رواية أبو الرجالة للكاتبة شيماء سعيد الفصل التاسع عشر
لأ اوعي تفهمي غلط دي مراتي البت نوسة.
هل هو أحمق أم الوقاحة وصلت به إلى ما لا نهاية، أنهى جملته وتنفس بارتياح بعدما دافع عن نفسه أخيراً، أتسعت عيناها من الجملة يقولها بكل بساطة متزوج بغيرها بثاني يوم زواج بينهما، بدأت تتفقد ملامح تلك الفتاة من أول شعرها الأحمر الناري إلى لون الروج الغامق وفمها الذي يأكل علكة بطريقة أستفزتها، نزلت ببصرها حتى وصل إلى فستانها الأسود القصير.
ابتسمت بسخرية وقالت:.
مراتك؟
للحظة سأل نفسه هل قال على نوسة زوجته فعلاً؟ دفع نوسة للخارج ببعض القوة ثم أغلق الباب بوجهها، عاد لتلك التي تقف كما هي وقال ببراءة:
مش أنا حكيت لك عن البت نوسة قبل كدة؟
أومأت إليه وهي تقترب منه بخطوات بطيئة ليكن صادقا شعر برهبة من الخوف وعاد للخلف، ظلت تقترب وهو يبتعد حتى ضرب ظهره بالحائط، أبتلع ريقه بتوتر وأشار إليها لكي تبتعد عنه الا إنها فصلت المسافة بينهما ورفعت يدها لتضم شعر ذقنه بين أصابعها ثم جذبته بقوة مردفة:
اللي أعرفه إنك طلقتها إيه اللي جد بقى يا أستاذ؟
ضرب على رأسه وقال:.
الواحد بينسي حاجات غريبة، مش أنا رجعتها لما كنتي ناوية تتجوزي فريد، وقتها مكنتش حاسس بعمل إيه.
رسمت على وجهها إبتسامة ساخرة وشدت على شعر ذقنه أكثر مردفة بنبرة باردة:
وده بقى رسمي والا عرفي يا سيد الرجالة؟
عرفي طبعاً محدش إسمه معايا في قسيمة واحدة الا أنتِ يا بنت مرات أبويا.
أومأت إليه بنظرات باردة قبل أن تبتعد عنه قائلة:
تروح ترمي عليها اليمين وتديني الورقة أقطعها بأيدي بعدها بقى هشوف هعمل فيك ايه.
رفع حاجبه مثل الطفل الصغير وقال بضجر واضح على ملامحه:
تعملي فيا إيه؟ ليه مش أنا هطلقها وهبقي شاطر وبسمع الكلام.
آخر شيء تتمناه بتلك اللحظة شعورها بدقات قلبها إليه، ليس به ميزة واحدة ومع ذلك لديه قدرة عجيبة بالسيطرة عليها، يعلم هذا جيدا وبمنتهي الصراحة قال:
أنا مستعد أعمل أي حاجة ترضيكي يا هادية.
اهتز جدران قلبها من حلاوة الجملة حاولت إخفاء ضحكتها إلا أنها بالنهاية ظهرت ليبتسم هو مع شعور رائع بالانتشاء، سحبها من خصرها لتبقى بين أحضانه هامسا:
خلي الشمس تطلع بضحكتك الحلوة.
وضعت يديها حول عنقه مردفة:
بتعمل كدة عشان توصلي والا عشان تكمل معايا.
شايفة بينهم فرق؟
أومأت إليه قائلة بتأكيد:
الفرق كبير وأنت عارف كدة كويس، خاطر أنا مش عايزة أحبك كفاية عليك قوي إني أبقى مراتك.
صدم صدمة كبيرة من ردها، جعلته ينظر إليها بروح مهتزة، ترفض وقوعها بحبه لكنها تقبل زواجه منها، أخذ نفسا عميقا ومسح على خصلاتها مردفا:
وأنا مش هقرب منك إلا لما تحبيني يا هادية، حتى لو فضلنا كدة باقي عمرنا.
هقدر أعيش مع كل نزواتك وأنا مراتك بس لكن لو حبيتك وقلبي دق لك هبقي مستعدة أخرج بروحك لو فكرت بس في غيري مش قربت منها.
أومأ إليها بابتسامة أكثر من سعيد وهمس أمام شفتيها بنبرة دافئة:.
ده اللي أنا عايزه حبيني يا هادية.
المهم إنك أنت اللي تحبني يا خاطر.
ألقت الأعين بلهيب من حب بدأ يترعرع بداخل كل منهما، هو يريد الغوص بالغرام وهي رغم بوادر شعورها به ترفضه، رحلة عجيبة بين تلك العاصفة الهادئة وبين أحد أبناء أبو الدهب، ضمها لصدره بصمت وأغلقت عينيها بلذة هذه اللحظة.
اعتدل موسى بجلسته على الفراش بعد خروج الممرضة من عنده، نظر لأخيه مردفا:
سيف هات الموبايل بتاعي وانزل قول للممرضة دي تمشي مش عايزها تاني.
تعجب سيف من طلبه وسأله:
هي ايه الحكاية بالظبط يا أبيه حضرتك من أمبارح بتعمل تصرفات عجيبة.
نظر إليه نظرة واحدة كانت مثل الطلقة النارية ليقوم من مكانه مردفا بسرعة قبل ان يفر من الغرفة:
طلباتك أوامر يا باشا هو أنت أي حد.
أخذ موسى نفسه بهدوء، يعلم أن سيف الشخص الوحيد البريء بداخل عائلة الراوي، والدته مجرد صورة وبالحقيقة ليس لها أي شخصية أمام مايا وزوجها أما مايا لا يعلم كيف تكون شقيقته التي تربت على يديه وكانت ترفض النوم إلا بداخل أحضانه، ها قد أتى اليوم الذي اتفقت به مع زوجها ألد أعدائه على موته.
حرك رأسه بقليل من الصداع ورفع هاتفه وضغط على رقمها بعد عدة مرات أخيراً فتحت الأميرة الخط مردفة بهدوء:.
السلام عليكم مين معايا؟
أنا موسى الراوي يا فيروز.
إسمه بمفرده قادر على سلب ثباتها منها، شعرت برجفة لذيذة من نبرة صوته لتتنفس بشكل متوتر، وصل إليه صوت أنفاسها الخبير بأمور النساء ونفسها عالي أكبر دليل على تأثيره السريع عليها، إبتسم وسألها:
سمعاني يا فيروز؟.
يا ليته يصمت أو على الأقل لا ينطق إسمها بنبرته الرجولية التي تأخذ قطعة من روحها، حمحمت بتحشرج مردفة:.
أيوة سمعاك يا فندم، أتمنى تكون صحة حضرتك بقت أفضل.
معاكي نص ساعة وتكوني عندي في الفيلا هبعت لك السواق.
فتحت فمها لترفض هذا الأمر السخيف الا أنه أغلق الخط بوجهها بكل وقاحة، اتسعت عيناها بصدمة وغيظ من أسلوب هذا الرجل وقالت وهي تعيد الاتصال:
إيه الاستفزاز وقلة الذوق دي وكمان مش بيرد، ماشي أنا هروح مخصوص عشان أمسح بكرامتك الأرض.
بعد ساعة كاملة كانت تجلس بغرفة مكتبه بداخل منزله، عضت على شفتيها بغضب وهي تنظر للساعة، منذ عشر دقائق وهي بأنتظار قدومه، قامت من مكانها بنفاذ صبر ثم أخذت قلما من على مكتبه وكتبت على ورقة بيضاء:
الأسلوب ده عيب أوي وأوعى تكون فاكر إني جيت عشان جنابك طلبت كدة أنا جيت عشان أقل من قيمتك على قفل السكة في وشي.
وضعت الورقة على أحد الملفات وحملت حقيبتها حتى تذهب، أخيراً أتى ألقى عليها نظرة سريعة وجلس على مقعده المريح ثم سند ظهره وهو يقول:
أااه الواحد بيبذل مجهود رهيب على صحته، أقعدي يا دكتورة كنتي رايحة فين؟
انفجرت بوجهه قائلة:
كنت هروح لما تبقى تحترم ضيوفك ومواعيدك أبقى أطلب تقبلني وفي بيتي.
أشار إليها بالجلوس مردفا ببساطة:.
أقعدي يا فيروز وبطلي أوفر، أنا راجل واخد طلقة أمبارح بالظبط المفروض تطلعي تطمني عليا في سريري.
شهقت من وقاحته وقالت:
لأ بقولك إيه قلة أدب مش عايزة أنا شبعت من قلة الأدب اللي في الدنيا كلها.
نظر لتلك الورقة وقرأها بصوت عالي ثم أجابها بقوة:
محدش يقدر يقل من قيمتي ده انا أقل من قيمة بلدك كلها، اترزعي عايزك في موضوع مهم.
ردت عليه بعصبية:.
تصدق إن لازم يتقل من قيمتك فعلاً، لا يا عنيا أوعى تكون فاكر عشان دكتورة وبتكلم بأدب أبقى عيلة من بتوع مامي ودادي ده أنا فيروز فحاسب في الكلام معايا بدل ما أخلى رجالتك تدخل عشان تخلصك من ايدي.
أنتفض جسدها على أثر تصفيقه لها بإعجاب، رفعت حاجبها بتعجب لتجده قام من مكانه وجذبها إليه بحركة سريعة قائلا:
أهو أنا بقى هموت على حتة عشوائية كدة وأخيراً بقت قدامي.
عارف لو اللي فهمته صح هخلي.
وضع يده على فمها يمنعها من إكمال حديثها مردفا:
يوم الخميس الجاي الساعة تسعة معاد كويس؟
ده لايه إن شاء الله؟
لفرحنا.
أبتعدت عنه مردفة:
ومين قالك إني موافقة أتجوزك؟
نظر إلى ساعته ثم قال ببساطة:.
عندي أخت واطية جداً أول ما شمت خبر ليكي قررت تنزل كمان ربع ساعة بالظبط كام صورة لينا من قدام الشركة ومن القسم وكتبت تحتها عشقية جديدة لموسى الراوي بصراحة أنا أقدر أوقف المهزلة دي قبل ما تحصل بس أنا كمان زي أختي بالظبط عشان كدة هستغل الموقف وهنزل تأكيد للخبر، تحبي بقى في التأكيد أكتب خطيبتي والا عشيقتي؟