رواية أسيرة لحصون قلبه للكاتبة سلسبيل كوبك الفصل الثامن
آسر و صقر بدأوا يتخانقوا جوا العربية و صقر مكنش عارف يسيطر علي السواقة.
طيف(بصريخ): اهدوا هنموت.
فجأة عربية صقر دخلت في عربية تانية.
الراجل اللي في العربية التانية اتخبط و بدأ ينزل دم كتير و اغمي عليه.
صقر اتخبطت رأسه في الدريكسيون بس كان بين الوعي و اللاوعي,آسر ضربته كانت قوية اغمي عليه فورا,طيف اتخبطت في كرسي صقر بس محصلش ليها حاجة كدمة بسيطة في رأسها و كانت في وعيها.
طيف حاولت كتير تفتح باب العربية معرفتش.
طيف(بدموع): حد فايق.
طيف: صقر آسر. حد فايق؟!
طيف قربت من آسر لقته مغمي عليه و بصت علي صقر لقت بيحرك عينه بتعب.
طيف(بدموع): حاول تفوق و النبي. مش عايزة اموت دلوقتي الاول اخلص فهد من ايد خالتي بليز.
طيف(بدموع): سامعني؟!
صقر بدأت الرؤية تختفي و تروح صقر اتعدل في الكرسي بتاعه و فتح عيونه و بدأت الرؤية ترجع و يستعيد وعيه.
صقر بص علي آسر لقاه مغمي عليه.
صقر: آسر آسر فتح عينك آسر.
صقر بدأ يشوف جرح آسر و طيف بتعيط بصمت.
صقر فتح باب عربيته و لف فتح باب عربية آسر و نزله من العربية و سنده.
صقر خرج آسر من العربية و قعده علي الرصيف,صقر راح ل طيف و حاول يفتح ليها بابها معرفش.
صقر(بصوت عالي): نطي علي الكرسي بتاعي و اخرجي منه.
طيف سمعته و طلعت علي الكرسي بتاعه حاولت تفتح بابه معرفتش,صقر حاول هو كمان يفتحه معرفش.
صقر بعد عن العربية و جاب قالب طوب من الارض و كسر ازاز العربية,طيف صرخت و حطت ايديها علي وشها.
صقر: اطلعي.
طيف(بعياط): ازاي؟!
صقر(بحدة): انتي غبية ليه انا كسرت الازاز يبقي هتطلعي منين.
طيف حاولت تطلع من الشباك و سندت علي كتف صقر و صقر شدها من خصرها.
طيف(بصريخ): آآه.
كان في قطعة ازاز موجودة مكان الشباك متكسرتش و طيف و هي بتطلع من الشباك الازازة دخلت في رجليها.
صقر: في ايه؟!
طيف(بصريخ و دموع): رجلي رجلي مش قادرة.
صقر شال طيف و خرجها من العربية قعدها جمب آسر.
صقر: آسر آسر فوق سمعني.
صقر قرب من آسر و ضغط بين عينيه جامد علشان يفوق مفاقش. ضغط علي عظمة ودنه علشان يفوق برضو مفاقش.
طيف قعدت تعيط و هي بتضغطت علي رجليها علشان متنزلش دم.
صقر قرب من طيف و شال فستانها و بصلها.
صقر: غمضي عيونك.
طيف غمضت عينيها اوي و صقر شد الازاز اللي كان في رجليها,طيف صرخت بصوت عالي اوي.
صقر: اهدي.
صقر قطع قماش من فستان طيف و ربطه علي رجليها جامد.
صقر قام و سند آسر علي كتفه و طيف قامت وقفت بوجع و مشيت وراه كانت هتقع مسكت في دراعه.
صقر(بوجع): اهدي.
طيف: اسفة.
صقر بدأ يمشي و هو ساند آسر بايده و طيف ماسكة في دراعه اللي ماسك بيها آسر...
صقر: فين موبايلك؟!
طيف: مخدتهوش انت شدتني وراك علطول زي الحمارة.
صقر(بعصبية): ده وقته.
مشيوا فترة طويلة و مسافة كبيرة شوية. كانت طيف بدأ دم ينزل من رجليها و هي بتحاول تتحمل الوجع.
صقر: تاكسي تاكسي.
السواق وقف و لما شاف حالة صقر و آسر نزل بسرعة ساعد صقر و ركب آسر العربية.
صقر: اركبي.
طيف(بدموع): رجلي.
صقر سند طيف و ركبها العربية و ركب جمبها.
صقر: وصلنا المستشفي بعد اذنك.
السواق: حصل ازاي ده يا ابني؟! لا حول و لا قوة الا بالله.
صقر: حادثة و الحمدلله عدت علي خير.
طيف بدأت تحس بتقل جسمها و غصب عنها حطت راسها علي كتف صقر و غمضت عينيها بتعب.
السواق: وصلنا يا ابني.
صقر نزل و سند آسر هو و السواق.
صقر: نقالة بسرعة...
ممرضين جم و هما جايبين معاهم نقالة حطوا عليها آسر. صقر خرج لقي طيف مغمي عليها شالها و دخل المستشفي راح لاوضة الاسعاف و حطها علي سرير من اللي موجودين...
صقر: دكتور هنا.
صقر راح للسواق و وقف قدامه.
صقر: ممكن تليفونك اعمل منه كام مكالمة.
السواق: اتفضل يا ابني.
صقر: شكرا.
صقر خد تليفون الراجل و اتصل ب زين.
الخط اتفتح.
زين: ايوه مين معايا؟!
صقر: انا صقر يا زين.
زين(بقلق): مالك؟!
صقر: عملت حادثة.
زين(بقلق): طب طب انت فين قولي؟!
صقر: مستشفي()...
زين: تمام هبقي عندك في اقل من ساعة.
صقر: تمام.
صقر قفل مع زين و اتصل بالبوليس. الخط اتفتح.
صقر: لو سمحت كنت عايز ابلغ علي حادثة علي طريق(). و يا ريت يبقي في اسعاف هناك في مصاب.
الظابط: متأكد؟!
صقر: ايوه.
الظابط: تمام احنا في الطريق.
صقر قفل مع الظابط و ودي التليفون للسواق.
صقر: شكرا جدا جدا لحضرتك. انتظر لحظة صاحبي هيجي و هيجيب الفلوس و هحاسبك.
السواق: انت بتقول ايه يا ابني؟!
السواق: كدة هزعل منك خليك جمبهم.
السواق: ربنا يشفيهم.
السواق: لو سمحت يا بنتي طهري ليه جرحه.
السواق: عن اذنك يا ابني.
السواق مشي و ركب عربيته و بدأ يسوق,الممرضة بدأت تطهر جرح صقر و هو بيبص علي آسر و طيف اللي الدكاترة حواليهم.
صقر: ايه الاخبار؟!
الدكتور: استاذ آسر هيتنقل لاوضة الاشعة هو و الانسة. لان الكدمات ممكن تكون أثرت علي دماغهم.
الدكتور: ممكن تسمح لينا نأخدك لاوضة الاشعة نطمن علي حضرتك؟!
صقر: لا. اعملوا شغلكم.
الدكتور: بس.
صقر(بحدة): سمعتني؟!
الدكتور: تمام.
دخلوا آسر و طيف كل واحد اوضة الاشعة.
بعد فترة بسيطة.
زين: ايه اللي حصل يا صقر؟!
صقر: كنا بنتخانق عملنا حادثة.
زين: انت و مين؟!
صقر: آسر.
زين: هو سبب كل مشكلة بتحصلك. ربنا يريحنا منه.
صقر: طيب اقعد بقي.
زين: هما فين دلوقتي؟!
صقر: في اوضة الاشعة.
زين: و انت ايه اللي حصلك؟!
صقر: جروح بسيطة.
زين: الدكتور هو اللي قال و لا من نفسك.
الدكتور: الحمدلله جت سليمة البنت بخير و استاذ آسر لازم راحة تامة لمدة اسبوع و ميتعرضش لاي ضغط نفسي.
صقر: تمام، يقدروا يخرجوا امتي؟!
الدكتور: لما يفوقوا بكرة الصبح.
صقر: تمام شكرا.
صقر: زين شوف مصاريف المستشفي.
زين: تمام. بس سؤال؟!
صقر: ملكش دعوة هي مين.
زين: اوف انت بتعرف منين كنت هقول ايه؟!
زين ساب صقر و راح بدأ يدفع تكاليف المستشفي.
صقر قعد قدام اوضة آسر و اوضة طيف كانوا جمب بعض زين جه قعد جمبه و غصب عنه نام علي كتف صقر.
في الصباح الباكر.
الممرضة دخلت تطمن علي طيف,طيف كانت لسة بتفوق.
طيف(بوجع): آآه، انا فين؟!
ممرضة: حمدلله بالسلامة.
طيف(بوجع و تعب): انتي مين؟!
ممرضة: انتي في المستشفي و انا ممرضة كنت جاية اطمن عليكي.
طيف(بوجع): ممكن تعدليني؟!
ممرضة: حاضر.
الممرضة سندت طيف و قعدتها علي السرير نص قعدة و حطت ورا ضهرها مخدة.
طيف: شكرا معلش تعبتك.
ممرضة: لا و لا يهمك.
طيف(بتردد): احم كان معاياا شابين. هما فين؟!
ممرضة: كويسين الحمدلله.
طيف: تمام.
ممرضة: عن اذنك.
طيف: اتفضلي.
الممرضة خرجت و كان صقر صاحي.
صقر: ايه اخبارها؟!
ممرضة: فاقت.
صقر قام و دخل علطول لاوضة طيف. زين اللي كان نايم علي كتفه وقع علي الكراسي.
زين فتح عينه بخضة و لمح صقر و هو بيدخل لاوضة طيف.
زين: اوف ام البت اللي طلعت في البخت دي. و انا هموت و اعرف هي مين؟!
طيف: انت ازاي تدخل من غير استاذان؟!
صقر: طيب كنت داخل اطمن عليكي و اشوفك تعبانة لسة و لا لا اطمنت انك بخير.
طيف: هتستظرف!؟
صقر(ببرود): قومي يلا علشان تروحي انتي.
الباب اتفتح.
زين: آسر فاق يا صقر.
صقر ساب طيف و جري علي اوضة آسر.
آسر(بوجع): منك لله يا صقر.
صقر: ربنا يأخد صقر يا شيخ علشان ترتاح.
آسر: العالم كله هيرتاح مش انا بس.
صقر: انت السبب في حالتك متجيش تغلطني.
آسر: افندم؟! انا برضو؟!
آسر: ما انت لو مكنتش جيت مع طيف الحف.
آسر(بقلق): طيف طيف طيف فين ردوا عليا؟!
زين: في الاوضة اللي جمبك و كويسة. بس انت بتسأل ليه؟!
صقر: بعدين يا زين.
صقر: تحب ترجع معايا و لا تخليك هنا زي الكلب لما حد يعبرك.
آسر(بغضب): انت قاصد تعصبني؟!
صقر: حد قالك تتعصبي يا بيضة. ساعده يا زين.
زين: اكتر شخص بكرهه في حياتي.
آسر: فين طيف؟!
صقر: ما قالك في الاوضة التانية و لسة فايقة.
صقر: بتحسوا ببعض عن بُعد يا سلام علي الحب و طعم الحب...
آسر مسك الاباجورة اللي جمبه و حدفها علي صقر بس صقر تفاداها.
صقر: نشل صح طيب.
صقر خرج من اوضة آسر و زين بدأ يساعد آسر و هو مش طايقه.
صقر: رايحة فين يا قطة؟!
صقر سند علي الحيطة بكتفه و ربع ايده,طيف وقفت بسرعة و كأنها بقت تمثال و بدأت تلف ببطء لقت صقر غمضت عينيها بسرعة.
صقر قرب منها بخطوات ثابتة و حط ايده في جيبه و بصلها.
صقر(بملل): هعيد كلامي ليه؟! مش قولتلك علشان تهربي لازم تبقي قوية و ذكية. اعملي علي ده يا طيف متعصبنيش بقي.
طيف(بصدمة): يعني انت مش متضايق اني كنت ههرب...
صقر(بملل): ما تهربي و لا اولعي انا مالي.
طيف قربت من صقر ببطء علشان رجليها و مسكت ايديه.
طيف: طب ممكن تهربني من اخوك بليز.
صقر: ما تهربي نفسك بنفسك. انا مالي.
زين: يلا يا صقر.
آسر راح ناحية طيف بسرعة و حاوط وشها بين ايديه.
آسر: حبيبتي حصلك ايه؟! عملك حاجة الحيوان ده؟!
صقر: يلا يا ابني.
صقر و زين مشيوا قدام طيف و آسر.
طيف: انا بخير.
آسر: اسف يا حبيبتي علي اللي حصل.
آسر باس رأس طيف و مسك ايديها و خرجوا من المستشفي...
الاربعة ركبوا العربية و رجعوا علي ال?يلا.
آسر: يلا يا حبيبتي اطلعي ارتاحي انتي.
طيف(بضيق): طيب.
طيف سابتهم و مشيت بس كانت بتعرج نوعا ما انتصار شافتها.
انتصار(بخضة): مالك؟! حصل ايه؟!
طيف: عملنا حادثة امبارح.
انتصار(بقلق): طب و انتوا كويسين؟!
طيف: الحمدلله.
انتصار: تعالي يا حبيبتي اطلعك.
انتصار ساعدت طيف و طلعتها اوضتها و قعدتها علي السرير و دخلت الحمام.
انتصار: يا حبيبتي حطيتلك ماية دافية كدة في البانيو علشان تأخدي شاور دافئ كدة يا حبيبتي.
انتصار: يلا تعالي.
طيف: شكرا.
انتصار سندت طيف و دخلتها الحمام.
طيف: خلاص يا طنط انا هتصرف شكرا تعبتك معايا.
انتصار: لا عادي و لا يهمك يا حبيبتي.
انتصار سابت طيف و خرجت طلعت ليها هدوم حطتها علي السرير و نزلت ل تحت.
طيف قلعت هدومها و نامت في البانيو حست بوجع في رجليها بس حاولت تتحمل.
طيف(بدموع و وجع): هششش اهدي اهدي. هبقي بخير.
طيف حست براحة في جسمها مكنتش قادرة تقوم خالص بس حملت علي نفسها و قامت بدأت تلبس الهدوم اللي انتصار طلعتها.
طيف لبست عباية بيتي بنص كم باللون الكشميري. رفعت شعرها علي شكل كحكة.
طيف قعدت علي السرير بتعب و فتحت درج الكمودينو اللي جمبها و لقت علبة الاسعافات بدأت تلف شاش علي رجليها بعد ما طهرتها.
طيف اول ما حطت رأسها علي المخدة نامت بعمق من غير تفكير.
تحت.
صقر: بص انا مش فايقلك و عايز انام فابعد عني بقي.
آسر(بغضب): انت معندكش نخوة.
صقر(بسخرية): شوف مين بيتكلم.
صقر: يا ابني اسكت متخلنيش افتح الدفاتر القديمة.
آسر: و هو مين هيتفضح ا.
صقر مسك آسر من رقبته و زقه علي الحيطة بغضب.
صقر: قسما بربي لو سمعتها منك تاني مش هيكفيني عمرك كله.
انتصار(بحدة): سيبه يا صقر مش شايفه تعبان ازاي.
صقر ساب آسر و طلع علي اوضته. انتصار ساعدت آسر و طلعته اوضته.
انتصار: كدة برضو يا آسر؟!
آسر: انتي مش شايفاه بيعمل ايه؟! ده حاطط عينه علي اللي بحبها و هتجوزها.
انتصار: الموضوع مش طيف بس يا آسر. دي تراكمات جواكم بس محدش يعرف عنها حاجة.
انتصار: انتوا ادري.
آسر: انتصار سيبيني عايز انام.
انتصار: بهدومك كدة؟! لا طبعا.
آسر قلع قميصه و رماه علي الارض و قلع الجذمة و رماها علي الارض و اترمي علي السرير نام.
انتصار: ربنا يهدي.
انتصار راحت لاوضة صقر و رنت جرس بابه.
صقر(بغضب): مش عايز اشوف حد ايا كان مين.
صقر دخل الحمام خد دوش دافئ يهدئ اعصابه و خرج يغير هدومه.
صقر لبس تي شيرت اسود و بنطلون رمادي.
صقر مكنش شايف قدامه نام علي السرير و هو فارد ايديه الاتنين و نايم علي ضهره و كان باصص للسقف.
صقر بدأ النوم يأخد بسرعة لغاية ما نام نوم عميق.
-في مكان تاني...
عند رفيف.
رفيف(بعياط): انا اعمل ايه دلوقتي؟!
رامي: طب اهدي يا رفيف اهدي.
رامي: احنا بنعمل كل اللي علينا و الله. اصل اختفاءها ده من غير سبب او حتى يكون ليها اعداء ده خلانا نتجه ناحية العصابات.
رامي: انا مش لاقي سبب لاختفاءها ده...
رفيف: مش هعرف اكدب علي فهد كتير. فهد بيفهم بسرعة.
رامي: متقلقيش ان شاء الله هنلاقيها.
رفيف: بس مش عارفة اقول ايه، انا خايفة ليكون حصلها حاجة اشمعنا هي بالذات.
رامي: اهدي بس يا انسة رفيف.
رفيف: يا ريتني كنت انا و لا هي...
رامي: و لا انتي و لا هي...
رفيف: مبقتش احب البيت مبقتش احب ارجعه علشان هي مش فيه.
رفيف: كل ما برجع البيت اشوفها و اشوف ضحكتها و تفائلها افتكر جريها هنا و هناك افتكر حماسها افتكر كل نشاطها. افتكر ضحكنا و لعبنا و هزارنا و كل حاجة. انا بقيت عايشة علي الذكريات.
رفيف(بدموع): و انك تكون عايش علي ذكريات شخص مش موجود دي حاجة وحشة اوي و موجعة...
رامي: انا متفهم اللي انتي بتقوليه بس لازم نساعد بعض. انتي لازم تكوني قوية و انا بأذن الله هلاقيها.
رامي: بس توعديني انك مش هتعيطي تاني و انك هتبقي قوية.
رفيف لا رد.
رامي: يلا اوعديني و الا مش هجبلك حمص انا بقولك اهو.
رفيف(بابتسامة بسيطة): بتهددني يعني؟!
رامي: ايوه بهددك...
رفيف: اوعدك اني مش هعيط الا...
رامي(برفعة حاجب): الا؟!
رفيف(بدموع): لما اشوفها.
رامي: يا ستي وقعتي قلبي. بس ايه الدموع اللي في عينك ده مش هجبلك حمص...
رفيف: خلاص بقي.
رامي: ماشي يا ستي. اخبار فهد ايه!
رفيف: فهد ده كان الحاجة الوحيدة اللي مقوية طيف علي العيشة و مخلية طيف مقوياني. فاهم؟!
رامي: ايوه فاهم. بس اللي فاهمة اكتر ان الحمص هيبرد يلا.
رفيف: شكرا يا استاذ رامي.
رامي: و لا يهمك علي ايه بس.
رفيف: انت جدع اوي و شهم.
رلمي: في ايه يا بنتي لتكوني عايزة تتجوزيني و انا مش واخد بالي.
رفيف(بخجل و احراج): انا! لا طبعا.
رامي(برفعة حاجب): ليه بقي ست رفيف؟! مش قد المقام.
رفيف: لا طبعا مش كدة اقصد يعني مجاش في مخيلاتي الجواز ده خالص...
رامي: اه قولي كدة.
رفيف: انت بتبصلي كدة ليه الله؟!
رامي: هو انا بصتلك يا ست و لا عملت حاجة؟!
رامي: ده انتوا يا ستات بتحبوا تسلموا الرجالة تسليم اهالي...
رفيف: احنا برضو. العيب فينا يعني؟!
رامي: اه عندك مانع!؟
رفيف(بغيظ): اشرب الحمص مع نفسك بقي.
رفيف كانت هتمشي رامي جري وراها مسكها من دراعها.
رامي: اهدي بس شوفتوا اهو العيب ازاي فيكوا ستات قماصة.
رفيف: ده انت قاصد بقي ابعد كدة عني.
رامي: طب اهدي كدة، هو احنا نقدر نعيش من غيركم يعني. لما نيجي و نكون مهمومين مين اول حد بيطبطب علينا مش الام و الام دي ست. لما بنرجع تعبانين مين اللي بتسأليني مالك يا حبيبي احكيلي مش مراتي و مش دي برضو ست. و لما بكون فرحان و مبسوط و تيجي اختي تتبسط علشاني مش دي برضو ست. انتوا وجودكم مهم.
رفيف: ايه ده في ايه؟! احرجتني.
رامي(بضحك): طب زمان راجل الحمص هيشعلقنا يلا.
رفيف: يالهوي علي الكسوف.
رامي(بضحك): طب يلا اشربي.
رفيف: و انا اللي كنت فاكرة الظباط كلهم معدومين الضمير و ناس قفوشة.
رامي: بتقولي حاجة؟!
رفيف: لا اشرب حمص اشرب.
رامي: طيب يا اختي.
-في مكان تاني...
في القصر...
نجلاء: محمد عايزة اتكلم معاك.
محمد: بعدين.
نجلاء: لا دلوقتي بعد اذنك انا سكت كتير.
محمد(ببرود): قولتلك بعدين يا نجلاء انا ورايا اجتماع مهم.
نجلاء: طيب.
نجلاء سابت محمد و طلعت اوضتها كسرت اول حاجة جت قدامها.
مهرة: حبيبي ممكن تأخدني معاك النادي!؟
محمد: روحي لوحدك.
محمد ساب مهرة و طلع ركب العربية.
محمد: اطلع...
السواق: علي الشركة!؟
محمد: اه.
مهرة: اوف بقي يا محمد ده انت صعب.
نيران: انا خارجة.
مهرة: راحة فين؟!
نيران: همشي مع ليلي و مامتها في النادي.
مهرة: مدام سمية. خديني معاكي.
نيران: اوف طيب.
مهرة جابت شنطتها و خرجت هي و نيران ركبوا العربية و راحوا النادي.
نيران طلعت تليفونها و اتصلت ب ليلي.
الخط اتفتح.
نيران: الو يا بنتي فين انتي يا ليلي؟!
قاسم: انا مش ليلي...
نيران(بصدمة): ها؟! فين ليلي؟!
قاسم: راحت تجيب حاجة و جاية.
نيران: احم طيب انتوا فين طنط معاك؟!
قاسم: ايوه اهدي قدامي. انتي لابسة ايه؟!
نيران(باحراج): ايه ده؟!
قاسم: احم اقصد علشان لو شايفك اشاور ليكي.
نيران: انا قدام البوابة.
قاسم: خليكي جاي ليكي.
قاسم: باي.
سمية: ايه يا حبيبي!؟
قاسم: هروح اجيبهم.
قاسم مشي و راح للبوابة لقي نيران و مهرة.
قاسم: اتفضلوا.
مهرة: اه اهلا يا قاسم.
قاسم: حضرتك فاكراني؟!
مهرة: هو الجمال ده يتنسي.
نيران(بصدمة): ماما؟!
قاسم: ده من ذوقك يا مدام محمد. اتفضلوا.
التلاتة مشيوا مع بعض لغاية ما وصلوا للترابيزة.
سمية: نيران حبيبتي.
نيران: ازيك يا طنط.
سمية: الحمدلله يا حبيبتي. اقعدي اقعدي. اتفضلي يا مدام مهرة.
مهرة: شكرا.
نيران: هي ليلي راحت فين؟!
سمية: مشوار و جاية.
نيران: طيب.
سمية: اخبار المذاكرة ايه؟!
نيران: ليه مُصرة تحرجيني؟!
سمية و نيران و مهرة ضحكوا و قاسم كان منشغل في تليفونه.
سمية: انا اتاكدت انكوا مش هترفعوا راسي...
نيران: ليه بس كدة ما جيد حلو برضو.
مهرة: ده انتي اخوكي و ابوكي يعلقوكي كدة.
نيران: بابا طيب و صقر بيقولي دايما مش مهم انتي جبتي ايه و لا كام المهم النجاح الاخير و هتبقي ايه في المجتمع.
سمية: ربنا يخليهم ليكي.
نيران: شكرا
ليلي: بخ انا جيت.
نيران: حبيبتي...
نيران قامت حضنت ليلي و و ليلي سلمت علي مهرة.
ليلي: مطلبتوش ليه؟! اطلب لينا يا قاسم.
قاسم: انا ورايا شغل عن اذنكم...
ليلي: يا رخم.
قاسم: متشكر يا اختي.
قاسم سابهم و مشي و ركب عربيته و طلع علي الشركة.
نيران: هطلب انا عايزين ايه؟!
بدأ كل واحد يطلب هيشرب ايه و قعدوا يتكلموا في مواضيع مختلفة.
-في مكان تاني...
في ال?يلا.
انتصار: اصحيهم طيب و لا اعمل ايه ده عدي ست ساعات؟!
بنت: سيبيهم انتي شايفة حالتهم كانت عاملة ازاي.
انتصار: طب حضروا الغداء علشان لو حد صحي.
عند صقر.
صقر بدأ يتمطع في سريره و هو عايز ينام بس قام بتعب.
صقر قام و دخل الحمام غسل وشه و خرج بره الاوضة راح لاوضة آسر لقاه نايم بعمق.
صقر سابه و راح لاوضة طيف قرب منها و بص علي جرح رجليها و بعدها بص علي وشها شال شعره من علي جرحها اللي في رأسها.
صقر كان هيمشي بس لقي ان طيف مسكت كف ايده. طيف بدأت تفتح عينيها ببطء و لقت صقر في وشها قامت اتعدلت بسرعة في السرير.
طيف(بصريخ): آآه.
صقر: اهدي علشان قومتي بسرعة.
طيف لاحظت انها ماسكة ايده بعدت بسرعة عنه.
طيف(بعصبية): انت ايه اللي دخلك اوضتي؟!
طيف(بعصبية): هو انت مش متربي و لا ايه؟!
صقر: طيب كدة اتاكدت انك سليمة.
صقر: انزلي تحت علشان ورانا شغل في اوضة مكتبي.
صقر ساب طيف و نزل ل تحت,طيف رمت راسها علي المخدة بتعب.
طيف(بكسل): اوف هو هنا شغل و هناك شغل ده ايه ده؟!
طيف قامت بتعب و راحت غسلت وشها و خرحت تغير هدومها.
طيف لبست جيبة قصيرة قبل الركبة باللون الاسود و تي شيرت ¾ كم باللون الاحمر و رفعت شعرها علي شكل كحكة. لبست صندل بكعب باللون الاسود.
-كانت طيف عندها كدمة في رأسها ناحية الشمال,و جرح رجليها مش في القدم في الكاحل-.
طيف نزلت ببطء ل تحت لقت صقر بيتغدي قعدت بتعب و بدأت هي كمان تأكل لانها كانت جعانة.
انتصار: هتحب تشرب حاجة؟!
صقر: عايز قهوة.
انتصار: تحبي اعملك حاجة تشربيها يا حبيبتي؟!
طيف: عصير مانجا.
انتصار: طيب يا حبيبتي.
طيف: معلش هتعبك اسفة.
انتصار: لا و لا يهمك.
صقر: ورايا...
طيف: لسة مخلصتش اكل.
صقر: و لسة مثبتيش عندي في الشركة.
طيف بصتله بغيظ و قامت مشيت وراه بس ببطء.
طيف: انت جايبنا هنا ليه؟!
صقر: مش قولتلك ورايا؟! اخرسي بقي.
طيف: اوف طيب. عموما مش هتقدر تعملي حاجة لو قربت مني آسر هو اللي هيتصرف.
صقر ابتسم بسخرية هي مشافتش ابتسامته.
صقر دخل اوضته و طيف وراه في اقل من لحظة صقر شد طيف من خصرها لحضنه و سندها علي الباب.
صقر(بسخرية): يلا صرخي مستنية ايه؟!
طيف(بدموع): انت مجنون؟! وسع كدة.
صقر: مش سامع صوتك يعني.
طيف: ابعد كدة عني. مش محتاجة و لا مساعدتك و لا مساعدته كلكم صنف واحد...
صقر(بهمس): في ايديكي فرص كتير بس انتي غبية مش عارفة تستغليها نعمل ايه بقي.
طيف: كتر خيرك اوي وسع بقي.
دموع طيف غصب عنها نزلت صقر مسح ليها دموعها بايده.
الجرس رن.
صقر بعد طيف من عند الباب و بعد هو كمان.
صقر: ادخل.
بنت: القهوة و العصير يا بيه.
صقر: دخليهم اوضة المكتب و اخرجي.
بنت: حاضر.
البنت عملت شغلها و خرجت بسرعة,طيف بصت حواليها.
- اوضة صقر كانت كبيرة و واسعة اوي,كان بابها طويل و اسود و في جرس جمب الباب. كان في تلت ابواب جوا الاوضة. باب لاوضة مكتب صقر و باب تاني لاوضة زي صالون كدة و باب تالت لحمام كبير. و كان في اوضة ملابس في الاوضة كبيرة و سرير عريض و واسع و في تُراس و حوض ورد.
صقر: من هنا...
صقر و طيف دخلوا اوضة مكتبه.
طيف: انا مش مطمنة.
صقر بصلها بطرف عينه و متكلمش راح قعد علي الكنبة و جاب اللاب بتاعه...
طيف: بقولك مش مطمنة.
صقر(بسخرية): متخافش مش هعملك حاجة اصل آسر مش هيرحمني. و كمان هتصرخي ف آسر هيجيلك علطول.
طيف(بغيظ لنفسها): رخم اوي.
صقر: اترزعي هنا.
طيف قعدت جمب صقر و سابت مسافة بينها و بينه و بدأوا هما الاتنين يشتغلوا. و طيف بتتعلم الشغل اكتر و اكتر و حبت الشغل اوي.
طيف: انا شايفة ان موضوع الكارت ده مش فكرة عملية.
صقر: بمعني؟!
طيف: يعني ما ممكن واحد او واحدة الكارت بتاعها ضايع و ممكن اصلا يكون حد سرقه علشان يدخل الشركة.
صقر: محدش بيدخل الا و الامن بيتاكد انه فرد من افراد الشركة غير كدة مبيدخلش و لو شاكين في حد انا بتأكد منه شخصيا.
طيف: بقول نغير فكرة الكروت دي، ممكن نخليها بصمة او عن طريق العين.
صقر: او ممكن كل واحد يأخد كلمة سر يحتفظ بيها لنفسه.
طيف: ممكن.
صقر حس بصداع و حط ايده بين عينيه...
طيف: انت كويس؟!
صقر: اه.
تليفون صقر رن.
صقر(بضيق): و ده عايز ايه؟!
الخط اتفتح.
صقر(ببرود): خير؟!
محمد: نجلاء عندك؟!
صقر: لا هي فين؟!
محمد: مش موجودة و محدش لاقيها.
صقر(بصدمة): انت اتجننت؟! هتكون راحت فين؟!
السؤال: يا تري هيحصل ايه؟! خمنوا????.