رواية أذلني ولكني أحببته للكاتبة مريم علي الفصل الحادي عشر
هنا:
ناوى على ايه يامؤمن مش مطمنالك عاوز من البت ايييه
مؤمن باابتسامة وهو ينظر على غرفتها:
عاوز احبها
نظرت له هنا باابتسامة فرحة ثم قالت:
على فكرة يامؤمن ملك كانت حابسة نفسها في اوضتها طول الوقت وهي بجد تعبانة ومبتبطلش عياط وكمان مش كانت عاوزة تخرج اصلا وانا اللى اصريت عشان تشوف البيبى عامل ايه ونطمن على صحتها عند دكتورة نورا
مؤمن:.
عارف انها مخرجتش من نفسها وانك انتى اللى عملتى كدا وهعديهالك المرة دى انتى كمان بس لو مكنتش عملت كدا كانت هتزعل
هنا بعدم فهم:
هتزعل، مين قالك كدا؟
مؤمن:
بصى ياهنا هي دلوقتى كرهاااانى وعاوزة تضربنى كمان
بس من جواها مبسوطة انها لقتنى مهتم راحت فين وجات منين
دا هيفرق معاها اوى لان الحب اهتمام
ياهنا دى خلاص نصى التانى مراتى رضيت بقى ولا لا.
المهم انه هيجى اليوم اللى تعرف فيه انا عملت كدا ليييه وساعتها هتحبنى بس بعد مااكون عشقتها
هنا وهي تتنهد بشدة:
ربنا يستر انا قلقانة عليكوا انتوا الاتنين
بس بجد بتمنى من قلبى انكوا تحبوا بعض وتعيشوا حياة روميو وجوليت وابقى غيرانة كدا من حبكوا
ابتسم مؤمن لهنا ثم نظر للطعام وقال:
انا هاخد اكلى وانتى خدى اكلكوا وادخلى لملك
دلفت هنا الى غرفة ملك فوجدتها نائمة على فراشها ومنهارة من البكاء..
هنا بحزن لحزنها:.
خلاص يالوكة بقى ماتزعليش نفسك مؤمن ميقصدش حاجة هو بس قلق عليكى ياحبيبتى
ملك وهي تشهق من البكاء:
شوفتى كان ماسكنى ازاى وبيخوفنى
هيعمل فيا ايييه تانى انا بكرهه ياهنا بكرهه
هنا وهي تاخذها في حضنها:
خلاص بقى يالوكة انتى سمعتى بنفسك الدكتورة قالت ان الزعل بيخلى جسمك هلكان وتعبان وان دا بياثر على البيبى
ظلت هنا تحتضن ملك بعض الوقت وهي تربط على كتفها بحنان حتى ابعدتها عنها ببط ونظرت لها وقالت:.
يللا عشان ناكل انا جايبة لك الاكل اللى بتحبيه
ملك وهي تمسح دموعها:
ايوووة يللا ناكل عشان انا جعانة اوى
هنا بضحك:
يامجنوووونة انتى مش كنتى لسه بتعيطى وزعلانة
ملك بطفولية:
اجوع يعنى واتعب واموت
هنا بضحك:
بعد الشر عليكى يالوكتى بالهنا والشفا..
بعدما انتهت هنا وملك من تناول طعامهم جلسوا يتحدثوا ويضحكوا كانت هنا تحاول ان تزيل الخوف والالم والتوتر الذي احتل ملك
و فجاة وجدوا باب غرفة ملك يدق..
ملك بخوف قالت بتلعثم في الكلام:
هو جاى تانى ليه هيزعق لى تانى
هنا وتحاول ان تكتم ضحتها:
لا ياحبيبتى متخفيش وبعدين انتى ليه محسسانى ان مؤمن هركليز دا طيوب خاااالص
نهضت هنا من مكانها وفتحت الباب..
مؤمن وهو يحاول ان يختلس النظر للداخل:.
انتى رخمة ليه مكنتش عاوزك انتى اللى تفتحى
هنا بضحك:
ماهى مكنتش هتفتح لك يامؤمن انت ياابنى راعبها
مؤمن وهو يتنهد بحب قال بدون شعور:
يابختك قاعدة بتتكلمى وتضحكى معاها
هنا بدهشة:
نعم..
مؤمن بحرج:
اقصد خدى الشيكولاتات دى ليكى وليها
ثم اشار الى احداهما وقال:
دى ليها ياهنا مش ليكى وخدى انتى التانية
هنا:
اشمعنة
مؤمن:
وانتى مالك اعملى اللى بقولك عليه وخلاص.
ما ان غادر مؤمن ودلفت هنا الى الداخل اعطت ملك الشيكولاته التي رفضت ان تاخذها في الاول الا بعدما علمت ان هنا من اشترتها..
ما ان فتحت ملك الشيكولاتة التي كانت مفتوحة سابقا حتى وجدت ورقة صغيرة بداخلها انتظرت الى نامت هنا حتى فتحتها وقرات مابداخلها..
( متبقيش تبصيلى تانى وانتى بتزعقى عشان عيونك حلويين اوووووى ولو هنا مش موجودة كنت عملت حاجة تكرهك فيا اكتر
انا بحبك على فكرة )..
خجلت ملك كثيرا حتى احمرت وجنتيها ودق قلبها بسرعة ولا تعرف السبب ثم خبات الورقة في مكان ما ونامت والابتسامة على شفتيها..
في الصباح استيقظ مؤمن على اتصال من مكاوى فارتدى ثيابه ونزل بعدما القى نظرة على غرفة ملك فوجد انهم مازالوا نائمين.
في احدى المطاعم على النيل كان مكاوى يجلس في انتظار مؤمن.
مؤمن وهو يجلس:
اتاخرت عليك
مكاوى:
براحتك انا لسه جاى من شوية وشربت قهوة بس مستنيك نفطر سوااا
مؤمن وهو ينظر في ساعته:
انتى متصل بيا بدرى ليه كدا
مكاوى بسخرية:
بدرى ايه يامؤمن امال انت بتروح شركتك امتى وبعدين قولت نفطر سوا بدل ماافطر لوحدى
مؤمن:
احسن بردو اطلب لنا فطار حلو كدا عشان عندى كلام كتير عاوز احكيهولك
طلب الاثنان الفطار وبدا يتناولوا اطراف الحديث..
مكاوى:
هااا بقى في ايييه
مؤمن وهو يتنهد بشدة:.
ليلة واحدة غيرت لى حياتى ياصاحبى
صمت مكاوى ليستمع له..
مؤمن:
عارف شركة صفوت جروب اللى اسمها كبير في السوق وطول الوقت بتنافس شركتى
مكاوى:
اكيييد دا كان صاحبها راجل شغله عالى اووووى
اسمع عنها كلام كبير الصراحة
مؤمن:.
الراجل دا كان شركته بتنافس شركتى من ايام مابابا اللى يرحمه كان ماسك الشغل الراجل دا مات هو ومراته من كذا سنة وساب الشركة لبنته الوحيدة وهي للاسف مبتفمش اى حاجة في شغل الشركة بعدها جه عمها ومراته وبنته عاشوا معاها ومن ساعتها وهما مسكوا الشركة وهي متعرفش اى حاجة عن شغل الشركة
المهم من كام شهر كان في صفقة المفروض اتمها مع الشركة دى تعرف بقى مين اللى مسئول عن الشركة دى والمفروض اتم الصفقة دى معاه.
مكاوى:
مييين
مؤمن بسخرية:
انور منير
مكاوى بدهشة:
مييييين، اكيد بتهظر
مؤمن:
انا كنت مستغرب زيك كدا ومفهمتش بيعمل ايه هناك بس لما روحت هناك لقيته في مكتب رئيس مجلس الادارة بنفسه
لا وايييه كان بيكلمنى بتعالى اوووى.
المهم قرر ان الصفقة دى مش هتم في الشركة وهتم في شقته وانا رحت هناك ويارتنى مارحت غدر بيا بالقوى شربنى مادة مسكرة يامكاوى حاجة كدا تغيبك عن العالم بس انت شايف كل حاجة قدامك تمام بس تخليك تغلط من غير ماتحس وبعدين سابنى هو والناس اللى كانوا معاه ونزلوا وبعدها بشوية لقيت بنت داخلة الشقة وبعدها، ثم صمت..
مكاوى وهو يتنهد:
هببت الدنيا طبعا
مؤمن وهو ينظر بعيدا:.
صحيت لقيتها متبهدلة جنبى وغرقانة في دمها جريت بيها على المستشفى وحالتها كانت فظيعة عياط وصريخ وبعد فترة وهي في المستشفى الدكتور بلغنى انها حامل
مكاوى بصدمة:
وعملت اييييه
مؤمن:
يوم ماكانت خارجة من المستشفى مشيت وراها لغاية القصر اللى عايشة فيه وسمعت الكلام اللى مراة عمها قالتهولها وقلبى اتقطع عشانها بوظت لها حياتها اكتر ما هي بايظة من غير مااحس
يومها طلبت الماذون واتجوزتها وعايشين في شقتى.
وطلعت بنت الراجل اللى كنا بتكلم عنه دا
مكاوى بغضب:
ياابن ال، ياانور هو منساش اللى حصل عاوز ينتقم وخلاص
الواد دا عاوز ييتربى بجد
مؤمن:
مخنوق منه خنقة سودة رحت له الشركة يومها وضربته وهددته انى مش هسيبه بس ولا اهتم
مكاوى:
كنت حاسس والله انه مش هيسيبك في حالك يامؤمن
بس والله لاجيب لك مناخيره الارض
مؤمن وهو يتنهد بشدة:.
انا لوكنت عاوز انسفه كنت عملتها بس انا عاوز اعرف الاول صفته ايييه عشان يمسك شركة بالحجم دا ودخلها ازاى اصلا
ومين سمح له يقعد في مكتب رئيس مجلس الادارة وعلى كرسيه
مكاوى:
والبنت حالتها ايييه دلوقتى
مؤمن وهو يتنهد بشدة:
كرهاااااانى اوى مش طيقانى
بس صعبانة عليا اوى يامؤمن مضوها على ورق تنازل عن الشركة والقصر بحسن نية وانا نفسى بس ارجع لها حقها
مكاوى بغضب:
ياولاد ال، هو لسه في ناس كدا.
ماتقلقش ياصاحبى باذن الله حقها هيرجع لها
مؤمن:
عارف يامكاوى بس بردو لازم اعرف ايه علاقة انور بالشركة دى وليييييه يخلينى اعمل في البنت دى كدا..
قطع حديث مؤمن جرس هاتفه الذي يدق برقم هنا..
هنا بصوت مضطرب:
الحق يامؤمن ماما رجعت من السفر..