رواية أذلني ولكني أحببته للكاتبة مريم علي الفصل الخامس والعشرون
في غرفة انيسة
تنهض من مكانها بصدمة وتحدث ليان بزعيق:
ايه التخريف اللى بتقوليه دا يابت انتى اتجننتى ولا ايه
ليان بخبث:
والله ياخالتو انور دا اللى ماسك شركاتها هو اللى قالى كدا بالظبط دا انا صدمتى كانت اكبر منك بكتير ربنا يكون في عونك بجد كنت حاسة انها وراها مصيبة
جحظت انيسة عينيها بشدة وهي تستمع لليان التي تبخ السم في اذنيها..
كانت ملك تجلس بمفردها صامتة سارحة وابتسامة حب مرسومة على شفتيها حتى تفيق على صوت مؤمن..
مؤمن بصوت عالى:
القمر سرحان في ايه
ملك بخضة:
انت هنا من امتى
مؤمن وهو يجلس جانبها:
من دلوقتى هااا بقى سرحانة في ايه
فيا صح قولى متتكسفيش
صمتت ملك بكسوف ولم تنطق..
مؤمن بغزل:
بقولك ايه انتى بطنك كبرت اوووى وبردو شكلك حلو اوووى ايه بقى ياشيخة انتى امتى بتبقى وحشة علطول حلوة كدا دا انتى تفتحى نفس الواحد على الحياة و...
احم احم خلاص بقى بلاش عشان انتى بتتكسفى
ملك بكسوف شديد:
انت بتقعد كتير في الشركة كده عليه
مؤمن بخبث:
لا ما انا مش علطول ببقى في الشركة بطلع برا اقابل اصحاب شركات بتمم معاهم صفقات في منهم بنات زى القمر زيك كدا وماشاء الله مسئولين عن شركات بحجم شركتك بيخطفوا الواحد خطف
ملك بغيرة شديدة:
اممممممم بجد ربنا يوفقك
بس شكلك بتحب البنات بقى وكدا
مؤمن بخبث:.
اه الصراحة اكدب عليكى يعنى انا لازم ابقى صريح معاكى من اولها احنا داخلين على حياة جديدة مع بعض ولا ايه رايك
نظرت له ملك بصدمة من جرئته..
ضحك مؤمن بشدة على منظرها ثم قال بهمس:
انا بحب بنت واحدة بس عيونها يحلو من على حبل المشنقة
ادعى لى هي كمان تحبنى احسن انا بقيت مهووووس بيها على الاخر
استدارت ملك عنه بعدما احمرت وجنتيها بشدة..
اقترب مؤمن منها ببط وكاد ان يقبلها من وجنتيها دون ان تشعر به حتى فوجى بهنا.
هنا بصوت عالى:
بتعملوا ايه
شهقت ملك من الخضة بينما امسك مؤمن احدى الوسادات والقاها عليها..
مؤمن:
دا انتى عيلة فصيلة مش وقتك خاااااالص
هنا بضحك وغمزة عين:
ليه يامؤمن هاااا كنتوا بتقولوا ايه وبتعملوا ايه
كاد مؤمن ان يتحدث حتى وجد انيسة تنزل الدرج برفقة ليان ولكن كانت في قمة غضبها..
انيسة بغضب وصوت عالى:
انت جيت يامحترم يامؤدب ياللى مبتغلطش
مؤمن بدهشة وهو ينهض من مكانه:
في اييييه ياماما مالك.
انيسة ومازالت على حالتها:
اتجوزت مراتك ازاى يامؤمن
مؤمن بهدوء:
زى الناس ياماما في ايه
انيسة وهي تمسك ملك من يديها وتجبرها على الوقوف:
في انك اتجوزت غلطة عمرك يامؤمن بيه
شهقت ملك بصدمة ووضعت يديها على بطنها التي بدات تالمها بشدة..
مؤمن بغضب:
ايه اللى انتى بتقوليه دا ياماما ايه الكلام الفارغ دا
انيسة بعدما تركت يد ملك:
بقول اللى بنت خالتك عرفته واتاكدت منه كويس
هنا بزعيق:.
بردو ياماما بردو حرااااااااااااام عليكى بقى
ليان الحيوانة تانى دى بتخرب البيوت ارحمينا من شرها بقى
ليان بزعيق:
بطلى تظلمينى بقى انا النهاردة رحت شركتها وهناك اتكلمت مع واحد اسمه انور وحكالى كل حاجة عنها وانها اتنازلت عن شركتها وقصرها عشان اهلها طردوها بعد اللى عملته مع اخوكى
فجاة وقف الجميع مصدووووووووووووم حينما وقعت يد مؤمن بقوة على خد ليان التي من قوة ضربته سقطت ارضا..
مؤمن بغضب وبصوت عالى:.
مراتى دى سندى وشرفى وعرضى واى كلمة تمسها تمسنى انا كمان وانتى دلوقتى حالا تلمى هدومك وهحجزلك طيارة سفر مش عاوز اشوف وشك هنا تانى سمعانى
ليان بصدمة وزهول نظرت له وهي على الارض ولم ترد..
هنا بزعيق:
يللا بقى امشى من هنا في ستين داهية
انيسة بغضب:
انت بتضربها وبتطردها عشان بتقول الحقيقة
لا بقى انت اللى تاخد مراتك دى وتروح تشوف انت كنت عايش معاها فين
هنا بصدمة:
انتى عاوزة تمشى مؤمن عشان الزبالة دى خرابة البيوت.
كادت انيسة ان ترد حتى صرخ الجميع عندما سقطت ملك على الارض مغمى عليها..
اسرع مؤمن الى ملك وحملها على يديه وركب سيارته متجها الى المشفى بجانبه هنا التي بدات تبكى بشدة خوفااااا على ملك.
كان مكاوى يجلس في احدى الاماكن سارح وشارد على الاخر في هنا التي خطفت قلبه فور رؤيتها..
مكاوى وهو يحدث نفسه:
وبعدين معاكى يابنت الناس بحاول انساكى مش قادر اللى يشوفنى كدا يقول حب سنين طب اعمل معاكى ايه بس
خايف اطلبك من اخوكى يكون في حد في حياتك وترفضينى وعلاقتى بيه تتوتر
لا بلاش ابقى سلبى كدا انا هتصل بيه وهكلمه في الموضوع واريح دماغى بدل ما انا كل يوم افكر فيكى واحلم بيكى كدا.
اسرع مكاوى واجرى اتصاله بمؤمن ولكنه فجاة نهض من مكانها بصدمة:
مستشفى ايه يامؤمن
مؤمن عبر الهاتف:
.
مكاوى وهو يسحب مفاتيح سيارته:
طب انا جايلك حالا
قبل بعض الوقت
ما ان وصل مؤمن وهنا الى المشفى حتى حمل ملك على يديه ودلف بها مسرعا الى داخل المسشفى ثم استقبلتها الممرضات ووضعوها باحدى الغرف ودقائق ودلف اليها الطبيب
وبعد وقت قصير خرج من الغرفة..
مؤمن بلهفة:
مالها يادكتور هي كويسة
الطبيب:.
بص هي لازم تولد حالا قبل الجنين مايموت ويحصل لها حاجة لاقدر الله
هنا بصدمة:
دى في السابع
الطبيب:
ايه المشكلة كتير بيولودو في السابع الحمد لله انكوا لحقتوها لانها تقريبا وقعت وقعة جامدة اوى اثرت عليها
ثم نظر لمؤمن وقال باابتسامة:
كنت حاسس ان زى ماقولت لك خبر حملها انا كمان اللى هولدها
ما ان ذهب الطبيب حتى سقط مؤمن ارضا.
هنا ببكاء:
متقلقش يامؤمن ان شاء الله هتقوم بالسلامة هي واللى في بطنها ملك طيبة وبتحب ربنا وان شاء الله هينجيها
نظر لها مؤمن وبدات الدموع تترقرق في عيونه..
ليان بصدمة:
لا يامؤمن انا عمرى ماشوفت دموعك خليك قوى ياحبيبى زى ما انت
بعد وقت ليس بقصير حضر مكاوى..
مكاوى بصدمة وهو ينظر لمؤمن:
في اييييه ايه اللى حصل
مؤمن بصوت متعب:
مراتى بتولد جوا
مكاوى باابتسامة:
طب وانت خايف كدا ليه باذن الله هتقوم بالسلامة.
نظر له مؤمن ولم ينطق بحرف لم يكن قادر ان يقص عليه ماحدث.
ظل مؤمن وهنا على خوفهم ورعبهم على ملك التي دلفت الى غرفة العمليات وحاول مكاوى ان يزيل عنهم..
وبعد وقت طويل
فجاااااااااااة نهض مؤمن من مكانه سريعا حينما سمع صوت ابنه وبعدها بدقائق خرجت الممرضة من غرفة العمليات تحمل الطفل.
مؤمن بلهفة وهو ينظر للطفل:
هي ملك عاملة ايه
الممرضة باابتسامة:
الحمد لله هي زى الفل
ومبرووووك على البنوتة الحلوة دى تتربى في عزك
مؤمن بفرحة:
بنت، ملك جابت بنت الحمد لله يارب
هنا بفرحة اقتربت منها وقبلتها برقة بالغة:
دى صغنونة اووووى يامؤمن
مكاوى بفرحة لصاحبه:
مبروك يابابا مؤمن
كادت الممرضة ان تذهب حتى وجدت مؤمن يقول بلهفة:
انتى رايحة بيها فين
الممرضة باابتسامة:
ماتخافش هوديها الحضانة.
اوما مؤمن راسه بالموافقة فاحتضنته هنا بشدة التي ادمعت عينيه بفرحة بسلامة ملك وباابنته الجديدة حتى خرج الطبيب من غرفة العمليات
فااسرع مؤمن تجاهه بلهفة وخوف على ملك..
مؤمن بلهفة:
ملك كويسة؟ عاوز اشوفها
الطبيب:
الحمد لله هي بخير هي بس هتفضل في الاوضة دى شوية وبعدين هننقلها اوضة تانية وساعتها ابقوا ادخلوا اطمنوا عليها..
في الصباح في النادى
كان يجلس نادر يتحدث مع احدى الفتيات..
نادر:
هااااا فهمتى هتعملى ايه
الفتاة بدهشة:
اشمعنة نيفين مابلاش دى بالذات دى انور منير خاطيبها ونابه ازرق
وفيها قتلك دى
نادر بسخرية:
بقولك ايه هي هتيجى عندى وتقولى لا نفذى كلامى وخلاص
الفتاة:
طب اشمعنة نيفين قولى بس ماالبلد مليانة بنات وعلى مزاجك
انور باابتسامة خبيثة:.
لا عاوز دى عجبانى ومعششة في دماغى تقيلة كدا عليا بتيجى عندى وتقولى لا وبتتكلم معايا من مناخيرها انا عاوز اكسر لها مناخيرها دى
الفتاة:
خلاص ياعم طالما مصمم كدا اخلص لك الموضوع دا بس متنسنيش بقى
نادر:
عيب عليكى ما انتى عارفة نادر اد كلمته بس انتى خلصينى وحلاوتك في الحفظ والصون وعليهم بوسة.
في المستشفى كان مؤمن يجلس مع مكاوى بالكافتيريا يقص عليه كل ماحدث..
مكاوى بدهشة:
معقولة هو لسه في ناس كدا وبعدين والدتك ازاى تبقى مندفعة كدا وتسمع كلام البت دى وخلاص مش تسمعك الاول
معلش يامؤمن بس بردو في الاول والاخر اعذرها هي ام وكانت نفسها تفرح باابنها الكبير بفرح وكدا
مؤمن بتنهيدة قوية:.
جرحتها اوووى ياصاحبى متعرفش ان ابنها هو اللى غلطان وان ملك غلبانة اوووى واهلها بيرسموا لها خطط عشان يبوظوا لها حياتها منهم لله
مااستحملتش الاهانة اغمى عليها في ساعتها
مكاوى:
متقلقش يامؤمن حقها هيرجع لها قريب
اول ماتفوق كدا هحكيلك انا بعمل ايه
وحمد الله على سلامتها ومبروك على البنوتة الحلوة دى
اطلع انت دلوقتى اطمن عليها زمانها فاقت هي دلوقت محتاجة لك.
ما ان نهض مؤمن من مكانه حتى اخرج مكاوى هاتفه واحرى اتصال بنيفين..
مكاوى:
ايووووة ياانسة نيفين انا احمد مكاوى اسف لو بتصل في وقت مش مناسب
نيفين عبر الهاتف:
اهلا يااحمد خير في حاجة
مكاوى:
انا بجد محتاج اقابلك ضروى اوى دلوقتى حالا في نفس المكان اللى بتقعدى فيه دايما اللى على النيل دا
موضوع مهم اووووى مش مستحمل انى ااجله.