قصص و روايات - قصص رومانسية :

رواية أسيرة لحصون قلبه للكاتبة سلسبيل كوبك الفصل الثاني عشر

رواية أسيرة لحصون قلبه للكاتبة سلسبيل كوبك الفصل الثاني عشر

رواية أسيرة لحصون قلبه للكاتبة سلسبيل كوبك الفصل الثاني عشر

صقر مشي قدام طيف و طيف مشيت وراه.
كان في عربية قدام صقر و طيف و الاتنين ماشين جمب بعض...
فجأة العربية قدامهم انفجرت. صقر خبي طيف في حضنه و طيف صرخت.
لقوا خرجت زينة من العربية و صواريخ في السماء و ورد نزلت عليهم.
طيف بصت ل صقر و بصت حواليها بصدمة,صقر رفع رأسه لمح آسر واقف بيشرب نسكافيه و بيبصله بنظرة البداية بس صقر فهمها.
صقر بص ل آسر بخبث و بص حواليه.
صقر حاوط طيف بايده و قربها منه و (لخيالكوا).

طيف ضربت صقر علي صدره و داست علي رجله جامد بس هو متحركش.
صقر بعد عن طيف طيف كانت لسة هتتكلم صقر حط صباعه علي بوقها.
صقر(بنظرة تحذير): يلا بينا.
صقر مسك ايد طيف و مشي ركب عربية تانية و طيف ركبت جمبه صقر ساق العربية و طيف بصتله بغضب...
طيف(بغضب): بص يا بني ادم انت طول ما انا اسمي علي اسمك و طول ما انا في البيت الزبالة ده تحترمني و تحترم رغبتي.
طيف(بغضب): ممنوع تقرب مني حتى لو بالغلط فاهم ياض.

صقر مال بوشه علي نش طيف و طيف رجعت بسرعة.
صقر(بضحك): ضحكتيني.
طيف(بغضب): ليه مكنش بقول نكت...
صقر(ببرود): لا بس كلامي في الاول و الاخر هيمشي برضاكي او غصب عنك. و كمان هنبقي متجوزين لفترة و بعدها هرميكي عادي جدا...
طيف(بغضب): ليه يا حبيبي لاكون كيس زبالة يعني.
صقر(ببرود): ممكن.
طيف ضربت كتف صقر بغضب بايديها.
طيف(بغضب): قليل الذوق. و كمان انا راحة معاك ليه الشركة الناس هتقول ايه؟!
صقر(ببرود): مراتي.

طيف(بصدمة): انت اتجننت لا لا مستحيل تقول لحد فاهم.
صقر(بخبث): و ايه المقابل؟!
طيف: انت مجنون. بتساومني يعني؟!
صقر: حقي. تمن سكوتي؟!
طيف: انت عايز ايه؟!
صقر بص ل طيف بطرف عينه و مال علي طيف بوشه,طيف بصتله و بصت لخده بغضب.
طيف باست خد صقر بغضب و بصت للشباك.
صقر: مش بطال.
بعد فترة وصلوا للشركة طيف نزلت جري للشركة صقر ناداها بس هي ملفتش ليه و كملت مشي.
صقر لحق طيف و مسك ايديها و ضغط عليها.

طيف(بحدة): سيب ايدي الناس هتفتكر حاجة مش كويسة.
صقر(بلامبالاة): مبيهمنيش كلام الناس بعمل اللي انا عايزه و بس.
طيف شدت ايديها من ايد صقر بغضب و سابته و مشيت ركبت اسانسير العاملين و صقر بصلها قبل ما باب الاسانسير يتقفل و ركب الاسانسير المخصص ليه و وصلوا هما الاتنين الدور.
صقر: ا.
نانسي: حمدلله بالسلامة يا مستر صقر. تؤمر بحاجة؟!
صقر: لا. ابعتيلي دي بفنجان قهوة.
طيف(بتلقائية): انت مش قولت لا.

نانسي ضربت طيف في جمبها بكوع ايديها...
نانسي: احم اسفين يا بيه تقدر تروح علي مكتبك.
نانسي: الله يخرب بيتك ايه اللي هببتيه ده. صقر بيه مش بيتهاون في اللي بيردوا عليه او يعارضوا اوامره.
نانسي: اتعلمي بقي. متبقيش سبب قطع عيشك.
طيف(بزهق): هو هنا و هناك!؟
نانسي: قصدك مين؟!
طيف: مفيش مفيش. روحي اعملي القهوة و وديها ليه انا تعبانة.
نانسي: من اول يومين يالهوي.

نانسي راحت عملت القهوة و راحت لاوضة مكتب صقر خبطت و دخلت.
طيف كانت قاعدة بره علي مكتب نانسي بتلعب بالقلم سمعت صوت تكسير و صوت صقر العالي، طيف جريت علي المكتب بسرعة.
صقر(بغضب): اهلا بالهانم اللي مش بتنفذ الاوامر.
صقر(بغضب): طالما قولت انتي اللي تجيبي القهوة يبقي انتي مفيش سمع للكلام ليه.
طيف(بهدوء): مش حضرتك كنت عايز القهوة هي وصلت مش فارقة جت مع مين.
صقر(بغضب): انتي كمان بتعدلي عليا روح ا...

طيف(بحدة): النقاش بيني و بين حضرتك مدخلش سيرة والدتي في حاجة. المفروض يبقي في احترام متبادل حضرتك بين المدير و الموظف.
طيف: هي دي علاقة الشغل.
طيف: و انا بعتذر ان انا اللي مدخلتش بالقهوة مش هتتكرر تاني.
طيف: اتفضلي بعد اذنك يا نانسي و انا هلم الحاجات دي.
نانسي: ها لا ه.
طيف: روحي انتي انا هتصرف.
طيف وطت بدأ تلم الازاز المتكسر علي الصينية و صقر بيراقبها بعيونها و فضل واقف مكانه.

طيف: بعد اذنك في ازاز جمبك ممكن تبعد؟!
صقر وطي و شد طيف من دراعها و كان لسة هيزعق ليها لقي وشها احمر و دموعها في عينيها...
صقر: روحي و ابعتي عامل التنظيف.
طيف: تمام.
طيف سابت صقر و دخلت مكتبها حطت رأسها علي المكتب و قعدت تعيط,صقر كان شايفها بسبب الازاز اللي بين مكتبه و مكتبها.
زين دخل ل مكتب طيف لقاها بتعيط.
زين(بقلق): انسة طيف انتي كويسة؟!
طيف(بدموع): الحمدلله...
زين(بقلق): مالك؟!

طيف: مفيش انا بخير شوية تعب بس.
زين: عموما لو احتاجتي اي حاجة قوليلي.
طيف: شكرا ليك.
زين: طيب يلا قومي علشان هعرفك علي فريق التخطيط و التطوير.
طيف: تمام.
زين و طيف خرجوا و راحوا اوضة فيها فريق كامل لتطوير التكنولوجيا.
زين: انتبهوا ليا.
زين: زي ما انتوا تعرفوا طيف سكرتيرة صقر الجديدة و اللي هتكون هنا بتاخد خبرة منكم.
زين: دول هما الفرقة الاساسية في الشركة يا طيف.
طيف: تمام.
بنت: بس مش حلوة يعني يا زين.

زين: صافي ابعدي الكلام ده عن الشغل.
صافي: انا عملت حاجة!؟ جمالها عادي يعني ميخليش صقر بيه ينفسه يخليها سكرتيرته بسرعة كدة.
طيف(ببرود): ممكن لو عندك كلام في الشغل قوليه غير كدة اسكتي.
طيف(ببرود): دي شركة و مكان عمل و مش مستحب اننا نتكلم بره الشغل و مجالنا.
طيف: اتمني مراعاة الكلام ده و خصوصا في التعامل معايا.
صافي(بحدة): هو حد وجهلك كلام او كلمك.

طيف: انا يعتير كدة بعرف نفسي الكلام معايا بره الشغل ممنوع...
زين بص ل طيف و كان منبهر بشخصيتها.
زين: يسرا خلي طيف معاكي و اهتمي بيها لية جديدة.
يسرا: تمام.
يسرا راحت وقفت قدام طيف و مدت ايديها ليها.
يسرا: يسرا بشتغل في فريق التخطيط و التطوير. تشرفت بمعرفتك.
طيف: و انا اكتر يا آنسة يسرا انا طيف.
يسرا: انتي قمرة يا حبيبتي تعالي بقي معايا.
طيف: فين؟!
يسرا: هعرفك علي القسم بتاع التخطيط و التطوير.
طيف: بس.

يسرا: خلاص اقفي هنا. ده اسامة و دي صافي و طبعا عرفتيها و يا ريت تتعودي علي اسلوبها. و ده مازن و ده رامزي و ده ساهر.
يسرا: كلنا هنا بنكمل بعض. و اتمني تنبسطي معانا.
طيف: شكرا يا يسرا بجد حبيتك تسلمي.
يسرا: علي ايه بس؟! تعالي انتي تستاهلي.
عند صقر.
زين: كنت بتزعق ليه من شوية؟!
صقر: مفيش.
زين: براحتك.
زين: هي طيف دي متعرفش اهلها او هي مين؟!
صقر: عاير منها ايه؟!

زين: مش عايز انا بسال لانه مش من عادتك تعمل كدة. تدخل من غير ملف و تعمل تحقيق.
صقر: زين اطلع من دماغي.
زين: انا عملت حاجة يا صاحبي.؟!
صقر: اجتماع النهاردة الساعة كام؟!
زين: الساعة 8.
صقر: تمام، انت و طيف و نانسي و صافي و مازن تكونوا جاهزين من الساعة 7.
زين: تمام.
صقر: مش وراك شغل يلا روح شوف وراك ايه.
زين: صقر.
صقر: خير؟!
زين: حصلت حاجة بينك و بين آسر؟!
صقر: لا.
زين: طب انت في.

صقر: نهاية الموضوع يا زين. اتفضل علي مكتبك ورايا شغل لما نبقي بره المكتب نبقي نتكلم.
زين: طيب براحتك.

-في مكان تاني...
عند رفيف.
فهد(بعياط): طيف اتاخرت اوي يا رفيف؟!
رفيف: فعلا يا حبيبي.
فهد(بعياط): وحشتني و عايز اشوفها اوي.
رفيف: اهدي يا فهد، طيف هترجع انا متاكدة من ده.
فهد(بعياط): في البيت بيعايروني يا رفيف...
رفيف: و لا عاش و لا كان اللي يعايرك يا حبيبي هما ناس ناقصة فكك منهم.
فهد(بعياط): عمو رامي قال ايه؟!
رفيف: قال هيحاول يتصرف و هيرجعها.
فهد(بعياط): طيب.
فهد: عمو رامي اهو.

رفيف: هو انت دايما تشوف عموا رامي بيتهيألك بس.
فهد جري علي رامي و حضنه رامي نزل لمستواه و باس رأسه.
رامي: ايه يا حبيبي اللي جابك هنا؟!
رفيف: احم انا بعتذر يلا يا فهد.
رامي: لا عادي انا كنت واقف لوحدي ممكن تقعدوا معايا عادي.
رفيف: لا احنا نمشي افضل لان انا ورايا شغل اصلا.
رامي: طب اوصلك!؟
رفيف: لا شكرا، يلا يا فهد.
نور: و الله عال يا تري جنابك جاية هنا بتعملي ايه مع خطيبي؟!
رفيف: افندم!

رامي: في ايه يا نور اهدي. و كمان صاحبتها مختفية و انا اللي ماسك قضيتها.
نور: و هو انت بتشتغل ظابط ليها اثناء راحتك و اجازتك...
رامي: نور اهدي كدة في ايه مالك؟!
نور: في ان الست دي مشيها كله شمال في شمال. و عايز تاكل بعقلك حلاوة علشان تاخد منك فلوس.
رفيف لما نور قالت الكلام ده غصب عنها عيطت.
فهد(بعصبية): جرا ايه يا ست انتي؟! مالك منفسنة منها ليه؟! هتلاقيكي غيرانة علشان هي احلي و احسن منك.

نور: بقولك ايه ياض انت ايا كان هي مين بالنسبة ليك بس هي بتلف حوالين خطييبي لانها خطافة رجالة.
رامي(بغضب): نور لحد كدة ومش هسمحلك. رفيف احسن واحدة في انا اعرفها و لو ملمتيش لسانك كدة و اعتذرتي ليها لغاية ما هي تتقبل اعتذراك قسما بربي انسي ان في حاجة اسمها رامي و ان في فرح كمان شهرين.
نور(بصدمة): انت بتقارني بيها؟!
رامي: افهمي اللي عايزة تفهميه. هتعتذري و لا؟!

نور: لا يا رامي هي اللي هتعتذر هي اللي وخداك من.
رامي: بس بقي ده انتي مقرفة و انا قرفت منك يا شيخة.
رامي: يلا يا رفيف يلا يا فهد.
رامي مسك دراع رفيف و مشاها معاه و فهد مشي جمبهم,رامي ركب رفيف العربية و ركب فهد ورا و ركب و بدأ يسوق.
رامي: انا اسف يا رفيف علي اللي حصل بسببي.
رفيف(بعياط): هو انا فعلا وحشة و خطافة رجالة!
رامي: لا انتي ست الستات و لو علي كلمة خطافة انتي الصراحة خطافة.

رامي(بغمزة): بس خطافة قلوب.
رفيف ابتسمت بخجل غصب عنها و مسحت دموعها.
رامي: نوصل فهد بقي الاول و بعدها اوديكي الشغل.
رفيف: ماشي.
رفيف: طب و خطيبتك؟!
رامي: يا بنتي فكك دي واحدة انانية و غيرانة منك زي ما فهد قال.
فهد(بخبث): طب ركز علي الطريق لنعمل حادثة.
رامي(بغيظ): متخافش يا اخويا.
بعد فترة رامي وقف قدام بيت عمة فهد.
رامي: يلا يا بطل اطلع.
فهد: باااي هبقي اكلمك يا رفيف.
رفيف: تمام يا حبيبي باي.

رامي خرج من الحارة و راح ناحية شغل رفيف اللي وصفتله المكان.
رامي: لو عوزتي حاجة رقمي معاكي اتصلي.
رفيف: تمام شكرا يا استاذ رامي علي كل حاجة.
رفيف نزلت من العربية و شاورت ل رامي بمعني باي.
رفيف مشيت و دخلت المطعم و بدأت تشتغل,رامي ساق لغاية بيته و ركن العربية و نزل طلع شقته.
مامت رامي: اهلا بالبيه.
رامي: بصي لو نور حكتلك يبقي كويس جواز مش هيكمل يا عبير.

عبير: و الله يا رامي؟! بقي تسيب بنت الحسب و النسب و.
رامي: بصي يا امي بقي هتغلطي فيها هنزل مع بعض. و نور ايا كان الكلام اللي قالته عن رفيف غلط و كله كدب في كدب...
رامي: نور اللي غلطانة و انتي عارفاني بعدل بين الكل و لكن المظلوم بجيبله حقه. و نور دي مرضيتش تعتذر ل رفيف يبقي تستاه اللي حصلها و فضيحتها قدام الناس.
رامي: كلام في الموضوع ده منهي.
رامي: و جواز كمان شهرين برضو ملغي.

رامي: و انا اصلا معترض علي نور من البداية فانا مصدقت بقي.
والد رامي: اصيل يا ابني. و الله انا فخور بيك.
عبير: برضو يا صابر.
صابر: ايوه، دي مش انسانة دي حيوانة.
صابر: دي و انتي في يوم مش موجودة و لا ابنك موجود و انا احتاجت حاجة هتسبني و تمشي.
صابر: انا عاجز عن الحركة بس مش عاجز اني اشوف مين الكويس و مين اللي مش كويس مش عاجز اني افكر و اشوف يا عبير.

عبير: و انت تعرف عني اني ممكن اسيبك يا صابر ده انت روحي و نور عينيا.
رامي: يالهوي علي الرومانسية هموت.
صابر: امشي يا ابن الجذمة من هنا، مش انتي يا حبيبتي.
عبير: ما تمشي ياض.
رامي: ماشي اهو ده انتوا عيلة تشل.
رامي دخل اوضته و اترمي علي السرير و بدأ يغمض عينه ينام.
عبير: تحب ننزل نتمشي؟!
صابر: ماشي يا حبيبتي.
عبير: تمام.
عبير لبست صابر و لبست و دخلت تطمن علي رامي لقته زي ما هو.

عبير قلعته الكوتشي و قلعته الجاكت بتاعه و غطته بالبطانية.
عبير: يلا يا حبيبي.
عبير خدت صابر و هي ماسكة الكرسي المتحرك و نزلوا اتمشوا...

-في مكان تاني...
في بيت ليلي.
القعدة في جو هادئ.
قاسم قاعد و حاطط رجله علي الكنبة,ليلي قاعدة جمبه مربعة ايديها بملل,نيران قاعدة حاطة عينيها في الارض بتهز في رجليها.
قاسم: بس بس بس وترتيني يا شيخة.
نيران: انا!
قاسم: لا امي.
نيران: اسفة. و الف سلامة عليك.
قاسم: يا ربي المرة ال 24 من ساعة ما قعدتي.
نيران: مش بعرف اتكلم الله.
قاسم: قولي حبيبي بحبك كدة يعني.
ليلي ضربت قاسم في كتفه و بصت ل نيران.

ليلي: بيحب يهزر كتير.
نيران: خدت بالي.
قاسم: طب ما انتي بتعرفي تتكلمي اهو.
نيران: بكلم ليلي.
قاسم: طب و اخو ليلي اللي مش قادر يمشي علي رجليه و لا يروح الشغل بسببك.
نيران: هتشيلني ذنب ليه بقي اوف.
نيران: ما قولتلك اسفة و جيت و جبتلك شيكولاتة و تي شيرت مش عاجبك.
قاسم: حد يجيب تي شيرت اسود. اسود يا مفترية.
نيران: بحبه الله.
قاسم: و انا كمان.
نيران: هو ايه؟!
قاسم(بهمس): لا دي ضايعة خالص.
نيران: بتقولوا ايه؟!

ليلي: مبنقولش يا روحي يلا نتغدي...
ليلي سابتهم و جريت علي اوضك السفرة.
ليلي: ده ايه المجانين دول اوف؟
قاسم: راحة فين يا بطة ما تيجي تسنديني!؟
نيران: اوف تعالي.
نيران سندت قاسم و راحوا لاوضة السفرة قعدته علي الكرسي و قعدت قدامه...
التلاتة بداوا يأكلوا و نيران و ليلي بيتكلموا.
ليلي: صقر كلمك؟!
نيران(بحزن): لا للاسف. بس هتلاقيه مشغول او...
تليفون نيران رن نيران صرخت بفرحة...
قاسم: في ايه يا بت المجانين انتي؟!

الخط اتفتح.
نيران: صقر حبيبي وحشتني. كنت فين انا زعلانة منك اوي.
صقر: معلش يا حبيبتي كان في كام مسألة لازم احلهم كدة.
نيران: و لا يهمك يا حبيبي.
نيران: طمني عليك...
صقر: سيبك مني، انتي فين؟!
نيران: عند ليلي صاحبتي قاعدة معاها شوية...
صقر: معاكي حراس؟!
نيران: اه.
صقر: ايه اخبار البيت عندكوا؟!
نيران: مش عارفة و الله يا صقر.
صقر: اممم تمام طيب. متتاخريش عند ليلي و روحي و لو في حاجة كلميني.

نيران: تمام يا حبيبي يلا سلام باي باي.
صقر: باي.
قاسم: ده كله باي؟!
نيران: انت مالك الله!؟
قاسم: انتي بتتحولي كدة ليه يا بت؟!
نيران: يلا همشي انا يا ليلي.
ليلي: طيب يا حبيبتي.
نيران: الف سلامة عليك انا دة برأت ذمتي منك.
نيران خرجت هي و ليلي و ليلي وصلتها ل بره البيت...
نيران: يلاااا باي.
ليلي: باي.

-في مكان تاني...
في القصر.
محمد: احم فين نجلاء؟!
مهرة(بغيظ): بتأكل في اوضتها.
محمد: من امتي؟!
مهرة: و حياتك ما اعرف.
مهرة: بس من امتي و انت شغال بالك بيها هي مش.
محمد(بحدة): مهرة خلاص. انا رايح الشغل.
محمد خرج و راح للشغل. مهرة طلعت لاوضة نجلاء و فتحت الباب.
نجلاء(بهدوء): معملوش الباب من فراغ.
مهرة: و انا مبحبش الابواب يا نجلاء.
نجلاء: دي مشكلتك مش مشكلتي.
مهرة: عموما في موضوع عايزاكي فيه.
نجلاء: خير؟!

مهرة: ايه اللي حصل بينك و بين محمد؟!
نجلاء: مبدأيا ملكيش دعوة.
نجلاء: انا مش فاضية ليكي. بره.
مهرة(بغيظ): فوقي يا نجلاء فوقي. انتي بقيتي مركونة علي الصف و هتفضلي كدة.
نجلاء: طيب شكرا للمعلومة.
مهرة بصت ل نجلاء بغيظ و سابتها و خرجت.
نجلاء: ربنا يهدي.
مهرة نزلت ل تحت لقت شنطة هدوم و آسر قاعد علي الكنبة مغمض عينيه.
مهرة: آسر حبيبي في ايه؟! ابن ال هو اللي طردك.

آسر(ببرود): محدش يقدر يطردني و كمان ميقدرش يعملها.
آسر: حبيت اغير جو انا حر. خليهم يطلعوا شنطتي فوق...
مهرة: طيب يا حبيبي بيتك و مطرحك طبعا.
آسر طلع لاوضته خد دوش و غير هدومه و نام علي السرير.

-في مكان تاني...
عند صقر.
صقر: كدة تمام هقابلك كمان ساعة هكون لبست.
صقر: و ابعت الكل لبيتهم علشان يجهزوا.
زين: تمام.
زين: طيف و صافي و نانسي و مازن هيروحوا علي البيت.
صقر: ابعتلي طيف بملف سيف الدمنهوري ده.
زين: طيب.
زين خرج و نادي علي طيف.
طيف: نعم يا مستر زين!
زين: ودي الملف ده ل صقر...
طيف: تمام.
طيف خدت الملف و دخلت لمكتب صقر.
طيف: الملف اللي حضرتك طلبته.
صقر: تعالي حطيه هنا.

طيف قربت من مكتب صقر و طلعت السلمة و حطته علي المكتب.
طيف: حاجة تاني يا فندم؟!
صقر لف بالكرسي ناحية طيف و شدها من خصرها طيف سندت علي كتفه بايديها.
طيف(بحدة): عايز ايه انت ده مكان شغل؟!
صقر(بخبث): يعني استني نروح البيت و اتصرف براحتي.
طيف(بحدة): تعرف اني اتاكدة انك قليل الادب و سافل. ده انت مصيبة ابعد كدة.
الباب خبط.
طيف(بدموع): والنبي ابعد...
صقر بعد عن طيف و اتعدل في كرسيه و طيف بعدت عنه بسرعة.

صقر(بهدوء): ادخل.
نانسي: حضرتك تؤمر بحاجة قبل ما اتحرك؟!
صقر: لا. بس متتاخريش علي الميعاد و تكوني مجهزة كل الملفات اللي هنحتاجها.
نانسي: تمام يا فندم متقلقش عن اذنك.
صقر: تمام.
صقر(ببرود): متبقيش عيوطة كدة. الناس هتشوفك ضعيفة.
صقر: جهزي شنطتك و حاجتك هنمشي.
صقر لبس جاكت البدلة و خد حاجته و نزل ل تحت. طيف خدت حاجتها و نزلت معبرتش صقر و مشيت. صقر ساق العربية ببطء و بقي موازي ليها وطيف ماشية.

صقر(بحدة): متعصبنيش و اركبي.
صقر(بحدة): انزل اجيبك من شعرك يعني.
طيف(ببرود): وانت لو ممشيتش من هنا هصوت و الم الناس.
صقر: اعمليها هقولهم مراتي و اوريهم قسيمة الجواز.
صقر: يلا اعمليها.
طيف فتح باب العربية و ركبت بغضب و صقر ساق ناحية البيت...
صقر: ورانا اجتماع جهزي نفسك.
صقر وقف العربية و طيف نزلت و دخلت ال?يلا علطول.
صقر نزل و دخل وراها لقي انتصار في وشه...
انتصار: عايزة افهم حصل ايه و آسر ساب البيت ليه؟!

صقر: لما ارجع بس ورايا اجتماع مهم.
انتصار: انت فعلا اتجوزت حبيبة اخوك؟!
صقر(ببرود): ايوه و خلاص بقت مراتي قولا و فعلا. فمتحاوليش تخليني اطلقها.
صقر طلع علي اوضته لقي طيف في اوضة الملابس,صقر دخل خد دوش و خرج.
صقر اول ما خرج كانت طيف خرجت بس اتكعبلت في الفستان بتاعها و صقر لحقها.
طيف: شكرا.
صقر: انزلي لتحت و انا هحصلك...
طيف: تمام.
طيف سابت صقر و نزلت ل تحت,صقر غمض عيونه و فتحهم ببرود تام.

صقر دخل اوضة الملابس و بدأ يغير هدومه.
صقر لبست بدلة باللون الاسود و قميص اسود سرح شعره و حط البرفيوم بتاعه و لبس ساعته في ده و لبس جذمته السوداء.
صقر نزل ل تحت لقي طيف حاطة ايديها علي خدها.
صقر: يلا بينا.
طيف: هو ممكن اطلع اغير الفستان؟!
صقر: ليه؟!
طيف: طويل اوي و هتكعبل.
صقر: لا كدة حلو يلا.

طيف كانت لابسة فستان باللون الاسود ب ¾ كم بس نازل من عند الاكتاف مبين كتفها و رقبتها و جزء بسيط من ضهرها و نازل بوسع لتحت و طويل و لبست صندل بكعب اسود,حطت روچ احمر غامق و كحل حدد عينيها. سيبت شعرها علي ضهرها.
صقر و طيف خرجوا و ركبوا العربية و راحوا ناحية مكان الاجتماع.
صقر: لو سألوكي جينا ازاي مع بعض قولي اتقابلنا و ركبتك معايا.
طيف: تمام.
نزلوا و دخلوا قاعة محجوزة للاجتماعات بس.

صافي: مستر صقر.
صافي راحت علي صقر و مسكت ايده و مشته معاها.
صافي: ايه اللي جابك مع الاشكال دي؟!
صقر: صافي احنا في شغل احترمي نفسك.
زين: مستر عدنان جه...
عدنان جه و قرب من صقر سلم عليه...
عدنان: مبسوط اني هتعامل معاك.
صقر: انا اكتر.
و الكل قعد يشتغل و يتكلموا في الشغل.
-بعد فترة.
عدنان: استأذن انا.
صقر: تمام اتفضل...
عدنان مشي هوو رجالته و الناس اللي كانت معاه.
صقر: يلا يا طيف اوصلك...
طيف: شكرا يا صقر بيه.

صافي: ممكن توصلني معاك يا صقر.
صقر رفع عيونه بحدة ليها.
صافي: احم اقصد يا صقر بيه.
صقر: كويس انك عرفتي غلطتك.
صقر: مش هوصل حد.
صقر قام و لسة هيتحرك جاله تليفون. الخط اتفتح.
نجلاء(بدموع): صقر نيران مجتش من الصبح و هي بره...
صقر فتح عيونه علي اخرهم بصدمة و...
السؤال: يا تري هيحصل ايه؟! خمنوا????.

الفصل التالي
جميع الفصول
روايات الكاتب
روايات مشابهة