قصص و روايات - قصص رائعة :

رواية أرواح مشوهة للكاتبة شيماء أبو زيد الفصل الختامي

رواية أرواح مشوهة للكاتبة شيماء أبو زيد الفصل الختامي

رواية أرواح مشوهة للكاتبة شيماء أبو زيد الفصل الختامي

حاسس بإيه.
كان هذا صوت رائف ينظر الى كيان بتعمن يرى شخصا آخر غير الذي عهده اعتلى ثغر كيان ابتسامة رضا وهو ينظر الى المكتب يقول:
انا لسه فاكر اول يوم جيت فيه هنا كنت خايف تايه تعبان فكرة اني مريض كانت بتتعبني كنت حاسس اني مجنون بس دلوقتي فخور بنفسي اني قدرت اتخطى كل ده.
التمعت عينيه بامتنان نطق به لسان بعدها:
مش عارف اقولك ايه يا رائف بس معروفك مش هنساه طول ما انا عايش.

بس علاقتنا ماانتهتش ياكيان احنا بقينا صحاب وكمان
تغيرت معالم وجهه للحزن حينما ادرك السبب الاخر وتشدق متسائلا:
هي هتفضل كده يا رائف بقالك 3 سنين بتعالجها وهي مش راضية تتحسن حتى مش بتكلم حد.
ضغط على كتفه يقول بهدوء:.

المهم انها بتتكلم معايا حتى لو قليا حالتها محتاجة وقت يا كيان انت عارف بعد ماجبتها هنا كانت عاملة ازاي سنة كاملة لحتى وافقت تكلمني وتتجاوب معايا حالتها متوقفة على رغبتها هي جايز المسا تخف بكرة دلوقتي ده متوقف عليها.
شرد في حال شقيقته طوال تلك المدة بعد قدومها من منزل اسيد
Flash back:.

سارت بخطى بطيئة وجسدها يرتعش من فرط انفعالها وشقت دموعها طريقا الى وجهها فتح لها الباب بعد عودته من المشفى لتغيير ثيابه ناظرا اليها بقلق
مالك يا وتين انتي عاملة كده ليه
لم تجبه اكتفت بنظرة باردة وحبست نفسها في غرفة اختارتها حاول معها مرارا وتكرارا بلا جدوى
اسيد هو لي هيفهمني.
غادر المنزل متجها الى منزل اسيد يطرق الباب بعصبية
تنهد الاخر بارهاق يقول:
اتفضل يا كيان نتكلم جوا.

قص عليه اسيد قرار شقيقته نظر اليه كيان بهدوء:
ماتقلقش هي بتحبك ومش هتسيبك محتاجة وقت بس.
Back.

انا عايز اشوفها قبل ما روح.
حاول تخلي نبض تيجي ليها ده هيساعدها صدقني انما اسيد لاء مش وقت انها تشوف دلوقتي.
سار نحوها بخطى متلفهة وجدها جالسة في الحديقة تنظر بشرود وسكون كحالها دون ان تهتم بأحد دنا منها بتردد مسح على رأسها بحنو يقول:
عاملة ايه يا حبيبتي انهاردة كويس انك خرجتي من الاوضة جو الحديقة هيفيدك.
بقيت تنظر امامها تلك النظرة الشاردة الغير مبالية
امسكها من كتفيها يهزها بنفاذ صبر صائحا:.

كفاية لي بتعمليه يا وتين اسيد خلاص شاف حياته وهيتجوز وانتي بدمري نفسك كده.
لوهلة خيل له ان تلك النظرات المبالية تحولت الى الم ازاحت يده بهدوء وسارت الى الداخل تابعها بعينيه ربما كذبته ستجعلها تفيق
ها يا كيان طمني عملت ايه انت عارف انه دكتورها منعني اشوفها.
ماتقلقش يا اسيد الي شوفته فعينيها خلاني اتأكد انها لسه عايزاك كمل انت لي هتعمله ونشوف.
خرج من عند طبيبه النفسي وشعور بسعادة غامرة يغرقه.

اخر جلسه له تغير الكثير والكثير خلال السنوات الثلاث الفارطة اتجه بروح جديدة روح نقية تم ترميمها لسنوات ثلاث عكس روحه المشوهة الكارهة روح متسامحة الى منزله يريد رؤيتهم بفارغ الصبر استقل سيارته يقودها بسرعة نظر الى الرسالة التي وصلته من شجوني
<هبعتلك حاجات تجبهم وانت في الطريق عشان عزومة بكره وتعالى بسرعة هيجننوني ناقص اشد فشعري >
ثم ارسلت له بشئ من الحزن:
هي عاملة ايه دلوقتي.

على حالها هي محتاجة وقت تنسى فيه.
قاد سيارته سريعا ليطمئن عليها وابتسم بهدوء فعشقه لها يزداد مع الوقت كاد يجن من احتمالية فقدانها وعاد بذاكرته قبل ثلاث سنوات وبالتحديد الى يوم اجرائها للعملية وانها قد نجحت وصل الى المنزل يدندن باستمتاع شعر بمن يجذبه من بنطال سروال من الاسفل ابتسم بحب وهو ينحني بجذع ليحمل صغيرته لثم وجنتها فانكمش وجهها بانزعاج من لحيته ضحك بخفوت يقول وهو يسير بها:.

خلينا نروح نشوف مامي وحشتني.
جذبته من شعره تداعبه بينما كانت تقف هي في المطبخ تتابع تجهيزاتها وفي يدها تحمل طفلها الاخر احتضنهما من الخلف
استدارت مبتسمة تقول:
اهلا روح غسل وانا جهزت الغدا العفريتين دول جننوني.
اعاد خصله متمردة خلف اذنها يقول:
ماشي، ولادي ويعملو لي عايزينه شكلك تحفة مين لي نكش شعرك كده.
اجابته بحنق:
وهو القرد ده خلاني اعرف اشتغل انا تعبانة جدا جايز انام يومين.
نامي نامت عليكي حيطة.

شعرت بصوته الجاف فكتمت ضحكتها تقول:
يلا ماتأخرنيش ورايا شغل كتير.
خلل اصابعه بشعره وهو يعيد طفلته الى مكانها بجانب توأمها
مش معقول تكوني نسيتيه يا شجون.
سمعت همسه فآثرت اغاضته تقول:
النهاردة تعبت جدا هنام بدري خلاص مش قادرة اقف.

داخل المقابر كان يقف بحزن يربت على تراب يحتضن جسد والدته شعر بيدها تضغط على كتفه فاستدار لها بهدوء بينما قالت:
بقالك ساعتين كده يا إباء يلا خلينا نروح.
اومئ بهدوء يحمل عنها بسملة بعد ان نامت من التعب نظر اليها فرآها تتجه الى قبر والدها هي الاخر بابتسامة تقرأ له
نقلت نظرها الى قبر آخر واشاحت بوجهها بعيدا عنه وعادت الى زوجها فاتاه صوته الرخيم يقول:.

روحي يا نبض جايز تقدري تنامي مرتاحة من غير ماتشوفيه كفاية هو عند لي احسن مني ومنك.
امتلأت عينيها بالعبرات تسير بتردد وقلبها يخفق بقوة جلست بحذر تتلمس شاهدة قبره وقد فاضت دموعها لاول مرة تأتي الى قبره:
3 سنين مرت وانت بتجيلي المنام كل يوم ثلاث سنين حتى قدرت انسى لي خلتني اعيشه.
تابعت التربيت على تربة قبره تهمس:
انا مسامحاك يا اياز ربنا يغفرلك.
كفكفت عبراتها وتأبطت ذراع زوجها وقالت بعد تفكير:.

وديني عندها يا إباء كفاية عليها لحد كده.
رمقها برضا وهو يغير مسرى سيارته الى العيادة توقف بعد مده فنزلت بمفردها تحث للخطى الى غرفة وتين دخلت بهدوء
فرأت فتاة اخرى لا تشبه صديقتها البته فتاة بائسة شاحبة
رفعت الاخرى ناظريها للزائر تصلب جسدها لوهلة لم تتوقع ان تأتي اليها شعرت بشئ يسيل من عينيها بغزارة دون ان تشعر دنت منها نبض تردف:
خلينا نبدأ صفحة يا وتين وكفاية عليكي لحد كده وارجعي لحياتك ولجوزك.

انهارت الاخرى تبكي عذاب ضمير دام ل3 سنوات
تعالي.
رفعت انظارها لنبض التي فتحت ذراعيها ولم تكن هي من الممتنعين احتضنتها بشدة تهمس بحرارة:
آسفة على كل حاجة والله غصب عني.
هشش خلينا ننسى الوقت كفيل يداوي جراحنا يا وتين.
غادرت نبض بعد ان شعرت بصحة تصرفها بينما اتجهت وتين الى مكتب رائف دلفت بهدوء بعد ان اذن لها بالدخول فقالت:
عايزة اطلع من هنا يا دكتور ومتشكرة على كل حاجة.

قصت عليه زيارة ومشاعرها في تلك اللحظة ابتسم لها وقال:
ارجعي لجوزك وعلى فكرة انا لي كنت مانعه يزورك مش هو واحنا كدبنا عليكي هو مش هيتجوز وده لي خلاكي تراجعي قرارك انا اتصلت بيه وهو مستنيكي تحت.
لم تنتظر ان يكمل جملته نزلت الى الاسفل فرأته حرمت من رؤيته مدة طوييلة ارتفع وجيب قلبها وهي تراه يقترب منها
لم تجد في عينيه نظرات عتاب وانما حب، عشق، وله ربما
وضع يده على شفاهها يسكتها قائلا:.

مش عايز اسمع حاجة هنتعاتب بعد مانوصل البيت رائف خلى الممرضة تجهزلك شنطتك يلا.
سحبها وهو يقبض على كفها خشية ان تبتعد عنه مرة اخرى.
فالنجاحات في العلاقات يكمن في اتقان فن المسافات لاتقترب الى حد ابصار العيوب ولا تبتعد الى حد نسيان المحاسن.

عاد بها المنزل يرى على وجهها راحة غريبة وهي تغمض عينيها مبتسمة فأردف بصوت اجش:
الي عملتيه صح يا نبضي وتين اتعاقبت بما فيه الكفاية وفهمت غلطها واياز خلاص ربنا يرحمه.
اندست بين احضانه تهمس:
بحبك اوي ياإباء ربنا مايحرمني منك ابدا.
شدد من احتضانها وهو يربت على ظهرها شعرها بشئ يبعدها
نظرا الى الاسفل فأذ بها بسملة نظرت اليها بغضب تقول:
ابعدي عن بابي انا بس لي يحضني.

دوت ضحكته في الارجاء وهو ينزل الى متسوى صغيرته يقول:
شقية زي امك يا حبيبتي.
تابعتهما الاخرى بحب كيف لا وهما قطعة من روحها
لااذكر اني احببت شيئا في هذا العالم المرتبك بقدر ما احببت
شعور الطمأنينة الذي اهديتني اياه.

مر يوم كامل و داخل منزل كيان اجتمعو بعد انتهائهم من وجبه الغداء اجتمع كل من شجون ونبض ووتين وراحت هي
تحتضن كل من بسملة و مازن وامنية تداعبهم بشوق
نظرت نبض اليها بهدوء تقول:
هي الاستاذة براءة عاملة ايه يا وتين.
رفعت رأسها تجيبها:
كويسة انا اتكلمت معاها فلي اتفقنا عليه وهنسجل عندها
في المصلى هي دلوقتي بتعدل فيه واول مايكمل هنبتدي.
تابعت شجون بحماس وهي تتابع الاهتمام بمظهرها:.

وهنساعدها فتحفيظ الباقي زي ماقلت ماشي.
بصيلنا كده يا شجون.
استدرات لهما بخجل وقد عدلت وتين من شعرها واشرفت نبض على تزيينها يودعونها بمرح
مرت سهرتهم بهدوء واخذ اسيد زوجته وكذلك غادر اباء ونبض
اغلقت شجون الغرفة تتابع تجهزها فركت يديها بتوتر فقد ساعدها كل من نبض ووتين.
هي فين كل ده الولاد نامو وهي مانزلتش مش معقول تكون نسييت ده انا هنفخها.

صعد لغرفته بخطى متسارع وسرعان ماحبس انفاسه من هول مارأى نظر اليها نظرة جعلت حمرة الخجل تزحف الى وجنتيها
سار نحوها مسلوب الارادة يهمس:
ايه الحلاوة دي يا شوشو.
اتجهت الى المطبخ وهو يتبعها يرى ماذا تفعل فتحت الفرن
تحمل ذلك القالب وتتجه الى غرفتهما بصمت استدارت له وهي تحيط عنقه بذراعيها:
كل سنة وانت طيب يا كيان.
دنا منها بهدوء وعينيه تجوب كل انش من وجهها يشدد من احتضانها:
ده انا كنت فاكرك نسيتي يا شوشو.

ارتفعت ضحكاتها بخجل وهي تسمع همسه لها واحتضنته تغرس وجهها في صدره حملها بين ذراعيه فشهقت بفزع تقول:
القالب ياكيان دوقو عالاقل انا تعبت فيه اوي.
عظ وجنتها مبتسما يقول:
تعالي بس سيبك من القالب في حاجة اهم هدوقها النهاردة
جه الوقت لي نجيب فيها اخ او اخت للقرود يلا.
سار بها الى غرفتهما وقلبيهما يخفقان من فرط سعادتها سعادة غابت عنهما لابد.

وماكان الحب بكثرة الوصل ولابجميل الكلمات وانما ماوقر في القلب وابى الخروج الا في كنف الله والحب رزق والله هو الرزاق والرزق لا يأتي بمعصية
داخل منزل آخر بعد ان قامت بتنويم طفلها اتجهت الى غرفتها
وارتمت على سريرها بارهاق شعرها بشئ طري يجوب وجهها
فتحت عينيها فإذ بها وردة ابتسم بهدوء وهي ترى زوجها
يتسطح بجانبها يقول:
تعبتي النهاردة اوي يا حبيبتي في للمصلى.
هزت رأسها وهي تسند رأسها على كتفه تجيبه:.

عادي يا محمد المهم انه ناس المنطقة مبسوطين وعايزين يساعدوني و يحفظه.
لثم جبينها مطولا وقال:
ربنا يحفظك يا حبيبتي وقتيبة عامل ايه معاكي.
توجهت انظارها الى طفلها تحيط بنظرات محبة تردف:
ده هادي جدا زيك بالضبط يا محمد ربنا مايحرمني منكم
يلا خلينا ننام بكره الافتتاح.
خلدا الى النوم وكل منهما يدعي بدوام هذا الاستقرار.

في مكان آخر تحديدا في المانيا كان جالس داخل المسجد
يرمق طلابه بفخر فقد اسلم العديد على يده كانت عينيه
تلتمعان بفخر حقيقي نظر الى طالبه الذي حمل ابنته يقول:
اريدك ان تسميها اسما عربيا يا استاذ براء.
حمل تلك الطفلة من بين يدي والدها مبتسما بعد ان لقن والدها الشهادة يقول:
سأسميها وتين من الان اسمها وتين.

خرج مودعا اياهم فاليوم سيعود الى ارض الوطن بعد ان ادى مهمته تغيرت حياته بشكل كامل نزل من الطيارة واتجه الى قبر رفيقه جثى على ركبتيه وقد اغرورقت عينيه بالدموع يردد:
ربنا يرحمك يا صاحبي ويغفرلك الحمدلله انا قدرت اعملك عمرة يا ريت اجرها يوصلك وهفضل ادعي ربنا يخفف عنك.
مسح تلك العبرات وعاد الى الحي بروح جديدة هو الاخر غير روحه المشوهة المحبة للشر عازما على اكمال نصف دينه.

في صباح اليوم التالي كان الاطفال بسملة و قتيبة و امنية ومازن يلهون على شاطئ البحر
اجتمع الجميع هناك بعد افتتاح براءة بمصلاها نظر اليهم رائف بعد ان التحق بهم يقول يلا اجتمعوا كده اصوركم
قام بالتقاط تلك الصورة وعلى ثغر كل منهم ابتسامة مختلفة
وكل ينظر الى رفيق دربه بحب وامتنان.
فصاح رائف بمرح:
حببتوني في الجواز يا جماعة واضح اني هلحقكم قريب.

اتمنى ان تحدث لنا جميعا اشياء في غاية البهجة تسكن قلوبنا تنعش روحنا وتعيش معنا حتى النهاية.

تمت
نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة