رواية أسير العشق للكاتبة شهد طارق الفصل الثاني
بعد مرور تقريبا ساعة في مخزن داليا...
قالت للرجالة...
داليا: هاتوا مراد من تحت.
الرجالة: اوامرك يا هانم
مراد: مش هسيبك يا داليا. مش هسيبك.
داليا بضحك: كدة تبهدلوا مراد بيه. لأ هاتوا شوية مية يفوقوه اصل انا عيزاه فايق اوى اوى...
وفعلا الرجالة جابوا جردل ميه وكبوه عليه.
داليا: أيوة كدة. لما اتصل على الرجالة اشوفهم عملوا ايه. ها نفذتوا ال قولتوا عليه
مجهول: طبعا يا هانم واحنا نقدر نكسرلك كلمة.
داليا: عافرم عليكم يا رجالة بس عايزة صورة وفيدو عشان اشوف الغالية بقى شكلها عامل ازاى وكمان اطمن اخوها
مجهول: غالى والطلب رخيص. 5 دقايق بس وطلبك يتنفذ
داليا: وانا مستنيه.
مراد: مش هسبيك يا داليا. والله ما هسيبك. هتشوفى العذاب الوان يا داليا.
داليا: ضحكتنى يا مراد. بقالى كتير مضحكتش ومرة وحدة بنظرة شر وغل وكره.
داليا: وانت فاكرنى مشوفتش عذاب على ايدك الوان انا بقا ال انهاردة هوريك العذاب الوان. بعد ما تشوف الصورة والفيديو هبتدى احكيلك حكاية طويلة شوية.
فتحت التليفون بعد ما اتبعتت الصورة والفيديو
داليا: عفارم عليكم يا رجالة هو دة الشغل. وورت الصورة والفيديو ل مراد بعد ما بقا شكل داليا متخرشم خالص وهدومها متقطة من على جسمها نوعا ما بس مش اوى...
مراد بغضب: عملتى في اختى ايه. هقتلك. هقتلك يا داليا.
داليا بضحك: متهيألى باين انا عملت ايه
داليا: يلا بقا نبتدى الحكاية الطويلة انا ليه عملت فيك وفي اختك كدة
طبعا مراد بيه الالفى معروف من زمان أنه ما بيسبش واحدة تعدى من تحت ايده
في يوم...
فلاش باك...
بنت طالعة من مدرسة ثانوى و عربية فيها شاب معدى من ادام المدرسة.
البنت طالعة مش واخدة بالها خبطها الشاب خبطة بسيطة...
البنت: انت مجنون مش تاخد بالك
الشاب لسه هينزل يشتمها بس اول ماشفها قال بنظراته ال تخلى اى بنت تركع تحت رجليه...
الشاب: انا اسف يا انسه مخدش بالى...
البنت: ها. حصل خير. حصل خير...
الشاب: تحبى اوديكى المستشفى نطمن...
البنت: لأ مفيش داعى انا بقيت كويسة...
الشاب: على راحتك بس بعد اذنك اخد رقم تليفونك عشان اطمن عليكى...
البنت وهي لسه مستمرة بالاعجاب فيه: ملوش لزوم انا بقيت كويسة...
الشاب: يبقى انتى لسه زعلانة...
البنت: لأ والله مش زعلانة ولا حاجة خلاص اتفضل الرقم...
الشاب: تمام. ودة الكارت بتاعى انا مراد الألفى صاحب شركات الألفى للاستيراد والتصدير...
البنت لمعت عيونها اكتر وأعجبت اكتر: اهلا بيك انا فعلا سمعت عن شركات حضرتك كتير...
الشاب: اتمنى لو عوزتى اى حاجة تكلمينى في اى وقت وانا هبقا اتصل اتطمن عليكى...
البنت: متشكرة جدا...
مراد: تشكرينى على ايه بس. انا ال اسف انى مخدش بالى. اه صحيح انا متشرفتش باسمك...
البنت: انا اسمى سهى...
مراد: واو سهى اسم حلو اوى...
سهى بكسوف: ميرسي لحضرتك. انا هضطر امشي عشان اتأخرت...
مراد: تحبى اوصلك...
سهى: ملوش لزوم البيت قريب...
مراد: زى ما تحبى سلام واتمنى اشوفك تانى فرصة سعيدة...
سهى: انا اسعد يا مراد بيه...
مراد: مراد بس لو سمحتى...
سهى: تمام يا مراد.
مراد: باى...
سهى: باى...
سهى وهي مروحة بيتها...
سهى: يا ناس ايه القمر دة ولا عربيته اوعدنا يارب...
وفتحت الباب وهي مبسوطة اوى.
مامت سهى: خير اول مرة تيجى مبسوطة كدة...
سهى بأرتباك: مفيش يا ماما اصل انهاردة الحصص كانت تقريبا معظمها فاضي...
مامت سهى: عشان كدة توتمى في اللعب...
اختها: طبعا ديه يحصلها حاجة لو ملعبتش...
سهى: دودو عاملة ايه وحشتينى...
اختها: وانتى يا سهى وحشتينى. يلا عشان نتغدى
اتغدت العيلة كلها وسهى دخلت مع اختها تحكيلها اليوم كان عامل ازاى من غير ما تقول اى حاجة عن مراد...
اختها: شاطرة يا سهى لازم تحكيلى كل حاجة ومتخبيش حاجة عليا.
سهى بأرتباك بسيط: طبعا طبعا يا دودو هو انا ليا غيرك انا هدخل اذاكر شوية وبعد كدة انام...
اختها: ماشي يا حبيبتى انا هسبيك واعقد في البلكونة شوية.
سهى: ماشى يا دودو...
سهى اعدة مش مركزة في المذاكرة خالص اعدة مركزة في تفاصيل مراد عينه. شعره. دقنه. بدلته الشيك جدا. عربيته الفخمة اوى وفجأة لقيت موبيلها بيرن من رقم غريب وردت...
سهى: الو مين معايا...
مراد: انا مراد يا آنسة سهى ال قابلتك الصبح فكرانى
سهى: اه طبعا فكراك.
مراد: رجلك عاملة ايه دلوقتى...
سهى: لأ تمام جدا...
مراد: طب الحمدلله انا قولت اطمن عليكى يا ترى مش هشوفك تانى...
سهى بإرتباك: تشوفنى. تشوفنى ازاى انا مبخرجش مع حد غريب وفرضا بخرج هخرج معاك فين انا من البيت للمدرسة ومن المدرسة للبيت...
مراد: انا اسف مقصدش. بس لو مش عايزة تسمعى صوتى كمان تانى انا اسف سلام.
سهى: سلام...
طبعا مراد قرر يحطها ضمن مجموعته النسائية و خطته ماشية صح وقفل لأنه عارف هيعمل ايه يخليها تركعله...
عدى يومين وسهى نفسها تكلم مراد بس خايفة وفي االاخر قررت تكلمه جابت ال كارت ال ادهولها واتصلت، ومراد أو ما شاف الرقم اعد يضحك وقال خليكى يا حلوة تتسوى على النار حبة...
كل شوية سهى تتصل وميردش...
سهى: اكيد زعلان منى عشان صديته اخر مرة
لازم اروحله...
اروحله طب اروحله ازاى...
فكرت تقول رايحة المدرسة عادى وتروحله الشركة
وفعلا نفذت خطتها ونزلت عادى وراحت الشركة
دخلت الشركة مش مصدقة منظر الشركة فخمة بمعنى الكلمة دخلت للسكرتيرة قالت لها...
سهى: لو سمحتى عايزة اقابل مراد بيه
السكرتيرة: في معاد سابق...
سهى: لأ بس انا عايزة اقابله ضرورى...
السكرتيرة: ثانية واحدة اديله خبر. هو حضرتك اسمك ايه؟
سهى. : اسمى سهى.
دخلت السكرتيرة وقالت ل مراد وقالها دخليها
السكرتيرة: اتفضلى.
سهى: شكرا...