رواية أحببت صخر للكاتبة ميادة مصطفى الفصل الثاني والعشرون
حسنات بصريخ: الحق يا ولدي هات الحكيمه لخيتك ولا يا نودوها الصحه
محمد بيحاول يفوق فبها مش بتفوق
محمد: اصبري اوقف توكتوك ولا حاجة تودينا الصحه الحكيمه هتيجي تاخد كتير
ايمان: اي حتاخد كتير روح وقف توكتوك
حسنات بتافف: لاحول ولاقوة الا بالله اخلصو طيب بتي هتموت مني
جري محمد وقف توكتوك: يالا التوكتوك علي باب الدار ظبطو هدومها دي اخلصو
حسنا ضبطت هدومها وركبوها التوكتوك وراحو علي الصحة.
محمد شيلها: لو سمحتو عايزين حكيمه
دخلو عند الدكتورة
حسنات بدموع: شوفي بتي يا ست الحكيمه وقعت لوحدها
الدكتورة: متقلقيش يا حجة هتبقي زينه
حسنات: يارب يارب اقف معنا
الدكتورة بتدات تفوف فيها وكشفتلها
الدكتورة: هو اللي جابها دا جوزها
حسنات: لا دا خيها الحمدلله هيا فات اهي
الدكتوره: الحمدلله طيب اني دلوقت شكه انها حبلة بس مفيش شي ظاهر عندي علي الجهاز لانها تقريبا لسه في الاول خالص.
رحيق بهمس: حامل يا وقعه مربره يانصيبتي
الدكتورة: في حاجة يا قمر
رحيق بدموع: لا مفيش يا ست الحكيمه
حسنات بفرحة: طيب وكيف هيبان يا ست الحكيمه
الدكتوره: هنعملها تحليل دم ونشوف وان مظهرش في الدم تجيلي اول بعد اسبوع
حسنات: طيب اعمليلها
الدكتورة: هاتي يدك يا جميل كدا
رحيق اديتها ايديها بدموع وبتدعي ربنا ان ميبقاش في شي
الدكتورة: - طيب تمام عشر دقايق بقي استنو.
حسنات: بتبكي ليه يا رحيق مفروض تكوني فرحانه دا هيرجعلك جوزك ليكي
رحيق: يرجعلي جوزي دا ممكن يخرب علي زياده سفيان مجاش جنبي غير مره واحدة يامه وممكن ميفهمش ان عادي ممكن يحصل حمل من اول مره وغير كدا مين قالك اني عايزه ارجعلو اني كرهته ومهرجعش ليه حتى لو ايه هو مهيحبنيش اصلا.
الدكتورة: نقدر نقول مبروك مبداءيا وبعد اسبوع تعدي علي نتاكد اكتر لان حتى في الدم ظهر بصعوبة وشرطه خفيفة جدااااااا بس هو بتاكيد حمل
حسنات: متشكرين جدا باذن الله الاسبوع الجاي نكون عندك
خرجت حسنات وسنده رحيق
محمد: ها في ايه هيا زينة دلوقت الحكيمه قالت ايه
حسنات: اختك حبلة
رحيق بنرفزة: ليه قولتي يا مه
محمد بعصبية: ليه مكنتيش عايزة تقولي يعني.
رحيق: اولا لاننا متوكدناش ثانيا لان معايزاش سفيان يعرف شي لاحسن يفكر اننا بنقول كدا عشان نخلي يجلنا
محمد: كيف معايزاش تعرفي يعني ومال تسكتي و بعدين يقول دا مش ولدي ايه مخك دا في ايه
رحيق: هيعرف بس مش دلوقت ارجوك يا خيي متقولش غير لما نتاكد
محمد: خلاص مهقولش بس اول ما تتاكدو هقولو ماشي
عند سفيان راجع البيت
سوسن بزعل: حمدلله علي سلامتك يا ولدي ايه كنت فين دا كله.
سفيان بخنقة: كنت في مشوار يا مه عن اذنك طالع انام عشان اروح المصنع الصبح فايق
سوسن: بس قولي الاول ايه اللي انت عملته دا ابوك زعل قوي من اللي حصل
سفيان: امه معايزش حد يجبلي سيرة الموضوع دا اقفلو زي اللي قبله
في بيت رحيق
ايمان استقبلت رحيق وحسنات و محمد: ها مالها فيها ايه بتدلع اكيد
محمد: طلعة حبلة
ايمان اتصدمت: حبلة هيا لحقت تحبل
حسنات بغيظ: صلي علي النبي ايه اللي هتقولي دا احنا لسه متوكدناش.
ايمات بتلوي بوقها: ليه هحسدها ولا هحسدها
حسنات بزهق: يا بتي اني قولت هتحسديها مانتي معاكي ماشاء الله عيلين بس احنا اسالي جوزك لسه متوكدناش
رحيق بتعب: اني هطلع انام
طلعة رحيق غرفتها وبقت تفكر في سفيان.
رحيق نايمه علي السرير وحطه ايديها علي بطنها وببكاء: اتوحشت بوك قوي اني احبه قوي لكن هو علي طول ظلمني قولتلو انت ظهري وانت سندي بس هو اللي علي طول يكسر ظهري اني لازم اقسي عليه شوي لا مقدرش اقسي عليه عشان احبه بس هو خلاص معايزنيش وطلقني واني في نظره خاينه واني عمره ماخنته والله عمري ولا حتى بتفكير وابتدت تبكي بحرقة اااااه يا قلبي ياللي علي طول حاطط بوزي في الارض بس انت لا يا سفيان.
في صباح يوم جديد علي ابطالنا
في بيت سفيان واقف بيلبس قدام المرايه افتكر رحيق
سفيان بيبوص علي الغرفة ويتخيل رحيق وضحكتها في كل مكان سفيات بيكلم نفسه: هو اني فعلا حبيتها ومكنتش حاسس بي هيا مش هتحبني هيا خانتني بس متنكرش انت حبيتها قوي هيا اللي قدرت تخليك تفتح قلبك من جديد لا دا وهم اني مهبحهاش ومعايزهاش
خرج سفيان بعد ما لبس من غرفته ونزل للاسفل
سوسن: كيفك يا ولدي اليوم
سفيان بزهق: الحمدلله زين.
سوسن: تعا صبح علي بوك وافطر معه
سفيان: معلش يامه صبحيلي علي واني هفطر في المصنع عشان متاخر سلام
سوسن بتبصلو وحزينة: سلام يا ولدي ربنا يريح بالك ويظهر كل شي
في بيت رحيق
ايمان بتصح رحيق: قومي يا خيتي وراءنا حاجات عايزة تتعمل ولا هتفضلي نايمه مانتي خدي علي الراحة وياريت طمر فيكي قومي
رحيق بتحاول تفوق: في ايه اني فين
ايمان: انتي في دار خييك مش في دار سفيان فوقي يا مدلعة
رحيق بدموع: اني فوقت اهو.
حسنات: ايه يا بتي متسبيها دي حبلة
ايمان بتشهق: ايه حبله
ماكلنا كنا حبل وكنا بنهد الارض ولا نسيتي
حسنات: بس انتي شايفها انها تعبانه كيف
رحيق بتعب: اني زينه يامه متقلقيش وقايمه اهو
في المصنع قاعد سفيان في المكتب مهموم
خبط الباب سفيان: ادخل
محمد: السلام عليكم سفيان بيه
سفيان ببرود: وعليكم السلام نعم عايز ايه
محمد: اني جيت اعرف من حضرتك افضل في المصنع ولا امشي.
سفيان: لو قصدك عشان موضوع خيتك فدا ملوهش دعوه بدا ولو انت عايز كدا براحتك مهمسكش فيك اني
محمد: لا اني قصدي عشان موضوع خيتي و كنت حابب اعرف سيادتك هتعمل ايه مع محمود
سفيان: وانت مالك اعمل اللي اعمله
محمد: لا معلش لازم اعرف لان خيتي هيبان الحقيقة من محمود وحقها هيرجعلها بس محمود سافر هنجيبو منين
سفيان ببرود: ماشي اني هريحك اني كلفت رجالتي يقلبو عليه البلد وبره البلد كمان وهيجي ويعني هيجي.
محمد: بس رجالتك هيعرفو كيف وانت معاكش صور ليه وكلها اتقطعت
سفيان ببرود وضحكة مستفزه: ودا شي يروح مني طبعا لا حطيت صوره في جيبي وقطعت الباقي اني مش اهبل
محمد: طيب تمام
في بيت رحيق
ايمان: شيلي السابت الهدوم دا واطلعي نشري فوق السطح واني هنشر الباقي هنا
رحيق بتعب: طيب اني تعبانة ومهقدرش اطلع بي فوق خليني اني هنا واطلعي انتي فوق
ايمان: ياسلام واسيب ولادي يقعو من علي السلم لا اطلعي انتي.
حسنات بحزن: هاتي يا بتي اني اطلع انشرهم فوق
رحيق: لا يامه اني هطلع ادخلي انتي لابوي شوفي مصحيش ليه عشان يفطور وياخد علاجه
في المصنع
سفيان بيتكلم في التليفون: يعني جبتو من قفا عايزكم تعملو معا الواجب لحد ماجي بس عايزكم تسبولي شوي من الواجب لي اطلع غلي في والاول واخد اللي اني عايز اعرفه مني وبعد كدا هسيبكم تكملو معا الواجب
في بيت رحيق
هيا فوق السطح بتنشر وتعبانه فجاة سمعت صوت صويت رميت الغسيل وجريت.
رحيق بخوف: في ايه في ايه
حسنات ببكاء: ابوكي مات يا بتي
رحيق: بوي بوي
في المخزن الخاص بسفيان الذي يوجد بيه محمود
رجاله سفيان: اهو يا باشا عدمنا العافيه تحب تكمل
سفيان ببرود: تؤ سيبو الباقي علي وابتدا يضرب في بكل غل وهستريا
محمود بتعب: ارحموني هموت اني عملت ايه
سفيان: سيبوني واطلعو بره لو احتاجتكم هنادي عليكم خلوني اقوله عمل ايه علي روقة
خرجت رجالة سفيان وهو طبعا خرجهم لان مش عايز حد يعرف بلموضوع.
سفيان رجع بغرور ضهرها لوراء علي الكرسي اللي بيجلس عليه وضرب محمود في وشه برجله
سفيان: يالا بقي احكيلي علي اللي حصل من غير ولا لف ولا دوران.