘﻲ، ﺛﻢ ﻓﺘﺢ ﺍﻟﺒﺎﺏ ﻭﺧﺮﺝ ﺗﺎﺭﻛﺎً ﻟﻬﺎ ﺗﺘﻨﻔﺲ ﻋﺸﻘﻪ ﻭﺭﺍﺋﺤﺘﻪ ﻣﻐﻠﻘﻪ ﻋﻴﻨﻴﻬﺎ ﻟﺘﺴﺘﻤﺘﻊ ﺑﺄﺛﺮ ﺻﻮﺗﻪ ﻭﻧﻈﺮﺍﺗﻪ ﺍﻟﻌﺎﺷﻘﻪ ﻟﻬﺎ ﺩﻭﻣﺎً
ﻓﻲ ﻣﻨﺰﻝ ﺃﺣﻤﺪ ﻭﻣﺮﻳﻢ
ﺩﻕ ﺟﺮﺱ ﺍﻟﻤﻨﺰﻝ ﻓﺘﻮﺟﻬﺖ ﻭﻓﺎﺀ ﻟﺘﻔﺘﺢ ﻭﺗﺮﻱ ﺇﺑﻨﺔ ﺷﻘﻴﻘﺘﻬﺎ ﺫﺍﺕ ﺍﻟﺮﺩﺍﺀ ﺍﻟﻮﺍﺳﻊ ﻭﺍﻟﻮﺟﻪ ﺍﻟﻤﻼﺋﻜﻲ ﺍﻟﺒﺸﻮﺵ ﻭﺍﻟﺘﻲ ﺗﻤﺘﻠﻚ ﺭﻭﺣﺎ ﻣﺮﺣﻪ ﺇﻟﻲ ﺣﺪ ﻛﺒﻴﺮ، ﻣﺎ ﺍﻥ ﺭﺃﺗﻬﺎ ﻭﻓﺎﺀ ﺣﺘﻲ ﺇﺑﺘﺴﻤﺖ ﺑﺎﺗﺴﺎﻉ ﻭﻗﺎﻟﺖ ﺑﺬﻫﻮﻝ:
ﻣﺶ ﻣﻌﻘﻮﻝ ﺍﻳﻪ ﺍﻟﻤﻔﺎﺟﺄﻩ ﺍﻟﺤﻠﻮﻩ ﺩﻱ.
ﺑﺎﺩﻟﺘﻬﺎ ﻫﺪﻱ ﺍﻻﺑﺘﺴﺎﻣﻪ ﻭﻗﺎﻟﺖ ﺑﺎﺷﺘﻴﺎﻕ: ﺍﺯﻳﻚ ﻳﺎ ﺧﺎﻟﺘﻮ، ﻭﺣﺸﺘﻴﻨﻲ ﺃﻭﻱ
ﻋﺎﻧﻘﺘﻬﺎ ﻭﻓﺎﺀ ﺑﺤﻨﺎﻥ ﻭﻗﺎﻟﺖ: ﺣﺒﻴﺒﺘﻲ ﻭﺃﻧﺘﻲ ﺃﻛﺘﺮ ﺃﻭﻣﺎﻝ ﻓﻴﻦ ﻣﺎﻣﺎ
ﺗﻨﻬﺪﺕ ﻫﺪﻱ ﻗﺎﺋﻠﻪ: ﻫﻲ ﻓﻲ ﺍﻟﺒﻴﺖ، ﺃﻧﺎ ﺑﺲ ﻛﻨﺖ ﻓﻲ ﻣﺸﻮﺍﺭ ﻭﻋﺪﻳﺖ ﻣﻦ ﻗﺪﺍﻡ ﺍﻟﺒﻴﺖ ﻗﻮﻟﺖ ﺃﻃﻠﻊ ﺃﺳﻠﻢ ﻋﻠﻴﻜﻲ ﺃﻧﺘﻲ ﻭﺃﺣﻤﺪ
ﺃﻣﺴﻜﺖ ﻭﻓﺎﺀ ﺑﻴﺪﻫﺎ ﻭﻫﻲ ﺗﺴﺤﺒﻬﺎ ﺍﻟﻲ ﺍﻟﺪﺍﺧﻞ ﻭﺗﻘﻮﻝ: ﺗﻌﺎﻟﻲ ﻳﺎﺣﺒﻴﺒﺘﻲ، ﺧﺸﻲ ﺩﻩ ﺍﻧﺘﻲ ﻧﻮﺭﺗﻴﻨﻲ ﻭﺍﻟﻠﻪ
ﺟﻠﺴﺖ ﻫﺪﻱ ﻟﺘﻘﻮﻝ ﺑﺘﺴﺎﺅﻝ: ﺃﻭﻣﺎﻝ ﺃﺣﻤﺪ ﻭﻣﺮﻳﻢ ﻓﻴﻦ؟
ﺇﺑﺘﺴﻤﺖ ﻭﻓﺎﺀ ﻗﺎﺋﻠﻪ: ﺛﻮﺍﻧﻲ ﺑﺲ، ﺛﻢ ﺳﺎﺭﺕ ﻓﻲ ﺇﺗﺠﺎﻩ ﺍﻟﻐﺮﻓﻪ ﻭﻃﺮﻗﺖ ﺍﻟﺒﺎﺏ ﻭﻫﻲ ﺗﻘﻮﻝ ﺑﺨﻔﻮﺕ: ﺃﺣﻤﺪ، ﻣﺮﻳﻢ ﻳﺎ ﻭﻻﺩ
ﻓﺘﺢ ﺃﺣﻤﺪ ﻋﻴﻨﻴﻪ ﺑﺒﻄﺊ ﻟﻴﻘﻮﻝ ﺑﺘﻜﺎﺳﻞ ﻭﻫﻮ ﻳﻨﻈﺮ ﺇﻟﻲ ﺯﻭﺟﺘﻪ ﺍﻟﻨﺎﺋﻤﻪ ﺟﻮﺍﺭﻩ ؛: ﺍﻳﻮﻩ ﺍﻳﻮﻩ ﻳﺎ ﻣﺎﻣﺎ، ﺍﺩﺧﻠﻲ ﻳﺎﺣﺒﻴﺒﺘﻲ
ﺩﻟﻔﺖ ﻭﻓﺎﺀ ﺇﻟﻲ ﺍﻟﻐﺮﻓﻪ ﺑﻬﺪﻭﺀ ﻟﺘﻘﻮﻝ ﺑﺠﺪﻳﻪ: ﺑﻘﻮﻟﻚ ﺍﻳﻪ ﻳﻼ ﻗﻮﻡ ﻟﺤﺴﻦ ﻫﺪﻱ ﺑﻨﺖ ﺧﺎﻟﺘﻚ ﺑﺮﻩ ﻭﺟﺎﻳﻪ ﺗﻄﻤﻦ ﻋﻠﻴﺎ ﻭﺗﺴﻠﻢ ﻋﻠﻴﻚ.
ﺃﻭﻣﺄ ﺃﺣﻤﺪ ﺑﺮﺃﺳﻪ ﻗﺎﺋﻼ: ﻃﻴﺐ ﻳﺎ ﻣﺎﻣﺎ ﺟﺎﻱ ﻭﺭﺍﻛﻲ، ﺛﻢ ﻧﻈﺮ ﺇﻟﻲ ﻣﺮﻳﻢ ﻭﻗﺎﻝ: ﻗﻮﻣﻲ ﻳﺎ ﻣﺮﻳﻢ ﻳﺎ ﺣﺒﻴﺒﺘﻲ ﻭﻻ ﻛﺄﻧﻚ ﻓﻲ ﻏﻴﺒﻮﺑﻪ ﻭﺍﻟﻠﻪ
ﻗﻬﻘﻬﺖ ﻭﺍﻟﺪﺗﻪ ﺑﺸﺪﻩ ﻣﻤﺎ ﺟﻌﻞ ﻣﺮﻳﻢ ﺗﻔﻴﻖ ﺃﺛﺮ ﺿﺤﻜﺎﺗﻬﺎ ﻟﺘﻔﺘﺢ ﻋﻴﻨﻴﻬﺎ ﻭﺗﻘﻮﻝ ﺑﺘﻜﺎﺳﻞ: ﺍﻳﻪ ﻓﻲ ﺍﻳﻪ ﺍﻟﺼﻮﺕ ﺩﻩ ﻫﻮ ﺍﻟﻮﺍﺣﺪ ﻣﻴﻌﺮﻓﺶ ﻳﺮﺗﺎﺡ ﻓﻲ ﺍﻟﺒﻴﺖ ﺩﻩ ﻳﺎﺭﺑﻲ
ﻧﻬﺾ ﺃﺣﻤﺪ ﻗﺎﺋﻼ ﺑﻤﺰﺍﺡ: ﻗﻮﻣﻲ ﻗﻮﻣﻲ ﺩﻩ ﻫﺪﻫﻮﺩ ﺟﺖ ﺑﺮﻩ ﻋﺸﺎﻥ ﺗﻄﻤﻦ ﻋﻠﻴﺎ ﻳﻼ ﻗﻮﻣﻲ.
ﺇﻧﺘﻔﻀﺖ ﻣﺮﻳﻢ ﻣﻦ ﻓﺮﺍﺷﻬﺎ ﻟﺘﻬﺐ ﻭﺍﻗﻔﻪ ﻋﻠﻲ ﻗﺪﻣﻴﻬﺎ ﻭﺗﺘﺠﻪ ﺇﻟﻴﻪ ﺑﺴﺮﻋﻪ ﺷﺪﻳﺪﻩ ﻭﻗﺎﻟﺖ: ﻧﻌﻢ ﻳﺎ ﺃﺧﻮﻳﺎ ﻫﻮﺩﻫﻮﺩ ﻣﻴﻦ ﻭﺗﻄﻤﻦ ﻋﻠﻲ ﻣﻴﻦ؟
ﺣﺒﺲ ﺃﺣﻤﺪ ﺿﺤﻜﺎﺗﻪ ﻭﻗﺎﻝ ﺑﻬﺪﻭﺀ: ﺑﻨﺖ ﺧﺎﻟﺘﻲ
ﺭﻓﻌﺖ ﺣﺎﺟﺒﻴﻬﺎ ﺑﺎﻧﺪﻫﺎﺵ ﻭﻗﺎﻟﺖ ﻧﺎﻇﺮﻩ ﺇﻟﻲ ﻭﻓﺎﺀ: ﺍﻳﻪ ﻳﺎ ﺃﻡ ﺃﺣﻤﺪ ﻣﺎ ﺗﺸﻮﻓﻲ ﺍﺑﻨﻚ ﺑﺪﻝ ﻭﺍﻟﻠﻪ ﺃﻋﻤﻞ ﻣﻌﺎﻩ ﺍﻟﺠﻼﺷﻪ ﻋﻠﻲ ﺍﻟﺼﺒﺢ.
ﻗﻬﻘﻬﺖ ﻭﻓﺎﺀ ﻭﺻﻤﺘﺖ ﻋﻨﺪﻣﺎ ﻏﻤﺰ ﻟﻬﺎ ﺃﺣﻤﺪ ﻭﺗﻮﺟﻬﺖ ﺇﻟﻲ ﺍﻟﺨﺎﺭﺝ ﺑﻬﺪﻭﺀ ﺑﻴﻨﻤﺎ ﻧﻈﺮ ﻟﻬﺎ ﺃﺣﻤﺪ ﻗﺎﺻﺪ ﻳﺮﺍﻭﻏﻬﺎ ﻭﻣﻦ ﺛﻢ ﺳﺎﺭ ﻓﻲ ﺇﺗﺠﺎﻩ ﺍﻟﻤﺮﺣﺎﺽ ﻭﺑﻌﺪ ﻗﻠﻴﻞ ﻗﺪ ﺃﺩﻱ ﺻﻼﺓ ﺍﻟﻀﺤﻲ ﻭﺳﻠﻢ ﻣﺮﻩ ﻋﻦ ﻳﻤﻴﻨﻪ ﻭﻣﺮﻩ ﻋﻦ ﻳﺴﺎﺭﻩ ﻭﻛﺬﻟﻚ ﻣﺮﻳﻢ ﺍﻟﺘﻲ ﺃﺩﺗﻬﺎ ﻓﻲ ﺭﻛﻦ ﺁﺧﺮ ﺑﺄﺣﺪ ﺃﻧﺤﺎﺀ ﺍﻟﻐﺮﻓﻪ، ﻭﺟﻠﺴﺎ ﻳﺨﺘﻤﺎ ﺍﻟﺼﻼﻩ ﺛﻢ ﻧﻬﺾ ﺃﺣﻤﺪ ﻭﺇﺗﺠﻪ ﺇﻟﻲ ﺍﻟﺨﺎﺭﺝ، ﻭﺇﺗﺒﻌﺘﻪ ﻣﺮﻳﻢ ﻭﻫﻲ ﺗﻌﺾ ﻋﻠﻲ ﺷﻔﺘﻴﻬﺎ ﺑﻴﻨﻤﺎ ﻗﺎﻝ ﺃﺣﻤﺪ ﺑﺘﺮﺣﻴﺐ: ﺃﻫﻼ ﺃﻫﻼ ﺩﻩ ﺍﻳﻪ ﺍﻟﻨﻮﺭ ﺩﻩ.
ﻧﻬﻀﺖ ﻫﺪﻱ ﻭﺻﺎﻓﺤﺘﻪ ﺑﻴﺪﻫﺎ ﻭﻗﺎﻟﺖ ﺑﺎﺑﺘﺴﺎﻣﻪ: ﺇﺯﻳﻚ ﻳﺎ ﺍﺣﻤﺪ ﺩﻩ ﺃﻧﺖ ﻭﺍﺣﺸﻨﻲ ﺃﻭﻱ ﻭﺍﻟﻠﻪ
ﺍﺗﺴﻌﺖ ﻋﻴﻦ ﻣﺮﻳﻢ ﻣﺪﻫﻮﺷﻪ ﻣﻤﺎ ﻳﺤﺪﺙ ﻭﻓﻐﺮﺕ ﺷﻔﺎﻫﺎ ﻋﻨﺪﻣﺎ ﻭﺟﺪﺗﻪ ﻳﻌﺎﻧﻘﻬﺎ ﻭﻳﻤﺰﺡ ﻣﻌﻬﺎ ﻭﻛﺄﻥ ﺷﻴﺌﺎً ﻟﻢ ﻳﻜﻦ ﻓﺄﻗﺘﺮﺑﺖ ﻣﻨﻬﻤﺎ ﻭﻫﻲ ﺗﻘﻮﻝ ﺑﺼﻮﺕ ﻋﺎﻝِ: ﺍﻟﻠﻪ ﺍﻛﺒﺮ ﻳﺎ ﺻﻼﺓ ﺍﻟﻨﺒﻲ ﺃﺣﺴﻦ
ﻣﺎﺯﺍﻝ ﺃﺣﻤﺪ ﻳﺤﺒﺲ ﺿﺤﻜﺎﺗﻪ ﺑﺼﻌﻮﺑﻪ ﻓﻘﺎﻝ ﺩﻭﻥ ﺍﻟﻨﻈﺮ ﺇﻟﻴﻬﺎ: ﺍﻳﻪ ﻳﺎ ﻣﺮﻳﻢ ﻓﻲ ﺍﻳﻪ ﻳﻼ ﺣﻀﺮﻳﻠﻲ ﺍﻟﻔﻄﺎﺭ ﻋﺸﺎﻥ ﺩﻭﺩﻭ ﻫﺘﻔﻄﺮ ﻣﻌﺎﻳﺎ.
ﺑﺪﻭﻥ ﻣﻘﺪﻣﺎﺕ ﻭﻛﺰﺗﻪ ﺑﻘﻮﻩ ﻓﻲ ﺻﺪﺭﻩ ﻣﻤﺎ ﺟﻌﻠﻪ ﻳﺘﺄﻟﻢ ﺑﺸﺪﻩ ﻭﻗﺎﻝ: ﺍﺍﺍﺍﺍﻩ ﻳﺎﺑﻨﺖ ﺍﻟﻠﺬﻳﻦ
ﺻﺮﺕ ﻣﺮﻳﻢ ﻋﻠﻲ ﺃﺳﻨﺎﻧﻬﺎ ﻭﺗﺎﺑﻌﺖ ﻗﺎﺋﻠﻪ ﺑﻐﻀﺐ ﺷﺪﻳﺪ: ﺃﻗﺴﻢ ﺑﺎﻟﻠﻪ ﻷﻭﺭﻳﻚ، ﺩﻩ ﺃﻧﺎ ﻫﻮﺭﻳﻚ ﻭﺍﻟﻠﻪ ﻷﻭﺭﻳﻚ
ﻗﻬﻘﻪ ﺃﺣﻤﺪ ﺛﻢ ﻗﺎﻝ ﻣﻦ ﺑﻴﻦ ﺿﺤﻜﺎﺗﻪ: ﺧﻼﺹ ﻳﺎﺑﻨﺘﻲ ﺃﻧﺘﻲ ﻋﻠﻘﺘﻲ ﻭﻻ ﺍﻳﻪ، ﺛﻢ ﻏﻤﺰ ﻟﻬﺪﻱ ﻭﻧﻈﺮ ﻟﻬﺎ ﻧﻈﺮﺍﺕ ﺫﺍﺕ ﻣﻌﻨﻲ ﻭﻫﻮ ﻳﻘﻮﻝ: ﻋﺎﺟﺒﻚ ﻛﺪﻩ ﻳﺎﺩﻭﺩﻭ ﺃﻫﻮ ﻛﻞ ﻳﻮﻡ ﻣﻦ ﺩﻩ
ﺇﺑﺘﺴﻤﺖ ﻫﺪﻱ ﺑﻤﻜﺮ ﻟﺘﺘﺎﺑﻊ ﻗﺎﺋﻠﻪ ﺑﻤﺮﺍﻭﻏﻪ: ﻣﻨﺎ ﻛﻨﺖ ﻗﺪﺍﻣﻚ ﻳﺎ ﺃﺣﻤﺪ ﺳﺒﺘﻨﻲ ﻭﺇﺗﺠﻮﺯﺕ ﺍﻟﻜﺮﻭﻣﺒﻪ ﺩﻱ ﻳﻨﻔﻊ ﻳﻌﻨﻲ.
ﻓﻐﺮﺕ ﺷﻔﺎﻫﺎ ﻓﻲ ﺻﺪﻣﻪ ﺟﻠﻴﻪ ﻭﻟﻜﻨﻬﺎ ﻗﺎﻟﺖ ﺑﺸﺮﺍﺳﻪ: ﻻﻻ ﺩﻩ ﺍﻟﻤﻮﺿﻮﻉ ﻛﺪﻩ ﺷﻜﻠﻪ ﻫﻴﺒﻘﻲ ﻓﻴﻪ ﺩﻡ ﻭﻓﻲ ﻧﺎﺱ ﻫﺘﺘﻌﻮﺭ ﻭﺗﺮﻭﺡ ﺍﻟﻤﺴﺘﺸﻔﻲ ﻛﻤﺎﻥ ﻭﻧﻬﺎﺭﻛﻢ ﻣﻌﺎﻳﺎ ﻣﺶ ﻓﺎﻳﺖ ﺃﻗﺴﻢ ﺑﺎﻟﻠﻪ
ﺃﺭﺩﻓﺖ ﻫﺪﻱ ﻟﺘﻘﻮﻝ ﺑﺠﺪﻳﻪ ﻣﺼﻄﻨﻌﻪ: ﺍﻭﻭﻭ ﻣﺮﺍﺗﻚ ﺑﻠﺪﻱ ﺃﻭﻱ ﻳﺎ ﺍﺑﻮ ﺣﻤﻴﺪ
ﺃﻭﻣﺄ ﺃﺣﻤﺪ ﺑﺮﺃﺳﻪ ﻗﺎﺋﻼ: ﻓﻌﻼ ﺑﻠﺪﻱ ﺟﺪﺍ.
ﺗﺮﻗﻘﺖ ﺍﻟﺪﻣﻮﻉ ﻓﻲ ﻋﻴﻦ ﻣﺮﻳﻢ ﻭﺷﻌﺮﺕ ﺑﺎﺧﺘﻨﺎﻕ ﺷﺪﻳﺪ، ﻟﻢ ﺗﺴﺘﻮﻋﺐ ﺃﻥ ﺃﺣﻤﺪ ﺍﻟﺬﻱ ﻳﻘﻮﻝ ﻋﻠﻴﻬﺎ ﺫﻟﻚ ﻧﻈﺮﺕ ﻟﻪ ﺑﺤﺰﻥ ﻭﺳﺎﺭﺕ ﺳﺮﻳﻌﺎً ﺇﻟﻲ ﻏﺮﻓﺘﻬﻤﺎ ﻭﺗﺮﻛﺖ ﻟﺪﻣﻮﻋﻬﺎ ﺍﻟﻤﺠﺎﻝ ﻟﺘﻨﻬﻤﺮ ﺳﺮﻳﻌﺎ، ﺑﻴﻨﻤﺎ ﺇﺗﺒﻌﻬﺎ ﺃﺣﻤﺪ ﺳﺮﻳﻌﺎ ﺑﻴﺮﺍﻩ ﻗﺎﻣﺖ ﺑﻔﺘﺢ ﺍﻟﺨﺰﺍﻧﻪ ﻭﺗﻠﻤﻠﻢ ﻣﻼﺑﺴﻬﺎ ﺑﺴﺮﻋﻪ ﻓﻘﺎﻝ ﻣﻨﺪﻫﺸﺎً: ﺍﻳﻪ ﺩﻩ ﺍﻧﺘﻲ ﻫﺘﺴﻴﺒﻲ ﺍﻟﺒﻴﺖ ﻛﻤﺎﻥ؟
ﺗﺤﺪﺛﺖ ﺑﻌﺼﺒﻴﻪ ﻣﻦ ﺑﻴﻦ ﺑﻜﺎﺋﻬﺎ: ﺍﻧﺖ ﻣﺘﺘﻜﻠﻤﺶ ﻣﻌﺎﻳﺎ ﺧﺎﻟﺺ، ﺍﻧﺎ ﺷﻜﻠﻲ ﺍﺗﺨﺪﻋﺖ ﻓﻴﻚ ﺃﺻﻼ، ﺃﻧﺎ ﻫﺮﻭﺡ ﻷﺧﻮﻳﺎ ﻫﻮ ﺃﻭﻟﻲ ﺑﻴﺎ، ﻭﺧﻠﻴﻚ ﺃﻧﺖ ﻣﻊ ﺍﻟﻬﺎﻧﻢ ﺣﺒﻚ ﺍﻷﻭﻝ ﺩﻱ ﻭﺃﻭﻣﺎﻝ ﻋﻤﻠﻲ ﻓﻴﻬﺎ ﺷﻴﺦ ﻭﺑﺘﺴﻠﻢ ﻭﺗﻬﺰﺭ ﻣﻌﺎﻫﺎ ﻋﺎﺩﻱ ﻛﺪﻩ، ﺩﻩ ﺃﻧﺖ ﻣﻤﺜﻞ ﺣﻠﻮ ﺃﻭﻱ ﺍﻟﺼﺮﺍﺣﻪ
ﺇﻗﺘﺮﺏ ﻣﻨﻬﺎ ﺃﺣﻤﺪ ﺑﻬﺪﻭﺀ ﻭﻣﻦ ﺛﻢ ﻗﺎﻝ ﺿﺎﺣﻜﺎ:
- ﻃﺐ ﺍﻫﺪﻱ، ﻭﺍﻟﻠﻪ ﻛﻨﺖ ﺑﻬﺰﺭ ﻣﻌﺎﻛﻲ، ﺃﻧﺘﻲ ﻋﺎﺭﻓﻪ ﺩﻱ ﻣﻴﻦ
ﻧﻈﺮﺕ ﻟﻪ ﻟﺘﻘﻮﻝ ﺑﻐﻀﺐ: ﺍﻩ ﺑﻨﺖ ﺧﺎﻟﺘﻚ ﺍﻟﻲ ﺃﻧﺖ ﻛﻨﺖ ﺑﺘﺤﺒﻬﺎ ﻣﻨﺎ ﻋﺎﺭﻓﻪ.
ﺇﻗﺘﺮﺏ ﺃﻛﺜﺮ ﻭﻣﺴﺢ ﺩﻣﻮﻋﻬﺎ ﺑﺄﻧﺎﻣﻠﻪ ﻭﻗﺎﻝ ﺑﺎﺑﺘﺴﺎﻣﻪ: ﻋﻠﻲ ﻓﻜﺮﻩ ﺩﻱ ﺃﺧﺘﻲ ﻓﻲ ﺍﻟﺮﺿﺎﻋﻪ ﻋﺸﺎﻥ ﻛﺪﻩ ﺑﺴﻠﻢ ﻭﺃﻫﺰﺭ ﻣﻌﺎﻫﺎ ﻋﺎﺩﻱ
ﺇﺗﺴﻌﺖ ﺣﺪﺍﻗﺘﻲ ﻣﺮﻳﻢ ﻟﺘﻘﻮﻝ ﻣﺬﻫﻮﻟﻪ: ﺍﻳﻪ؟ ﺍﺧﺘﻚ!
ﺃﻭﻣﺄ ﺑﺮﺃﺳﻪ ﻗﺎﺋﻼ ﺑﺎﻳﺠﺎﺏ: ﺍﻳﻮﻩ ﻭﺣﺒﻴﺖ ﺃﻫﺰﺭ ﻣﻌﺎﻛﻲ ﻭﻫﻲ ﻛﻤﺎﻥ ﺑﺘﻬﺰﺭ ﻭﺍﻟﻠﻪ
ﺇﺑﺘﻠﻌﺖ ﺭﻳﻘﻬﺎ ﺑﺘﻮﺗﺮ ﻭﻗﺎﻟﺖ: ﺑﺲ ﺃﻧﺖ ﻣﻘﻮﻟﺘﻠﻴﺶ ﻗﺒﻞ ﻛﺪﻩ
ﺃﺣﻤﺪ ﺑﻬﺪﻭﺀ: ﻣﺠﺘﺶ ﻣﻨﺎﺳﺒﻪ ﻷﻧﻬﺎ ﻛﺎﻧﺖ ﻣﺴﺎﻓﺮﻩ ﻣﻊ ﺟﻮﺯﻫﺎ ﺃﺻﻼ ﻭﻧﺰﻟﺖ ﺃﺟﺎﺯﻩ ﻭﻗﻌﺪﻩ ﻣﻊ ﻣﺎﻣﺘﻬﺎ.
ﺻﻤﺘﺖ ﻣﺮﻳﻢ ﻓﻘﺎﻝ ﺃﺣﻤﺪ ﺑﺰﻋﻞ ﻣﺼﻄﻨﻊ: ﻭﺃﻧﺎ ﻣﺶ ﻋﺎﻣﻞ ﻓﻴﻬﺎ ﺷﻴﺦ ﻫﺎﺍﺍ
ﺭﻓﻌﺖ ﺃﻋﻴﻨﻬﺎ ﺍﻟﺪﺍﻣﻌﻪ ﺇﻟﻲ ﻋﻴﻨﻴﻪ ﻭﻗﺎﻟﺖ ﺑﺨﻔﻮﺕ: ﻣﻜﻨﺶ ﻗﺼﺪﻱ ﺇﻧﺖ ﺍﻟﻲ ﻋﺼﺒﺘﻨﻲ
ﻃﺒﻊ ﻗﺒﻠﻪ ﻋﻠﻲ ﺟﺒﻴﻨﻬﺎ ﻭﻗﺎﻝ ﻫﺎﻣﺴﺎً: ﻣﻢ ﺑﺲ ﻣﻌﺮﻓﺶ ﺇﻧﻚ ﺣﺴﺎﺱ ﻛﺪﻩ
ﺇﺑﺘﺴﻤﺖ ﻣﺮﻳﻢ ﻭﺗﻮﺭﺩﺕ ﻭﺟﻨﺘﻴﻬﺎ ﺧﺠﻼ ﻓﻴﻤﺎ ﻗﺎﻝ ﺃﺣﻤﺪ ﻣﺎﺯﺣﺎً: ﻻ ﻛﺪﻩ ﻛﺘﻴﺮ ﻭﺑﺘﺘﻜﺴﻔﻲ ﻛﻤﺎﻥ
ﻭﻛﺰﺗﻪ ﻗﺎﺋﻠﻪ ﺑﻬﺪﻭﺀ: ﻃﺐ ﻳﻼ ﻧﺨﺮﺝ
ﺧﺮﺟﺎ ﺳﻮﻳﺎ ﺣﺘﻲ ﻗﺎﻟﺖ ﻫﺪﻱ ﺑﺂﺳﻒ: ﺃﻧﺎ ﺁﺳﻔﻪ ﻳﺎ ﻣﺮﻳﻢ ﻣﻜﻨﺶ ﻗﺼﺪﻱ ﻭﺍﻟﻠﻪ، ﺣﺒﻴﺖ ﺃﻫﺰﺭ ﻣﻌﺎﻛﻲ ﺑﺲ ﻭﺍﻟﻠﻪ.
ﺍﺑﺘﺴﻤﺖ ﻣﺮﻳﻢ ﻟﺘﻘﻮﻝ ﺑﻬﺪﻭﺀ: ﻻ ﻭﻻ ﻳﻬﻤﻚ ﺃﻧﺎ ﺍﻟﻲ ﺍﺳﻔﻪ ﺣﺼﻞ ﺧﻴﺮ
ﻧﻬﻀﺖ ﻭﻓﺎﺀ ﻭﻫﻲ ﺗﻘﻮﻝ: ﺃﻧﺎ ﻫﺤﻀﺮ ﻓﻄﺎﺭ ﻭﻧﻔﻄﺮ ﻣﻊ ﺑﻌﺾ ﺑﻘﺎ
ﻋﻠﻲ ﺟﺎﻧﺐ ﺁﺧﺮ
ﺗﺤﺪﺛﺖ ﻧﺠﺎﺡ ﻭﻫﻲ ﺗﺤﺪﻕ ﻓﻲ ﺍﻟﻔﺮﺍﻍ ﺑﺸﺮ: ﻣﺎ ﻫﻮ ﻣﻔﻴﺶ ﺣﻞ ﻏﻴﺮ ﻛﺪﻩ
ﺭﺩﺕ ﻋﻠﻴﻬﺎ، ﻧﺴﻤﻪ ﻭﻫﻲ ﺗﻘﻮﻝ: ﺑﺲ ﺩﻩ ﻛﺪﻩ ﻣﻤﻜﻦ ﻳﻌﻤﻞ ﺟﻨﺎﻳﻪ ﻋﻠﻲ ﻓﻜﺮﻩ
ﺻﺮﺕ ﻋﻠﻲ ﺃﺳﻨﺎﻧﻬﺎ ﻗﺎﺋﻠﻪ ﺑﺤﻨﻖ: ﻣﻌﺮﻓﺶ ﺃﻫﻮ ﻧﺠﺮﺏ ﻭﺧﻼﺹ، ﻭﺑﻌﺪﻳﻦ ﻻﺯﻡ ﺍﺣﺮﻕ ﻗﻠﺒﻪ
ﺃﻭﻣﺄﺕ ﻧﺴﻤﻪ ﺑﺮﺃﺳﻬﺎ ﻗﺎﺋﻠﻪ: ﻃﻴﺐ ﻳﻼ ﻛﻠﻤﻴﻪ ﺧﻠﻴﻪ ﻳﺠﻲ ﻭﺃﻧﺎ ﻫﺤﺎﻭﻝ ﺃﻧﺪﻩ ﻟﺰﻳﻨﻪ ﺗﺨﺒﻂ ﻋﻠﻴﻬﺎ ﻭﻧﺤﺎﻭﻝ ﻧﺨﺮﺟﻬﺎ.
ﺃﻣﺴﻜﺖ ﻧﺠﺎﺡ ﺑﺎﻟﻬﺎﺗﻒ ﺍﻟﺨﺎﺹ ﺑﻬﺎ ﻭﻫﺎﺗﻔﺖ ﺷﺨﺺ ﻣﺎ ﻟﺘﻘﻮﻝ ﺑﻬﺪﻭﺀ ﻣﺨﻴﻒ: ﻳﻼ ﺗﻌﺎﻟﻲ!
ﺑﻴﻨﻤﺎ ﻛﺎﻧﺖ ﻫﻨﺎ، ﺩﺍﺧﻞ ﺷﻘﺘﻬﺎ ﻓﺸﻌﺮﺕ ﺑﺪﻭﺍﺭ ﻭﻫﻲ ﺗﺮﺗﺐ ﺍﻟﻤﻨﺰﻝ ﻓﺠﻠﺴﺖ ﻋﻠﻲ ﺃﻗﺮﺏ ﻣﻘﻌﺪ ﻭﻗﺪ ﺷﻌﺮﺕ ﺃﻳﻀﺎً ﺑﺄﻟﻢ ﻓﻲ ﻣﻌﺪﺗﻬﺎ ﻭﻟﻜﻨﻬﺎ ﺣﺎﻭﻟﺖ ﺃﻥ ﺗﻠﻬﻲ ﻧﻔﺴﻬﺎ ﻛﻲ ﻻ ﺗﻨﺪﻣﺞ ﻣﻊ ﻫﺬﺍ ﺍﻷﻟﻢ
ﻓﻲ ﻣﻨﺰﻝ ﻧﻬﻲ
ﺭﻛﻀﺖ ﺳﺮﻳﻌﺎً ﺇﻟﻲ ﺍﻟﻤﺮﺣﺎﺽ ﻟﺘﺘﻘﺊ ﻭﻫﻲ ﺗﺘﺄﻟﻢ ﺑﺸﺪﻩ ﺑﻴﻨﻤﺎ ﺭﻛﻀﺖ ﺗﺤﻴﻪ ﺧﻠﻔﻬﺎ ﻭﻫﻲ ﺗﻘﻮﻝ ﺑﻠﻬﻔﻪ:
ﻣﺎﻟﻚ ﻳﺎﺑﺖ ﻳﺎﻧﻬﻲ.
ﺃﺧﺬﺕ ﻧﻬﻲ ﺗﺘﻨﻔﺲ ﺑﺼﻌﻮﺑﻪ، ﻭﺍﺿﻌﻪ ﻳﺪﻫﺎ ﻋﻠﻲ ﺑﻄﻨﻬﺎ ﻟﺘﺘﺄﻭﻩ ﺑﺸﺪﻩ: ﺍﻩ، ﺍﻩ ﺑﻄﻨﻲ ﺑﺘﻮﺟﻌﻨﻲ ﺍﻭﻱ ﻣﺶ ﻗﺎﺩﺭﻩ
ﻣﻄﺖ ﺗﺤﻴﻪ ﺷﻔﺘﻴﻬﺎ ﻟﺘﻘﻮﻝ ﻭﻫﻲ ﺗﻀﻴﻖ ﻋﻴﻨﻴﻬﺎ:
- ﻟﺘﻜﻮﻧﻲ ﺣﺎﻣﻞ ﻳﺎﺑﺖ
ﺇﺗﺴﻌﺖ ﻋﻴﻦ ﻧﻬﻲ ﻗﺎﺋﻠﻪ: ﺍﻳﻴﻪ ﺣﺎﻣﻞ
ﺃﻭﻣﺄﺕ ﺗﺤﻴﻪ ﺑﺮﺃﺳﻬﺎ ﻗﺎﺋﻠﻪ ﺑﺘﺄﻛﻴﺪ: ﺁﻩ ﺃﻛﻴﺪ ﺑﻘﻮﻟﻚ ﺍﻳﻪ ﻗﻮﻣﻲ ﺇﻟﺒﺴﻲ ﺑﺴﺮﻋﻪ ﻭﺗﻌﺎﻟﻲ ﻧﺮﻭﺡ ﺍﻟﻤﺴﺘﻮﺻﻒ
ﻇﻬﺮﺕ ﻋﻼﻣﺎﺕ ﺍﻟﺤﺰﻥ ﻋﻠﻲ ﻣﻼﻣﺤﻬﺎ ﺍﻟﺒﺎﻫﺘﻪ ﻟﺘﻘﻮﻝ ﺑﺼﻮﺕ ﺑﺎﻛﻲ ﻣﺘﺄﻟﻢ: ﻳﺎﺭﺏ ﻣﺎ ﻳﻄﻠﻊ ﺣﻤﻞ ﺃﻧﺎ ﻣﺶ ﻋﺎﻳﺰﻩ ﺃﻱ ﺣﺎﺟﻪ ﺗﺮﺑﻄﻨﻲ ﺑﻴﻪ ﻳﺎﺭﺏ ﺳﺘﺮﻙ...
ﺭﻛﻀﺖ ﺯﻳﻨﻪ ﻟﺘﻄﺮﻕ ﺍﻟﺒﺎﺏ ﻟﺘﺘﻮﺟﻪ ﻫﻨﺎ ﺍﻟﺘﻲ ﺷﻌﺮﺕ ﺑﺘﻌﺐ ﻓﺠﺄﺓ ﻭﺇﺭﻫﺎﻕ ﺑﺪﻱ ﻋﻠﻲ ﻣﻼﻣﺤﻬﺎ، ﻓﺘﺤﺖ ﺍﻟﺒﺎﺏ ﻟﺘﺒﺘﺴﻢ ﻭﺗﻘﻮﻝ: ﺯﻳﻨﻪ ﻋﺎﻣﻠﻪ ﺍﻳﻪ
ﺃﻭﻣﺄﺕ ﺯﻳﻨﻪ ﺑﺮﺃﺳﻬﺎ ﻗﺎﺋﻠﻪ: ﺍﻟﺤﻤﺪﻟﻠﻪ، ﺃﺻﻞ ﺗﻴﺘﻪ ﺗﺤﺖ ﻭﻗﺎﻟﺘﻠﻲ ﺃﻧﺪﻫﻠﻚ ﺿﺮﻭﺭﻱ
ﻋﻘﺪﺕ ﺣﺎﺟﺒﻴﻬﺎ ﺑﺎﺳﺘﻐﺮﺍﺏ ﻭﺗﺎﺑﻌﺖ ﻗﺎﺋﻠﻪ: ﺗﻨﺪﻫﻴﻠﻲ ﺍﻧﺎ! ﻃﺐ ﻟﻴﻪ
ﺣﺮﻛﺖ ﺭﺃﺳﻬﺎ ﺑﺎﻟﻨﻔﻲ ﻗﺎﺋﻠﻪ: ﻣﺶ ﻋﺎﺭﻓﻪ.
ﻛﺎﺩﺕ ﺃﻥ ﺗﺘﺤﺪﺙ ﻭﻟﻜﻦ ﻗﺎﻃﻌﺘﻬﺎ ﻧﺴﻤﻪ ﻗﺎﺋﻠﻪ ﻭﻫﻲ ﻣﻘﺒﻠﻪ ﻋﻠﻴﻬﺎ: ﻣﻌﻠﺶ ﺃﺻﻞ ﻣﺎﻣﺎ ﺗﻌﺒﺎﻧﻪ ﺃﻭﻱ ﻭﻫﻲ ﺗﺤﺖ ﻛﻨﺖ ﻫﻮﺩﻳﻬﺎ ﻟﻠﺪﻛﺘﻮﺭ ﺑﺲ ﺗﻌﺒﺖ ﻣﻨﻲ، ﻣﻌﻠﺶ ﺗﻴﺠﻲ ﻣﻌﺎﻳﺎ ﺑﺲ ﻧﺴﻨﺪﻫﺎ
ﺇﺯﺩﺭﺩﺕ ﺭﻳﻘﻬﺎ ﺑﺼﻌﻮﺑﻪ ﺛﻢ ﻗﺎﻟﺖ: ﻁ ﻃﻴﺐ ﺃﻧﺎ ﺟﺎﻳﻪ ﻡ ﻣﻌﺎﻛﻲ ﺃﻫﻮ.
ﻧﺴﻤﻪ ﺑﻬﺪﻭﺀ: ﻃﻴﺐ ﺑﺼﻲ ﺃﻧﺘﻲ ﺍﻧﺰﻟﻲ ﻭﺃﻧﺎ ﻫﺪﺧﻞ ﺃﺟﻴﺐ ﺣﺎﺟﻪ ﻣﻦ ﺟﻮﻩ ﺃﻧﺎ ﻭﺯﻳﻨﻪ ﻭﻫﺨﺼﻠﻚ، ﺗﻌﺎﻟﻲ ﻳﺎ ﺯﻳﻨﻪ، ، ﺛﻢ ﺩﻟﻔﺖ ﺇﻟﻲ ﺩﺍﺧﻞ ﺍﻟﺸﻘﻪ ﺑﻴﻨﻤﺎ ﻭﻗﻔﺖ ﻫﻨﺎ ﻣﺘﺮﺩﺩﻩ ﻭﻣﺮﺗﺒﻜﻪ ﻓﻌﺰﻣﺖ ﺃﻥ ﺗﻨﺰﻝ ﺭﺑﻤﺎ ﺗﻜﻮﻥ ﺑﺎﻟﻔﻌﻞ ﺗﺤﺘﺎﺝ ﺇﻟﻲ ﺍﻟﻤﺴﺎﻋﺪﻩ ﻫﺬﻩ ﻫﻲ ﻧﻴﺘﻬﺎ ﻭﻟﻜﻨﻬﺎ ﻻ ﺗﻌﻠﻢ ﺍﻟﺬﻱ ﻳﻨﺘﻈﺮﻫﺎ ﻓﻲ ﺍﻷﺳﻔﻞ...
ﻫﺒﻄﺖ ﺩﺭﺟﺎﺕ ﺍﻟﺴﻠﻢ ﺑﺒﻄﺊ، ﺣﺘﻲ ﻭﻗﻔﺖ ﻓﻲ ﺍﻟﻄﺎﺑﻖ ﺍﻷﻭﻝ ﻣﻦ ﻫﺬﻩ ﺍﻟﺒﻨﺎﻳﻪ ﻓﻠﻢ ﺗﺠﺪ ﻧﺠﺎﺡ ﻣﺜﻞ ﻣﺎ ﻗﺎﻟﺖ ﻓﺘﻠﻔﺘﺖ ﺣﻮﻟﻬﺎ، ﻭﻣﻦ ﺛﻢ ﺷﻬﻘﺖ ﺑﺬﻋﺮ ﺣﻴﻦ ﺭﺃﺕ ﺫﺍﻙ ﺍﻟﺸﺎﺏ ﻳﻘﺘﺮﺏ ﻣﻨﻬﺎ ﺑﻬﺪﻭﺀ ﻭﻳﻘﻮﻝ: ﺍﺯﻳﻚ؟
ﺇﺑﺘﻌﺪﺕ ﻋﻨﻪ ﻭﻫﻲ ﺗﻘﻮﻝ ﻣﺬﻋﻮﺭﻩ: ﺃﻧﺖ ﻣﻴﻦ
ﺇﺑﺘﺴﻢ ﺑﻤﻜﺮ ﻭﻗﺎﻝ: ﺃﻧﺎ ﺍﺑﻦ ﻋﻢ ﻧﺴﻤﻪ، ﻣﺎﻟﻚ ﺧﺎﻳﻔﻪ ﻟﻴﻪ ﻛﺪﻩ، ﺃﻧﺎ ﻛﻨﺖ ﺟﺎﻱ ﻋﺸﺎﻥ ﺍﻭﺩﻱ ﻣﺎﻣﺘﻬﺎ ﻟﻠﺪﻛﺘﻮﺭ ﻭ...
ﺇﻗﺘﺮﺏ ﻣﻨﻬﺎ ﺃﻛﺜﺮ ﺛﻢ ﺟﺬﺑﻬﺎ ﻟﻴﻄﻮﻕ ﺧﺼﺮﻫﺎ ﺑﺬﺭﺍﻋﻪ ﻭﻳﻘﻮﻝ ﺑﺼﻮﺕ ﻣﺨﻴﻒ: ﺍﻳﻪ ﻣﺎﻟﻚ، ﺩﻩ ﺃﻧﺎ ﺣﺘﻲ...
ﻟﻢ ﻳﻜﻤﻞ ﺣﺪﻳﺜﻪ ﺣﻴﺚ ﺇﺳﺘﻤﻊ ﺇﻟﻲ ﺻﻮﺗﻪ ﺍﻟﺼﺎﺭﻡ ﺍﻟﻐﺎﺿﺐ ﺑﺸﺪﻩ ﻭﻫﻮ ﻳﺴﺒﻪ ﻣﺘﺠﻬﺎً ﺇﻟﻴﻪ ﻟﻴﻨﻘﺾ ﻋﻠﻴﻪ ﻛﺎﻷﺳﺪ ﺍﻟﺜﺎﺋﺮ ﺑﻴﻨﻤﺎ ﻟﻄﻤﺖ ﻫﻨﺎ ﻋﻠﻲ ﻭﺟﻬﻬﺎ ﺑﻘﻮﻩ ﻭﻫﻲ ﺗﻘﻮﻝ: ﺗﺎﻣﺮ!
ﺳﺪﺩ ﻟﻪ ﺗﺎﻣﺮ ﻟﻜﻤﺎﺕ ﻗﻮﻳﻪ ﻣﺘﺘﺎﻟﻴﻪ ﻭﻫﻮ ﻳﻘﻮﻝ ﺑﺼﻮﺕ ﻋﺎﻝِ ﻣﺮﻋﺐ: ﺃﻗﺴﻢ ﺑﺎﻟﻠﻪ ﻷﻣﻮﺗﻚ ﺍﻟﻨﻬﺎﺭﺩﻩ ﻳﺎ ﺍﺑﻦ ****
ﻇﻞ ﻳﺴﺪﺩ ﻟﻪ ﻟﻜﻤﺎﺕ ﻣﺘﺘﺎﻟﻴﻪ ﺣﺘﻲ ﺧﺎﺭﺕ ﻗﻮﺍﻩ ﺗﻤﺎﻣﺎ ﻭﻫﺒﻂ ﺃﺭﺿﺎ ﻟﻴﻐﺸﻲ ﻋﻠﻴﻪ ﺃﺛﺮ ﺍﻟﻀﺮﺑﺎﺕ ﺍﻟﻤﺒﺮﺣﻪ ﻭﻓﻲ ﺣﻴﻦ ﻫﺎﺗﻒ ﺗﺎﻣﺮ ﺇﺳﻼﻡ ﻭﺗﺮﻙ ﺍﻟﺒﻘﻴﻪ ﻋﻠﻴﻪ ﻟﻴﺄﺗﻲ ﺑﺄﻓﺮﺍﺩ ﺍﻟﺸﺮﻃﻪ ﻭﻳﺼﻄﺤﺒﻮﺍ ﻣﻌﻬﻢ. ،.
ﺃﻏﻠﻖ ﻫﺎﺗﻔﻪ ﻭﺇﺗﺠﻪ ﺇﻟﻲ ﻫﻨﺎ ﻭﺃﻣﺴﻚ ﻳﺪﻫﺎ ﺑﻘﻮﻩ ﻭﺻﻌﺪ ﺑﻬﺎ ﺩﺭﺟﺎﺕ ﺍﻟﺴﻠﻢ ﺣﺘﻲ ﻛﺎﺩﺕ ﺃﻥ ﺗﻘﻊ ﺃﻛﺜﺮ ﻣﻦ ﻣﺮﻩ ﻣﻊ ﺑﻜﺎﺋﻬﺎ ﺍﻟﺸﺪﻳﺪ، ﺛﻢ ﻭﻗﻒ ﺃﻣﺎﻡ ﺍﻟﺸﻘﻪ ﻭﺩﻓﻌﻬﺎ ﺑﻘﻮﻩ ﺍﻟﻲ ﺍﻟﺪﺍﺧﻞ ﻭﻣﻦ ﺛﻢ ﺃﻏﻠﻖ ﺍﻟﺒﺎﺏ ﻟﺘﺘﻤﺎﺳﻚ ﻫﻨﺎ ﻭﺗﺘﺮﺍﺟﻊ ﺇﻟﻲ ﺍﻟﺨﻠﻒ ﺑﺨﻮﻑ ﺷﺪﻳﺪ ﻭﺗﻬﺰ ﺭﺃﺳﻬﺎ ﻳﻤﻴﻨﺎً ﻭﻳﺴﺎﺭﺍً ﻟﺘﻘﻮﻝ ﺑﻬﻠﻊ: ﻭﺍﻟﻠﻪ ﺍﻟﻌﻈﻴﻢ ﻣﺎ ﻋﻤﻠﺖ ﺣﺎﺟﻪ، ﻭﺍﻟﻠﻪ...
ﻗﺎﻃﻌﻬﺎ ﺗﺎﻣﺮ ﻭﻫﻮ ﻳﻘﻮﻝ ﺑﺼﻴﺎﺡ: ﺑﺮﺿﻮ ﺑﺘﻨﺰﻟﻲ ﻭﺑﺘﺨﺮﺟﻲ ﺑﺮﻩ ﺍﻟﺸﻘﻪ ﺍﻗﻮﻟﻚ ﻣﺘﺨﺮﺟﻴﺶ ﺗﻌﺎﻧﺪﻳﻨﻲ ﻭﺗﺨﺮﺟﻲ ﻣﻔﻴﻴﻴﺶ ﻓﺎﻳﺪﻩ ﻓﻴﻜﻲ ﺃﺑﺪﺍ.
ﺗﻌﺎﻟﺖ ﺷﻬﺎﻗﺘﻬﺎ ﻭﻫﻲ ﺗﺘﻮﺳﻞ ﺇﻟﻴﻪ ﻭﺗﻘﻮﻝ ﺑﻀﻌﻒ ﻭﺻﻮﺕ ﻣﺘﻘﻄﻊ ﺃﺛﺮ ﺍﻟﺒﻜﺎﺀ: ﻭ ﻭ ﺍﻟﻠﻪ ﻫﻲ ﻫﻲ ﺍ ﺍﻟﻲ ﻗﺎﻟﺘﻠﻲ ﺃﻧﻬﺎ ﺗ ﺗﻌﺒﺎﻧﻪ ﻭ...
ﻗﺎﻃﻌﻬﺎ ﺗﺎﻣﺮ ﻭﻫﻮ ﻳﻬﺘﻒ ﺑﺎﺳﻤﻬﺎ ﺑﻨﺒﺮﻩ ﻣﺬﻋﻮﺭﻩ ﺣﻴﻦ ﻭﺟﺪ ﺍﻟﺪﻣﺎﺀ ﺗﺴﻴﻞ ﻋﻠﻲ ﺳﺎﻗﻬﺎ ﻭﺗﺘﺴﺎﻗﻂ ﻋﻠﻲ ﺍﻷﺭﺽ ﺑﻐﺰﺍﺭﻩ، ﻓﺎﻧﻘﻠﻊ ﻗﻠﺒﻪ ﻋﻠﻴﻬﺎ ﻭﺃﺳﺮﻉ ﻟﻴﻤﺴﻚ ﺑﻬﺎ ﻟﺘﺴﻘﻂ ﻫﻲ ﺑﻴﻦ ﺫﺭﺍﻋﻴﻪ ﻟﺘﻐﻴﺐ ﻋﻦ ﺍﻟﻮﻋﻲ ﺗﻤﺎﻣﺎ.