رواية أسير العشق للكاتبة شهد طارق الفصل السادس
داليا بعد ما قالت إنه جيه وقت الانتقام.
اتصلت بواحد...
داليا: الو. اذيك يا احمد...
احمد: اهلا داليا هانم...
داليا: عايزاك في خدمة يا احمد...
احمد: اؤامرك يا هانم. انتى تؤمرى.
داليا: االله يخليك. بس لازم اقابلك عشان افهمك مهمتك بالظبط...
احمد: مهمة مرة واحدة. لأ دة الموضوع كبير...
داليا: فوق ما تتخيل. فاضي دلوقتى.
احمد: ساعة واكون عندك.
داليا: وانا مستنياك...
قفلت داليا وابتسمت أن أول خطوة في الانتقام هتبتدى تتحقق...
اتقابلت مع احمد وفهمته كل حاجة
احمد: ديه سهلة خالص بس ما ننفذها كاملة.
داليا: اياك يا احمد يا اما نهايتك هتبقى على أيدى
احمد: أهدى يا هانم. بهظر
داليا: المهم تبدأ في اسرع وقت
احمد: من عنيا يا هانم...
ومشيت داليا وعلى وشها علامات الانتصار راحت الفيلا ودخلت لقت مراد...
ومراد اتفاجأ انها مبسوطة اول مرة يشوفها مبسوطة...
مراد: كنتى فين كل دة...
داليا: كنت في المقابر...
مراد: حد يرجع مبسوط كدة من المقابر...
داليا: اصل فضيت كل ال جوايا...
مراد: اه صحيح انتى عيلتك فين انا عمرى ما شوفتلك اب او ام أو أخ أو أخت...
داليا وعلامات الغضب على وشها: عن اذنك انا تعبانة، وعايزة انام...
وتركته دون فرصة للرد...
ودخلت غرفتها وفضلت تبكى بحرقة وطلعت صورة عليتها وقالت...
داليا: خلاص يا عيلتى الحلوة قربت اجيب حقكم
ونامت نوم عميق...
تانى يوم.
مراد: صباح الخير يا داليا.
داليا: صباح الخير يا مراد...
مراد بتردد: انا اسف...
وطبعا مراد عمره ما بيتأسف لحد...
داليا استغربت: اسف على ايه
مراد: اسف على سؤالى عن عيلتك امبارح...
داليا: حصل خير...
داليا: على فكرة بعد يومين في سفرية ل اسوان عشان الوفد الألمانى...
مراد: تمام. اه ياريت يا داليا تلغى كل مواعيدى، اليومين دول قبل السفر...
داليا بأشتغراب شديد: ليه يعنى.
مراد: ياريت متتدخليش ديه حاجة خاصة بيا...
داليا: انا اسفة.
مراد: لأ محصلش حاجة...
وعشان يفك الجو...
مراد: كدة بقينا خالصين...
داليا: خالصين ازاى...
مراد: انا قولت اسف وانتى قولتى اسفة يبقى خالصين...
داليا ضحكت ومراد كان أول مرة يشوفها بتضحك...
مراد: على فكرة انتى ضحكتك حلوة اوى...
داليا بأحراج شديد: شكرا.
مراد: لأ بجد حلوة اوى انتى دايما يا داليا شايفك حاطة نفسك ف جو كئيب جدا مش بتضحكى ولا بتخرجى يا ترى ايه ال مخليكى كدة...
داليا: عن اذنك عشان ألغى المواعيد...
داليا استغربت هو هيعمل ايه في اليومين دول وقررت انها تراقبه جابت رقم الراجل ال اهولها عمها في باريس...
داليا: اهلا يا جارحى بيه...
الجارحى: اهلا يا هانم بس مين حضرتك...
داليا: انا داليا ال كلمك عليها وليد زين...
الجارحى: اهلا داليا هانم. اؤمرينى...
داليا: هو انا عايزة منك مهمة كبيرة منك بس مش دلوقتى. دلوقتى عايزة خدمة صغيرة...
الجارحى: انتى تؤمرى وعلينا التنفيذ على أكمل وجه
داليا: عايزاك تراقب واحد.
الجارحى: غالى والطلب رخيص يا ترى مين ال عليه الكلام...
داليا: مراد الألفى صاحب شركات الألفى للاستيراد والتصدير...
الجارحى: مراد الألفى طلبك صعب بس هحاول دة الحراسة ال عليه مش طبيعية...
داليا: لأ متخفش انا عيزاك تراقبه يومين ومش هيكون عليه حراسة وعايزة المراقبة من انهاردة بليل لمدة يومين من اول خروجه من الفيلا لغاية ما يرجع...
الجارحى: اعتبريه حصل...
وفعلا مراد على الفجر كدة خرج من الفيلا من غير حراسة ووراها رجالة الجارحى...
وفعلا راح على. مكانين اغرب من بعض...
والجارحى اتصل على داليا وقالها عليهم وقررت تروح تشوف بنفسها...