رواية أنت عشقي الوحيد للكاتبة فاطمة حمدي الفصل الثاني
ﻋﺎﺩﺕ ﻫﻨﺎ ﺇﻟﻲ ﺍﻟﻤﻨﺰﻝ ﺑﻌﺪ ﺃﻥ ﺃﺣﻀﺮﺕ ﻣﺎ ﺗﺤﺘﺎﺟﻪ ﺯﻭﺟﺔ ﺃﺑﻴﻬﺎ ﻭﻣﺎ ﺃﻥ ﺩﺧﻠﺖ ﺣﺘﻲ ﻗﺎﻟﺖ ﺗﺤﻴﻪ :
- ﻣﺎ ﻟﺴﻪ ﺑﺪﺭﻱ ﻛﻞ ﺩﻩ
ﺗﻨﻬﺪﺕ ﻫﻨﺎ ﻗﺎﺋﻠﻪ: ﻫﻮ ﺃﻧﺎ ﻟﺤﻘﺖ
ﺗﺤﻴﻪ: ﻃﻴﺐ ﺇﺗﻔﻀﻠﻲ ﻳﻼ ﺧﺸﻲ ﻋﻠﻲ ﺍﻟﻐﺴﻴﻞ ﻭﺑﻌﺪﻳﻦ ﺗﻌﺎﻟﻲ ﻧﻀﻔﻲ ﺍﻟﺸﻘﻪ ﺑﺴﺮﻋﻪ
ﺗﺤﺮﻛﺖ ﻣﻦ ﺃﻣﺎﻣﻬﺎ ﻭﻫﻲ ﺗﺰﻓﺮ ﺑﻀﻴﻖ ﻭﺇﺗﺠﻬﺖ ﺇﻟﻲ ﺍﻟﻐﺮﻓﻪ ﺣﻴﺚ ﺗﻮﺟﺪ ﻧﻬﻲ
ﻧﻬﻲ ﺑﻬﺪﻭﺀ: ﻣﺎﻟﻚ ﻗﺎﻟﺒﻪ ﺳﺤﻨﺘﻚ ﻋﻠﻲ ﺍﻟﺼﺒﺢ ﻟﻴﻪ
ﺗﻨﻬﺪﺕ ﻫﻨﺎ ﻟﺘﻘﻮﻝ ﺑﻐﻀﺐ: ﺧﻠﻴﻜﻲ ﻓﻲ ﺣﺎﻟﻚ ﻳﺎﻧﻬﻲ ﺃﻧﺎ ﻫﻼﻗﻴﻬﺎ ﻣﻨﻚ ﻭﻻ ﻣﻦ ﺃﻣﻚ!
ﺭﻓﻌﺖ ﻧﻬﻲ ﺣﺎﺟﺒﻴﻬﺎ ﻗﺎﺋﻠﻪ: ﺍﻟﻠﻪ ﻃﺐ ﻭﺃﻧﺎ ﻣﺎﻟﻲ ﻫﻮ ﺃﻧﺎ ﻛﻠﻤﺘﻚ؟
ﻫﻨﺎ ﺑﻨﻔﺎﺫ ﺻﺒﺮ: ﺍﻣﺘﻲ ﺑﻘﺎ ﺍﺗﺠﻮﺯ ﻭﺳﺒﻠﻜﻢ ﺍﻟﺒﻴﺖ ﺩﻩ ﻳﻀﺮﺏ ﻳﻘﻠﺐ
ﻏﻤﺰﺕ ﻧﻬﻲ ﺑﻌﻴﻨﺎﻫﺎ ﻗﺎﺋﻠﻪ: ﻳﺎ ﺑﺨﺘﻚ ﻳﺎﻋﻢ ﺣﺪﺵ ﻗﺪﻙ
ﻧﻈﺮﺕ ﻟﻬﺎ ﻫﻨﺎ ﻗﺎﺋﻠﻪ: ﻃﺐ ﻗﻮﻣﻲ ﺳﺎﻋﺪﻳﻨﻲ ﻓﻲ ﺍﻟﻐﺴﻴﻞ ﻋﺸﺎﻥ ﺩﻩ ﻛﺘﻴﺮ ﻋﻠﻴﺎ
ﺣﺮﻛﺖ ﻧﻬﻲ ﺭﺃﺳﻬﺎ ﺑﺎﻟﻨﻔﻲ ﻗﺎﺋﻠﻪ: ﻧﻮ ﺣﺎﻃﻪ ﺃﻛﻼﺩﻭﺭ ﻭﺑﻌﺪﻳﻦ ﺍﻣﻲ ﻗﺎﻟﺘﻠﻲ ﺫﺍﻛﺮﻱ ﻭﻣﺶ ﺑﻌﺮﻑ ﺃﻏﺴﻞ ﺃﻧﺎ
ﺻﺮﺕ ﻫﻨﺎ ﻋﻠﻲ ﺃﺳﻨﺎﻧﻬﺎ ﻭﺗﺤﺮﻛﺖ ﻣﻦ ﺃﻣﺎﻣﻬﺎ ﻭﻫﻲ ﺗﻬﻤﻬﻢ ﺑﺒﻌﺾ ﺍﻟﻜﻠﻤﺎﺕ ﺍﻟﻐﺎﺿﺒﻪ...
ﻓﻲ ﺍﻟﻤﻌﺮﺽ ﺍﻟﺨﺎﺹ ﺑ ﺗﺎﻣﺮ
ﺩﻟﻒ ﺇﺳﻼﻡ ﺇﻟﻲ ﺍﻟﺪﺍﺧﻞ ﻟﻴﻘﻮﻝ ﺑﻤﺰﺍﺡ: ﺻﺒﺎﺣﻮﻭﻭ
ﻧﻈﺮ ﺗﺎﻣﺮ ﻟﻪ ﺛﻢ ﻗﺎﻝ ﺑﺠﺪﻳﻪ:
ﻳﺎ ﺃﻫﻼ ﻟﺴﻪ ﻓﺎﻛﺮ ﺇﻥ ﻋﻨﺪﻙ ﺷﻐﻞ؟
ﺗﻨﺤﻨﺢ ﺇﺳﻼﻡ ﻟﻴﻘﻮﻝ: ﺇﺣﻢ ﺃﺻﻞ ﺭﺍﺣﺖ ﻋﻠﻴﺎ ﻧﻮﻣﻪ
ﺣﻚ ﺗﺎﻣﺮ ﺫﻗﻨﻪ ﺛﻢ ﻗﺎﻝ ﺑﺤﺪﻩ:
ﺑﻘﻮﻟﻚ ﺇﻳﻪ ﻳﺎ ﺇﺳﻼﻡ ﺃﻧﺖ ﻣﺶ ﻋﺸﺎﻥ ﺻﺤﺒﻲ ﻳﺒﻘﻲ ﻫﺴﻤﺤﻠﻚ ﺗﻬﻤﻞ ﻓﻲ ﺍﻟﺸﻐﻞ! ﺃﻱ ﻋﺎﻣﻞ ﻋﻨﺪﻱ ﺑﻴﻌﻤﻞ ﻛﺪﻩ ﻣﺒﻴﻜﻠﻤﺶ ﻣﻌﺎﻳﺎ
ﺗﻨﻬﺪ ﺇﺳﻼﻡ ﻗﺎﺋﻼ: ﻣﻌﻠﺶ ﻳﺎ ﺗﺎﻣﺮ ﺃﻋﻤﻞ ﺍﻳﻪ ﺑﺠﺪ ﻧﻤﺖ ﻣﺘﺄﺧﺮ
ﺭﻓﻊ ﺗﺎﻣﺮ ﺣﺎﺟﺒﻪ ﻗﺎﺋﻼ: ﻟﻴﻪ ﻛﻨﺖ ﺑﺘﻌﻤﻞ ﺍﻳﻪ ﻳﺎ ﺻﺎﻳﻊ.
ﻣﺴﺢ ﺇﺳﻼﻡ ﻋﻠﻲ ﺭﺃﺳﻪ ﻭﻗﺎﻝ: ﻫﺎ، ﻭﻻ ﺣﺎﺟﻪ ﻭﺃﻧﺎ ﺑﻌﻤﻞ ﺣﺎﺟﻪ ﺩﻧﺎ ﻏﻠﺒﺎﺍﺍﻥ
ﺃﻭﻣﺄ ﺗﺎﻣﺮ ﺑﺮﺃﺳﻪ ﻗﺎﺋﻼ ﺑﺴﺨﺮﻳﻪ: ﺃﻳﻮﻩ ﻣﻨﺎ ﻋﺎﺭﻑ، ﻋﻤﻮﻣﺎ ﺩﻱ ﻣﺶ ﻣﺸﻜﻠﺘﻲ ﺃﺧﺮ ﻣﺮﻩ ﺗﺘﺄﺧﺮ ﻳﺎ ﺇﺳﻼﻡ ﻭﺇﻻ ﻭﺍﻟﻠﻪ ﻫﻘﻠﺐ ﻋﻠﻲ ﺍﻟﻮﺵ ﺍﻟﺘﺎﻧﻲ
ﺃﻭﻣﺄ ﺇﺳﻼﻡ ﺑﺮﺃﺳﻪ ﻗﺎﺋﻼ: ﺧﻼﺹ ﻳﺎ ﻋﻢ ﻣﺶ ﻫﺘﺘﻜﺮﺭ ﻭﺑﻌﺪﻳﻦ ﻓﻚ ﻛﺪﻩ ﻋﺸﺎﻥ ﻣﺘﻐﺒﺎﺵ ﻋﻠﻴﻚ ﻗﻮﻟﻲ ﺑﻘﺎ ﺍﻳﻪ ﺃﺧﺒﺎﺭﻙ
ﺗﺎﻣﺮ ﺑﻬﺪﻭﺀ: ﺗﻤﺎﻡ ﺍﻟﺤﻤﺪﻟﻠﻪ
ﻗﺎﻃﻌﻬﻢ ﺭﻧﻴﻦ ﻫﺎﺗﻒ ﺇﺳﻼﻡ ﻓﺄﺟﺎﺏ ﻋﻠﻴﻪ ﻗﺎﺋﻼ:
- ﺃﻫﻼ ﻳﺎﺣﺒﻴﺒﻲ ﺇﺯﻳﻚ
- ﻛﻮﻳﺴﻪ ﻳﺎﺣﺒﻲ ﺍﻳﻪ ﻣﺶ ﻫﻨﺘﻘﺎﺑﻞ ﺍﻟﻨﻬﺎﺭﺩﻩ.
ﺇﺳﻼﻡ: ﻻ ﻭﺍﻟﻠﻪ ﻳﺎ ﺳﺎﺭﻩ ﻣﺶ ﻫﻴﻨﻔﻊ ﻋﻨﺪﻱ ﺷﻐﻞ
- ﺳﺎﺭﻩ ﻣﻴﻦ ﻳﺎ ﺇﺳﻼﻡ ﺃﻧﺎ ﻣﺮﻭﻩ
ﺭﻓﻊ ﺇﺳﻼﻡ ﺣﺎﺟﺒﻴﻪ ﻗﺎﺋﻼ: ﻻ ﻳﺎ ﺷﻴﺨﻪ ﺳﻮﺭﻱ ﻳﺎ مروة ﺃﻓﺘﻜﺮﺗﻚ ﺑﻨﺖ ﺧﺎﻟﺘﻲ
- ﺃﻧﺖ ﺑﺘﺴﺘﻬﺒﻞ ﺑﻨﺖ ﺧﺎﻟﺘﻚ ﻣﻴﻦ ﺃﻧﺖ ﺑﺘﺨﻮﻧﻲ ﻳﺎ ﺍﺳﻼﻡ ﻭﻻ ﺍﻳﻪ
ﺇﺳﻼﻡ ﺑﺴﺨﺮﻳﻪ: ﺃﺧﻮﻥ ﻣﻴﻦ ﻳﺎﺑﺖ ﺃﻧﺘﻲ! ﺃﻧﺘﻲ ﻣﻔﻜﺮﻩ ﻧﻔﺴﻚ ﻭﺍﺣﺪﻩ ﻭﻫﺘﻌﻴﺸﻲ ﻓﻲ ﺍﻟﺪﻭﺭ ﺃﺟﺮﻱ ﺷﻮﻓﻲ ﻭﺭﺍﻛﻲ ﺍﻳﻪ ﺑﻼﺵ ﻗﺮﻑ، ﻭﺃﻏﻠﻖ ﺍﻟﺨﻂ ﺳﺮﻳﻌﺎ ﻭﻫﻮ ﻳﻀﺤﻚ ﺑﻼ ﻣﺒﺎﻻﻩ
ﻧﻈﺮ ﻟﻪ ﺗﺎﻣﺮ ﻟﻴﻘﻮﻝ ﺑﺄﻧﺪﻫﺎﺵ: ﻳﺨﺮﺑﻴﺘﻚ ﻣﻴﻦ ﺩﻱ
ﺿﺤﻚ ﺇﺳﻼﻡ ﻗﺎﺋﻼ: ﺃﻫﻲ ﻭﺍﺣﺪﻩ ﻣﻦ ﺿﻤﻦ ﻋﺎﺩﻱ ﻳﻌﻨﻲ.
ﺗﻨﻬﺪ ﺗﺎﻣﺮ ﻗﺎﺋﻼ: ﻣﻦ ﻛﺘﺮﻫﻢ ﻣﺶ ﻋﺎﺭﻓﻬﻢ ﻣﻦ ﺑﻌﺾ ﺃﻧﺖ ﺍﻳﻪ ﻳﺎﺑﻨﻲ ﺣﺮﺍﻡ ﻋﻠﻴﻚ ﺑﻨﺎﺕ ﺍﻟﻨﺎﺱ!
ﺇﺳﻼﻡ ﺳﺎﺧﺮﺍ: ﻫﻤﺎ ﺩﻭﻝ ﺑﻨﺎﺕ ﻧﺎﺱ! ﺩﻭﻝ ﻟﻠﺘﺴﻠﻴﻪ ﺑﺲ
ﺗﺎﻣﺮ ﺑﺠﺪﻳﻪ: ﻭﺃﻧﺖ ﻣﺎﻟﻚ ﻭﻻﺩ ﻧﺎﺱ ﻭﻻ ﻻﺀ ﺳﺒﻬﻢ ﻓﻲ ﺣﺎﻟﻬﻢ ﻭﻟﻢ ﻧﻔﺴﻚ ﻭﺍﺗﺠﻮﺯ ﺑﺪﻝ ﻣﺎ ﺍﻧﺖ ﻣﺘﺼﺮﻣﺢ ﻛﺪﻩ ﻣﻊ ﺩﻱ ﻭﺩﻱ
ﺿﺤﻚ ﺇﺳﻼﻡ ﻗﺎﺋﻼ: ﻳﺎﺑﻨﻲ ﻣﺎ ﺃﻧﺖ ﻋﺎﺭﻑ ﺇﻧﻲ ﺑﺤﺐ ﺍﻟﺒﺖ ﻧﻬﻲ! ﺑﺲ ﺩﻭﻝ ﻃﻴﺎﺭﻱ ﻛﺪﻩ ﻣﻔﻬﺎﺵ ﺣﺎﺟﻪ ﻳﻌﻨﻲ
ﺗﺎﻣﺮ ﺑذﻫﻮﻝ: ﻣﻨﻴﻦ ﺑﺘﺤﺐ ﻭﻣﻨﻴﻦ ﻣﺎﺷﻲ ﻣﻊ ﻛﻞ ﺩﻭﻝ!
ﺇﺳﻼﻡ ﺑﻼ ﻣﺒﺎﻻﻩ: ﻣﻨﺎ ﺑﻘﻮﻟﻚ ﻃﻴﺎﺭﻱ ﺍﻧﻤﺎ ﺍﻟﻲ ﻓﻲ ﺍﻟﻘﻠﺐ ﻧﻬﻲ ﻭﺑﺲ
ﻟﻮﻱ ﺗﺎﻣﺮ ﻓﻤﻪ ﻟﻴﻘﻮﻝ ﺑﺘﻬﻜﻢ:
ﺣﺘﻲ ﻓﻲ ﺩﻱ ﺫﻭﻗﻚ ﻭﺣﺶ!
ﺭﻓﻊ ﺇﺳﻼﻡ ﺣﺎﺟﺒﻴﻪ ﻟﻴﻘﻮﻝ: ﻳﺎ ﺷﻴﺦ ﺣﺮﺍﻡ ﻋﻠﻴﻚ ﺩﻱ ﻋﻠﻴﻬﺎ ﺟﺴﻢ ﻳﺎﻟﻬﻮﻭﻭﻱ ﻓﺮﺳﻪ!
ذﻫﻞ ﺗﺎﻣﺮ ﻣﻦ ﺣﺪﻳﺜﻪ ﺍﻟﻐﻴﺮ ﻣﻨﻄﻘﻲ ﻭﻗﺎﻝ: ﺃﻧﺖ ﺑﺘﺤﺒﻬﺎ ﻋﺸﺎﻥ ﺟﺴﻤﻬﺎ؟
ﺇﺳﻼﻡ: ﻛﻠﻬﺎ ﻋﻠﻲ ﺑﻌﻀﻬﺎ ﻋﺠﺒﺎﻧﻲ ﻭﺟﺎﻳﻪ ﻋﻠﻲ ﻫﻮﺍﻳﺎ
ﺇﺳﺘﻨﺪ ﺗﺎﻣﺮ ﺑﻈﻬﺮﻩ ﻋﻠﻲ ﺍﻟﻤﻘﻌﺪ ﺛﻢ ﻗﺎﻝ ﺑﻬﺪﻭﺀ: ﺭﺑﻨﺎ ﻳﻬﺪﻳﻚ ﻳﺎ ﺃﺳﻼﻡ
ﻧﻬﺾ ﺇﺳﻼﻡ ﻭﻫﻮ ﻳﻘﻮﻝ ﺳﺮﻳﻌﺎ: ﺃﺷﻮﻑ ﺷﻐﻠﻲ ﺑﻘﺎ!
ﻋﻢ ﻇﻼﻡ ﺍﻟﻠﻴﻞ ﻭﺃﻧﺰﻝ ﺳﺘﺎﺋﺮﻩ ﻟﻴﺬﻫﺐ ﺗﺎﻣﺮ ﺇﻟﻲ ﺍﻟﻤﻨﺰﻝ ﻣﺮﻩ ﺛﺎﻧﻴﻪ ﻭﻣﺎ ﺃﻥ ﻓﺘﺢ ﺍﻟﺒﺎﺏ ﺣﺘﻲ ﺗﻔﺎﺟﺊ ﺑﺸﻘﻴﻘﺘﻪ ﻭﻫﻲ ﺗﻘﻮﻝ ﺑﺼﺮﺍﺥ:
- ﺗﻴﻤﻮﻭﻭﻭﺭ ﺣﻤﺪﻟﻠﻪ ﻋﻠﻲ ﺍﻟﺴﻼﻣﻪ
ﺇﺑﺘﻠﻊ ﺗﺎﻣﺮ ﺭﻳﻘﻪ ﻭﻭﺿﻊ ﻳﺪﻩ ﻋﻠﻲ ﺻﺪﺭﻩ ﻭﻫﻮ ﻳﺴﺘﻌﻴﺬ:
- ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ، ﺍﻟﻠﻪ ﻳﺨﺮﺑﻴﺘﻚ ﻳﺎ ﻣﺮﻳﻢ ﻳﺎﺑﺖ ﺃﻧﺘﻲ ﻣﺠﻨﻮﻧﻪ ﻗﻄﻌﺘﻴﻠﻲ ﺍﻟﺨﻠﻒ
ﻗﻬﻘﻬﺖ ﻣﺮﻳﻢ ﺑﺸﺪﻩ ﺛﻢ ﻗﺎﻟﺖ ﻣﻦ ﺑﻴﻦ ﺿﺤﻜﺎﺗﻬﺎ: ﻫﻴﻴﻴﻪ ﺧﻀﻴﺘﻚ ﺧﻀﻴﺘﻚ
ﺃﻣﺴﻚ ﺗﺎﻣﺮ ﺑﻄﺮﻑ ﺁﺫﻧﻴﻬﺎ ﻟﻴﻘﻮﻝ ﺑﻐﻴﻆ: ﻫﻤﻮﺗﻚ ﻫﻤﻮﺗﻚ ﻳﺎﺭﺧﻤﻪ.
ﺿﺤﻜﺖ ﻣﺮﻳﻢ ﻗﺎﺋﻠﻪ: ﺧﻼﺹ ﺧﻼﺹ ﻗﻠﺒﻚ ﺃﺑﻴﺾ ﻳﺎ ﺗﻴﻤﻮ
ﺗﺮﻛﻬﺎ ﺗﺎﻣﺮ ﻭﻗﺎﻝ ﺑﺘﺤﺬﻳﺮ: ﺍﻳﺎﻙ ﺗﻌﻤﻠﻲ ﻛﺪﻩ ﺗﺎﻧﻲ
ﺃﻭﻣﺄﺕ ﻣﺮﻳﻢ ﺑﺮﺃﺳﻬﺎ ﻗﺎﺋﻠﻪ: ﺃﻭﻛﺸﻦ
ﺃﻗﺒﻠﺖ ﻋﻠﻴﻬﻢ ﻧﺴﻤﻪ ﻭﻫﻲ ﺗﻘﻮﻝ ﺑﺼﻮﺕ ﺃﻧﺜﻮﻱ: ﺣﻤﺪﻟﻠﻪ ﻋﻠﻲ ﺍﻟﺴﻼﻣﻪ ﻳﺎ ﺗﺎﻣﺮ
ﺗﺎﻣﺮ ﺑﺠﺪﻳﻪ: ﺍﻟﻠﻪ ﻳﺴﻠﻤﻚ
ﺻﻤﺘﺖ ﻟﺒﺮﻫﻪ ﺗﺘﺄﻣﻞ ﻣﻼﻣﺤﻪ ﺍﻟﺮﺟﻮﻟﻴﻪ ﺛﻢ ﻗﺎﻟﺖ: ﺁﺁ ﺍﻟﻌﺸﺎ ﺟﺎﻫﺰ ﻳﻼ ﻣﺎﻣﺎ ﻣﺴﺘﻨﻴﺎﻙ
ﺗﺤﺮﻙ ﺗﺎﻣﺮ ﻣﺘﺠﻬﺎً ﺇﻟﻲ ﻏﺮﻓﺘﻪ ﺛﻢ ﻗﺎﻝ: ﻻ ﺷﺒﻌﺎﻥ ﺇﺗﻌﺸﻮﺍ ﺇﻧﺘﻮﺍ، ﻭﻣﻦ ﺛﻢ ﺩﺧﻞ ﻏﺮﻓﺘﻪ ﻭﺃﻏﻠﻖ ﺍﻟﺒﺎﺏ ﺧﻠﻔﻪ.
ﺻﺮﺕ ﻧﺴﻤﻪ ﻋﻠﻲ ﺃﺳﻨﺎﻧﻬﺎ ﺑﻐﻴﻆ ﻛﺎﻧﺖ ﺗﻮﺩ ﺃﻥ ﺗﺠﻠﺲ ﻣﻌﻪ ﺣﺘﻲ ﺩﻭﻥ ﺃﻥ ﻳﺘﻔﻮﻩ ﻣﻌﻬﺎ ﺣﺘﻲ ﺗﺘﺄﻣﻠﻪ ﻋﻦ ﻗﺮﺏ ﻭﻟﻜﻨﻪ ﺩﺍﺋﻤﺎ ﻟﻪ ﺣﺪﻭﺩ ﻻ ﻳﺠﺮﺃ ﺃﺣﺪ ﺃﻥ ﻳﺘﻌﺪﺍﻫﺎ ﺳﻮﻱ ﺯﻭﺟﺘﻪ
ﺃﻣﺴﻜﺘﻬﺎ ﻣﺮﻳﻢ ﻣﻦ ﻳﺪﻳﻬﺎ ﻗﺎﺋﻠﻪ: ﺗﻌﺎﻟﻲ ﺗﻌﺎﻟﻲ ﺩﻩ ﺃﻧﺎ ﻫﻤﻮﺕ ﻣﻦ ﺍﻟﺠﻮﻉ!
ﺃﺑﺪﻝ ﺗﺎﻣﺮ ﻣﻼﺑﺴﻪ ﻭﻣﻦ ﺛﻢ ﺃﻟﻘﻲ ﺑﺠﺴﺪﻩ ﻋﻠﻲ ﺍﻟﻔﺮﺍﺵ ﻭﺃﻣﺴﻚ ﻫﺎﺗﻔﻪ ﻭﺿﻐﻂ ﺃﺯﺭﺍﺭﻩ ﻭﻭﺿﻌﻪ ﻋﻠﻲ ﺁﺫﻧﻪ ﺣﺘﻲ ﺃﺟﺎﺑﺖ ﻋﻠﻴﻪ ﻫﻨﺎ ﻗﺎﺋﻠﻪ:
- ﺃﻳﻮﻩ ﻳﺎﺣﺒﻴﺒﻲ
ﺇﺑﺘﺴﻢ ﺗﺎﻣﺮ ﻭﻗﺎﻝ: ﻋﺎﻣﻠﻪ ﺍﻳﻪ ﻳﺎ حبيبتي
ﻫﻨﺎ ﺑﺨﺠﻞ: ﺍﻟﺤﻤﺪﻟﻠﻪ ﻛﻮﻳﺴﻪ ﻳﺎ ﺗﻴﻤﻮ ﻭﺃﻧﺖ.
ﺗﺎﻣﺮ ﺑﻬﺪﻭﺀ: ﺃﻧﺎ ﻛﻮﻳﺲ ﻃﻮﻝ ﻣﺎ ﺃﻧﺘﻲ ﻛﻮﻳﺴﻪ ﻳﺎ ﻫﻨﺎ
ﺇﺑﺘﺴﻤﺖ ﻫﻨﺎ ﻭﻗﺎﻟﺖ: ﺭﺑﻨﺎ ﻳﺨﻠﻴﻚ ﻟﻴﺎ، ﺛﻢ ﺗﺎﺑﻌﺖ ﻗﺎﺋﻠﻪ: ﺑﺘﻌﻤﻞ ﺍﻳﻪ ﺑﻘﺎ
ﺃﻏﻤﺾ ﺗﺎﻣﺮ ﻋﻴﻨﺎﻩ ﻭﻗﺎﻝ: ﻫﻨﺎﻡ ﻳﺎ ﻫﻨﺎ ﻗﻮﻟﺖ ﺃﻃﻤﻦ ﻋﻠﻴﻜﻲ ﺍﻷﻭﻝ
ﻫﻨﺎ ﺑﺎﺑﺘﺴﺎﻣﻪ: ﻭﺃﻧﺎ ﻛﻤﺎﻥ ﻫﻨﺎﻡ ﻋﺸﺎﻥ ﻋﻨﺪﻱ ﻣﺪﺭﺳﻪ ﺍﻟﺼﺒﺢ
ﺗﺎﻣﺮ ﺑﺠﺪﻳﻪ: ﺻﺤﻴﻨﻲ ﺍﻟﺼﺒﺢ ﻳﺎ ﻫﻨﺎ ﻋﺸﺎﻥ ﺃﻭﺻﻠﻚ
ﻫﻨﺎ ﺑﻬﺪﻭﺀ: ﻣﺶ ﻻﺯﻡ ﻳﺎ ﺗﻴﻤﻮ ﺃﻧﺎ ﺑﺮﻭﺡ ﻣﻊ ﻣﺮﻳﻢ ﻭﻧﻬﻲ ﻭﻛﻤﺎﻥ ﺭﻗﻴﻪ ﺻﺤﺒﺘﻲ ﻭﺑﻨﻤﺸﻲ ﻣﻊ ﺑﻌﺾ
ﺗﻨﻬﺪ ﺗﺎﻣﺮ ﻗﺎﺋﻼ: ﻻ ﻫﻮﺻﻠﻚ ﺃﻧﺘﻲ ﻭﻣﺮﻳﻢ
ﻫﻨﺎ: ﺑﺲ...
ﺗﺎﻣﺮ ﻣﻘﺎﻃﻌﺎ: ﺳﻤﻌﺘﻴﻨﻲ ﻳﺎ ﻫﻨﺎ
ﺃﻭﻣﺄﺕ ﻫﻨﺎ ﺑﺮﺃﺳﻬﺎ ﻭﻫﻲ ﺗﺒﺘﺴﻢ ﻗﺎﺋﻠﻪ: ﺳﻤﻌﺘﻚ ﻳﺎ ﻗﻠﺐ ﻫﻨﺎ
ﺇﺑﺘﺴﻢ ﺗﺎﻣﺮ ﻗﺎﺋﻼ ﺑﻌﺸﻖ: ﺑﺤﺒﻚ
ﺯﺍﺩﺕ ﺿﺮﺑﺎﺕ ﻗﻠﺒﻬﺎ ﺍﻟﺘﻲ ﺗﺪﻕ ﻋﺸﻘﺎ ﻟﺘﻘﻮﻝ: ﻭﺃﻧﺎ ﺑﻤﻮﺕ ﻓﻴﻚ ﻳﺎ ﺗﻴﻤﻮ، ﺛﻢ ﺗﺎﺑﻌﺖ ﻗﺎﺋﻠﻪ: ﻳﻼ ﻧﺎﻡ ﺑﻘﺎ ﺗﺼﺒﺢ ﻋﻠﻲ ﺧﻴﺮ
ﺿﺤﻚ ﺗﺎﻣﺮ ﻗﺎﺋﻼ: ﻋﻠﻲ ﺗﻘﻔﻠﻲ ﻋﻠﻴﺎ ﻓﻲ ﺍﻟﻜﻼﻡ ﻳﺎ ﻫﻨﺎ ﺑﺲ ﺇﺗﺪﻟﻌﻲ ﺑﺮﺍﺣﺘﻚ ﻛﻠﻬﺎ ﺷﻬﺮ ﻭﻻ ﺷﻬﺮﻳﻦ ﻭﺗﺒﻘﻲ ﻓﻲ ﺣﻀﻨﻲ ﻋﻠﻲ ﻃﻮﻝ
ﺩﺑﺖ ﻗﺸﻌﺮﻳﺮﻩ ﻓﻲ ﺟﺴﺪﻫﺎ ﻭﻗﺎﻟﺖ ﺑﺎﺭﺗﺒﺎﻙ: ﺁﺁ ﻁ ﻃﺐ ﺗﺼﺒﺢ ﻋﻠﻲ ﺧﻴﺮ ﺑﻘﺎ.
ﺿﺤﻚ ﺗﺎﻣﺮ ﺑﺸﺪﻩ ﻗﺎﺋﻼ: ﻭﺃﻧﺘﻲ ﻣﻦ ﺃﻫﻠﻪ ﻳﺎ ﺣﺒﻴﺒﻲ.
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ
ﺗﺠﻬﺰﺕ ﻫﻨﺎ ﻭﻛﺬﻟﻚ ﺗﺎﻣﺮ ﻭﻣﺮﻳﻢ، ﻭﻧﺰﻝ ﺛﻼﺛﺘﻬﻢ ﺛﻢ ﺇﺳﺘﻘﻞ ﺗﺎﻣﺮ ﺍﻟﻤﻮﺗﻮﺳﻜﻞ ﺍﻟﺨﺎﺹ ﺑﻪ ﻭﻣﻦ ﺛﻢ ﺭﻛﺒﺖ ﻫﻨﺎ ﺧﻠﻔﻪ ﻣﺤﺘﻀﻨﺎﻩ ﻣﻦ ﺍﻟﺨﻠﻒ ﻭﻛﺬﻟﻚ ﺭﻛﺒﺖ ﻣﺮﻳﻢ ﺧﻠﻒ ﻫﻨﺎ ﺣﺘﻲ ﻗﺎﻝ ﺗﺎﻣﺮ ﺑﻤﺰﺍﺡ: ﺑﺮﺍﺣﻪ ﻋﻠﻲ ﺍﻟﻤﻜﻨﻪ ﻳﺎ ﺭﻭﻣﺎ ﺍﻟﻠﻪ ﻳﻜﺮﻣﻚ ﻫﺘﺘﻘﻠﺐ ﺑﻴﻨﺎ ﻛﺪﻩ
ﻓﻴﻤﺎ ﺿﺤﻜﺖ ﻫﻨﺎ ﻗﺎﺋﻠﻪ: ﺣﺮﺍﻡ ﻋﻠﻴﻚ ﻳﺎ ﺗﻴﻤﻮ ﻣﺘﺮﺧﻤﺶ ﻋﻠﻴﻬﺎ
ﺿﺤﻜﺖ ﻣﺮﻳﻢ ﻗﺎﺋﻠﻪ: ﻣﺎﺷﻲ ﻳﺎ ﺗﻴﻤﻮﺭ ﺯﻋﻼﻧﻪ ﻣﻨﻚ،
ﺿﺤﻚ ﺗﺎﻣﺮ ﻗﺎﺋﻼ: ﻣﻘﺪﺭﺵ ﻋﻠﻲ ﺯﻋﻠﻚ ﻳﺎ ﺭﻭﻣﺎ ﺑﺲ ﺑﻼﺵ ﺗﻴﻤﻮﺭ ﺩﻱ ﻋﺸﺎﻥ ﻣﺘﻐﺒﺎﺵ ﻋﻠﻴﻜﻲ.
ﻣﺮﻳﻢ ﺑﻨﻔﺎﺫ ﺻﺒﺮ: ﻃﺐ ﺃﻣﺸﻲ ﺑﻘﺎ ﻋﺸﺎﻥ ﺷﻜﻠﻲ ﻫﺘﻐﺎﺑﻲ ﻋﻠﻴﻜﻢ ﺍﻧﺘﻮﺍ ﺍﻻﺗﻨﻴﻦ، ﺿﺤﻚ ﺛﻼﺛﺘﻬﻢ ﺛﻢ ﺇﻧﻄﻠﻖ ﺗﺎﻣﺮ ﺑﺎﻟﻤﻮﺗﻮﺳﻜﻞ ﻣﺘﺠﻬﺎ ﺇﻟﻲ ﺍﻟﻤﺪﺭﺳﻪ
ﺑﻴﻨﻤﺎ ﻫﺒﻄﺖ ﻧﻬﻲ ﻭﺗﻮﺟﻬﺖ ﺧﺎﺭﺝ ﺍﻟﺒﻨﺎﻳﻪ ﺣﻴﺚ ﻛﺎﻥ ﻳﻨﺘﻈﺮﻫﺎ ﺇﺳﻼﻡ ﺍﻟﺬﻱ ﺇﺗﺠﻪ ﺇﻟﻴﻬﺎ ﻭﺃﻣﺴﻚ ﺑﻜﻒ ﻳﺪﻳﻬﺎ ﻭﺳﺎﺭ ﻣﻌﻬﺎ ﻗﻠﻴﻼ ﺣﺘﻲ ﻭﻗﻒ ﻓﻲ ﻣﻜﺎﻥ ﺷﺒﻪ ﺧﺎﻟﻲ ﻣﻦ ﺍﻟﻨﺎﺱ ﺛﻢ ﺇﻗﺘﺮﺏ ﻣﻨﻬﺎ ﻭﻫﻮ ﻳﻘﻮﻝ ﺑﻬﻤﺲ:
ﻭﺣﺸﺘﻴﻨﻲ
ﺗﻨﺤﻨﺤﺖ ﻫﻲ ﺑﺤﺮﺝ ﻣﺼﻄﻨﻊ ﻭﻗﺎﻟﺖ: ﻭﺍﻧﺖ ﻛﻤﺎﻥ ﺑﻘﻮﻟﻚ ﺍﻳﻪ ﺃﻧﺎ ﻫﺘﺄﺧﺮ ﻋﻠﻲ ﺍﻟﻤﺪﺭﺳﻪ ﻛﺪﻩ!
ﺇﻗﺘﺮﺏ ﻣﻨﻬﺎ ﺃﻛﺜﺮ ﻭﻗﺎﻝ: ﻭﻣﺎﻟﻪ ﻣﺘﺨﺎﻓﻴﺶ ﺃﻧﺎ ﻫﻮﺻﻠﻚ
ﺗﻨﻬﺪﺕ ﻧﻬﻲ ﻭﻗﺎﻟﺖ: ﺑﺲ...
ﻗﺎﻃﻌﻬﺎ ﺇﺳﻼﻡ ﻭهو يقبل وجنتيها ويضمها إليه...
ﻭﻗﻒ ﺗﺎﻣﺮ ﺃﻣﺎﻡ ﺍﻟﻤﺪﺭﺳﻪ ﺍﻟﺜﺎﻧﻮﻳﻪ ﻟﻠﺒﻨﺎﺕ ﻭﻧﺰﻟﺖ ﻣﺮﻳﻢ ﻭﻣﻦ ﺑﻌﺪﻫﺎ ﻫﻨﺎ ﺍﻟﺘﻲ ﻛﺎﻧﺖ ﻣﺘﺸﺒﺜﻪ ﺑﻪ...
ﺗﺤﺪﺙ ﺗﺎﻣﺮ ﻗﺎﺋﻼ ﺑﺠﺪﻳﻪ: ﺭﻧﻲ ﻋﻠﻴﺎ ﻟﻤﺎ ﺗﺨﻠﺼﻮﺍ ﻭﺍﺳﺘﻨﻴﻨﻲ
ﺃﻭﻣﺄﺕ ﻫﻨﺎ ﺑﺮﺃﺳﻬﺎ ﻗﺎﺋﻠﻪ ﺑﺎﺑﺘﺴﺎﻣﻪ: ﻣﺎﺷﻲ
ﺟﺬﺑﻬﺎ ﺗﺎﻣﺮ ﻣﻦ ﻳﺪﻫﺎ ﻭﻫﻮ ﻳﻘﻮﻝ ﻫﺎﻣﺴﺎً:
- ﺧﻠﻲ ﺑﺎﻟﻚ ﻣﻦ ﻧﻔﺴﻚ
ﻫﻨﺎ ﺑﺨﺠﻞ: ﺣﺎﺿﺮ
ﺇﻗﺘﺮﺑﺖ ﻣﺮﻳﻢ ﻣﻨﻬﻤﺎ ﻟﺘﻘﻮﻝ ﺑﻨﻔﺎﺫ ﺻﺒﺮ: ﻳﻮﻭﻩ ﺧﻼﺹ ﺑﻘﺎ ﻳﺎ ﺗﻴﻤﻮﺭ ﻫﻨﺘﺄﺧﺮ
ﺭﻓﻊ ﺗﺎﻣﺮ ﺣﺎﺟﺒﻴﻪ ﻗﺎﺋﻼ: ﻋﻠﻲ ﻃﻮﻝ ﻓﺰﻋﺎﻧﻲ ﻳﺎ ﻣﺮﻳﻢ ﺃﻣﺸﻲ ﻳﻼ.
ﺿﺤﻜﺖ ﻣﺮﻳﻢ ﻭﺃﻣﺴﻜﺖ ﺑﻴﺪ ﻫﻨﺎ ﻟﻴﺴﻴﺮ ﺍﻷﺛﻨﺎﻥ ﻣﺘﺠﻬﺎﻥ ﺇﻟﻲ ﺑﺎﺏ ﺍﻟﻤﺪﺭﺳﻪ ﻭﻟﻜﻨﻬﺎ ﺳﻤﻌﺖ ﺻﻮﺗﻪ ﻳﻬﺘﻒ ﺑﺈﺳﻤﻬﺎ:
- ﻫﻨﺎ
ﺇﻟﺘﻔﺘﺖ ﻫﻨﺎ ﺇﻟﻴﻪ ﻟﻴﺒﺘﺴﻢ ﻫﻮ ﻭﻳﻄﻠﻖ ﻟﻬﺎ ﻗﺒﻠﻪ ﻓﻲ ﺍﻟﻬﻮﺍﺀ ﻓﺈﺭﺗﺠﻔﺖ ﻭﺗﻮﺭﺩﺕ ﻭﺟﻨﺘﻴﻬﺎ ﺧﺠﻼ ﻭﺗﻠﻔﺘﺖ ﺣﻮﻟﻬﺎ ﻭﻫﻲ ﺗﺒﺘﻠﻊ ﺭﻳﻘﻬﺎ ﺑﺄﺭﺗﺒﺎﻙ.
ﻓﻴﻤﺎ ﺿﺤﻚ ﺗﺎﻣﺮ ﻋﻠﻴﻬﺎ، ﻓﺈﺑﺘﺴﻤﺖ ﻟﻪ ﻭﺭﻛﻀﺖ ﺇﻟﻲ ﺩﺍﺧﻞ ﺍﻟﻤﺪﺭﺳﻪ ﻭﻫﻲ ﺗﺒﺘﺴﻢ ﺑﺤﺐ ﻭﻗﻠﺒﻬﺎ ﻳﻜﺎﺩ ﺃﻥ ﻳﺨﺮﺝ ﻣﻦ ﻣﻜﺎﻧﻪ ﺃﺛﺮ ﺿﺮﺑﺎﺗﻪ ﺍﻟﺸﺪﻳﺪﻩ ﺍﻟﺘﻲ ﺗﺪﻕ ﻋﺸﻘﺎ ﻟﺰﻭﺟﻬﺎ ﺍﻟﺤﺒﻴﺐ ﺑﻴﻨﻤﺎ ﺗﻨﻬﺪ ﺗﺎﻣﺮ ﺑﺤﺮﺍﺭﻩ ﻭﻗﺪ ﺇﺭﺗﺴﻤﺖ ﻋﻠﻲ ﻭﺟﻬﻪ ﺇﺑﺘﺴﺎﻣﻪ ﻋﺎﺷﻘﻪ...
ﺃﻗﺒﻞ ﻋﻠﻴﻪ ﺇﺳﻼﻡ ﺑﺼﺤﺒﺔ ﻧﻬﻲ ﺍﻟﺘﻲ ﻛﺎﻧﺖ ﺗﻤﺴﻚ ﺑﻴﺪﻩ ﻭﻣﺎ ﺇﻥ ﻭﺟﺪﺕ ﺗﺎﻣﺮ ﺗﻨﺤﻨﺤﺖ ﺑﺤﺮﺝ ﻭﺃﺳﺮﻋﺖ ﻓﻲ ﺇﺗﺠﺎﻩ ﺑﺎﺏ ﺍﻟﻤﺪﺭﺳﻪ...
ﺗﻨﺤﻨﺢ ﺇﺳﻼﻡ ﻫﻮ ﺍﻵﺧﺮ ﻭﻗﺎﻝ ﻭﻫﻮ ﻧﺎﻇﺮﺍ ﺇﻟﻲ ﺗﺎﻣﺮ:
ﺇﻳﻪ ﺍﻟﻲ ﺟﺎﺑﻚ ﻫﻨﺎ؟
ﺇﺑﺘﺴﻢ ﺗﺎﻣﺮ ﺑﺴﺨﺮﻳﻪ ﻭﻗﺎﻝ: ﺃﻧﺎ ﺟﺎﻱ ﺃﻭﺻﻞ ﻣﺮﺍﺗﻲ ﻭﺃﺧﺘﻲ ﺃﻧﺖ ﺑﻘﺎ ﺍﻳﻪ ﺍﻟﻲ ﺟﺎﻳﺒﻚ
ﺭﻓﻊ ﺇﺳﻼﻡ ﺣﺎﺟﺒﻴﻪ ﻗﺎﺋﻼ: ﺯﻳﻚ ﻛﺪﻩ ﺟﺎﻱ ﺃﻭﺻﻞ ﺣﺒﻴﺒﺘﻲ
ﺃﻭﻣﺄ ﺗﺎﻣﺮ ﺑﺮﺃﺳﻪ ﻗﺎﺋﻼ: ﺍﺍﺍﻩ ﺣﺒﻴﺒﺘﻚ ﻃﺐ ﺃﻭﻋﻲ ﻣﻦ ﻭﺷﻲ ﺧﻠﻴﻨﻲ ﺃﺷﻮﻑ ﻭﺭﺍﻳﺎ ﺇﻳﻪ
ﺭﻛﺐ ﺇﺳﻼﻡ ﺧﻠﻔﻪ ﺳﺮﻳﻌﺎً ﻭﻫﻮ ﻳﻘﻮﻝ: ﺇﺷﻄﻪ ﻳﻼ ﺑﻴﻨﺎ
ﺗﻨﻬﺪ ﺗﺎﻣﺮ ﻭﻣﻦ ﺛﻢ ﺇﻧﻄﻠﻖ ﺑﺎﻟﻤﻮﺗﻮﺳﻜﻞ ﺍﻟﺨﺎﺹ ﺑﻪ.
ﺟﻠﺴﺖ ﻧﺠﺎﺡ ﺗﺘﻔﺤﺺ ﻗﻨﻮﺍﺕ ﺍﻟﺘﻠﻔﺎﺯ ﺑﻴﻨﻤﺎ ﻫﺘﻔﺖ ﺑﺼﻮﺕ ﻋﺎﻝِ ﻗﺎﺋﻠﻪ:
- ﻧﺪﻱ! ﺃﻧﺘﻲ ﻳﺎﻧﺪﻱ
ﺃﻗﺒﻠﺖ ﻋﻠﻴﻬﺎ ﻧﺪﻱ ﺯﻭﺟﻪ ﺇﺑﻨﻬﺎ ﻗﺎﺋﻠﻪ: ﻧﻌﻢ
ﻭﺿﻌﺖ ﻧﺠﺎﺡ ﺳﺎﻗﺎ ﻓﻮﻕ ﺍﻻﺧﺮ ﻟﺘﻘﻮﻝ ﺑﻠﻬﺠﻪ ﺁﻣﺮﻩ:
ﺇﻋﻤﻠﻴﻠﻲ ﻓﻨﺠﺎﻥ ﻗﻬﻮﻩ ﻋﺸﺎﻥ ﻋﻨﺪﻱ ﺻﺪﺍﻉ
ﺃﻭﻣﺄﺕ ﺑﺮﺃﺳﻬﺎ ﻗﺎﺋﻠﻪ: ﺣﺎﺿﺮ
ﺗﺎﺑﻌﺖ ﻧﺠﺎﺡ ﻭﻗﺎﻟﺖ: ﻭﻳﺎﺭﻳﺖ ﺗﻨﻀﻔﻲ ﺍﻟﺒﻴﺖ ﺩﻩ ﻋﺸﺎﻥ ﻣﺘﺮﺏ ﻭﺃﻧﺎ ﺑﺤﺐ ﺍﻟﻨﻀﺎﻓﻪ
ﻧﺪﻱ ﺑﻬﺪﻭﺀ: ﺑﺲ ﺃﻧﺎ ﺗﻌﺒﺎﻧﻪ ﻣﺶ ﻫﻘﺪﺭ ﺃﻋﻤﻞ ﺣﺎﺟﻪ ﺍﻟﻨﻬﺎﺭﺩﻩ.
ﻧﺠﺎﺡ ﺑﺼﺮﺍﻣﻪ: ﻭﺃﻧﺎ ﻣﺶ ﺑﻌﻴﺪ ﻛﻼﻣﻲ ﻣﺮﺗﻴﻦ ﺍﻟﻲ ﺃﻗﻮﻟﻪ ﻳﺘﻨﻔﺬ ﺑﺎﻟﺤﺮﻑ ﺍﻟﻮﺍﺣﺪ ﺳﻤﻌﻪ!
ﺗﻨﻬﺪﺕ ﻧﺪﻱ ﺑﻘﻠﺔ ﺣﻴﻠﻪ ﺛﻢ ﺫﻫﺒﺖ ﺇﻟﻲ ﺍﻟﻤﻄﺒﺦ ﻟﺘﻔﻌﻞ ﻣﺎ ﺗﺤﺘﺎﺟﻪ ﻧﺠﺎﺡ...
ﻟﻮﺕ ﻧﺠﺎﺡ ﻓﻤﻬﺎ ﻭﻫﻲ ﺗﺤﺪﻕ ﻓﻲ ﺍﻟﻔﺮﺍﻍ ﻟﺘﺤﺪﺙ ﻧﻔﺴﻬﺎ ﻗﺎﺋﻠﻪ: ﺃﻋﻤﻞ ﺍﻳﻪ ﻓﻲ ﺣﻈﻲ ﺩﻩ، ﻭﺍﺣﺪ ﺭﺍﻳﺢ ﻳﺘﺠﻮﺯ ﻭﺍﺣﺪﻩ ﻣﻠﻬﺎﺵ ﺃﻫﻞ ﻭﺍﻟﺘﺎﻧﻲ ﺣﺘﺔ ﻋﻴﻠﻪ ﻭﻳﺴﻴﺐ ﺑﻨﺘﻲ ﺃﻧﺎ...
ﺃﻗﺒﻠﺖ ﻋﻠﻴﻬﺎ ﻧﺴﻤﻪ ﻭﻫﻲ ﺗﻘﻮﻝ ﺑﺘﺴﺎﺅﻝ: ﻣﺎﻟﻚ ﻳﺎ ﻣﺎﻣﺎ!
ﺻﺮﺕ ﻧﺠﺎﺡ ﻋﻠﻲ ﺃﺳﻨﺎﻧﻬﺎ ﻗﺎﺋﻠﻪ: ﺯﻋﻼﻧﻪ ﻋﻠﻲ ﺧﺒﺘﻚ ﺍﻟﻲ ﻣﻮﺭﺩﺗﺶ ﻋﻠﻲ ﺣﺪ
ﻧﺴﻤﻪ ﺑﺎﻧﺪﻫﺎﺵ: ﻧﻌﻢ!
ﻧﻈﺮﺕ ﺇﻟﻲ ﺇﺑﻨﺘﻬﺎ ﻭﻗﺎﻟﺖ: ﺑﻘﺎ ﻣﺶ ﻋﺎﺭﻓﻪ ﺗﺎﻛﻠﻲ ﻋﻘﻠﻪ ﻳﺎﻫﺒﻠﻪ ﻭﺗﻮﻗﻌﻲ ﻓﻲ ﺣﺒﻚ! ﺑﺪﻝ ﻣﺎ ﻫﻮ ﻫﻴﻔﻠﺖ ﻣﻦ ﺍﻳﺪﻳﻨﺎ ﻭﻳﺘﺠﻮﺯ ﺍﻟﺒﺖ ﺍﻟﻲ ﻣﺎ ﺗﺴﻤﻲ ﺩﻱ
ﻧﺴﻤﻪ ﺑﺎﺳﺘﻐﺮﺍﺏ: ﻳﻌﻨﻲ ﺃﻋﻤﻞ ﺍﻳﻪ ﻣﺎﻫﻮ ﻣﺶ ﻣﺪﻳﻨﻲ ﺃﻱ ﻓﺮﺻﻪ ﻭ...
ﻧﺠﺎﺡ ﻣﻘﺎﻃﻌﻪ: ﻓﺮﺻﻪ ﺍﻳﻪ ﻫﻲ ﺍﻟﺒﺖ ﺩﻱ ﺍﺣﺴﻦ ﻣﻨﻚ ﻓﻲ ﺍﻳﻪ ﻫﻲ ﺷﻮﻳﻪ ﺳﻬﻮﻛﻪ ﺟﺎﺑﻮﻩ ﻋﻠﻲ ﻭﺷﻪ ﻟﻮ ﺃﻧﺘﻲ ﺷﺎﻃﺮﻩ ﻛﻨﺘﻲ ﻋﺮﻓﺘﻲ ﺗﻌﻤﻠﻲ ﻛﺪﻩ ﻭﺗﻜﻌﺒﻠﻴﻪ ﻓﻲ ﺣﺒﻚ ﺃﻧﺘﻲ ﻭﺳﺎﻋﺘﻬﺎ ﻛﻞ ﺣﺎﺟﻪ ﻫﺘﻜﻮﻥ ﺑﺘﺎﻋﺘﻚ ﻣﻠﻜﻚ ﺃﻧﺘﻲ ﻭﻟﻜﻦ ﻫﻘﻮﻝ ﺍﻳﻪ ﺧﺎﻳﺒﻪ ﺃﻭﻱ.
ﺗﻨﻬﺪﺕ ﻧﺴﻤﻪ ﺑﺄﻟﻢ ﻭﻗﺎﻟﺖ: ﺃﻧﺎ ﻣﺶ ﻋﺎﻳﺰﻩ ﺣﺎﺟﻪ ﻏﻴﺮﻩ ﻫﻮ ﻭﺑﺲ ﺃﻱ ﺣﺎﺟﻪ ﺗﺎﻧﻲ ﻣﺘﻬﻤﻨﻴﺶ ﺑﺲ ﺇﺯﺍﻱ ﺃﺧﻠﻴﻪ ﻳﺎﺧﺪ ﺑﺎﻟﻪ ﻣﻨﻲ ﺍﺯﺍﻱ!
ﻧﺠﺎﺡ: ﻟﺴﻪ ﻓﻲ ﺍﻳﺪﻙ ﺍﻟﻔﺮﺻﻪ ﻭﺃﻧﺎ ﺍﻟﻲ ﻫﻘﻮﻟﻚ ﺗﺘﺼﺮﻓﻲ ﺇﺯﺍﻱ!
ﻓﻲ ﺍﻟﻤﺪﺭﺳﻪ ﺍﻟﺜﺎﻧﻮﻳﻪ ﻟﻠﺒﻨﺎﺕ
ﺟﻠﺲ ﺍﻟﻔﺘﻴﺎﺕ ﻓﻘﺎﻟﺖ ﻣﺮﻳﻢ:
- ﺍﺯﻳﻚ ﻳﺎﻧﻬﻲ ﻛﻨﺘﻲ ﻓﻴﻦ
ﻧﻬﻲ ﺑﻬﻴﺎﻡ: ﻛﻨﺖ ﻣﻊ ﺣﺒﻴﺒﻲ
ﻣﺮﻳﻢ ﺑﺘﺴﺎﺅﻝ: ﺣﺒﻴﺒﻚ ﻣﻴﻦ؟
ﺃﺟﺎﺑﺘﻬﺎ ﻫﻨﺎ ﺳﺮﻳﻌﺎ ﻭﻫﻲ ﺗﻘﻮﻝ: ﺇﺳﻼﻡ ﻫﻮ ﺣﺒﻴﺒﻬﺎ
ﺿﺤﻜﺖ ﻧﻬﻲ ﻗﺎﺋﻠﻪ: ﺑﺎﻟﻈﺒﻂ ﻛﺪﻩ
ﻫﻨﺎ ﺑﺠﺪﻳﻪ: ﺑﺲ ﻋﻠﻲ ﻓﻜﺮﻩ ﻛﺪﻩ ﻏﻠﻂ ﻳﺎ ﻧﻬﻲ ﻭﺣﺮﺍﻡ
ﻧﻬﻲ ﺑﻼ ﻣﺒﺎﻻﻩ: ﺍﻟﺤﺐ ﻣﺶ ﺣﺮﺍﻡ
ﺗﺪﺧﻠﺖ ﺯﻣﻴﻠﺘﻬﻦ ﺭﻗﻴﻪ ﻓﻲ ﺍﻟﺤﻮﺍﺭ ﻭﻗﺎﻟﺖ ﺑﺘﻮﺿﻴﺢ:
ﺍﻟﺤﺐ ﻣﺶ ﺣﺮﺍﻡ ﻟﻤﺎ ﻳﻜﻮﻥ ﺟﻮﺯﻙ ﺑﺲ ﻳﺎ ﻧﻬﻲ ﻏﻴﺮ ﻛﺪﻩ ﺣﺮﺍﻡ
ﺗﺤﺪﺛﺖ ﻣﺮﻳﻢ ﻗﺎﺋﻠﻪ ﺑﺘﺴﺎﺅﻭﻝ: ﺣﺘﻲ ﻟﻮ ﻣﺨﻄﻮﺑﻴﻦ ﻳﺎﺭﻗﻴﻪ.
ﺃﻭﻣﺄﺕ ﺭﻗﻴﻪ ﺑﺮﺃﺳﻬﺎ ﻗﺎﺋﻠﻪ ؛: ﻃﺒﻌﺎ ﺣﺮﺍﻡ لو قولتله دا ممكن تحبوا بس بلاش خلوات وكلام في الحب كل شوية
ﻧﻬﻲ ﺑﺘﺄﻓﻒ: ﻛﻤﺎﻥ ﺩﻱ ﺣﺮﺍﻡ ﻣﺎ ﻛﻞ ﺍﻟﻤﺨﻄﻮﺑﻴﻦ ﺑﻴﺤﺒﻮﺍ ﺑﻌﺾ ﻭﻟﻤﺎ ﻣﺶ ﻫﻨﺤﺐ ﺑﻌﺾ ﻳﺒﻘﻲ ﻫﻨﻜﻮﻥ ﻣﺨﻄﻮﺑﻴﻦ ﻟﻴﻪ؟
ﺇﺑﺘﺴﻤﺖ ﺭﻗﻴﻪ ﻗﺎﺋﻠﻪ: ﺣﺒﻴﻪ ﺯﻱ ﻣﺎ ﺃﻧﺘﻲ ﻋﺎﻳﺰﻩ ﺑﺲ ﻣﺘﻘﻮﻟﻠﻮﺵ
ﻣﺮﻳﻢ ﺑﺘﺴﺎﺅﻝ: ﺍﺯﺍﻱ ﻳﺎ ﺭﻭﻛﺎ
ﺭﻗﻴﻪ ﺑﻬﺪﻭﺀ: ﻳﻌﻨﻲ ﻳﺎﻣﺮﻳﻢ ﺧﻄﻴﺒﻚ ﺩﻩ ﺃﺟﻨﺒﻲ ﻋﻨﻚ ﺯﻳﻪ ﺯﻱ ﺃﻱ ﻭﺍﺣﺪ ﻏﺮﻳﺐ ﺍﻟﻔﺮﻕ ﺑﺲ ﺃﻧﻪ ﻣﻤﻜﻦ ﻳﺘﻜﻠﻢ ﻣﻌﺎﻛﻲ ﻭﺗﺪﺭﺳﻮﺍ ﺑﻌﺾ.
ﺭﻓﻌﺖ ﻣﺮﻳﻢ ﺣﺎﺟﺒﻴﻬﺎ ﻟﺘﻘﻮﻝ: ﻳﺎﻩ ﺑﺲ ﻛﻞ ﺍﻟﻤﺨﻄﻮﺑﻴﻦ ﺑﻴﺤﺒﻮﺍ ﺑﻌﺾ ﻭﻛﺄﻧﻬﻢ ﻣﺘﺠﻮﺯﻳﻦ ﻛﻤﺎﻥ
ﻫﻨﺎ ﻭﻫﻲ ﺗﻨﻈﺮ ﻟﻨﻬﻲ ﻧﻈﺮﺍﺕ ﺫﺍﺕ ﻣﻌﻨﻲ:
ﻋﻨﺪﻙ ﺣﻖ ﻳﺎﻣﺮﻳﻢ. ﻭﻳﺎﺭﻳﺖ ﻣﺨﻄﻮﺑﻴﻦ ﻛﻤﺎﻥ ﻻ ﺩﻩ ﻣﻔﻴﺶ ﺑﻴﻨﻬﻢ ﺃﻱ ﺣﺎﺟﻪ
ﺇﻧﻔﻌﻠﺖ ﻧﻬﻲ ﻗﺎﺋﻠﻪ: ﻗﺼﺪﻙ ﺍﻳﻪ ﻳﺎ ﻫﻨﺎ ﻣﺎ ﺗﻠﻤﻲ ﻧﻔﺴﻚ ﻭﻣﺘﻌﻤﻠﻠﻴﺶ ﻓﻴﻬﺎ ﻣﺤﺘﺮﻣﻪ ﺩﻩ ﻋﻠﻲ ﺃﺳﺎﺱ ﺍﻧﻚ ﻣﺒﺘﻌﻤﻠﻴﺶ ﻛﺪﻩ ﻣﻊ ﺣﺒﻴﺐ ﺍﻟﻘﻠﺐ
ﺣﺪﻗﺖ ﺑﻬﺎ ﻫﻨﺎ ﻟﺘﻘﻮﻝ ﺑﺠﺪﻳﻪ: ﻻ ﻣﺶ ﺑﻌﻤﻞ ﻛﺪﻩ ﻭﺣﺘﻲ ﻟﻮ ﻋﻤﻠﺖ ﺩﻩ ﺟﻮﺯﻱ ﻣﺶ ﻭﺍﺣﺪ ﻏﺮﻳﺐ ﻋﻨﻲ ﻭﻛﻤﺎﻥ ﺗﺎﻣﺮ ﺑﻴﺤﺎﻓﻆ ﻋﻠﻴﺎ ﻣﺶ ﺯﻱ ﻧﺎﺱ.
ﺭﻣﻘﺘﻬﺎ ﻧﻬﻲ ﺑﻐﻴﻆ ﻭﺻﻤﺘﺖ ﺩﻭﻥ ﺃﻥ ﺗﺘﻔﻮﻩ
ﺗﺤﺪﺛﺖ ﺭﻗﻴﻪ ﻗﺎﺋﻠﻪ ﺑﺠﺪﻳﻪ: ﺍﺳﺘﻬﺪﻱ ﺑﺎﻟﻠﻪ ﻳﺎ ﻧﻬﻲ ﻣﻔﻴﺶ ﺩﺍﻋﻲ ﻟﻠﻌﺼﺒﻴﻪ ﺩﻱ ﻫﻨﺎ ﻣﺘﻘﺼﺪﺵ ﺣﺎﺟﻪ!
ﻧﻬﻲ ﺑﻌﺼﺒﻴﻪ: ﻭﺃﻧﺘﻲ ﻣﺎﻟﻚ ﺃﻧﺘﻲ ﺧﻠﻴﻜﻲ ﻓﻲ ﺣﺎﻟﻚ ﻳﺎ ﺳﺖ ﺍﻟﺸﻴﺨﻪ
ﺷﻌﺮﺕ ﺭﻗﻴﻪ ﺑﺎﻟﺤﺮﺝ ﻭﻧﻬﻀﺖ ﻗﺎﺋﻠﻪ ﻭﻫﻲ ﺗﺘﺠﻪ ﺑﻌﻴﺪﺍ: ﺁﺳﻔﻪ ﺍﻧﻲ ﺍﺗﻜﻠﻤﺖ ﻣﻌﺎﻛﻲ ﻣﻦ ﺍﻷﻭﻝ ﺃﺻﻼ..
ﻣﺮﻳﻢ ﺑﻌﺘﺎﺏ: ﻟﻴﻪ ﻛﺪﻩ ﻛﺴﻔﺘﻴﻬﺎ ﺣﺮﺍﻡ ﻋﻠﻴﻜﻲ
ﻧﻬﻲ ﺑﻼ ﻣﺒﺎﻻﻩ: ﺃﺣﺴﻦ ﻋﺸﺎﻥ ﻣﺘﺪﺧﻠﺶ ﻓﻲ ﺍﻟﻲ ﻣﻴﺨﺼﻬﺎﺵ ﻭﺍﻧﺘﻲ ﻛﻤﺎﻥ ﻳﺎ ﻫﻨﺎ ﺍﻟﺰﻣﻲ ﺣﺪﻭﺩﻙ ﻣﻌﺎﻳﺎ ﻭﻣﺘﻌﻮﻣﻠﻴﺶ ﻋﻠﻲ ﻋﻮﻡ ﺍﻟﻤﺘﺨﻠﻔﻪ ﺩﻱ.
ﻫﺰﺕ ﻫﻨﺎ ﺭﺃﺳﻬﺎ ﻟﺘﻘﻮﻝ ﺑﺎﺳﺘﻐﺮﺍﺏ: ﻣﺘﺨﻠﻔﻪ! ﻋﻴﺐ ﻣﺘﻘﻮﻟﻴﺶ ﻛﺪﻩ ﻋﻠﻲ ﺭﻗﻴﻪ ﺩﻱ ﻣﺤﺘﺮﻣﻪ ﻭﻃﻴﺒﻪ ﻳﺎﺭﺗﻨﺎ ﻧﻜﻮﻥ ﺯﻳﻬﺎ ﻓﻲ ﺇﻟﺘﺰﺍﻣﻬﺎ
ﻣﺮﻳﻢ ﺑﺘﺄﻛﻴﺪ: ﺍﻩ ﻭﺍﻟﻠﻪ ﻳﺎ ﻫﻨﺎ ﻳﺎﺭﻳﺖ ﻧﻜﻮﻥ ﻣﻠﺘﺰﻣﻴﻦ ﻛﺪﻩ ﻣﺎ ﺷﺎﺀ ﺍﻟﻠﻪ ﻋﻠﻴﻬﺎ
ﻧﻬﻲ ﺑﺴﺨﺮﻳﻪ: ﻭﻣﺎﻟﻪ ﺧﻠﻴﻜﻮﺍ ﺯﻳﻬﺎ ﻋﺸﺎﻥ ﻣﻌﺮﻓﻜﻮﺵ ﺗﺎﻧﻲ، ﺛﻢ ﻧﻬﻀﺖ ﻣﺘﺤﺮﻛﻪ ﺑﻌﻴﺪﺍ ﻋﻨﻬﻤﺎ
ﻧﻈﺮﺕ ﻣﺮﻳﻢ ﺍﻟﻲ ﻫﻨﺎ ﻗﺎﺋﻠﻪ ﺑﺄﻧﺪﻫﺎﺵ: ﺍﻳﻪ ﺍﻟﺒﺖ ﺩﻱ
ﻫﻨﺎ ﺑﻐﻀﺐ: ﺳﻴﺒﻚ ﻣﻨﻬﺎ ﻣﺴﺘﻔﺰﻩ ﺃﺻﻼ، ﺗﻌﺎﻟﻲ ﻧﺸﻮﻑ ﺭﻗﻴﻪ
ﻣﺮﻳﻢ ﺑﺈﻳﺠﺎﺏ: ﺃﻭﻙ ﻳﻼ ﺑﻴﻨﺎ...
ﻋﻠﻲ ﺍﻟﺠﺎﻧﺐ ﺍﻵﺧﺮ.
ﻛﺎﻥ ﻳﺠﻠﺲ ﺷﺎﺏ ﻋﻨﺪﻣﺎ ﻧﻨﻈﺮ ﺇﻟﻲ ﻭﺟﻬﻪ ﻧﺮﻱ ﻋﻼﻣﺎﺕ ﻣﺘﻔﺮﻗﻪ ﻓﻲ ﺟﻤﻴﻊ ﺍﻷﻧﺤﺎﺀ ﺃﺛﺮ ﺍﻟﻤﺸﺎﺟﺮﺍﺕ ﻓﺤﻘﺎ ﻫﻮ ﻣﻦ ﺍﻟﻀﺎﺋﻌﻴﻦ ﺍﻟﺘﺎﻓﻬﻴﻦ ﻛﻤﺎ ﺃﻥ ﻟﻪ ﺷﻌﺮ ﻃﻮﻳﻞ ﺧﺸﻦ ﻳﻌﻄﻴﻪ ﻣﻈﻬﺮﺍً ﻣﺸﻤﺌﺰﺍً ﻟﻠﻐﺎﻳﻪ ﻛﺎﻥ ﻳﺠﻠﺴﻪ ﺑﺼﺤﺒﺔ ﺃﺻﺎﺩﻗﻪ ﺍﻟﺴﻮﺀ ﺍﻟﻠﺬﻳﻦ ﻫﻢ ﻣﻦ ﻧﻔﺲ ﺍﻟﻨﻮﻋﻴﻪ ﺃﻣﺎﻡ ﻭﺭﺷﺔ ﺍﻟﻤﻜﺎﻧﻴﻜﺎ ﻭﺍﻟﺘﻲ ﺗﻜﻮﻥ ﻓﻲ ﺍﻟﺤﻲ ﺍﻟﺬﻱ ﺗﻘﻄﻦ ﺑﻪ ﻫﻨﺎ
ﺗﺤﺪﺙ ﺣﺎﻣﺪ ﺑﻌﺪ ﺃﻥ ﻧﻔﺚ ﺩﺧﺎﻥ ﺳﻴﺠﺎﺭﺗﻪ ﻗﺎﺋﻼ: ﺑﻘﻮﻟﻚ ﻋﺠﺒﺎﻧﻲ!
ﺭﺩ ﻋﻠﻴﻪ ﺃﺣﺪ ﺃﺻﺪﻗﺎﺋﻪ:
ﻳﻌﻨﻲ ﻣﻠﻘﺘﺶ ﻏﻴﺮ ﻣﺮﺍﺕ ﺗﺎﻣﺮ ﻋﺒﺪ ﺍﻟﺤﻖ ﺩﻩ ﻟﻮ ﺳﻤﻌﻚ ﻭﺍﻟﻠﻪ ﻳﻘﺘﻠﻚ.
ﺣﻚ ﺣﺎﻣﺪ ﻓﺮﻭﺓ ﺭﺃﺳﻪ ﻟﻴﻘﻮﻝ ﺑﺜﻘﻪ ﺫﺍﺋﻔﻪ:
ﻻ ﻫﻮ ﻭﻻ ﻋﺸﺮﻩ ﺯﻳﻪ ﻳﻌﺮﻓﻮﺍ ﻳﻌﻤﻠﻮﺍ ﻣﻌﺎﻳﺎ ﺣﺎﺟﻪ
ﺭﺩ ﻋﻠﻴﻪ ﺃﺧﺮ: ﺑﺲ ﺩﻱ ﻣﺘﺠﻮﺯﻩ ﺧﻼﺹ ﺍﻳﻪ ﺍﻟﻲ ﻋﺎﺟﺒﻚ ﻓﻴﻬﺎ
ﺣﺎﻣﺪ: ﺩﺍﺧﻠﻪ ﺩﻣﺎﻏﻲ ﻭﺭﺍﺷﻘﻪ ﻓﻴﻬﺎ
- ﺃﻧﺖ ﺣﺮ ﺑﺲ ﺃﻧﺖ ﻣﺶ ﻗﺪ ﺗﺎﻣﺮ ﻋﺒﺪ ﺍﻟﺤﻖ ﻭﺍﺣﻨﺎ ﺣﺬﺭﻧﺎﻙ
ﺣﺎﻣﺪ ﺑﺴﺨﺮﻳﻪ: ﻫﺎ، ﺩﻩ ﺃﻧﺎ ﺣﺎﻣﺪ ﺍﻟﺠﺎﻣﺪ، ﺍﻟﺠﺎﻣﺪ ﺃﻭﻱ...
ﺑﻴﻨﻤﺎ ﻛﺎﻧﺖ ﻫﻨﺎ ﺇﻧﺘﻬﺖ ﻣﻦ ﻳﻮﻣﻬﺎ ﺍﻟﺪﺭﺍﺳﻲ ﻭﺗﻮﺟﻬﺖ ﺧﺎﺭﺝ ﺍﻟﻤﺪﺭﺳﻪ ﺑﺼﺤﺒﺔ ﻣﺮﻳﻢ ﻭﺭﻗﻴﻪ ﺃﺻﺪﻗﺎﺋﻬﺎ ﺍﻟﻤﻘﺮﺑﺎﺕ ﺇﻟﻲ ﻗﻠﺒﻬﺎ
ﺗﺤﺪﺛﺖ ﻣﺮﻳﻢ ﻗﺎﺋﻠﻪ: ﺃﻧﺎ ﺟﻌﺎﻧﻪ ﺃﻭﻱ.
ﺿﺤﻜﺖ ﻫﻨﺎ ﻗﺎﺋﻠﻪ: ﻣﺮﻳﻢ ﺃﻧﺘﻲ ﻋﻠﻲ ﻃﻮﻝ ﺟﻌﺎﻧﻪ ﻛﺪﻩ!
ﻋﺒﺴﺖ ﻣﺮﻳﻢ ﺑﻮﺟﻬﻬﺎ ﻗﺎﺋﻠﻪ: ﻧﻔﺴﻲ ﺃﺧﺲ ﻣﺶ ﻋﺎﺭﻓﻪ ﺍﻋﻤﻞ ﺍﻳﻪ ﻳﺎﺧﺘﻲ ﻣﺶ ﻫﻼﻗﻲ ﺣﺪ ﻳﺘﺠﻮﺯﻧﻲ
ﺿﺤﻚ ﺭﻗﻴﻪ ﻟﺘﻘﻮﻝ ﺑﻌﺪ ﺫﻟﻚ ﺑﺎﺑﺘﺴﺎﻣﻪ: ﻳﺎ ﺭﻭﻣﺎ ﺩﻩ ﻧﺼﻴﺐ ﻭﻋﺮﻳﺴﻚ ﻫﻴﺠﻴﻠﻚ ﻭﻫﻴﺤﺒﻚ ﺯﻱ ﻣﺎﻧﺘﻲ ﻛﺪﻩ
ﺇﺑﺘﺴﻤﺖ ﻣﺮﻳﻢ ﻗﺎﺋﻠﻪ: ﺣﺒﻴﺒﻪ ﻗﻠﺒﻲ ﻳﺎﻟﻠﻲ ﺭﺍﻓﻌﻪ ﻣﻌﻨﻮﻳﺎﺗﻲ ﺩﻳﻤﺎ، ﺃﻭﻣﺎﻝ ﻟﻴﻪ ﺗﻴﻤﻮﺭ ﺍﻟﺮﺧﻢ ﺑﻴﻘﻮﻟﻲ ﺩﻳﻤﺎ ﻣﺶ ﻫﺘﻼﻗﻲ ﺣﺪ ﻳﺘﺠﻮﺯﻙ
ﺿﺤﻜﺖ ﻫﻨﺎ ﻭﻫﻲ ﺗﻀﺮﺑﻬﺎ ﺑﺨﻔﻪ: ﺑﺖ ﻣﺘﻘﻮﻟﻴﺶ ﻋﻠﻲ ﺗﻴﻤﻮ ﺭﺧﻢ ﺃﻧﺘﻲ ﻓﺎﻫﻤﻪ.
ﺿﺤﻜﺖ ﺭﻗﻴﻪ ﻗﺎﺋﻠﻪ: ﻃﺐ ﻳﻼ ﺑﻘﺎ ﺍﻧﺘﻮﺍ ﻫﺘﺘﺨﺎﻧﻘﻮﺍ ﻓﻲ ﺍﻟﺸﺎﺭﻉ ﻟﻤﻮﺍ ﻧﻔﺴﻜﻮﺍ ﺍﺣﻨﺎ ﺩﺍﺧﻠﻴﻦ ﻋﻠﻲ ﺍﻟﺒﻴﺖ ﺃﻫﻮ
ﺷﻬﺖ ﻫﻨﺎ ﻭﻫﻲ ﺗﻘﻮﻝ: ﻳﺎﻟﻬﻮﻱ ﺩﻩ ﺃﻧﺎ ﻧﺴﻴﺖ ﺃﺭﻥ ﻋﻠﻲ ﺗﺎﻣﺮ ﻗﺎﻟﻲ ﺍﺳﺘﻨﻴﻨﻲ
ﻣﺮﻳﻢ ﺿﺎﺣﻜﻪ: ﺇﺳﺘﻠﻘﻲ ﻭﻋﺪﻙ ﻳﺎ ﺟﻤﻴﻞ
ﺑﻴﻨﻤﺎ ﻭﺟﺪﻫﺎ ﺃﺣﺪ ﺍﻟﺠﺎﻟﺴﻴﻦ ﺑﺼﺤﺒﺔ ﺣﺎﻣﺪ ﻓﻘﺎﻝ ﻋﻠﻲ ﺍﻟﻔﻮﺭ:
- ﺍﻟﻤﺰﻩ ﺃﻫﻲ ﻳﺎ ﺑﺮﻧﺲ
ﻫﺐ ﺣﺎﻣﺪ ﻭﺍﻗﻔﺎ ﻭﻫﻮ ﻳﻨﻈﺮ ﻟﻬﺎ ﻣﻦ ﺑﻌﻴﺪ ﺑﻴﻨﻤﺎ ﻧﻈﺮ ﺇﻟﻲ ﻣﻌﺮﺽ ﺗﺎﻣﺮ ﻓﻮﺟﺪﻩ ﻣﻨﺸﻐﻼ ﻓﻲ ﺍﻟﻌﻤﻞ ﻓﺘﻘﻮﺱ ﻓﻤﻪ ﺑﺈﺑﺘﺴﺎﻣﻪ ﻣﺎﻛﺮﻩ ﻭﻗﺎﻝ ﺑﺨﺒﺚ: ﺣﻠﻮ ﺃﻭﻱ.
ﻗﺎﻝ ﺃﺣﺪ ﺃﺻﺪﻗﺎﺋﻪ: ﺍﻳﻪ ﻫﺘﻌﻤﻞ ﺍﻳﻪ؟
ﺣﺎﻣﺪ ﻭﻫﻮ ﻳﺘﺠﻪ ﺇﻟﻴﻬﻦ: ﻫﺘﻌﺮﻑ ﺩﻟﻮﻗﺘﻲ
ﺳﺎﺭ ﺇﻟﻲ ﺗﻠﻚ ﺍﻟﻔﺘﻴﺎﺕ ﺍﻟﺜﻼﺛﻪ ﺣﺘﻲ ﻭﻗﻒ ﺃﻣﺎﻣﻬﻦ ﻭﺳﺪ ﻋﻠﻴﻬﻦ ﺍﻟﻄﺮﻳﻖ ﺑﺬﺭﺍﻋﻴﻪ
ﺻُﺪﻡ ﺛﻼﺛﺘﻬﻦ ﻣﻦ ﺗﻠﻚ ﺍﻟﻄﺮﻳﻘﻪ ﺍﻟﻮﻗﺤﻪ ﻓﻘﺎﻟﺖ ﻣﺮﻳﻢ ﺑﻐﻀﺐ: ﻓﻲ ﺍﻳﻪ ﻣﺎ ﺗﻮﺳﻊ ﻛﺪﻩ ﺃﻧﺖ ﻣﺠﻨﻮﻥ
ﺣﻚ ﺫﻗﻨﻪ ﻭﻫﻮ ﻳﻨﻈﺮ ﺇﻟﻲ ﻫﻨﺎ ﻗﺎﺋﻼ ﺑﻮﻗﺎﺣﻪ: ﺃﻧﺎ ﻋﺎﻭﺯﻙ ﻳﺎ ﺳﺖ ﺍﻟﺒﻨﺎﺕ ﻓﻲ ﻛﻠﻤﺘﻴﻦ.
ﻧﻈﺮﺕ ﻟﻪ ﻫﻨﺎ ﺑﻐﻀﺐ ﺟﻠﻲ ﻭﻗﺎﻟﺖ ﺑﺼﺮﺍﻣﻪ: ﻧﻌﻢ! ﺃﻭﻋﻲ ﻣﻦ ﻭﺷﻨﺎ ﺧﻠﻴﻨﺎ ﻧﻤﺸﻲ ﺍﻳﻪ ﺍﻟﻘﺮﻑ ﺩﻩ ﻭﺗﺤﺮﻛﺖ ﻣﻦ ﺃﻣﺎﻣﻪ ﻓﺄﺳﺮﻉ ﻫﻮ ﻟﻴﺠﺬﺑﻬﺎ ﻣﻦ ﺫﺭﺍﻋﻬﺎ ﻭﻗﺒﻞ ﺃﻥ ﻳﻠﻤﺴﻬﺎ ﺷﻌﺮ ﺑﻴﺪ ﺗﻘﺒﺾ ﻋﻠﻲ ﺫﺭﺍﻋﻪ ﺑﻘﻮﻩ ﻭﻳﻠﻮﻳﻬﺎ ﺧﻠﻒ ﻇﻬﺮﻩ ﺑﻘﻮﻩ...