قصص و روايات - قصص رومانسية :

قصة وحيدة بدونك للكاتبة لولو الصياد كاملة الجزء الثالث

قصة وحيدة بدونك للكاتبة لولو الصياد كاملة

قصة وحيدة بدونك للكاتبة لولو الصياد الجزء الثالث

وقعت جميع الاطباق على الارض وتكسرت جميعها الى قطع صغيرة واصبحت هناك فوضى عارمه مما فعله يحيى وماذا اوصله لتلك الدرجه من الغضب ولما فعل ذلك...
الجده...بدهشه مما حدث...فيه ايه يا يحيى ايه اللى حصل علشان تعمل كده...
لم يرد...
ادهم ...يحيى انت كويس فى ايه...
يحيى ...ايه كل حاجه فى ايه شويه اطباق اتكسروا فى ستين داهيه ...

الجده...وانت فاكر انى بسالك علشان الفوضى والتكسير ده لا طبعا انا بسالك فيك ايه وايه اللى يوصلك للمرحله دى ...
ساره. ..يحيى حبيبي في ايه ..
كل هذا ونور تنظر ليحيى باستغراب رهيب مما فعله نعم توقعت رد فعل غاضب منه لكن ليس الى تلك الدرجه الغريبه وخصوصا انها لم تراه غضبان وعصبى بتلك الدرجة قبل ذلك. ...

يحيى ...خلاص هتعملوها حوار انا طالع اوضتى علشان اريحكوا وترتاحوا ...
صعد يحيى الى غرفته وسط نظرات الجميع المسلطه عليه ...
الجده وهى توجه الحديث الى ساره ...
الجده...اطلعى يا بنتى حصلى جوزك وحاولى تهديه شويه وتعرفى ماله...
ساره...حاضر يا جدتى ...

صعدت ساره خلف زوجها وجدته يدخن سجائر لأول مرة وبطريقه شرهه وكانه يطلع غضبه بها ...
ساره ...يحيى مالك انت من يوم ما رجعنا مصر وانت متغير جدا ومش عارفه ليه ...
يحيى ...مفيش حاجه ولو سمحتى ابعدى عنى دلوقتى ...

ساره بعند...لا لانى تعبت من يوم ما رجعنا وانا مستحمله وشايفه انك كل يوم بتتغير وبكدب نفسى بس كده كفايه بعد اللى حصل انهارده لازم افهم ده غير ان فى موضوع كمان عاوزه اكلمك فيه...
يحيى. ..بغضب ...قلتلك مفيش وبعدين نتكلم لانى مش فايق دلوقتى ..
ساره. ..وانا مش بلاقيك علشان نتكلم بالنهار فى الشركه وبالليل بتبقى قاعد معايا ودماغك فى حته تانيه يا بحيى ده احنا من يوم ما رجعنا وانت حتى مقربتش منى هو انا عملت حاجه غلط ...

يحيى ...لا يا ساره بس انا عندى ضغط شغل بس اليومين دول...
ساره. ..طيب يا يحيى نرجع نسافر تانى انا بصراحة مش واخده على هنا وزهقت ومش قادرة استحمل الملل ده ابدا عاوزه ارجع تانى بره ...
يحيى ...انا اتجوزتك وانتى عارفه انى هرجع بلدى تانى ووافقتى ...
ساره بحزن...وافقت لان انت وعدتنى بالسعاده والفرح وان عمرى ما هزهق ابدا ...

يحيى ...وانتى حياتك معايا ايه يا ست هانم جحيم مكنتش اعرف ...
ساره...يحيى انت بتتكلم كده ليه لو سمحت اتكلم باحترام ...
يحيى وهو يقوم من مكانه غاضب ...احترام ليه شايفنى متبعتر قدامك. ..
ساره. ..وهى تعطى لها ظهره ...واضح ان التعامل معاك مستحيل وتركته وخرجت من الغرفة. ..
اتجه يحيى الى التسريحه وقام بازاله كل ما عليها بعصبيه شديدة. ..
يحيى لنفسه ...بتتحدينى يا نور علشان عارفه انى مش هقدر أتكلم بس واضح انك متعرفنيش ...

دخلت نور غرفتها وكانت تفكر كيف سيكون رد فعل يحيى اذا بقيت معه وحدها فى اى مكان فالان وامام الجميع فعل ذلك فماذا سيحدث اذا كان استفرد بها لابد لى من تجنبه نهائيا هذه الايام حتى يهدا غضبه فلم يعد هناك سوى عشره ايام ويعود عمى وابى ويكونوا حمايه لى من غضب يحيى وعصبيته ...أخرجت هاتفها المحمول وقامت بالاتصال بحازم...

نور. .ايوه يا عم فينك...
حازم ...انا مع القمر بتاعى .
نور...بجد طيب افتح الاسبيكر ...
حازم ...اوك.. وفتحه...
نور...أمانى حازم انا نفذت الخطه وقولتلهم وحما ماحدث. ..
حازم...يا نهار اسود ده ممكن يموتنى ..
امانى ..بعد الشر عنك يا حبيبي. ..
حازم ...ايه قولى تانى...
نور ..طيب يا عم روميو وجوليت انا هقفل سلام وبكره نتقابل ..
اغلقت الهاتف وتذكرت نور حديثها مع حازم وطلبه منه وحديثها له ...

فلاش باك
حازم ...نور بصراحة انا عاوزك فى موضوع يخص امانى ...
نور..خير في حاجه...
حازم ...بصى يا نور من الاخر كده انا بحب امانى وعاوزك تساعدينى انك تقوليها انى بحبها وعاوز اتقدملها ..
نور اوكيه بس فى حاجه هطلبها منك بعد ما امانى توافق ...
حازم. ..انت تؤمر يا جميل ...
نور...ههههههههههه...

دخلت نور وصارحت امانى بمشاعر حازم وعلمت انها تحبه ايضا ووافقت على الخطبه وبعد العمل ذهب ثلاثتهم الى احد المطاعم وكانت امانى تشعر بحرج شديد. ..
نور ...بصوا انا عاوزه منكم طلب رزل جدا ...
حازم ..انتى تؤمرى ...
نور...بصوا ...انا مش عاوزه خطوبتكم تتم دلوقتى ...
أمانى بخضه...ليه. ..
نور با بتسامه ...متقلقيش يا اختى هى فتره بس لانى بصراحه عاوزه خدمه منكم مش هنساها ليكم طول العمر. ..
امانى .. ايه هى...

نور ...عاوزه حازم يعمل انه بيحبنى وهيخطبنى طبعا دى لعبه ومحدش هيعرف غيرنا احنا الثلاثه وهنمثل ده قدام الناس وبس ...
امانى . .طيب والسبب...
نور ...انى عاوزه اخلص من يحيى ابن عمى وتحكماته فيا ارجوكم ...
حازم ..ايه رايك يا منمون ...
امانى...طبعا لازم أوافق لان لولا نور مكنتش اجتمعت بيك ...
حازم لنور...انا موافق يا نور. ...
باك...

نور لنفسها. ...يارب سامحنى بس هو ده الحل الوحيد علشان يفضل مع مراته وكمان يبعده عنى لحد ما بابا يرجع ...سمعت نور صوت طرق على الباب ..
نور...مين ...
يحيى ...انا يا نور افتحى الباب. ...

يحيى ...افتحى يا نور ...
نور...عاوز ايه يا يحيى انا عاوزه انام دلوقتي وبصراحه مش عاوزه اتكلم ...
يحيى...بغضب ...قلتلك افتحى الاقسما بربى هكسر الباب ده واللى يحصل يحصل ...
نور خافت بشدة من رد فعل يحيى وتوقعت ان يفعل ذلك نظرا لرد فعله منذ قليل ...فتحت الباب ودخل بغضب واغلق الباب خلفه بعصبية. ..
يحيى بغضب. ..بعد كده متتصرفيش كده واما اقولك تفتحى تفتحى بدون نقاش انتى فاهمه ...

نور...خير يا يحيى عاوز ايه وكانت متوتره للغايه. ..
يحيى ...ايه يا هانم اللى قلتيه من شويه تحت عن الزفت اللى اسمه حازم ده...
نور...ايه هتجوز فى مانع...
يحيى ...تنجوزى ازاى يا ست هانم بعد اللى حصل بينا انتى عبيطه ولا هبله ...

نور...بغض النظر عن كلامك ده بس دى حياتى وانا حره واعمل اللى انا عاوزه...
يحيى ...ده لما اموت ان شاء الله ...
نور. ..انت عاوز تتجوزنى ليه يا يحيى بتحبنى مثلا. ..
يحيى بسرعه...لا طبعا انا مش بحب غير ساره وبس ومش هحب غيرها بس ده ما يمنعش انى لازم اتحمل غلطى وانى لازم اتجوزك حتى لو ليوم واحد علشان اللى حصل بينا...

نور. ..وانت ليه اخدت كلامى على انه جد مش يمكن بكدب عليك...
يحيى ..قصدك ايه...
نور...قصدى انى محصلش حاجه بينا وكل كلامى ليك كان كدب من الأول ومفيش اى حاجه حصلت بينا نهائى. ..
يحيى ..بغضب...وليه عملتى كده من الاول وقلتى على نفسك كده. ..

نور. ..كنت بنتقم منك وعاوزه احسسك بالذنب لان انت كنت عارف انى بحبك ورغم كده اتجوزت ساره حبيت اخليك تحس بالم زى ما انا حسيت ...
صفعها يحيى بشده على وجهها جعلها تسقط ارضا...
يحيى ...انتى سافله وواضح ان عمى معرفش يربيكى كويس والحمد لله انى متجوزتش واحده حقيره زيك وانى مغلطتش وربطت اسمى وشرفى بواحده كدابه وحقيره زيك ...

نور...متشكره يا يحبى بيه لو خلصت كلامك اتفضل اخرج بره اوضتى ...
يحيى ...انا خارج لانى ميشرفنيش انى اكون مع واحده زيك ابدا ..
نور...احسن برده وياريت من انهارده ملكش اى دعوه بيا نهائى وكانى مت ومش بنت عمك نهائى ...
يحيى. ..متقلقيش هو ده اللى هيحصل ...وخرج وصفع الباب خلفه بقوه شديدة...

بعد خروجه وضعت نور يدها على وجهها مكان صفعه يحيى وشعرت بالم جسدى ونفسى شديد من اهانات يحيى لها ولكنى كذبت عليه وقلت له ذلك حتى لا يشعر بذنب تجاهى ويبتعد عنى فبعد سؤالى له هل تحبنى فرد لا لم أستطع سوى ان اكدب عليه لا يمكننى الزواج منه سوى ليصلح خطئه معى فقط لا يمكن ان افعل ذلك فانا تمنيت طوال عمرى ان يحبنى ويتزوجنى من اجل الحب ويكون لى وحدى وليس لى اى شريك به لا يمكن ان اكون انا رقم اتنين فى حياته وكان بمكننى تقبل ذلك لو أن لى ولو مكتن صغير فى قلبه لكن الان أصبحت في نظره مجرد كاذبه وحقيره واصبح يكرهنى اكثر من السابق بكثير وأصبحت فعلا وحيده بدونك يا يحيى وانفجرت فى بكاء مرير ليس من صفعه يحيى ولكن مما تشعر به من تحطم قلبها ولكن لقد اتخدت قرار ولن اعود فيه عندما يعود والدى سوف اخبره به واتمنى من الله ان يوافق...

رجع يحيى الى غرفته وهو يشعر بفوران فى دمه وكان احد قام بضربه على راسه كيف لتلك الفتاه ان تتلاعب بى وكانى طفل صغير وجد يحيى زوجته ساره تخرج من الحمام وتلف حول جسدها فوطه الحمام وشعرها مبتل كانت مغريه الى حد بعيد اقترب منها يحيى ونزع عنها الفوطه وقام بتقبيلها بعصبيه وقوه ورغم استغراب ساره لتلك الطريقة التي يعاملها بها يحيى الى انها لم تعترض وجارته فيما يقوم به وحملها الى السرير و...

جاء الصباح على طاوله الافطار الكل مجتمع الجده ةساره ويحيى وادهم ونور...
نور موجه الكلام الى أدهم اخوها...
نور...ادهم انا معنتش هاجى ادرب بس زميلى هيكملوا...
ادهم ..ليه يا نور ...
نور...اصلى مش فاضيه عندى مذاكره كتير بس لو سمحت خلى بالك من زميلى ...
ادهم ..اوك زى ما تحبى ...

كان يحيى يستمع الى كلام نور دون حديث نهائيا وشعر بالارتياح الى ذلك فعلى الاقل لن يضطر الى الحديث معها نهائيا ولن يستطيع التحكم فى أعصابه. ..
نور...في حاجه كمان عاوزكم تعرفوها علشان انا متعودتش اكدب عليكم...
الجده. ..خير يا بنتى فى ايه قلقتينى ...
نور...احم بالنسبه لموضوع امبارح بتاع حازم انا كذبت...

ادهم...اللى هو ازاى يعنى مش فاهم ..
نور...حازم مش هبخطبنى ولا انا هتجوزه يحيى بيحب امانى صحبتى وهيتخطبوا قريب وانا قلت كده بهزار بس...
الجده..كده يا نور مش عيب الكلام ده دى اللى انا ربيتك عليه...
يحيى وهو يقوم من غلى السفر ويتحدث بسخرية. ..واضح ان الكدب بئه طبع عندها كل حاجه عباره عن كدبه ...
نور...بحزن ..انا اسفه ليكم واوعدك يا جدتى مش هتكرر ...
يحيى ...هههههه معتقدش ...

نور...بعصبيه وهى تقوم من مكانها ...انت مالك انا اصلا موجهتش ليك كلام كل خاجه تتريق انت ايه معندكش احساس مالك ومالى بتدخل ليه في اللى ميخصكش أما شىء بارد صحيح...
يحيى. ..انت بتكلمى مين كده يا بت انتى انتى اتجننتى ولا عقلك فوت واضح انك عاوزه تتربى من اول وجديد ...

الجده بصوت صارخ...بس انتم الاتنين كفايه كده وانتى غلطتى يا نور عيب تكلمى ابن عمك كده ازاى تقوليله الكلام ده على الاقل تحترمينى وتحترمى فرق السن بينك وبينه وكمان تراعى ان مراته موجوده. ..
ساره...محصلش حاجه يا جدتى نور بس زعلانه انها كدبت ويحيى غلط انه بيتريق...
يحيى ...بغضب ...تعرفى تنقطينى بسكاتك واللى ليكى فيه ادخلى فيه ...
ساره..انا اسفه وقامت مسرعه وعيونها مدمعه وصعدت الى غرفتها...

الجده...انت مالك يا يحيى اتغيرت وبقيت عصبى وبتتعامل مع الكل بقله ذوق...
ادهم ...مالك يا ابنى كده تجرح مراتك...
يحيى ...محدش يدخل بينى وبين مراتى محدش ليه دعوه دى حياتى الخاصه ومسمحش لحد مهما ان كان انه يتدخل ...وجد يحيى صفعه شديده تنزل على وجهه من الجده جعلت الكل يفتح فمه من الدهشه لما حدث ...

الجده. ..القلم ده علشان تفوق وتعرف ان اللى يعيش فى البيت ده مهما ان كان لازم يحترم اللى فيه وتطلع حالا تعتذر من مراتك ومسمعش تانى حكايه حياتى الخاصه دى تانى انت فاهم يا ولد ...
نظر يحيى فى الارض دون ان يتحدث نهائيا ...
ادهم لاحظ شحوب وجه جدته بشده ولاحظ انها تمسك بقلبها ...
ادهم ..بقلق ...جدتى مالك انتى كويسه ...

الجده وهى تجلس على الكرسى بتعب ...اه حاسه بتعب جامد اوى اه اه...
يحيى ...اطلب الدكتور بسرعه يا ادهم ..
نور ببكاء وهى تمسك يد جدتها ...انا اسفه يا جدتى سامحينى ارجوكى انا السبب معلش اسفه ...
الجده...متقلقيش يا حبيبتي انا كويسه طلعنى اوضتى يا يحيى...

حمل يحيى الجده الى غرفتها وظل الجميع جولها الى ان جاء الطبيب وكشف عليها وقال انه مجرد تعب بسيط فى القلب ومنع عنها الانفعال نهائيا وطلب منهم الراحه لها نهائيا ذهب ادهم مع الطبيب وساره ذهب لاعداد شوربه خصار للجده بينما ظلت نور ويحيى وحدهم مع الجده النائمه وكانت نور تبكى بشده جعلت يحيى يشعر بالشفقه تجاهها...

يحيى ..متقلقيش هتكون كويسه ان شاء الله ..
نور...يارب...
كان يحيى يتجه للباب ليخرج عندما سمع صوت نور تقول...
نور...يحيى استنى ...

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W